kúkussumik navsuiautit

Kristusip Sãtanivdlo akiũnerssuat ukiune 6000-ngajangne ingerdláneĸarsimassoĸ ĸanigtúkut naggaserneĸartugssauvoĸ, ajortordlo mardloriáumik tamaviâlerpoĸ Kristusip inungnik sulissússinera sûjungnaersíkumavdlugo tarnigdlitdlo ĸagssutiminut napitíkumavdlugit. anguniagâ tássa inuit târmiutíkumavdlugit perĸigsimerĸunagitdlo ánáussissup sulissússinera nãmagsitsîvdlugo, taimailigpáme ajortuliat pivdlugit tuníssutigssaerúsimásaoĸ.

tamaviârtumik akiorneĸartínane, ilagîngne silamiunilo ilatsĩnarneĸartitdlugo Sátane erĸasugtángilaĸ; taimáitoĸartitdlugume piumassaminik inugsiautigissane ánaissarísavdlugit ernumagissángilai. kisiáne nâgssáungitsoĸ erĸarsautigineĸalersitdlugo tarnigdlitdlo ima aperititdlugit: "ĸanoĸ iliúsaunga ánagkumavdlunga?" tauva ernĩnardluínaĸ tamaviâvigdlune Kristusip píssauneĸarnera akiulersarpâ Anersâvdlo iluartup súnînera akerdlilersordlugo.

agdlagkane iluartune Gûtip íngilîsa ilãníkut Nâlagkamut savssariartornerat erĸartorneĸarpoĸ. tauva Sãtanísaoĸ ilagalugit aggerpoĸ (Jûp. 1, 6), imáingilaĸ kúngiujuartoĸ patdlorfigiartordlugo, kisiáne iluartoĸ akerdlilerdlugo nangmineĸ sujunertarissane sujuarsariartordlugo. tamánátaoĸ sujunertaralugo inuit Gûtimut ĸinujumavdlutik katerssorângata aggertarpoĸ. nauk issivtínut issertoraluardlune ĸinuniartut tamaviârdlune súnîviginiartarpai. sákutût nâlagarssuátut píkorigsutut pilerssârutigissane sujumut ârĸigssorêrtarpai. Nâlagkap autdlartitaisa agdlagkat iluartut misigssorait takugângamigit oĸalûserissagssaĸ ínugtaussunut sarĸúmiúneĸartugssaĸ maluginiarlarpâ. silatússutse perĸusersusâtdlarĸíssutsilo tamât atordlugo píssutsit ima ârĸigssorniartarpai inuit tássûnarpiaĸ támartitane nalunaerúmik tamatumíngarpiaĸ tusagaĸángitsôrtitdlugit. mianerssorĸússúmik tusagaĸásavdlune pissariaĸarnerussoĸ autdlartitaujumârpoĸ sulíssutigissariaĸagkaminut, imalũnît avdlatut iliorfigineĸarumârpoĸ oĸautsimik "inũssutigssaraluaminik" tusagaĸarĸunago.

takúsavâlũnît Nâlagkap kivfaisa ínugtaussut târsiornerat aliasûtigigât. tusásavâlo ilungersortumik ĸinussut sáimáuneĸarnigssamingnik, soĸutigissaĸángíneĸ, eĸêrsimángíneĸ ilatsĩnarnerdlo ajugauvfigisínaorĸuvdlugit, tamaviâvigdlunilo akornusersuilisaoĸ. inuit ússertarpni kajumigissamingnik nererssuarĸuvdlugit avdlatutdlũnît nangminigssarsiorníkut sianiutait sinikatâlersíniardlugit pâsissariaĸarnerpaussamingnik tusagaĸarĸunagit.

Sãtanip nalúngilâ kíkut ĸinussarungnaernigssamut agdlagkanigdlo iluartunik atuartarungnaernigssamut ússersínaussane ajugauvfigiumâramigit. taimáitumik sujunertarissagssarpagssuit isumagssarsiarissarpai inuit erĸarsautigissagssaĸartuarĸuvdlugit. inoĸartuáinartarpoĸ Gûtimik mianeringnigtûssârdlutik kúkússutainik agssuarissagssarsiortuartunik. inuit taimáitut Sãtanip ikiortigivdluarnerpaussarpai. ĸátangutaussut pasigdliutait ikigtũngitdlat, pasigdlîssutdlo ulapítuartarput Gûte sulisitdlugo kivfaminitdlo únersiutigineĸartitdlugo. sagdlusuíssúmut asangnigtut sagdlusuíssúmigdlo tusarumassut oĸausê suliaitdlo erĸúngitsumik isumaĸartítarpait. Kristusip kivfai ilungersornerit nangminigssarsiujuíneritdlo támartitaussutut támartitsiniartututdlũnît oĸautigissarpait. táukunúnga suliagssarititaussoĸ tássa ajúngitsumik nangminigssarsiujuitsumigdlũnît suliat tamaisa eĸutíniásavdlugit misiligtagakitsutdlo pasigdliuteĸalersísavdlugit. periausigssat erĸarsautigineĸarsínaussut sût tamaisa atordlugit sût minguitdlutigdlo iluartûssut mingugtûtut sagdloĸítainiutitutdlo issigissagssángortíniásavait.

kisiáne kíkutdlũnît ugperissariaĸángilait, takuneĸ ajornángeĸaoĸ kíkut ĸitornarigait, kia maligagssiuinera maleruagarigât kialo suliarerĸussai suliarigait. "inerititainit ilisarísavase." suleriausiat Sãtanip sagdlutûp periausianut erĸainarpoĸ "ĸatángutivta únerdlûtigingnigtât". (Mat. 7, 16; sarĸ. 12, 10).

ússîssorssuaĸ ikiorterpagssuaĸarpoĸ, táukulo piarêrsimassarput támartitsiniut ĸanordlũnît ítoĸ sarĸúmiutísavdlugo - ajoĸersûtit sagdlússutaussut támartíkumassap kajumigissânut pigínáussuseĸarneranutdlo nalerĸútúngorsagkat. sujunertarissarpâ ilagît inungnik ilumũngitsunik sângniarsimángitsunigdlo ĸulalersitsivdlutigdlo ugperungnaersitsissugssanik Gûtivdlo suliagssarititainik tamanik sujumukaĸataujumassunigdlo tamanik akornusersuissunik ilagssaĸartísavdlugit. ĸavsît Gûtimut oĸausianutdlũnît ugperdluángitsut sagdlusuíssutip najorĸutagssaisa ilainik akuerissaĸardlutik kristumiûssutut isumaĸarfigineĸartarput, tamánalo túngavigalugo támartitsiniutigissatik bîbilimit ajoĸersûtigissatut sarĸúmiúsínaussarpait.

isuma imáitoĸ: inûp ĸanoĸ ítumik ugperissaĸarnera soĸutáungilaĸ, tássa ajortup kinguneĸarnerpaussumik sagdloĸítainiutigissaisa ilât. nalúngilâ kia sagdlusuíssut ilagsigângago asagamiuk, tauva sagdlusuíssutip tarnâ minguiartarâ, taimáitumigdlo isumaliutigissat oĸalugtualiatdlo avdlat, îvangkîlio avdla atulersíniartuardlugo. autdlarĸautânit Gûtip kivfaisa ajoĸersuissupiluit inupilûgínaratik ajoĸersûtinik eĸutitaussunik ajoĸersûtigissaĸartut akiortariaĸarsimavait. Eliap, Jerimiap Paulusivdlo aulajaitdlutik ĸunusuitdlutigdlo inungnik Gûtip oĸausianit tunússititsiniartut akornusersorpait. kristumiutut erĸorĸigsârtumik ugperissaĸarnigssap soĸutiginángitsutut isumaĸarfigineĸarnera sagdlusuíssutip ilungersûtigingnigtuinit táukunánga ilalerneĸángilaĸ.

