ajortuliap autdlarnerfia

ajortuliautsip autdlarniutâ piuneranutdlo perĸutaussoĸ inungnut ĸavsînut nalorninartûvoĸ pâsiuminaitsorujugssuaĸ. ajortuliornerup ingerdlanera issigât, kingunipiluilo ajunârutitut perdlugssuartutdlo ánilânganangârtutut takussarpait, aperissarputdlo: "tamáko tamarmik ĸanoĸ pisínáupat Nâlagaĸ ilisimássutsimigut asangníssutsimigutdlo naleĸángitsoĸ ajugaĸángitsûssordlo nâlagautitdlugo? tamána nalorninartûvoĸ navsuiarsínáungisât, nalorninermíkutdlo ĸularnermíkutdlo sagdlusuíssut Gûtip oĸausiata ersserĸigsumik pâsinarsagâ ánássutigssavtínut pingârutiligssuaĸ tagpîtdliorfigât. Inoĸarpoĸ ajortuliortoĸarneranik misigssuinermingne Gûtip sarĸúmiúsimángisáinagainik pâsiniaissunik, taimáitumigdlo ajornartorsiutigissamik pâsíssutigssânik navssârneĸ sapertarput, ĸularĸajâvdlutigdlo agssuardlîgajugtut tamána patsisigalugo agdlagkane iluartune oĸauseĸ narrugissarpât. ãmátaordle inoĸarpoĸ ajortuliautsip nalorninartorssuanik nãmagtumik pâsissaĸalíngitsunik, bîbilip Gûtip píssusianik, nâlagkersuissausianik ajortuliatdlo pivdlugit periausînik ajoĸersûtigissai erĸúngitsumik navsuiarneĸartarsimangmata, pâsinerdlugkatdlo taimáitut kinguligssamut ingerdlaterĸigtarsimangmata.

ajortuliornerup autdlarniutâ ima navsuiarneĸarsínáungilaĸ suna ajortuliortoĸarneranut píssutaussoĸ erssersitdlugo. taimáikaluartordle autdlarniutâ soraerfigssâlo ima angnertutigissumik navsuiarneĸarsínáuput Gûtip nâpertuivdluássusia sulinermigutdlo tamatigut avâgingníssusia ersserĸigdluínartumik sarĸumilersitdlugit. agdlagkane iluartune matumínga ersserĸingnerussoĸángilaĸ: Gûte ajortuliortoĸalerneranut pissũngilaĸ, Gûtivdlo nâlagkersuinerane amigautaussup sûssuvdlũnît pikigtitsissoĸalerneĸ píssutigssaĸalersíngilâ. ajortuliorneĸ pulârtûvoĸ ĸaerĸuneĸángitsoĸ, najũneranutdlo suna perĸutaunersoĸ oĸautigineĸarsínáungilaĸ. piuneranut perĸutaussoĸ takutíneĸarsínaugaluarpat patsisigssarsiorneĸarsínaugaluarpatdlũnît ajortuliornêrutísagaluarpoĸ. ajortimik pâsíssutigssatuarput Gûtip oĸausînĩpoĸ: "ajorte tássa inatsisáineĸ". tássauvoĸ asangningnigssamik inatsisip Gûtip nâlagkersuineranut túngaviussumik akerdlilîneĸ.

ajortuliorneĸ erĸúneĸángíkatdlarmat silarssuaĸ tamarme tipaitsugfiuvdlunilo erĸigsisimavfiugaluarpoĸ. sût tamarmik píngortitsissup piumassânut nalerĸutdluínaraluarput. Gûtimut asangningneĸ ĸutsingnerpauvoĸ sanilerissamigdlo asangningneĸ ĸúpaĸarane. Kristuse, oĸauseĸ, ernituaĸ atâtardlo ítuinartok píssutsimíkut piumássutsimíkutdlo atausiuvdluínarput. Kristusíkut atâtaĸ sulivoĸ ĸilangmiut tamarmik píngortitaunerisigut. "táussumûname sût tamarmik píngortitáuput ĸilangmĩtutdlo, erssitsutdlo erssíngitsutdlo, igsiavíssârssuagdlit nâlagaussutdlo sujulerssuissutdlo nâlagkersuissutdlo". (Kul. 1, 16). ĸilangmiutdlo tamarmik Kristuse ilumôrfigalugulo nâlagpât, sôrdlo atâtaĸ pineĸartoĸ.

asangningnigssamik inatsit Gûtip nâlagkersuineranut túngaviungmat píngortitat tamarmik pivdluarnigssât inatsisip tamatuma aulajangersagainut túngassariaĸarpoĸ. Gûtip piumassarâ píngortitame tamarmik asangningnermit kivfartûtisagane. píngitsailîníkut ilumôrfigineĸarnigssane iluaríngilâ, tamaisalo piumassamingnik iliorsínautípai, píngitsailissaunatik kivfartũsínáusangmáne.

atautsivdle kivfáungíssutse atornerdlugkumatdlerpâ. ajortuliorneĸ autdlarnerpoĸ Gûtip Kristusimut tugdliutdlugo atarĸinarsarnerpaussâne, ĸilangmiune Nâlagkamut tugdliuvdlune píssauneĸartitaunerpauvdlunilo nâlangnartitaunerpaussume. ordlunine sujorĸutdlugo Lucifer kêrupît igdlersuissut pingârnerssarât, iluardlunilo issornaitsoĸ. "ima oĸarpoĸ nâlagaĸ nâlagaussoĸ: issornaitsut nãmagtíssutât ûmâ, tamatigut ilisimássusilik pínerdluínartoĸ, nuánersuffie Gûtip nautsîviane íkaluartutit ujarĸat erdlingnartut tamaisa ássûtigalugit ... kêrupîugaluarputit siârtoĸ uligsuissoĸ, Gûtivdlo ĸáĸâne ivdlernartume itíkaluarivkit; ujarĸat ingnerínaussut akornáne angalagaluartutit. inûtsit tamarmiugaluartoĸ píngortitaulerĸârfingnit, iluaitsulinermik navssârfigineĸarserdlutit." (Hsk. 28, 12-15).

Lucifer Gûtimit iluarineĸartuarsínausimásagaluarpoĸ íngilitdlo katerssârssuit asaneĸardlunilo atarĸineĸarsínaujuásagaluardlune, píssaunine tamât tamanut pivdluarĸússutigssatut píngortitsissimilo nâlangnartitaunigssânut, kisiáne prufîte oĸarpoĸ: "ũmatit angneruniarpoĸ pínerssutsit pivdlugo, ilisimássutsit aserorpat usornarssutsit pivdlugo." angneruniarnigssane kigsautiginerujartuínarpâ. "ũmatigkut oĸaraluarputit: … pavungnásaunga nuiat ĸutsingnerit ĸulãnut ĸutsingneruvsârtoĸ ássigalugo." (Hisk. 28, 17. 6; Is. 14, 13. 14). Gûtip píngortitaminit ungagineĸarnigssâ ilumôrfigilleĸarnigssâlo sujunertarissugssaugaluardlugit Luciferip táukunánga ilumôrfigine ĸarnigssane kivfartũneĸarnigssanilo anguniarssarilerpâ. nâlangnássuseĸ atâtap ítuínartup ernerminut túniússâ pileritsautdlugo íngiliunerup táussuma píssauneĸ Kristusip kisime atugagssarissâ pigssarsiarinialerpâ.

ĸilangmiut tamarmik nuánârutigisimagaluarpât píngortitsissup nâlnngnássusia sarĸúmiutísavdlugo únersiutigísavdlugulo, Gûtilo taimatut únersiutigineĸartitdlugo tamane erĸigsisimaneĸardlunilo nuánârneĸarsimagaluarpoĸ. mãnale ĸilangmiut erĸigsisimanerat akornuserneĸarpoĸ. ingminik akitsisíniarnerup píngortitsissup sujunertarissânut akerdliussup Gûtip nâlangnartitaunigssânik pingârtitsissut ilimasupilulersípai. sujúnersuissut ĸilangmiussut Lucifer oĸaorĸigsârpât. Gûtip ernerata píngortitsissup nâlangnássusianik, ajúngíssusianik nâpertuivdluássusianigdlo oĸalugfigâ, inatsisâtaio iluartumik avdlángujuitsumigdlo píssusianik oĸarfigalugo. ĸilangme ârĸigssũssineĸ Gûtip nangmineĸ atulersísimavâ, tamatumíngalo avdlángortitsiníkut Luciferip píngortitsissine kángunarsásavâ nangminerdlo tamána ajunârutigísavdlugo. mianerssorĸússutdle tamána asangnigdluínardlunilo avâgingnigdluínartoĸ Luciferip kigdlormut sukáneranik kinguneĸáinarpoĸ. Luciferip Kristusimut sínganine angnerutitdlugo sujunertarissane sule aulajangiutdluarneruvâ.

Gûtip erĸarpiâ ĸimatdlugo íngilit akornáne angaiaordiune nãmagigtaitdliortúngortínialerpai. issertortumik suliniarníkut sujunertarpiarissanilo Gûtimut atarĸingnigtûssârnikut issertordlugit ĸilangmiunut inatsisinik nãmagigtaitdliortitsiniarpoĸ, oĸartardlune inatsisitigut táukunatigut kigdlilîvfigineĸarpatdlârnerardlugit. íngilit iluartûngmata oĸarfigissarpai maleruagagssat nangmingneĸ iluarissatik maleruartariaĸásagait. iluarineĸalerumavdlune Gûte nâpertuivdluángitsumik iliorsimanerarpâ Kristuse angnermik nâlangnartitautingmago. oĸartarpoĸ angnerussumik píssauneĸalernigssaĸ nâlangnartitaunigssardlo norĸáissutigigamiuk tássûna ingminut akitsisitaunigsse sujunertaríngíkine, ĸilangmiutdligôĸ tamarmik kivfáungínigssât sujunertarigine.

isumagssuingârnermigut Gûtip Lucifer sivisûmik ĸajagssũkaluarpâ. nãmagigtaitdliulerĸârnerane atorfianit pingârtumit soraersíngilâ, agdlâtdlo íngilit ilumôrtut sagdloĸítartaleraluarmagit soraersíngilâ. sivisûmik ĸilangmîtitaugínarpoĸ. sâgkumagune manigũkumagunilo sáimáukumaneĸartaraluarpoĸ ĸavsêriardlune. pâsisíkumavdlugo asangnigtuínartumik sulíssutigineĸaraluarpoĸ. nãmagigtaitdliorneĸ tamána tikitdlugo ĸilangme tákúsimángisáinarsimagaluarpoĸ. autdlarĸautâne Luciferip nangmineĸ ingerdlavigissane pâsíngíkaluarpâ; misigíssutsime píssuserpiai pâsíngíkaluarpai. nãmagigtaitdliornerminutdle píssutigssaĸángínera takutíneĸarêrmat támalernine Gûtivdlo piumassaisa nâpertuivdluássusiat ĸilangmiunutdlo taimáitûssutut nalunaerutigissariaĸarine pâsivâ. taimailiorsimagaluarune ánagsimásagaluarpoĸ íngilerpagssuitdlo ánáusimásagaluardlugit. taimaníkut Gûtimut ilumôrungnaivigsimángilaĸ. tássame kêrupisut igdlersuissutut suliagssane erĸúngitsuliorfigisimagaluarpâ, kisiáne Gûtimut uterumasimassûgune atorfingminut iverterĸigsínausimásagaluarpoĸ. kisiáne angneruniarnermine uteriarumajungnaerpoĸ. ĸanoĸ iliorsimanine ilungersordlune igdlersorpâ, oĸarpoĸ sângnigssane pissariaĸarnago, píngortitsissiminutdlo akiũnerminut túniutdluínarpoĸ.

anersâp silatôrssûp táussuma píssaunine tamât atulerpâ ingilit kivfarisimassane támartíniardlugit isumaĸatigssarsiariniardiugitdlo. agdlât Kristusip nangminerminik mianerssorĸussisimanera eĸutípâ kigdlũssissutut sujunertarissamine iluaĸutiginiardlugo. íngilinut ikíngutiginerussaminut Sãtane oĸarsimavoĸ nâpertuivdluángitsumik erĸartũssaunerardlune, atorfingmine atarĸineĸángínerardlune kivfáungíssutsimigutdlo kigdlilîviginiarneĸardlune. Kristusip oĸausê eĸuterêrdlugit sagdluvdluínartalerpoĸ oĸartalerdlune Kristusip sujunertarigâ ĸilangmiut tamaisa sâvine manigũtíkumavdlune. ãmalo íngilit ilumôrtut tungãnut perĸusersiortumik iliorpoĸ. isumaĸatigssarsiarivigsínáungisane tamaisa pasigdierpai ĸilangmiut iluaĸutigssãnik soĸutigissaĸángínerardlugit. Gûtimut ilumôrtuínartut nangminerpiaĸ pinerdlûtigissaminik pasigdlerpai. Gûtivdlo nangminerminut nâpertuivdluángínera oĸautigisimassane ugpernarsarumavdlugo píngortitsissup oĸausê suliailo eĸutítarpai. periautsimigut íngilit Gûtip sujunertarissainut túngassutigut paitsôrtíniarpai. sût ersserĸivigdlutigdlo nalorninángitsut tamaisa nalorninartúngortíniartarpai, silatûmigdlo eĸutitsissarnikut Nâlagkap oĸausê ersserĸivigsut nalorníssutigissagssángortítarpai. pingârtorssuarmik atorfeĸardlunilo Gûtip nâlagkersuineranut atássuteĸardluarame oĸausê angnerussumik ugperineĸartarput, ĸavsîtdlo kimigîserfigineĸardlutik akuerât Gûtip nâlagáussusianut pikigtitseĸatigiumavdlugo

ilisimássutsimigut Gûtip Sãtane akuerâ ingerdláinarsínaorĸuvdlugo nãmagigtaitdliorneĸ ersserĸivigsumik pikigtitsiníngorsîvdlugo. sujunertarissaisa inerivingnigssât pissariaĸarpoĸ tamarmik sũssusiat ĸanordlo kinguneĸartariaĸarnerat takusínauniásangmatigik. kêrupisut tanitaussutut Lucifer akitsisitaungârsimavoĸ; ĸilaup íngilîsa asangârpât, súnîsínáussusialo angnertoĸaoĸ. Gûte ĸilangmiunut nâlagaugínarane silarssuarme píngortísimassamine tamane nâlagauvoĸ, Sãtanilo isumaliorpoĸ íngilit ĸilangmiussut pikigtitsinermine iligssarsiarisínaugunigit silarssuit ilait ilángúsínaujumârdlugitaoĸ. isumaĸatigssarsiornermine sujunertarissane angujumavdlugo sagdlussarsimavoĸ. támartitsissutut píssauniligssûvoĸ, sagdlunermigutdlo angisûmik iluagtitsisimavoĸ. íngilit ilumôrtut agdlât píssuserissâ pâsivingneĸ saperpât suliniarneratalo kingunigssai takuvdluarsínaunagit.

ajortuliortautsip ajússusia aitsât nãmagtumik takugssaulersarpoĸ inerivigkângame. tamána tikitdlugo Gûtip nâlagauvfiane tákúsimángilaĸ píssusialo ajordluínássusialo iluartunit pâsineĸangivigpoĸ. Gûtip inatsisânik uniorĸutitsinerup kingunigssai ánilârnangârtut takuneĸ saperpait. autdlarniutaussumik Sãtanip sujunertarissane Gûtimut ilumôrtûssârníkut issertorsimavâ. oĸartarsimavoĸ Gûtip nâlangnartitaunigssâ, nâlagáussusiata aulajaitdlineĸarnigssâ ĸilangmiutdlo tamarmik iluaĸutigssât sujunertatuarigine. íngilit kivfarissane nãmagigtaitdliortúngortíniardlugit nãmagigtaitdliornermik pîaissûssârsimavoĸ. Gûtip nâlagauvfiane ârĸigssũssinerup tássanilo inatsisinik avdlángortitsinigssaĸ pissariaĸarnerarângamiuk tamána ĸilangme erĸigsisimanerup atatíneĸarnigssânut pissariaĸarnerartarsimavâ.

ajortuliat sulíssutigititdlugit Gûtip nâpertuivdluássuseĸ sagdlusuíssutdlo kisîsa sákugisínauvai. Sãtanip sákugisínauvai Gûtip atorneĸ sapigai: ĸujanarniarneĸ sagdlunerdlo. Gûtip oĸausia eĸutíniarsimavâ nâlagkersuineralo íngilinut erĸúngitsumik navsuiarsimavdlugo, oĸarsimavdlunilo Gûte ĸilangmiunut inatsisiliortitdlugo nâpertuivdluángínerardlugo, Gûtigôĸ píngortitame nâlangnigssât piumassarigângamiuk angneruniáinartarpoĸ. taimáitumik Gûtip nâlagkersuinerata nâpertuivdluássusia inatsisâtalo nãmagdluínássusia ĸilangmiunut nunamiunutdlo takutítariaĸarput.

agdlât Sãtanip ĸilangmĩtuáinarsínáungínera aulajangiúneĸarmat Gûtip ilisimássutsimigut piunêrúkumángilâ. asangnigtumik kivfartũssineĸ kisiat Gûtip iluarisínauvâ, taimáitumik píngortitaisa tamarmik ilumôrnerat Gûtip nâpertuivdluássusianik asangníssusianigdlo ĸularissaĸángínermik túngaveĸartariaĸarpoĸ. ĸilangmiut silamiutdlo ajortuliap píssusianik kingunerissainigdlo pâsissaĸarsínáungitsut taimailissúkut Gûtip nâpertuivdluássusia isumagssuíssusialo pâsineĸ sapersimagaluarpait, taimailissúkut Sãtane piunêrúsimagaluarpago. Sãtane ernĩnaĸ piunêrúneĸarsimagaluarpat Gûte kivfartũsimásagaluarpât ĸununermit, asangningnermitdlo pínatik. taimailiorníkut támartitsissup súnînera pîagauvdluínarsimásángíkaluarpoĸ pikigtitsiumanerdlo pêrutivigsimásángíkaluardlune. ajortuliorneĸ akuerissariaĸarsimavoĸ ineritdluarsínaorĸuvdlugo. silarssûp tamarmiussup iluaĸutigssâ píssutigalugo Sãtanip najorĸutagssane inerdluarnerussariaĸarsimavai, píngortitat tamarmik Gûtimut pasigdliutait erĸortumik pâsisínauniásangmatigik Gûtivdlo sáimáunera inatsisâtalo avdlángujuíssusia nâgssáungitsumik ĸularutigissagssaujungnaerniásangmata.

Sãtanip pikigtitsinera kinguârîngne tamane silamiunut ilíniutigssauniásaoĸ ajortuliap píssusînik kingunipiluinigdlo. Sãtanip nâlagkersuinerata ínungnut ingilinutdlo kingunerissaisa Gûtip nâlagáussusianik atorungnaersitsinerup ĸanoĸ kinguneĸartariaĸarnera takutítariaĸarpâ. tamatumûna Gûtip píngortitaisa tamarmik pivdluarnigssât Gûtip nâlagkersuineranut inatsisânutdlo túngassariaĸarnera takutíneĸásaoĸ. taimáitumik misiligúmik ánilârnangârtumik tamatumínga oĸalugtuaĸ iluartunut tamanut igdlersûtigssáusaoĸ támartitáunavêrsautigssaussumik ajortuliornavllrĸuágssamigdlo tamatumalo kingunerissânik pitdlarneĸarnavêrsautigssamik.

Sãtanip katerssârssuisalo isumaĸatigîgdlutik Kristuse pikigtitsinermingnut pissûtipât, navêrneĸángíkaluaruníngôĸ pikigtitsinaviángíkaluaramik. pikigtitsissut nâlagât isumaĸatailo taima malartitagssáungitsigigamik nâlánginermingnilo Gûtip nâlagáussusia úpitíniartuaral uarmássuk, taimailiortitdlutigdlo pissũssuteĸângíkaluardlutik ĸunutíniagaunerartuaramik kîsame ĸilangmit ajagtugáuput.

anersâĸ ĸilangme pikigtitsisimassoĸ táunarpiaussoĸ nunamísaoĸ pikigtitsiniarpoĸ. Sãtanip íngilit akornáne autdlarnigkane inuit akornáne nangipâ. anersâva ugpíngitsut ĸitornaine nâlagkersuivoĸ. táussumatut táukuátaoĸ Gûtip kigdligerĸussai aserorterniarpait, inuitdlo neriorssorpait inatsisinik uniorĸutitsiníkut kivfaujungnáisassut. ajortulianik navêrsitsissarneĸ sule ûmigssuinermik kigdlormôrnermigdlo kinguneĸartarpoĸ. Gûtip inuit tarníkut nalúngíssusîsigut mianerssorĸugângagit Sãtanip inuit kajumigsârtarpai patsisigssarsiorĸuvdlugit ajortuliornermingnilo inoĸatimingnik ikiortigssarsiorĸuvdlugit. ajortuliait iluarsiniarnagit ajortuliortunut oĸaorĸigsârissut artornartorsiutaussumut pissûssuituaunerardlugit narragtitsiniartarput. Âpitdlip iluartup nalânit uvdlut máĸo tikitdlugit anersâĸ taimáitoĸ ajortuliornermik ajorissaĸartut tunganut atũtíneĸartarsimavoĸ.

ítuínartuvdle nangminêrdlune píssutse nalunaerutigâ: "Nâlagaĸ, Nâlagaĸ Gûte nagdligtuissoĸ sáimaissoĸ, kamajuitsoĸ isumagssuingârtoĸ ilumûngârtordlo, isumagssuinermik aulajangîssoĸ tûsintilingnut, ajortulianigdlo pinerdlungnernigdlo ajortuliautsinigdlo isumákîssoĸ, píngitsûtitsinanile," (2 Môrs. 34, 6. 7).

Sãtanip ĸilangmit anisitauneragut Gûtip nâpertuivdluússutse takutípâ igsiavíssârssuanilo atarĸinarungnaersínago. inuitdle akerĸap ordlusimassup támartitsineragut ajortuliorsimangmata Gûtip asangníssutse ugpernarsarpâ ernituane toĸúkut túniúkamiuk kinguârît ordlusimassut utertíneĸautigssãnik. sáimáunartitsiníkut Gûtip píssusia ersserpoĸ. sáningassugdlip ugpernarsauterujugssuata silamiunut tamanut avĸutigssaĸ Luciferip ĸinersimassâ píssutigalugo Gûtip nâlagkersuinera pissûtíneĸarsináungitdluínarmat.

silamiunik -kajumigsârissoĸ Kristuse narrugerĸuvdlugo, tássa Sãtane. ajortup nâlagâta píssaunine perĸusersusârsínauninilo tamât atordlugo Jîsuse piunêrúniaraluarpâ, takuvâme ánáussissup asangníssusiata saimaneratalo, nagdligtuíssusiata misigingneĸatauneratalo Gûtip píssusia silamiunut sarĸúmiúkâ. ánáussissup oĸausê tamaisa akerdlilerpai, inuitdlo ikiortigalugit ánáussissoĸ inûtitdlugo nâgdliugtítuardlugulo aliasugtítuarpâ. sagdluníkut Jîsusip suliniarneranik akornusersuinera, ugpíngitsut ĸitornaisigut ûmigssuineĸ, inûnine nâvdlugo naligssĸángitsumik ajúngitsuliorsimassumut pasigdliutâ - tamá tamarmik akiniaumanermik itsûmik itisûmik sordlanigsimassumik autdlaiveĸarput, sínganerup, ûmigssuinerup akiniáissutsivdlo ingnere mátússausimagaluartut Gûlgathame Gûtip erneranut ikualáput, pissoĸ tamána ĸilangmiut nipaitsumik issigigât.

pigdliuterujugssuaĸ nãmagserêrmat Kristuse ĸilaliarpoĸ, íngilitdlo únersiutigingningnerat tusarumángíkatdlarpâ ima ĸinorêrnignigssame tungânut: "atâtaĸ, uvavnut túniússatit uvavnêrĸuváka najugkavne." akíssutigssâ atâtâta igsiavíssârssuanit asangningârtumik píssauneĸangârtumigdlo tutsiúpoĸ: "Gûtip íngilîsa tamarmik patdlorfigísavât." (Juán. 17, 24; Epr. 1, 6). Jîsuse simerniminínguamik mingnerpâmigdlũnît simerneĸángilaĸ. manigũtitaunera ĸângiúpoĸ, mãnalo atermik avdlanit tamanit ĸutsingnerussumik tunineĸarpoĸ.

mãna Sãtanip ajortuliânut utorĸatsíssutigssaerúpoĸ. sagdlussutut inuartututdlo píssusivine sarĸúmersísimavâ. inuit taimatut anersâlingmik iliorfigisimangmagit periarfigssaĸartitausimagaluarune ĸilangmiútaoĸ taimailiorfigisimásagaluarai nalunaerungnaerpoĸ. oĸarsimavoĸ Gûtip inatsisânik uniorĸutitsineĸ kivfáungíssusermik akitsisitaunermigdlo kinguneĸartugssaunerardlugo; sunauvfale inugsiauneĸ nikanarsagaunerdle kinguneriumârâ.

Sãtanip Gûtip píssusianut nâlagkersuineranutdlo pasigdliutai ersserĸivigsumik pâsinarsarneĸarput. Gûte pasigdlersimavâ ingminut akitsisíniáinartutut, píngortitame nâlangnigssât manigũnigssâtdlo piumagângago, oĸarsimavordlo Gûtip avdlat nangminigssarsiujuínigssât piumassarigaluardlugo nangmineĸ ingminut tunutdliutíngisáinarnerardlugulo ingminik túniutíngisáinarnerardlugo. mãnale pâsinarsivoĸ inuiait ordlusimavdlutigdlo ajortuliorsimassut ánáukumavdlugit silarssûp Nâlagâta asangningârnermigut tuníssutigineĸarsínaussoĸ angnerpâĸ pigdliutigisimangmago, "Gûtivme Kristuaime silamiut ingminut sáimáunartípai." (2 Kor. 5, 19). pâsinarsivordlo Luciferip nâlangnartitaujumavdlune isâvfingnik matuîsimatitdlugo ajortuliornermigdlo isertitsisimatitdlugo Kristusip ajortuliorneĸ piunêrúkumavdlugo ingminut nikanarsarsimangmat toĸumutdlo agdlât nâlagsimavdlune.

Kristusivdle toĸunera agssortugagssáungitsumik inungnut iluaĸutauvoĸ. erĸartũssutip pitdlautigerĸussâ Gûtip naligissânut tugpoĸ, inuitdlo Kristusip iluássusia perĸigsimivdlutik manigûtdlutigdlo inûníkut pigssarsiarisínãngorpât Sãtanivdlo píssaunera ajugauvfigalugo, sôrdlo Gûtip ernerata ajugauvfigisimagâ. taimáikame Gûte nâpertuivdluarpoĸ Jîsusimutdlo ugpertut tamaisa iluarsarpai.

