atuagkiortup sujuleĸutsiússâ

ajorteĸángíkatdlarmat Adamip píngortitsissigissane akornuteĸarane oĸaloĸatigissarpâ. kisiane inuit uniorĸutitsin.ermikut Gûtimit avigsâramik taima pivdluarĸussautigiungnaerput. taimáitordle utertitaunigssap aulajangersarneĸarnera nâpertordlugo nunamiûssugut ĸilangmut atássuteĸarsínauvugut. Gûtip inuit anersâmigut oĸaloĸatigissarsimavai, sarĸumersitaisigutdlo kivfamigut ĸinigkamigut túniússaisigut silamiut ĸáumarsarneĸarsimáput. "anersâvdle ivdlernartup pisingmatik inuit Gûtimit oĸalugput." (2 Pîtr. 1, 21).

silamiut ingerdlausiéne ukiut 2500 sujugdlît ingerdlaneráne agdlagsimassunik sarĸúmersitaĸángilaĸ. Gûtimit ĸáumarsagausimassut ilatik ajoĸersortarpait, atâtaussutdlo ernitik ilíniartítarpait.

oĸautsit agdlagtorneĸalerput Môrsasip nalâne, taimane Gûtip sarĸúmiússai Gûtip atuagautâne agdlagtorneĸalerput. suliaĸ tamána sivisûmik ingerdláneĸarpoĸ, Môrsasip agdlagaisa agdlangneĸarneranit ukiune 1600-ne, Juánasip agdlagai naggasiutigalugit.

Bíbile Gûtimit atuagkiarineĸarpoĸ, nauk inungnit agdlagtugaugaluardlune, atuagkiortuisa ássĩgingitsut píssusê nalunaerdlugit. sagdlusuíssutit sarĸúmiúneĸartut tamarmik "Gûtip anersârneranik ilaĸarput" (2 Tim 3, 16), taimáitordle inuit oĸausê atordlugit nalunaerutigineĸardlutik. Gûtip táunaujuartup anersâmigut iluartúkut kivfane ĸáumarsarsimavai. singnagtugkanik, takordlûgagssanik ássersûtinigdlo tunissarsimavai, angutitdlo taimatut sagdlusuíssutinik sarĸumersitsivigineĸartut nangminêrdlutik erĸarsautit inugtut oĸausertalertarsimavait.

inatsisit ĸulit Gûtip nangminêrdlune oĸautigai agssangminigdlo agdlagtordlugit. tássáuput Gûtip tuníssutai inungmit pilersitáungitsut. taimáitordle bîbilip sagdlusuíssutaisalo Gûtimit inungnitdlo pissut. kátúsimavât. katiguneĸ taimaitoĸ Kristusip píssuserâ. Gûte atâtagalugulo inûp ernerâ. taimaingmat oĸarsinauvugut "oĸauserdlo uviníngorpoĸ akornavtínîlerdlunilo". Juan. 1, 14.

bîbilime agdlagkat ukiune assigĩngitsune agdlagáuput angutinit ássigĩngeĸissusilingnik silatússusilingnit anersãkutdlo ássigĩngeĸissumik pigínaunilingnit. Taimáitumik agdlagkat imarissaĸarnermíkut píssutsimíkutdlo ássigĩngeĸaut, atuagkiortut ássigĩnigitsut oĸautsinik ássigĩngitsunik atuissarsimáput, sagdlusuíssutdlo taunaussoĸ ĸavsítigut ardlãnit ersserĸaringnerussumik sarĸúmiuneĸartarpoĸ ilaisa sarĸumiussineranit. atuagkiortutdlo ardlagdlit oĸalûserissagssaĸ táunaussoĸ ássigĩngitsunik pissuseĸardlutik atugaĸardlutigdlo agdlautigissarmássuk atuartoĸ soĸutigissaĸaranilo isumagssaminik aulajangêrêrsimassoĸ isumaliorsinauvoĸ akerdlerîgtoĸarsugalugo, nauk atarĸingnigdlune erĸarsardluardlunilo atuartup atuagkap ilũngarme ârĸiagĩssusia pâsivdluarsínaugaluarâ.