agdlagkat iluartut erssernerdlugtumik timitaĸángitsumigdlo navsuiautait ingmingnut akerdliussorpagssuit kristumiunit pigineĸartut akerarssuavta suliarai tarnigdlit nalornilerĸuvdlugit, sagdlusuíssut takusínaorĸunago. kristumiut ilagîgsortaine ássigĩngitsune isumaĸatigĩngíneĸ agssortueĸatigîngnerdlo mikíngitsumik píssuteĸarput agdlagkat iluartut isumaliutigissaĸ iluarissaĸ ugpernarsarumavdlugo eĸutitaussarneránik ilerĸûgajugtumik. Gûtip oĸausia ũmatíkut manigûtdlune piumassâ pâsiniarnago ĸavsît ujardlerfigĩnartarpât tupingnartumik erĸumîtsumigdlũnît navssârfiginiardlugo.

kúkussumik ajoĸersûtigissat ilerĸutdlũnît kristumiunut nalerĸutíngitsut igdlersorumavdlugit ilaisa bîbilime agdlagsimavfît atássuteĸarfigissamingnit pîagkat unigfigivigsínaussarpait, imalũnît versip atausíngûp agfâ íssuarsínaussarpât, nauk versip nânerata isuma akerdliuvdluínartoĸ sarĸúmersísagaluarâ. pulateriârssugtut perĸusersusârtigalutik iláinakunik íssuagkat patdligtailissaliarissarpait uviningmutdlo túngassumik kigsautigissamingnut nalerĸútúngordlugit navsuiartardlugit. taimatut ĸavsît piâralunêrdlutik Gûtip oĸausia eĸutítarpât. ilaisalo ássersûtit agdlagkane iluartune atorneĸartut akôrdlugit nangmingneĸ isumaliortautsimingnut nalerĸútumik navsuiartarpait bîbilip oĸausiata ingminut navsuiautaunigssâ soĸutigingârnago, tauvalo nangminêrdlutik isumagssarsiarissartik bîbilip ajoĸersûtigissâtut sarĸúmiútarpât.

inûp agdlagkat iluartut misigssortarângagit ĸinuniarnane manigũnane pâsiniaiumananilo, tauva bîbilip oĸausia pâsinarnerpâĸ pâsiumináinerpârdlo erĸortumik pâsinaviangilâ. ilagît pâvikûssut pissortaisa agdlagkat iluartut ilamerne sujunertarissamingnut nalerĸútut ĸinertarpait, piumassamingnik navsuiardlugit taimatutdlo inungnut sarĸúmiútardlugit. inuínait bîbilimik atuarĸúngilait sagdlusuíssutinik iluartunik nangminêrdlutik pâsiniaerĸunagit. bîbile tamarmiussoĸ avdlángortíngitdluínardlugo inungnut túniútariaĸarpoĸ. agdlagkat iluartut taima eĸutitautigissumik pigssarsiarísagáine inungnut ajúngínerúsagaluarpoĸ bîbilimik ajoĸersorneĸángivigkunik.

ima suaortarníkut: "kivfáungíssuseĸ!" inuit akerĸap támartitsinlnrneranut tagpîtdlisitaussarput, táuna sujunertarissaminik angussaĸarniardlune tamaviârtuartitdlugo. bîbile tunuartíniardlugo inuit isumaliutait taorsiúniardlugit iluagtitsiartortitdlugo Gûtip inatsisâ tununrtitaussnrpoĸ, ilagîtdlo kivfáungíssuseĸángíneraraluardlutik ajortimut inugsinulersarput.

ilisimatûtut ilisimatût ilisimassagssarneĸ ĸavsînut perĸuserdlûtíngorsimavoĸ. Gûtip silamiut akuerisimavai angnertôrujugssuarmik ĸáumarsagaorĸuvdlugit ilisimatusautitigut, navssâtigut erĸumîtsuliorníkutdlo, kisiáne ilisimatusautit sarĸúmersitatdlo ingmingnut nalerĸiúniartitdlugit silatunerpânut agdlât pâtsivêrútarput, ilisimassagssarsiornermingne Gûtip oĸausianit tasiorneĸángíkângamik.