Kristusivdle inuit utertitaunigssât kisiat sujunertaringilâ nunamut autdlardlune nâgdliugkiartordlunilo toĸujartorame. tikiúpoĸ "inatsit angisũngortísavdlugo nâlangnartúngortísavdlugulo;" tássûnalo nunamiut píssusigssâtut inatsímut nâlangnigssât pĩnarnago Gûtip inatsisâta avdlángujuíssusia silarssuarme tamane silamiunut takutísavdlugo sujunertarâ. inatsisip piumassai tunuartíneĸarsínausimagaluarpata Gûtip ernerata inûnine akigissariaĸarsimásángíkaluarpâ uniorĸutíneĸarsimaneranut akiliutigssatut. inatsisip avdlángortíneĸarsínáungínera Kristusip toĸunerata ugpernarsarpâ, tuníssutivdlo atâtap erneratalo asangningârnermíkut pigdliutigissâta silamiunut tamanut ugpernarsarpâ iluarneĸ sáimáunerdlo Gûtip inatsisânut nâlagkersuineranutdlo túngaviunera sáimáunartitsiniarneruvdlo angnikínerussup tamána ugpernarsarsínáusángíkaluarpâ.

erĸartũssutsip nãmagsivingneĸarneragut pâsinarsiumârpoĸ ajortuliornermut píssutigssaĸángingmat. nunamiut erĸartũssissuata Sãtane ĸaĸugo aperiumârpago: "sôĸ uvavnut pikigtitsivit nâlagauvfingmalo ínugtainik arsârdlunga?" tauva ajortuliortitsissoĸ patsisigssaerúkumârpoĸ. ĸarnit tamarmik matuneĸarumârput pikigtitsissutdlo katerssârssue oĸausigssaerutdlutik.

Gûlgathap sáningassuliata inatsisip avdlángujuíssusianik oĸalugtuartup silamiut tamaisa nalunaerfigai ajortuliap akigssarsiagssâ tássaungmat toĸo. ánáussissoĸ toĸulerdlune tordlulangmat: "nãmagsivoĸ." Sãtane toĸulersutut sujarnúneĸarpoĸ. akiũnerssuaĸ taima sivisutigissumik ingerdláneĸarsimassoĸ aulajangîvfigineĸarpoĸ, ajortuliautsivdlo piunêrutivingnigssâ ĸularnarungnaersitauvoĸ. Gûtip ernera ilerrup isâvfîsigut ingerdlasimavoĸ "toĸumigut toĸumik píssautilik saperssisísagamiuk, tamássa Diâvulo." Lucifer angneruniurnermine oĸarsimavoĸ ĸaĸiumavdlune "igsiavfiga ĸilâlik ĸutdlardlugo Gûtip uvdloriaisa ĸulãnut, ... ĸutsingneruvsârtoĸ ássigalugo." Gûte oĸarpoĸ: "arssángortíkumârpavkitdlo nuname ... tatáinarsivdlutit sûjungnaeravit isuanut agdlât." uvdloĸ nagdliugpat "ûtsivigtut ikumásassoĸ," ... "tauva sorĸusaitsut tamarmik iluaitsuliortorssuitdlo tamarmik karrîarnikutut ísáput, uvdluvdlo nagdliúkumârtup ikivkásavai, oĸarpoĸ Nâlagaĸ katerssârssuit Gûtiat, túngavingmigdlũnît avaleĸúmigdlũnît amiákuerutdlugit." (Epr. 2, 14; Is. 14, 13. 14; Hisk. 28, 18. 19; Mal. 4, 1).

silamiut tamardluínarmik ajortuliautsip píssusia, kingunerissailo pâsisimalísavait, piunêrúneĸavingneralo sujusingnerussúkut íngiline sujôragineĸarsimásagaluartoĸ Gûtimutdlo kángunarsautáusagaluartoĸ mãnákut asangníssusianik ugpernarsautáusaoĸ silamiunilo nuánârdlutik piumassânik iliortune inatsisânigdlo ũmámiugissaĸartune nâlangnássusia aulajangiutdlugo. ajortuliauseĸ kingorna tákuterĸíngisáinasaoĸ. Gûtip oĸausia imáipoĸ: "erĸanârnartoĸ mardloriardlune nagdliúsángilaĸ." (Nâg. 1,9). Gûtip inatsisâ Sãtanip inugsiap nangmautâtut narrugissâ kivfáungíssutsip inatsisâtut únersiutigineĸásaoĸ. píngortitat misilingneĸarsimassut kingorna Gûtimut asangnigdluínardlunilo ilisimavdluínartumut kingorna ilumôrungnaersitaorĸísángitdlatt.