sagdlusuíssutip támarnartuvdlo píngitsûgagssáungitsumik nukigtuniũkumârnerat

ĸilangme akiũnerssûp autdlarterĸârneranit Sãtanip sujunertariuarsimavâ Gûtip inatsisâ aserorterumavdlugo. tamána sujunertarâ píngortitsissumut pikigtitsigame, naugdlo ĸilangmit anisitaugaluardlune akiũneĸ tamána nuname ingerdlatítuarpâ. inuit támartíniásavdlugit taimalo Gûtip inatsisânik uniorĸutitsisísavdlugit tássa anguniagaĸ ĸasusuitdlune sulíssutigiuarsimassâ. tamána inatsisip tamarmiussup atorungnaersitauneragut inássutitâtalũnît atautsip narrugissauneragut anguneĸásagpat inernera ássigĩkumârpoĸ. "kinalũnĩme inatsisit tamaisa maleruarsimagaluardlugit ardláinâtigut nâgkiúkune tamarssuisigut pitdlagautisimavoĸ." (Jâk. 2, 10).

Gûtip inássutai narrunarsarniardlugit ajortup bîbilip ajoĸersûtigissâ eĸutísimavâ, taimailiorneragutdlo támarnartoĸ tûsintilíkûtât agdlagkanut iluartunut ugpertutut navsuertut ugperissãnut akuliúneĸarsimavoĸ. sagdlusuíssutip támarnartuvdlo naggámik akiũnigssarssuat tássaugínarpoĸ Gûtip inatsisâta agssortũssutigineĸarnerane sivisoĸissume aporáunerit naggatigssât. tamássa akiũnigssaĸ nagdliutilersoĸ - inuit inatsisaisa Gûtivdlo inássutaisa akiũnerat, bîbilip kristumiússusiata ugpererĸussavdlo oĸalugtualianik oĸalugtuarsianigdlo túngaveĸartup akiũnerat.

píssaunerit akiũnigssarssuarme tamatumane iligîgdlutik sagdlusuíssúmut nâpertuivdluarnermutdlo agssortuivdlutik kátúkumârtut mãnákut malungnartumik sulilerêrput. Gûtip oĸausia iluartoĸ ániarníkut aunârnikutdlo taima akisutigissumik uvavtínut túniússaussoĸ erdligineĸangãngilaĸ. bîbile tamanut angmavoĸ, kisiáne inûniarnermingne ilumut tamatumínga najorĸutaĸarniartut ikigtuínáuput. ugpíngíssuseĸ navianartumik atugauvoĸ silamiune pĩnarane ilagîngnísaoĸ. ĸavsît agdlât ajoĸersûtigissanik kristumiutut ugperissap túngavigpiarissainik miserratigissaĸarput. píngortitsinerme pisimavigsut atuagkiortunit súnîvigineĸartunit oĸalugtuarineĸarnermigtut, inuit ordlunerat, sáimáunartitsineĸ Gûtivdlo inatsisâta nâgssáungitsumik atortûnera kristumiunik taissut ilarpagssuinit ilũngarmik ilâtigôntumigdlũnît atortûtíneĸángitdlat. tûsintiligpagssuit ilisimassaĸarnermingnik nangminerssússutsimingnik perrôrutigissaĸartut kisiánertaĸángitsumik bîbilimut ugperneĸ sángĩnerup ilisarnaĸutâtut issigât. táukua pâsisimangningnerat nâpertordlugo agdlagkanik iluartunik issornartorsiuineĸ sagdlusuíssutainigdlo pingârnerussunik agssortuineĸ ilisimatússusermut poĸíssusermutdlo ugpernarsautáuput. oĸalũssissartut ĸavsît tusarnârtitik nalunaiaivigissarpait, ilisimatûtdlo ilíniartitsissutdlo ĸavsît ilíniartut ajoĸersortarpait Gûtip inatsisâ atorungnaersitauvdlunilũnît avdlángortitausimaneranik, inássutitaisalo sule atortugssauvdlutigdlo erĸorĸigsârtumik maleruartariaĸarneránik isumaĸartut nikagissagssáinartut igdlautigissagssáinartutdlo isumaĸarfigineĸarput.

inuit sagdlusuíssut narrugiguníko pilersitsissua narrugísavât. Gûtip inatsisânik tugdlârissaĸarníkut inatsisiliortup nâlagáussusia miserratigât.

