iluarsaerĸingnerup ingerdlarĸingnera

pruvfîtip Isaiap uvdlune kingugdlerne sapãmik iluarsainigssaĸ sujuligtûtigâ: "ima oĸarpoĸ Nâlagaĸ: "erĸartũssissigssat maleruarsigik iluartuliordlusilo, ánáussutiga ĸanigdlingmat nagdliûsavdlune, iluarssuseralo sarĸúmísavdlune. pivdluarpoĸ inuk taimailiortoĸ, inûp ĸitornâ tamatumínga aulajangiússissoĸ, sapãmut misigssortoĸ nalingínautíkumanago, agssangminut misigssortoĸ súnguamik ajortuliorĸunago." "avdlanertatdlo Nâlagkamut ilángútut kivfartũkumavdlugo Nâlagkavdlo arĸa asajumavdlugo táussumúnga kivfagssaujumavdlutik, tamaisa sapãmut misigssortut nalingínautíkumanago angerutsivnigdlo aulajangiússissut, táuko apûtíkumârpáka ĸáĸavnut ivdlernartumut tipaitsugtitdlugitdlo igdluvne tugsiartarfingme." (Is. 56, 1. 2. 6. 7).

oĸautsit táuko kristumiut ukiuine atorfigssaĸarput, sôrdlo ataĸatigîngneránit takuneĸarsínaussoĸ: "Nâlagaĸ nâlagaussoĸ Israilip pigissainik ĸimâtitanik katerssuissoĸ oĸarpoĸ: ãmalo katerssuiumârpunga taussumûnga pigissainutdlo katerssugkanut." (Is. 56, 8). tássûna Gûtimik nalussut îvangkîliúkut katerssugaunigssât oĸalûtigineĸarpoĸ, sapãmigdlo misigssuissut pivdluarĸuneĸarput. taimáitumik sapãmik inatsisip atortũssusia Kristusip sáningassulingmut kikiagtugauneragut soraersitáunane ãmátaoĸ atortûvoĸ makíneranit ĸilaliarneranitdlo uvdlunilo nalunaerutip tipaitsungnartup inuiaĸatigîngnut tamanut nalunaiautigineĸarfîne.

pruvfîtíkut táussumûnákútaoĸ Nâlagaĸ inatsivoĸ: "nalunaiaut atautsimut ĸilerssoruk, inatsisit naĸíssusikit ajoĸersugkavne!" Gûtip inatsisaisa naĸíssutât inatsisit sisamãnĩpoĸ. inatsisinit tamanit táussuma kisime inatsissup arĸa kináussusialo takutípâ. inatsisip táussuma inatsissoĸ táunaunerarpâ ĸilangmik nunamigdlo píngortitsissoĸ taimáitumigdlo avdlanit tamanit sagdliutitaussumik nâlangnartitagssautitauvdlunilo patdlorfigissagssautitauvoĸ inatsit tamána píngíkáine inatsisine ĸuline inatsisit táukua kia nâlagáussusia túngavigalugo inatsisíngortitausimaneránik pâsíssutigssaĸángilaĸ. pâvíkut sapât avdlángortingmássuk naĸíssut inatsisinit pêrneĸarpoĸ. Jîsustp ajoĸersugai kajumigsârneĸarput iverterĸerĸuvdlugo sapâtip inatsisit sisamâta inássutigissâta píssusigssâtut píngortitsissup erĸáissutigssâtut nâlagáussusianigdlo nalunaeĸutitut akitsisitauneragut.

