iluarsaerĸingniartoĸ amerikamio

Miller suleĸatailo suliagssíneĸarput mianerssorĸússut Amerikame oĸalũssíssutigísavdlugo adventisiortut pingârnerussumik eĸêrsaivigissãne. tássane íngilip nalunaerutigssâ sujugdleĸ pivdlugo sujuligtût piviunerpâmik erĸûtíneĸarpoĸ.

naussorigsaissoĸ agssuarnaitdlunilo ilumôrtoĸ bîbilip Gûtimit pissumik maleruagagssáussuseĸarneranik ĸularissaĸalersimagaluardlune sagdlusuíssúmik ilisarssiumassoĸ Gûtimit ĸinigauvdlune Kristusip áipagssânik tikiúnigssânik nalunaiainerme pissortángortitauvoĸ. iluarsaerĸingniatut avdlatut ĸavsîtut William Millerísaoĸ ínûsugtuarautitdlune pîtsûsimavdlune sutdlerigsúngordlunilo nangminigssarsiujuitsúngorsimavoĸ.

William Miller timimigut nukigtûvoĸ, sulilo mêrautitdlune anersãkut ítumik pigínáussuseĸardluarnera malungnarserêrpoĸ, tamánalo utorĸaliartortitdlugo malungnarsiartuínarpoĸ. anersâmigut inerdluarsimavdlunilo ilatsĩnartũngilaĸ, ilisimassagssarsiornigssardlo sákortûmik kajungerâ. nauk angnertunerussumik ilíniartitaunigssamut pivfigssaĸartitáungíkaluardlune atuarumatússutsimigut, erĸarsarĸigsârnermigut perĸigsârtumigdlo issornartorsiutdlarĸíssutsimigut angutíngorpoĸ aulajangîtdlarĸigdlunilo angnertûmik pâsisimassalik. inûsia agssuarnaitdluínarpoĸ, usornartumik atarĸissauvoĸ; agssuarnáissutsimigut, aningaussarsiornermut túngassumik píkoríssutsimigut ajúngitsuliornermigutdlo tamanit atarĸineĸarpoĸ. eĸiasuitdlunilo suliníkut inũssutigssarsiorpoĸ. sákutûtut ínugtaussututdlo ássigĩngitsunik atarĸinautaussunik atorfeĸarpoĸ. pigigsârnigssamutdlo atarĸinautigssamutdlo periarfigssaĸásangatínarpoĸ.

arnâ Gûtimik mianeringnigdluartûvoĸ, táussumalo mêraunerane ugperissagssatigut súnîvigisimavâ. inersimalerĸârnermine deistit (pâsissat nâpertordlugit gûtisiortut Gûtivdle sarĸúmersitsineranik ugperissaĸángitsut) ardlagdlit atássuteĸarfigai, táukua súnînerat ingangmik malungnarpoĸ ínugtauvdluartûvdlutigdlo inugigdlutigdlo ajúngitsuliorajugtûgamik. píssutsimíkut kristumiut atorfeĸarfînit atássuteĸarfigissamingnit súnigaungâtsiarput. agssuarnáissutait atarĸinautigissatik tatigineĸautigissatigdlo bîbilimit pigiliússarait, kisiáne iluaĸutit tamáko eĸutíneĸangâramik Gûtip oĸausianut akerdliussumik súniuteĸarput. angutinut tamákunínga akuliútarnermigut Millerip isumaliutait iluarilerpai. agdlagsimassunik navsuiautaugajugtartut ajugauvfigineĸ ajornarsorissânik ajornakusôrutigssartaĸarput, kisiáne nutânik ugperiligaisa bîbile tunuartikaluardlugo pitsaunerussumik taortigssaĸartíngilât, nãmagissaĸángítuáinarpordlo. taimáitordle isúmat tamáko ukiune 12-ine aulajangiusimáinarpai, kisiáne 34-nik ukioĸalerdlune anersâp iluartup súnîneragut ajortiliunine pâsivâ. sujornatigut isumaliutigissaisa toĸorêrnerata kingornagut pivdluautigssamik isumavdlûtigssaĸartíngilât. sujunigssaĸ târdlunilo nalorninarpoĸ.

ĸáumatine ardlalingne taima atugaĸarsimavdlune oĸarpoĸ: "tássángainaĸ ánáussissup píssusia ersserĸivigsumik pâsivara. ánáussissoĸarsínaunera ima ajúngitsigalunilo nãkigtartigissumik, ajortip pitdlautigssânit ánáukumavdluta nangminêrdlune uniorĸutitsinivtínik akilîumasínaussumik pâsivara. ernĩnaĸ taimailiorsínaussup asangnigtariaĸássusia pâsivara, takordlôrparalo táussumúnga pákutitísínaunera isumagssuinigssâ isumavdlûtigalugo. kisiáne aperĸut sarĸúmerpoĸ: taima ítumik ánáussissoĸarnera ĸanoĸ ugpernarsarneĸarsánauva? bîbile erĸarsautigingikaine taimáitumik ánáussissoĸurnera matumalo kingorna inũssuteĸarnigssaĸ ugpernarsautigssaĸartísínaunago pâsivara ...

bîbilip ánáussissoĸ amigautigissavtorpiaĸ ítoĸ sarĸúmersíkâ takuvara, pâsinerdlo saperpara atuagkap pavánga súnîvigineĸángitsup ĸanoĸ ilivdlune najorĸutagssat silamiut ordlusimassut pissariaĸagáinut nalerĸútúngorsagauvdluínartigissut pilersísínausimásagai. bîhilip Gûtimit sarĸúmersitausimanera avdlatut ajornartumik ĸularutigiungnaertariaĸarpara. bîbile tipaitsûtigilerpara Jîsusilo ikíngutigilerdlugo. ánáussissoĸ ĸulinik tusintiligpagssuit akornáne nâlangnarnerpautilerpara, bîbililo tamatuma sujorna nalorninartûvdiunilo ingminut akerdliussutut issigissaraluara mãna ingerdlavigissavne ĸâumarĸutigilerpara. mãna bîbile pingârnerussumik ilisimassagssarsiorfigilerpara, ilumôrdlungalo oĸarsínauvunga nuánârdlunga misigssorsimagiga. pâsivara agfâlũnît oĸalugtuarsiarisimanago. alutornássusia pingârtorssũssusialo matuma sujornagut takuneĸ sapersimagiga tupigusûtigâra, narrugisinausimagavkulo tupigusûtigâra. ũmativkut kigsautigisinaussáka tamákerdlugit navssârãka. atuagkiarineĸartut avdlat tamaisa soĸutigiungnaerpáka Gûtimit ilisimassumik pigssarsiumavdlunga." (Bliss).