ajoĸersûtip nutâp Gûtip inatsisai inungnit maleruarneĸartariaĸarungnaernerarpâ. támarnartoĸ kristumiunit ilagsineĸarsimassoĸ sunalũnît Nâlagkap oĸartugssáussusianut sorráinerussumik agssortûtausimángilaĸ, tamatumínga sianîtdliornarnerussoĸángilaĸ ajornerussunigdlo kingunipiloĸartitsissugssaunane. nunat tamardluínarmik inatsiseĸarput nâlangneĸardlutigdlo maleruartariaĸartunik; nâlagauvfik sunalũnît ataneĸ sapísagaluarpoĸ inatsiseĸarane. tauvaille ĸilangmik nunamigdlo píngortitsissup píngortitame nâlagkersorneĸarnigssãne inatsiseĸartitsíngínigssâ erĸarsautigineĸarsínaunerpa?

silarssûp tamarmiussup nâlagâta inatsisiutine atorungnaersitdlugo inuit ajortut erĸartũneĸautigssãnik ajúngitsutdlo igdlersûtigssãnik najorĸutagssaerutísagaluarunigit nalerĸúnerungãsagaluarpoĸ nâlagauvfiup inatsisigissai atorungnaersitdlugit ínugtaussut piumassamingnik iliorsínautíkaluarunigit. nâpertuivdluássutsip najorĸutarerĸussâ pêrsíneĸarpat ajússutsip nâlagâta akornutigssaĸarnane píssauneĸarnine nuname aulajangersínãngúsavâ.

Gûtip inássutaisa narrugineĸarfîne tamane ajorte ajortitut issíkoĸarungnaertarpoĸ nâpertuivdluarnigssardlo kigsautiginêrútardlune. Gûtimit nâlagkersorneĸarumángitsut ingmingnut nâlagkersornigssamut piúkúnángitdluínarput. aserûtigssaussumik ajoĸersûtaisigut mêrĸat inûsugtutdlo kigdlormôrtumik anersâĸalersitaussarput, inûsugtúme píngitsailineĸarumassángitdlat, ínugtaoĸatigîngnilo inatsisáissuseĸ kingunerineĸartarpoĸ. inugparujugssuit Gûtip perĸussineratut iliortut ugpiássusiat mitautigissardlugo ajortup támarnartue kajumigivigdlugit ilagsissarpait. pileríssutsit nâlagarilerdlugit ajortuliulersarput Gûtimik nalussut pitdlarneĸautigissartagáinik.

inungnik ajoĸersuissartut Gûtip inássutainik soĸutigissaĸarĸunagit nâlángíssutsimik siaruprterissarput nâlángíssutsimigdlo katerssugagssaĸalersardlutik. kigaitdlagsautit Gûtip inatsisâta inássutigissai atorungnaersivigkaluaráine inuit inatsisait katsorna soĸutiginêrutísagaluarput. Gûtip piumatússuseĸ, sagdluneĸ perĸusersusârnerdlo inerterĸutigingmagit. taimáitumik inuit piarêrsimassarput inássutai tugdlâriumavdlugitdlusôĸ, timíkut ítumik sujumukarnigssamingnut akornutaungmata; uniorĸutitsinertigdle ilimagingisamingnik kinguneĸartísagaluarpait. sôĸ uniorĸutitsinigssaĸ kimitdlũnît sujôragineĸásagaluarpa inatsit maleruartariaĸavíngigpat? pigissat isumangnáikungnáisagaluarput. inuit inoĸatigissamik pigissait angutauserníkut tigussásagaluarpait, nukigtuneritdlo pigigsârnerpãngúsagaluarput. inûneĸ agdlât ĸajagssũssaujungnáisaoĸ. áiparîlernerme neriorssûtaussartoĸ ilaĸutarîgtut inûnerup igdlersûtigssâtut atatitaujungnaerumârpoĸ. píssauneĸartup tugdlime nulia angutauserníkut tigusínáusagaluarpâ. inatsisit tatdlimât sisamãnut ilángutauvdlune nikagineĸalisagaluarpoĸ. ĸitornaussut angajorĸâtik toĸúsavdlugit nangâjungnáisagaluarput, taimailiornikut ũmatimíkut aserũsimassutigut pilerigissatik pigssarsiarisínauguníkik. silarssuaĸ atugartũssusilik pîaissorpagssuarnit inuartorpagssuarnitdlo inigineĸalísagaluarpoĸ; ĸasuersautigssaĸ, erĸigsíssut pivdluautigssardlo nunamit pêrsitausimásagaluarput.

