uvdlut angnikitdliornartut

"taimailissúkut Miggaitdle nâlagaunerssuaĸ táuna pingârtoĸ ínugtangnik igdlersuissoĸ .pigínãngorsarumârpoĸ, uvdlut angnikitdliornartut nagdliúkumârmata, inoĸalerĸârneranit uvdlutdlo táuko tikitdlugit ásseĸarsimángitsut. taimailissúkut ínugtatit aniguiumârput, tamarmik magpersagkane agdlagsimassut." (Dân. 12, 1).

íngilit pingajuata nalunaerutâ naggaserneĸarpat sáimáunerup nuname najugagdlit ajortigdlit ĸaerĸujungnaerumârpai. Gûtip ínugtaisa suliartik nãmagserêrsimásavât. "sialuit kingorĸutsissut", "uvdlut inũmarigsiviussut Nâlagkap kînânit" pigssarsiarerĩsavait (Hús. 6, 3; ap. sul. 3, 19) pivfigssamutdlo misilingneĸarfigssamingnut piarêrsimásavdlutik. íngile nunamit uterdlune nalunaerumârpoĸ sulinermine inerdlune; silamiut naggámik misilingneĸarsimalísáput Gûtivdlo inássutainut nâlagsimassut tamarmik "Gûtip ûmassup naĸitsisânik" naĸíssusertísimásáput (sarĸ. 7, 2). Jîsusip ivdlernartũme matuma áipâne piarêrsainine inersimásavâ. agssane ĸutdlardlugit nipitûmik tordlorumârpoĸ: "perêrpoĸ!" (sarĸ. 16, 17). íngilit katerssârssuit niaĸorutsisik pêrait pingârutiligssuarmik nalunaerumârpoĸ: "iluaitsuliortoĸ kingornátaoĸ iluaitsuliordle, mingugtôrdlo kingornátaoĸ mingugtûgínardle, nâpertuivdluartordlo kingornátaoĸ nâpertuivdluardle, iluartordlo kingornátaoĸ iluarsarneĸardle!" (sarĸ. 22, 11). kíkut tamarmik inûssugssatut toĸutagssatutdlũnît aulajangîvfigineĸarĩsáput. Kristusip ínugtane sáimáunartísavai ajortuliaitdlo pîarsimásavdlugit, ínugtaisa amerdlássusigssât nãmagtísimásaoĸ. "nâlagauvfik nâlagáussuseĸ nâlangnautdlo ĸilaup atâne nâlagauvfît tamarmik pê", ánássúmik kingornússissugssainut túniúneĸásáput, Jîsusilo kúngit kúngiátut nâlagkatdlo nâlagãtut nâlagkersuísaoĸ.

Jîsusip ivdlernartût ĸimagpago nuname najugagdlit tarrup uligkumârpai. uvdlune ánilânganangârtune táukunane iluartut igdlersuissoĸaratik Gûtip kînâta sâne inûssariaĸásáput. gûtîtsut ĸilerutait pîarneĸarumârput, Sãtanivdlo perĸigsimiumángitsut nâlagauvfigivdluínarumârpai. Gûtip kamagingníssusia nâsimásaoĸ. silamiut sáimáunera narrugisimavât inatsisâlo tugdlâralugo. gûtîtsut misiligauvfigssât ĸângiúsimalísaoĸ, kisalo Gûtip anersâva malartitagssaunatik akiorsimassât utertitausimásaoĸ. Gûtip sáimáuneranit sernigineĸarungnaeramik ajortumut igdlersûtigssaerutísáput.

tauva Sãtanip nuname najugagdlit angnikitdliornigssarujugssuarmut naggatigssaussumut pisíkumârpai. Gûtip íngilîsa inuit piumatsagtarnerssue kigaitdlagsarungnaerpatigik akiũssutigssat tamardluínarmik pitorarumârput. silarssuaĸ tamarme aserugaunermik ĸanga Jerûsalâp aserugauneranit sualungnerungârtumik erĸugaujumârpoĸ.

Gûtip inatsisânut nâlarĸigsârtut únerdlûtigineĸarsimáput erĸartũssutinik nunamut pisitsissûneragauvdlutik, ajunâruterujugssuarnutdlo sorssungnermutdlo toĸorainermutdlo nunamiut nâgdliûtigissagssáinut pissûtitaujumârput. píssaunerup mianerssorĸússutip kingugdliup ilagissâta gûtîtsut narragtisimavai; nalunaerúmik ilagsissaĸarsimassut tamaisa ûmigilísavait, Sãtanivdlo ûmigssuinerup ĸinugingningneruvdlo anersâva sule sákortunerussumik tamaviâlersíkumârpâ.