Millerip. ugperissamik nikagisimassaraluaminik ugperissaĸalernine tamanut tusardliutigalugo navsuerutigâ. ilagissartagaisale ugpíngitsut nangâriarnatik bîbilip Gûtimit maleruagagssarititauneranut Millerip agssuardliutigigajugtarsimassai sarĸúmiúpait. Miller taimaníkut akiniásavdlune piarêrsimángilaĸ, kisiáne pâsivâ bîbile Gûtimit sarĸúmiússaugune ingminut nalerĸútûssariaĸásassoĸ, inuitdlo ajoĸersûtigssãtut túniússaugame inuit poĸíssusiánut nalerĸútúngorsagaussariaĸarsimásassoĸ. aulajangerpoĸ agdlagkat iluartut nangminêrdiune misigssorumavdlugit, ingminutdlo agssortuissûssâmera isumaĸatigîgsíneĸarsínáungínersut misigssorumavdlugo.

isúmat aulajangiuterîgkat tunuartíniarĸârdlugit inuitdlo avdlat navsuiautait atomagit bibelordboge bîbilimilo takorĸussinerit kisîsa najorĸutaralugit agdlagsimassut agdlagsimassoĸatainut nalerĸiutdlugit misigssomiaierpai. misigssuinermine ârĸigssûtdluagaussumik sulivoĸ. Môrsasip agdiagai sujugdlît autdiamiutigalugit versit atausiákârdlugit atuaierpai, verse atauseĸ pâsivdluarêrângamiuk aitsât tugdlia atuaiersardlugo. nalominartumik nalautaĸarângame ilerĸorissarpâ tamane bîbilime agdlagsimavfingnut aperĸutaussumut atássuteĸarunartunut nalerĸiútardlugo. oĸautsit atausiákât oĸalûserineĸartume erĸortumik pingârutigssaĸartitarpai, tássûnaio pâsissane agdlagsimassoĸatainut tamanut nalerĸúkângat agdlagsimassoĸ táuna nalorníssutigiungnaertarpâ. agdlagsimassumik pâsiuminaitsumik nâpitaĸarângame tamatigut bîbilime agdlagsimassut ardláine navsuiautigssamik nanissaĸartarpoĸ. Gûtimit ĸáumarsagaunigssaĸ ilungersortumik ĸínutigissardlugo misigssuinine ingerdlátuartitdlugo sujomatigut pâsisínáussutsimigut nalominartûtitaraluane ersserĸigsumik pâsiartorpai. tugsiausiortup oĸausiata ilumũssusia pâsivâ oĸarmat: "oĸautsisit pâsilerdlugit ĸáumarsaissarput, ilisimangãngitsunik ilisimaiersitsissarput." (tugs. 119, 130).

Dânialip agdiagai Juánasimutdlo sarĸúmersitat soĸutigingârdlugit misigssorpai. agdiagkat ilaisa misigssomeĸameráne periauseĸ tássanísaoĸ atorpâ, nuánâĸalunilo pruvfîtit ássersûtigissaisa pâsineĸarsínaunerat pâsivâ. sujuligtûtit erĸûtineĸarêrsut erĸûtíneĸardluínarsimanerat pâsivâ. ássersûtit atomeĸartut tamarmik atássuteĸarfigpiamingne navsuiameĸardlutigdlũnît agdlagsimavfingne avdlane navsuiameĸartamerat, taimalo navsuiarneĸarângamik erĸordluínartumik pâsissagssaunerat pâsivâ, oĸarpordlo: "tássûna nalujungnaerpara bîbilip sagdiusuíssut ârĸigssûtdluagaussumik sarĸúmiúkâimalo ersserĸigtigissumik nalominaitsigissumigdlo navsuiarai, kinalũnît sianîtsûgaluarunilũnît támartariaĸartínago." (Bliss). sagdiusuísaut ingmíkôrtuisigut atausiákârtutigut pâsiartorpâ, pruvfîtit pingârtorssuarmik ingerdlavê avdloriamerit atausiákârdlugit maleruartitdlugit. ĸilaup íngilîsa isumâ ilitsersordlugo agdlagsimassut pâsingnigsinauneranut angmarpait.

Millerip pâsivâ agdlagsimassut ersserĸigsumik ajoĸersûtât nâpertordlugo Kristuse nangminêrdiune piviuvdluínartumik tikiuterĸísassoĸ. Pauluse oĸarpoĸ: "Nâlagaĸ nangmineĸ ĸilangmit arĸarumârmat suaomermik íngilerssûvdlo nipânik Gôtivdlo ĸardlortáussuanik." (1 Tás. 4, 16), ánáussissordlo oĸarpoĸ ”issigiumârpâtdlo inûp ernera ĸilaup nuiaisigut aggersoĸ píssarssûvdlune nâlangnartorssûvdiunilo." "sôrdlume ingnâtdlangneĸ kangianit pissartoĸ kitânutdlo ingnâtdiagtardiune, taimátaoĸ inûp ernerata tikiuvfigssâ íkumârpoĸ," (Mat, 24, 30, 27). "inûvdle emera tikiúkune nâlangnassutse atisimavdlugo íngilitdlo iluartut tamaisa ilagalugit." (Mat. 25, 31). "íngilinilo nipitôrssuamik ĸardlortausissartut autdiartísavai, táukualo ĸinigai ... katerssorumârpait." (Mat. 24, 31).

tikiúnerane iluartut toĸusimassut makíkumârput, iluartutdlo inûsaut avdlángortíneĸarumârput. Pauluse oĸarpoĸ: "tamavta sinigpãsángíkaluarpugut, kisiáne tamavta avdlángortíneĸásaugut, tássángáinaĸ, uisorĩnaĸ, ĸardlortaut kingugdligssaĸ pilerpat, ĸardlortarumârporme, toĸussut aserujuitsûvdiutik makísáput, uvagutdlo avdlángortíneĸarumârpugut, aserujassoĸ mána aserujuíssumik atitítariaĸarmat, toĸujassordlo mána toĸusuíssúmik atitítariaĸarmat.” (1 Kor, 15, 51-53). Tásalûníkamiunutdlo agdiagkamine Nâlagkap tikiúnigssâ navsuiautigerêrdlugo oĸarpoĸ: "Kristusimilo toĸussut makerĸãsáput; kingomisigutdlo uvagut inûvdiuta angumeringnigtugut táuko ilagalugit nuiatigut autdlarúneĸarumârpugut siláinarme Nâlagaĸ pâriartúsavdlugo; taimalo Nâlagaĸ najortuínalísavarput.” (1 Tás. 4,16.17).

Kristusip nangminêrdiune tikiúnigssâ sujorĸutdlugo ínugtaisa nâlagauvfik kingornúsínáungilât. ánáussissoĸ oĸarpoĸ: "inûvdle ernera tikiúkune nâlangnássutse atisimavdlugo íngilitdlo tamaisa ilagalugit, tauva igsiásavoĸ igsiavíssârssuarmine nâlangnássutsime piane; inuiaĸatigîtdlo tamarssuarmik sânut katerssúsáput, avigsârtísavailo sôrdlo savanik pârssissup gavat arnavíssat angutivíssanit avigsârtítarai. savatdlo amavíssat taierpingme tungânut pisísavai savatdla angutivíssat sâmingme tungânut. tauva kúngip taierpingme tungãnĩtut oĸarfigiumârpai: ĸaigitse atâtama pivdluarĸussai ukorsê, nâlagauvfik silarssûp túngavileĸârneranit ilivsínut piarêrsimassoĸ kingornússarisiuk." (Mat. 25, 31-34).