"inatsisinigtoĸ; nalunaiáumigtoĸ!" ajoĸersûtit erĸarsauterssûtitdlo ingmingnut agssortũtut amerdlagaluaĸissut, Gûtip inatsisâ najorĸutagssatuauvoĸ isumaliutit, ajoĸersûtit erĸarsauterssûtitdlo misilingneĸautigssât. pruvfîte oĸarpoĸ: "oĸauseĸ tamána nâpertordlugo oĸalúngíkunik, ĸáumarĸúmik ilumiugissaĸángínerat píssutáusaoĸ." (Is. 8, 16. 20. tuluit bîbiliánit íssuagaĸ).

inássut tutsiuterĸigpoĸ: "nipitûmik tordlulagit ĸajagssũssaĸarnatit, nipigtorit suvdluartáussuartut, ínugtákalo nalunaerfigíkit pinerdiungnerinik, Jãkúkutdlo ajortuliausiánik!" uniorĸutitsissutut navîgagssat tássáungitdiat silamiut gûtîtsut Nâlagkavdle "ínugtamisut" oĸautigissai. nangigpordlo: "uvangame ujaraluarpãnga uvdlut tamaisa, avĸutigerĸussákalo ilisimajumavdlugit kajumigput; inuiagtut iluartuliortutut Gûtimik erĸartũssissigerĸussainik taimaititsíngitsutut ilivdiutik piumavfigãnga erĸartũssissinik iluarnerup pianik." (Is. 58, 1.2). tássûna inuiait oĸalugtuarineĸarput iluartûniardiutigdlo Gûtimut kivfartũssinigssamik soĸutigissaĸartutut íkaluartut; kisiáne ũmatinik misigssuiníkut sukangassumik ilungersortumigdlo navêrsitsinerup Gûtip inatsisânik tugdlârissaĸarnerat takutípâ.

inatsit ĸimatausimassoĸ pruvfîtip oĸautsitigut mákunatigut uparuarpâ: "iligkut ĸarmarneĸásáput piunêrúnerit itsarnitsat, kinguâ-rîgsoĸartitdlugo ũkarnerínausimassut náparterĸísavatit, taineĸásautitdlo ĸupinernik ĸarmaissumik avĸusinernigdlo iluarsaissumik inoĸarsínãngorsardlugit. isigkat sapãmit alisíkugko, uvdluvne ivdlernartume kajumigissat suliariumanago, sapât taigugko nuánersumik, Nâlagkavdlo ivdiernartûtâ nâlangnartumik, nâlangnartíkugkulo avĸutigiumassatit atornagit, kajumigissatitdlo piniarnagit, asule oĸalungnatit, tauva Nâlagaĸ nuánârutigísavat." (Is. 58, 12-14). sujuligtût tamánátaoĸ uvdluvtínut túngavoĸ. Gûtip inatsisânik uniorĸutitsineĸ pivoĸ ilagît rûmaierissut sapât avdlángortingmássuk. pivfigssardle nagdliúpoĸ Gûtimit ilerĸorerĸussaussup tamatuma atulerĸigfigssâ. ĸupinerdlusôĸ ĸarmarneĸásaoĸ. ĸarmatdlo túngaviussut kinguârît nikítáuneráne ũkarsimassut piorsarĸingneĸásáput.

sapât píngortitsissup ĸasuersârneragut pivdluarĸussineragutdlo ivdlernartúngortitaĸ Adamip Edenime ajorteĸángíkatdlarame ivdlernartípâ, najugkaminitdlo pivdluarfiussumit ordiusimassutut taimáitordle perĸigsimissutut anisitausimavdlunísaoĸ ivdiernartípâ. atâtaunerit Âpitdlimit Nûamitdlo iluartumit Âperâmut Jâkumutdlo sapâtisiortarput. inuiait ĸinigaussut Egivtinime kivfartortitdlugit tássane gûtipilugsiorfiussume Gûtip inatsisânik ilisimassaerútut ĸavsîúput; kisiáne Nâlagknp israilíkut uniguisíkamigit inatsisine inugpagssuarnut katerssũsimassunut nalunaerutigâ, piumassane ilisimasínáusangmassuk, ukiutdlo tamaisa mianeraiunilo nâlagsínáusangmáne.