Gûtip kîsame inuiaĸatigît najorungnaerdlugit ĸimangmagit palasit ínugtaussutdlo tamána sianigingilât. nauk Sãtanimit nâlagkersorneĸaraluardlutik piumássusipilungnutdlo ajornerpânut túniúsimagaluardlutik sule ingmingnut Gûtimit ĸinigaussutut issigiuarput. ivdlernartũme kivfartũssineĸ ingerdláneĸartuarpoĸ, pigdliutit toĸutat altarinut iperterneĸartunut ilineĸartuartarput, Gûtivdlo pivdluarĸússutigssâ uvdlut tamaisa ínugtaussunut Gûtip ernerata asanartup toĸutauneranut pissûssunut kivfainigdlo apustilînigdlo toĸutsiniarsimassunut ĸínutigineĸartuartarpoĸ. taimatut ivdlernartûtip erĸartũssutâ avdlángortitagssáungitsoĸ nalunaerutigineĸarêrpat silamiutdlo ĸanoĸ pineĸarnigssât nâgssáungitsugssamut aulajangerneĸarêrpat nuname najugagdlit tamána sianigísángilât. inuiaĸatigît Gûtip anersâta ĸimavigsimassaisa ugperissagssarsiornerme ilerĸorissatik maleruartuáinarumârpât, Sãtanivdlo sujunertarissapilune sujuarsarniardlugit inungnik táukunínga ilungersupilugtitsinigssâ Gûtimut mianeringningnermut ássingussutut íkumârpoĸ.

sapât kristumioĸarfingne tamane pingârnerpâmik agssortũssutíngorêrpat silamiutdlo ilagîtdlo pissortaisa seĸernup uvdluata ivdlernartitaunigssâ píngitsailíssutiginiardlugo iligîlerpata, tauva inuit amerdlángitsúnguit tamanit piumassarineĸartumut nâlagkumángitsut tamanit ûmigineĸalerumârput.

inugpánguit ilagît atulersitãnut nunagissavdlo inatsisainut akerdlilersuissut nãmagĩnartariaĸángitsutut oĸautigineĸarumârput.

Gûtip ínugtai anersãkut angnikitdliortitauvdlutigdlo nâgdliugtitaujumârput pruvfîtip ima oĸalugtuarissânik: "ima oĸarmat Nâlagaĸ: ánilârtut nipait tusarpavut; ersissut tamássa, erĸigsissutdlo nâme ... sôrme tauva issigãka angutit kînait tamarmik mumitdlutik asíngartut? erĸanaĸ, uvdlorssuaĸ tássaungmat ásseĸángitsoĸ, Jâkumut angnikitdliornartoĸ; taimáitoĸ tássánga ánáuneĸásavoĸ." (Jer. 30, 5-7)

Jâkup únuame angnikitdliordlune Esauip agssânit aniguisitaunigssamik ĸinunera ássersûtauvoĸ Gûtip ínugtaisa uvdlune angnikitdliorfigssane misiligtagagssáinut.

Jâko "íngilimut agsorũpoĸ ajugauvdlunilo" (Hús 12, 5) manigũníkut, perĸigsiminíkut túniúníkutdlo inûp ajortiliuvdlunilo toĸujassup ĸilaup Nâlagâ ajugauvfigâ agssangminik sajugtumik Gûtip neriorssûtaisa ilât eĸísimavâ, asangningneruvdlo Gûtiata ajortilik ĸinussoĸ itigartíneĸ sapilerpâ.

Sãitanip Jâko Gûtip íngilînut únerdlûtigisimavâ ajortuliorsimaneralo píssutigalugo aserorsínáusavdlugo pigínauneĸartitaujumavdlune Esau súnîvigisimavâ nâpigiarĸuvdlugo, atâtaunerpâvdlo únuame agsorũnerane sivisûme pissûssutut misigissaĸartiniarsimavâ nikatdlorĸuvdlugo Gûtilo iperarĸuvdlugo. Jâko nikatdlungajagdluínaraluarpoĸ, kisiáne ĸilangmit ikioriartorneĸartínane ajunârtariaĸásavdlune ilisimavâ. ilumôrdlune ajortuliarssuane perĸigsimíssutigâ, Gûtilo ĸiavdlune ĸínuvigâ sáimauterĸuvdlune. sujunertarissaminit sangutitaujumángilaĸ, íngililo iperarnavêrsârdlugo tigúmivâ ajugauninilo tikitdlugo ánilângarpalugtumik kimigîserniartumigdlo tordlulaníkut ĸinuvdlune.

sôrdlo Sãtanip Esau súnîvigigâ Jâko akerdlilerĸuvdlugo, taimatut gûtîtsut kajumigsârumârpai uvdlune angnikitdliornartune Gûtip ínugtai nungusarĸuvdlugit. sôrdlulo Jâko únerdlûtigisimagine, taimatut Gûtip ínugtai únerdlûtigiumârpai. inuit ínugtamisut nautsorssũpai; kisiáne inugpánguit Gûtip inássutainik maleruagaĸartut nâlagáussusia akerdlilerpât. nunamit pêrsísínaussûgunigit ajugauvdluínásagaluarpoĸ. íngilinit iluartunit sernigineĸarnerat issigâ, taimáitumigdlo ajortuliait isumákêrneĸarsimasorai; kisiáne ĸanoĸ pineĸarnigssaisa ivdlernartũme ĸilangmĩtume aulajangerneĸarsimanera ilisimángilâ. ússînermigut inungnit táukunánga ajortuliarititane ilisimarĸigsârpai, tamákulo ingassautdluínardlugit oĸalugtuarai ínugtaussutdlo tamáko nangminermisut Gûtimit sáimáutariaĸángitsiginerardlugit. oĸalugpoĸ Nâlagaĸ nâpertuivdluarumagune táukua ajortuliait isumakêrumagunigit nangmineĸ íngilinilo nungutísínáungíkai. ajortuliorsimassut pissagssamisut tigujumavai, aserugagssamisutdlo tigujumavdlugit norĸaivoĸ.