agdlagsimassut mákua takutípât inûp emera tikiugpat toĸusimassut aserujuitdiutik makíkumârtut inûssutdlo avdlángortíneĸarumfirtut. avdiángortitsinerssuákut tamatumûna nâlagauvfingmik kingornússinigssamingnut piarêrsarneĸarumârput, Paulusime oĸarpok: "uvíngup augdlo Gûtip nâlagauvfia kingoenússarisínáungíkât." (1 Kor. 15, 50). mãnákut inuk toĸujassûvdlunilo aserujassûvoĸ, kisiáne Gûtip nâlagauvfia aserujuitdiunilo nâgssáungitsumik atajumârpoĸ. taimáitumik inuk mãnákutut píssuseĸartitdlune Gûtip nâlagauvfianut isertitausínáungilaĸ. kisiáne Jîsusip tikiúkune ínugtane toĸujuíssusermik tuniumârpai, tauvalo nâlagauvfingmik tamána tikitdlugo kingornússagssarĩnagãnik kingornússiartorĸuvdlugit ĸaerĸujumârpai.

sujuligtût Kistusip áipagssânik tikiúnigssâta pivfigssânik ersserĸingnerpâmik nalunaerutáunguatsiartoĸ tássa Dân. 8, 14: "únugtoĸ uvdlãngortoĸ mardlungnik tûsintilingnik pingasunigdlo huntritilingnik nagdliutserdlugo; tauva ivdlernartût iluartíneĸásavoĸ" (tulugtut: minguiarneĸásaoĸ). Millerip agdlagsimassut ingminut navsuiautautínigssât ilerĸoralugo pâsivâ sujuligtûtine uvdloĸ atauseĸ ássersûtigineĸartoĸ tássaussoĸ ukioĸ atauseĸ (4 Môrs. 14.34; Hisk. 4, 6), pâsivâlo pruvfîtip uvdlue 2300 imalũnît ukiut 2300 jûtit nâlagauvfiata ataneranit sivisunerungãsangmata. Miller inugpagssuartut avdlatut isumaĸarpoĸ kristumiut nalãne ivdlernartût tássaussoĸ nunarssuaĸ, taimáitumigdlo isumaĸarpoĸ Dân. 8, 14-me ivdlernartûtip minguiarneĸarnigssâ sujuligtûtigineĸartoĸ tássáusassoĸ nunarssûp ingnermik minguiarneĸarnigssâ Kristusip áipagssânik tikiúneragut. tauva uvdlut 2300 autdlarnerfiat erĸortumik pâsisínaugáine Kristusip tikiuterĸigfigssâ ajornángitsumik pâsineĸarsínáusasorâ. tamatumûna nãmagsinigssarssûp pivfigssâ sarĸúmiúneĸásagaluarpoĸ. mãnákut píssusiussut ilángutdlugitdlo "makitassuseĸ, pingârtorssũssutsit, perrôrutit ĸunutitsineritdlo naggaserneĸásagaluarput"; perdlorĸússut "nunamit pêrsitáusagaluarpoĸ, Gûtip kivfai, pruvfîtit. iluartut Gûtivdlo arĸanik mianeringnigtut akigssarsisíneĸásagaluarput, nunamigdlo aserorterissut aserugáusagaluarput." (Bliss).

Millerip sujuligtûtinik misigssuinine sule ilungersornerulerdlune ingerdlaterĸigpai uvdlut únuitdlo nâvdlugit pâsiniagagssat alagagssáungitsutut pingârtitane sangmiuardlugit. Dânialip agdlagaisa kapitalit 8-áne uvdlut 2300 autdlarnerfîsa pâsíssutigssãnik nanissaĸángilaĸ. nauk íngile Gâbriale takordlûgaĸ Dânialimut navsuiarĸuvdlugo perĸuneĸarsimagaluartoĸ, taimáitordle iláinakuínaussumik navsuiauvoĸ. ilagît ánilârnangârtumik ĸinugineĸarnigssât takordlûlerdlugo Dâniale nukigdlârdlune sapilerpoĸ, íngilivdlo ĸimákatdlarpâ. Dâniale ilisimajungnaerdlune uvdlune ardlalingne náparsimavoĸ. "takordlûinivne ánilârnerssûp tugfigânga," taima oĸarpoĸ, "pâsíngilaralo." Gûtip autdlartitane inásimavâ: "takordlûgânik navsuiaivfigûk!" suliagssardlo tamána nãmagsissariaĸarpoĸ. taimáitumik íngilip Dâniale ornerĸigdlugo oĸarfigâ: "mãna anivunga sujunersissagssamik ajoĸersúsavdlutit;" "taimáitumik oĸauseĸ nalunaerssoruk takordlûgaĸ sujunersiniardlugo." (Dân. 9, 22. 23, 25-27). kapitalit 8-áne atautsimik pingârtumik ingmíkôrtortaĸarpoĸ navsuiarneĸángitsumik, tássa takordlûgkame pivfigssaĸ - uvdlut 2300. taimáitumik íngilip navsuiaerĸingnermine pivfigssaĸ uníngavigineruva:

"sapâtit akúnere arfineĸ mardlungnik ĸuligdlit uniorĸúnavêrsitáuput ínugtangnut ungalûgkamutdlo ivdlernartorissangnut. ... nalujungnaerit tauva pâsiniardlugulo: oĸauseĸ oĸauserineĸarpat Jerûsalât kingumut ĸarmarĸuvdlugo, tássánga Mísiarsimut sujulerssuissumut nãsáput sapâtit akúnere arfineĸ mardluk, ãmátaoĸ sapâtit akúnere arfinilingnik ĸuligdlit mardlugdlo; tauva igdlut akorne igpiliugkatdlo kingumut ĸarmarsimásáput, kisiáne angnikitdliortarfiúsassúkut. sapâtitdlo akúnerisa tamákua arfinilingnik ĸuligdlit mardlugdlo kingornatigut Mísiarse pîagáusavoĸ sugssarineĸarungnaerdlunilo ... ivssumale angerutsimik amerdlasût píssagtitsivigiumârpai sapâtip akúnera atauseĸ nâvdlugo, sapâtivdlo akúnerata ĸerĸane tuníssutit toĸutagssat tuníssutitdlo neĸigssat soraersíkumârpai." (Dân. 9, 24-27).