inuit erssitsunik anersãkutdlo ítunik ilisimassaĸarnerat nãmagdluartûnane amigauteĸarpoĸ, tamánalo píssutigalugo ĸavsît ilisimatusautinut túngassumik isúmatik agdlagkat iluartut oĸalugtuarissaínut nalerĸiúneĸ sapertarpait. isumaliutáinauvdlutigdlo erĸarsautáinaussut inungnit ĸavsînit ilisimatusautitut piviussutut ilagsineĸartarput, táukulo isumaĸarput Gûtip oĸausia misiligtariaĸartoĸ "ilisarssissunik tainerdlugaussut" (1 Tim. 6, 20). ajoĸersûtigissât nâpertordlugo. píngortitsissoĸ suliailo pâsineĸ saperpait, silamik ilisimatusautitigut navsuiarneĸ saperamíkik bîbilip oĸalugtuai ugpernángitsutut isumaĸarfigait. testamentitorĸap testamentitâvdlo ugpernássusiánik ĸularissagdlit Gûteĸarnera ilángutdlugo ĸularigajugtarpât píngortitatdlo kisimik píssaunerutitdlugit. kisartik ĸimáinardlugo ugpíngíssutsip íkardluisa akornáne sarfarsiatâlersarput.

taimailivdlutik ĸavsît ugperissamit támartitauvdlutik Diâvulumit támartitaussarput. inuit píngortitsissumit ilisimanerulerniarsimáput; inuit erĸarsariartautsimíkut nalunartut ĸaĸugulũnît pâsineĸarnaviángitsut navsuiarniarsimavait. inuit Gûtip nangmineĸ pivdlune sujunertarissanilo pivdlugit nalunaerutigisimassai pâsĩnarsínaugaluaruníkik Nâlagkap nâlangnássusia píssauneĸássusialo ima pâsitigilísagaluarpait nangmingneĸ sũngíssusertik pâsivdlugo nangminermingnutdlo ĸitornamingnutdlo nalunaerutigineĸarsimassut nãmagilersínáusavdlugit. kíkut Gûtip oĸausianik ilagínaivdlutik inûvdluatârutigssáinarnik erĸarsautigissaĸarniartut silamiut ajuatdlagtínavêrsârniardlugit, táuko ilagínarneĸarumârput, támartitsiniutitdlo narrunartut kristumiut sagdlusuíssutaisut ilagsiumârpait. sagdloĸítáumik atautsimik narrugissaĸartup sagdloĸitaut avdla ilagsiniarumârpâ. apustilip inuit "ilumôrnermut asangningnigssamik ánássutigssaraluamingnik" ilagsissaĸángitsut erĸartordlugit ima oĸautigai: "tamána pivdlugo Gûtip támarnartut sualugtut táukunúnga perĸúgavai ugpererĸuvdlugit, tássa sagdlusuíssúmik ugperingníngitsut iluáinermutdle kajumigtut tamaisa erĸartũneĸarĸuvdlugit." (2 Tás. 2, 10-12). taimatut mianerssorĸuneĸardluta ajoĸersûtinik ĸanoĸ ítunik ilagsissaĸarnigssavtíne mianerssortariaĸarpugut.

támartitsiniartorssûp iluaĸutiginerpaussaisa ilagait ajoĸersûtit támartitsíssutit tupingnartumigdlo sagdluliornerit anersârsiornermut (spiritismimut) túngassut. ĸaumanerup íngiliatut ilisarnaĸutserdlune ilimanángínerpâtigut ĸagssutine siârtarpai. inuit Gûtip atuagautâ pâsisínaujumavdlugo ilungersortumik ĸinuvdlulik atuarumáinara luaruníko târsiornatigdlo ajoĸersûtinik támarnartunik ilagsissaĸásángíkaluarput; kisiáne sagdlusuíssut narrugigângamíko támartitsiniutinit pissarineĸartarput.