Sãtanip Gûtip ínugtai ajortuliait píssutigalugit únerdlûtigigângagit Gûtip akuerissarpâ kigdligssâ tikitdlugo misiligsínaorĸuvdlugit. Gûtimut tatigingningnerat, ugpernerat aulajáissusiatdlo ilungersornartumik misiligaujumârput. perêrsimassut ĸiviarângamíkik nikatdloriartortarput, inûsimanermingne ajúngitsunik angnikitsuínarnik takussagssaĸartarput. sángĩssusertik nikanássusertigdlo ilisimavdluartarpât. Sãtanip ánilârtíniartarpai neriûtigssaĸarsorerĸunagit narrunarsagaunertigdlo pîagagssáungitsutut isumaĸarfigerĸuvdlugo. neriugtarpoĸ ugpernerat ima aserortersínautigísavdlugit ússînerminut túniútúngortísínáusavdlugit Gûtimutdlo ilumôrungnaersísínauvdlugit.

tamanit perĸusersusârnernik kigdlũssissarnernigdlo tusagaĸartarput pikigtitsissunigdlo takussaĸartardlutik, ilumíkutdlo kigsautigissaĸangâlersarput tarnimíkutdlo erinigissaĸalersardlutik tunússinerssûp tamatuma taimaitíneĸarnigssânik. Gûtile kimigîserfigititdlugo pikigtitsinerup unigtitaunigssânik, ingmingnut pissûtitsissutut ĸinussarput, ajússutsip sãssússissaĸátârnerssue unigtísavdlugitdlũnît ajugauvfigísavdlugitdlũnît nangmingneĸ píssauneĸarnerusimángínamik. misigissarpât pigínáussutsitik tamaisa Kristusimut kivfartũssinerme atorsimavdlugit píssagtíkiartorsimagaluarunik Sãtanip píssaunera ajugauvfigísavdlutik píssaunikínerusimásagaluartoĸ.

tarnitik Gûtimut manigũtípait ajortuliarpagssuatik ĸanoĸ perĸigsimíssutigisimagitik erĸaisíssutigalugo ánássutigssamigdlo neriorssût tordiulavfigalugo: "píssautiga píssagtivfigiliugdlũnît, erĸigsivigssioĸatigilinga, erĸigsivigssioĸatigilinga." (Is. 27, 5). ugpernermingne nikatdlortángitdiat ĸínutitik ernĩnaĸ akineĸángíkaluarângata. ánilângangâraluardlutik angnikitdliungâraluardlutigdlo ĸínússiniarungnáingitdiat. Gûtip píssauneĸarnera eĸítarpât sôrdlo Jâkup íngile eĸíkâ, tarnivdlo tordlulautâ imáipoĸ: "iperásángilavkit, kigláne pivdluarĸugungma!"

Jâkup ajortuliane perĸigsimíssutigerêrsimángíkaluarpago, perĸusersusârníkut angajugdliup pigssâ pigssarsiaralugo, tauva sáimauterĸuvdlune ĸinunera Gûtip tusarumasimásángíkaluarpâ inûneraio ĸajagssũkumásángíkaluardlugo. taimatútaoĸ uvdlune angnikitdliornartune: Gûtip ínugtai ánilângavdiutigdlo sujôratitdiutik ajortulianik navsuerutigisimángisamingnik sarĸúmersitsivigineĸaraluarunik nikatdlortitáusagaluarput. isumatsangnerup ugperungnaersísagapal, tauvalo Gûte aniguisitaunigssamingnik ĸínuvigalugo tordlulavfigísavdlugo nakimáissuseĸásángikaluarput. naugdle narrunássusertik itisûmik pâsisimagaluardlugo issertorsimassamingnik ajortuliaĸarsimángitdlat. ajortuliait sujuardiutik erĸartũssutigssángoriartorsimaput pîagausimavdlutigdlo, Gûtivdlo ínugtaisa ajortuliarisimassatik erĸaerĸigsínáusángilait.

Sãtanip inugpagssuit isumaĸalersíniartarpai inûnerup píssusîne angnikitsune ilumũngítarnitik Gûtimit ĸângĩnagaussarsoralugit. Nâlagkavdle Jâkumut ĸanoĸ iliornermigut takutípâ ajortuliorneĸ ilalerumángitdluínardlugulo nãmagĩnarumángitdluínarine, ajortuliamingnik issertuiniartut ĸilauvdlo magpersagautaine navsuerutigineĸángitsutut isumákêrfigineĸángitsututdlo agdlagsimajuartitdlugit, táuko tamarmik Sãtanimit ajugauvfigineĸarumârput. navsuerutigissât ĸagfasingnerutitdlugo atarĸinarnerussunigdlo atorfeĸartitdlugit pinerdlûtait Gûtip issaine narrunarnerúsáput, taimáitoĸartitdlugulo akerarssuaĸ ingangmik ajugausimãsaoĸ. Gûtip uvdlugssânut piarêrsimanigssamik kinguartitsissut uvdlune angnikitdliorfingne kingusingnerussúkutdlũnît tamána anguneĸ sapísavât. inuit taimáitut tamarmik neriûtigssaĸásángitdlat.