íngile Dânialimut autdlartitauvoĸ aulajangersimassumik sujunerlaĸartumik, tássa kapitalit 8-áne ingmíkôrtumik takordlûgkamine pâsisimángisânik, tássa pivfigssamik oĸautigineĸartumik, navsuiáukiartordlugo - "únugtoĸ uvdlãngortoĸ mardlungnik tûsintilingnik pingasunigdlo huntritilingnik nagdliutserdlugo, tauva ivdlernartût iluartíneĸásavoĸ!" íngilip oĸauseĸ nalunaerssorĸorêrdlugo takordlûgardlo sujunersiniarĸorêrdlugo mãna sujugdlerpâmik oĸautigâ: "sapâtit akúnere arfineĸ mardlungnik ĸuligdlit uniorĸutínavêrsitáuput ínugtangnut ungalûgkamutdlo ivdlernartorissangnut."

oĸauseĸ matumûna ima nugterneĸartoĸ: "uniorĸutínavêrsitáuput," isumaĸavigpoĸ "avigsârtitáuput." sapâtit akúnere 70 íngilip oĸausê nâpertordlugit ingmíkut jûtinut túngatitaussutut avigsârtitnussugssáuput. kisiáne sumit avigsârtitausápat? uvdlut kapitalit 8-áne taineĸartutuaussut tássaungmata uvdlut 2300, tauva táukûssariaĸarput sapâtit akúnere 70 avigsârtíneĸarfigssait. taimáitumik sapâtit akúnerisa 70 uvdlut táuko 2300 ilagissariaĸarpait, pivfiussutdlo táuko mardluk atautsíkut autdlarnertariaĸásáput. íngilip oĸausia nâpertordlugo sapâtit akúnere 70 táuko autdlarnersugssáuput Jerûsalâp ĸarmarĸingneĸarnigssâ perĸússutigineĸarpat. perĸússutip tamatuma perĸússutigineĸarnerata pivfia aulajangerneĸarsínaugpat uvdlut 2300 autdlarnerfigpiât pâsineĸarsínáusagaluarpoĸ.

perĸússut tamána takuneĸarsinauvoĸ Esrap agdlagaisa kapitalit 7-áne. (Esr. 7, 12. 26). inerdluarnerpaussumik pêrserit kángiánit Artilrssartamit agdlagauvoĸ Kristusip sujornagut ukiume 457-ime. kisiáne Esra 6, 14-ime agdlagsimavoĸ "igdluliordlutigdlo ... Kôrássivdlo Dâriusivdlo Artarssartavdlo pêrserit kúngiata inássutât maligdlugo." inássutaussoĸ suliaralugo, atortugssangortitdlugo, kîsalo inerdlugo, kúngit pingasut táukua inássutaussoĸ nãmagsivât sujuligtût nâpertordlugo ukiunut 2300-nut autdlarfigssángortitdlugo. inássutip pivfia Kristusip sujornagut ukioĸ 457 aulajangiúkáine, taimanime inivigdlune sarĸumivoĸ, tauva sujuligtûtip ingmíkôrtuisa tamákerdlutik erĸûtíneĸarsimanerat pâsinarsivoĸ.

”oĸauseĸ oĸauserineĸarpat Jerûsalât kingumut ĸarmarĸuvdlugo, tássánga Mísiarsimut sujulerssuissumut nãsáput" sapâtit akúnere 7 ãma 62, imáipoĸ sapâtit akúnere 69 imalũnît ukiut 483. Artarssartap inássutâ atulersitauvoĸ ukiákut Kristusip sujornagut ukiune 457-ime. taimanernit ukiut 483 nãsáput Kristusip 27-nik ukioĸalernerane. taimaníkut sujuligtût tamána erĸûtineĸarpoĸ. oĸauseĸ Mísiarse isumaĸarpoĸ "tanitaĸ." ukiákut Kristusip inúngornerata kingornagut ukiume 27-me Kristuse Juánasimut kuisípoĸ anersâmitdlo taníneĸardlune. apustilip Pîtrusip "Jîsuse Nãsarámio" oĸalugtuarâ"ĸanoĸ Gûtip taníkâ anersâmik ivdlernartumik píssaunermigdlo." (ap. sul. 10, 38). ánáussissordlo nangmineĸ oĸarpoĸ: "Nâlagkap anersâvata ĸulangerpânga, taimáitumik tanipânga îvangkîlio pîtsunut oĸalûtigerĸuvdlugo." (Lúk. 4, 18). kuiserêrame Jîsuse Galilîamut pivoĸ "Gûtivdlo nâlagauvfianik îvangkîlio oĸalũssíssutigâ oĸardlune: uvdlut nagdlersîssat nagdliúput." (Mák. 1, 14. 15).

"ivssumale angerutsimik amerdlasût píssagtitsivigiumârpai sapâtip akúnera atauseĸ nâvdlugo." "sapâtip akúnera" tássûna taineĸartoĸ tássauvoĸ sapâtit akúnere 70 kingugdlersât imalũnît ukiut jûtiout túngatitaussut kingugdlersait 7. sapâtip akúnerane tássane, ukiumit 27-mit ukiumut 34-mut jûtit pingârnerussumik îvangkmúkut ĸaerĸuneĸarput, sujugdlermik Kristusimit kingornalo ajoĸersugainit. apustilit nâlagauvfingmik nalunaerut nuánersoĸ oĸalûtigiartormássuk ánáussissup oĸarfigai: "Gûtimik nalussut avĸutãnut pínage samâriamiultdlo igdloĸarfînut isernase, angnerussumigdle savat támarsimassut Israelip inoĸutaisa ilagissait ornigsigik!" (Mat. 10, 5. 6).

"sapâtivdlo akúnerata ĸerĸane tuníssutit toĸutagssat tuníssutitdlo neĸigssat soraersíkumârpai." ánáussisserput 31-nik ukioĸardlune, kuisínerme ukiup sisamâ avitdlugo kingornagut sáningassulingmut kikiagtugauvoĸ. Gûlgathame tuníssuterujugssuákut toĸutagssákut ukiune 4000-ne toĸutagssanik pigdliuteĸartarneĸ Gûtip savârânit naggaserneĸarpoĸ.

sapâtit akúnere 70 imalũnît ukiut 490 ingmíkut jûtinut atugagssarititaussut matuma sujulîne takuneĸarsínauneratut ukiume 34-me naggaserneĸarput. taimanikut jûtit pissortaisa Stivfânuse toĸutagssángortipât Kristusivdlo ajoĸersugai ĸinugissagssángortitdlugit. ánáussissup nalunaerutâ inuiangnut ĸinigaussuínarnut pĩnarane silamiunut oĸalûtigineĸalerpoĸ. ajoĸersugkat ĸinugissaunertik píssutigalugo Jerûsalâmit ĸimâssariaĸartut "siámartitaussut tauva angalavdlutik oĸauseĸ îvangkîliulo oĸalûtigât. Pilípule igdloĸarfingmut Samâriamut samungnarame Kristuse táukunúnga oĸalũssissutigâ." Gûtimit ilitsersugauvdlune Pîtrusip Kræsareame sákutût nâlagât Gûtimik mianeringnigtoĸ Korneliuse îvangkîliumik sarĸúmiússivigâ, Paulusilo îvangkîlio ilagserêrdlugo ima ináneĸarpoĸ: "autdlarit, ungasigsumut Gûtimik nalussunut autdlartisagavkit." (ap. sul. 8, 4. 5; 22, 21).

tássunga kigdlilingmik sujuligtût erĸûtíneĸardluínarsimavoĸ sapâtitdlo akúnere 70 Kristusip inúngornera sujorĸutdlugo ukiume 457-ime autdlarnerfiat Kristusivdlo inúngornerata kingornagut uk. 34-me nânerat agssortũssutigissagssáungitsumik aulajangiúneĸarput. nalorninauteĸángitsut tamáko túngavigalugit uvdlut 2300-ssut nâvfigssât navssârísavdlugo ajornángeĸaoĸ. uvdlut 490-iussut - sapâtit akúnere 70 - uvdlunit 2300-nit iláingautigalugit uvdlut 1810 síporúput. uvdlut 490 ĸângiuterêrmata uvdlut sule 1810 ingerdlassugssáuput. ukioĸ Kristusip inúngorneranit 34 autdlarnerfigigáine ukioĸ 1844 tikísavarput. pruvfîtip sujuligtûtâ nâpertordlugo "ivdlernartût iluagtítariaĸásaoĸ" imalũnît "minguiartitariaĸásaoĸ" íngilimit oĸautigineĸarneratut. taimatut ivdlernartûtip salingneĸarfigssâ - tamangajangmik Kristusip áipagssânik tikiúneragut pissugssausorineĸartoĸ - ersserĸigsumik uparuarneĸarpoĸ.

