ĸinunerup pivdluarĸússutaunera

Gûtip oĸalugfigissarpâtigut píngortitarssuákut oĸautsimigutdlo sarĸúmersitákut, sujulerssuinermine ingerdlatitsinermigut anersâmilo súnîneragut. tamánale nãmángilaĸ. ãma uvagut ũmativut táussumúnga imaiartariaĸarpavut. anersãkut inûneĸarumavdluta nukeĸarumavdlutalo atâtarput ĸilangmiussoĸ atássuteĸarfigivdluartariaĸarparput. isumavtigut táussumúnga kajungersitaunermik malugisínauvugut, suliai, sáimáunera pivdluarĸussineralo erĸarsautigisínauvavut, tamánale - erĸordluartumik oĸásagáine - táussumínga oĸaloĸatigingningnerúngilaĸ. Gûte oĸaloĸatigísaguvtígo inûnerpiarput pivdlugo oĸausigssaĸarfigissariaĸarparput.

ĸinuneĸ tássa Gûtimut ũmat angmardlugo ikíngúmutdlusôĸ. taimailiornigssaĸ pissariaĸarmat Gûte ĸanoĸ íssutsivtínik nalunaerfigissariaĸaravtigo píssutáungilaĸ, kisiáne ilagsiniásagavtigo. ĸinunerup Gûte uvavtínut atertíneĸ ajorpâ, uvagutdle táussumúnga kivítarpâtigut.

Jîsusip nunamĩkatdlarame ajoĸersugkane ĸanoĸ ĸinussarnigssãnik ilíniartípai. ajorssautigissait tamaisa Gûtimut erĸartortarĸuvai uvdlut tamaisa aliasûtaitdlo tamaisa táussumúnga pisítarĸuvdlugit. ĸínutivdlo tusarneĸarnigssânik neriorssûtâ uvavtínútaoĸ neriorssûtauvoĸ.

Jîsuse nangmineĸ mânĩkatdlarame akulikitsumik ĸinussarpoĸ. ajornartorsiornivtigut sángĩnivtigutdlo ánáussissivta peĸatigivdluinalerpâtigut; ĸinuníkut atâtaminit nukigssartârĸingniartarpoĸ suliaríngitsûgagssaríngisame nãmagsinigssainut piarêrsarneĸarumavdlune misiligauneritdlo nagdliutilersut anigordluarumavdlugit. tamane ássiginiagagssarârput. sángĩssutsivtíne ĸatángutigârput uvavtitut tamatigut misiligaussartoĸ; ánáussissûgamile ajorteĸángitsoĸ, ajortoĸ ĸimagtertarpâ. sorssungârneĸ tarníkutdlo erdloĸíssuteĸangârneĸ mâne silarssuarme ajortilingme atortariaĸarpai. píssusiata inuínarpalugtup ĸinuneĸ píngitsôrsínautínagulo pivdluarĸuneĸarnermik pigssarsisítarpâ. atâtaminik oĸaloĸatigingningneĸ tugpatdlersarneĸarfigalugulo tipaitsugtineĸarfigissarpâ. ánáussissoĸ Gûtip ernera ĸinorusússusermik misigissarpat, ĸanoĸ tauva angnerutigissumik inuit sángîtsut, ajortigdlitdlo ĸinunerup ilungersortup kipisuitsuvdlo pissariaĸássusia misigísángínerpât.

