pingârtorssuarmik erĸartũssineĸ

"takordlûigama," pruvfîte Dâniale oĸalugpoĸ, "kîsa igsiavfît ĸilâgdlit ilissáuput, uvdlutdlo utorĸaussuat ingípoĸ; ánorai aputitut ĸaĸortigaut, nujailo sôrdlo savat merĸue ĸaugdlorigsut; igsiavfia ĸilâlik ikualassuínarssûvoĸ, agssakâssuilo ingnerínáuput ikumassut. sânit autdiardlune kûk ingnerínaussoĸ kûgpoĸ; tûsintigdlit tûsintileriarsimassut kivfartorfigât, ĸulinigdlo tûsintigdlit ĸulinik tûsintileriarsimassut sâne ĸeĸarput. erĸartũssilísassut, magpersagkat magperput." (Dân. 7, 9. 10).

tássa pruvfîtip takordlûivdiune uvdlormik pingârtorssuarmik nunarssûp tamarmiussup erĸartũssissuata inuit inûneránik píssusînigdlo misigssuivfigssânik takordlûgâ, tamarmik "suliamingnut nâpertũtumik" pineĸarfigssât. ítuínarpoĸ Gûte Atâtaĸ. tugsiausiortoĸ oĸarpoĸ: "ĸáĸat nuíngíkatdiarmata, nunalo inuitdlo najugât píngortíngíkatdiaragkit, ivdlit Gûtiuvutit nâgssáungitdluínartumik". (tugs. 90, 2.). táuna inûnermut tamarmut puilavfiussoĸ, inatsisitdlo tamarmik nagguvigissât, pingârtorssuarmik erĸartũssinermik sujulerssuissugssauvoĸ; íngililo ivdiernartut "tûsintigdlit tûsintileriarsimassut ĸulinigdlo tûsintigdlit ĸulinik tûsintileriarsimassut" erĸartũssivigssûp táussuma sâne ĸeĸarput.

"takungnigkama únuame takordlôrníkut, sunauvfa ĸilaup nuiaisigut aggersoĸ inûp erneralusôĸ; uvdlut utorĸaussuat tikíkâ, sâvanutdlo savssartitauvdlune. tunineĸarpordlo nâlagáussusermik nâlangnarssusermigdlo nâlagauvfingmigdlo, inuiaĸatigît tamarmik akimángitsutdlo ingmíkutdlo oĸausigdlit kivfartũsagât táuna; nâlngáussusia soraernaviángilaĸ aserfatdlásananilo, nâlagauvfialo aserujuípoĸ". (Dân 7, 13. 14). Kristusip tikiúnigssâ mauna erĸartorneĸarpoĸ áipagssânik nunarssuarmut tikiúnigssâ pínane. ĸilangme uvdlut utorĸaussuánut tikiútugssauvoĸ, nâlagáussusermik, nâlangnarssusermik nâlagauvfingmigdlo tunineĸásavdlune, suligatdiarnine nũmngsiguniuk. tássauna tikiúnigssaĸ tamána, nunarssuarmut tikiuterĸingnigssâ pínane, pruvfîtit sujuligtûtait maligdlugit, uvdlut 2300 nâneráne 1844-me pissugssaussoĸ. ĸilaup íngilînit ilagineĸardlune palusíssârssunrput ivdlernarnprpâmut iserpoĸ, Gûtip kînânut savssarddlune, inungnik sulíssússinerne naggatâ nãmagsiartordlugo - misigssuinertalingmik erĸartũssísavdiune tamatumíngalo iluaĸuteĸarsínaussut tamaisa sáimáunartísavdlugit.