Miller suleĸatailo sujugdlermik isumaĸaraluarput uvdlut 2300 upernãkut 1844-me nãsassut, kisiáne sujuligtûtip ukiup tamatuma ukiâ uparuartorpâ. Nâlagkap pivfigssákut sujugdlermik taineĸartúkut tikiúnigssânik isumavdluarsimassut pakatsisitáuput. kisiáne tamatuma uvdlut 2300-ussut 1844-me nâsimaneránik ivdlernartûtivdlo minguiarneranik taineĸartumik pisimassup taimaníkut pisimassariaĸarsimaneranik ugpernarsaineĸ sángîtdlisíngitdluínarpâ.

Millerip bîbilimik misigssuinine autdlarnersimavâ agdlagkat Gûtimit sarĸumiússaunerat ugpernarsarumavdlugo, kisiáne taimatut inigaĸarnigssane ilimagisimangivigpâ, misigssuinermilo kingunerissâ nangmineĸ ugperineĸ sapingajagkaluarpâ. agdlagkatdle ugpernarsautigssât ersserĸigpatdlârdlunilo ĸularnauteĸángípatdlârame tunuartĩnagagssáungilaĸ.

agdlagkane ersserĸigsumik sarĸúimiússaussut inoĸatiminut nalunaerutigissariaĸavigdlugit Millerip sákortunerujartortumik misigâ, oĸarpordlo: "suliagssáka ingerdlátitdlugit siutivkut mána tusâjuarpara: "silamiut navianartorsiorneránik nalunaerfigiartukit!" agdlagsimassup matuma uterfigiuarpânga: "iluaitsumut oĸaruma: iluaitsoĸ ûmâ, toĸúsautit; ivdlitdlo oĸángíkuvit iluaitsoĸ ingerdlavingminut misigssorĸuvdlugo, iluaitsoĸ tauva toĸúsavoĸ ajortulinermine, ivdlitdle auanut pissûtikumârpavkit. kisiáne ivdlit iluaitsoĸ inerte,rugko ingerdlavingminut misigssorĸuvdlugo, tássánga sârĸuvdlugo, sãngíkunilo ingerdlavingminit, toĸúsavoĸ tauva ajortulinermine, ivdlitdle tarnit ánagtísimasavat." (Hsk. 33, 8. 9). misigâra gûtîtsut kingunigssaĸartumik mianerssorĸusínauguvkit ĸavsêrpagssuit sângniásagaluartut, mianerssorĸuneĸángigpatalo anánut pissûtitaujumArdlunga." (Bliss).

Millerip autdlarniutigalugo isumaliutigissane inuínartut sarĸúmiútarpai pivfigssaĸartitaussarnine nâpertordlugo, ĸinussarpordlo pingâruteĸarnerat oĸalũssissartut ilãnit pâsineĸarĸugaluardlugo oĸalũssíssutigineĸarĸuvdlugulo. kisiáne nangminêrdlune mianerssorĸussissariaĸarnine puiorneĸ saperpâ. oĸautsit máko tusarĸôrtuarpai: "silamiut oĸalugtũkiartukit! ivdlitdle auánut pissûtikumârpavkit." ukiune ĸulingiluane tarnimigut nanertugaujuardlune nangâgaluardlune 1831-me pernardlune ugperissaminut píssutigissane tamanut angmassumik tusardliutigai.

sôrdlo Elîsa narssáume ugsingnik sulisitdlune ĸaerĸuneĸartoĸ pruvfîtisut ĸâtigôrtâriartúsavdlune, taimatut William Miller ĸaerĸuneĸarpoĸ agssatdlagterúne ĸimatdlugo Gûtip nâlagauvfiata nalorninartue inuiangnut nalunaerutigiartúsavdlugit. ûligdlune suliagssarititaĸ suliarilerpâ tusarnârtinilo avdloriarnerit atausiákârdlugit pruvfîtit ukiorpagssuisigut Kristusip áipagssânik tikiúnigssânut tasiordlugit. misilêrĸigkângame tamatigut nukigtordlunilo nakimángínerulersarpoĸ, nalunaiainine ĸanoĸ eĸêrsautautigissoĸ malugigângamiuk.

Millerip isumaliutigissane tamanut angmassumik oĸalûtigísavdlugit aitsât akuerssíssutigâ ĸatángutiminit kajumigsârneĸarnermigut Gûtip ĸaerĸussinera tusâgamiuk. mãna 50-inik ukioĸalerdlune oĸalugiarnermut sungiússisimángilaĸ, suliagssariligkanilo nalorníssutiginermit nanertûtigâ. autdlarĸauterpiânitdle suliniarnera tupingnartumik pivdluarĸussauvoĸ tarnigdlit ánássutigssãnik. sujugdlermik oĸalugiarnera kinguneĸarpoĸ ilaĸutarît 13 -inoĸutaussut mardluk kisîsa ilángúnagit - tamarmiuvdlutik sângneránik. ernĩnaĸ nunaĸarfingne avdlane oĸalugiartugssatut ĸaerĸuneĸarpoĸ, nunaĸarfingnilo tamangajagdluínarne sulinera Gûtip suliagssarititâta ũmarigsarneĸarneranik kinguneĸarpoĸ. ajortigdlit sâgput, kristumiut eĸêrsagauvdlutik Gûtimik mianeringningnerulersitáuput, deistitdlo (pâsissat nâpertordlugit Gûteĸarneranik ugperingnigkaluardlutik Gûtip sarĸúmersitsineranik ugperissaĸangitsut) ugpíngitsutdlo bîbilip sagdlusuíssutânik kristumiutdlo ugperissãnik ugperissaĸalersitáuput. sulivfigissaminit ima oĸautigineĸarpoĸ: "inuit avdlanit kivdligssáungíkaluartut súnîvigissarpai." nalunaiainera piúkúnarpoĸ ínugtaussut erĸarsautait eĸêrsásavdlugit kristumiússutsip pingãssusianut taimanikutdlo inûssut silamiorpatdlangnerat pîtáitarneratdlo kigaitdlagsásavdlugit.

igdloĸarfingne tamangajangne inuit tyvíkûtât, ilame ilãníkut huntritilíkûtât nalunaiaineragut sâgtitaussarput. nunaĸarfingne ĸavsîne ilagîgsoĸatigît nâggârtûssut tamangajangmik oĸalugfitik Millerimut angmarpait, ĸaerĸuneĸartarneralo ilagîgsoĸutigît oĸulũssissartuinit nagsiúneĸarajugtarpoĸ. nunaĸarfingmut ĸaerĸussauvfigíngisaminut suliartúngisáinarneĸ uniorĸutitagssáungitsumik ilerĸorâ, taimáikaluartordle ĸaerĸússuterpagssuit nagsiússarsiarissartagkame agfai akuerineĸ sapertarpai.

