mianerssorĸússut sûsupagissaĸ

Kistusip áipagssânik tikiúnigssâ ajoĸersũssutigititdlugo William Millerip suleĸataisalo sujunertatuarisimavât inuit súnîviginiásavdlugit erĸartũssivigssamut piarêrsarĸuvdlugit. kristumiússusermik navsuertut eĸêrsarniarsimavait ilagît erĸortumik neriûtigissât kristumiututdlo itinerussumik misiligtagaĸartariaĸarnerat pâsiniarĸuvdlugit. taimatútaoĸ suliniarsimáput sâgsimángitsut pâsitíniardlugit ajortitik perĸigsimíssutigalugit ernĩnaĸ Gûtimut sâgtariaĸarneránik. "kinalũnît ingmíkôrniaĸatigîngnut ugperissagssarsiornermilũnît peĸatigîngnut sûssunutdlũnît sâgtíniardlugo sulíssutigissaĸángitdlat. taimáitumik peĸatigît ingmíkôrniaĸatigîtdlo tamaisa sulivfigait táukua ârĸigssugaunerat nâlagarsiortitsineratdlo akuliuvfiginagit."

"sulinivne tamatigut," Miller oĸalugpoĸ, "ilagîgsoĸatigîorêrsunit avdlaussumik ingmíkut ítumik pingârtitagssamik atulersitsinigssamik kigsautigissaĸarsimángilanga ilagîgsoĸatigîtdlo ardlait ardlaisa akornutigssãnik iluaĸuserniángisáinarsimavdlugit. tamaisa iluaĸuserumavdlugit kigsautigâra. kristumiut tamarmik Kristusip tikiulerĸingnigssânik isumavdlûtigssaĸ nuánârutigísagât ĸularíngínavka, uvavtutdlo isumaĸángitsut ajoĸersũmik tamatumínga ilagsingnigtunik asangníngínerunigssât ilimagíngínavko, taimáitumik ĸaĸugulũnît ingmíkut atautsimĩtariaĸartalernigssaĸ erĸáingilaralũnît. kigsautigissatuáka tássa tarnigdlit Gûtimut sâgtíniarumavdlugit inoĸatíkalo súnîviginiarumavdlugit ũmatimíkut piarêrĸuvdlugit Gûtertik erĸigsivdlutik nâpísínaorĸuvdlugo. sulinivkut sâgtitaussut amerdlanerssaisa ilagîgsoĸatigîorêrsut ilánguvfigait." (Bliss).

suliniarnerata ilagît amerdliartortingmagit tamána sivisúngíkalunrtumik iluaĸutaussutut issigineĸarpoĸ, kisiáne oĸalũssissartut ugperissagssarsiornermilo sujulerssuissut adventimik ajoĸersût akerdlilernialeramíko oĸalugtarfingnit akornusersuínarnago ilagîgsortatik inertertalerpait Kristusip tikiuterĸingnigssânik oĸalugiautinut ornigútarĸunagit agdlâtdlo oĸaloĸatigĩsavdlutik atautsimĩtarnermingne neriûtigissartik oĸaloĸatigĩssutigissarĸunago. taimáitumik ugpertut ajornartorsioĸaut. ilagîgsoĸatigît atavfigissatik asavait ĸimagkusúngíkaluardlugitdlo, kisiáne Gûtip oĸausiata nalunoprutâ issertorneĸartitdlugo sujuligtûtinigdlo misigssuerĸussáungínertik takuvdlugo, tauva Gûtimut ilumôrumagunik nâlagarsiuínarneĸ saperdlutik misigíput. Gûtip nalunaerutânik isertitsiumángitsut Kristusip ilagîgsortaisut "sagdlusuíssutip sukâtut túngaviatutdlo issigineĸ saperpait. taimáitumik ilagît atavfigisimassatik ĸimásavdlugit píssutigssaĸarsoríput. 1844-p aussaunerane inuit 50.000 migssiliordlugit amerdlássusigdlit ilagîussunit ĸimagúput.

