akiũnerup nãmagsinigssâ

ukiut táuko tûsintigdlit ĸângiúnerisigut Kristuse nunamut tikiuterĸigkumârpoĸ utertitaussut katerssait íngilitdlo katerssârssuit ilagalugit. sujôranartumik nâlangnardlune atertitdlune gûtîtsut makerĸujumârpai erĸartũneĸarĸuvdlugit. sarĸúmerumârput ímap sioraisut amerdlatigalutik. makivfingme sujugdlerme makítunut ássigĩngíssusiat! iluartut inûsússusermik ítuínartumik píníssusermigdlo taimaeĸatânik atitíneĸarsimaput. gûtîtsut núpautit toĸuvdlo nalunaeĸutsersimavait.

inugpapilorujugssuit Gûtip ernera nâlangnássusiane issigiumârpât. atausĩnarmik nipiligtut gûtîtsut katerssait nivdlerumârput: "pivdluarĸunarsile Nâlagkap arĸagut tikiútoĸ!" Jîsuse asagamíko; sagdlusuíssutip píssaunerata piumángíkaluartut taima oĸalugtípait. gûtîtsut ilissaunermigsut makíkumârput Kristuse akeraralugo ĸangatutdlo kigdlormôrtigalutik. nutâmik misiligauvfigssaĸartitáusángitdlat inûsimanermingne amigautigissamingnik iluarsaivfigssamingnik. taimailiornigssaĸ iluaĸutausangikaluarpoĸ. inûnertik nâvdlugo iluaitsuliornermíkut ũmatitik aĸilisísimángilait. nutâmik misiligauvfigssaĸartitaugaluarunik sujugdlermisut Gûtip perĸussainik uniorĸutitsinermut Gûtimutdlo pikigtitsinermut atuínásagaluarpât.

Kristuse ûliap ĸáĸânut makínerme kingornagut ĸilaliarfingminut íngilitdlo tikiuterĸingnigssânik oĸalûtigingnerĸigfiánut arĸarumârpoĸ, pruvfîte oĸarpoĸ: "aggerumârpoĸ Nâlagaĸ Gûtiga, ivdlernartut tamaisa ilagiumârpatit." "isigaisa taimailissúkut ûliap ĸáĸâ tungmarfigísavât, Jerûsalâp kangianĩtoĸ, ûliavdlo ĸáĸâ ĸitermigut ĸupísavoĸ ... ĸôrorujugssuángordlune” "Nâlagardlo kúngiúsavoĸ nunamut tamarssuarmut; taimailissúkut Nâlagaĸ atausiúsavoĸ, arĸalo ntausiúsavoĸ." (Sag. 14, 5. 4. 9). Jerûsalât nutâĸ íngianartumik nâlnngnássuseĸardlune ĸilangmit arĸartíneĸarune inigssamut salingneĸardlune piarêrsagaussumut inigssíneĸarumârpoĸ, Kristusilo ínugtane íngilitdlo ilagalugit igdloĸarfingmut iluartumut iserumârput.

mãna Sãtanip nâlagauniútumik akiũnigssap naggaserneĸarnigssâ piarêrsarumârpâ. ajússutsip nâlagâ píssaunerminik arsârneĸarsimagatdlartitdlune támartitsiniarsínaujungnaerdlunilo nikatdlungagalunrpoĸ, kisiáne toĸusimassut gûtîtsut makigpata iligssarpagssuanilo takugunigit, tauva neriulerĸigkumârpoĸ, aulajangerumârpordlo naggámik akũlnigssarssuarme nikatdlorumásanane. támartitat ka terssârssuit erfalassume atânut katerssorumârpai táukulo iligalugit pilerssârutigissane nãmagsiniarumásavdlugit.

gûtîtsut Sãtanimit tigussáuput. Kristusimik narrugingningnermíkut pikigtitsissut nâlagât nâlagarilersimavât. piarêrsimáput táussuma ilitsersûtai maleruásavdlugit inássutailo nâlásavdlugit. Sãtane táunaunerarumârpoĸ ilumut silarssuarmik nâlagkersuissugssaĸ, erĸúngitsuliorfigineĸardlune kingornússagssaminik arsârneĸarsimassoĸ. ínugtaminut támartitaussunut utertitsissutut sarĸúmerumârpoĸ oĸarfigalugitdlo píssaunermigut ilivermit aniguisísimagine, mãnalugôĸ nãkigtaitsumik ĸunutitaunigssãnit ánautilerine.

Kristuse najortigíngínamiuk Sãtane tupingnartuliorumârpoĸ oĸauserissane ugpernarsardlugit. sángîtsut nukigtorsarumârpai anersâmigutdlo píssaunermigutdlo súnîvigalugit. iluartut tangmârfiánukáukumavdlugit Gûtivdlo igdloĸarfia tiguarniarumavdlugo pilerssârúmik sarĸúmiússivigiumârpai. diâvulorpalugtumigdlo ajugausimârdlune milliûniligpagssuit toĸussunit makitíneĸartut uparuartorumârpai oĸardlunilo táuko sujulerssordlugit igdloĸarfik tiguarsínauvdlugo igsiavíssârssuanilo nâlagauvfinilo pigilerĸigsínaunerardlugit.

inugparujugssuit ilaĸarput ulerssûp sujornagut inûsimassunik - angutinik nukigtôrujugssuarnik anersãkutdlo ítumik pigínauniligssuarnik. táukua íngilinit ordlusimassunit súnîvigineĸardlutik píkoríssusertik ilisimássusertigdlo tamákerdlugit atortarsimavait ingmingnik akitsisíniarnermut, angutáuput tupingnartunik erĸumîtsuliorníkut silamiunit únersiutigineĸarsimassut, angutáuputdlo nãkigtáissusertik iluaitsuliornertigdlo píssutigalugit Nâlagkamit nunamit pêrsitausimassut. ilaĸarput kúnginik sákutûtdlo nâlagarssuinik inuiangnut ajugaussarsimassunik, angutit sapîtsut sorssungnerme ajorssángisáinarsimassut, sákutût ajugausimârtut nâlagauvfingnik sajugtitsissarsimassut. angutit táuko avdlángortitausimángitdlat, erĸarsarnertik soraersitauvfiagut nangípât. toĸulernermingne ajugaujumássusertik pigĩnarpât.

