Gutip inungnut asangníssusia

ígortitarssûp avativtínĩtup agdlagkatdlo iluartut Gûtip asangníssusia nalunaiarpât. atâtarput ĸilangmiussoĸ inûnerup, ilisimássutsip tipaitsungneruvdlo puilavfigât. ĸimerdlũkit tupingnangârtut píningârtutdlo píngortitarssuarme avativtínĩtut, takuvdlugulo ĸanoĸ tupingnartigissumik nãmagtitaussut inuit píngortitatdlo ûmássuseĸartut avdlat tamarmik pissariaĸagait pivdluarnigssâtdlo nâpertordlugo. seĸínarik sialugdlo nunamik tumánguersaissartut, ĸáĸat, ímat narssatdlo píngortitsissup asangníssusia nalunaiarpât. Gûtip-una píngortitane tamaisa tunissarai uvdlut nungutdlugit pissariaĸagáinik. tugsiauslortoĸ kussanavigsurnik oĸarpoĸ (tugs. 145, 15. 16):
»tamarmik issait ilingnik utarĸíput,
ivdlitdlo nerissagssainik tunissarpatit nagdliutarângat.
agssatit magperdlugit ûmassut tamaisa ĸârsitdlartitarpatit nuanarineĸartumik.«

Gûtip inuk pingortipâ ivdlernardluínartûtitdlugo pivdluarnermigdlo nãmagtumik peĸartitdlugo; píngortitsissuvdlo nunarssuaĸ inermago toĸũssartoĸaranilo toĸussoĸángilaĸ, perdlorĸussauniminínguamik takugssaussoĸángilaĸ. Gûtip-una inatsisânik unlorĸutitsinerup nagdlingnarsineĸ toĸulo nagsatarigai. agdlâtdlo erdloĸíssutitigut ajortip kingunerissaisigut Gûtip asangningnera sarĸúmersarpoĸ. agdlagsimavoĸ Gûtip nuna perdlorĸugâ inuk píssutigalugo. 1 Môrs. 3, 17. kakitdlarnaĸutitdle naussupiluitdlo, ajornartorsiutit erdloĸinartutdlo inuit inûneráne nâgdliûtinik isumakulûtinigdlo pilersitsissártut atortugssautitáuput. ilaugínarput Gûtip sujunertarissânut aserornermit nikanarsagaunermitdlo ajortikut nákarfigissãnit ĸaĸíkumavdlugit. nauk inuit ordlugaluartut aliasungnerinaĸ nagdlingnarsinerdlo kisîsa pigssaríngilait. píngortitsissup nangmineĸ nalunaerfigâtigut neriûtigssaĸartoĸ tugpagdlersautigssaĸardlunilo. kapinartut naussortánguaĸartarput kakitdlarnaĸutitdlo rûsat matôrsimavait.

»Gûte asássutauvoĸ,« taima agdlagsimassarpordlusôĸ ineritugssânguane sivkertune tamane ivínguanilo naulersune tamane. tingmíssat alianaitsut siláinarme nuánârpalugtumik ĸardlortartut, naussut ĸalipautigigsârtut tipigigsut, orpigssuit ĸorsorigsumik pilutagdlit - tamarmik Gûtip asangníssusia atâtatutdlo isumagingningdluássusia nalunaerpât, nalunaerpâtdlo táussuma piumassarigâ inuit pivdluartíkumavdlugit.

Gûte ĸanoĸ píssuseĸartoĸ oĸausiata samúmersípã. asangningninilo kigdleĸángitsoĸ isumagssuíssutsilo nangmineĸ nalunaersimavâ. Môrsise ĸinungmat: »nâlangnarssutsit takunâraait!« Nâlagaĸ akivoĸ: »ajungissusera taillât kĩnavit sâgut sarssomujumârpara." 2 Môrs. 33, 18. 19. Nâlagkap nâlangnarssusia tamássa. Nâlagkap Môrsise sarssúpâ suaordlunilo: "Nâlagaĸ, Nâlagaĸ Gûte nagdligtuissoĸ sáimaussoĸ, kamajuitsoĸ isumagssuingârtoĸ ilumûngârtordlo, isumagssuinermik pissartoĸ tûsintilingnut, ajortulianigdlo pinerdlungnernigdlo ajortuliautsiningdlo isumákîssoĸ.« 2 Môrs. 34, 6. 7. tãuna "kamajuipoĸ isumagssuingârdlunilo.« »pinerdlungnernik isumákîssoĸ." Jûn. 4, 2. Mika 7, 18.

Gútip ingminut atássuteĸartípâtigut nalunaerĸutit amerdlangârtut ĸilangme nunamilo pissartut avĸutigalugit. sarĸúmerfiginiarsimavâtigut píngortitarssuákut avativtínĩtúkut nunamilo katíngássutitigut ĸajangnarnerpaussutigut asangningnerpaussutigutdlo inuit ũmataisa nalúngisaisigut. taimáitordle táukua asangníssusia tamákíngitdluínardlugo takutípât. nauk Gûtip asangníssutsimigut nalaunaerĸutit tamáko túniuterêraluarai, akerĸap inuit tagpîtdlísisimavai Gûte ĸiviartalersitdlugo sujôravdlutik, sáimarsaruminaitsututdlo takordlûlersitdlugo. Sâtanip inuit ima súnerpai Gûte takordlûlersitdlugo inugtut sukangnersorssuartut, akîtsugaĸarfigtut nãmagissagssíkuminaitsutut. píngortitsissoĸ nivtarniarpâ ĸasusuitdlune pigáussiuartutut inuit támarnerinik kúkunerinigdlo navssârniardlune pitdlautigssáinik piumavdlugit. oĸautigingningneĸ ajortoĸ tamána pêrumavdlugo Gûtivdlo asangníssusia soraiuitsoĸ sarĸúmiúkumavdlugo Jîsuse nunamut maunga tikiúpoĸ inuitdlo akornáne najugaĸalerdlune.

Gûtip ernera ĸilangmit amarpoĸ atâtaĸ nalujungnaersítsíssutigísavdlugo. »Gûtimik takungnigtoĸángisáinarpoĸ; ernituaĸ atâtap sânĩtoĸ táussumínga nalunjungnaersitsissûvoĸ.« »avdlap atâtaĸ ilisaríngilâ ernerup kisime erneruvdlo nalunaerfigiumassaisa." Juán. 1, 18; Mat. 11, 27. ajoĸersugkat ilât Jîsusimut oĸarmat: »atâtaĸ takularput,« akivoĸ: »taima sivisutigissumik najorivse ilisaríngilinga, Pilípo-â? uvavnik takungnigtup atâtaĸ takuvâ; sôk tauva oĸarpit: atâtaĸ takularput?" Juán. 14,8.9.

Jísusip nuname suliagssane oĸautigigamiuk oĸarpoĸ: »Nâlagkap anersâta ĸulangerpânga, taimáitumik tanípânga îvankîllo oĸalûtigerĸuvdlugo pîtsunut; autdlartípânga autdlarússaussut tordlulavfigerĸuvdlugit iperarneĸarnigssamik tagpîtsutdlo tagpigsinigssamik nâgdliugtitaussutdlo autdlarterĸuvdlugit pineĸâsaersitdlugit." Lúk. 4, 18. tamássa Jîsusip suliâ. angalavoĸ ajúngitsullordlune tamaisalo Sâtanip nâgdliugtitai ajorungnaersitdlugit. igdloĸarfingnik taissagssaĸarpoĸ nápáumik erdloĸíssutinigdlo pîaivfigissaussunik Jîsuse tássanĩsimangmat náparsimassutdlo tamaisa ajorungnaersísimavdlugit. suliaisa nalunaiarpât Gûtimit tanitausimassoĸ. asangníssuseĸ sáimáuneĸ nãkigtarajungnerdlo ĸanoĸ illornerine tamane ersserput. ũmatimigut asavdIugit inuit ĸitornait misigeĸatigingârtarpai. ĸanoĸ-íssusiat ativâ pissariaĸagáinik pigssarsiumavdlugit. pîtsut nikanarnerpâtdlo ornísavdlugo sujôragíngilât. agdlât mêránguit kajungeralugo misigissarput. nuánarât sardliartitdlutik kínâ isumallomuteĸarpaloĸissoĸ asangningneratalo saimangârtitâ isigísavdlugo.

Jîsusip oĸauseĸ sagdlusuíssutaussoĸ atausĩnardlũnît nipangiutĩnarneĸ ajorpâ, nungutdlugitdle asangnigtumik oĸauserissarpâ. nungutdlugit nalerĸutumik ĸatdiangaitsũngitsunigdlo oĸauseĸartarpoĸ ĸarssupĩngíssuserdlo inugsiarnernerup pia inungnik ilaĸarnermine takutítuardlugo. inugsiarningisainarpoĸ sukangnersunigdlo oĸauseĸángisáinardlune pissariaĸartínago. tarneĸ malugtajassoĸ pissariaĸángitsumik ánersítángilâ. ilumôrtûssârneĸ, ugpíngíssuseĸ nâpertuivdluángíssuserdlo agssuarnartutut erĸartũtarpai, issaile imerdlârsissarput agssuardliutine sukangnersut oĸautigissarângamigit. Jerusalât ĸíssatigâ, igdloĸarfik asassane ingminigdle avĸutaussumik, sagdlusuíssutaussumik inũssutaussumigdlo ilagsingningkumángitsoĸ. ajagtorpât ánáussissertik, asangningtumigdle nagdligingnigtumik issigissarpai. inûnera ingminik tunutdliútuarneruvoĸ ĸasusuitsumigdlo avdlanik isumagingnigdluarnerínauvdlune. tarnit tamarmik issaine erdlingnaĸaut. Gûtiússutsip atarĸinássusia pigigaluardlugo Gûtip ínugtai tamardluínaisa asangningnerpâmik misigíssuseĸardlune ĸiviartarpai. inuit tamaisa tarnitut ordlusimassutut nangminerdlo ánáuniagagssamisut issigai.

taimáipoĸ Kristusip píssusia inûnerane sarĸúmersoĸ; tamánalo tássauvoĸ Gûtip píssusia. atâtavmiuna ũmatânit Gûtiussup nagdligtuíssusia Kristusíkut sarĸumersoĸ pikialârtuartoĸ inuit ĸitornainut. Jîsuse ánáussissoĸ asangningtoĸ, nãkigtarajugtoĸ Gûtiuvoĸ »uviníkut samúmersoĸ«. l Tim. 3, 16.

Jîsuse inûsimavoĸ ániarsimavdlunilo toĸuvdlunilo uvagut ánáuniardluta. alianartorpagssuit túniuvfigai tipaitsũmik nâgssáungitsumik pigssarseĸataorĸuvdluta. Gûtip iluarâ erne asanartoĸ sáimáunermik sagdlusuíssúmigdlo peĸangârtoĸ silarssuarmit taigssáungitsumik nâlangnássuseĸartumit arĸásassoĸ silarssuarmut ajortimit âtsugauvdlunilo aserugaussumut, perdlorĸussaunerup toĸuvdlo târtitãnut. iluarâ atâtame asangnigtup sâva ĸimagdlugo arĸásassoĸ - táuna íngilit patdlorfigissât - kángunarsagauneĸ, mítautigissauneĸ, nikanarsagauneĸ, ĸíngarssugauneĸ toĸulo atoriartordlugit. »pitdlaut táussumúnga tugtoĸ erĸigsíssutigârput, ikîlo ajorungnaerutigâvut." Is. 53, 3. 5. ĸimerdlôruk Gûtip ernera inoĸajuitsume, Gethsîmanime sáningassulingmilo. Gûtip ernerata ivdlernartup ajorte erssugpâ. Gûtimik atausloĸatigingnigsimassup tarnimigut misigâ avigsârtitauvdluínarneĸ ánilârnartoĸ Gûtip inuitdlo akornáne ajortip pilersítagâ. tamatuma erdloĸingârdlune imáitumik nivdlertariaĸalersípâ: »Gûtiga, Gûtiga! sôĸ ĸimagpinga?« Mat. 27, 46. ajortip oĸimáissusiata, ajússusianik misiginerata, tarnip Gûtimit avigsârtitauvdluínarneranik misiginerata - tamatuma Gûtip ernerata ũmatâ seĸumípâ.

pigdliutdle tamána angingârtoĸ pigdliutigineĸángilaĸ inungnik asangningneĸ atâtap ũmatâne itersarniardIugo ánáusserusulersíniardlugulũnît. nâgga, nâgga! »silamiúme Gûtip ima asatigai ernitue túniutdlugo." Juán. 3, 16. atâtap asavâtigut pigdliut angingârtoĸ táuna píssutiginago pigdliutigssardle túniúpâ asagamisigut. Kristuse akúnermiliutúvoĸ, táussumûna atâtap asángníssutse soraiuitsoĸ silarssuarmut ordlusimassumut kuisínaulersimavâ.

Gûtivme Kristusime silamiut ingminut sáimáunartípai. 2 Kor. 5, 19. Gûtip erne aniaĸatigâ. Gethsîmanip nautsîviane toĸumut sujôranerane Golgathamilo toĸuane ánernartuligssurme asangningnermigut nâgssaungitsúkut utertitaunigssavta akigssâ akilerpâ.

Jîsuse oĸarpoĸ: »tamána pivdlugo atâtap asavânga, inûnera iperaravko kingumut pigilísavdlugo." Juán. 10, 17. imaipoĸ: »atâtama ima asatigâse agdlât sule asanerulerdlunga inûnera túniukavko ánáuniardluse. ilivsínut sivnîssúngorama ĸimâvfiulerdlungalo, inûnera túniutdlugo pissûtitaunigssarsilo unlorĸutitsinersilo uvavnut pisitdlugit, sule atâtavnut asanarnerulerpunga: pigdliutivkut Gûte nâpertuivdluartísagame Jîsusimutdlo ugpertoĸ pissûtitagssaujungnaersitdlugo."

Gûtip ernerata kiserdluínarme aniguisitaunermik pigssarsisísínauvâtigut, tássame atâtap sânĩsimassup kisime nalunaiáissutigisínaungmago. Gûtip asangníssusiata portússusianik itíssusianigdlo ilisimangnigtup kisime nalunaiáissutigísínauvâ. pigdliutip soraiuitsup inuit ordlusimassut pivdlugit Kristusip nãmagsissâta kiserdluínarme najunaersínauvâ inuiaĸatigîngnut tamanut atâtap asangníssusia.

»silamiut Gûtip ima asatigai ernitue túniutdlugo." Juán. 3, 16. inuit akornane ajortai erssugdlugit inûnigssáinarmik pigdliutigissãtutdlo tuníngilâ, túniúpâle erĸardlerîngnut ordiusimassunut.

Kristusip inuit soĸutigissartagaisigut pissariaĸagaisigutdlo ássigivdluínalísavai. Gûtimik atausloĸatigingnigsimassoĸ ĸilerutinik kigtorángisáinásassunik inungnut atalersimavoĸ. Jîsusip kángusûtigíngilâ ĸatángutiminik táisavdlugit. Epr. 2, 11. pigdliutigârput igdlersuissoralugulo ĸatángutigalugulo. inugtut issíkorput atâtap igsiavíssârssuata sânut savssáupâ, ukiunilo nâgssáungitsune erĸardlerît utertitane atausloĸatigai; inûp erfierâ. tamákulo tamaisa nãmagivai inuit aserornermit nikanarsagaunermitdlo ajortip kingunerissânit ĸaĸíneĸardlutik Gûtip asangningnerata ássinganik ingmingne peĸalerĸuvdlugit tipaitsungneranigdlo iluássusianigdlo peĸatigilerĸuvdlugo.

utertitaunigssarput pivdlugo akiussup - atâtap erne uvagut pivdluta toĸorĸuvdlugo túniúkamiuk pilersitâta - pigdliutip soraiuitsup, pâsisísavâtigut ĸanoĸ-ítúngorsínaussugut Kristusíkut. apustilip Juanasip ilaĸutaríngnut támartunut atâtap asangningnerata portússusialo itíssusialo silíssusialo ĸimerdlôramiuk mianeringningârnermik tugsiarusungnermigdlo ulivkârneĸarpoĸ. oĸautsimik nãmagturnik navssârneĸ saperpoĸ Gûtip asangníssusia angíssusialo kináussusersiúngíssusialo oĸautigísavdlugo. taimáitumik silamiunut ĸimerdlôrĸuvâ. oĸarpoĸ: »ata, atâtap asangârmatigut Gûtip ĸitornainik taineĸásagavta.« 1 Juán. 3, 1. ila, Gûtip inuit iluatigeĸai! unlorĸutitsiníkut inuit ĸitornait Sâtanimut ínugtaulerput. Kristusip pigdliutânut sáimáunartitsissumut ugperníkut Adamip ernere Gûtimut ernerusínaulerpugut. Kristusip inuit ĸanoĸ-íssusiat atigamiuk inuiaĸatigît ivdlernarsarpai. inuit ordlusimassut imáisínaulerput Kristusimut túniúníkut ilumut asuliungitsumik taineĸarsínaulísavdlutik Gûtip ĸitornainik.

asangníssuseĸ taimaitoĸ naleĸangilaĸ. ĸilaup kúngiata ĸitorfiai - nerlorssûtip angíssusia. erĸarsautigingnigdluta itinerpâmik ĸimerdlûgagssarput tássa Gûtip silarssuarmik ingminik asangníngitsumik asangníssusia! erĸarsaut taimaitoĸ tarnimut silagtorsautauvoĸ erĸarsautitdlo tamaisa tigussarissutut ilivdlugit Gûtip piumassâta atânut pisítardlugit. Gûtip asangníssusia sáningassugdlip ĸaumanerane ĸimerdlôrĸigsârnerujartoruvtigo erssaringnerussumik takujartorumârparput ĸanoĸ sáimáunera isumákêrfigingningneralo akuneĸartut iluarnermik nâpertuivdluarnermigdlo anânap ĸitornaminik támarsimassumik isumagingningârneranik ĸângîssoĸ.