sagdlusuíssut inungnit ássigĩngitsunit sarĸumiuneĸarame ássigĩngitsumik sulíssutigineĸarpoĸ. atuagkiortut ilâta sulíssutigissagssap ingmíkôrtua atauseĸ sákortûmik kivdlíssutigisimasínauvâ. ingmíkôrtut misiligtagkaminut sigssuigkaminutdlo nalerĸútut oĸalûserísavai. atuagkiortup avdlap ingmíkôrtoĸ avdla sulíssutigisimásavâ, tamarmigdlo tarnimíkut anersâp iluartup ajoĸersuineragut kivdlíssutiginerussatik sarĸúmiutísavait. taimaingmat tamarmik ingmíkut sagdlusuíssut ássigĩngitsumik píssusilingmik sarĸúmiútarpât. tamatigutdle ataĸatigîgdluínarneĸarpoĸ, sagdlusuíssutitdlo taimatut sarĸúmiúneĸartut nãmagdluínartumik atausiúput inûp inûnermine misiligtagainut atugainutdlo nalerĸutdluínartumik.

Gûtip iluarisimavâ sagdlusuíssutse inuit avĸutigalugit silamiunut nalunaerutigísavdlugit, nangminêrdlunilo taimatut suliaĸarnigssãnut piginãngorsarsimavai. erĸarsautigssáinik ajoĸersortarsimavai sunik oĸalungnigssamingnik agdlagaĸarnigssamingnigdlo aulajangîsitdlugit. erdlingnartût tamána ĸajangnartunut pâritíneĸaraluarpoĸ, ĸilangmitdle pisimavoĸ nalunaerut inuit oĸausîsigut nãmángitsutigut nalunaerutigineĸaraluardlune taimáitordle Gûtimit nalunaerutauvoĸ, Gûtivdlo ĸitornaisa nâlagdlutigdlo ugpertut nâlangnássutâ saimáunermik sagdlusuíssúmigdlo ulivkârtoĸ takuvât.

Gûtip oĸautsimigut inuit pissariaĸarneratut ánássutigssaĸartípai. agdlagkat iluartut piumassâta sarĸúmiúneĸarneratut tatiginardlunilo ĸúĸunaviángitsutut ilagsissariaĸarpavut. "agdlagkat ivdlernartut tamarmik Gûtip anersârneranik ilagdlit atortugssáupútaoĸ ajoĸersûtauvdlutik inerterĸutauvdlutigdlo iluarsiartûtauvdlutigdlo ilu-arnermutdlo perorsautauvdlutik. inuk Gûtip pigissâ ineritdluarĸuvdlugo ajúngitsuliornernutdlo tamanut pigínãngorsagaorĸuvdlugo." 2.Tim16,17.

Gûtivdle oĸautsimigut piumassane inungnut nalunaerutigtsimagaluarâ anersâp iluartup najũnigssâ ajoĸersuiuarnigssâlo pissariaerutíngilaĸ. tamatumale akerdlianik ánáussissivta neriorssorpâtigut anersâp oĸauseĸ kivfaminut angmasagâlusôĸ, ilisimássutânik atmnigssamut ersserĸigsumik ĸáumarsardluta. Gûtivdlo anersâvata bîbile anersârtorfigisimagpago anersâp ajoĸersûtâ oĸautsip ajoĸersûtânut akerdliusínáungitdluinarpoĸ.

anersâĸ túniúneĸángilaĸ túniúneĸásángisáinardlunilo bîbilimut taortigssatut, agdIagkanime ersserĸigsumik oĸautigineĸarpoĸ ajoĸersûtit misiligtagkatdlo Gûtip oĸausiagut misilingneĸartásassut. apustile Juánase oĸarpoĸ: "anersât sûtdlũnît ugpereĸinasigik, kisiáne anersât Gûtimit pisimanersut misiligsigik; pruvfîtiorĸusersúme amerdlasût silarssuarmut autdlarput." (1 Juán. 4, 1) Isaia nalunaerpoĸ: inatsisinigtoĸ; nalunaiaumigtoĸ. taima oĸángíkunik ĸaulersup nuivfigíngisai." Is. 8, 20.

anersâp iluartup suliâ nikagineĸartarsimavoĸ inuit ilaisa támarsimanerisigut. táussumanga ĸaumarsagaunerartarput Gûtip oĸausîsigut ajoĸersorĸigtariaĸángínerardlutik. misigíssutsinit nâlagkersugaussarput tássaunasugalugit Gûtip tarníkut nipâ. anersârdle nâlagarissât Gûtip anersâríngilâ. taimatut misigíssutsit nâlagaralugit agdIagkatdlo ĸimatdlugit támartitaunermik kinguneĸáinartarpoĸ. anersâp iluartup sulinera Kristusip ilagîgsortainut taima pingârtigingmat Sâtanip inuit ingassáussinerisigut âpakorniarnerisigutdlo nikanarsarumassarpâ, nakússagsautigssaĸ Gûtip nangmineĸ túniússâ ínugtainit atorneĸarĸunago.