Sãtanip íngiline kingornalo angutit píssarssuit tamáko isumalioĸatigai. oĸarumârput iligissatik amerdlanerardlugit igdloĸarfiuvdlo ungaluisa iluánĩtut ikingnerungmata ajugauvfigisínaunerardlugit. pilerssârutiliorumârput Jerûsalâp pisũssutai pingârtorssũssutailo tiguarumavdlugit. tamarmik katsorna sorssungnigssamut piarêrsailerumârput. agssagssortut píkorigsut sákuliorumârput. Sákutût nâlagarssue sákutûnik katerssákûtârtunik katerssuiumârput.

kîsa sãssússiartorĸussineĸarumârpoĸ, sákutôrpagssuitdlo kisigssáungitsut sujumukalerumârput - sákutôrpagssuit súkutdlũnît silamiut ingerdlausiáne naleĸarsimángisáinnrtut. sujuarsimassortait Sãtanip sujulerssorumârpai, íngilîsalo naggatigssamik akiũnigssame iligiumârpât. kúngit sákutûtdlo ingerdlaoĸatigiumârpai, sákutôrpagssuitdlo tamarmik ingmíkut nâlagarissagdlit malingnaujumârput. sákutûtut ârĸigssûtdluagaussumik sákutôrpagssuit ingmingnut agtûmavdlutik nunap ĸâvagut aserortigauvdlune manîlakulugtúkut Gûtip igdloĸarfia ornigkumârpât. Jîsusip perĸussineragut Jerûsalâp nutâp isâvfê matuneĸarumârput; Sãtanip sákutôrpagssuisa igdloĸarfik ilujumârpât sãssúneĸarnigssâlo piarêrsardlugo.

taimailissúkut Kristuse akerĸaminut sarĸúmerĸigkumârpoĸ. túngavingme ĸivdlarigsumik kûltiussume igdloĸarfiup ĸulânut ĸutdlarsimassume portusûmik igsiavíssârssuaĸarpoĸ. igsiavíssârssuarme tássalle Gûtip ernera igsiásaoĸ, erĸânĩputdlo nâlagauvfiata ínugtai. Kristusip píssaunera nâlangnássusialo inulait kíkutdlũnît oĸausîsigut navsuiagagssáungitdlat. kialũnît tamána agdlautigivdluarsínáungilâ. atâtaussup ítuínartup nâlangnássusiata ernera uligsimavâ. kînâta akisungnerata Gûtip igdloĸarfia, isâvfît silatât nunalo tamât ĸáumarsarpâ.

igsiavíssârssuarmut ĸaningnerúput ĸanga Sãtanip iluaĸutigssânik ilungersûtigingnigsimagaluardlutik ingnermit ikumassutut nusutausimavdlutik kingorna ánáussissup itisûmik ilungersortumigdlo ungagingnigtigisimassai. tugdlerait sagdlussunik ugpíngitsunigdlo erĸâmioĸardlutik kristumiutut píssuseĸalersimassut, Gûtip inatsisânik atarĸissaĸarsimassut kristumioĸatigîngnit atortũngitsutut oĸautigineĸartitdlugo milliûnigdlitdlo ĸanordlũnît ilissúkut ugperissartik píssutigalugo martêrisut toĸutausimassut. kîsalo takugssaujumârput "amerdlangârtut kisíneĸarsínáungitsut, inuiaĸatigît ingmíkutdlo nagguveĸatigîgsut ingmíkutdlo inuiaussut ingmíkutdlo oĸausigdlit tamarmik ilait, igsiavíssârssûp sâne ĸeĸartut, takisûnik ĸaĸortunik atissaĸartut, palmitdlo avaleĸutáinik tigumiaĸartut". (sarĸ. 7, 9). akiũnerat nãmagsivoĸ, ajugausimáputdlo. arpangnertik nãmagsisimavât erdlingnartûtdlo pigssarsiarisimavdlugo. palmit avaleĸutáinik tigumiarnerat ajugausimaneránut nalunaeĸutauvoĸ, ĸaĸortunigdlo atissaĸarnerat Kristusip simerneĸángitsumik nâperluivdluássusianut pigiligãnut nalunaeĸutauvoĸ.

utertitaussut únersiúmik ĸilaup ĸilãngussaine akisuassaĸátârtumik agpíput: "ánáussut Gûtivta igsiavíssârssuarme igsiassup savârĸavdlo pigât!" íngilitdlo serâvfitdlo únersiutigingnigtut nipimingnik ingiatdlorpait. utertitaussut Sãtanip píssauneĸarnera ajússusialo misigisimagamíko sujornatigornit pâserĸigsârneruvât avdlap ajugautíneĸ sapersimásagaluarmatik, Kristusivdlo píssaunerata kisime tamána nãmagsisínaungmago. inugparujugssuit tamáko ilaĸángivigput nangmingneĸ píssauneĸarnermíkut pitsáussutsíkutdlũnît ánagsorissunik. suliâinik erdlĸíssutigisimassáinigdlũnît oĸartoĸángilaĸ. tugsiutigineĸartoĸ unáinaviuvoĸ: "ánáussut Gûtivta igsiavissârssuarme igsiassup savârĸavdlo pigât!"