támarnartoĸ avdla tássauvoĸ ajoĸersût Kristusip Gûtiússusianik miserratigingnigtoĸ nunamutdlo tikiúnine sujorĸutdlugo piusimángíneranik ajoĸersûtigingnigtoĸ. ajoĸersût tamána inugpagssuarnit bîbilimik ugperissaĸarnerartunit iluaringnigtumik ilagsineĸartarpoĸ; kisiáne ánáussissup atâtaminut atássuteĸarnine, píssutse táunaorêrsimaninilo pivdlugit ersserĸingnerpâmik oĸauserissainut tamána akerdliuvdluínarpoĸ. ajoĸersût taimáitoĸ kialũnît agdlagkat iluartut píssutigssaĸángivigsumik eĸutíkumangíkunigit iluariniarsínáungilâ. inuit utertitauniarnigssamingnik pâsissât nikanarsáinarnago tamatuma bîbilip Gûtimit sarĸúmiússatut ugperineĸarnera aserortísavâ. píssutsip tamatuma ajoĸersût tamána navianartúngortipâ akerdlileruminaitsúngortitdlugulo. inuit Kristusip Gûtiussusianik nalunaerutaussut agdlagkane iluartunĩtut narrugigpatigik, tauva oĸalûserissagssamik tamatumínga oĸaloĸatigísavdlugit iluaĸutáunaviángilaĸ, kivdligssaunaviángingmata. "inûvdle tarnimut atassup Gûtip anersâta pê ilagsissaríngilai; sianîtsorpatdlagsorai ilisarinerdlo saperdlugit anersãkut ítumik misigssortariaĸarmata." (1 Kor. 2, 14). kinalũnît tássûna támartitaussoĸ Kristusip píssusianik suliariumassânigdlũnît erĸortumik pâsissaĸarsínaungilaĸ, taimatútaordlo Gûtip inuit utertitaunigssãnik sujunertarujugssuanik erĸortumik pâsissaĸarsinaunane.

támarnartut pingajoĸarput, tássa inuit amerdliartortut inugtut ítumik Sãtaneĸarsoríngínerat, isumaĸaramik ateĸ táuna agdlagkane iluartune inuit erĸarsautipiluinut pileríssusipiluinutdlo ássersûtáinartut atorneĸartarsoralugo.

ajoĸersût oĸalugtarfingnit tutsiúkajugtartoĸ Kristusip tikiuterĸingnigssâ tássaunerardlugo inungnut atausiákânut toĸulerneráne tikiútarnera, tamána sagdloĸítauniutauvoĸ Kristusip ĸilaup nuiaisigut nangminêrdlune tikiuterĸingnigssâ inungnit erĸarsautigineĸarĸunago. ukiorpagssuarne Sãtane oĸalugsimavoĸ: "ata, inínguanĩpoĸ" (Mat. 24, 23-26), tarnigdlitdlo ĸavsît támartitausimáput sagdluliaĸ tamána ugperisimagamíko.

ãmalo silamiut ilisimatusautait nâpertordlugo ĸinussarneĸ malungnartumik pingâruteĸángilaĸ. ilisimatût oĸartarput ĸínutit pivlussumik akineĸarsínáungínerardlugit, akíssutisineĸ taimáitoĸ tupingnartuliáusangmat tupingnartuliaĸangisáinarmatdlo. silarssuaroĸ inatsisit aulajangersimassut nâpertordlugit ingerdlatitauvoĸ, Gutilugôĸ inatsisinut tamákunúnga akerdliussumik iliúngisáinarpoĸ. taimatut Gûte navsuiarneĸartarpoĸ nangmineĸ inatsisiutiminit ĸilerssugaussutut - sôrdlule Gûtip inalsisaisa kingunerisa Gûte piumassaminik iliorsínaujungnaersísagaluarât. ajoĸersût taimáitoĸ agdlagkat iluartut nalunaerutigissáinut akerdliuvoĸ. Kristuse apustilîlo tupingnartuliortángíneramik? ánáussissoĸ nãkigtartoĸ táunaussoĸ uvdlumísaoĸ ûmavoĸ, sôrdlulo takugssauvdlune inuit akornáne angalagatdlarame pissarnermisut mãnákútaoĸ ugpertup ĸínutâ tusarumatigâ. Gûtip sujunertarissâta ilagissâtut ugperdlune ĸinussoĸ tunissarpâ ĸinúngíkaluaruvta tuníssutigissagssaríngisaraluaminik.

kristumiut ilagîgsortáine ajoĸersûtit támarnartut isumaliutitdlo erĸumîtsut kisigssáungitdlat. Gûtip oĸausiagut kigdligerĸussap atautsivdlũnît pêrĸârneragut kingunipilugssai nautsorssoriarneĸ ajornarput. sapîserdlutik taimailiortartut ikigtuínait sagdlusuíssutip atausĩnaup narrugineĸarnigssâ nãmagissarpât; amerdlanerit ingerdlarĸigdlutik sagdlusuíssutip najorĸutagssai tugdlerîârdlugit tunútarpait kîsalo ugperungnaivigtardlutik.

nalivtíne ugperissagssarsiornerme isumaliutaussut tarnigdlit ĸavsît ĸulalersísimavait, taimailiorfigineĸángíkaluarunik ímaĸa agdlagkanik iluartunik ugperissaĸarsimásagaluartut. inûp taimáitup ajoĸersûtit nâpertuivdluarnertut nãkigtarnertut asangningnertutdlo isumaĸarfigissaminut nalerĸútûtíngisane ilagsineĸ sapertarpai; ajoĸersûtitdlo tamáko Gûtip oĸausiatut ilagsineĸ sapertarpai.

tamánarpiauvorme ajortup angujumassâ. Gûtimut oĸausianutdlo tatigingningneĸ nungutísínauguniuk angnerussumik kigsautigissaĸángilaĸ. Sãtane ĸulartorpagssuit sákutûisa nâlagarât píssauneĸarninilo tamákerdlugo tamaviârpoĸ tarnigdlit siagtitaminut ilángúnigssamut ússerniardlugit. ĸularneĸ nalivtínut nalerĸútúngulersimavoĸ. inugparujugssuit Gûtip oĸausia tatigingníngitsumik issigât pilersitsissuanut tatigingníngitsut perĸutigissâta ássinganik píssutigissaĸardlutik: ajortuliorneĸ pitdlardlugulo erĸartũtarmago. piumassarissainut nâlagkumángitsut nâlagáussusia nungutíniartarpât. ajoĸersûtigissâ oĸalugtarfingmit iluartumit nalunaerutigineĸartitdlugo tusarnârângamik agdlagkane iluartune oĸalũssíssúmilũnît agssuarissagssamik navssârniarneĸ kisiat sujunertaralugo tusarnârtarput. ikigtũngitsut ugpíngitsúngortarput patsisigssarsiorsínaujumavdlutik imalũnît pissugssaunermigtut sulisimángínertik patsisigssaĸartísínaujumavdlugo. ilaisalo ugpíngínerup najorĸutagssai ilagsissarpait angneruniarnermit eĸiasungnermitdlũnît. atarĸinautigssausínaussumik suliaĸarnigssaĸ ilungersornigssamik nangminigssarsiúngínermigdlũnît pissariaĸartitsissoĸ eĸiasugfigivatdlâĸigamíko bîbilimik agssuarissagssarsiorníkut ilisimatûtut tusâmassángorniartarput.

oĸautsimigut Gûtip oĸautsip Gûtisut píssuseĸarnera nãmagtumik ugpernarsarsimavâ. utertitaunigssavtínik sagdlusuíssut angisôĸ ersserĸigsumik sarĸúmiúneĸarpoĸ. Anersâp iluartup ikiuineragut, ilumôrdlutik ĸinussunut tamanut neriorssûtigineĸartúkut, kialũnit nangminêrdlune sagdlusuíssut táuna pâsisinauvâ. Gûtip inuit ugperniarnigssamingnut túngavigssamik aulajaitsumik tunisimavai.

Gûtip ugpernigssaĸ sivnilingmik ugpernarsarsimagaluardlugo ugpíngínermut patsisigssat tamákerdlugit pîarumángilai. ugpíngíssutsimik nâtivfigssainik ujardlersut tamarmik navssâriumârpait, agssuardliutigssatdlo tamavîsa pêrsitaunigssãnik ĸularnigssamutdlo patsisigssaerutivingnigssânik utarĸĩnardlutik Gûtip oĸausianut nâlagkumángitsut oĸausialo ilagsiumanago, táuko ĸaumanermut isernaviángitdlat.