inuit ĸavsît ánáussissup ĸaĸugorpiaĸ tikiúnigssâ pivdlugo Miller isumaĸatigíngíkaluardlugo Kristusip piârtumik tikiuterĸingnigssâ ĸulariungnaerpât, piarêrsimassariaĸarnertigdlo pâsivât. igdlorpagssuaĸarfît angnerit iláine sulinera malungnavigsumik malungnauteĸarpoĸ. imigagssanik aulakôrnartunik niorĸutigdlit tuniniaivitik atautsimitarfingortípait, aningaussanôrfît pêrútarput, deistit ugpíngitsutdlo, agdlâtdlo aserũsimanerpauvdlutigdlo inûnerdlungnerpât ukiune ardlalingne nálagiángisáinarsimassut sâgtarput. ilagîngne ássigĩngitsune nunaĸarfingne ássigĩngitsune uvdlup súkutdlũningajak ilineragut ĸinoĸatigîngnigssamut katerssũtalerput; niuverniarnermik inũssutigssarsiutigdlit uvdlup ĸerĸane katerssûtdlutik ĸinussardlutigdlo Gûte únersiutigisínaussarpât. eĸêrsimârnermik tupingnarnerussumik malungnartoĸángíkaluardlune inuiaĸatigît akornáne ilungersorpalugtumik misigíssuseĸ malungnarpoĸ. iluarsaer.ĸingniat sujuline ássigalugit Millerivtaoĸ ingmíkut itumik suleriauseĸardlune jouit poĸíssusîsigut ĸularungnaersíniardlugitdlo tarníkut nalúngíssusîsigut eĸêrsarniarneruvai misigíssutsinigdlo pilersitsiniáinarane.

1833-me Millerip Kristusip piârtumik tikiúnigssânik ugpernarsautigssanik tamanut sarĸúmiússissalerĸârneranit ukiut mardluk ĸângiungmata nalunaeĸutit ánáussissup tikiuterĸingnigssane sujorĸutdlugo tákútugssatut neriorssûtigissaisa kingugdlersât tákúpoĸ. ánáussissup oĸausia nâpertordlugo ima pissoĸartugssausimavoĸ: "uvdloríssatdlo ĸilangmit nákarumârput." (Mat. 24, 29). Juánasilo takordlûgkamigut pissugssanik Gûtip uvdluata ĸanigdlineranik nalunaerĸutaussunik takussaĸarsimassoĸ sarĸúmersitane agdlagpoĸ: "ĸilauvdlo uvdloriai nunamut nákarput, sôrdlo fîgeĸussûp, anorerssûp aulatíkângane, fîgine ineríngitsut nákâlatítarai." (sarĸ. 6, 13). sujuligtût tamána kivdlingnartumik alutornartumigdlo nuvimparip 13-iane 1833-me uvdloríssanik nákâlassoĸarníkut angnertôrssuákut erĸûtíneĸarpoĸ. uvdloríssanik nákâlaneĸ tamána silarssûp oĸalugtuarissaunerane alutornarnerpauvdlunilo angnertunerpauvoĸ, tássagôĸ "ĸilagssuaĸ nâlagauvfingnik peĸatigîngnik ĸulangîssoĸ tamarme nalunaeĸútap akúnerine ardlalingne ikumassorssuartut ingmat! nuna tamána nunagineĸarĸâramile ĸilangme pisimassoĸarfiúngilaĸ ilaisa taima alutorivdluínartigissãnik ilaisalo taima ánilârutigissãnik." "tamatuma alutornássusia takoráníssusialo inuit ĸavsît sule erĸaimavât. ... sialuit akulikínerussumik nákãngisáinarput uvdloríssat nunamut nákariartorneránit; kangiane, kitâne, avangnâne kujatânilo - tamane ássigîngmik. naitsumik oĸautigalugo: ĸilagssuaĸ tamarme aulassutut ípoĸ. ... issigissagssaĸ tamána Silimanip atuagagssiâne oĸalugtuarineĸarneratut Amerikame avangnardlerme tamarme issigineĸarpoĸ. ... únuame nalunaeĸutaĸ mardluk autdlarnerfigalugo ĸáumarîvingnera tikitdlugo sila atdlârĸigdluínartitdlugo ĸáumarĸutit íngianáinartut ĸilak tamât aorsaorfigiuarpât." (R. M. Devens: "The Great Events of the Greatest Century", 28 ĸap., Par. 1-5).

issigissagssap tamatuma alutornangârtup takoráníssusia ilumut inuiait kíkutdlũnît oĸausîsigut nãmagtumik oĸalugtuarineĸarsánáungilaĸ; ... nangmingneĸ issigingnâĸatausimángitsut takoráníssusia erĸortumik takordlôrneĸ sapísavât. sôrdlûna ĸilaup kigdlingane atautsimut katerssũsimariardlutik ingnâtdlagíssatut súkavdluínartigalutik autdlarartut; taimáitordle nungúngitdlat - - tûsintiligpagssuit tûsintileĸatitik tuavĩnavik maligpait, pivfigssángormat píngortitaussutut." (F. Reed atuagagssiame "Christian Advocate and Journal", 13. December 1833). "fîgeĸússûp, anorerssûp aulatíkângane fîgine nákâlatíkai" ássigivdluínarnerussânik takussagssaĸarnaviángilaĸ." (The Old Countryman" atuagagssiame "Portland Evening Advertiser", 26. November 1833).

tamássa Kristusip tikiúnigssânik nalunaeĸutit kingugdlersaisa sarĸúmiúnerat, Jîsusip ajoĸersugkaminut ima oĸautigissâ: "taimátaoĸ tamáko tamaisa takuleruvsigik táuna ĸanigdlissoĸ ilisimásavarse." (Mat. 24, 33). pisimassugssaĸ tugdlíngiltoĸ Juánasip takussâ nalunaeĸutitdlo tamákua kingornisigut pissugssaussoĸ, tássa ĸilaup nigornera sôrdlo agdlagagssaĸ imuneĸartoĸ, ĸáĸatdlo ĸeĸertatdlo inimingnit nûngneĸartut, perĸigsiumángitsutdlo inûp ernera ánilârdlutik ĸimarratigigât. (sarĸ. 6, 12-17).

uvdloríssat nákâlanerssuánik issigingnârtut ilarpagssuisa tamána erĸartũssinigssamut nalunaerĸutaussutut issigât "ássersûtigssatut ánilârnangârtutut, sujulerineĸartutut nalorninaitsutut, uvdlup angingârtup ánilârnangârtuvdlo saimassumik nalunaerutigineĸarneratut". ("The Old Countryman"). taimailivdlutik inuit sujuligtûtip erĸûtíneĸarneranik uparuartũneĸarput, tamatumalo kingunerissânik ĸavsît Kristusip tikiuterĸingnigssânik mianerssorĸússut sianigilerpât.

angutit ilisimassaĸardluardlutigdlo pingârutilingnik atorfeĸartut Miller ilánguvfigalugo isumaliutai oĸautsitigut naĸitigkatigutdlo nalunaiautigait, 1840-mitdlo 1844-mut sulinera pilertortumik sujumukartíneĸarpoĸ.