ugpernikitsut Sãtanip sagdloĸítainerujugssuanit perĸússutigssamitdlo tarnip nalúngíssusianik píngitsailîniartugssamit ajugauvfigineĸarnigssaĸ navianartorsiutiginerúsavât. misiligaunermilo atagaluarunigdlũnît sujôraneruvdlutigdlo angnikitdliortitaunerujumârput Gûtimut tatigingningnigssaĸ ilerĸuliúsimángínamíko. ugpernerup ilisimássutâ pigssarsiariniásavdlugo sumigínarsimassartik ánilârnangârtumik nikatdlunganerup nalâne pigiliúniartariaĸarumârpât.

mãna Gûte ilisarilerniartariaĸarparput neriorssûtainik misilîníkut. íngilit ĸínut sunaussordlũnît agdlagtarpât ilungersordlunilo ilumûgínarângat. nangminigssarsiortumik kajumigissat ĸimatdlugit iluaĸutiginerúsavarput Gûtimigdlo oĸaloĸatigîngnigssaĸ sumigínarnago. Gûtimit iluarineĸartitdlune pîtsûvdluínarneĸ nangminigssarsiujuissuserdlo Gûtimit iluarineĸartínane pisũssusermit, atarĸissaunermit, inûvdluatârnermit ikínguteĸarnermitdlo iluatingnarnerúput. ĸinunigssamut pivfigssaĸarniartariaĸartásaugut. erĸarsautivut timíkut ítunut túngatípatdlâruvtigik Gûtip ímaĸa pivfigssaĸalersikumârpâtigut kûltimik, igdlulianik narssautinigdlũnît naggorigsunik gûtipilugissavtínik arsârdluta.

takordlûisitdlune apustilip Juánasip ĸilangmit nipe nipitûmik ima oĸartoĸ tusarpâ: "erĸanaĸ nuna imardlo, Diâvulo ilivsínut arĸarmat kamagtorssûvdlune, pivfigssakíssutse nalúngínamiuk." (sarĸ. 12, 12). píssutsit ĸilangmit taimatut suaortariaĸalersitsissut ánilârnaĸaut. Sãtane pivfigssakitdliartortitdlune narragkiartorpoĸ, sagdloĸítaineralo aserorterineralo uvdlune angnikitdliorfingne aitsât taima sualugtigiumârput.

katsorna ĸilangme silap matuma pigíngisainik ánilârnaĸissunik sarĸúmersoĸarumârpoĸ anersâpiluit píssauneĸarneránut nalunaerĸutaussunik. Diâvulup anersâpiluisa nunarssûp kúngê silamiutdlo tamaisa autdlarfigiumârpait támartiniasavdlugit Sãtanimutdlo kátuterĸuvdlugit naggámik Gûtip nâlagáussusianut akiũnigssâne. periautsitigut tamákunatigut nâlagaussut ínugtaussutdlo támartitaujumârput. angutinik Kristusiunerartunik silnmiunigdlo utertitsissutut taineĸarumavdlutigdlo atarĸerĸussunik sarĸúmersoĸarumârpoĸ. tupingnartuliornikut náparsimassunik ajorungnaersitsissarumârput, oĸalugkumârputdlo ĸilangmit sarĸúmersitsiviginerarsimavdlutik agdlagkat iluartut nalunaerutigissáinut akerdliussumik.

sualungnerpâmik támartitsiniutigssatut Sãtane nangmineĸ Kristusisut sarĸúmerumârpoĸ. ilagît sivisûmik ánáussissup tikiuterĸingnigssânik ilimagissaĸarnertik neriûtigingâgkamik erĸûtíneĸarnigssâtut navsuerutigissarsimavât. mãna támartitsissorssûp Kristuse tikiúsimassûssârtíkumârpâ. silarssûp ingmíkôrtuine ássigĩngitsune Sãtane inuit akornáne sarĸúmertarumârpoĸ nâlangnangârtumik issíkoĸardlune, sôrdlo Juánasip sarĸúmersitanik agdlagkane Gûtip ernera oĸalugtuarigâ. (sarĸ. 1, 13-15). nâlangnássutsip atisimassâta toĸussugssat tamána tikitdlugo takussait tamaisa akimorpait. ajugausimarpalugtumik suaortarumârput: "Kristuse tikiúpoĸ! Kristuse tikiúpoĸ!"