inuit Gûtip inássutainik maleruagaĸartariaerúneránik ajoĸersûtip ilerĸoríssutsimut túngassumik pissugssáussuseĸarnerup pingâruteĸarnera sákukitdlerêrsimavâ silarssuarmilo gûtĩssutsip puilanere angmáusimavdlugit. inatsisáissuseĸ, pileríssusipilungnut túniusimanerit ilumũngitsuliortarneritdlo kôrujugssuartut ĸarssutilerêrpâtigut.

gûtĩssuseĸ anersãkutdlo ítumik târsiorneĸ ilagît rûmalerissut píssauneĸarugtorfîsa nalâne atũtut tássáuput agdlagkanik iluartunik issertuinerisa píngitsûgagssaungitsumik kingunerissai sunale ugpíngíssutsip siaruartingârsimassup, Gûtip inatsisâta narrugineĸarnerata tamatumalo kingunerissânik ilerĸordlungnerup îvangkîliup ĸaumarugtornerane uvdlunilo piumassamik ugperissagssarsiorsínauvfiussune píssutigisimásavait? ajortup mãnákut silamiut tiguagariuarsínaujungnaeramigit agdlagkanik iluartunik issertuiníkut, taimáitumik avdlanik periausigssarsiornialerpoĸ sujunertarissaĸ táunaujuartoĸ anguniardlugo. bîbilimut ugpernerup pîarneĸarnigssâ bîbilerpiaup nungutitaunigssâtut sujunertarissânut nalerĸutdluartigaoĸ. Gûtip inatsisâta maleruarĸigsârtariaĸángíneranik isumaĸartitsiníkut inuit uniorĸutitsisítarpai, inuitdlo bîbilip inássutai ilisimassaĸarfigíngivigsimagaluaruníkik kingunipiluit táukorpiausimásagaluarput.

seĸernup uvdluata ivdlernartitaunigssânik ilungersûtigingnigtut nutarterutigssat ínugtaussunit pissariaĸarneragkat najorĸutagssatdlo bîbilimut nalerĸútut ilungersûtigisínauvait; kisiáne nutarterutigssat tamáko Gûtip inatsisânut akerdliussumik piumassaĸarnermik ilaneĸarpata, tauva ĸitornaisa tamáko ilalerneĸ sapísavait. Gûtip inássutai inuit ilerĸorerĸussait píssutigalugit tunuartitaunigssãnut túngavigssaĸángivigpoĸ.

támartitsiniutit mardlugsuit: tarnip toĸusuíssusianik seĸernuvdlo uvdluata ivdlernartũssusianik ajoĸersûtitigut ajortup inuit támartíniásavai. ajoĸersût sujugdleĸ anersâlerinermut túngavigssaĸalersitsissûvoĸ kingugdlerdlo ilagîngnut rûmalerissunut katíngássuteĸalersitsissûvdlune.

katûgdlit ilagîviussut tupingnartulianik ĸularnaitsumik ilisarnaĸuteĸarneránik tugdlûsimârutigissaĸartut píssaunermit tupingnartuliortitsissumit tamatumanit ajornaitsumik támartitaussarumârput; nâggârtutdlo sagdlusuíssutip erĸornavêrĸutânik igitsisimassut taimatútaoĸ támartitaujumârput. katûgdlit, nâggârtut silamiorpatdlagtutdlo ássigîngmik Gûtimik mianeringnissutsip issíkua ilagsiumârpât píssaunerale ilagsinago, taimatutdlo peĸatigîlerneĸ silamiunik sângniartitsiniutigssatut pitsavigtut ukiunilo tûsintilingne nâlagauvfigssamik sivisûmik utarĸissamik pilersitsiniutigssatut issigiumârpât.

anersâlerinerme Diâvulo inuiangnut ajúngitsuliortutut takutíniartarpoĸ, ínugtaussut náparsimassut ajorungnaersítardlugit ugperissagssarsiornerdlo nutauvdlunilo ĸagfasingnerussoĸ sarĸúmiútûssârdlugo; taimailiortitdlunile aserorterissarpoĸ. ússîniutaisa tûsintilíkûtât aserũnigssamut ingerdlátarpait. kigdligssaĸángínerup silatússuseĸ nikagissagssángortítarpâ; tamatumalo tînganeĸ, saĸitsáuneĸ toĸutsissarnerdlo kingunerissarpai. Sãtanip sorssungneĸ tipaitsûtigissarpâ pileríssusipiluit ajornerpait tarníkut itersartarmagit ajunârtitaussutdlo ajortulianit augasangmitdlo mingugtûtut nâgssáungitsumut isertítardlugit. inuiaĸatigît ingmingnut sorssungnigssamut kajumigsãsavdlugit sujunertarâ, taimailiorníkut inuit Gûtip uvdlugssâne atasínaunigssamut piarêrsarnigssamik puiorsarsínaugnmigit.