nunamiut ĸilangmiutdlo tamaisa najortigalugit kîsa Gûtip ernera niaĸoruserneĸarumârpoĸ. mãnalo kúngit kúngiata ĸutsingnerpâmik nâlangnassuseĸardlune nâlagáussutsiminit pikigtitsisimassut erĸartũssutigssât nalunaerutigiumârpâ inatsisimingnigdlo uniorĸutitsisimassut nâpertuivdluartumik nãmagsissaĸarfigalugit. Nâlagkap pruvfîtia oĸarpoĸ: "takuvaralo igsiavíssârssuaĸ angisôĸ tássanilo igsiassoĸ; táussuma kînânit nunalo ĸilagdlo ĸimãput inigssarsineĸarungnaerdlutigdlo. toĸussutdlo mikissut angisûtdlo igsiavíssârssûp sâne ĸeĸartut takuváka, magpersagkatdlo ĸavsît magperneĸarput, magpersagkatdlo avdlat atautsit magperneĸarput, tássa magpersagkat inûnerup pê; toĸussutdlo erĸartũneĸarput magpersagkane agdlagsimassut maligdlugit, suliatik nâpertordlugit." (sarĸ. 20, 11. 12).

magpersagkat magperneĸarpata Jîsusivdlo gûtîtsut ĸiviarpagit ajortuliatik tamaisa erĸaiartulerumârpait. ingerdlanermingne minguíssutsip iluássutsivdlo avĸusínersimaneránit nigorsimanitik perrôrníkutdlo pikigtitsinikutdlo Gûtip inatsisânik ĸanorpiaĸ angnertutigissumik uniorĸutitsissarsimanertik ersserĸivigsumik takujumârpât. ússernartut támarnartûssut ajortuliordlutik túniuvfigissatik, pivdluarĸússutit atornerdlugkat, Gûtip autdlartitainik nikagingnigsimanertik, mianerssorĸússutit narrugissatik, sáimáunerup sarfarnera, ũmámit perĸigsiminiángitsumit pissagssáungitsumit tunuartitaussoĸ - tamáko tamaisa agdlangnernik ingnerussunik agdlagsimassutut takujumârpait.

igsiavíssârssûp ĸulâgut sáningassulik tákúkumârpoĸ, issigingnâgagssiatutdlo Adamip ússernartorsiortitaunerane ordluneranilo pisimassut utertitsineruvdlo angnertôrujugssuarmik ârĸigssũneĸarnerata ingmíkôrtue ássigĩngitsut issigingnâgagssiarineĸarumârput. ánáussissup nikanartutut inúngornera, mêrĸatut agdliartornera, inûsugtûnera pilimángitsumik nâlagtumigdlo ingerdlassut, Jôrtanime kuisitaunera, puilassuitsume îsíngínera ússernartorsiortitauneralo, inuit akornáne ĸilaup erdlingnartunik pivdluarĸússutai avguarniardlugit sulinera, uvdlue asangnigtuliornermut nãkingnigtuliornermutdlo atorneĸartut únuilo ĸáĸane kiserdliornartune ĸinuniarnermut pigârnermutdlo atorneĸartut, ajúngitsuliainut akigssarsiarititaussut: perĸusersusârnerit, sínganerit, ûmigssuineĸ, Gethsemanip nautsîviane silamiut tamarmiussut ajortuliait nanertûtigalugit aliatsangârsimanera, toĸutsiniartunut pisitaunera, únuaĸ tamána pisimassut sujôranartut: tigussaĸ igdlersúngitsoĸ ajoĸersugkaminit asanerpaussaminit ĸimataussoĸ, angutauserfigineĸardlune nãkigtaitsumik Jerûsalâp avĸusernisigut ingerdláneĸartoĸ, Gûtip ernera angneruniarfigineĸardlune Annnsimut savssartitaussoĸ, palasiunerup igdlússârssuane únerdlûtigineĸartoĸ, Herûtasip erĸartũssiviane mitautigineĸardlune, ániartitauvdlunilo toĸumut erĸartũneĸartoĸ - tamáko tamarmik ûmássusilingmik takutíneĸarumârput.

tauvalo issigingnâgagssat kingugdlît katerssfisimassunut ássigĩngeĸissunut issigingnârtitsíssutigineĸarumârput: ániartoĸ Gûtiussoĸ Gûlgathap tungânut ingerdlassoĸ, ĸilaup Nâlagâ sáningassulingme nivingassoĸ, palasit angneruniardlutik ajugausimârtut inugpagssuitdlo toĸulernerane mitautigingnigtut, târssuaĸ silamit matumánga píngitsoĸ, nuna sajugtoĸ, ĸáĸat ĸupissut ilerfitdlo angmagaussut silamiut utertitsissâta inûnerminik akigingnigfianik nalunaerĸutaussut.