ássersûtitut pigdlînerup takutípâ, perĸigsimivdiutik ajortimingnigdlo perĸigsimivdiutik Gûtimut savssartut kisimik, pigdliutivdlo auanik ajortaiagaussut ivdlernartũmut erĸúneĸarsimassut kisimik, uvdlorme sáimáunartitsivigssarssuarme pigdlînerme peĸataussugssaussut. taimaingmat uvdlorme sáimáunartitsivigssarssuarme misigssuinertalingmigdlo erĸartũssinerme Gûtimut ĸitornaujumavdlutik navsuertut kisimik suliarineĸartugssáuput. gûtîtsut avdlakut kingunerilerpat erĸartũneĸartugssáuput. "erĸartũssinigssarme Gûtip inoĸutainit autdiarnerfigssaĸaierpoĸ; uvavtínitdle autdlarnísagpat, Gûtip îvangkîliuanut nâlagserîtsut ĸanoĸ-ítumik naggateĸásanerpat?" (1 Pîtr. 4, 17.)

ĸilangme agdlagtuivfît, inuit arĸinik suliáinigdlo agdlagtuivfiussut, ĸanoĸ erĸartũssinigssamik aulajangĩsáput. pruvfîte Dâniale oĸarpoĸ: "erĸartũssilísassut magpersagkat magperput". Juánasip ãma tamána oĸalugpalârâ oĸautsinilo ilavdlugit: "magpersagkatdlo avdlat atautsit magperneĸarput, tássa magpersagkat inûnerup pè; toĸussutdlo erĸartũneĸarput magpersagkane agdlagsimassut maligdlugit, suliatik nâpertordlugit". (sarĸ. 20, 12.)

Gûtimik kivfartũssilersimassut arĸe tamarmik inûnerup magpersagâne agdlagsimáput. Jîsusip ajoĸersugkane oĸarfigai: "tipaitsugitse atise ĸilangme agdlagsimangmata". Paulusip suleĸatine ilumôrtut erĸartorpai "táukua arĸe magpersagkane inûnerup pîne agdlagsimassut". Dânialip takordlôramigit "uvdlut angnikitdliornartut, inoĸalerĸârneranit uvdlutdlo táuko tikitdlugit ásseĸarsimángitsut" oĸarpoĸ: "taimailissúkut ínugtatit aniguiumârput, tamarmik magpersagkane agdlagsimassut". Juánasilo oĸarpoĸ: "savârĸap magpersagautaine inûnerup pîne agdlagsimassut kisimik" Gûtip igdlorpagssuaĸarfianut isísassut. (Lúk. 10, 20; Fil. 4, 3; Dân. 12, 1; sarĸ. 21, 27.)

Gûtip kînâta savane agdiangneĸarput "magpersagkat puiornavêrĸutit" imarissaĸartut mákua suliaisa oĸalugtuarineĸarneránik, "Nâlagkamik mianeringnigtut arĸanigdlo erĸaimassut". táukua ugperdlutik oĸausê asangnigtuliornerilo ĸilangme agdlagsimáput. Nĩmiap tamána erĸartorpâ oĸarame: "erĸaiginga, Gûtiga ... isumagingningníka Gûtima igdluane pârerĸussainilo ilerĸorissáka pîaĸinagit." Gûtip puiornavêrĸutinik magpersagautaine iluartumik iliornerit tamarmik agdiagtorneĸarput. ússernartut ajugauvfigineĸartut tamarmik, ajortuliat ajugauvfigineĸartut tamarmik oĸausínguitdlo inugsiarnersut misigingneĸataussutdlo tamarmik tássunga perĸigsârtumik agdiagtorneĸarput, ingminigdlo túniuldlune suliat tamarmik Kristusilo píssutigalugo nâgdliungnerit aliasûtitdlo tamarmik agdlagtorileĸarput. tugsiallsiôrtoĸ ôĸarpoĸ: "uvdlut ĸimâtitauvfíka kisípatit, ĸuvdlíka pûtingnut torĸorigit; agdlagautingnĩnginerpat?" (Mal. 3, 16; Nĩm. 13, 14; tugs. 56, 9).