uvdlormit tamatumánga Gûtip inatsisâ nuname ilisimaneĸartuarsimavoĸ, sapâtdlo inatsisit sisamãne inássutigineĸartoĸ sapâtisiorfigineĸarsimavdlune. nauk "ajortip inuata" ivssuma Gûtip uvdlua ivdlernartoĸ tugdlârisimagaluarâ, taimáitordle pâvíkut píssauneĸarugtorfiáne agdlât nunaĸarfingne avíngarusimassune ilumôrtunik tarnileĸarpoĸ sapãmik ivdiernartitsissunik. iluarsaerĸingnerup nalânitdle kinguârîngne tamane sapãmik ivdlernartitsissoĸarsimavoĸ. ĸinugissaunerup mitautigineĸarneruvdlo nalâne agdlât Gûtip inatsisâta nâgssáungitsumik atortũssusia píngortitsissuvdlo sapâta ivdlernartoĸ sarĸumiuarsimáput. sagdiusuíssutit tamáko sarĸúmersitat kapitalit 14-iáne takugssaunerátut "îvangkîliumutdlo ítuínartumut" atassut Kristusip ilagîgsortaisa ilisarnaĸutigiumârpait ánáussissup tikiuterĸingnerane; nalunaerutivme pingasunik ingmíkôrtortagdlip kingunera oĸautsinit mákunánga ersserpoĸ: táukũput "iluartut nikatdlujuitsut Gûtip inássutainik Jîsusimutdlo ugpernermik aulajangiússissut." nalunaerutdlo táuna Nâlagkap tikiúnigssâ tutsiútugssat kingugdiersarât. nalunaerutigineĸarnerata kingunínguagut pruvfîtip inûp ernera takuvâ nâlangnássutse atisimavdlugo nunamit katerssuiartortoĸ.

ivdiernartũmik Gûtivdlo inatsisâta avdlángujuíssusianik ĸáumarsarneĸartut sagdiusuíssut ataĸatigîgtut pâsiligartik píníssusia tipaitsûtigeĸalugulo tupigusûtigeĸât. kristumiut tamarmik ĸáumarĸúmik iluatingnangârtutut isumaĸarfigissamingnik pigingneĸataulernigssât kigsautigât, nuánârutigalugulo ilagsineĸarnigssâ ĸularutigineĸ saperpât. ĸavsîtdle Kristusimik malitaĸarnerartut sagdlusuíssut silamiut tungãnut isumaĸatigĩngínigssamik kinguneĸartugssaĸ iluaríngilât. inatsisit sisamãnut nâlangnigssaĸ ánaissaĸautaussugssauvoĸ inuit amerdlanerssaisa nangãssutigissãnik.

sapâtip ivdlernartitaussariaĸarnigssâ sarĸúmiúneĸarmat inuit ĸavsît silamiorpatdlagtumik isumaliorput. oĸarput: "uvdiut sujugdliat ivdiernartítáinarsimavarput, sujuaissavta ivdiernartitarsimavât, anguterpagssuitdlo Gûtimik mianeringnigtut ivdlernartítarsimavât nuánârdiutigdlo pivdluardlutigdlo toĸussarsimavdlutik. táuko erĸortumik iliorsimagpata uvagútaoĸ erĸortumik iliorpugut. sapât nutâĸ ivdiernartilísaguvtigo inoĸativut isumaĸatigiungnáisavavut, súnîviginerdlo sapísagaluarpavut. inugpánguíme uvdiut arfineĸ áipãnik ivdiernartitsissut silamiorpagssuit uvdiut sujugdliánik ivdlernartitsissut susínáusanerpait?" jûtit Kristusimik narrugissaĸarnertik oĸnutsit tamákua ássingajainik igdlersorpât. Gûtivme sujuaissatik pigdliutimingnik aggiússissut iluarissnrsimavai, suname pivdlugo kinguâvisa ánássutigssaĸ avĸutigssákut tássûnákútaoĸ angusínáusángínerpât? taimatútaoĸ Lutherip nalâne: katûgdlit oĸarput kristumiuvît katûgdlisut ugpernermingne toĸussarsimanerardlugit, taimáitumigdlugôĸ ugperissaĸ tamána ánássutigssatut nãmagpoĸ. kisiáne isumaliut taimáitoĸ kristumiutut ugperníkut ilerĸoĸarníkutdlũnît sujumukarnigssamut akornutaussugssauvoĸ.