Sãtane íngilîlo maligtailo píssauneĸángitdlat piliarisimassamik ássilíssatut sarĸangiúneĸarnerat tamána tunúsavdlugo. kiavdlũnît suliane sunaUssoĸ erĸaimassarpâ. Gûtip Gûtisut kînâta nâlangnássusia alarniaraluarpât, saperdlutigdle, utertitaussutdlo niaĸorutitik ánáussissup isigaisa sãnut igípait nivdlerdlutigdlo: "pivdlunga toĸuvoĸ!"

utertitaussorpagssuit Kristusip apustilê ilagait, Pauluse sapîtsorssuaĸ, Pîtruse ilungersornertôĸ Juánasilo asassauvdlunilo asanartoĸ ĸatángutailo ilumôrtut martêrerpagssuitdlo. ungalut silatãnĩput iluatingnauteĸarnatigdlo narrunartut tamarmik apustilinik ĸinugingnigdlutigdlo parnaerússivdlutigdlo toĸutsissutdlo ilagalugit.

tássanĩkumârput palasit pâvikûssut Kristusimit autdlartitauneraraluardlutik ániartitsivingmik, parnaerússivingmik ikuatdlaivingmigdlo atuissarsimassut ínugtaisa nalúngeĸatigingníssusiat nâlagkersugariumavdlugo. kingusinârtumik pâsiumârpât nalussaĸángitsup inatsisine ilungersûngmago pissûssutdlo píngitsûtínaviángingmagit. pâsilerumârpât Kristusip ĸitornane erdloĸisitaussut atausioĸatigingmagit, oĸausîsalo pingãssusiat ilisimalerumârpât: "ukua ĸatángutima mingnínguit ilât sumik pigigse tamatumínga uvanga pivavsinga." (Mat. 25, 40).

silamiut gûtîtsut tamarmik Gûtip erĸartũssiviane savssartitáuput ĸilangme nâlagkersuissunut pikigtitsisimassutut únerdlûtigissauvdlutik. erĸartũssinerme igdlersuissugssaĸángitdlat. patsisigssaĸángitdlat, toĸumutdlo nâgssáungitsumut erĸartũneĸartugssáuput.

mãna tamarmik pâsivdluarumârpât ajortip akigssarsiarititâ tássáungingmat nuánissârdlune kivfáungíssuseĸ, tássaussordle inugsiauneĸ, piunêrússauneĸ toĸulo. gûtîtsut takujumârpât pikigtitsissutut inûnermingne sût ánaisimavdlugit. nâlangnangãssusigssaĸ nâgssaungitsugssaĸ naleĸángivigsoĸ ingmingnut túniúkumaneĸartoĸ nikagalugo piumasimangilât; mãnale iluatigingâraluarpât! "tamáko tumaisa pigisínausimásagaluarpáka," tarnilik taimáitoĸ nivdlerumârpoĸ; "tnmákule ajagtuínarsimaváka. tagpîtdlisitausimanerup tupingnássusia! erĸigsíssut, pivdluaut atarĸinautdlo taorsersimaváka erdloĸíssúmik, kángunáumik aliatsautigssamigdlo." tamarmik ĸilangmut iserĸussáungínertik nâpertuivdluartûssoĸ pâsiumârpât. inûnermíkut ima nalunaersimáput: "Jîsuse táuna kúngigiumángilarput!"

ilisîtsuliorfigineĸartutut itdlutik gûtîtsut Gûtip ernerata niaĸoruserneĸarnera issigingnârsimavât. Gûtip inatsisâta agdlagsimavfe tigumiarai takusimásavait ilisimavdlugulo inássutai nikagalugitdlo uniorĸutísimagitik, ánagtut tupigusungnerat, tipaitsungnerat patdlorfigingningneratdlo issigait, tugsiarneruvdlo erinai igdloĸarfiup silatânĩtunut tutsiugpata tamarmik atausĩnarmik nipiligtut tordlulajumârput: "pingârdlutigdlo tupingnarput suliatit, Nâlagaĸ-â, Gûte ajugaĸángitsutit!" inũssutivdlo Nâlagâ patdlorfigiumârpât.

Sãtane nukigdlârtutut ípoĸ Kristusip nâlangnássusia takugamiuk. erĸaimavâ kêrupiusimavdlune ĸanordlo nákarsimavdlune. ĸanga "ĸaulernerup ernera", mãnale avdlángússusia nikanarsineralo! isumalioĸatigît ĸanga atarĸissauvfigissane kingorna iserfigerĸigtugssaujungnaerpai. mãna takuvâ avdlap atâtap sanianîtdlune nâlangnássusia uligkâ. íngilip angisûp nâlangnarpalugtup Kristuse niaĸorusilerâ takusimavâ, nalúngilâlo íngilip pingârtumik atorfia atorfigisínausimásagaluarine.

nâlagauvfine ilungersorsimanerme inerítua Sãtanip ĸimerdlôruniuk, ajorssarneĸ piunêrússinerdlo taimâgdlât takúsavâ. katerssat isumaĸalersíniarsimavai Gûtip igdloĸarfia ajornángitsumik tigussarineĸarsínaussoĸ, nalúngilâle tamána erĸúngitsûssoĸ. akiũnerssûp ingerdlanerane ajugauvfigineĸartuarsimavoĸ ajorssartuarsimavdlunilo nâgssáungitsup angingârssusiata píssaunera nalúngitdluínarpâ.

pikigtitsissorssûp sujunertariuarsimavâ ingminut igdlersorumavdlune Gûtivdlo ĸanoĸ iliornerata pikigtitsinermut píssutausimanera ugpernarsarumavdlugo. sujunertarissaĸ tamána angujumavdlugo anersãkut pigínáussuseĸarnine tamákerdlugit atorsimavai. ârĸigssûtdluagaussumik erĸarsautigerĸigsâgkamigdlo suliniarsimavoĸ tupingnartumigdlo iluagtitsisimavdlune, akiũnerssuarmik navsuiainermigut inugpagssuit ugpertitane támartísimagamigit. ukiune tûsintiligpâlungne pikigtitsiniaĸatigît nâlagâta táussuma sagdlo sagdlusuíssutaunerartarsimavâ, mãnale pivfigssaĸ nagdliúpoĸ pikigtitsinerup sûjungnaertivigfigssâ Sãtanivdlo oĸalugtuarissaunerata píssusiatalo sarĸúmersitauvfigssât. Kristuse igsiavíssârssuarmit nákartíkumavdlugo naggámik tamaviârnerssuarmigut, ínugtainik aseruiniarnermigut Gûtivdlo najugânik tiguainiarnermigut támartitsissorssuaĸ pâsineĸavigsimavoĸ. iligilersimassnisa iluagtitsivfigssnĸángivingnera pâsivât. Kristusimik malingnigtut íngilitdlo nâlagtortaisa Gûtip nâlangnássusianik ajoĸusîniarsimanera tamákerdlugo pâsivât. tamanit ûmigineĸalerpoĸ.