Gûtip oĸausia nâpertordlugo anersâva suliungnaertugssáungilaĸ îvangkîlio atũtitdlugo. anersârdlo iluartoĸ testamentitoĸaĸ testamentitârdlo inerêrnerisigut inungnik atausiákânik ĸaumarsaiungnâingilaĸ. bîbilip nangmineĸ nalunaerfigâtigut inuit anersãkut iluartúkut mianerssorĸussaussarneránik inerterneĸartarneránik ajoĸersorneĸartarneránigdlo agdlagkanut túngángíkaluartútigutaoĸ. pruvfítîtdIo ukiut ingerdlanerisigut tákútarsimassut oĸausîle agdlagtorneĸarsimángitsut erĸartorneĸarput. taimatut anersâĸ iluartoĸ suliuartugssauvoĸ mianerssorĸussivdlune agdlagkatdlo ivdlernartut inerêrnerisigut Gûtip ĸitornainik tugpatdlersaissardlune.

Jîsusip ajoĸersugkane neriorssorpai anersâmik iluartumik tuniumavdlugit. "igdlersuissuvdle anersâp ivdlernartup, atâtap ativkut autdlartitagssâta, táussuma tamanik ajoĸersúsavâse." "anersârdle sagdlusuitsoĸ ivna tikiúkune táussuma ilumôrnermut tamarmut tasíssersũkumârpâse piumârtugssatdlo ilivsínut oĸautigísavai." (Juán. 14, 26; 16, 13) agdlagkanit nalunangilaĸ neriorssûtit táuko Kristusip ilagîgsortainit pigineĸartuásassut. ánáussissup tusarnârtine oĸarfigai: "uvdlut tamaisa najorpavse silarssûp naggatigssânut agdlât." (Mat. 28, 20). Paulusilo oĸarpoĸ anersâp tuníssutai sarĸúmiússailo tuniúneĸarnerardlugit "iluartut nãmagtungorĸuvdlugit, kivfartûtigssaĸ suliarerĸuvdlugo, Kristusip timâ ineriartorterĸuvdlugo, tamavta apûtserdluta atausiússusigssamut, ugpeĸatigîgdluta Gûtivdlo erneranik ilisarsseĸatigîgdluta, angut inersimassoĸ nagdlersimavdlugo, Kristusip tamákigaisa angíssusiat nagdlersimavdlugo." Evf. 4, 12, 13.

apustilip Evfisumiut ugpertut ima Kínúpai: "Nâlagkavta Jîsusip Kristusip Gûtianut atâtamut nâlangnássusilingmut tunerĸuvdluse anersâmik ilisimatitsissumik sarĸúmersitsissumigdlo táuna ilisarilerĸuvdlugo, ũmativsilo issait ĸúumarsarĸuvdlugit ilisimalerĸuvdlusiuk sunaussoĸ ĸaerĸussaisa neriugissagssât, sunaussordlo kingornússarititaisa nâlangnangârssusiat iluartune, sunaussordlo píssaunerata angíssusia angingâĸissoĸ uvavtíne ugpertune nakũssusiata píssauniligssûp súnîneragut." (Evf. 1, 17-19). imáipoĸ Paulusip ĸínúpai Gûtip anersâvata kivfartũssineragut ĸáumarsagaorĸuvdlugit tarnitigdlo Gûtip oĸausísa itissusînut angmaterĸuvdlugit.

Gûtip anersâva tupingnartumik pînsime sarĸúmerêrmat Pîtruse oĸaorĸĩgsârivoĸ inuit avdlamik isumatârĸuvdlugít kuiserĸuvdlugitdlo, oĸarpordlo: "tauva anersâp ivdlernartup tuníssutâ pigilerumârparse, ilivsime ĸitornavsilo únersût pigssarârse, tamarmigdlo ungasigsumĩtut Nâlagkap Gûtivta tássunga ĸaerĸujumassaisa." ap. sul. 2: 38, 39.

ajúngitsup ajortuvdlo akũlnerssuat ingerdláneĸartuasaoĸ sáimáussiviup nãmagsinera tikitdlugo. Sâtanip Kristusip ilagîgsortai ĸinugítuáinarsimavai, Gûtivdlo ínugtane anersâmigut nakússagtítuarsimavai sáimáutuardlugitdlo ajortumit ajugauvfigineĸarĸunagit. Kristusip ajoĸersugaisa îvangkĩlio silamiunut pajugutiginiagagssarât kinguârítdlo iluaĸutigssãnik agdlatagssaralugo, taimáitumik táuko pingârtumik anersâmit ĸáumarsagausimáput. ilagît ánagdluínarfigssât nagdliutilerpat Sâtane tamaviârumârpoĸ. "erĸanaĸ nuna imardlo, Diâvulo ilivsinut arĸarmat kamagtorssûvdlune, pivfigssakíssutse nalúngínamiuk." (sarĸ. 12, 12). "súnîumârpoĸ nalingínarnik kivdlingnartulianik nalunaerĸutinigdlo tupingnartulianigdlo sagdlunernik." 2 Tás. 2, 9. ukiune 6000-ne Diâvulo aserorsainiardlunilo támartitsiniarsimavoĸ, píkoríssutsilo pigínáussutsilo taillât atorniarumârpâ akiũnerup naggatâne. ukiune navianartulingne tamákunane Kristusip maligtigissaisa Kristusip tikiuterĸingnigssâ nalunaiautigísavât, ínugtagssatdlo piarêrsarneĸásáput tikiugpat atasínaussugssat ínardluitdlutik agssuarnaitdlutigdlo. (Pîtr. 2, 3, 14). taimaníkugssaĸ Gûtip sáimáunera nakússagtitsineralo apustilit nalãnit pissariaĸángínerúsángilaĸ.

anersâp iluartup ĸáumarsaineragut ajortup ajúngitsuvdlo sivisôrssuarmik akiũnerat uvavnut atuagkamik matumínga atuagkiortumut pâsitíneĸarsimavoĸ. ilãníkut sáimáuneĸardlunga Diâvulup Kristusivdlo akiũnerat ukiorpagssuit ingerdlanerisigut ĸanoĸ ingerdlasimanera pâsissarsimavara. Diâvulup sujugdliuvdlune Gûtip inatsisâ iluartoĸ uniorĸutísimavâ, sôrdlulo Gûtip inatsisâ akerartorsimagine, taimatut Kristuse maligtigissailo ûmigssorsimavai sagdluliorníkut támartitsiniardlune, sagdluliat ilumôrneriut issíkulerniardlugit, taimailiorníkut inuit inatsisiliait Gûtip inatsisânut taorsiuniardlugit, píngortitsissoĸ pínago píngortitaĸ inungnit mianerineĸarĸuvdlugo. Sâtanip sagdluliordlune sujunertariuarsimavâ Gûte asaneĸarĸunago kisiáne ersigineĸarĸuvdlugo ûmigineĸarĸuvdlugulo. Gûtip inatsisâ ĸimagtiniarpâ piumassai inungnit soĸutiginêrúniartitdlugit. ûmigssuinermine sagdluliornerminilo akerdlilîssut ukiorpagssuit ingerdlanerisigut akerartortuarsimavai. tamána utorĸaunertat, pruvfîtit, martêrit nâggârtutdlo oĸalugtuarissaunerisigut takuneĸarsínauvoĸ.

naggámik akiũnigssarssuarme Sâtanip píssutse avdlángortínago sujunertarissanísaoĸ avdlángortínaviángilai. pissoĸarumârpoĸ sôrdlo pissoĸartarêrsimassoĸ, kisiáne akiũnigssame piumârtugssame aitsât taima sukangatigissumik akiũneĸarumârpoĸ. Sâtanip támartitsiniarnere ilungersornerulerumârput akiũneralo sákortusiartordlune. ajornángigpat ĸinigkat támartíkumasávai. Mák. 13, 22.

Gûtip oĸausiata sagdlusuíssutit pingâĸissut tarninut angmáusimangmagit perêrsimassutdlo piumârtugssatdlo pâsinarsisitdlugit, taimáitumik perĸusimavânga uvavnut sarĸúmiúneĸartut inoĸativnut nalunaerutigerĸuvdlugit, sôrdlo uvavnut nalunaerutigineĸarsimassut - perêrsimassut oĸalugtuarerĸuvdlugit, pingârtumigdlo ima oĸalugtuariniarĸuvdlugit sujunigssame akiũnigssarssuaĸ taima pilertortigissumik nagdliutilersoĸ navsuiautigineĸarĸuvdlugo. taimatut sujunertaĸardlunga ilagît oĸalugtuarissauneráne pisimassut ima tugdlerîârniarsimaváka sagdlusuíssutit pingâĸissut silamiut misilingneĸautigssãnik túniúneĸartut ingerdlasimanerat takuneĸarsínaorĸuvdlugo - sagdlusuíssutit Sâtanip kamautigissai silamiorpalugdlutigdlo ilagít akerartugait, pârineĸarsimassutdle nalunaiaissunit inûnermingnik erdligissaĸángitsunit.

oĸalugtuanit táukunánga akiũnerssûp issigissavta sujunigssame ĸanoĸ ingerdláneĸarumârnigssâ takusínáusavarput. Gûtip oĸausianit ĸáumarsagauvdluta ajortup pilerssârutipilue ulêrsínauvavut navianartutdlo pâsivdlugit inûp kialũnît ĸimarratigissariaĸagai Nâlagkap tikiúnigssâne agssuarnáikumagune.

pisimassut pingârtut iluarsaerĸingnerup ingerdlarêrnerane pisimassui histôriame oĸalugtuarineĸarput. nâggârtune silarssuarme sumĩtunilũnît naluneĸaratigdlo ĸularutigineĸángitdlat, pisimassuviúput kialũnît agssortorneĸ sapigai. pisimassuvît pissariaĸarneratut nailisariariaĸarsimáput. histôriamik atuagkiortup pisimassut naitsumik navsuitsumigdlo oĸalugtuarisimassarângagit oĸausê íssuartarsimaváka. taimatutaoĸ nalivtíne ajoĸersuiartortitat oĸausê ilâtigut íssuartarsimaváka tamatigutdle atuagkiortoĸ taissángíkaluardlugo.

atuagkap matuma sagdlusuíssutit ukiunilo ĸângiuterêrsimassune perêrsimassut erĸartortaraluardlugit pingârnerussumik sujunertarâ píssusiviussut píssutigssatdlo piumârtugssanut súniuteĸartugssat navsuiarumavdlugit. perêrsimassunigdle oĸalugtuat tamáko nutâmik isumaĸalísáput píssaunerit ĸaumassut târtutdlo akiũnerata ilamernisut ĸimerdlôráine. inuit avĸutigssait ĸáumarsásavait iluarsaerĸingniartut iliornerátut ĸaerĸussaussut Gûtip oĸausînik nalunaiaissugssatut, nunamilo pigissamingnik tamanik ánaissaĸásagaluarunigdlũnît Kristusip nalunaerutânik nalunaiaissugssat.

atuagkap matuma sujunertarâ sagdlusuíssutsip támartitsissuvdlo akiũnerat oĸalugtuariniasávdlugo, Sâtanip támartitsiniarnera ulêrniásavdlugo navsuiautigísavdlugulo ĸanoĸ iluagtítumik akiorneĸarsínáusassoĸ, ajortumik aperĸut nãmaginartumik akísavdlugo ajortivdlo pilerĸârnera ĸáumarsautigísavdlugo, naggatâgut ĸanoĸ pineĸarnigssâ oĸiautigísavdlugo, Gûtip iluássusia avâgingníssusialo sarĸúmersitdluínardlugo, inatsisâtalo iluardluínartumik píssuseĸarneea Gûtimitdlo pinera takutísavdlugo. atuagkiortuvdlo ilungersortumik ĸínutigâ tarnigdlit atuagkap matuma súnîneragut târtup píssauneranit aniguisitauvdlutik iluartut kingornusseĸatigísagait, asangnigdlune uvavtínut túniutup ĸaumaneranik kingornússeĸatauvdlutik.

Healdsburg, California mâjime 1888.

E. G. W.