ínugtaussut patdlorfigiumârpât, agssanilo ĸutdlardlugit pivdluarĸujumârpai, sôrdlo Kristusip nunamĩkatdlarame ajoĸersugkane pivdluarĸusimagai. nipâ nipikitdlunilo saimarpalugkumârpoĸ tusarnísaĸalunilo. saimarpalugtumik misigingneĸataussututdlo nipilingmik sagdlusuissut ĸilangmit sáimautaussoĸ ánáussissivta oĸautigisimassaisa ilait oĸautigiumârpai, tauvalo Kristusiussûssârdlune sapât se

ĸernup uvdluanik taorsersimagine nalunaerutigiumârpâ, tamaisalo perĸujumârpai uvdloĸ pivdluarĸussane ivdlernarterĸuvdlugo. uvdlut arfineĸ áipãnik aulajangiússaĸartut aterminik narrunarsainerarumârpai, íngilíngôĸ ĸáumarĸúmik sagdlusuíssúmigdlo âtsissut tusarumasimángínamíkik. tamássa támarnartoĸ sákortungârame ajugauvfigissagssáungingajagtoĸ. samâriamiutut Sîmûmit angákuarnigtumit ularússisitaussutut ínugtaussut mikissutdlo angisûtdlo angákuarningneĸ tamána issigalugo oĸarumârput: "tássauna Gûtip píssaunera angisûmik taineĸartoĸ." (ap. sul. 8, 10).

kisiáne Gûtip ínugtai támartitáusangitdlat. ajoĸersûtit Kristusiussûssârtup táussuma sarĸúmiússai agdlagkanut iluartunut nalerĸutíngitdlat. nerssúmut ássinganutdlo patdlorfigingnigtut, tássa inuit bîbile nâpertordlugo Gûtip kamangneranik akoĸángitsumik kuivfigineĸartugssarpiait, pivdluarĸujumârpai.

Sãtanilo akuerineĸásángilaĸ Kristusip tikiúnigssâ ássilisavdlugo. ánáussissup ínugtane tamatumínga ersserĸigsumik mianerssorĸusimavai tikiuterĸingnigssamilo ĸanorpiaĸ pinigssâ sujuligtûtigisimavdlugo. "Kristusiorĸusersúme pruvfîtiorĸusersutdlo sarĸúmerumârput, angisûnigdlo nalunaeĸutiliordlutik tupingnartuliorumârput. ĸinigkat agdlât támartísagaluardlugit ajornángigpat. . . . taimáitumik imalũnît oĸarfigigpase: ata, puilassuitsumĩpoĸ; tauva ornigutísángilase; imalũnit: ata, inínguanĩpoĸ; ugperísángilase tauva. sôrdlume ingnâtdlangneĸ kangianit pissartoĸ kitânutdlo ingnâtdlagtardlune, taimátaoĸ inûp ernerata tikiuvfigssâ ikumârpoĸ." (Mat. 24, 24-27. 31; sarĸ. 1, 7; 1 Tás. 4, 16. 17). tikiúnigssaĸ tamána ássileriarfigssaĸángilaĸ. tamane ilisimaneĸalerumârpoĸ - silamiut tamarmik takujumârpât.

agdlagkanik iluartunik eĸiasuitsumik ilisimassagssarsiorsimavdlutigdlo sagdlusuíssúmik asassaĸalersimassut kisimik támarnartorujugssuarmut silamiunik tamanik tiguainiartumut sernigineĸarumârput. bîbilip nalunaiautigissaisigut táukua támartitsissoĸ pissûssârnerane pâsiumârpât. misiligauvfigssaĸ tamanut nagdliúkumârpoĸ. ûssernartup akigssarsiarititâ kristumiûvdluartoĸ nalunarungnaersíkumârpâ. Gûtip ínugtai oĸausianik ima aulajangiússaĸar dluartiginerpat misigissutsimik nalunaiautigissait túniuvfigíngitsôrsínáusavdlugit? angnikitdliorfigssame tamatumane bîbile. bîbililo kisiat uníngaviginiásanerpât? Sãtanip ajornángigpat uvdlugssame tamatumane piarêrsimanigssât akornusersorumásavâ. píssutsit ima ârĸigssũkumârpai ingerdlavigissamingne akornutigssaĸarĸuvdlugit, erdlingnartûtinik nunap pînik ússerniarumârpai oĸimaitsunigdlo nangmagagssaĸartitdlugit, ũmatimíkut isumakulûtinit ima nikatdlortitaorĸuvdlugit, uvdloĸ misiligauvfigssaĸ piarêrsimatínagit nagdliûtugssángortitdlugo.

inássutinik maleruaissut kristumioĸarfingne nâlagaussunit akerdlilerneĸardlutik perĸússutiliorfigineĸarunik, taimalo pissortanit serniginêrúkunik, tauva Gûtip ínugtaisa igdlorpagssuaĸarfît ĸimákumârpait ĸimâvfigssanutdlo avíngarusimanerpaussunut ĸimâjumârdlutik. ĸavsît ĸáĸane patdligtailissat ornigkumârpait. sôrdlo Piemontip ĸôruine kristumiut iliorsimassut ĸutsigsume ineĸarniarumârput patdligtailissatdlo ĸaersûssut Gûtimut ĸujássutigiumârdlugît. (Is. 33, 16). inuiaĸatigîtdle tamarmik ilarpagssue akimassut nikanartutdlo, pisût pîtsutdlo, ĸernertut ĸaĸortutdlo, nãkigtáinerpâmik inugsiautigineĸalerumârput. Gûtip ĸitornai asassaussut kalungniligauvdlutik parnaerússivingne erdloĸissarput, toĸumut erĸartũneĸartarput parnaerússivingnilo inêrakasingne tujorminavigsune perdlĩnartugssatut ítardlutik. inûp kialũnît siutai nimârutainut angmassángitdlat, inûvdlo atautsivdlũnît ikioriarsínaussángilait.