inuit ajortuliait ãma agdiagtorneĸarput. "ĸanoĸ-iliornerit tamaisa Gûtip erĸartũssivingmut pisíkumârmagit, issertugaussutdlo tamaisa ilángutdlugit, ajúngitsûnersutdlũnît ajortûnersutdlũnît." erĸartûtivfigssame inuit "navsuerĸuneĸásáput oĸauserissatik piúngitsut tamaisa pivdlugit." ánáussissoĸ oĸarpoĸ: "oĸautsingnit iluartûtíneĸásaillit, ãma oĸautsingnit pitdiagagssautíneĸásautit." sujunertarissat perĸutigissatdlo magpersagkame amigauteĸángitsume agdlagtugáuput, Gûtivme "târtume issertugkat ĸaumassumut pisíkumârpai ũmatitdlo pilerssârutait erssersitdlugit". "takuvarse kĩnama sâne agdlagsimassoĸ: ... ajortuliase sujuaissavsilo ajortuliait atautsíkôrdlugit akilerumârpáka, oĸarpoĸ Nâlagaĸ." (akugdl. 12, 14; Mat. 12, 36. 37; 1 Kor. 4, 5; Is. 65, 6. 7).

kíkut tamarmik suliait Gûtime perĸigsârtumik misigssorneĸardlutik ilumôrtutut ilumũngitsututdlũnît taineĸartarput. ĸilaup magpersigautaine atit tamarmik nalãne agdlagtugáuput oĸautsit erĸúngitsut tamarmik, suliagssarititat sumigínagkat tamarmik, issertortumik ajortuliornerit tamarmik perĸusersiortumigdlo pissûssârnerit tamarmik. mianerssorĸússutit, sianigiumaneĸarsimángitsut ĸilangmit oĸaorĸigsârutit soĸutigineĸarsimángitsut, pivfigssat iluatigmeĸarnatik asiutitat, ajúngitsumik ajortumigdlo súnîsimanerit kingunerilo angnertussaĸissut: tamardluínaisa íngilip agdlagtûssup ugdlagtorpai.

Gûtip inatsisâ najorĸutagssauvoĸ inuit tamarmik inûnerisa píssusisalo erĸartũneĸarneráne najorĸutarineĸartoĸ. angut ilisimassoĸ oĸarpoĸ: "Gûte mianerûk inássutailo maleruardlugit; tássaungmat inuk tamarme. ĸanoĸ-iliornerit tamaisa Gûtip erĸartũssivingmut pisikumârmagit." apustilip Jâkup ĸatángutine oĸaorĸigsârpai: "ima oĸalugitse imalo ilioritse inatsisitigut kivfáungíssutsip pîsigut erĸartũneĸartugssatut." (akugdl. 12, 13. 14; Jâk. 2, 12).

erĸartũssinerme "pissagssaĸartugssautitaussut" iluartut makeĸatigiumârpait. Jîsuse oĸarpoĸ: "silavdle áipânik toĸussutdlo makinigssãnik pissagssaĸartitaussut ... íngilit ássigísagamíkik, Gûtivdlo ĸitorllaringmatik. tássa makivfiup ĸitornaringmatik." ãmalo oĸarpoĸ "ajúngitsuliorsimassut" inûnermut pissugssáusassut. (Lúk. 20, 35.36; Juán. 5, 29). iluartut toĸusimassut aitsât makíkumârput erĸartũssiníkut "inûnermut makítugssautitaorêrunik". taimáitumik erĸartũssivingme inûnermik nautsorssûtâta misigssorneĸarfiane ĸanordlo pineĸarnigssamik aulajangerneĸarfiane najũtugssáusángitdlat.

Jîsuse savssarumârpok Gûtime igdlersúsavdlugit. ”ajortuliortoĸaraluarpatdlo atâtame igdlersuissoĸarpugut, Jîsuse Kristusime iluartûssumik." "Kristusime ivdlernartũmut agssangnik sanasimassumut piviussup tarrânut isíngilaĸ, kisiáne ĸilangmut iserpoĸ Gûtip kînâta sânut pivdluta savssartarumavdlune." "tamánalo pivdlugo avĸutigalune Gûtimut pissut nâvdluínarsimassumik ánáusínauvai, inũtuínarame ĸínútasavdlugit." (1 Juán. 2, 1; Epr. 9, 24; 7, 25).

erĸartũssivingme magpersagkat angmarneĸarpata Jîsusimut ugpersimassut tamarmik inûnere Gûtip sâvane misigssorneĸarumârput. nuname inôrĸârsimassut autdlarniutigalugit torĸámavigissavta kinguârîngne tamane inûsimassut sulíssutigissagssatut sarĸúmiúkumârpai inûssutdlo naggasiutigalugit. atit tamardluínarmik taigorneĸarumârput sulíssutigissagssatdlo tamarmik perĸigsârtumik sulíssutigineĸarumârdlutik. atit ilángutagssángortitaussarumârput ilaitdlo pîagagssángortitauvdlutik. magpersagkane ajortulianik perĸigsimíssutigineĸarnatigdlo isumákîgáungitsunik agdlautigineĸartoĸarpat, táukua arĸe magpersagkamit inûnerup pianit pîagaujumârput. Nâlagaĸ Môrsasimut nalunaerpoĸ: "nalingínaĸ uvavnut ajortulissoĸ magpersagautivnit pîarumârpara." pruvfîtilo Hisĩkiale oĸarpoĸ: "iluartordle iluarssutse tunutdlugo iluaitsuliorune ... iluarssusia tamarme ilerĸorigalua puiugáusavoĸ." (2 Môrs. 32; 33; Hisk. 18, 24).

ajortuliornermit ilumut sâgsimavdlutik Kristusip auanik tuníssutisiagssamigtut ajortaeruterĸússutitut pigssamingnik ilagsingnigsimassut tamarmik ĸilaup magpersagautaine isumákêrfigineĸartutut agdlagtugáuput. Kristusip iluássusianut peĸatauleramik píssusîlo Gûtip inatsisânut nalerĸútûtíneĸalermata ajortuliait pîagaujumârput nangmingnerdlo inûnermik nâgssáungitsumik pissagssaĸartitaujumârdlutik. pruvfîtíkut Isaiákut Nâlagaĸ oĸarpoĸ: "uvanga, uvanga pinerdlungnitit pîarpáka uvanga pivdlunga, ajortuliautsitdlo isumákêrpáka." Jîsuse oĸarpoĸ: "ajugaussoĸ taimatut atissanik atitíneĸásavoĸ, arĸalo magpersagkanit inûnerup pînit pîásángilara, arĸalo atâtama sâne ingilîsalo sãne navsuerutigiumârpara." "taimáitumik uvavnik inungnut navsuerutigingnigtoĸ uvangátaoĸ navsuerutigiumârpara atâtavnut ĸilangmiussumut. uvavnigdle inungnut miserratigingnigtoĸ uvangátaoĸ miserratigiumarpara atâtavnut ĸilangmiussumut." (Is. 43, 25; sarĸ. 3, 5; Mat. 10, 32. 33).

nuname erĸartũssivingne erĸartũssissoĸartitdlugo inuit ilãníkut alutoringnigtarnerat arĸit agdlagtaivingme inûnerup piane agdlagsimassut ĸilangme nunamiut tamarmik erĸartũssissuánit misigssorneĸalerpata soĸutigingningnigssap sákukitsuinarmik tarrariumârpâ. ĸínússissup Gûtiussup aungminut ugperníkut ajugausimassut ĸínúkumârpai ajortuliait isumákêrfigineĸarĸuvdlugit, najugagssamut pivdluarfingmut iserĸigsínaorĸuvdlugit "nâlagáussusermigdlo sujugdlermik" (Mik. 4, 8.) kingornússeĸatausínaorĸuvdlugit. silamiunik támartitsiniarnermigut ússîniarnermigutdlo Sãtanip neriûtigisimavâ Gûtip inungnik píngortitsinermigut sujunertarissâ aserorsináusavdlugo, mãnale Kristuse ĸinuvoĸ sujunertarissaĸ tamána erĸûtíneĸarsínaorĸuvdlugo, sôrdlo inuit ajortuliorsimángisáinarsimagaluarpata erĸûtíneĸarsimásagaluartoĸ. ínugtane ĸínúpai nãmagdluínartumik isumákêrfigineĸarnigssãnik, tamánalo pĩnarnago nâlangnássutsimine peĸatausínaorĸuvdlugit igsiavíssârssuarmilo inigssaĸ artitaorĸuvdlugit.

Jîsusip sáimáussane ĸínúkai Sãtanip pinerdlugtutut pasigdlerumârpai, támartitsissorssûp ugperungnaersiniarsimavai, Gûtimut tatigingnigkungnaersíniarsimavdlugit, Gûtip asangningnera nigorĸuvdingo inatsisâlo uniorĸuterĸuvdlugo. mãna inûnerisa nautsorssûtât uparuarpâ, kristumiússutsíkut amigarnermíkut utertitsissimingnik kángunarsaisimanerat, ússînermigut ajortuliait uparuartordlugit, tamákulo píssutlgalugit ínugtagssamisut piumásavai.

ajortuliait Jîsuslp miserratigísángilai, kisiáne perĸigsiminerat ugperneratdlo uparuardlugit isumákêrfigineĸarnigssât ĸínutigiumârpâ agssane ikiligkat atâtaminut ingilinutdlo isautdlugit oĸardlunilo: "arĸisigut ilisimaváka. agssavne titartarsimaváka."

misigssuissutut erĸartũssineĸ ajortinigdlo pîaineĸ piumârput Nâlagkap tikiuterĸingnigssâ sujorĸutdlugo. toĸusimassut erĸartũneĸartugssaungmata magpersagkane agdlagsimassut najorĸutaralugit taimáitumik inuit ajortuliait pîarneĸarsínáusángitdlat erĸartũneĸarêrtinagit. misigssuissumik erĸartũssineĸ tamána inerpat Kristuse tikiutísaoĸ akigssanilo nagsarumârpâ, tamarmigdlo tuniumârpai suliait nâpertordlugit.

palasiuneĸ ássersûtaussumik ineĸarfingme kivfartũssinermine israilíkut sáimáunarterêramigit anivdlune katerssũsimassut pivdluarĸussarpai. taimatut Kristuse sáimáunartitsinermine inerdlune "ajorteĸarnane ... ánássutigssatut" savssarumârpoĸ inugtane inûnermik nâgssáungitsumik pivdluarĸujartordlugit. sôrdlo palasip inuiaĸatigît ajortuliait ivdlernartũmit pîásavdlugit savaussap niaĸua ĸulangerdlugo navsuerutigissarsimagai, taimatut Kristusip ajortuliat tamáko tamaisa Sãtanimut ajortulianik tamanik autdlarnîssumut iliumârpai. savaussaĸ israilíkut ajortáinik nangmagtitaĸ "sutaitsumut" autdlartitauvoĸ; taimatut Sãtane Gûtip ĸitornaisa ajortuliáinut pissûtitauvdlune nunarssuarmut matumúngainaĸ taimaníkugssaĸ sutaitdlune inoĸásángitsumut pisíneĸarumârpoĸ, naggatâgutdlo ingnerssuarmit gûtîtsunik tamanik nungutitsissugssamit piunêrúneĸardlune ajortuliat pitdlautigssât nãmagtoĸ piumârpâ. taimatut utertitsinigssamik sujunertarissarssuaĸ nãmagsineĸarumârpoĸ ajortuliat pîarneĸavingnerisigut ajortumitdlo nigorumasimassut aniguisitaunerisigut.

pivfigssaĸ erĸartũssivigssatut aulajangerneĸartoĸ, 1844-me uvdlut 2300-nânerisigut, erĸordlugo ajortulianik misigssuineĸ pîainerdlo autdlarnerneĸarpoĸ. Kristusip arĸanut ugpertutut súkutdlũnît navsuersimassut tamarmik taimatut perĸigsârtigissumik misigssugaussariaĸásáput. inûssut toĸusimassutdlo erĸartũneĸartugssáuput "magpersagkane agdlagsimassut, suliatik nâpertordlugit."

ajortuliat inuata nigornagitdlo taimaitísimángisai isumákêrneĸaratigdlo magpersigkanit pîarneĸásángitdlat, Gûtivdle uvdluane ajortuliorsimassumut nalunaiautigssatut agdlagsimáinásáput. ajortuliane uvdlup ĸaumanerane únuavdlũnît târnerane suliarisínausimavai; erĸartũssissugssamutdle takugssauvdlutigdlo ersserĸigput. Gûtip íngilîsa ajortuliat tamaisa arajutsinagit agdlagtaivingnut amigauteĸángitsunut agdlagtorsimavait. ajortuliaĸ issertorneĸardlunilo miserratigineĸarsinauvoĸ atâtagissamut, anânagissamut, nuliaussumut ĸitornanut ilisarisimassanutdlo. erĸúngitsumik iliorsimaneĸ ajortuliorsimassũngitsumit kimitdlũnît ímaĸn pâsineĸángíkaluarpoĸ, kisiáne ĸilangmiunut ersserĸigsumik sarĸumivoĸ. únuap târssuata ilungersuaneritdlo sûssutdlũnît erĸarsaut atauserdlũnît Nâlagkamut issertorneĸ saperpât. Gûte ilumũngitsumik nalunaerutit erĸúngitsumigdlo iliorsimanerit tamardluínaisa agdlautigineĸarneránik pigissaĸarpoĸ. mianeringnigtûssârdlune sagdloĸltagagssáungilaĸ. inûp píssusia misigssorângamiuk kúkusuitsûvoĸ. inuit aserũsimassunik ũmatilingnit sagdloĸítagausínáuput; Gûtivdle issertugkat tamavîsa pâsissarpai.

erĸarsautip ilungersornássusia! uvdlut tugdlerîât tamaisa nânerisigut oĸalugtuat ĸilaup magpersagautáinut ilángússugáuput. oĸautsit atausiardlutik oĸauserineĸarsimassut ĸanordlo iliornerit atausiardlutik suliarineĸarsimassut ilât atauserdlũnît utertitausínaunanilo pisimassûjungnaersitausínáungilaĸ. íngilit ajúngitsuliat ajortuliatdlo agdlagtorsimavait. silarssuarme ajugaunerpausimassup uvdloĸ atausĩnardlũnît pisimassut avdlángortísínáungilai. suliavut, oĸautsivut agdlâtdlo issertornerpaussavtínik tamardluínarmik ajortumik ajúngitsumigdlũnît pineĸarnigssavta aulajangerneĸarnigssâne pingâruteĸarumârput. uvagutdlũnît puigoraluaruvtigik igdlersûtigssavtínik erĸartũneĸautigssavtínigdlũnît nalunaiautigiumârpâtigut.

sôrdlo inûp kînâ ássilîviup erĸordluínarĸigsârtumik ássilissarâ, taimatut píssusia pavane magpersagkat erĸordluínarĸigsârtumik nalunaerutigât. inuitdle ĸavsît nalunaiautinik ĸilangmiunut issigissagssatut sarĸúmiúneĸartugssanik ernumagissaĸángíssusiat! silap takugssaussup takugssáungitsuvdlo akornáne sâgoĸ pêrneĸarsínaugaluarpat, inuitdle íngile oĸautsinik sulianigdlo erĸartũssinigssame sarĸúmiúneĸarumârtunik agdlagtuissoĸ takusínaugaluarpássuk, oĸautsit uvdlut tamaisa oĸauserineĸartartut ĸavsíme tauva oĸauserineĸángitsũsagaluarnerpat, ĸanordlo iliornerit ĸavsíme tauva suliarineĸángitsũsagaluarnerpat!

"pinerdlungnerminik issertuiniartoĸ pivdluásángilaĸ, kisiáne pinerdlungnerminik ángîautigingnigtoĸ iperardlugitdlo, táuna nagdligtorneĸásavoĸ." ajortuliamingnik issertuiniartut Sãtanip ĸanoĸ tugdlũtiginera takusínaugaluaruníko taimailiornermíkutdlo Kristusimik íngilinigdlo mitautigingningnertik pâsisínaugaluaruníko, tuaviordlutik ajortuliatik ángîautigalugitdlo iperásagaluarpait. inûp píssusîsa amigautaisigut ajortup inuk nâlagkersorniarpâ, nalúngilâlo iluagtitsísavdlune amigautit tamáko atatíneĸarpata. taimáitumik Kristusip ajoĸersugai sagdloĸítarniartuarpai ugpererĸajânartumik ajugausínáungínerardlugit. Kristusivdle ĸínutdlugit agssane ikiligkat timinilo nâgdliugtitaĸ takorĸuvâ malingnigkumassutdlo tamaisa oĸarfigalugit: "sáimáunera nãmagísavat." "nangmautara ilivsínut pisísiuk ilíniarfigalungalo, ĸanilârama ũmativkutdlo makitajuíkama; tauva tarnivsínut ĸasuerfigssarsiumârpuse. nangmautarame iluaĸaoĸ, nangmagkiússaraio oĸeĸalune." (úss. 28, 13; 2 Kor. 12, 9; Mat. 11, 29. 30). taimáitumik kialũnît ajoĸutigissane iluarsineĸarsínáungitsutut isumaĸarfigíngíkiligit. Gûtip ajugauvfigerĸuvdlugit ugpernermik sáimáunermigdlo tuniumásavâtigut.

uvdloĸ sáimáunartitsivigssuaĸ inûvfigârput. ássersûtaussumik pigdliuteĸarnerme palasiuneĸ israilíkut pivdlugit sáimáunartitsiniartitdlugo tamarmik. piumavfigineĸarput ajortuliat iperardlugit Nâlagaĸ manigûvfigísagât, inuiaĸatigîngnit pîagaorĸunatik. taimatútaoĸ atimik magpersagkanit inûnerup pînit pîagáungínigssãnik kigsautigissaĸartut tamarmik uvdlut misiligauvfigissamik núngutaine amerdlángitsune Gûte manigûvfigissariaĸarpât perĸigsiminíkut ajortuliatigdlo ilumôrdlutik iperardlugit. ũmatinik itisûmik perĸigsârtumigdlo misigssuissariaĸarpoĸ. kristumiunik taissartune ĸavsîne isumaitsumik ĸarssupigtumigdlo anersâĸarneĸ pîartariaĸarpoĸ. kajumíssusipiluit nâlagángorniartut ajugauvfiginiásavdlugit ilungersortumik akiũtariaĸarpoĸ. piarêrsarneĸ inuit atausiákât suliagssarísavât. peĸatigĩkûtârdluta ánagtugssáungilagut. inûp atautsip minguíssutse Gûtimutdlo mianeringníssutse inûp avdlap amigautigissâ ánássutigiumârpâ. nauk inuiaĸatigît tamarmik Gûtip erĸartũssivianut savssartitaugaluartut inuit atausiákât nuname inutuaussutut perĸigsârútigalugit misigssorumârpai. tamarmik misiligtariaĸásáput simerneĸángitsutut eĸisalungneĸángitsututdlo pâsineĸartariaĸásavdlutik.

pisimassugssat sáimáinartitsinerup naggaserneĸarnigssânut túngassut pingâĸaut soĸutigissagssatdlo tamatumúnga atassut ilungersornaĸalutik. erĸartũssinermik suliagssaĸ ivdlernartũme pavane ineriartorpoĸ. sulineĸ tamána ukiorpagssuarne ingerdláneĸarsimavoĸ. ĸilánguamik - kialũnît ĸanoĸ piârtiginigssâ ilisimángilâ - erĸartũssinerme inûssut pineĸalísáput. Gûte nâlangnangârtoĸ najortigalugo inûnerput misilingneĸásaoĸ. mãna ánáussissup oĸaorĸigsârutâ sianigísavdlugo aitsât taima pissariaĸartigilerpoĸ: "erĸumaniardlusilo ĸinugitse, taimaivfigssâ ĸaĸugo nagdliúsassoĸ nalugavsiuk." "erĸumaniángíkuvit tauva tigdligtutut tikitdlarumârpavkit, nalúsautitdlo ĸanoĸ ilissúkut tikitdlarumârivkit." (Mák. 13, 33; sarĸ. 3,3).

misigssuissumik erĸartũssineĸ inerpat tamarmik inũssutigssamik toĸússutigssamigdlũnît pineĸarnigssât aulajangerneĸarsimásaoĸ. misigssuivfik naggaserneĸásaoĸ Nâlagkap nuiatigut erssernigssâta sujunínguagut. taimailinigssâ pivdlugo Jîsuse sarĸúmersitanik agdlagkane oĸarpoĸ: "iluaitsuliortoĸ kingornátaoĸ iluaitsuliordle, mingugtôrdlo kingornátaoĸ mingugtûgínardle; nâpertuivdluartordlo kingornátaoĸ nâpertuivdluardle, ilunrtordlo kingornátaoĸ iluarsarneĸardle. ata, akiliutiga nagsataralugo ĸilamik aggerumârpunga, kinalũnît suliai nâpertordlugit tuniumârdluga." (sarĸ. 22, 11. 12).

iluartut gûtîtsutdlo sule toĸussugssauvdlutik nunamĩkatdlarumârput - inuit íkússuivdlutik, igdluliordlutik nerissardlutigdlo imertarumârput ivdlernartũme ĸutsigsumĩtume utertitagssáungitsumik erĸartũneĸarêrnertik ilisimassaĸarfigíngivigdlugo. ulerssuaĸ sujorĸutdlugo Nûap umiarssuaĸ iserfigingmago Gûtip anissugssaujungnaersípâ perĸigsimiumángitsutdlo isertugssautínagit. uvdlune únuanilo arfineĸ mardlungne inuiait erĸartũneĸarêrnertik pâsisimanago inûvdluatârdlutigdlo erĸartũneĸarnigssamik mianerssorĸússut mitautigât. ánáussissoĸ oĸarpoĸ: "taimátaoĸ íkumârpoĸ inûp ernerata tikiuvfigssâne." (Mat. 24, 39). sagdlaitsumik, malugineĸángitsumik pivfigssaĸ aulajangîvfigssaĸ nagdliutilerpoĸ kíkut tamarmik ĸanoĸ pineĸarnigssaisa aulajangerneĸarfigssâ, inuit ajortigdlit sáimáukumaneĸarnigssât naggámik kigdlilerneĸásavdlune.

"taimáitumik erĸumagitse ... tássángáinaĸ tikiutdlune sinigtuse nâpeĸinavâse!" erĸumanermingne ĸasulerdlutik silamiússutsimik kajumigissaĸalersut navianartorsiorput. niuvertup iluanârniarnine uláputigilerugtorâ, alĩkusersorumatôĸ nuánârsarniarugtortitdlugo, perrôrtuvdlo pínersautine sangmilerugtorai - taimailerugtortoĸ ímaĸa nunamiut erĸartũssissuata erĸartũssut imáitoĸ nalunaerutigiumârpâ: "ûgtûtinik ûgtorneĸaravit oĸípatdlârputit." (Mák 13, 35. 36; Dân. 5, 27).