naĸiterisitsissut sujuleĸutsiûssât

íngilit píssusererĸâgartik aulajangerfiginago kimangmàssuk" (Jût. 6) pingârtortâta akiunerssuaĸ fimîlârnaĸissoĸ Gûtip píngortitarssuane autdlarnersípâ.

iluartut iluaitsutdlo avdlausínáungivigsumik akiũtuartariaĸarput. minguíssuseĸ iluáissuserdlo atautsimut katigúsínáungitdlat. taimatútaordlo Gûte ĸutsingnermio avdlatut ajornartumik ajortumut akiũtuartariaĸarpoĸ taimaitinaviaranilo.

pâsissagssaĸ avdla nalunángilartaoĸ: Gûtip ajortut sûssutdlũnît akerarigamigit ajugaĸángínamilo pikigtitsissoĸ nâlagauvfingminut isertitdlugo isersimatĩnarsinaungilâ. erĸigsivîtdliortitsissoĸ piunêrútariaĸarpoĸ. píngortitsissuvdlo iluartup píngortitavdlo pikigtitsissup taimatut akiũneráne kia ajugaunigssâ nalunarsínáungilaĸ.

ajortup píssusia kingunigssailo silarssuarme silaĸartunut tamanut ersserĸivigsumik sarĸúmiúneĸarĸuvdlugit akiũneĸ tamána autdlartilerĸârnermine inerneĸángilaĸ. ajortoĸ piunêrúneĸavigkune takutitdluarêrumârpâ ĸanoĸ ánilârnartigissumik píssuseĸarnine, píssutigssâtutdlo erĸartũneĸarnera kimitdlũnît agssuarineĸarnaviangilaĸ.

íngilipilúngortut silamiûssugutdlo uvagut avativtine taimatut ajortumik pikigtitsissunit súnigaussoĸarneranik ĸujanartumik ugpernarsautigssaĸángilagut. taimáitoĸarnerale uvavtínut soĸutiginartorujugssûvoĸ, Sâtanime íngilîlo ĸilangmit anisitaugamik mãnákut silarssuaĸ uvagut inûvfigissarput sorssugfituarilerpât. inuit tamardluínarmik tamatumúnga akuliusimáput. ánagtínatik ajortaiartariaĸarput Gûtimitdlo sáimáuneĸardlutigdlo ilagsineĸardlutik.

suname pingârtínerussariaĸásava akiũnerssuarmit tamatumánga, tássanilo perêrsimassunit, nalivtíne pilersunit piumârtugssanitdlo? ĸanoĸ ilissúkut ĸanordlo iliorníkut naggaserneĸarumârnerpa? naggaserneĸarnigssâtalo taima sivisutigissumik utarĸineĸarsimassup ĸanigdlilerneranik ugpernarsautigssaĸarnerpugut?

oĸalûserissagssat táuko ĸúpernerit tugdlîne oĸalûserineĸásáput, atuagkiortuvdlo arnap suliagssamut tamatumúnga pigínauneĸarnigssâ ĸularutigíngivigparput. mêraunerminit ilisimaneĸarpoĸ Gûtip oĸausianik asangnigtutut túniutivigdlunilo kivfartũssissutut. agdlagkat iluartut neriorssûtait ugperivdluínaramigit anaussissoĸ peĸatigivdluínardlugo inûsínausimavoĸ. anersâmit iluartumit pivdluarĸuneĸarngârsimavoĸ. anersâp táussuma piumârtugssat Kristusip maligtigissainut nalunaerutigissagssarai. (Juan. 16, 13). anersâĸ iluartoĸ agdlagkane iluartune perĸussutigineĸarneratut sulissarmat, tássa pruvfîtisut oĸalugsinaunermik tunississardlune (Kor. 12, 9, 10; 14, 1) taimáitumik isumaĸarpugut Gûtip sáimáuneragut ĸáumarsagausimassoĸ perêrsimassut sujornagut agdlautigineĸartarneránit ersserĸingnerussumik agdlautigisínáusavdlugit, piumârtugssatdlo inûp sujumut ilisimassaĸarsínaussarnera ĸângerdlugo atuarsínáusavdlugit. isumaĸarpugut ĸúpernernik tamákunínga atuartugssat atâtavtínut ĸilangmiussumut atássuteĸartartut ĸularísángíkât atuagkiortoĸ ĸilangme puilassumitdlusôĸ imertarsimasássoĸ, sáimánneruvdlo igsiavíssârssuanit Jîsusip palasiunivtitut nãkigtartutut igsiavigissânit ikiorneĸarsimásassoĸ. (Epr. 2, 10).

ukiut nalivtínit sût tamarmik iluarsivdluínarfigssâta tungânut ingerdlassugssat bîbile táingíkáine atuagkamit matumánga tuping. narnerussumik soĸutiginarnerussumigdlo agdlautigineĸangitdlat. silavdlo matuma ingerdlausiane pissugssat kingugdlît pingâruteĸangârmata atuagkame matumane perĸigsârtumik oĸalugtuarineĸarput. atuartugssap oĸalugtuaĸ tamána atualeruniuk Mat. 24-me ánáussissup sujuligtûtai autdlarniutigalugit, misigiumârpâ ilagît akiũnermingne nâgdliungnermingnilo atugáine nutâmik misigeĸatigilefine, aniguisitaunigssaĸ neriorssûtigineĸartoĸ ĸilanâralugo. tarniligdlo ugpertoĸ kinalũnît tugpatdlersarneĸarumârpoĸ Gûtip ínugtaiga ajugaunigssaisigut Sâtanivdlo isumaĸataisalo piunêrúneĸarnigssaisigut, ajortup soraerdluínarnigssâgut nunarssûvdlo nutarterneĸarnigssâgut akiũnerssuaĸ inerneĸarpat. matumûna oĸalugtuarineĸartugssat ássersûtinik imaĸaraluaĸalutik, sôrdlo apustile navsuiaissoĸ "anersâvme sût tamaisa kigdlisiortarpai Gûtip itíssusînut agdlât" (1 Kor. 2, 10), taimáitordle oĸautsit pâsinardluartut atordlugit oĸalugtuarineĸartugssauput. nuánârutigârputdlo oĸarsínaugavta atuagaĸ mána atuáraine agdlagkat iluartut nuánarinerulerdlugitdlo tatiginerulertariaĸásassut, Kristusilo inungnik ánáussiniarnerane misigeĸatiginerulertariaĸásavdlune, Gûtilo saimassoĸ ilisimassutinik tamarmiussunik pârssissoĸ atarĸinerulertariaĸasavdlune.

atuagaĸ mána (tulugtut) ĸuligssânik naĸitigauvdlune tunineĸarêrpoĸ, nuánârutigârputdlo arĸaniligssânik naĸiterneĸarnera oĸautlsit ássĩgingitsut atordlugit sarĸúmiúsínaugavtigo. ássiliartaisa soĸutiginarnerulersísavât. atuartugssat pivdluarĸussaugilit Gûtip ĸutsingnermiup nâlangnautigssânik. atuagaĸ mána matuma ĸulâne arĸaniligssânik naĸiligaussumit erĸartorneĸarêrsumit nugtigauvoĸ.