Sãtanip pâsivâ piâralunêrdlune pikigtitsisimagame ĸilangmĩtugssatut piúkúnarane. pigínauneĸarnine Gûtimut akiũnigssamut sungiusarsimavâ. erĸigsineĸ ârĸiagîngnerdlo táussumúnga tamanit nâgdliungnarnerpáusagaluarput. Gûtip avagingningneranut nâpertuivdluarneranutdlo pasigdliutai mãna nipangersitáuput. nikanarsagaunigssaĸ Jehovamut tugtíniagaralua táussumungamaĸ (Sãtanimuínaĸ) túngalerpoĸ. taimailissúkutdlo Sãtane navsuerumârpoĸ erĸartũneĸarnine nâpertuivdluarnerardlugo.

nauk Sãtanip Gûtip nâpertuivdluássusia miserratigineĸ sapersimagaluardlugo Kristusilo nâlagaunertut sikigfigissariaĸarsimagaluardlugo, taimáitordle píssusia avdlángûteĸángilaĸ. pikigtitsiumássusia kûgssuartut ĸordlortutut sarĸúmerĸigpoĸ. narravigdlune akiũnerssuarme nikatdlorumanane aulajangerpoĸ. ĸilmt kúnglánut naggámik tamaviâvigsumik akiûvfigssaĸ nagdliupoĸ. ínugtane tuavĩnavik ornigpai nangmineĸ narragsimanermigut mássákordluínaĸ akiûtilernigssamut kajumigsârumavdlugit. Milliûniligpagssuitdle pikigtitsinigssamut támartísimassaisa akornáne nalagariumanêrúpoĸ. píssaunera napissauvoĸ. gûtîtsut Sãtamsut ûmigingtigtígíput, kisiáne iluagtivfigssaĸaratik pâsivât, Jehovalo ajugauvfigisínaunago nalujungnaerpât. narrangnertik Sãtanimut sagdloĸítainerminilo ikiortigisimassainut sangmitilerpât, táukulo diavulorpalugtumik narragsimavdlutik sãssutaralugit. Nâlagaĸ oĸarpoĸ: "ivdlit kêrupiugaluartutit uligsuissoĸ ajagtorpavkit Gûtip ernerisa akornánêrĸunatit . . . nunamut igípavkit, kúnginut issigingnâgagssiaralutit . . . arssángortíkumarpavkitdlo nuname, ilingnik issigissaĸartut tamaisa issigititdlugit.:. ilingnut ilisarssissut tamarmik tataitsagkumârput ivdlit pivdlutit, tatámarsivdlulit sûjungnaeravit isuanut agdlât." (Hisk. 28, 6-8. 16-19).

iluaitsut siagdlersitsivigiumârpai ingnâtdlagíssanik, ingnerdlo ikuatdlagsautdlo anorilo ûtitsissoĸ ermusiata pigssarai." Is. 9,5; 34, 2; tugs. 11,6) Gûtip nuna ingnermik ĸilangmit nákartitsivigiumârpâ. nuna aserortigauvoĸ. sákut iluane torĸugaussut sarĸúmersitáuput. ĸuvnerit tamarmik ingnermik nungutitsissumik aniatitsíput. ĸáĸanut agdlât ikumáput, uvdloĸ ûtsivigsut ikumassoĸ nagdliúpoĸ píngortitat aumârtuínángordlutik kíssalerput, nunalo pigissailo ikivkagáput (Mal 4, 1; 2 Pîtr. 3 10), nunap ĸâva aumârtuínarssuartut issíkoĸarpoĸ - taserujugssuartut ingnerínaussutut. tamássa tamássa inuit gûtîtsut erĸartũneĸarfigalugulo piunêruvilgssaisa uvdluat - "uvdlok akiniaivfik tássaungmat Nâlagkamit . . . Sîune pivdlugo saĸitsaivfik", (Is. 34, 8),

ilunitsut akigssarsiagssartik nuname pissagssarât, (úss. 11, 31; ĸangaunerussumik nugtigaĸ). "karrîarnikutut ísáput, uvdluvdlo nagdliúkumârtup ikivkásavai, oĸarpoĸ Nâlagaĸ katerssârssuit Gûtiat". (Mal. 4, 1). ilaisa piunêruneĸarnerat uisorĩnaĸ piumârpoĸ, ilaisale uvdlut ĸavsît nâgdliugfigiumârpait. tamarmik pitdlagaujumârput "suliatik nâpertordlugit". iluartut ajortuliait Sãtanimut ilineĸarsimangmata táuna pikigtitsisimanine píssutigĩnarnago pitdlagaussariaĸarpoĸ, ãmátaordle Gûtip ínugtainik ajortuliortitsisimanine tamaisa píssutigalugit. táussuma pitdlautisiagssâ tâmartitaisa pitdlautisiagssãnit angnertunerungârumârpoĸ. tâuna inûjuardlunilo erdloĸiuarumârpoĸ támartitaisa tamarmik piunêrúneĸarêrnerisa kingunerujugssuisigut. naggatâgut iluaitsut tamarmik nungutaujumârput, sordlât avaleĸutaitdlo ilángutdlugit - Sãtane sordlãtut ilagssarsiarissailo avaleĸutitut. inatsisip pitdlautigssarititâ nãmagsineĸarpoĸ, nâpertuivdluássutsip pissariaĸartitai inerneĸarput, ĸilangmiutdlo nunamiutdlo tamána issigalugo Jehova nâpertuivdluartutut nalunaerutigât.

