anersânik pâsissagssamernit

silap takugssaussup takugssáungitsuvdlo ataĸatigîngnerat, Gûtip íngilîsa kivfartũssinerat anersâpiluitdlo suliniarnerat agdiagkane iluartune ersserĸivigsumik erĸartorneĸarput inuitdlo inûneránut avigsârtitagssáungitsumik atássuteĸardlutik. anersâpiloĸarnera ugperinêrúkiartorpoĸ, íngilitdlo iluartut "ánássúmik kingornússissugssat pivdlugit kivfartorĸuvdlugit autdiartitaussut " (Epr. 1, 14) inungnit ĸavsînit tâssauneragáuput toĸusimassut anersâve. bîbilivdle íngileĸarnera ajoĸersũssutigĩnarnago táukua inungnit toĸusimassunit timitaĸángitsumik anersârineĸángínerat agssortũssutigissagssáungitsumik ugpernarsarpâ.

inûp píngortitaunera sujorĸutdlugo íngileĸarpoĸ, nuname túngavilerneĸarmat "ĸausiutit ĸĩmagtaĸatigîgput, Gûtivdlo ernere tamarmik tipaitsungârdiutik." inûp ordiunerata kingornagut íngilit autdlartitáuput orpik inûnartulik pâriartordlugo, tamánaio pivoĸ inungmik toĸussoĸarnera sujorĸutdlugo. íngilit píssutsimíkut inuit akimorpait; tugsiausiortorme oĸarpoĸ inuit íngilimit ingmánguaĸ nikanarnerunerardlugit. (Jûp. 38, 7; tugs. 8, 6).

ĸilangmiut tâukua amerdlâssusiat, píssauneĸássusiat, nâlangnássusiat, Gûtip nâlagáussusianut atássuteĸarnerat utertitsiniarnermilo suleĸataunerat agdlagkat iluartut erĸartorpât. "Nâlagkap igsiavfine ĸilâlik aulajangersarpâ ĸilangme, nâlagfialo tamanik nâlagkersuivfiuvoĸ." pruvfîtilo oĸarpoĸ: "tusarpara íngilerpagssuit nipât igsiavíssârssûp ... avatâtigut." kúngit kungiata sâvanĩput íngilê "píssaussut ajorssajuitsut, oĸausianik nãmagsisitsissut oĸausiata nipâ tusardlugo. ĸilangmit autdiartitat tûsintit tûsintileriarsimassut ĸulinigdlo tûsintigdlit ĸulinik tûsintileriarsimassut pruvfîtip Dânialip takuvai. apustilip Paulusip erĸartorpai "íngilit ĸulinik tûsintiligpait." Gûtip autdiartitai táuko angaláput "sôrdlo ingnâtdlagiartoĸ issigigáine." nâlangnássusiat taima íngianartigaoĸ ingerdianeratdlo taima súkatigalune. íngilip ánáussissup ilerrane tákútup táutua "ingnâtdiagíssatut ípoĸ, atissailo aputitut ĸaĸortigalutik." taimáitumik"alapernaerssuissut táuna ersiginermit ûlilerput toĸussututdlo ilivdiutik." Sanarrerip asôriamiut kúngiata Gûte mitautigingmago israilíkutdlo nungutitaunigssamik sujôrasârmagit "tauva Nâlagkap íngilia anivoĸ asôriamiut tangmârfiáne toĸardlugit huntritilingnik arfineĸ-pingasunigdlo ĸulilingnik tatdlimanigdlo tûsintigdlit" ãmalo "sorssutdlarĸigsut tamaisa sujuierssuissutdlo tamaisa nâlagaussutdlo Asôriap kúngiata tangmârfianĩtut" pîardlugit. "pakatsivdiune táuna nunaminut uterpoĸ." (tugs. 103, 19-21; sarĸ. 5, 11; Dan. 7, 10; Epr. 12, 22; Hisk. 1, 14; Mat. 28, 3, 4; 2 kúng. 19, 35; 2 nal. 32,21).

