anersâlerineĸ (spiritismen)

íngilit iluartut kivfartũssinerat agdlagkane iluartune oĸautigineĸartoĸ Kristusip ajoĸersugainut tamanut sagdlusuíssutauvoĸ erdlingnangârdlunilo tugpatdlernangârtoĸ. kisiáne bîbilip tamatumínga ajoĸersûtigissâ támarnartunit ugperissagssarsiortune angnertûmik siaruartersimassunit tâgdlerneĸardlunilo eĸutíneĸarsimavoĸ. inúngûseralugo toĸujuíssuseĸarnermik ajoĸersûtip Gûtimik nalussunit pigssarsiarineĸarĸârdlune tunússinerssûp târsiornarnerata nalâne kristumiut ajoĸersûtigissũnut ilánguneĸarsimassup sagdlusuíssut bîbilip ersserĸigsumik nalunaerutigissâ igdluartísimavâ imáitoĸ: "toĸussut ilisimassaĸángitdlat." ĸavsît isumaĸarput "anersât autdlartitaussut ánássúmik kingornússissugssat ikioriartordluit" tássaussut toĸusimassut anersâve. uvfale agdlagkat iluartut nâpertordlugit íngilit ĸilangmiussut sule inungmik atautsimigdlũnît toĸussoĸángikatdlarmatdle ĸilangmiôrêrsut.

inûp toĸume ilisimassaĸarneranik ajoĸersûtip pingârtumigdlo toĸussut anersâvisa inûssut ikioriartordlugit utertarneranik ugperissaĸarnerup nalivtine anersâlerineĸ avĸutigssarsiorsimavâ. tássane katíngássuteĸarpoĸ iluartûsorineĸartumut, tássûnale Sãtane sulissarpoĸ sujunertarissane nãmagsiniardlugit. íngilit ordlusimassut táussuma perĸussainik iliortut anersât silãnit oĸariartortûssârtarput. inûssut toĸusimassunut atássuteĸalersitûssârdlugit ajússutsip nâlagâta sulivfigissane angákuarfigalugo súnîvigissarpâ.

pigínauneĸartitauvoĸ inuit ikíngutigissamingnut toĸusimassunut ássingussunik takutisináusavdlugit. ássingunerat nãmagdluínartarpoĸ; ĸiviarneĸ ilisarnartoĸ, oĸautsit nipâtdlo tupingnartumik ersserĸissusilingmik íssuarneĸartarput. ĸavsît asassamik ĸilangme pivdluarneránik ugperissaĸartitaunertik tugpatdlersautigissarpât, navianartugssamigdlo pasissaĸarnatik "anersât támartitsissut" anersâpiluitdlo ajoĸersuinere tusâjumassarpait." (1 Tim. 4, 1).

toĸussunit uterfigineĸartarnertik táukunángalo oĸalugfigineĸartnrnertik ilumut ugperilerângatigik, tauva Sãtanip piarêrsimanatik ilissaussut tákútítarpai. ĸilangme pivdluarnerartarput, agdlâtdlo tássane akimassutut atorfeĸarnerartarput, taimailiorníkutdlo iluartut gûtîtssutdlo ássigĩngíssuteĸángíneránik ugperissaĸarnerup támarnartua angnertûmik siaruarterneĸartapoĸ, anersât najugánit tikerârtûnerartut ilãníkut erĸûtineĸartunik oĸaorĸigsâruteĸardlutigdlo mianerssorĸussissarput. taimailiorníkut ugperineĸalerângamik ajoĸersuiniaiersarput bîbilimik ugperissaĸarnerup aserorsautigssãnik. ikíngutimik nunamiûssut iluanârnigssât sujunertarissûssârdlugo támarnartunik navianarnerpânik ímertarpait. ilâtigut ilumôrtumik oĸalugtarmata, ilãníkutdlo pissugssanik sujuligtuisínaussarmata oĸautigissait ugpernartutut ilisarnaĸuteĸartarput, inugpagssuitdlo ajoĸersuinerdlûtait bîbilime agdlagsimassutut ugperivdluinartarpait. Gûtip inatsisâ tunuartitauvoĸ, sáimáunerup anersâva mitautigineĸarpoĸ angerutsivdlo aua nikagineĸarpoĸ. Kristusip Gûtiússusia anersât miserratigât agdlâtdlo píngortitsissoĸ nangminermingnut naligĩgsitdlugo. taimatut pikigtitsissorssûp ilisarnarungnaersaut nutâĸ ativdlugo Gûtimut akiũnine ĸilangme autdlarnerneĸartoĸ ukiunilo tûsintilingne arfinilingajangne nuname ingerdlaterĸitausimassoĸ sule ingerdlátuarpâ.

ĸavsît anersâlerinerme pissartut navsuiarniartarpait sagdloĸítainiutáinartut inûvdlo anersânut atássuteĸartitsisínausorissap aulagsaringnerínâtut. pututitsiniutit taimáitut piviussumik tâkútoĸarnertut sagdloĸítautaugajugtarsimagaluarput, taimáitordle erssíngitsut píssaunere takugssaussumik sarĸúmersitaĸartarsimápútaoĸ. anersât erĸumîtsumik kasugtuissarnerat anersâlerissut nalivtíne autdlarnigât inuit erĸumîtsuliorneránik perĸusersusârneránigdlũnît píssuteĸángilaĸ, tássauvordle íngilipiluit suliarpiât tarninik aserorterissumik támartitsiniutit kinguneĸarnerpât ilât. ĸavsît támartitaujumârput isumaĸaramik anersâlerineĸ inungnit sagdloĸítautaugínartoĸ. inuit taimáitut píngortitat píssusigssãnik nâpertûtingitsunik takussaĸartitaugunik támartitáusáput, isumaĸarumârputdlo takussatik Gûtip píssauneĸarnerssuanit tákutitaussut.

inuit táukua agdiagkat iluartut ajortup ikiortaisalo tupingnartuliáinik nalunaerutigissait ĸarssupigpait. tamánauna iluaĸutigalugo Fâraup sukumiaissuisa Gûtip suliâ ássilisínausimagât. Pauluse nalunaiaivoĸ Kristusip tikiuterĸingnigssâ sujorĸutdlugo Sãtanip píssauneĸarnerata nalunaeĸutainik tákútoĸarnigssânik. Nâlagkap tikiúnigssâ sujorĸutdlugo mákunínga takussagssaĸarumârpoĸ "Sãtanip súnîneragut nalingínarnik kivdlingnartulianik nalunaeĸutinigdlo tupingnartulianigdlo sagdlunernik." apustile Juánase uvdlune kingugdligssane píssauneĸ tupingnartuliortoĸ tákútugssaĸ oĸalûserititdlugo ima oĸarpoĸ: "angisûnigdlo nalunaeĸutiliortarpoĸ ingnermigdlo ĸilangmit nunamut agdlât inuit tákuáne nákartitsivdiune; nunamilo ineĸartut nalunaeĸutitigut nerssutip tákuane ingminut nãmagsisínautitaussutigut támartítarpai." (2 Tás. 2, 9. 10; sarĸ. 13, 13. 14). tamatumûna sujuligtûtigineĸartoĸ sagdloĸítainiutáináungilaĸ. inuit támartitaussarput Sãtanip ikiortaisa tupingnartuliarisínaussaisigut, tupingnartuliarissûssâgáinaisigut pinatik.

tarrup nâlagâta sivisûmik tamaviârdiune támartitsiniarsimassup ússîniutine inungnut ássigĩngitsúkûtânut tamanut píssusiussunutdlo tamanut nalerĸútúngorsarpai. inungnut ĸáumarsagauvdluardlutigdlo perorsagauvdluartunut anersârsiorneĸ akimarpalungnerussumik nuimarpaiungnerussumigdlo píssusiligtut sarĸúmiútarpâ, taimailiornermigutdlo ĸavsît napitítarpai.

kinalũnît anersârsiortut sagdiuliornerinit támartitaussariaĸángilaĸ. Gûtip silamiut nãmagtumik ĸáumarsarsimavai napiarniut takusínaorĸuvdlugo. isumaliut anersâlerinerup túngavigpiarissâ takutíneĸarêrneratut agdiagkat ivdiernartut ersserĸingnerpâmik nalunaerutigissáinut akerdliuvoĸ. bîbilip ima nalunaerfigâtigut: toĸussut súnguamigdlũnît ilisimângitdlat, erĸarsautaerúput, seĸernup atâne pissartut peĸatauvfigiungnaerpait. ikíngutimik nunamiussut nuánârutigssanik aliasûtigssanigdlũnît nâpítagainik ilisimassaĸángivigput.

Gûtivdlo toĸussut anersâvinut atássuteĸarnigssaĸ sûssordlũnît ersserĸigsumik inerterĸutigisimavâ. Israilip nalâne inoĸarsimavoĸ nalivtíne anersâlerissutut toĸusimassunut atássuteĸarnerartunik. kisiáne anersât anersâlerissut silamit avdlamit ĸaerĸussartagait bîbile nâpertordlugo tássáuput "anersâpiluit anersârtait" (tak. 4 Môrs. 25, 1-3; tugs. 106, 28; 1 Kor. 10, 20; sarĸ. 16, 14). timaiagarsiorneĸ Nâlagkamut maujungnartûvoĸ toĸumigdlo pitdiagagssauvdlune. (3 Môrs. 19, 31; 20, 27).

anersâlerinerup píssusivianut avdlamik ugpernarsautigssaĸángikaluarpatdlũnît kristumiumut nãmásagaluarpoĸ ilisimásavdlugo anersât táukua iluarneĸ ajortuliornerdlo imalũnît Kristusip apustilîsa minguínerssât Sãtanivdlo kivfaisa aserũsimanerpârtât ássigîgsivingmatigik.

apustilit ima íssuarneĸartarput nunamĩkatdlaramik Anersâmit iluartumit súnigauvdlutik agdlagsimassatik agssortulersardlugit. bîbilip Gûtimit pilersitaunera miserratigât, taimalo kristumiut neriûtigssâta túngavia pîarpât ĸáumarĸutdlo ĸilangmut avĸutigssamik ĸáumarsaissoĸ ĸamitdlugo. Sãtanip silamiut támartípai isumaĸalersitdlugit bîbile tássaugínartoĸ oĸalugtualiaĸ imalũnît inoĸalerĸârnerane nalerĸúkaluardlune mãnákut pisoĸalissutut igítariaĸartoĸ. anersâlerinermilo pissartut tássaunerarpai Gûtip oĸausiata taortigssai. tássanĩpoĸ nalunaerniautigssaĸ nâlagauvfigivdluínagâ, tamánalo sákugalugo silamiut piumassaminik ugperissaĸalersísínauvai. atungaĸ nangminerminik erĸartũssutigssaĸ alángumut pisípâ piumassarpiaminut, silamiutdlo ánáussissât nalingínartut inuínánguákulûnerarpâ.

ilumôrpoĸ anersâlerinerup mãnákut píssutse avdlángortilermago kristumiorpalungnerussumigdlo kînarpalerdlune, tássûnákúme ilisarnaĸutine maujungnarnerussut ilait issertorpai. kisiáne oĸauserissartagai ukiorpagssuarne avîsitigut oĸalugtarfigtigutdlo tamanut sarĸumíput, tamákunatigutdlo píssusivia sarĸumivoĸ. ajoĸersûtigissat tamáko miserratigineĸarsínaunatigdlo issertorneĸarsínáungitdlat.

mãnákutut píssuseĸarnermine sujornatigornit nãmagĩnarnerussariaĸarĸajarane ilumut navianarneruvordlũnît, perĸusersusârtumik sagdloĸítautaugame. matuma sujornagut Kristuse bîbililo atorfigssaĸángíneraraluardlugit mãnákut táuko mardluk tamaisa ilagsinerardlugit. navsueraluarpoĸ. kisiáne bîbile ũmatip erniorĸigsimángitsup iluarissâtut navsuiarneĸarpoĸ, oĸautsivdlo ilungersûtigssamik túngavigssaussumigdlo sagdlusuíssutâ kinguneĸartugssaujungnaersitauvoĸ. asangningneĸ Gûtip pingârtumik píssuserissâtut sarĸúmiúneĸarpoĸ, kisiáne kivdligtiássusĩnángortitauvdlune ajúngitsumik ajortumigdlo ingmíkôrtitsingãngitsutut. Gûtip nâpertuivdluássusia, ajorte ajoralugo oĸauserissai, inatsisâ iluartoĸ tamatumalo inássutigissai: tamáko tamarmik issertorneĸarput. inuit perorsarneĸartarput inatsisit ĸulit agdlagkatut toĸungassuínartut issigerĸuvdlugit. oĸalugtualiat nuánerdlutigdlo alutornartut atorneĸarput bîbilip ugpernerme túngavigssatut inungnit támartitaussunit narrugineĸarnigssâ anguniardlugo. Kristuse sujornatigutut piviutigissumik tunúneĸarpoĸ, ajortuvdlo inuit issait tagpîtdlisingârsimangmagit sagdloĸítagaunertik takuneĸ saperpât.

anersâlerinerup támartitsissutut píssauneĸarneranik tamatumángalo súnîvigineĸarnerup navianássusianik pâsisimassaĸardluartut ikigtuínáuput. ĸavsît misiligtarpât alapernáinerínarmit. isumavdluarfigivíngíkaluarpât anersâtdlo píssauneránut túniúnigssamik erĸarsaut ánilârutigísagaluarpât. inerterĸutaussumutdle avalagtarput, aseruiniartorssûvdlo piumángisãnik píssauneĸarfigilersarpait. táuna anersãkut tasiortigiumatdlerdlugo támartitaoriarângata táussuma tigussarivigtarpai. piumangâraluarângamigdlũnît nangmingneĸ píssauneĸarnermíkut, angákuarnigtumik támartitsissumik píssauneĸ anigorneĸ saperdluínalersarpât. avdlap tarnigdlit tiguagaussut tamáko aniguisísínáungilai, Gûtip píssauneĸarnerata ugperdlune ilungersortumik ĸínutigineĸartup kisime ánáusínauvai.

ajortilingmik píssuseĸarnermut túniútut imalũnît piâralunêrdlutik ajortiviussumik ûmatitsissut tamarmik Sãtane kajumigsârpât ússerĸuvdlutik. Gûtip íngilîsalo igdlersuinerat nigorterpât ajortuvdlo ornigdlutik támartínialerângatik igdlersûtigssaĸaratik ajornaitsumik pissaritítarput. taimatut táussuma píssauneranut túniútut ingerdlavingmingne sumut kigdligkumârnerdlutik naluvdluínartarpât akerĸap ordluterêrunigit ikiortigssamisut kivfariumârpai inuit avdlat aserũnigssamut támartíniarneĸarnigssãne.