kisiâne William Millerip suliniarnermine sukangnersumik akerdlilerneĸarneĸ misigíngitsũngilâ. sôrdlo iluarsaerĸingniat oĸalûtigissait pineĸartut, taimatútaoĸ sagdlusuíssut Millerip sarĸúmiússâ ugperissagssanik oĸalûtigingnigtunit nalingínarnit iluurineĸnngilaĸ. táukua aulajangiússatik agdlagkanik túngavigssaĸartísínáungínamíkik inuit oĸausê sujuaissamingnitdlo oĸalugtuarsiat sâgtariaĸartarpait. kisiáne adventimik ajoĸersuissut nalunaiautigssaĸ atausĩnaĸ iluarisínauvât, tássa Gûtip oĸausia. "bîbile, bîbile kisime," tássa najorĸutarissât. isumaĸatigíngisaisa bîbilimit ugpernarsautigssarsineĸ saperdlutik ilaorutigdlîneĸ mitautigingningnerdlo atortoriniarpaît. pivfigssaĸ, aningaussat pigínáussuseĸarneritdlo atortorineĸarput inuit nuánârdlutik Nâlagkamik tikiuterĸingnigssânik utarĸivdlutik iluartumigdlo inûniardlutik inoĸatigissamingnik ánáussissup tikiuterĸingnigssânut piarêrsarĸussissut ajoĸuserniardlugit.

ajortunik tamanik pilersitsissûssartup adventimik nalunaerutip súniutai akornuserniáinarnagit oĸariartortoĸ nangmineĸ aserorniaraluarpâ. Millerip bîbilip sagdlusuíssutâ issertúngivigdlugo tusarnârtine navêrtarpai ajortuliornerat ingmingnutdlo ĸujaginerat píssutigalugo, oĸausîsalo ersserĸigdlutigdlo torratdlaissut akerĸertítarpai. nalunaerutigissânut ilagîgsoĸatigîngne ilaussortaussut akerdlilînerata inuínaunerussut sapĩnerulersipait sule ingassangnerussumik iliulersitdlugit, akerailo atausiardlutik piarêrsaraluarput Miller atautsimîvfigissamit ĸimagugpat toĸúniarumavdlugo. íngilitdle iluartut inugpagssuit akornáne najorpât, tamákualo Hâta angutitut atissisimassup Nâlagkap kivfâ eĸisimíssiutdlugo ĸíngarssuissunit autdlarupâ isumangnaitsumik najugagssamut. suliagssâ sule nãmagsineĸarsimángilaĸ, Sãtanilo autdlartitailo sujunertarissamingne pakatsisitáuput.

mianerssorĸússutit Gûtip ukiorpagssuit ingerdlanerisigut kivfamigut silamiunut nagsiútarsimassai taimatut ugperiumaneĸángítarsimáput. ulerssûp sujornagut inuit gûtĩpatdlârnerssuat perĸutigalugo Gûtip ulerssuaĸ pilersítariaĸaleramiuk sujunertarissaminik nalunaerfigerĸârpai avĸutigissamingnit ajortunit sangunigssamut pivfigssaĸarsínaorĸuvdlugit. ukiune 120-ne mianerssorĸussáuput sângniarĸuneĸardlutik, Gûtip kamangnera aserûtigssãnik sarĸúmiúneĸarĸunago. kisiáne mianerssorĸússutaussoĸ asule oĸalungnerusorât, ugperíngilâtdlo. gûtĩssutsimingne igtôrnatik Gûtip autdlartitâ mitautigât, ilungersortumik oĸaorĸigsârutai soĸutiginagit, agdlâtdlo angneruniartutut pasigdlerdlugo. angutip atautsip ĸanoĸ illvdlune nunamiut pingârtortait akerdlilísavdlugit sapîserfigisínausavai? Nûap nalunaerutâ ilumôrpat, sôrme tauva silamiut tamarmik tamána pâsivdlugulo ugperisínáusángínerpât? angutip atautsip nalunaerutâ tûsintiligpagssuit ilisimássutãnut akerdliussoĸ! mianerssorĸússutigissâ ugperineĸ saperpât, umiarssuânutdlo ĸimâvfigssarsisínáungitdlat.

mitautigingnigtut píngortitat takorĸussarpait - - aussaunerata\0 ukálneratalo nikítáunerat, atdlârĸik siagdlerfiujuitsoĸ, narssautit ĸorsôrĸigsut únuaunerata kanerneranit saimassumit tumánguersartitaussartut - - suaorputdlo: "ássersûtinik oĸalúngínerpa?" iluartumik oĸalũssissoĸ silaĸardluángitsutut nikagât, alĩkutagssarsiornigssardlo avĸutigissatigdlo ajortut aitsât taima kajungeritigalugit. ugpíngíssutsimíkutdle pissugssaĸ sujuligtûtigineĸartoĸ píngitsôrtíngilât. Nâlagkap gûtĩssusiat sivisûmik nãmagalugo sângnigssamut pivfigssaĸartitdluaraluarpai, kisiáne pivfigssaĸ nagdliungmat sáimáuneĸarnigssamingnik narrugingnigsimassut Nâlagkamit erĸartũneĸardlutigdlo pitdlarneĸarput.

Kristuse oĸarpoĸ tikiuterĸigfigssamine inuit taimatútaoĸ ugpíngitsigiumârtut. sôrdlo Nûap nalâne inuit "pâsinagulo, aitsâtdle ulerssuaĸ nagdliungmat tamaisa nungutitdlugit, taimátaoĸ íkumârpoĸ inûp ernerata tikiuvfigssâne".(Mat. 24, 39). Gûtimit ínugtarineĸartutut navsuertut silamiunut ilángugpata táukunatutdlo inerterĸutaussumik tîngassardlutik; silamiut inûvdluatârpatdlârnerat ilagîngnit inûvdluatârutigineĸalerpat; katítut sujarnúneĸarpata tamarmigdlo ukiorpagssuarne timimíkut inûvdluarnigssaĸ isumavdlûtigigpássuk - - tauva nuánersumik takordlûgait túngavigssaĸángitsumigdlo isumavdluarnerat ĸilangmit ingnâtdlagiarnertut tássángáinartigissumik kipitíneĸarumârput.

sôrdlo Gûtip kivfane autdlartíkâ silamiut ulerssuaĸalerneranik mianerssorĸujartordlugit, taimatútaoĸ autdlartitat ĸinigkane autdlartípai erĸartũssinigssarssûp ĸanigdlinera nalunaerutigiartorĸuvdlugo. sôrdlulo Nûap nalâne inuit ĸavsît iluartumik oĸalũssissup sujuligtûtigissainik igdlautigissaĸartut, taimatútaoĸ Millerip nalâne ĸavsîúput - agdlât Gûtip ínugtaisut navsuertut akornáne - táussuma mianerssorĸússutaussumik oĸausînik mitautigingnigtut.