íngilit sáimáunermik oĸariartortitaussarput Gûtip ĸitornainut. Âperât pivdluarĸussaunigssânik neriorssũmik oĸariartorfigât; Sûtumamut autdlartitáuput igdloĸarfik ingnermit nungutaungmat Lúte iluartoĸ aniguisíkiartordlugo; Eliarse puilassuitsume ĸasutangnermit ĸilalernermitdlo ajunâleraluarmat ornigpât; Elîsa aniguisíkiartorpât hîstinik ĸamutinigdlo aumârtunik, akerĸanit igdloĸarfinguame ilussaugaluarmat; Dâniale ornigpât kúnge Gûtimik nalussoĸ najordlugo Gûtimit ilisimássutigssamik ĸinungmat; Pîtruse Herûtasimit parnaerússauvdiune toĸutagssángortitaungmat aniguisíkiartorpât; Filípime parnaerússanik pârssissoĸ ornigpât; Pauluse ilailo ímame anorerssualiúneĸarmata ornigpait; Korneliuse ornigpât îvangkîlio ilagsisínãngorĸuvdlugo ĸáumarsariartoramíko; Pîtruse oĸariartorfigât Gûtimik nalussoĸ ánássúmik nalunaerfigiartorĸuvdlugo - taimailiortarníkutdlo íngilit iluartut ukiut ingerdlanerisigut Gûtip ĸitornai ikiortuartarsimavait.

Kristusip ajoĸersugai tamarmik íngilimik atautsimik sernigssuissigssaĸartíneĸarput. pigârtut ĸilangmiussut táukua iluartut ajortup píssauneranut sernigissarpait. Sãtanip nangmineĸ tamána misigâ oĸarame: "Jûpip Gûte asule mianerinerpâ? tamagingnit ungalôrsimángínerpiuk táuna igdlualo pigissailo tamaisa?" Gûtip ínugtane serniginiardlugit periausia tugsiausiortumit ima oĸautigineĸarpoĸ: "mianeringnigtai Nâlagkap íngiliata tangmârfigissarpai avataisigut kaujatdlagdlugit ánautdlugitdlo." ánáussissoĸ ugpertigissane pivdlugit ima oĸarpoĸ: "mianerssoritse ukua mingnínguit ilât asigínarĸunasiuk; oĸarfigâvsime: táukua íngilîsa ĸilangme atâtama kînâ issigítuinarpât." (Jûp. 1, 9, 10; tugs. 34, 8; Mat. 18, 10). íngilit Gûtip ĸitornainik pârssissûtitaussut sûkutdũnît Gûtimut ornigúsínautitáuput.

Nâlagkap ĸitornai târssûp nâlagânit támartitsiniutaussumik sãssúneĸarnigssamik navianartorsiortuartut ajortuvdlo píssaunerinut tamanut akiũtuartut neriorssugáuput íngilinit ĸilangmiussunit pârineĸartuarnigssamik. neriorssûtdlo taimáitoĸ pissariaĸángitsũngilaĸ. Gûtip ĸitornane neriorssorsimagamigit sáimáuneĸarnigssamik sernigineĸarnigssamigdlo, tauva píssutauvoĸ píssaunernik ajortunik akiugagssaĸarmat - píssaunerit ĸavsîussut ĸasusuitsûssutdlo táukua ajússusiat píssauneĸurneratdlo kialũnît navianartorsiortitaujumángíkune nalussariaĸarnagitdlo ilagínartariaĸángilai.

anersâpiluit autdlarĸautâne ajorteĸarnatik píngortitaussut píssutsimikut, píssauneĸarnermíkut nâlangnássutsimíkutdlo Gûtip mãnákut autdlartitainut naligîgsitausimagaluarput. ordlusimanermingnile kátutdlutik Gûte kángunarsarnialerdlugulo inuit aserorsamialerpaît. Sãtane pikigtitsinerane iligilersimavât táunalo ilagalugo ĸilangmit anisitausimavdlutik, tamatumalo kingomagut táuna Gûtip nâlagáussusianut akiũnerane suleĸatigiuarsimavât. agdlagkane iluartune iligîngnerat, nâlagáussusiat, ássigĩngitsunik peĸatigîngnerat, silatuvdlutigdlo perĸusersusâmerat inuitdlo tungãnut sujunertarissapilue oĸalugtuarineĸarput.

testamentitorĸame agdlagkat anersâpiluit piuneránik suliniameránigdlo nalunaerutigissariaĸatsiartarput, kisiáne uvdlune Kristusip nunamîvfîne píssaunerat sákortunerpâmik malungniúpoĸ. Kristuse tikiúpoĸ inuit utertitaunigssãnik pilerssârutaussoĸ piviussúngortíkiartordlugo, Sãtanilo aulajangerpoĸ silamiunut nâlagáussutse pigiuarumavdlugo. iluagtitsivdlune gûtipilugsiorneĸ nunane tamane atulersípâ Palœstina kisiat ilángúnago. nuna ússîssumut túniúsimángitsutuaussoĸ Kristusip tikípâ ĸilangmit ĸáumarĸutiminik inue ĸáumarsariartordlugit. tássûna píssaunerit mardluk nâlagauniúput. Jîsusip asangnigtumik taline siârdlugit piumassut tamaisa ĸaerĸuvai nangminermine erĸigserĸuvdlugit ajortaeruterĸuvdlugitdlo. târtup píssaunerisa pâsivât kisimik nâlagkersuinatik, pâsivâtdlo Kristusip sujunertarissâ nãmagsineĸarpat katsoma nâlagaujungnáisavdlutik. Sãtane lîuvisut kalungniligkatut ĸiningavoĸ, uterîserdlunilo píssaunine atorpâ inuit timaisigut tarnaisigutdlo nâlagkersorniardlugit.

inuit anersâpilunigtarsimanerat testamentitâme ersserĸigsumik oĸalugtuarineĸarpoĸ. taimatut nâgdliûtigdlit nápautáinarnik nápauteĸartángitdlat. Kristusip píssusiussut nâpítagkane nãmagdluínartumik pâsissarpai anersâpiluitdlo piunerat suliniarneratdlo nalunagît.

amerdlássusiánik, píssauneĸarneránik ajússusiánigdlo oĸalugtuaĸ Kristusivtaoĸ píssauneĸarneranik saimaneranigdlo oĸalugtuaĸ ersserĸivigsoĸ Gerâsamiut anersâpilugdlit ajorungnaersitauneránik oĸalugtuame oĸalugtuarineĸarpoĸ. anersâpilugdlit nãkinangârtut táuko ĸavsînik ĸilerssorneĸaraluarângamik ĸunutitagssáungitsut nivdliassardlutigdlo ingminut nâgdliugtítarput erĸamingnutdlo pissunut tamanut navianartardlutik. timait aunârdlutik nâgdliugtitaussut issigalugit târssûp nâlagâta nuánârutigissarpai. anersâpiluit nâgdliugtitsissut ilât oĸarpoĸ: "lîgiûnilingmik ateĸarpunga, amerdlaĸigavta." (Mák. 5, 9). lîgiûnime atautsime rûmamiut sákutûe 3.000- 5.000-ussarput. Sãtanivtaoĸ sákutûe lîgiûníkûtârdlutik ârĸigssugáuput, anersâpiluitdlo inungmik táussumínga nâgdliugtitsissut lîgiûnimit ikingnerusimángitdlat.

Jîsusip perĸungmatik anersâpiluit ernĩnaĸ nâgdliugtitartik ĸimápât, táunalo ánáussissup isigaisa saniane erĸigsivdlune inugsiarnersúngordlunilo unigpoĸ. anersâpiluitdle akuerineĸarput pûlukerpagssuarnut pularĸussauvdlutik, táukulo taserssuarmut tingíput, Gerâsamiut pûlukerpagssuarnik ánaissaĸaramik Kristusip pivdluarĸussinera iluatiginago inápât erĸamingnit autdlarĸuvdlugo. tamássa Sãtanip sujunertarisimassâ. ánaissaĸarneránut Jîsuse pissûtíkamiuk inuit nangminigssarsiortûssut súnerpai Jîsusip oĸausînik tusâjumajungnaersitdlugit. ajortup, kristumiut angnikitdliornermut, ánaissaĸarnermut nâgdliungnermutdlo pissûtítuartarpai, uvfa nangmineĸ ikiortinilo pissûvdlutik.

Kristusivdle sujunertarissâ sûjungnaersitáungilaĸ, anersâpiluit akuerai pûlukerpagssuit aserorĸuvdlugit, jûtit iluanârniardlutik ûmassunik mingugtûnik tamákunínga kinguâgssiortitsissut pitdlarumavdlugit. Kristusip anersâpiluit inásimángíkaluarpagit pûlukit pĩnarnagit inue ilángutdlugit taserssuarmut tingitísimásagaluarpait. mãnale pârssissue pigingnigtuilo sernigineĸarmata saimanermigut ánáussisimassoĸ kisime ĸutsavigissagssauvoĸ. pisimassúkutdlo tamatumûna ajoĸersugkat Sãtanip inungnut ûmassunuldlo sujôranartumik píssauneĸarnerssuanik takussaĸartitáuput. ánáussissup kigsautigisimavâ akeraĸ nâpitagssartik ilisimassaĸarfigísagât, perĸusersusârneragut támartitaorĸunagit. piumassarisimavâlo nunaĸarfiup tamatuma inuisa píssauneĸarnine takuvdlugo Sãtanip ĸilerutainik kigtoraisínaunine tiguagainigdlo aniguisitsisínaunine pâsísagât. naugdlo Jîsuse tássánga autdlaraluartoĸ angutit taima tupingnartigissumik aniguisitausimassut uníngavdlutik sáimáunera oĸalugtuarât.

agdlagkane iluartune pisimassut avdlátaoĸ tamatuma ássinge oĸalugtuarineĸarput. anersâpilugdlit nâgdliungârtutut erĸarsautigineĸarajugput. tamatigut taimáingíkaluarpoĸ. ilaisa erssíngitsumit píssagtitaujumavdlutik Sãtanimit súnigauneĸ ĸujarútarpât. taimáitut sôruname anersât akiûvfigineĸ ajorpait. taimáitunut iláuput sujuligtuisínaussumik anersâgdlit - angákoĸ Sîmût Elymasilo ãmalo niviarsiaĸ Filípime Paulusimik Sîlarsimigdlo malingnaissoĸ.

agdlagkat iluartut ersserĸigsumik nalunaerutigissait miserratigalugit diâvuloĸarneranik, táussumalo íngileĸarneranik ugperissaĸángitsunit navianartorsiornerussoĸángilaĸ. perĸusersusârneránik ilisimassaĸartínata pâsigssáungingajagtumik iluagteriarfigssaĸarput, ĸuvsîtdlo anersâpiluit tamákua isumagssarsiarissait maleruartarpait, isumaĸardlutik nangmingneĸ silatússusertik maleruardlugo. tamána píssutigalugo pivrigssaĸ ĸângiúkiartortitdlugo tamaviârĸajâlerdlune Sãtanip piúngínerminik ugperissaĸ tamanut siaruarterpâ. issertormavoĸ perinutsinilo issertorumavdlugo.

Sãtanip katerssârssuisalo píssauneĸarnerat ajússusiatdlo píssutigssaĸartumik sujôragisínáusagaluarpavut ánáussissivta angnerussumik píssauneĸarnera ĸimâvfigalugulo ikiortiginiarsínáungíkaluaruvtigo. igdluvut parnaersautinik perĸigsârtumik isumangnaitdlisartarpavut pigissavut inûnerputdlo inupilungnut igdlersorumavdlugit; kisiáne íngilipiluit uvavtínut iserniartartut nangminerissavtínigdlo igdlersûtigssaĸartíngisavut erĸarsautigigajúngilavut. periarfigssaĸartitaugunik anersãkut nalornilersísínauvâtigut timíkutdlo ítumik náparsimalersísínauvdlutalo ániartísínauvdlutalo, pigissavutdlo inûnerputdlo aserorsínauvdlugit. nuánarissatuât tássa aserorterineĸ ajunârtitsinerdlo. inuit Gûtip piumassânut pitserîtdlutik Sãtanip ússîniarneranut túniútut nãkinardluínarput taimailiortuardlutik Gûtip anersâpilungnut perĸugpatik. Kristusimutdle malingnaussut táussuma isumangnaitsumik pâriuartarpai. íngilit píssarssuit pâriartordlugit ĸilangmit autdlartitaussarput. Gûtip ínugtaminik pârssissûtitai ajortup pitarneĸ saperpai.