pruvfîte Isaia oĸarpoĸ: "oĸarfigingmasilo: timaiagarsiortut sujunersiúsavase, nalunaeĸutinigdlo sukuiaissut, ĸituítut isuvssugtut; (tauva oĸaritse:) inuit Gûtertik sujunersiúsángínerpât? toĸussut sujunersiuísanerpât inûssut pivdlugit. inatsisinigtoĸ; nalunaiáumigtoĸ. taima oĸángíkunik ĸaulersup nuivfigíngisai." inuit sagdlusuíssut agdlagkane iluartune taima ersserĸigtigissumik inûp toĸusimassuvdlo píssusia pivdlugo sarĸúmersitaussoĸ ilagsísavdlugo piumasimagaluarunik, tauva anersâlerissut oĸauserissaine ĸanordlo iliornerine Sãtanip sagdlunerup píssauneĸarneragut nalunaeĸutitigutdlo tupingnartuliatigutdlo tamaviârtumik suliniarnera takusínausimásagaluarpât. kisiáne inugparujugssuit kivfáungíssuseĸ uvíngup ũmatânut taima pilerinartigissoĸ nigorumanago ajortilo asigínarumanago issitik ĸáumarĸúmut seĸúngersitdlugit ingerdláinartarput mianerssorĸússutit soĸutiginagit, taimailiortitdlugitdlo Sãtanip ĸagssuserfigissarpai pissarissardlugitdlo. "ilumôrnermut asangningnigssaĸ ánássutigssaraluartik ilagsíngingmassuk . . . Gûtip támarnartut sualugtut táukunúnga perĸúsavai sagdlunerit ugpererĸuvdlugit." (Is. 8, 19. 20; 2 Tás. 2, 10. 11).

anersâlerissut ajoĸersûtáinik akornusersuissut inuit pĩnarnagit Sãtane ingilîlo sãssútarpait. ĸutsingnerme píssaunerit nâlagkersuissutdlo akiulersimavait. ajortoĸ tunuauminaviángilaĸ ĸilangmit oĸariartortut píssauneĸarnerisigut ĸimâtitáungíkune. Gûtip ínugtaisa nâpísínaussariaĸarpât oĸautsit ánáussissup atugai oĸauseralugit: "agdlagsimavoĸ." Diâvulup agdlagsimassut iluartut mãnákut íssuarsínauvai sôrdlo Kristusip nalâne taimailiorsimavdlune, ajoĸersûtigissâtdlo eĸutíkumârpâ támarnartûtiminut tapersersûtigssaussumik. nalivtíne navianartuligssuarme atajumassut nangmingneĸ agdlagkat iluartut nalunaiautigissât pâsissariaĸarpât.

ĸavsît anersâpiluit anersârtáinit erĸardlerissamik ikíngutigissamigdlũnît timáinik atissisimassunit ajoĸersuinerdlûtinigdlo navianarnerpaussunik sarĸúmersitaĸartunit savssarfigineĸarumârput. tikerârtigissavta táukua kivdligtiavfiginerpaussavtigut súnîviginiarumârpâtigut, oĸauserissatigdlo ugpernarsarumavdlugit tupingnartullurumârput. bîbilip sagdlusuíssutâgut akerdlilísavdlugit piarêrsimassariaĸarpugut: toĸussut ilisimassaĸángitdlat, taimatutdlo savssartut Diâvulup anersârtarai.

"ússerneĸarfik inuit najugãnut tamarssuarmut nagdliútugssaĸ nunamiussut ússerneĸarfigssât" nagdliutilivigpoĸ. Gûtip oĸausianut túngassumik aulajaitdluínartumik ugperissaĸángitsut tamarmik támartitauvdlutik ajugauvfigineĸarumârput. Sãtane sulivoĸ "iluáissutsip tamarmiussup sagdloĸítaineragut" inuit nâlagauvfigilerumavdlugit; támartitsinerilo angnertusiartuínásáput. inuit ússerneĸarnermingne nangmingneĸ kajumíssutsimingnit akuerssigângata aitsât sujunertarissane angusínaussarpâ, ilungersordlutik sagdlusuíssúmik ujardlerdlutik nâlangníkutdlo tarnitik salingniardlugit, taimalo sapíngisamingnik akiũnigssamut piarêrsartut, táuko Gûtip sagdiusuíssutâgut isumangnaitsumik igdlersûtigssarsiumârput. ánáussissivta neriorssûtâ imáipoĸ: "nikatdlujuíssusermik oĸausera ivdlit torĸoragko uvangátaoĸ ... torĸorumârpavkit." (sarĸ. 3, 10). tarnigdlip atautsip nangminerminut tatigingnigtup Sãtanimit ajugauvfigineĸarnigssâ takujumángingâramiuk íngilit ĸilangmiussut tamaisa autdlartíkumanerúsavai ínugtane igdlersoriartorĸuvdlugit.