píngortitátaoĸ atortoralugit ajortup tarnigdlit piarêrsimángitsut kuterssorniarpai. píngortitat nalunartue misigssugarisimavai, píssauneĸarninilo tamákerdlugo Gûtip kigdligerĸussâ tikitdlugo nâlagkersorniagarai. Jûpe nâgdliugtísavdlugo akuerineĸarame nerssutautaisa, savautaisa, kivfaisa igdluata ĸitornaisalo pîagaunerisa pilertússusiat! ajunârutit pilertoĸissumik tugdlerîârdlutik nagdliússorput.

píngortitaminik sernigssuivdlune ajortup píssauneranut igdlersuissoĸ tássa Gûte. kristumioĸatigîtdle Jehovap inatsisâ nikagisimavât, Nâlagardlo oĸurnermisut iliorumârpoĸ: pivdluarĸussinine nimamit pêrsíkumârpâ inutsisiminutdlo pikigtitsissut inoĸatimingnigdlo taimailiorĸussivdlutik ajoĸersuivdlutigdlo píngitsailîssut sernigiungnaerumârpai.

Gûtip ingmíkut ítumik sernigíngisai tamaisa ajortup píssauneĸarfigai. nangmineĸ sujunertarissane nâpertordlugit ilait tapersersorumârpai sujumukartitdlugitdlo, inuitdlo avdlat angnikitdliortíkumârpsi, tauvalo inuit isumaĸalersikumârpai Gûtimit nâgdliugtitáunasugalugit.

ajortup inuit nakorsarssuartut nápautigissáinik ajorungnaersitsisinaussutut sarĸúmerfigissartitdlugit ajunârtitsissarumârpoĸ igdloĸarfê inugtût nungútardlugit. mãnákut ulapilerêrsimavoĸ. Sãtanip píssauneĸarnine atortarpâ ímákut ajunârtitsinerssuartigut, ikuatdlangnerssuartigut, anoripilugssuartigut, ímap ĸarssutsissarneragut, kûgssuit supissarnerisigut nunavdlo sajugtarneragut, nunaĸarfingne tamane ássigĩngitsorpagssuartigut ajunârtitsissarpoĸ. karrit ineríkiartulersut aserortertarpai kângnerssuarmik angnikitdlingârnermigdlo kinguneĸartumik. siláinaĸ tunitdlangnartúngortítarpâ tûsintiligpagssuit nápautitigut ajunârtitdlugit.

angnikitdliortitsinerit tamáko akulikitdliartordlutigdlo aserûtaunerujartorumârput. inuit nerssutitdlo aserugaunermik erĸugaussarumârput. "nuna aliasugdlune nakápoĸ inuit najugât, toĸulerpoĸ inuiait ĸutsingnerssait. nunalo ivdlernáipoĸ inungme atãne, inatsisit ĸângĩnarmatigik ilerĸugssat sanerĸútardlugit angeruserdlo isuanut ítugssaĸ uniortitdlugo." (Is. 24, 4. 5).

tauva támartitsissorssûp inuit isumaĸalersíkumârpai ajunârutit tamáko Gûtimik kivfartũssissunit pissûsoralugit. Gûtimit ajorissagssángortítut pissũssut Gûtip inássutainut nâlagtuartunut pisíniarumârpât táukulo angnikitdliutigissamingnut tamanut píssutaunerardlugit. oĸaetoĸartalerumârpoĸ inuit Gûtimik narragtitsinerardlugit seĸernup uvdluanik nalinginautitsiníkut, ajortuliardlo tamána perdlungnik nagsataĸarsimanerarumârpât soraernaviángitsunik, seĸernup uvdluata ivdlernartitaunigssâ sukanganerussumik nâlagtitaunerulersínago, sapãmigdlo inatsisip inássutigissânik ilungersûtigingnigtut taimalo seĸernup uvdluanik atarĸissaĸarnigssamik sûjungnaersitsiniartut taiumârpait erĸigsivîtdliortitsissunik inuit Gûtimit iluarineĸalernigssãnik akornusîssunik timíkutdlo ítutigut atugarigsârnigssãnik akornusersuinerardlugit.