ĸularungnaernigssamingnik ilumôrdlutik kigsautigissaĸartut atausĩnarmik avĸutigissagssaĸarput. pâsisínáungisatik ĸularĩnarnagitdlo agssuarĩnarnagit ingerdlavingmingne ĸáumarĸutaorêrsoĸ sianiginiartariaĸarpât, tauva angnerussumik ĸáumarsarneĸarumârput. suliagssarititaussut ersserĸigsumik pâsissatik tamaisa suliarissariaĸarpait, tauva suliagssarititaussut avdlat mãnákut pâsineĸ sapigkatik suliarisinaulerumârpait.

ajortoĸ sagdlusuíssutip taortânik pilersitaĸarsínauvoĸ, sagdlusuíssúmutdlo ássingungârmat sagdloĸítagaujumassoĸ sagdlusuissutivdlo piumassarissâtut nangminigssarsiujuitsigiumángitsoĸ sagdloĸítagausínauvoĸ, kisiáne tarnilik atauserdlũnît ilumôrdlune sagdlusuíssúmik ilisarssiumassoĸ tamána ĸanordlũnît akeĸásagaluarpat, táuna nâlagauvfigiuarsínáungilâ. Kristuse sagdlusuíssutauvoĸ tássauvdlunilo "ĸáumarĸut piviussoĸ inungnik tamanik ĸáumarsaissoĸ silarssuarmut pissoĸ." sagdlusuíssutip anersâ autdlartitauvoĸ inuit tamaisa sagdlusuíssúmut tamarmiussumut tasiúsavdlugit, Gûtivdlo ernera nangmineĸ ima aulajangîvoĸ: "ujardleritse, nanissísause tauva." "kinalũnît táussuma perĸussânik ilioruniâssoĸ misigísavoĸ ajoĸersût tamána Gûtimit pisimassûnersoĸ." (Juán. 1, 9; Mat. 7, 7; .Juán. 7,17).

inupiluit diâvulutdlũnît Gûtip suliarerĸussâ unigtísínáungilât Gûtivdlũnît ínugtai najuineranik arsârsínaunagit, ũmatíkut manigûtdlutik ajortuliatik taimaititdlugit neriorssûtigissai pigiliugpatigik. ússrtneĸarneĸ sunalũnît, akornusersûtaussumik súnîviginiarneĸarneĸ ersserĸigsoĸ issertugaussordũnît sunalũnît akerdlilerneĸarsínauvoĸ "katerssatigut pínane píssauníkutdlo pínane kisiáne uvanga unersâvkut, oĸarpoĸ Nâlagaĸ katerssârssuit Gûtiat." (Sagg. 4, 6).

"serratigssaĸángingmat Jâkume angákuautigssaĸaranilo Israilime; nagdliútugssákut oĸarumârput Jâko pivdlugo Israililo pivdlugo, Gûte ĸanoĸ iliormat." (4 Mos. 23,23) Sãtanip nalúngitdluínarpât tarnilik nakunínerpâĸ Kristusimĩtuarumussoĸ târtup katerssârssuinit nukigtunerungmat, nalúngilâlo issertorane savsserune akerdilerneĸásavdlune. taimáitumik sáningassugdlip sákutûe patdligtailissamingnit isumangnaitsunit anerĸuvdlugit kajumigsârtarpai, sákutûne ilagalugit ĸoĸagssiniagssamârdlugit. manigûtdluta Gûte tatigiguvtigo perĸússutailo tamaisa nâlagdlugit aitsât isumangnaitsumik inûsínauvugut.

kinalũnît ĸinussángíkune uvdloĸ atauseĸ akúnerdlũnît atauseĸ navianaitsorsiorsínáungilaĸ. pingârtumik Nâlagaĸ ĸínuvigissariaĸarparput oĸausia pâsisínaujumavdlugo ilisimássutigssamik. tássûna ússîssup perĸusersusãssusia ĸanordlo iluagtítugssamik akerdlilerneĸarsínaunera nalunaerutigineĸarpoĸ.

Sãtane agdlagkanit iluartunit íssuaitdlarĸigsupilugssûvoĸ, agdlagsimassutdlo piumassaminik íssuartarpai ordlutitaunigssarput neriûtigalugo. bîbile ũmativtigut manigûtdluta atuartariaĸarparput puiúngisáinardlugulo Gûte ilaginago ĸanoĸ sapertigissugut. ajortup ússîniutainut mianerssortuardluta ĸinujuartariaĸarpugut: "ússernartumut pisínata!"