Nâlagkap ínugtane angnikitdliorfigssame tamatumane puiúsánerpai? "arnap nâlungiánguane puiortarnerpâ, timime iluata erniâ nagdligtúsanago? puioraluarpatdlũnît, taimáitoĸ uvanga puiúsángilavkit. takuvat, itúmavnut titartarpavkit." (Is. 49, 14-16). ima oĸarpoĸ Nâlagaĸ katerssârssuit Gûtiat: "nâlangnarsíssutaulerame kingorna autdlartípânga akimángitsunut ilivsínik ujajaissunut; ilivsinik agtuissup táussuma issâta tagpiutâ agtorsimásangmago." (Sagg. 2, 12).

akerĸanit parnaerússaugalunruniglũnît, taimáitordle tarnimik Kristusimut katíngatât kigtorarsínáungilât. inêraine parnaerussaúvfîne íngilit ornigtarumârpait ĸilangmit ĸaumanermik erĸigsinermigdlo pajugdlugit. parnaerússivik igdlússârssuartut ilerumârpoĸ; tássanime najugagdlit ugpernermingne pisũput, ĸarmatdlo târtut ĸilangmit ĸáumarsagaujumârput, sôrdlo Pauluse Sîlarsilo Filípime parnaerússivingme únuap ĸerĸane únersiutinik tugsiarmata.

Gûtip ínugtainik ĸunutitsiniartut Nâlagkap pitdlautigerĸussainit erĸugaujumârput. gûtîtsunut sivisûmik kamagingningnerata inuit uniorĸutitsinermingne ĸunujuitdlisarpai; naugdle pitdlautigssaĸ sivisûmik mulutíneĸaraluardlune tákutíngitsôrtugssaunanilo sujôranásaĸaoĸ. nâpertuivdluartumik iliordlune inatsisiminik uniorĸutitsissut sujôranartumik pitdlarumârpai. uniorĸutitsissut pitdlarneĸarnigssâta sukangássusia pâserĸajarneĸarsínauvoĸ Nâlagkap erĸartũssúmik nãmagsissaĸarnigssamik ornigissaĸángínera ĸimerdlôráine. inuiait sivisûmik ĸajagssũssai gûtĩssusiatdlo Nâlagkap nautsorssûtaine ulivkârtitsisimatínagit erĸorumángisai naggatâgut kamangnerata imertarfianit sáimáunermik akoĸángitsumik imertariaĸarumârput.

Kristusip ivdlernartũme ĸínússissutut sulinine nãmagsigpago kamaut Gûtip pia akuitsoĸ nerssúmik ássinganigdlo patdlorfigissaĸartunut táussumalo ilisarnaĸutânik (sarĸ. 14, 9. 10). ilisarnaĸutsersítunut kuineĸarumârpoĸ. nâgdliûtigssat ĸanga Gûtip israilíkut aniguisilermagit Egivtinime atũtunut erĸainarumârput sujôranarnerungârdlutigdle. nâgdliûtigssat tamáko Juánasip ima oĸautigai: "ajússat ajortut ajoĸutaoĸissut inungne nerssutip ilisarnaĸusiânik pilingne ássinganigdlo patdlorfigingnigtune píngorput." imaĸ "toĸutap piatut áungorpoĸ, tarnigdlitdlo ûmassut ímamĩtut tamarmik toĸúput." "kûit ermitdlo puilassarfê áungorput".

angnikitdliûtit tamáko sujôranangâraluaĸissut, taimáitordle Gûtip nâpertuivdluássusia naggatâgut nãmagtumik ugpernarsarneĸarpoĸ. Gûtip íngilia oĸarpoĸ: "nâpertuivdluarputit, mãnákut ítutit, ... taima erĸartũssigavit. iluartutdlo pruvfîtitdlo aue kuingmatigik aungmik ímípatit; taima pineĸartugssáuput." (sarĸ. 16, 2. 6). Gûtip ínugtai toĸumut erĸartũsimagamíkik nangminêrdlutik toĸutsissutut pissûtigaut. taimatútaoĸ Kristuse oĸarpoĸ naligissamine jûtit angutit iluartut Âpilip uvdluinitdle toĸutaussut tamarmik auinut pissûnerardlugit, pruvfîtiningme inuartutut anersâĸartûsimáput.

angnikitdliornartup tugdliane seĸineĸ pigínauneĸartitauvoĸ "inuit ingnermik ûterĸuvdlugit, inuitdlo kiangârnermit ũput". (sarĸ. 16, 8. 9).

angnikitdliûtit tamáko tamanut tugtartũngitdlat, taimáikaluarpáme nuname najugagdlit nunguvísagaluarput; taimáitordle angnikitdliûtaujumârput inungnit súkutdlũnît misigineĸarsimassut sualungnerpait. uvdlut angnikitdliornartut sujorĸutdlugit inungnut pitdlautigititat tamarmik sáimáunermik akoĸartarsimáput. Kristusip aungmigut ajortigdlit ĸínútarsimavai ajortuliainutdlo nâpertũtumik akineĸarnigssât tamákerneĸarnavêrisítarsimavdlugo; kisiáne naggatigssamik erĸartũssinigssame kamaut akuitsumik, sáimáunermik ilaĸartínago, kuineĸarumârpoĸ.

uvdloĸ táuna inugpagssuit Gûtip sáimáunera taima sivisutigissumik nikagisimassartik ĸimâvfiginiarumârpât. "ata, uvdlut nagdliúkumârput, oĸarpoĸ Nâlagaĸ nâlagaussoĸ, tauva kângnigssamik nunamut autdlartitsiumârpunga, neĸigssamut kâgtitsinanga, imermik imerusugtitsinanga, kisiáne Nâlagkap oĸausianik tusarusugtúngordlugit. angalásassut ímamit ímap áipânut, avangnânit kangianut saĸísassut Nâlagkap oĸausia aperĸutigalugo, angilugtúsavdlutigdle." (Âmorsip agdl. 8, 11. 12).

Gûtip ínugtai angnikitdliûtinit avarĸúneĸásángitdlat; kisiáne ajorssardlutigdlo inũssutigssaileĸísagaluardlutik ĸimataunatigdlo ajunãsángitdlat. Gûtip Eliarsimik isumagingnigtup ĸitorname ilât atauserdlũnît nangminigssarsiujuitsoĸ ĸimásángilâ. niaĸuisa nujainik kisitaĸartup isumagiumârpai. uvdlune perdlerarfingne ĸârsitdlartitaujumârput. gûtîtsut perdlerdlutik nápâlanermitdlo toĸorartitdlugit íngilit iluartûssut sernigiumârpait pissariaĸagáinigdlo pajugdlugit. "iluartuliordlune saĸissoĸ" neriorssûtigineĸarneratut "neĸigssânik tunineĸásavoĸ, imigssâ aulajáipoĸ." "nâgdliugtut ajorssartutdlo imermik ujardlersut, peĸángitsordle, oĸait panertut ĸilalernermit; uvanga Nâlagaĸ táuko akiumârpáka, uvanga Israilip Gûtia ĸimásángiláka." (Is. 33, 15. 16; 41, 17).

"mássa fîgeĸússuaĸ sivkísángilaĸ, vĩneĸutitdlo nautitaĸásángitdlat; ûliaĸut asulĩnaĸ sulivfigineĸarpoĸ, narssautitdlo sanarũssat nerissagssaĸarfiúngitdlat; savautit ungalulingnit nungujartorput, nerssutautitdlo inaine ugseĸángilaĸ." Gûtimigdle mianeringnigtoĸ oĸarumârpoĸ: "uvangale Nâlagaĸ tipaitsûtigilara, Gûte ánáussissiga ĸîmasûtigilara." (Hâp. 3,17.18).

"Nâlagkap sernigâtit, Nâlagaĸ alángivfigât talerpigpit tungâgut. seĸernup písángilâtit uvdlúkut, ĸáumativdlũnît únuákut. Nâlagkap sernigilisit ajortunut tamanut, tarnit sernigigiliuk." "táussuma ánáusangmatit tingmiarsiortup nigainit toĸorarnermitdlo aserûtaussumit isarĸuminik ulísavâtit, suluisa atãnut ĸimâvfigssaĸarputit; ilumôrssusia erĸornavêrĸutauvdlunilo talugssauvoĸ. sujôragísángilatit únuap ersinartue ĸarssutdlũnît uvdlúkut ingerdlassut. toĸorarnerdlũnît târtume angalassoĸ perdlûtdlũnît uvdlup ĸerĸane nungutitsissoĸ; tûsintigdlit ordlugaluarmata saningne, ĸulinigdlũnît tûsintigdlit úpíkaluarpata talerpigpit tungâne, ivdlit patdlísángilãtit; issigingnâginardlutit iluaitsut ĸanoĸ akilerneĸartut takujumârpatit; (lvdlíme Nâlagaĸ ĸimâvfigâvkit) ĸutsingneruvsârtoĸ inigssarsiorfigât. ajortoĸ ilingnut nalautsúsángilaĸ, perdlugssap tovĸit patdlísángilâ." (tugs. 121, 5-7; 91, 3-10).

inuit ĸilangmiutut isseĸardlutik issigissaĸarsínaugaluarunik Kristusip nikatdlujáissusianik oĸautsimik atatitsisimassut íngilerpagssuarnit píssarssuarnit kaujatdlagaunerat takúsagaluarpât. angnikitdliornerat ĸinuneratdlo íngilit sianigisimavait. Nâlagarissamingnit perĸuneĸarnigssartik utarĸivât navianartorsiorneránit aniguisísavdlugit. kisiáne sule utarĸilâratdlartariaĸarput. Gûtip inugtai imertarfingmit sêrnartulingmit imertariaĸarput kuíssúmik kuineĸartínatik. kinguartitsineĸ tamána táukunúnga ánernaraluartoĸ, tamánarpiaĸ ĸínutigissáinut pitsaunerpâmik akíssutauvoĸ. Nâlagkap sulinigssâ tatigingnigtumik utarĸiniartitdlugo ugpernermut, neriungnermut nãmagigtarnermutdlo angnikípatdlârtumik ilerĸorisimassamingnut tasiorneĸarumârput. ĸinigkatdle píssutigalugit uvdlut angnikitdliornartut sivikitdlisarneĸarumârput. "Gûtivdle ĸinigkane uvdlúkutdlo únuákutdlo tordlorfigissine ínardlernavêrsísángínerpai, táukulo kamajuivfigissángínerdlugit? oĸarfigâvse: ínardlernavêrsínasuásavai." (Lúk. 18, 7.8). naggatigssaĸ inuit ilimagissãnit piârnerussumik nagdliúkumârpoĸ. ĸajûssiagssat ĸilertákûtârdlugit Gûtip ĸuerssuanut katerssorumârpait; naussupiluitdle ĸilertákûtârdlugit ingnermut tamanik nungutsissumut igitagssángorumârput.

ingmingnut suliagssarititaussoĸ ilumôrfigalugo pigârtut ĸilangmiussut pigârtuarput. Gûtip inássutainut nâlagtut toĸutausínauvfigssât perĸússutíkut aulajangerneĸarsimagaluartoĸ, akeraisa ilâtigut pivfigerĸussaĸ sujorĸutdlugo toĸúniarumârpait. kisiáne pârssissorssuit tarnilingnik ilumôrtunik kaujatdlaissut kialũnît ĸângerneĸ saperpai. ilait igdloĸarfingnit igdlorpagssuaĸarfingnitdlo ĸimâtitdlugit sãssútarumârpait, panatdle táukunúnga silugúneĸartut napineĸardlutik ivigkatut navianaitsigalutik nákarumârput. avdlat íngilinit sákutûtut atissisimassunit igdlersorneĸarumârput.

Gûtip súkutdlũnît ínugtane tugpatdlersarumavdlugit aniguisíniardlugitdlũnît íngilit iluartut ikiortigissarsimavai. ĸilangmiut inungnut túngassunik sulíssutigissagssanik suleĸataussarsimáput. sarĸúmertarsimáput ingnâtdlagíssatut ĸaumatigissunik atissaĸardlutik, inuitdlo ornigtarsimavait angalassutut atissaĸardlutik. íngilit Gûtip angutitainut inugtut timeĸartutut takutítarsimáput. ĸasusimassutut uvdlup ĸerĸane orpigssuit mángertut atãne ĸasuersârtarsimáput. inuit igdluine pulârtarsimavait. angalassut únuap târnerane ajoĸersortarsimavait. nangmingneĸ agssangmingnik altarime nanerûtit ikítarsimavait. parnaerússivît matue angmartarsimavait Nâlagkavdlo kivfai aniguisítarsimavdlugit.

ukiorpugssuit nagdliútugssat ĸimerdlôrdlugit Gûtip ínugtame silamiunit kátútunit akerartorneĸalerpata angnikitdliorfigssât uníngavigisimavâ. takornartanit parnaerússaussutut perdlernigssartik toĸutaunigssartigdlũnît sujôragissarumârpait. Nâlagkavdle iluartup píssaunerssuane sarĸúmersíkumârpâ parnaerússaujungnaersitdlugitdlo. "uvdloĸ pigissagssarsiorfigssara nagdliugpat pigísaváka, oĸarpoĸ Nâlagaĸ katerssârssuit Gûtiat; ĸajagssũkumârpákalo, sôrdlo angutip erne kivfartortine ĸajagssũtarâ." (Mal. 3, 17).

Kristusip ilumôrdlutik nalunaiaissuisa auat taimáiníkut kuineĸaraluarpat martêrit auatut siaruarterneĸardlune Gûtimut katerssugagssaĸartitsinaviángíkaluarpoĸ. ilumôrnerisa inuit avdlat sagdlusuíssúmik ĸularissaerutitínaviángíkaluarpait, ũmatit mángertut kamagingningniarneĸ tákuterĸigtugssaujungnaersísimásangmássuk. taimáitumik iluartut akerĸamingnit pissagssarititaussutut ĸimatáusagaluarpata tamána tarrup nâlagâta ajugáussutigísagaluarpâ. tugsiausiortoĸ oĸarpoĸ: "táussumame tupiussaminut torĸorpânga uvdlorme ajortume, issertorpânga tuperme ilâne issertortume." (tugs. 27, 5). Kristuse oĸarsimavoĸ: "iseriartoritse, ínugtáka, inínguavsínut ilordlernut. mato parnaerdlugo kingunivsigut; issertoritse ingmánguaĸ uisorĩnaĸ, ûmitsangneĸ ĸângiutserdlugo. Nâlagaĸ najugkaminit aniumârmat ata, nunamiut ajortuliait takusardlugit." (Is. 26, 20. 21). tikiúnigssânik utarĸissaĸartut arĸilo inûnerup agdlagtaiviane agdlagsimassut nãmagigtarsimassutdlo aniguisitaunigssât tipaitsungnasaĸaoĸ.