pruvfîtip Isaiap gûtîtsut ánilârnangârtumik sagdloĸítagaunigssât uparuartorpâ, isumaĸartitaujumârmata Gûtip erĸartũssinerata pigdliutigssâta angunaviángíkâtik: "toĸo angerfigeĸatigârput, unerivfigdlo sujornagut isumaĸatigârput, supinerssûp nalautsorune patdlísángíkâtigut, sagdluneĸ ĸimarratigísagavtigo perĸuserdlungnermutdlo issertordluta." (Is. 28, 15). inuit tamatumûna navsuiautigineĸartut ilaĸarput perĸigsimiumángitdluínarnermingne imáitumik tugpatdiersartut, ajortuliortoĸ pitdlarneĸarnaviángingmat inuitdlo ĸanordlũnît aserũsimatigigaluarunik tamarmik ĸilaliarumârmata Gûtip íngilê ássigilerdlugit. sulile malungnarnerussumik toĸo angerfigeĸatigât unerivfigdlo isumalioĸatigalugo, unerivfik sagdlusuíssúmik Gûtip angnikitdáorfingme iluartunut igdlersûtigssaussumik túniússânik piumassaĸángitsoĸ tamatumalo taortigssânik máko túniúkumavdlugit - anersâlerissut sagdluliait.

silamiut támartíniardlugit ajortup naggámik tamaviârnigssane sivisûmik piarêrsautigisimavâ. suliniarnera Gûtip nautsîviane túngavilerneĸarpoĸ arnaĸ oĸarfigingmago: "nâme toĸúsángilase." "nerivfigigaluaruvsiuk issise uisitaujumârput, Gûtisutdlo ilerumârtuse, ajúngitsoĸ ajortordlo sianigalugo." kigaitsumik píkoringârtumik sagdiuliornigssane anersâlerinerup ineriartortitauneragut piarêrsarsimavâ. sujunertarissane tamákerdlugo sule nãmagsivdluínángilâ, uvdiunile kingugdlerne angujumârpâ, pruvfîte oĸarpoĸ: .takuvákale anersât mingugtût pingasut naratsisut ásseĸartut kũkôriaussarssûp ĸarnanit nerssutivdlo ĸarnanit pruvfîtiorĸusersuvdlo ĸarnanit anissut. táukunane anersâpiluit nalunaeĸutiliortut anersârtarai, autdlarputdlo inuit najugâta tamarme kúngînut sorssungnigssamut Gûtip ajugaĸángitsup uvdlugssarssuane piumârtut katerssorumavdlugit." (1 Môrs. 3, 4. 5; sarĸ. 16, 13. 14). Gûtip píssauneĸarneragut oĸausianut ugperníkut atatitaussut píngíkáine silamiut tamarmik tamatumûna támartitaujumârput. inuit navianartumik sinilersíkuminartarput, itertugssáusavdlutik aitsât Gûtip narrangnera kuineĸarpat.

Nâlagaĸ Gûte oĸarpoĸ: "ínardluíssutdlo sorĸârutigiumârpara nâpertuivdluarnerdlo makítarigsautigalugo; tauvalo natarĸornat saggarumârpât ĸimarravik sagdluneĸ, issertorfigdlo ermit súpúsavât. kivísavordlo toĸumut angerfigeĸatigîngnerse, unerivfingmutdlo sujornagut isumalioĸatigîngnerse atásángilaĸ; supinerssûp nalautsorune súpúsavâse." (Is. 28, 17. 18).