tamatuma migssangajâne Amerikame nâlagauvfeĸatigîngne ilagît amerdlanerit malungnartumik avdlangûteĸarput. ukiorpagssuit ingerdlaneráne timíkut píssusilersûtit ilerĸutdlo kinguariartuârsimáput, tamatumalo peĸatânik ãma anersãkut inûnerme kinguariartorneĸarsimavdlune. ukiumile taineĸartume, nuname ilagîngne tamangajangne tássángáinaĸ nákariarneĸarpoĸ. mássa tamatuma píssutâ ugpernarsarneĸarsínaugunángíkaluartoĸ, tamána malugineĸarpoĸ ardlalingne oĸalugtarfingne avîsinilo oĸatdlisigineĸardlune.

atuagagssiame "Religious Telescope"-me ima agdlagtoĸarpoĸ: "mãnákutut ugperissagssarsiorníkut aserũkiartornermik taima angnertutigissumik takussaĸángisainarpugut. ilagît ilumut eĸêrdlutik nâgdliungnartup tamatuma píssutigissâ pâsiniartariaĸarpât; Sîunimingme asangnigtut kíkutdlũnît tamána nâgdliungnartutut misigissariaĸarpât. sângniartartut ikíssusiat akugtússusiatdlo ajortigdlit-dlo ugperissagssáungingajagtumik sorráissusiat erĸaiguvtigo aperissariaĸarpugut: "Gûtip saimaniásavdlune puiorsimanerpa? imalũnît: "sáimáussutip matua matusimanerpa?"

píssusiussoĸ taimáitoĸ nagdliutíngisáinarpoĸ ilagîngne píssutigssaĸartínane. anersãkut ítumik târsiorneĸ inuiaĸatigît, ilagît inuitdlo atausiákât misiligtagât Gûtip taimungâinaĸ sáimáussiumajungnaerneranik tugpatdlersaiumajungnaerneranigdlũnît píssuteĸartángilaĸ. nagguveĸatigît jûtiussut Kristusip nalâne oĸálugtuarissaunerat ersserĸivigsumik ássersûtigssauvoĸ sagdlusuíssúmut tamatumúnga. silamiússusermut túniúnikut Gûtimigdlo oĸausianigdlo puiorníkut ũmatait nunamiorpatdlagdlutigdlo piumássusipiloĸalersimáput. taimáitumik Mísiarsip tikiúnera sianigíngilât, angneruniarnermingnilo ugpíngínermingnilo utertitsissoĸ narrugât. taimáikaluartordle Gûtip inuiaĸatigît jûtit ánássutip pivdluarĸússutainik ilisimatíniarungnáingilai; kisiáne sagdlusuíssúmik narrugingnigsimassut ĸilangmit tuníssutaussoĸ piumajungnaivigsimavât. "tâĸĸaumaníngortísimavât ĸaumanerdlo târtúngortísimavdlugo", kîsalo ĸáumarĸut ilumiugissartik târsisísimavât, ilalume târssuaĸ tamána angeĸaoĸ!

inuit kristumiutut ilerĸoĸarnerat Sãtanip sujunertarissainut nalerĸúpoĸ, Gûtimik mianerissaĸarneĸ ûmássusilik amigautigineĸáinarpat.

íngilip nalunaerutâ sujugdleĸ sarĸúmersitat kapitalit 14-iáne erĸartorneĸartup, Gûtip erĸartũssivigssâta tikiutilernera nalunaerutigîtigalugo inuitdlo kajumigsârniautigalugit Gûte mianererĸuvdlugo atarĸerĸuvdlugulo, sujunertarâ Gûtip ĸitornai navsuertut silamiut aserûtaussumik súnîneránit ingmíkôrtíniásavdlugit eĸêrsarumavdlugitdlo silamiorpatdlangnitik tunússinertigdlo pâserĸuvdlugit. nalunaerutíkut tamatumûna Gûtip ilagît mianerssorĸússúmik nagsísimavai ilagsineĸáinarsimagune ajoĸutinut Gûtimut avigsârutaussunut ajugáussutigssáusagaluartumik. ĸilangmit nalunaerut ilagsisimagaluaruniko ũmatimíkut Nâlagaĸ manigûvfigalugo kînânutdlo savssarnigssamingnut piarêrsardlutik, tauva Gûtip anersâ píssâuneralo akornáne sarĸúmersitausimásagaluarput. taimáisimagpat ilagît atausiussúseĸ, ugperdluarneĸ asangningnerdlo angusimásagaluarpait, sôrdlo apustilit uvdluine ugpertut "ũmatimíkut tarnimíkutdlo atausiussut", sôrdlulo "Gûtip oĸausia sujôranatik oĸalûtigigât" ãmalo "Nâlagardlo ánagtunik uvdlut tamaisa ilagîngnut ilángússissartoĸ." (ap. sul. 4,32.31; 2,47).