tupingnartuliorsinaussumik píssauneĸarneĸ anersâlerinikut malungniútartoĸ inungnut nâlagtarnermingnit Gûtimut nâlagkumanerussunut súniuteĸarumârpoĸ. anersât nalunaeruteĸartarnermíkut Gûtimit autdlartitaunerarumârput seĸernup uvdluanik narrugingnigtut támarsimaneránik pâsitíkiartordlugit, nunavdlo inatsisui Gûtip inatsisâtut nâlagtariaĸarnerarumârpait. silarssuarme gûtĩssuserssuaĸ ajûssârutigiumârpât, ilerĸordlungneruvdlo ingassássusiuta seĸernup uvdluata nalingínarineĸarneranik píssuteĸarnera ilumôrnerarumârpât. navsuerutãnik ilagsingnigkumángitsut tamarmik ûmigineĸarnigssât sukangásaĸaoĸ.

Sãtanip naggámik Gûtip ínugtainut akiũnermine periausia tássa ĸilangme akiũnerssuaĸ autdlarneramiuk periauserisimassâ. taimane Gûtip nâlagauvfiata aulajáissusia nukigtorsarnerarpâ issertortumik aserorsarneĸarnigssâ tamaviârutigîtigalugo. nangminerpiardlo suliariniagkaminut íngilit ilumôrtuartut pissûtipai.

Gûtip piumássuseĸ nalúngeĸatigingnissuserdlũnît píngitsailíngisáinarpai. Sãtanivdle avdlatut támartíneĸ sapigkane tamatigut nãkigtaitsumik píngitsailiniartarpai píssauneĸarfigilerumavdlugit. sujôrasâriníkut píngitsailînikutdlũnît nalúngeĸatigingníssuseĸ nâlagkersorniartarpâ iluarerĸusârtardlunilo. tamána sujunertaralugo ilagîngne silamiunilo pissortaussut avĸutigalugit súnîniartarpoĸ, táukulo sulisíniartarpai inuit inatsisait Gûtip inatsisânut akerdliussut píngitsailîníkut maleruartíniartardlugit.

ilagikûtât nâggârtûssut Gûtip inatsisânik bîbilip ugpernarsautai ersserĸigsut narrugigunikik, tauva inuit bîbile najorĸutaralugo erĸúngitsumik ugperissaĸartutut ugpernarsautigssaĸartíngisatik nipangersísínaujumásavdlugit erinigísavât. mãnákut tamána takujumanago seĸúngersimagaluarunigdlũnît ingerdlavigssaĸ sanguvfigerêrpât kristumioĸatigît avdlat ássigalugit nalúngeĸatigingníssusertik túngavigalugo iliorumángitsut: uvdlormik pâvip ĸasuersârfigerĸussânik ilagsissaĸarumángitsut ĸinugineĸarnigssãnut ingerdlaviussoĸ.

ilagîngne nâlagauvfingmilo angutit nuimanerussut kátúkumârput inôĸatigîngne ássigĩngitsunik tamanik akigssarsisitsiníkut, kimigîserníkut píngitsailínikutdlũnît seĸernup uvdluanik atarĸissaĸalersíkumavdlugit. Gûtimit pigínauneĸartitáungínamik tamatuma taortigssânik inatsisitigut sukangassumik aulajangersagkat atorniarumârpait. nâlagkersuiníkut aserũsimanerup nâpertuivdluarnigssamik pingârtitsineĸ sagdlusuíssúmigdlo atarĸissaĸarneĸ pîartarpait; inuiungnitdlo iluarineĸarumavdlutik nâlagkersuissut inatsissartutdlo, agdlât Amerikame kivfáungíssuseĸarfiussume, inuiaĸatigît piumassât akueralugo inatsisiliorumârput seĸernup uvdluata ivdlernartitaunigssâta píngitsailĩssutigineĸarnigssânik. akornuserneĸartugssáungitsumik nalúngeĸatigingnissuteĸarneĸ taima akisutigisimassoĸ atarĸinêrúkumârpoĸ. katsorna akiũnigssame pruvfîtip oĸausîsa erĸûtíneĸarnigssât takujumârparput: "kũkôriaussarssûvdlo arnaĸ karnuutilerpâ autdlardlunilo kinguâgssaisa amiákue táuko Gûtip inássutuinik maleruaissut Jîsusivdlo nalunaiautânik pigingnigtut sorssugkumuvdlugit." (sarĸ. 12, 17).