ĸavsît uvdlut sujugdliat ilagîngne ukiune huntritiligpagssuarne ivdlernartitausimanerarpât. kisiáne sapât ivdlernartitauneralo sule pisoĸauneruvdlunilo siaruarnerusimavoĸ, nunarssuartúme pisoĸautigalune Gûtimit íngilianitdlo atulersitauvoĸ.

nunarssuaĸ túngaviligaungmat ĸausiutitdlo ĸĩmagtaĸatigîngmata sapât atulersitauvoĸ. (Jûp. 38, 6. 7; 1 Môrs. 2, 1-3). atulersitaĸ tamána túngavigssaĸartumik atarĸissagssarârput: nâlagkamit inûssumit atulersitáunane inuit ilerĸorissãnik túngaveĸángilaĸ; atulersitauvoĸ uvdlut utorĸaussuanit táussumalo oĸausiane ítuínartume inássutigineĸardlune.

inuiait sapâtip avdlángortitaunigssânik aperĸúmik uparuartũneĸarângata ilagîgsoĸatigîorêrsune palasiussut Gûtip oĸausia eĸutilerarât, navsuiartardlugulo nalornissut tugpatdlersautigssãtut; nangminêrdlutigdlo agdlagkanik iluartunik misigssuíngitsut isumaliutit kigsautigissamingnut nalerĸútut nãmagĩnartarpait. kivdlingnartunik erĸúngitsunigdle navsuiaissarníkut ilagîngnilo pissortaussarsimassut oĸalugtuaisigut sagdlusuíssut narrugissagssángortíniarpât. ilungersûtigingnigtuisa bîbile sâgtariaĸarpât sapãmik inatsisip atortũssusia igdlersorniardlugo. angutit nikanartut Gûtip oĸausia kisiat sákugalugo angutit ilisimatût saperssisítarpait, ilisimatûtdlo tupigusugdlutik pâsissarpât angutit ilisimaniutinik pâsisimassaĸarpiángíkaluardlutik agdlagkanik iluartunik ilisimassaĸarnerussut oĸausê artordlugit.

isumaliutertik bîbilimik túngavigssaĸartíneĸ saperdlugo ĸavsît - oĸautsit tamákua Kristusimut apustilînutdlo túngatitdlugit agssuardliutigineĸarsimanerat puigordlugo - ĸasúkásanatik oĸartarput: "suna píssutigalugo angutit pingârtortavta ilisimatôrtavtalo sapãmik aperĸutaussoĸ pâsíngilât? ilivsisut ugperissagdlit ikigtuínáuput. ajornaĸaoĸ, ilivse ilumôrnaviángilase silarssuarmilo angutit ilisimatût tamarmik kúkunaviángitdlat."