kingunerissat taima pivdluarnartigissut adventimik nalunaerúmik ilagsissaĸartut misigait. ugperissagssarsioĸatigîngnit ássigĩngitsunit pissarput, kisiáne peĸatigîusimassune avigsârutausimassut pêrsitauvdluínarput. ugperissat navsuerutigineĸartarsimassut ingmingnut akerdliussut seĸumisitauvdluínarput, ukiune tûsintilingne nunome nâlagauvfigssamik neriûtigissaĸ ĸimangneĸarpoĸ, Kristusip tikiuterĸingnigssânik isumaliutit kúkussut narĸingneĸarput, angneruniarneĸ silamiututdlo íkumássuseĸ pêrput, nâpertuivdluángitsumik iliorsimanerit iluarsineĸarput, ũmatit tipaitsungnartumik atnusioĸatigîlerput, asangningneĸ tipaitsungnerdlo kisimiulerput. ajoĸersûtip tamatuma ilagsingnigtut amerdlángitsut taima misigissaĸartísínausimagpagit, tamarmik ilagsisimagaluarpássuk, tamaisa taimatut misigissaĸartísimásagaluarpai.

kisiáne ilagîgsoĸa tigît nalingínait mianerssorĸússut ilagsíngilât. "Israilip nagguvigissainik pârssissutut" oĸalũssissartuisa sujugdliuvdlutik Jîsusip tikiúnigssânik nalunaeĸutit takussariaĸarsimagaluarpait, kisiáne sagdlusuíssut ilisaringilât, pruvfîtip nalunaerutaisigut uvdlutdlũnît nalunaeĸutaisigut nâmik.

íngilip sujugdliup mianerssorĸússutânik narrugingningnermíkut Nâlagkap nangminermingnik ánássutigitiniagâ narrugât. sáimáunermik oĸariartortoĸ ajoĸutinik Gûtimit avigsârutaussunik iluarsáisagaluartoĸ narrugât, silamiutdlo sule kajungerneruvdlutik ikíngutiginialerpait. tamássa ilagîgsoĸatigîngne ukioĸ 1844 uípatdlernartumik silamiorpatdlangnernut, tunússinermut anersãkutdlo ítumik toĸunermut píssutaussut ilât.

ínglilt sarĸúmersitat kapitalit 14-iáne erĸartorneĸartut sujugdlersât avdlamik malingneĸarpoĸ, táunalo nalunaerpoĸ: "úpípoĸ, úpípoĸ Bâpale angisôĸ, inuiaĸatigît tamaisa vĩnimik kamáumik uverssarnerme pianik ímíkamigit." (sarĸ. 14,8). Bâpale isumaĸarpoĸ uiverneĸ. agdlagkane iluartune oĸauseĸ táuna ugperissamut sagdlussumut tunússissumutdlũnît taigûtigitíneĸarpoĸ.