Sãtanip aserorterinera nâgssáungitsumik kipineĸarpoĸ. ukiune tûsintilingne arfinilingne piumassaminik iliorsimavoĸ, nuna perdlugtítuardlugo silarssuarmilo tamarme aliasugtitsiuardlune. píngortitat tamarmik anersârulugtardlutigdlo erdloĸissarsimáput. mãna Gûtip píngortitaisa najortigísaerpât táussumíngalo ússernartorsiorterĸigtugssaunatik. "silarssuarmiut tamarmik uníngavdlutik katerssorput, ĸĩmagtarnitik anípait". (Is. 14, 7). "amerdlangârtut nipât imerpagssuitdlo nipâtdlusôĸ kagdleritdlo nipitût nipâtdlusôĸ" tutsiúkumârput oĸardlutik: "alîluja, Nâlagaĸ Gûterput ajugaĸángitsoĸ kúngiulermat. "

nuna ingnermik aserorterissumik uligsugautitdlugo iluartut igdloĸarfik ivdlernartoĸ najorsimavât. makivfingme sujugdlerme pigssaĸartut; táukunúnga toĸup áipâ pigínáussuseĸángilaĸ. mâssa Gûte iluaitsunut nungutitsissumik ingnerugaluardlune ínugtaminut seĸiniuvoĸ erĸornavêrĸutauvdlunilo. (sarĸ. 20, 6; tugs. 84, 12).

"ĸilagdlo nutâĸ nunalo nutâĸ takuváka; ĸilak sujugdleĸ nunalo sujugdleĸ pêrmata." (sarĸ. 21, 1). ingnerup iluaitsunik nungutsissup nuna saligpâ. perdlûtit tamardluínarmik pîarneĸarput. ikumassumik unerivfeĸásángilaĸ ajortuliat kingunipiluinik utertitaussut erĸáissutigisínaussãnik.

erĸáissutigssaĸ atausĩnaĸ atajumârpoĸ: ánáussissivta sáningassulingmut kikiagtugaunerme ilisarnaĸutine pigítuínarumârpai. niaĸuane ikiligaussume, sanerâne, agssaine isigainilo ikiligaussune ajortuliap ánilârnartumik kingunere takugssaussutuaussutut amiákûjumârput. pruvfîtip Kristuse nâlangnássusiane takordlôrsimavdlugo tamána ima agdlautigâ: "akisungneva ĸáumartutut ilivoĸ; ĸingnûssernerit igdlugtut sanilerai; tássanĩpordlo píssnunerata inâ takugssáungitsoĸ." (Hâp. 3,4). sanerĸame kapissame tamatumane augpatdlarigsumik kûgfiusimassume inungnik Gûtimut sáimáunartitsivdlune - tássanĩpoĸ ánáussissup nâlangnássusia, "tássanĩpordlo píssaunerata inâ takugssáungitsoĸ". utertitsiniardlune túniúkame ”ámáussinigssamut pigínauneĸartitauvoĸ", taimáitumigdlo Gûtip sáimáuneranik nikagingnigtut erĸartûtísavdlugit píssauneĸarpoĸ, nikanarsagaunermilo ilisarnaĸutai angnermik atarĸinautigai. Gûlgathame ikiligaunerat nâgssáungitdluínartumik nâlangnássusia nalunaerutigalugo píssauneĸarnera nalunaiautigísavâ.

nuna pilerĸârnerane inungnut túniússaussoĸ táukua nâlagauvfigissãtut, táukunángale Sãtanip agssainut túniúneĸardlune sivisûmik akerarssuarmit pigineĸarsimassoĸ utertitsinerup angisûmik piorsagauneragut utertitaorĸigpoĸ. "ima oĸarmat Nâlagaĸ ... nunamik piliortoĸ inerdlugulo aulajangersardlugulo, mássale píngortíngíkâ soĸángitsugssaĸ, kisiáne piliarigâ inoĸartugssaĸ." Gûtip nunamik sujunertarerĸâgâ nãmagsineĸarumârpoĸ utertitaussunut nâgssáungitsumik najugagssarititauneragut. "iluartut nuna kingornússarísavât, nâgssáungitsumigdlo nunagísavât." (Mig. 4, 8; Evf. 1, 14; Is. 45, 18; tugs. 37, 29).

nâgssáungitsumik kingornutagssap timíkut ípatdlârtumik píssuseĸarnigssâ ánilângássutigalugo oĸalugtuartut ĸavsît nuname najugaĸartuarnigssavtínik sagdlusuíssut anersãkut ítúngortíniartarsimavât. Kristusip ajoĸersugkane oĸarfigai atâtame igdluane inigssioriartorniarine. Gûtip oĸausiagut ajoĸersugaujumassut ĸilangme najugaĸ naluvingnaviángilât. taimáitordle mána ilumôrpoĸ: "issip takúngisáinagâ siutivdlo tusángisáinagâ inûvdlo ũmámiugíngisáinagâ Gûtip asassiminut piarêrsagâ". (1 Kor. 2, 9). inuit oĸausîsigut iluartut akigssarsiagssât oĸalugtuarissagssáungilaĸ. takungnigtugssanit takuneĸarumârpoĸ, táukuínarnitdlo. inûp kialũnît pâsingnigsínáussusiata Gûtip pâratîsiata nâlangnássusia pâsineĸ saperpâ.