oĸautsit taimáitut akíssutigssãtut agdlagkat iluartut ajoĸersûtât Nâlagkavdlo ínugtaminik sujulerssuiuarsimanera takorĸuneĸáinarsínáuput. Gûte sulissarpoĸ nipiminut nâlagtutigut, sagdlusuíssúmik inuit iluaríngisãnik pissariaĸarângat nalunaiaiumassartutigut ajortulianigdlo iluarineĸartunik uparuartuísavdlutik ĸunúngitsutigut. Gûtip angutit inuitdlo ilisimatût angisûnigdlo atorfigdlit iluarsainiarnerme pissoriaussugssatut ĸinerajungnerúngingmagit píssuiauvoĸ inuit taimaitut ugpererĸussat, isumaliutáinait palasitdlo navsuiautigissait ugperinerussarmatigik Gûtimitdlo ajoĸersugaunigssartik kajumigíngínerussardlugo. angutit angnikitsuínarmik ilíniartitausimassut sagdlusuíssutinik sarĸúmiússissugssatut ilãníkut ĸaerĸussaussarput, ilisimassakínertik píssutiginago, kisiáne Gûtimit ajoĸersugaunigssamut ilisirnavatdlârsoríngínamik. Kristusip ilíniarfiutâne ilíniartarput, manigũnertigdlo nâlangnertigdlo pingârtúngûtigissarpait. Gûtip sagdlusuíssutiminik ilisimatitdlugit atarĸinarsangârtarpai, silamiut atarĸinautait inuitdlo pingãssusiat tamatumúnga sanigdliutdlugit soĸutaujungnaersitdlugit.

ukiune sujugdlernisut sagdlusuíssúmik nalivtíne ajortulianik támarnartunigdlo nalunarungnaersitsissoĸ mãnákútaoĸ akerdlilerneĸarumârpoĸ: "ajortuliortup ĸaumassoĸ ûmigissarpâ, ĸaumassumutdlo piumassaráungilaĸ suliane nalunarungnaersíneĸarĸunagit." (Juán. 3, 20). inuit isumartik agdlagkatigut iluartutigut igdlersorneĸ saperdlugo pâsiguníko ilarpagssuisa soĸutigissaerutdluínardlutik igdlersorumatdlísavât, ajússutsimíkutdlo sagdlusuíssúmik iluarineĸángitsumik ilungersûtigingnigtut píssusê sujunertarissailo sãssukúmârpait. tássauvoĸ periauseĸ kinguârîngnit tamanit atugaussarsimassoĸ. Eliarse israilíkúnik akornusîssutut pasigdligauvoĸ, Jeremia kigdlũssissûvorôĸ Paulusivdlugôĸ nâlagfik mingugtípâ. taimanernit uvdloĸ mána tikitdlugo sagdlusuíssúmut ilumôrtut pikigtitsissutut, ajoĸersuinerdlugtutut akerdliuniartututdlo pasigdligaussarsimáput.

píssutsit taimáititdlugit sagdlusuíssúmik oĸariartortoĸ ĸanoĸ iliortariaĸásava? sagdlusuíssutip sarĸúmiútariaĸángínera aulajangiútariaĸásanerpâ, inuit sagdlusuíssúmut akerdlilînialernerat tamatuma kingunerĩnarajugtarmago? nâgga, ĸanga iluarsaerĸingniartut Gûtip oĸausiata nalunaerutâ nipangiutĩnartariaĸángilât. ugpernermik nalunaerut martêrit angutitdlo iluartut nalunaerutât agdlagtugausimavoĸ kinguârît tugdliussut iluaĸutigssãnik. iluássusermik sagdlusuitsumigdlo ilumôrnermik nalunaerutit ûmássusigdlit tamáko atatíneĸarsimáput mãnákut Gûtip nalunaiaissuisut ĸaerĸuneĸartut ĸunusuísínaorĸuvdlugit. sáimáunermik sagdlusuíssúmigdlo tunineĸarput nangmingneĸ iluaĸutigssartik kisiat sujunertarinago, Gûtivdle ilisimássutâ táukunatigut nuname ĸáumarsautausínaorĸuvdlugo. Gûtip kinguârîngne mákunane kivfane ĸáumarsarsimanerpai? taimaigpat ĸaumaneĸ silamiunut ingerdlaterĸigtariaĸásavât.

ĸanga sivnerdlune oĸalugtut Nâlagkap oĸarfigai: "israilíkut tusarumásángilãtit, uvangalũnit tusarumángingmánga." taimáikaluartordle. inatsivoĸ: ”oĸautsíkalo táukunúnga oĸauserísavatit, súsassoĸ nâlagpata nâlángigpatalũnît.” (Hisk. 3, 7; 2, 7). nalivtíne Gûtip kivfaiima perĸuneĸarpuit: "nipigtorit suvdluartaussuartut, ínugtákalo nalunaerfigíkit pinerdlungnerinik Jãkúkutdlo ajortuliausiánik!"

tamavta pisínautitdluta sagdlusuíssutip ĸáumarĸutâ pigssarsiarisimaguvtigo israilíkut pruvfîtiátut pissugssautitauvugut, táussumatut Nâlagkap ima oĸarfigissâtut: "ivdlitdle, inûp ĸitornâ ûmâ, israilíkúnut alapernaerssuissûtípavkit; ĸanivnit oĸausigssarsivdlutit inertertásavatit uvavnit. iluaitsumut oĸaruma: "iluaitsoĸ ûmâ, toĸúsautit; ivdlitdlo oĸángíkuvit iluaitsoĸ ingerdiavingminut misigssorĸuvdlugo, iluaitsoĸ tauva toĸúsavoĸ ajortulinermine, ivdlitdle auanut pissûtíkumârpavkit. kisiáne ivdlit iluaitsoĸ inerterugko ingerdlavingminut misigssorĸuvdlugo, tássánga sârĸuvdlugo, sãngíkunilo ingerdlavingminit, toĸúsavoĸ tauva ajortulinermine, ivdlitdle tarnit ánagtísimásavat." (Hisk. 33, 7-9).

sagdlusuísssutip ilagsineĸarnigssânut nalunaiautigineĸarnigssânutdlo akornússuaĸ tássa nanertûtinik nikanarsautinigdlo ilaĸarnera. tamássa agssuardliutausínaussutuaĸ ilungersûtigingnigtuisa ilumũngínerarsínáungisât. tamánale Kristusip ajoĸersugavîsa nikatdlûtigiumángilât. sagdiusuíssutip atarĸineĸalernigssâ utarĸíngilât. suliagssarititaussup sũssusia nalorníssutiginago nangânatik sáningassulik kivípât apustilisut Paulusitut mána ĸularutiginago, "nâgdliússuserpúme sivikitsoĸ artornángitsoĸ nâlangnássusermik nâgssáungitsumik tamaviârnartumik ûgtugagssáungitdluínartumik uvavtínut kinguneĸásavoĸ", "Kristusivdlo mitangneĸarnera Egivtinip peĸuterpagssuinit pisũssutaunerutípâ akigssaĸ isumagigamiuk." (2 Kor. 4, 17; Epr. 11, 26).

navsuerutigissartik sunaugaluartitdlugulũnît ũmatimíkut silamiunik kivfartũssissut kisimik táukũngitdiat ugperissamut túngassutigut najorĸutagssanik maleruagaĸarnatik nangminigssarsiortumik iliortut. iluartoĸ ĸinertariaĸarparput iluarmat, kingunerilo Gûtimut isumagissagssángordlugit. silamiut pingârutiligssuarnik iluarsaivigineĸartarsimagamik angutit aulajaitsunik najorĸutagssaĸardlutigdlo ĸunusuitsûssut ĸutsavigissagssarait. nalivtíne iluarsainigssaĸ angutinit taimáitunit suliarineĸartariaĸásaoĸ.

ima oĸarpoĸ Nâlagaĸ: "tusarnârsinga, iluarnermik ilisimassuse inuiait ukorsê inatsisivnik ũmámioĸartuse; erseĸinase, inuit oĸauserdlugfigigpase, mítatigdlînere ánilârutigeĸinasigik. oĸúnguit neriumârpait atissatut. merĸutortutdlo neriumârpait merĸulualigtut; iluarssuserale isuanut ísavoĸ, ánássutigalo kinguârît kingugdligssainut atavoĸ." (Is. 51, 7. 8).