sunalo píssutauvdlune Kristusip tikiúnigssânik nalunaiaineĸ ilagîgsoĸatigîngne taima ilalerneĸángitsigâ? Nâlagkap tikiúnera iluaitsunut perdlungnik aserugaunigssamigdlo nagsataĸardlune iluartunut nuánârutigssamik neriûtigssamigdlo nagsataĸartugssauvoĸ. sagdlusuíssuterujugssuaĸ tamána Gûtip ĸitornaisa ĸanordlũnît ilissúkut tugpatdlersautigiuarsimavât. sôĸ sagdlusuissut Gûtiussordlo tamatuminga píngortitsissoĸ ínugtarissãtut navsuertunit mamiatsautigineĸarpat? Nâlagkavta nangminêrdlune ajoĸersugkane ima neriorssorpai: "inigssioriartorêruvsilo kingumut tikiúkumârpunga, uvavnutdlo pisíkumârpavse naj ugkavnêrĸuvdluse. " (Juán. 14, 3). ánáussissup nãkigtartup ajoĸersugkame kiserdliortutut misiginerat aliasungneratdlo pâsisimavdlugo íngilinik autdlartitsivigai neriorssordlugitdlo ĸilaliarnermisut piviutigissumik tikiuterĸigkumavdlune. ĸilangmut issigiuartitdlutik asangâgartik áungartínago alarnavêrsârdlugo oĸautsit máko tusâvdlugit sianigilerpait: "ukorsê angutit Galilîamiûssuse, sôĸ ĸeĸarpisr ĸilangmutdlo ârdlungavdluse? Jîsuse táuna ilivsínit ĸilangmut pavungnartitaussoĸ taimaitdlune tikiúkumârpoĸ, sôrdlo ĸilangmut autdlartoĸ takugigse." (ap. sul. 1, 11). íngilip oĸausîsigut neriulerĸigsitauput. ajoĸersugkat "Jerûsalâmut uterput tipaitsungârdlutik; nâlagfingmitainarputdlo Gûte únersiutigalugo ĸutsavigalugulo". (Lúk. 24, 52. 53). tipaitsûtigissât tássáungilaĸ Jîsusip ĸimagsimangmatik silap matuma misiligutainik ússernartuinigdlo akiugaĸartariaĸartitdlutik; ingilitdle Jîsusip tikiuterĸingnigssânik neriorssûtât tipaitsûtigât.

Kristusip tikiúnigssânik nalunaerut, sôrdlo taimane inúngornera íngilinit Bîtdlîmime savanik pârssissunut nalunaerutigineĸarnerane, ilumut asassaĸartut táussuma tikiuterĸingnigssânik bîbilip nalunaerutâ, tikiuterĸârnermisut mitautigineĸarnanilo nikagineĸarnanilo narrugineĸartugssaunane, kisiáne píssauneĸardlunilo nâlangnardlunilo ínugtane ánáukiartordlugit. ánáussissumut-una asangníngitsut táussuma tikiúnigssânik kigsauteĸángitsut; ilagîgsoĸatigîtdlo Gûtimit nigortersimanerat nalunaerutip ĸilangmit nagsiússaussup ûmitsautigineĸarneranit akerartorneĸarnersnitdlo ersserĸingnerussumik ugpernarsautigssaĸángilaĸ.

nalunaerutigissamik ilagsingnigsimassut ánáussissimik tikiúnigssâ ĸilanârivigdlugo utarĸivât. pivfigssaĸ nâpísavdlugo isumavdluarfigissât ĸanigdlivoĸ, ilungersortunigdlo erĸarsauteĸardlutik utarĸíput. Gûte inûvdluarnartumik uníngavigât, áipâne erĸigsíssutigssap ĸularnavêrĸutigissânik. kialũnît neriũmik tamatumínga tatigingningnermigdlo tamatumínga misigissaĸarsimassup akúnerit utarĸivfît tamáko puiorsínáusángilai. pivfigssap sujornagut sapâtit akúnerine kingugdliussune silamiutut suliagssat amerdlanertigut uníngatĩnarnêrúput ilumôrdlutik ugpertut ũmatimíkut erĸarsautitik misigíssutsitigdlo tamaisa perĸigsârtumik misigssorpait, sôrdlo toĸulerdlutik ínangassut pissartut, akúneritdlo ardlaĸángitsúnguit ĸângiugpata issitik silamiorpalugtunut sunut tamanut matussugssaussutut. tamarmik pâsivât ilumíkut ánáussissoĸ nâpíniásavdlugo piarêrsartariaĸardlutik. ĸaĸortunik "atissait" tássa tarnimíkut minguíssuseĸ, píssuseĸ Kristusip sáimautaussumik auagut ajortaiarneĸarloĸ. ĸanortoĸ Gûtip navsuertumik ínugtaisa akornáne sule inoĸarniarile taimatut ũmatimingnik misigssuiumavdlutigdlo taima aulajaitsigissumik ugperumassunik! Nâlagaĸ taimatut manigûvfigiuardlugo ĸinussarnermíkut sáimáussutip igsiavíssârssua savssarfiginiarsimagaluaruníko mãnákornit misiligtagartunerungârsimásagaluarput. ĸinussoĸángípatdlârtarpoĸ ilumôrtumigdlo ajorteĸarnermik pâsisimangningneĸángípatdlârdlune, ûmássusilingmigdlo ugpernerup amigautaunerata kingunerissânik inuit ĸavsît sáimáunelenrneĸ utertitsissivta taima nãmagtigissumik pigssarsiarititâ pigíngitdluínarpfit.

Gûtip ínugtane misiligkumasimavai. agssâta pruvfîtit uvdluisa nautsorssorneĸarneráne pâsinerdlugaĸ issertorsimavâ. tikiúnigssamik ugpertut kúkuneĸ malugingilât, pâsinerdlugardlo akerdlilîssuisa ilisimatunerssáinitdlũnît nanineĸángilaĸ. táuko oĸarput: "pruvfîtit uvdluinik nautsorssuinerat erĸorpoĸ. pisimassugssaĸ pingârtorujugssuaĸ ĸanigdlivoĸ, kisiáne táunáungitsoĸ Millerip sujuligtûtigissâ. pissugssaĸ tássauvoĸ silamiut sângnigssât, tássaunanilo Kristusip áipagssânik tikiúnigssâ."

1844-me utarĸivfik ĸângiúpoĸ, Kristusilo tikiutíngilaĸ ínugtane ánáukiartordlugit. ilumôrdlutik ugperdlutigdlo asangnigdlutik ánáussissimingnik utarĸisimassut alianartumik pakatsíput. kisiáne Gûtip sujunertarissâ nãmagsineĸarpoĸ: sarĸúmernigssaminik ugperissaĸartutut navsuertut ũmatait misiligpai. tamákua ilait ĸavsît ersinerínarmik perĸuteĸardlutik sulisimáput. ugperissamik navsuernerisa ũmatait inûsiatdlũnît súnîvigisimángilât. pissugssaĸ utarĸissaĸ píngitsôrmat inuit tamáko oĸarput ugguarnatik, Kristusivme tikiúnigssâ ugperíngisáinarsimavât. ilumôrdlutik ugpertut aliasungneránik ilaorutigdlîssut tamáko sagdlersarait.

kisiáne Jîsusip katerssârssuitdlo ĸilangmiussut inuit misiligausimavdlutigdlo ilumôrtut, kisiáne pakatsisimassut, nãkigalugit alákarpait.