bîbilime ánagtut kingornússagssât nunamik taineĸarpoĸ. (Epr. 11, 14-16). tássane pârssissup ĸilangmiup savautine puilassunut ûmássusilingnut ingerdlátarumârpai. orpik inûnartoĸ ĸúumatit tamaisa paormanigtarpoĸ inuiaĸatigîtdlo pilutai katsorsautigissarpait. puilajungnáisángitsumik imermik kûgtoĸarpoĸ, sinainilo orpît aulassut avĸusinersimanerit utertitaussunut piarêrsimassut tarranigtípait. narssarujugssuit ungatãne pínersunik ĸagtuneĸarpoĸ, Gûtivdlo ĸáĸâ kingigdlunilo íngigigpoĸ. najugagssane erĸigsinartune tamákunane kûitdlo imerigsut tamákua sinaine Gûtip ínugtai taima sivisutigissumik angalaortûsimassut najugagssarsiumârput.

"ínugtákalo nunaĸarumârput inine erĸigsivingne, inigssane erdlingnartune uníngavingnilo isumâlungnllitsune." "iluáinermik tusásáisáput nunangne, perdlungmigdlũnît aseruinermigdlũnît kigdligissangne nâme; kisiáne ungalorssuat táisavat ánássúmik, isâvfisitdlo usornautinik." "igdluliorumârput inigalugitdlo, vĩneĸutinik íkússuiumârput paormaitdlo nerivdlugit. igdluliúsángitdlat avdlap inigssânik, íkússuísángitdlatdlo avdlap nerissagssânik ... ĸinigkama". (Is. 32, 18; 60, 18; 65, 21. 22).

"tamána tipaitsûtigisavât puilassuitsup nunavdlo panertup, narssardlo kûgaitsoĸ ĸîmasugkumârpoĸ sivkerdlunilo assorutitut." "kanungnerit náusáput orpigkat kinguârdlugit, tipigigsûssánguitdlo náusáput kakitdlarnaĸutit taortigssait." "amarĸup najúsavâ savâraĸ, milakulâvdlo savaussâraĸ aĸupeĸatigísavâ, ... merdlertúngûvdlo ungûrumârpai." "ajunârsissoĸaranilo aseruissoĸásángilaĸ ĸáĸavne ivdlernartume ilânilũnît nâme," Nâlagaĸ oĸarpoĸ. (Is. 35, 1. 2; 55, 13; 11, 6. 9).

ĸilaup píssuserissâne tamatumane ániartoĸásángilaĸ. ĸuvdlilissoĸásángilaĸ, toĸussunik ilissiartortoĸásángilaĸ, aliasugtoĸásángivigpordlo. "toĸulo peĸarungnáisavoĸ, aliasugtoĸarungnaerdlunilo nivdliassoĸarungnaerdlupilo ániartoĸarungnáisavoĸ, sujugdlît pêrmata." .inuisalo ilãnik oĸartoĸásángilaĸ: ajulerpunga! inuiait tássane nunaĸartut ajortuliamingnik isumakêrfigissaungmata." (sarĸ. 21, 4; Is. 33, 24).

nuname nutâme alianaitsume Jerûsalât nutâĸ igdloĸarfingne pingârnerssaujumârpoĸ, "niaĸorutaujumârputitdlo takoránersoĸ Nâlagkap agssaine ĸaorutauvdlutitdlo kúngimut nãmagtoĸ Gûtivit itumâne." "táussuma Gûtip nâlangnássusia pigâ, ĸáumarĸutâlo ujarĸat erdlingnarnerssât ássigâ, aligoĸ akisungnertôĸ aligorĸigsoĸ." "inuiaĸatigîtdlo saĸiumârput ĸaumassua ĸáumarĸutigalugo, nunavdlo kúngîsa nâlangnautitik tássunga ãkumârpait." Nâlagaĸ oĸarpoĸ: "ĸîmasûtigiumârparalo ínugtákalo tipaitsûtigalugit." "takúsagigse Gûtip ineĸarfia inungnĩtoĸ, táukunanilo ineĸarumârpoĸ ínugtariumârdlugitdlo, Gûtivta nangmineĸ najorumârpai." (Is. 62, 3; sarĸ. 21, 11 24, Is. 65, 19; sarĸ. 21, 3).

”únuaĸásángilardlo" Gûtip igdloĸarfiane. kíkutdlũnît ĸasuersârtariaĸarnatigdlo ĸasuersârusúsángitdlat. tamarmik ĸasusanatik Gûtip perĸussai suliarísavait arĸalo únersiutigalugo. uvdlâp siláinaríssuala misigítuínásavarput nânigssâlo ungasigtuínardlugo. "ĸutdliuvdlo ĸaumaneranik seĸernuvdlũnît ĸaumaneranik pissariaĸángitdlat, Gûtip Nâlagkap ĸáumarsarmatik." (sarĸ. 22, 5). seĸernup ĸáumarsainera ĸáumarsainermik íngianarane uvdlup ĸerĸane ĸáumarĸutigissartagkavtínit ĸaumanerussumit taorserneĸarumârpoĸ. Gûtip savârĸavdlo nâlangnássusiata kipísángitsumik igdloĸarfik ivdlernartoĸ ĸaumarsartuínarumârpâ. utertitat uvdlûjuainarnerup seĸineĸángitsumik ĸaumanerane saĸiumârput.