atâtavta ĸilangmiussup pivdluarĸussinerme nãmagtineranik tuniumajumârpâtigut. pivdluarĸussauvugut asangningnerata soraiuitsup puilassuanit imingârsínautitauvdluta. tupingnássusiame pissarnivtínit angnerussumik ĸinussángínavta! Gûtip ĸitorname nikanarnerit ĸínutait ilumôrtut ilungersortutdlo tusarumátuínarpai. taimaitordlo ĸaĸutigôrpatdlârtumik kajumĩpatdlârtumigdlo Gûte ajorssautivtínik oĸalugtũniartarparput. ĸanormitauva ĸilaup íngilîsa inuit nãkinartut, sapeĸissut, ússernartunik tamalânik atugaĸartartut, taimáitordle lma ĸinussangitsigissut imalo ugpernikitsigissut, ĸanormitauva erĸarsautigissarpait, Gûtip asangningnerata soraiuitsup ũmatâta nagligingmagit ĸínutigisínaussáinitdlo isumaliutigisínaussáinitdlo angnerussumik tunísavdlugit piarêrsimavdlune? íngilit nuánârdlutik Gûtip sâne sikissarput; erĸânĩnertik nuánârutigingârpât. Gûtip inôĸatiginera pivdluautitut angingârtutut issigât. taimáitordlo sôrdlûko ivssuínaussut iĸiorneĸarnermik Gûtip kisime túniúsínaussânik nauk pissariaĸarnerungâraluardlutik sôrdlûko amigauteĸarsoríngitsut inũsavdlutik anersâp ĸaumassuanik peĸarnatik, Gûtip nangmineĸ ilagingningnera najuineralo piginagit.

ĸinuneĸ ajortut târtumik Sâtanip pianik pôrsimáput. akerĸap ússîniarnerisa issertortut ajortimut kajumigsârtarpait, tamákulo tamarmik patsiseĸarput pivdluarĸússutinik Gûtip iluarsáussinine atordlugo ĸinunerme túniússainik iluaĸuteĸarniangingmata. sôrme Gûtip ernere panîlo ĸinunermut kajumĩsápat ĸinuneĸ ugpernerup agssaine matuersautaugpat ĸilaup torĸorsivînik ajugaĸángitsup ikiûtigssausivianik imaernaviángitsunik magpîssartoĸ? ĸinussartuángíkuvta erĸumaniarĸigsãngikuvtalo navianartorsiorpugut soĸutigigtaitsúngorsínauvdluta avĸutivingmitdlo nigorsínauvdluta. akeraĸ sáimáussissup igsiavíssârssuata tungânut avĸúme akornusersuiniartuaraluarpoĸ ĸinuníkut ilungersortúkut ugpernikutdlo ússerneĸarneĸ ikiorsínaulerdlugo nukigssarserĸunata. nãmagsiniagagssaĸarpoĸ ĸavsînik Gûtip ĸinunivtinik tusardlunilo akinigssânik isumavdlualersinata. táukua ilât sujugdleĸ tássa táussumánga ikiortariaĸássuserput misigisimásagigput. neriorssuisimavoĸ: »imermik kuissiumârama ĸilalersunut, ĸordlortumigdlo panertumut." Is. 44, 3. iluarnermut kâgtut imerusugtutdlo Gûtimutdlo erinissut ĸularisangilât ajorssautimingnik ĸârsitdlartineĸasavdlutik. Gûtip pivdluarĸussinera pigssarsiarisínáusagáine ũmat anersâp súnînigssânut angmassariaĸarpoĸ.

ajorssautigissaĸássuserssuavta ingmine pissariaĸássuserput sákortûmik nalunaerpâ; kisiáne Nâlagaĸ ujartariaĸarpat; pissariaĸagkavtínik ĸínuvigissariaĸarparput. oĸarpoĸ: »ĸinugitse, písause tauva.« ãmalo: »táussumame erne agdlât erdligíngilâ, túniúpâle tamavta pivdluta; sôĸ tauva táussumúnga ilángutdlugit tamanik tunísángínerpátigut?« Mat. 7, 7. Rûm. 8, 32.

ũmativtíne ajortunik erĸarsauteĸaruvta, ajorte sianigissaraluarput tigúmĩnaruvtigo Nâlagkap tusásángilâtigut. kisiáne tarnip perĸigsimissup, manigũtup ĸínutâ tusartuínarpâ. kúkunerit sianigissavut tamaisa ârĸerêruvtigik ĸularísángilarput ĸínuterput Gûtip akísagâ. uvagut asangningnivta Gûtip sáimáneranik pigssarsitísínáungilâtigut. Jîsusip-una nãmagsissáinaisigut ánáuneĸarsínaussugut. uvagutdle sulíssutigissagssarârput píngitsôrata táussuma maleruagagssarititai maleruarniásavdlugit.