sarĸúmersitat kapitalit 14-iáne íngilip nalunaerutâta áipâ aitsât 1844-me aussaunerane nalunaiautigineĸarpoĸ, taimaníkutdlo mianerssorĸússu tigineĸarfigisimassáine ilagîgsoĸatigîngnut túngatíneĸarneruvoĸ, tássanime ilagîgsoĸatigîngne tunússineĸ pilertornerpausimavoĸ. íngilivdle áipâta nalunaerutâ 1844-me nãmagdluínartumik erĸûtíneĸángilaĸ. taimaníkut ilagîgsoĸatigît anersãkut ítumik úpíput adventimik nalunaerutip ĸáumarĸutâ narrugigamíko, kisiáne úpíneĸ tamána nãmagdluínartũngilaĸ. uvdlune tamákunane ingmíkut ítumik sagdlusuíssutaussunik narrugissaĸartuarníkut itinerussumut nákariartortuarsimáput. taimáitordle oĸarsínáungilagut "úpípoĸ Bâpale . . . . inuiaĸatigît tamaisa vĩnimik kamáumik uverssarnerme pianik ímíkamigit". tamána sule inuiaĸatigîngne tamane nãmagsineĸángíkatdlarpoĸ. silamiorpatdlagtut anersâvat sagdlusuíssutinigdlo misilingneĸarsimassunik nalivtíne atortûssunik soĸutigissaĸángíneĸ ilagîgsoĸatigîngne nâggârtune silarssuarme tamanĩtune angnertusiartuínarsimavoĸ, ilagîgsoĸatigîtdlo tamáko erĸartũssúme ánilârnartume íngilit áipâta nalunaerutigissâne ilángússáuput. kisiáne tunússineĸ sule nãmagdluínalersimángilaĸ. bîbilime agdlagsimavoĸ Nâlagkap tikiúnigssâ sujorĸutdlugo "Sãtanip súnîneragut nalingínarmik kivdlingnartulianik nalunaeĸutinigdlo tupingnartulianigdlo sagdlunernik," ãmalo "ilumôrnermut asangningnigssaĸ ánássutigssaraluârtik ilagsíngingmássuk," perĸujumârai "támarnartut sualugtut táukunúnga perĸúsagai sagdlunerit ugpererĸuvdlugit". (2 Tás. 2, 9-11). píssusigssaĸ tamána anguneĸarêrpat kristumiunilo tamane ilagît silamiunut kátutivingneĸarêrpata aitsât Bapalip úpínera nãmagsivísaoĸ. avdlángoriartorneĸ ingerdlarussârpoĸ, sarĸúmersitatdlo 14, 8-ata erĸûtineĸardluínarnigssâ sujunigssame piumârpoĸ.

ilagîgsoĸatigîngne Bâpalíkúne anersãkut ítumik târsiorneĸangâraluartoĸ Gûtimitdlo avigsâruteĸaraluartut, taimáitordle ilumôrdlutik Kristusimik malingningniartorpagssuit tamákua akornánĩput sule. ilarpagssuisa sagdlusuíssut ingmíkut ítumik uvdluvtínut mákunúnga túngassoĸ takusimángisáinarpât. ikigtũngitsut mãnákut píssusertik nãmaginago ĸáumarĸutigssaĸ ĸaumanerussoĸ erinigât. Kristusip ássinga nanísanago ilagîgsoĸatigîngne atavfigissamingne ujartaraluarpât. ilagîgsoĸatigĩkûtât tamákua sagdlusuíssut ungasigdliartuínardlugo silamiut ĸanigdliartuínarmutigik ássigĩngitsut táuko mardluk ássigĩngínerujartortuásáput kîsulo avigsârnermik kinguneĸarumârdlune. pivfigssaĸ nagdliúkumârpok, tauvalo avdlanik tamanik angnerutitdlugo Gûtimik asassaĸartut máko atássuteĸarfigiuarneĸ sapilisavait "Gûte píngíneruvdlugo inûvdluautigssanik kajungerissaĸarnerussut, Gûtimik mianeringnigtûssâraluardlutik píssauneranik narrugingnigsimassut".

sarĸúmersitane kapitalit 18-iata pivfigssaĸ uparuartorpâ nagdliúkumârtoĸ ilagît sarĸ. 14, 6. 12-ime mianerssorĸússutit pingasut narrugisimagamíkik píssuseĸ íngilit pingajuata sujuligtûtigissâ angusimalerpássuk, inuitdlo sule Bâpalimĩtut ilagîgsortainit ĸimaguterĸussauvdlutik ĸaerĸuneĸarpata. silamiut nalunaerutisiagssaisa tamána kingugdlersariumârpât, suliagssanilo nãmagsiumârpâ. "sagdlusuíssúmik ugperingníngitsut iluáinermutdle kajumigtut" támarnartunut sualugtunut perĸussauvdlutik sagdlunerit ugperilerpatigik, tauva sagdlusuíssutip ĸáumarĸutâta ilagsiumavdlugo ũmatimingnik angmatitsissut tamaisa ĸíngorfigiumârpai, Nâlagkavdlo ĸitornaisa taimailissúkut Bâpalimĩtut tamarmik ĸaerĸuneĸarneĸ sianigiumârpât: "táussumánga anigitse, ínugtáka!" (2 Tás. 2, 13; sarĸ. 18,4).