"isertarfik matuigaĸ"

agdlautigissap: ivdlernartûtip, 1844-me pakatsinerup nalorssitsârutâta pâsíssutigssâ sarĸúmersípâ. sagdlusuíssuteĸatigît nãmagdluínartut, ataĸatigîgdluartut ingmingnutdlo ârĸiagîgsut sarĸúmiúpait. tássûna nalunarungnaerpoĸ adventisiorneĸ pingârtorssuaĸ Gûtip sujulerssorsimagâ, ínugtaisalo suliagssât uparuarneĸardlune. sôrdlo ajoĸersugkat únuaĸ nâvdlugo ánilângavdlutigdlo pakatsisimavdlutik "Nâlagaĸ takugamiko tipaitsugtut", taimatut ugperdlutik tikiúnigssânik utarĸisimassut tipaitsugput. ilimagisimavât nâlangnássutse atisimavdlugo aggísassoĸ kivfane akileriartordlugit. neriungnermingne pakatsigamik Jîsuse áungaivât. mãna palasiunertik saimassoĸ ivdlernarnerpâme issigisínaulerĸigpât, ĸilamik kúngimigtut ánáussissimigtutdlo savssartugssaĸ.

ivdlernartũmit ĸíngornerit perêrsimassut, nalerput sujunigssardlo ĸáumarsarpât. Gûtip tatiginardluínartumik isumagssuinermigut tasiorsimagâtik nalúngilât. nauk nalunaerut nalunaiautigissartik ajoĸersugkat sujugdlît ássigalugit pâserĸigsârsimángíkaluarigtik, taimáitordle tamatigordluínaĸ ilumôrsimavoĸ. nalunaiautigalugo Gûtip sujunertarissâ nãmagsisimavât, sulineratdlo Nâlagkame asulĩnarsimángilaĸ. "nerũlmut ûmássusilingmut" erniorĸigdlutik tipaitsugsínãngorput "tipaitsungnermik navsuiagagssaunanilo nâlangnarsisitaussumik".

kisiáne Dân. 8, 14-ime sujuligtûtip: "únugtoĸ uvdlãngortoĸ mardlungnik tûsintilingnik pingasunigdlo huntritilingnik, tauva ivdlernartût iluartíneĸásavoĸ," ãmalo íngilip nalunaerutâta sujugdliup: "Gûte mianerisiuk, táunalo nâlangnartísiuk, erĸartũssivigssâ nagdliungmat," tamarmik Kristusip ivdlernarnerpâme kivfartũssinigssâtássanilo erĸartũssinigssamut túngassumik misigssuinigssaĸ pivât, Kristusivdlo tikiuterĸigdlune ínugtaminik aniguisitsinigssâ gûtîtsunigdlo piunêrússinigssâ pínago. paitsûgaĸ tássáungilaĸ pruvfîtip uvdluinik misigssuineĸ, kisiáne uvdlut 2300 ĸângiúnerisigut pissugssap sunáussusigssâ. paitsôrnerup tamatuma kingunerissânik ugpertut pakatsisimáput; kisiáne tamáko tamarmik sujuligtũme sujuligtûtigineĸarêrsimáput, agdlagkatdlo iluartut nâpertordlugit ilimagineĸarsínaussut tamarmik nagdliúsimáput. neriûtigissamik erĸûtíneĸángínera pakatsíssutigalugo aliasûtigerugtorât pisimussugssaĸ nalunaerutip sujuligtûtigissâ nagdliusimavoĸ, pisimassugssaĸ Nâlagkap kivfane akileriartordlugit tikiunigssâ sujorĸutdlugo nagdliutariaĸartoĸ.

Kristuse tikiúsimavoĸ, ilimagineĸarneratut nunamut pínane, ĸilangmile Gûtip nâlagfiutâta ivdlernarnerpâvanut. pruvfîtip Dânialip Kristuse erĸartorpâ taimailissúkut uvdlut utorĸaussuánut (Gûtimut atâtamut) savssartugssatut: "takungnigkama únuame takordlôrníkut, sunauvfa ĸilaup nuiaisigut aggersoĸ inûp erneralusôĸ; uvdlut utorĸaussuat tikíkâ, sânutdlo savssartitauvdlune" - nunamut pínane. (Dân. 7, 13).

tikiúnigssaĸ tamána taimatútaoĸ pruvfîtimit Malakiamit sujuligtûtigineĸarpoĸ: "tássalo ĸilamik nâlagfiutiminut tikiúkumârpoĸ Nâlagaĸ ujagarse, íngile angerfigeĸatigîgsitsissugssaĸ kajungerissarse; tamássa aggilerpoĸ, oĸarpoĸ Nâlagaĸ katerssârssuit Gûtiat." Nâlagkap nâlagfiutiminut tikiúnera tássángáinartumik ínugtainitdlo ilimagineĸángitsumik pivoĸ. ujángíkaluarpât tíssane. ilimagisimagaluarpât nunamut tikiutisassoĸ "ingnerme ikualassorssuarme Gûtimik ilisimassaĸángitsunut Nâlagkavtalo Jîsusip îvangkîliuanut nâlagkumángitsunut akiniutigssaĸ aggiutdlugo". (Mal. 3, 1; 2 Tás. 1,8).

Kristusip palasiunivtitut ivdlernartût minguersariartordlugo ivdlernarnerpâmut tikiúnigssâ Dân. 8, 14-ime sujuligtûtigineĸartoĸ, inûp ernerata uvdlut utorĸaussuánut savssarnigssâ Dân. 7, 13-ime erĸartorneĸartoĸ, ãmalo Nâlagkap nâlagfiutiminut tikiúnigssâ Malakiap sujuligtûtigissâ - táuko pingasûvdlutik tamarmik pisimassugssamik atausiussumik táunaussumik oĸalugtuáuput. pisimassugssaĸ tamána ãmátaoĸ uvigssap tikiúneratut Kristusimit oĸalugtuarineĸarpoĸ Mat. kapitalit 25-áne niviarsiat ĸulit pivdlugit ássersũme

ássersũme Mat. kapitalit 22-ánĩtume katínermik ássersûtaussume tamánátaoĸ sarĸúmiúneĸarpoĸ. erĸartũssinigssardlo sujorĸutdlugo misigssuinigssaĸ ersserĸigsumik katínigssaĸ sujorĸutdlugo suliarineĸartugssatut takutitauvoĸ. katínigssaĸ sujorĸutdlugo kúngip neriartorsimassut iserfigai ássûtit katítorsiutit - píssutsit agssuarnaitsut savârĸap auane errugauvdlutik ĸaugdlorigsisitat - atisimanerait takuniardlugo. (Mat. 22, 11; sarĸ. 7, 14). amigauteĸartut silatânut ajagtugáuput. katítorsiutinigdle ássûteĸartut Gûtip igsiavíssârssuata sânĩtugssautitáuput nâlagauvfiane ilagalugo. píssuserigsârnermik misigssuineĸ tamána, kíkut Gûtip nâlagauvfianut piarêrsimavdlutigdlo piúkúnarneránik misigssuineĸ, tássa erĸartũssissutut misigssuineĸ pavane ivdlernartũme naggasiutigssatut suliagssaussoĸ.

misigssuineĸ inerneĸarêrpat, ukiorpagssuitdlo ingerdlanerisigut Kristusip ajoĸersugaisut navsuertarsimassut misigssorneĸarêrpata, taimalllssukútdlo uitsât, misiligauvfik ĸângiutdlune sáimauvfiup matua matuneĸarumârpoĸ. nalunaerutip naitsúngûp matuma: "piarêrsimassutdlo katítorsiortugssanut ilagalugo iserput; matulo parnaerpât," ánáussissup naggatigssamik kivfartũssinigssâgut inuit ánássutigssãnik suliarssûp inerfigssâ uparuarpâ.

sôrdlo uparuartorneĸarêrsoĸ nuname ivdlernartũme kivfartũssineĸ ivdlernartũme kivfartũssinermut ássersûtauvoĸ. palasiunerup uvdlorme sáimáunartitsivingme ivdlernartũme nunamĩtume ivdlernarnerpâĸ iserfigigângago ingmíkôrtortame sujugdlerme kivfartũssineĸ soraertarpoĸ. Gûtip inássutâ imáipoĸ: "inungmik isersimassoĸásángilaĸ tuperme nâpítarfingme, ivdlernartume sáimáunartitsísavdlune iserpat anitserdlugulo." (3 Môrs. 16, 17). taimáitumik Kristusip ivdlernarnerpâĸ naggasiutigssamik sáimáunartitsiartúsavdlune iserfigigamiuk ingmíkôrtortame sujugdlerme kivfartũssinera soraerpoĸ. ingmíkôrtortavdle sujugdliáne kivfartũssineĸ soraermat ingmikôrtortap áipâne kivfartũssineĸ autdlarnerpoĸ. palasiunerup ássersûtigssamik kivfartũssinermine uvdlorme sáimáunartitsivingme ivdlernartoĸ ĸimákamiuk Gûtip kînâ savssariartorfigâ tuníssutip ajortaeruterĸússutip aua erĸúkiartordlugo israilíkut ilumôrdlutik perĸigsimisimassut sivnerdlugit. taimatut Kristusip sivnerdluta suliame ingmíkôrtua atauseĸ inerpâ tugdlia autdlarnerniáinardlugo, sulilo ajortigdlit aune najortigalugo atâtamine ĸínúpai.

mãna oĸautsit Kristusip pivfigssákut tássûnarpiákut sarĸúmersitat agdlagaisigut ilagîngnut oĸautigissai pâsinarsíput: "ima oĸarpoĸ iluartoĸ sagdlusuitsoĸ, Dâvip matuersautânik pilik, matuîssartoĸ avdlap matúsángisânik matussissartordlo avdlap matuísángisânik: suliatit ilisimaváka, ata, isertarfik avdlap matuneĸ ajugâ sângne matuigautípara." (sarĸ. 3, 7-8).

jûtit ugpíngitsut píssusiat pâsíssutigssauvoĸ kristumiunik taineĸartut nangmingnerdle piumássutsimingnik palasiunivta saimassup sulineranik ilisimassaĸángitsut píssusiánik. palasiunerup ássersûtaussumik kivfartũssinermine ivdlernarnerpâĸ iserfigigângago piumassarineĸartarpoĸ israilíkut ivdlernartûtip silatâne katerssûtdlutik tarnitik ilungersortumik Gûtimut manigûtisagait, ajortuliatik isumákêrneĸarsínaorĸuvdlugit, ilagîngnitdlo ajagtugaorĸunatik. ĸanoĸ pissariaĸarnerutigingínerpa uvdlorme sáimáunartitsivingme ássersûtigineĸartume matumane uvagut palasiunivta sulinera ilisimásagigput uvavtínutdlo suliagssarititaussut ilisimásavdlugit!

mianerssorĸússutit Gûtip sáimáussutsimigut nagsiússai inuit narrugĩnarsínáungilait. Nûap nalâne nalunaerut ĸilangmit silamiunut nagsiuneĸarpoĸ, inuitdlo ánássutigssât túngatitauvoĸ nalunaerúmik tamatumínga ĸanoĸ iliorfigingningneránut. nalunaerut narrugingmássuk Gûtip anersâva nugguveĸatigîngnit ajortilingnit táukunánga ulerssuarme ajunârtunit pêrsitnuvoĸ, Âperâp nalâne Gûtip sáimáunerata Sûtumame ínugtaussut gûtîtsut oĸalugfigiungnaerpai, tamarmigdlo ingnermit ĸilangmit nákâssumit aserortigáuput, Lúte nulialo panîlo nardluk kisimik pínatik. taimatútaoĸ Kristusip uvdluine, jûtit ugpíngitsut taimane inûssut Gûtip ernerata oĸarfigai: "ata, igdlorse ilivsínut ĸimagáusavoĸ inuerútoĸ!" uvdlut kingugdligssat erĸarsautigalugit Gûtip ajugaĸángitsup asangningnigssamik ánássutigssaraluamingnik ilagsingníngitsut oĸarfigai: "tamána pivdlugo Gûtip támarnartut sualugtut táukunúnga perĸúsavai sagdlunerit ugpererĸuvdlugit, tássa sagdlusuíssúmik ugperingningitsut iluáinermutdle kajumigtut tamaisa erĸartũneĸarĸuvdlugit." (Mat. 23, 38; 2 Tás. 2, 10-12). oĸautsime ajoĸersũssutâ narrugigângássuk anersâne pêrsítarpâ, támarnartunut kajumigissamingnut perĸuvdlugit.

1844-me pissugssatut ilimagissap nagdliutíngínerata adventimik ajoĸersũmut ilumôrtuartut angnikitdliortitaungârnerat kingunerâ. tugpatdlersautigissatuât tássauvoĸ ĸáumarĸut matuma áipâne ivdlernartũmik erĸarsautigissaĸalersitsissoĸ. ilaisa pruvfîtip uvdluinik nautsorssûtigisimassamingnut ugperissaraluartik narrugât, Anersâvdlo iluartup píssauniligssuarmik súnîsimanera adventisiornermut ingiaĸatausimassoĸ Sãtanip inuitdlũnît píssauneránik pissutigissaĸartípât. ilaisale misiligtagkamingne Nâlagkamit tasiorneĸarsimanertik aulajangiutdluinarpât, utarĸinermingnilo pigârdlutigdlo Gûtip piumassâ pâsisínaujumavdlugo ĸinussarnermíkut pâsivât palasiunertik píssarssuaĸ kivfartũssinermik nutâmik autdlarnigaĸarsimangmat. ugperníkutdlo táuna maligdlugo ilagĩtaoĸ naggasiutigssamik suliagssât pâsilerpât. íngilip sujugdliup áipâtalo nalunaerutait ersserĸingnerussumik pâsilerpait íngilitdlo pingajuata sarĸ. kapitalit 14-iáne ilungersortumik mianerssorĸússutâ ilagsisinângorpât silamiunutdlo nalunaiautigisínãngordlugo.