ĸínutip kinguneĸarnigssânut nãmagserĸâgagssaĸ tássa ugpernigssaĸ. »Gûtimut ornigútup ugperissagssaringmago táunaussoĸ ujardlersinilo akilerumârai.« Jîsuse ajoĸersugkaminut oĸarpoĸ: »sunalũnît písavdlugo ĸínutigiguvsiuk piumârigse ugpersínaritse, tauva písavarse." Epr. 11, 6; Mak. 11, 24. oĸausia tamána ilumut ĸularíngínerparput?

neriorssût angivoĸ kigdleĸartitaunanilo, únersuissordlo ilumôrpoĸ. ĸínutigissavut piumavfigpiavtigut píngíkaluaruvtigik taimáitoĸ ugpísaugut Nálagkap tusarâtigut ĸínutivutdlo akiumârdlugit. sujuneĸángitsûgavta ûngáinánguardlo issigissardluta uvavtínut iluaĸutaujumãngitsumik ilãne ĸínutigissaĸartaraluarpugut, atâtavtalo ĸilangmiussup asangningnermigut ĸínutivut akissarpai - uvavtínut iluaĸutaussugssamik tunivdluta - nangminêrdluta kigsautigiumasínaussaraluavtínik issivut Gûtimit ĸáumarsarneĸarsimagaluarpata sût tamaisa ĸanoĸ íssuserpiait pâsivdlugit issigisinauvdlugit. ĸínutivut akineĸángitsûssâraluarpata neriorssût aulajangiútariaĸarparput, pivfigssarme nagdliutíngísángingmat ĸínutivta tusarneĸarfigssât pivdluarĸuneĸarnermigdlo ajorssautiginerpaussavtínik tunineĸarumârdluta. ĸínutivdle mãnákorpiaĸ kigsautigissavtitut tusarneĸarnigssânik piumassaĸarneĸ sorĸusaitsuliorneruvoĸ. Gûte ilisimavatdiâĸigame kúkusínáungilaĸ, ajúngípatdiâĸigamilo ilumôrtumik saĸissut erdligûtísángilai. taimáitumik táussumúnga perĸúsavdlutit sujôrássutigssaĸángilatit uvnit ĸínutivit ernĩnârtumik akineĸarneránik takussaĸángíkaluaruvit. neriorssûtâ aulajaitsoĸ tatigûk: »ĸinugitse, písause tauva.«

ugpernigssarput uvatsêratdlaruvtigo ĸularnerput sujôranerputdlo apererĸâratdlarniartutut itdlugit, imalũnît súnguit uvavtínut erssarigdluángitsut erĸarsarníkut pâsivdluarĸigsârĸârniardlugit, tauva ajornartorsiutivut ilaneĸáinardlutigdlo angnerulĩnásáput. Gûtimutdle ornigúkuvta ikiortigssaerútutut táussumúngalo atajumalersutut píssusivigput erĸordlugo, ugperníkutdlo manigũtúkut tatigingnigdluartúkutdlo ajorssauterput nivtardlugo táussumúnga kigdleĸángitsumik ilisimassumut, táussumúnga tamanik nalúngitsumut tamanigdlo piumassamigut oĸautsimigutdlo sujulerssuissumut, tauva táussuma tordlulanerput tusarsínáusavdlugulo tusarumásavâ ĸaumassordlo ũmativtínut ĸíngortíkumásavdlugo. ĸínuníkut ilungersordluarníkut Gûte ítuínartoĸ inôĸatigilersarparput. ímaĸa mãnákorpiaĸ sumik ingmíkut ítumik ĸularnavêrĸutigssaĸángíkaluarpugut ánáussissivta kînâta nagdligingnigdlune asangnigdlunilo uvavtínut sangmineranut, taimáitordle ilumut taimáipoĸ. timíkut ítumik agtuinera ímaĸa malugíngikaluarparput, agssâtale patísimavâtigut asangnigdlune misigingneĸatigingârdlunilo.

Gûtimut ornigúkuvta sáimáunermigdlo pivdluarĸussinermigdlo ĸínuvigalugo, uvagut nangmineĸ ũmativtíne asangningnerup isumákêrfigingningneruvdlo anersâvat pigissariaĸarparput. kanoĸ ĸinusínauvugut: »akîtsugkavtínigdlo isumákêrfigigivut, sordlo uvagútaoĸ isumákêrfigigivut akîtsortivut«(Mat. 6, 12) taimáitordlo isumákêrfigingnigkumángitsumik isumaĸardluta? nangmineĸ ĸínutivta tusarneĸarnigssânik neriúsaguvta taimatorpiaĸ angnertutigissumik isumákêrfigerĸússutivta ássinganik inoĸativut isumákêrfigissariaĸarpavut.

ĸinuníkut nikatdlujuíneĸ ĸínutip tusarneĸarnigssânut ãma píssutigssáusaoĸ. ugperníkut misigissagssatigutdlo agdllartorumaguvta ĸinútuínartariaĸarpugut. ĸinuníkut »ĸasusuitariaĸarpugut.« »ĸinugitse ĸasusuitdluse erĸumaniardlusilo ĸujassardluse.« Pîtrusip ugpertut oĸarfigissarpai: »emumaniardlutik pîtaiuitdlutigdlo ĸinussamuvdlugit.« Rûm. 12, 12; Kul. 4, 2; l Pîtr. 4, 7). Pauluse oĸarpoĸ: »nungutdlugit kigsautigissase Gûtimut naiunaersigik tordlulavdluse ĸinuvdlusilo ĸujavdlusilo.« Jûtarse oĸarpoĸ: »ilivsile, asanartuse ukorsê ... ĸinussardluse anersãkut ivdlernartúkut Gûtimut asanartítuínaritse.« Fil. 4, 6; Jût. 20, 21. ĸinútuínarneĸ tássa tarnip Gûtimik peĸatigingnigtuarnera inûneĸ Gûtimit pissoĸ uvagut inûnivtínut kûgdlune, minguínerdlo iluarnerdlo inûnivtínit Gûtimut kingumut utertardlune.

ĸinuníkut ĸasusuínigssaĸ pissariaĸarpoĸ. tamatumúnga sûvdlũnît akornusernavêrdlisit. tarnivit Jîsusimik peĸateĸarnera atatítuarniaruk ilungersordlutit. sunalũnît pivfigssariniartaruk avdlat ĸinunerme katerssorneĸarnigssãnut. Gûtimik inôĸatigingningnermik ilungersordlutik ujardlersut ĸinokatigîgtunut aggertarumârput nikatdlujuítumigdlo suliagssartik nãmagsissarumârdlugo. pivdluarĸússutinik pisínaussamingnik tamanik pivdluamuneĸarnigssamik ilungersordlune erinineĸ nivtarumârpât. sunalũnît pivfigssaĸ tamât ujartarumârpât ĸilaup ĸíngornerinit sarĸagaussume ĸeĸarumavdlutik.

ilaĸútavta akornáne ĸinussariaĸarpugut tamanitdlo puiornago issertortume ĸinunigssarput. tamáname tarnip ûmavfigâ. tarneĸ sáimáunerme agdllartorsínáungitdluínarpoĸ ĸinussángíkune. tamanut samumissumik imalũnît ilaĸútat akornáne ĸinunerínaĸ nãmangilaĸ; kisimîtdlune úmat Gûtip issainut arajutsiveĸángitsunut angmartariaĸarpoĸ. issertortume ĸínut Gûtip ĸínutimik sianigingnigtup kisime tusartariaĸarpâ. siutit arajutsiniángitsut kigsautigissat tamáko arajutsissariaĸardlugitdlo tusartariaĸángilait. issertortume tarneĸ avatiminĩtut sunînigssaraluánit akornusersuinigssaraluánitdlo nigorsimassarpoĸ. erĸigsisimavdlune ilungersordlunile taline Gûtip tungánut isáutarpai. súnîneĸ táunaujuartoĸ ĸilangmit pissoĸ issertortumut issigissumit ĸinutinigdlo ũmámit ĸagfartunik tusâssumit malungniúkumârpoĸ. ugpernikut nipaitsúkut, ĸanilártukut tarnip Gûte inôĸatigâ ĸíngornernigdlo Gûtip pînik Sâtanimut sorssungnermine nakússagsautigalugitdlo atatíneĸautigissaminik katerssivoĸ. Gûte patdligtailissarârput ĸajangnaitsorssuaĸ.

issertortume ĸinussarit ũmatitdlo ĸinunerme Gûtimut ĸutdláutardlugo uvdluínarne sulivfingne sulissarângavit. taimailivdlune Enûp Gûte inôĸatigâ. ĸínutit malungnaitsut tamáko Gûtip igsiavíssârssuata sânut ĸúmukartarput pigdliutitut akisûtut itdlutik. taima ũmatimigut Gûtimik tatigissalik Sâtanip ajugauvfigisínáungilâ.

nalunaeĸútap akúnerata ĸanoĸ ilineranik najugkamigdlo navssâgssaĸángilagut ĸínúmik Gûtimut ĸutdlartitsivigssautíneĸángitsumik. Akornusîssugssaĸángilaĸ ũmativut ilungersortumik ĸinuvdluta Gûtimut ĸutdlartísaguvtigik. avĸusinerme inugpagssuit akornáne sulinivtalo nalâne Gûte ilitsersûtemuvdluta ĸínuvigisinauvarput, sôrdlo Nehemiap kúngimut Artaxerxesimut ĸínutigissane naiunaerâ. inínguaĸ Gûtimik oĸaloĸatigingnigfigssaĸ sumĩkaluardlutalũnît nanisínauvarput. ũmativta matua angmatítuartariaĸarparput Jîsusilo isemuvdlugo tarnivtínilo ineĸamuvdlugo ĸilangmit tikerârtitut.

nauk ímaĸa ajortunik aserortunigdlo inôĸateĸaraluardluta taimáitoĸ siláinât toĸunartulik najũssortariaĸángilarput. ĸilaup siláinâ minguitsoĸ inûvfigisínauvarput. matut tamaisa matusínauvavut isúmat mingugtût erĸarsautitdlo iluaitsut mátutdlugit tarneĸ ĸinunerme Gûtimut ĸutdlautdlugo. táussumánga ikiorserneĸarnigssamut pivdluamuneĸarnigssamutdlo ũmatait angmassut nunarssûp siláinânitivdlernarnerussume ûmajumárput; ĸilangmiunik inôĸatigingnigtuarumârpugut.

Jîsusip erssaringnerussumik issigineĸalernigssâ nâgssáungitsuvdlo ĸanoĸ iluatingnartigíssusianik pâsingnigdluarnigssaĸ amigautigâvut. iluássutsip pínersautáinik erĸarsauteĸarnermik Gûtip ĸitornaisa ũmatait imaĸartariaĸarput, tamánalo pisínaorĸuvdlugo Gûte ĸínuvigissariaĸarparput ĸilaup pînik sarĸúmersitsivigerĸuvdluta.

isúmat angmaruk pavungalo sâtitdlugo Gûtimut ĸilaup pînik ilangîserĸuvdlutit. uvavtínut ajornángilaĸ Gûte ima ĸanigtigísavdlugo súkutdlũnît ilimagingísamik misiligauníkut erĸarsautivut táussumúnga tupingnángitsumik sâgsínaulersitdlugit sôrdlo naussoĸ seĸinermut sâgtartoĸ.

ajorssautitit, nuánârutitit, aliasûtitit, isumakulûtitit sujôragissatitdlo Gûtimut nivtartákit. artorssísínáungilat, ĸasutísínáungilat. niaĸungne nutsangnik kisitsisimassoĸ ĸitorname pissariaĸagainik soĸutigigtaitsũngilaĸ. »Nâlagaĸ nagdligtuivoĸ isumagssuingârdlunilo.« Jâk. 5, 11. aliasûtivut agdlãme taigínaruvtigik ũmatâ asangnigtoĸ kivdlingneĸásaoĸ. erĸarsautíkut nanertûtigissatit tamaisa nagsardlugit ornigtaruk. sunalũnît táussumúnga oĸimaipátdlãngilaĸ erssúsavdlugo silarssuit tamaisa atatíkamigit silarssuaĸ tamât nâlagkersordlugo. sunalũnît ĸanoĸ mikitigissoĸ erĸigsinigssavtínut túngassoĸ táussumúnga sûsupaginartũngilaĸ. sunalũnît inûnivta ingmíkôrtua ĸanoĸ târtigigaluartoĸ atuartarpâ. sunalũnît artornartorsiut tamât artornarungnaersíneĸ sapíngilâ. ĸitornaisa nikanarnerssât ajunârnermik naláuneĸarsínáungilaĸ, tarneĸ sujôranermik erdloĸissuteĸalersínáungilaĸ, tipaitsũmik ĸĩmagsarneĸarsínaunane, ĸínûmik ilungersortumik ĸínuteĸarsínaunane atâtavta ĸilangmiussup arajutsissânik ernĩnardlo soĸutigíngissânik. »aserortersimassumik ũmatigdlit katsorsartarpai, ániarissaitdlo mátusersarpai.« tugs. 147, 3. Gûtip tarnivdlo akornáne píssuseĸ ima nalunángitsigalunilo nãmagdluartigaoĸ sôrdlo táunáinavik pivdlugo Gûtip erne asassane túniúsimagâ.

Jîsuse oĸarpoĸ: »nagdllugpat ativkut ĸinujumârpuse, oĸarfigíngilavsilo atâtamut ĸínúkumavdluse; atâtavme nangmineĸ asavâse« »uvanga ĸinigarâvse ... atâtap tunìsangmase sumigdlũnît ativkut ĸínuvigiguvsíne.« Juán. 16, 26. 27; 15, 16. Jîsusivdle arĸane ĸinuneĸ imaigínángilaĸ ĸínutip autdlartínerane nâneranilo ateĸ táuna taigínásavdlugo. imáipordle ĸinúsavdlune Jîsusip isumâ anersâlo pigalugit únersûtailo ugperalugit, sáimaunera tatigalugo suliarerĸussailo nãmagsivdlugit.

Gûtip piumassaríngilâ ardlarput kinalũnît kiserdllornialísassoĸ mátútúngordlunilũnît silarssuaĸ ĸimagdlugo Gûte kivfartũniardlugo. inûneĸ Kristusip inûneratut ísaaĸ - issertortune ĸinuneĸ inuitdlo akornáne sulineĸ avdlamik suliaĸarane ĸinunerínarmik pissoĸ taimailiortarnerminik asôrússiumârpoĸ, imalũnît ĸínutai ilerĸuínaussutut píssuseĸalerumârput inuk inoĸatiminik inôĸateĸarniarungnaerângat kristumiututdlo suliagssaminik erdloĸíssutigssaminigdlo nigorteriniartúngorângat, nâlagkaminik erĸiasueĸalune ingminik sulíssússiumassumik kivfartũssiniarungnaerângat eĸiasuitdlune, tauva ĸínutâ táussumúnga pingârtitagssaussumik imaĸarungnaertarpoĸ ĸinunigssamutdlo píssutigssaerutardlune. ĸínutai nangminigssáinainut nangminĩnardlo iluaĸutigssainut túngassúngortarput; inuit ajorssautait Kristusivdlũnît nâlagauvfiata sujumukarnigssâ nâlagkavdlunît suliame nukigssaĸartitsinigssâ ĸínutigisínaujungnaertarpai.

Nâlagkap suliarititâ pivdlugo ingmivtínik nakússagteĸatigîngniardluta ĸĩmagsarniardlutalo katerssoĸatigîgtarungnaeruvta angisôrssuarmik ánaissaĸásaugut. oĸausîsa sagdlusuíssusîsa uvavtínut erssaríssusertik isumagissartigdlo ánáisavait. ũmativut táukua súnîneránit iluarsiartortitsissumit ĸáumarsarneĸaratigdlũnît itertíneĸásángitdlat anersãkutdlo inûnerput sángîtdliartúsaoĸ. kristumiutut inôĸatigîngnivtíne misigeĸatigĩngípatdiârnivtigut ánaissaĸartaĸaugut. avdlanut patdligssaunane pissup Gûtip suliarerĸussâ nãmagsíngilâ. avdlanik inôĸateĸartugssaunivtínik nãmagtumik ineriartortitsisimaguvta inoĸativtínik soĸutigingningnermik misigeĸatigingningnermigdlo tamána súnĩsaoĸ Nâlagkamilo kivfartornerme nakússagtitssutut atúsavdlune.

kristumiut katerssũtaraluarunik Gûtivdlo asangningnera utertitauneruvdlo sagdlusuíssutai akisungârtut erĸartoĸatigîgdlugit nangmingneĸ tumánguersagáusagaluarput tumánguersaĸatigîgdlutigdlo. uvdlut nungutdlugit atâtavtínit ĸilangmiussumit ilíniarnerussariaĸarpugut sáimáuneralo pivdlugo misigissagssamik katerssuivdluta; tauva asangningnera erĸartorusulísavarput, taimailioruvtalo nangmineĸ ũmativut kíssalilerdlutigdlo ĸĩmagsarneĸautigssarsísáput. ingmivtínik mingnerussumik oĸalûserissaruvta Kristuse erĸartorneruvdlugo ĸaníssusia angnerungârtumik misigísavarput.

Gûte uvavtínik isumagingníssusianik misigissarnivtitut akulikitsigissumik erĸarsautigissaruvtigo erĸarsautivtínîtítuásagaluarparput erĸartorneralo nersorneĸarnigssâlo nuánarísagaluardlugo. nunap pê oĸalûserissarpavut soĸutigigavtigik. ikíngutivut erĸartortarpavut asagavtigik; nuánârutivta aliasûtivtalo najortarpait. Gûtile ikíngutivtínit nunamiussunit asanerúsavdlugo píssutigssaĸangârpugut, tupingnángitsumigdlo silame mâne Gûte erĸarsautivtíne tamane sagdllutítariaĸarparput ajúngíssusia oĸalûserísavdlugo píssauneralo nalunaiaitigísavdlugo. uvavtínut tuníssutaisa angingârtut sujunertaringilât erĸarsautivtigut asangningnivtigutdlo tigugaluardlugit nangmineĸ Gûtimut tuníssutigssaerutdluta písassugut. tuníssutaisa táussumínga erĸaisítuartariaĸarpâtigut asangningneruvdlo ĸujaniarneruvdlo katíngássutainik ajúngitsuliortivtínut ĸilangmiussumut atássuteĸarniardluta. nunap pê sũngitsut erĸarsautivta uníngavigivatdiârtarpait. issivut ârdlortítigik ivdlernarnerpâp matuinut angmassunut pavane, Gûtip nâlangnássusia ĸaumanerata Kristusip kînânik ĸáumarsaivfianut. »avĸutigalune Gûtimut pissut nâvdluínarsimassumik ánáusínauvai.« Epr, 7,25.

Gûte nersornerussariaĸarparput »isumagssuinere pivdlugit, inuit ĸitornaine tupingnartuliai pivdlugit.« tugs. 107, 8. ĸinussarnivut imaigínásángitdlat ĸinuvdlune tigusivdlunilo. pissariaĸartuvut erĸarsautigiuáinaĸinatigik; ãmátaoĸ pivdluarĸússutit pissavut erĸaissartigik. ĸinuvatdlãngilagut, kisiáne ĸujaniartángípatdlâĸaugut. Gûtip sáimáuneranik pineĸartuarpugut. kisiáne ila ĸujaniarnerput sarĸúmersíngípatdiârtarparput uvavtínutdlo iliornera pivdlugo nersúngípatdiârtardlugo.

ĸangarssuaĸ Israilíkut nâlagiarnermut katerssorângata Nâlagaĸ oĸartarpoĸ: »tássanilo nerísause Nâlagkap Gûtivse sâne tipaitsugdlusilo ilivse inoĸutisilo agssavse isumagissait tamaisa pivdlugit Nâlagkap Gûtivit pivdluarĸungmagit." 5 Môrs. 12, 7. Nâlagkamut nâlangnautigssautíniagaĸ nuánârdlune únersiutigingnigdlunilo ĸujavdlunilo suliarissariaĸarpoĸ aliasungnane nikatdlungássuteĸaranilo.

Gûterput atâtauvoĸ nagdligtuissoĸ sáimaussordlo. kivfartũnera artornartutut ilungersornartorsiornartututdlo issigineĸartariaĸángilaĸ. Nâlagkamik patdlorfigingningneĸ suliarerĸussânilo suleĸatauneĸ kajungernartûtíneĸartariaĸarpoĸ. Gûtip ĸitornane ánáuneĸarnermik ima angitigissumik pigssitane ima suilemungilai sôrdlo sukangnersorssuarmik erĸoruminaitsorssuarmik nâlagaĸartut. táukunúnga ikíngutauvdluarnerpauvoĸ, patdlorfigissarângánilo najorumavai pivdluamujumavdlugit tugpatdlersarumavdlugitdlo ũmataitdlo nuánârnermik asangningnermigdlo ímerumavdlugit. Nálagkap ĸitornane ingminik kivfartũssinermik nuánâruteĸartamuvai suliaremussaminigdlo sulíssutigingningnerat artornartorsiorfiunerunane kajungernartorsiorfiuneromuvdlugo. piumassarâ ingminut patdloriartordlutik ornigútut ĸimagúsínáusassut isumagssuingârnine pivdlugo nuánerdluartunik erĸarsauteĸardlutik asangningnermigdlo uvdlut tamaisa suliagssamingne ĸĩmagsautigssamingnik pigssarsisimavdlutik sáimáunersisimavdlutigdlo tamane ilumôrtumik ilungersortumigdlo iliorsínaulerdlutik.

sáningassulik iluvdlugo katerssũtariaĸarpugut. Kristuse táunalo sáningassulingmut kikiagtugaussoĸ ĸimerdlûinivta túngavigissariaĸarpât ũmativtalo nuánârutaisa angnerssarissariaĸardlugo. pivdluarĸússutit Gûtimit pissavut tamaisa erĸarsautivtine pigissariaĸarpavut, asangningnerssualo erĸarsautigissarângavtigo pináinata tamaisa agssangnut pivdluta sáningassulingmut pâgússaussunut perĸúsavavut.

únersiutigingningnerup sulue atordlugit tarneĸ ĸilangmut patdligúnerusínauvok. ĸilaup inaine tugsiarnermik nipilerssornermigdlo Gûte nersorneĸarpoĸ, ũmativtalo táussumúnga ĸujaniarnerat oĸautigissarângavtigo ĸillangmiorpagssuit nersuineráne peĸatigissarpavut. »kujaniutinik pigdlîssup nâlangnartípânga,« oĸarpoĸ Nâlagak. píngortitsisserput savssarfigalugo atamingningârdluta nuánângardlutalo »ĸujaniutitdlo tugsiautitdlo nipáinik.« tugs. 50, 23; Is. 51, 3.