"nâlagfingmigdlo tássane takussaĸángilanga, Nâlagaĸ Gûte ajugaĸángitsoĸ savârardlo, tássa nâlagfigtâ" (sarĸ. 21, 22). Gûtip ínugtaisa atâtaĸ erneralo akornuteĸángitsumik najorsínáusavait. píngortitarssuarme, Gûtip suliaine inungnutdlo iliornerane ássinga issigiarssugtarparput; taimailigpatdle ulingmik avsseĸuteĸángitsumik kînarsiumârparput. kînâta sânut savssarumârpugut kînâtalo nâlangnássusia takuvdlugo.

tássane utertitat "ilisarssiumârput" sôrdlo "ilisarineĸarsimavdlutik." asangningnermik nuánaringningnermigdlo misigissutsit Gûtip nangminêrdlune tarnimut íkússugai tássane sagdiusuínerpâmik tusarnernerpâmigdlo tutsiúkumârput. ilagît iluartûssut minguitsumik peĸatigîngnerat, íngilit iluartut ilumôrtutdlo súkutdlũnît inûsimassut atissamingnigdlo savârĸap auanut erruisimassut asangnigtumik ilagineĸarnerat, katíngatit ilaĸutarîngnit ĸilangmiussunik nunamiussunigdlo katíngássutaussut - tamáko tamaisa ánagtut tipaitsûtigiumârpait.

tássane inuit toĸusuitsut tipaitsûtigiungnáisanago píngortitsissup tupingnartuliai ánáussissuvdlo asangníssusiata nalunartue isumaliutigísavait. akerĸamit perĸusersusârdlunilo igtangnerussumit atautsimitdlũnît ússernartorsiortitáusángitdlat Gûte puiorĸuvdlugo. pigínauneĸ sûssordlũnît ineriartortíneĸasaoĸ piúkúnautdlo sûssordlũnît nukigtorsagauvdlune. ilisimassagssanik pigiliússaĸarnerup erĸarsautit ĸasusásángilait nukigdlârtitsísananilo. sulíssutigissagssat angnertunerpât autdlarnigaussarumârput, pileriginerpaussat anguniagagssatdlo ĸutsingnerpât piviussúngortíneĸarumârput. taimáitordle tupingnartulianik nutânik alutorissagssaĸarumârpoĸ, sagdlusuíssutinik nutânik pigiliússagssaĸarumârpoĸ timimutdlo anersâmutdlo tarnimutdlo nutânik ilungersûtigissagssaĸarumârdlune.

silarssûp erdlingnartûtai tamaisa Gûtip utertitaisa akornutigssaĸángitsumik ilisimassagssarsiorfigisínaujumârpait. toĸujássuseĸ akornutiginago ĸasunángisáinartumik silarssuarnut nutânut ingerdlassarumârput - silarssuarnut inuit nâgdliungneránik issigissaĸarníkut aliasugfiusimassunut, tarnigdlivdlo atautsip nalunaerutigineĸarneragut tipaitsugtumik tugsiarfiusimassunut. navsuiagagssáungitsumik tipaitsûtigalugo nunamiut ĸitornaisa ajortuliúngisáinartut ilisimássusiáne tipaitsungneránilo ilagiumârpait. ukiut huntritigdlit tamaisa Gûtip agssaisa suliainik pâsissagssarsiorsimassut ilisimassáinik pigingneĸataujumârput. tagpîtdlisitaujungnaertumik píngortitat takoráníssusiat issigiumârpait - seĸernit, uvdloríssat silarssuitdlo aulajangersimassumik ârĸigssũneĸartumik Gûtiussup igsiavíssârssuanik kaujatdlaissut. tamardluínarmik píngortitsissumit atsiugáuput, anginerpânit mikinerpânut, tamardluínarnilo pissaunerata nâlangnássusia issigissagssauvoĸ.

nâgssáungitsup ukiue ĸângiússortitdlugit Gûtimit Kristusimitdlo sarĸúmersitat nâlangnarsiartordlutigdlo erdlingnarsiartorumârput. ilisimássutsivdlo sujumukarneratut, taimatútaoĸ asangningneĸ íkumárpoĸ, atarĸingníssuserdlo pivdluássuserdlo angnertusiartorumârput. inuit Gûtimik ilisimassaĸarnerujartortitdlutik píssusia atarĸinerujartorumârpât. Jîsusip utertitsinerup erdlingnartûtainik erdlingnangârtunik Sãtanimutdlo akiũnerssuarme sapîtsumik iliorsimanernik angmaugpatik utertitaussut ũmatimíkut sule ungagingningneruvdlutik kúkilagtarissanik kûltitigkanik nipilerssorumârput, ĸulinigdlo tûsintiligpait ĸulinik tûsintileriarsimassut tûsintiligpaitdlo tûsintileriarsimassut nipait únersiutigingningnerssuarmik agpitdlutik akiorîgkumârput.

"píngortitatdlo tamaisa ĸilangmilo nunamilo nunavdlo atâne ítut ímamĩtutdlo, táukualo ilulê tamaisa tusarpáka oĸartut: igsiavissârssuarme igsiassup savârĸavdlo pivdluarĸússut atarĸinautdlo nâlangnautdlo píssaunerssuardlo pigait nâgssáungitdluínartumik!" (sarĸ. 5, 13).

akiũnerssuaĸ inerpoĸ. ajortaerutdiunilo ajortuliortuerúpoĸ. silarssuaĸ tamarme minguitsûlerpoĸ. tipaitsungneĸ nuánaringningnerdlo píngortitarssuarme tamarme tigdlernertut malungnarpoĸ. tamanik píngortitsissumit inũssut, ĸáumarĸut tipaitsungnerdlo silarsssûp kigdleĸángitsumik nâlagauvfianut autdiararput. sût tamarmik, atomimit mingnerpâmit uvdloriarssuarmut angnermut, ûmássusilingnit ûmássuseĸángitsunut tamarmik minguitsumik píníssutsimíkut nãmagdluínartumigdlo tipaitsungnermíkut mána nalunaerpât: