ĸularnek

Pingârtumik kristumiutut inûlerdlât akornáne ĸavsît erĸarsautinit ĸulartunit nanertorneĸartáinarput. bîbilimĩtut ilarpagssue navsuiarneĸ pâsinerdlo sapertarpait, tamánalo Sâtanip iluagtíniartarpá agdlagkat iluartut Gûtip sarĸúmerneratut issigerĸunagit. aperissarput: »ĸanoĸ avĸut erĸortoĸ lilisimasínauvara? ilumut bîbile Gûtip oĸauserigpago ĸanoĸ tauva ĸularnermit nalorninermitdlo aniguisíneĸásangilanga ?«

Gûtip ĸularnavêmutigssamik ugpernivta túngavigisínaussânik tuninata ugpísassugut piumassaríngisáinarpâ. ilumut Gûteĸarnera, táussuma, oĸausîsa sagdlusuíssusiat ĸularnavêrĸutitigut silarput atordlugo pâsisínaussavtigut aulajangersagáuput, taimáitorpagssuaĸarpordlo. Gûtivdle inuit ĸularsínaunerat tamákerdlugo pĩngilâ. ugpernivta ĸularnavêmutigssat túngavigísavai takugssaussunik túngaveĸásanane. ĸularusugtut taimailiorfigssarsiumârput sagdlusuíssúmigdle ilisarssiumavdluartut ĸularnavêrĸuigssanik nãmagtunik ugpernermik túngavigisíaussáinik navssârumârdlutik.

inungnut toĸujassunut ajornardluínarpoĸ nâgssáungitsûssup píssuserpiâ suliailo nãmagtumik sujunersísavdlugit. erĸarsatdlarĸingnerpaussumut, silaĸassuseĸarnerpaulersimassumut ivdlernartûssoĸ táuna nalunássusermik pôrsimajuásaoĸ. »Gûtip ujartariai nanisínauvigit? ajugaĸángitsup kigdlisioriâ tikitdlugo navssârsínauvit? ĸilaup ĸutsíssusia tamássa. ĸanoĸ iliúsavit? unerivfingmit itinerussoĸ tamássa; suna ilisimaviuk?« Jûp. 11, 7. 8.

apustile Pauluse oĸarpoĸ: »ata, Gûtip pisũssusiata ilisimaneratalo ilissarssineratalo itíssusiat; erĸartũssinerisa kigdligssáungíssusê avĸutaisalo sujunersígssáungíssusê.« naugdle »nuiap tarrajugtuvdlo ilugát" taimáitoĸ »nâpertuivdluarneĸ erĸartũssutdlo. .. igsiavfiata ĸilâgdlup aulajangerfigai.« Rûm. 11, 33; tugs. 97, 2. uvavtínik ingerdlatitsinera súnerneĸautitdlo ĸanoĸ iliorsínáussutigissartagai ima pâsitigisínauvavut píssauneĸ isusigssáungitsoĸ takusínaulerdlugo. sujunertarissai ilisarisínaussarpavut uvavtínut ajoĸutigssáungitsup iluane, táukulo avãtanĩtut pivdlugit tatigísavarput agssak ajugaĸángitsoĸ, ũmat asangningnermik ulivkârtoĸ.

sôrdlo pilerfiat Gûtiussoĸ ítoĸ taimatut oĸausê nalunartunik toĸujassumit pâsivdluínarneĸarsínáungitsunik imaĸartarput. ajortip silarssuarmut tikiúnera, Kristusip inuínángornera, makáneĸ avdlarpagssuitdlo bîbilime erĸartorneĸartut issertugáuput silaĸássusianut navsuiásavdlugit imalũnît nãmagdluínartumik sujunersísavdlugit itivatdiârtut. Gûtivdle sujulerssuinermine issertortue pâsisínáungíkaluardlugit oĸausê ĸularutigísavdlugit patsisigssaĸángilagut. píngortitarssuarme sujunersisínáungisavtínik avatangerneĸarsimajuarpugut. inûneĸ nikanarneĸ agdiât nalunartoĸarpoĸ isumaliomigsârniap silaĸarnerup agdiât nalunartuiarsínáungisainik. tamagingne tupingnartut sujuneĸarssutsivta inugait pissarput. tauva tupigusûtigísanerparput ãma anersât silarssuãne issertugaĸarmat sujunersisínáungissavtînik? ajornaĸutaussoĸ inûp sujuneĸássusiata nukitdiângassusianîgînarpoĸ kigdleĸássusianîgínardlunilo. Gûtip agdlagkane iluartune pilerĸârneĸ ingminit pissoĸ pivdlugo nãmagtumik ĸularnavêrĸutigssaĸartípâtigut, oĸausîlo ĸularutigissariaĸángilavut sujulerssuinerata issertortue pâsisínáungínavtigik patsisiginiardlugo.

apustile Pîtruse oĸarpoĸ agdlagkat iluartut pâsineĸ ajornartunik ilaĸartartut ilíniarsimángitsut aulajangersimángitsutdlo eĸutitáinik. .. nangmingneĸ aserûtigssamingnik. 2 Pîtr. 3, 16. ajornartorsiornartut bîbilimĩtut inungnit ugpíngitsunit tíkuarneĸartarput bîbilimut akerdliussutut, taimaerĸajaratigdle tamatuma akerdlianik Gûtip pilerfiússusianut ĸularnavêrĸutáuput sákortût. bîbile Gûte pivdlugo avdlanik nalunaiauteĸarnane ajornángitsúnguamik pâsisínaussavut kisîsa imarigaluarunigit, tássûnalo angíssuserssua nâlangnássusialo toĸujassunut sujunersigssaugaluarpata, tauva bîbile Gûtimit pilerfeĸarneĸ pivdlugo kúkujuitsumik nalunaiauteĸásángíkaluarpoĸ. sarĸúmiússaine inornartorpagssuit nalunartutdlo agdiât tunissariaĸarpâtigut bîbile Gûtip oĸausiatut ugpererĸuvdlugo.

bîbilip sagdlusuíssut navsuiarpâ ima sagdlaitsigissumik imalo inûp ũmatâta ajorssautânut erininerinutdlo nalerĸutitauvdluínartigissumik agdiât inuit ilisimanerpât uisâtdlagtingârdlugitdlo tupigusugtingârdlugit, mássa nikanartut ilíniagaĸángitsutdlo pisínãngortíkine ánangnerup avĸutâ nanisínaulersitdlugo. taimáitordlo tailla naiunángitsúnguamik sarĸúmersitai sagdlusuíssutip pê ima ĸutsigpalugtigaut, ima angnertutigissumik sangmiveĸardlutik imalo inûp pâsingnigsínauneranut inornartigalutik kisiáne aitsât ugperisínáungoravtigik tássa Gûtip sarĸúmiússaringmagit. taima ánangnigssap iluarsáunera sarĸúmerdlugo sâvtínut ilineĸarpoĸ kimutdlũnît Gûtimut sângniarumassumut Nâlagkavtínutdlo Jîsuse Kristusimut ánáuneĸarumavdlune ugperumassumut avĸutigssaĸ Gûtip únersũssutâ takusínaulersitdlugo. táukule sagdlusuíssutit taima ajornángitsumik pâsineĸarsínaussut atãnĩput issertugkat uligtut itdlutik nâlangnássutsimik issertuissut - issertugkat isúmap pâsiniainerane artorssîssut taimáitordlo inuk kinalũnît sagdlusuíssúmik ilumôrtumik ilungersortumigdlo sagdlusuíssúmik ujardlersoĸ nâlangnartitsingâlersitdlugulo ugperneĸalersítardlugulo. bîbile kigdlisinerujartortitdlugo ĸularungnaersitaunerujartuínásaoĸ Gûtip inũssutaussup oĸauserigâ, inûvdlo silaĸassusia sikísaoĸ Gûtip sarĸúmernerata nâlangnássusia sikivfigalugo.

oĸaravta bîbilip sagdlusuíssutai angingârtut nãmagtumik pâsisínáungíkivut, nalunaiautaugínarpoĸ inûp isumaliorĸutáta Gûtiússusermĩtut pâsineĸ inorai; inûp sujunersissaĸarnermigut kigdliligaussúkut Gûtip nalussaĸángitsup sujunertarissai pâsisínáungíkai. gûteĸarumángitsut ĸulartutdlo Gûtip oĸausia ajagtorpât issertortue tamaisa sujunersisínáungínamíkik, agdiâtdlo bîbilimik ugperingningneraraluartut ilarpagssue tamatumane navianartorsiúngitsũngitdlat. apustile oĸarpoĸ: »misigssoritse, ĸatángutíka! ajortumik ugpíngitsumigdlo ũmateĸartoĸarũnase Gûtimut ûmassumut nâlagkungnaersumik.« Epr. 3, 12. ajúngitdluínarpoĸ bîbilip ajoĸersûtai iluamik kigdlisiniásavdlugit »Gûtivdlo itissusê« (1 Kor. 2, 10) ĸimerdlũsavdlugit agdlagkane iluartune sarĸúmersitaunerat tamákerdlugo. taimáitordle »issertugkat Nâlagkap Gûtivta pigai,« sarĸúmersitatdle »uvagut ĸitornavtalo pigâvut nâgssáungitsumik." 5 Môrs. 29,29. Sâtanivdle suliarâ inuit kigdlisiniaisínáussusiat iloĸíssiortítardlugo. pingârniarneĸ bîbilip sagdlusuíssutainik ĸimerdlûinermut akuliútaraoĸ; atuartut taimáitut nãmagigtaitdlivdlutigdlo nikatdlungaiersardlutik agdlagkat iluartut ilait nãmagissagssamingnik navsuiarsínáungítarângamíkik. táukunúnga makitanavêrsautauvatdiârtarpoĸ oĸautsit Gûtip anersâmigut túniússai pâsisínáungíkitik ilisarilerdlugo. nãmagigtardlutik utarĸisínáungitdlat Gûtimit pissariaĸarfiagut sagdlusuíssúmik sarĸúmîvfigineĸarnigssamik tungânut. isumaliorput inugtut ilisimássusĩnartik nãmagtoĸ agdlagkat iluartut pâsinigssãnut, tamánalo iluagtíngitsôriarângamíko agdlagkat iluartut atarĸissariaĸángínerartarpait. ilumôrpoĸ taimáisangatitsinerpagssuit ilisimaniuterpagssuitdlo ĸavsînit bîbilimit pissûsorineĸartartut agdlagkane iluartune túngavigssaĸartûssángínerat. tamáko ĸavsêrssuit ĸulalerneránut pâtsivêrúneránutdlo píssutaussarput, Gûtivdle oĸausiata tamána pissũssutigíngilâ. tamána Gûtip oĸausia eĸutitdlugo inungnit navsuiarneĸartarneranik píssuteĸarpoĸ.

píngortitanut Gûtimik oĸausianigdlo pâsingnigdluarnigssap anguneĸarnigssâ ajornángíkaluarpat, tauva tamána angussarângássuk avdlamik sagdlusuíssúmik naniniagagssaerutísagaluarpoĸ, ilisarssiníkut sujumukarfigssaerutdlune, anersãkut ũmatíkutdlo ineriartorĸeriartorfigssaerutdlune. Gûte tamanit pingârnerpaujungnáisagaluarpoĸ inugdlo ilisarssinerup ineriartorneruvdlo kigdlingánik angussisimassoĸ sujumukarnermine unísagaluardlune. Gûte ĸutsavigisigo taimáingingmat. Gûte nâgssáungitsûvoĸ. »táussumane pisũssutit ilisimássutsip ilisarssineruvdlo pê tamarmik issertugáuput.« Kul. 2, 3. inuit kigdlisiniaivdlutigdlo ilíniarsínáuput nâgssáungitsumik, taimáitordle táussuma ilisimássusiata pisũssutai, ajúngíssusia píssauneralo imáingisáinásavdlugit.

Gûtip sujunertarâ oĸautsime sagdlusuíssutai agdiât matumane ínûnerme ínugtaminut angnertusiartuínásassut. atausĩnákut ilisarssineĸ tamána anguneĸarsínauvoĸ. anersãkut oĸautsimik túniússissúkut ĸáumarsarneĸarnivtigut aitsât Gûtip oĸausê sujunersísavavut. »Gûtip ilumiugissai kialĩuît ilisimángilai, Gûtip anersâta kisiáne.« »anersâvme sût tamaisa kigdlisiortarpai Gûtip itíssusînut agdiât.« ánáaussissuvdlo maligtine neriorssorsimavai: »anersârdle saglusuitsoĸ ivna tikiúkune táussuma ilumôrnermut tamarmut tasíssersũkumârpâse.« ... »ilivsínut oĸautigissagssane pivnit písagamigit." 1 Kor. 2, 11. 10. Juán. 16, 13. 14.

Gûtip piumassarâ inuit sujuneĸarníkut pigínáussutsitik atúsagait, bîbilimigdlo kigdlisiniainerup ilíniarneĸarsínaussunit avdlanit angnerungârtumik isuma ĸagfarsarumârpâ. taimáitoĸ silarssuaĸ sualugtorssuarmik pingârtilernavêrsãsavarput inûp sángĩssusiata ĸajangnássusiatalo ilagingmago. agdlagkat iluartut sujuneĸássutsivtínut pâsiumináingínigssât kigsautigiguvtigo agdiât sagdlusuíssutit ersserĸingnerit pâsissagssaujungnaernigssát piumángíkuvtigo tateĸarneĸ piuaitsoĸ mêrángûp pigissartagâ pigissariaĸarparput ilíniarumássuseĸardluta anersâvdlo iluartup ikiuinigssânik ĸinussardluta. Gûtip ilisimássusianik píssauneranigdlo uvagutdlo táussuma angingãssusia pâsísavdlugo píkoríssuseĸángínivtínik misiginivta manigũssusermik ulivkârtariaĸarpâtigut, oĸausîlo magpertásavavut mianeringningârdluta kînâta sânut savssaiersutut. bîbile atuásagângavtigo ĸutsingnerussumik nâlagtariaĸartoĸarnera ugperísavarput, ũmatdlo sujuneĸássuserdlo sikigtariaĸarput. ûmúnga angingârtumut: »uvanga tássauvunga.«

ĸavsît artornartûsorinaraluartut pâsigssauvdluángitsûsorinaraluartutdlo Gûtip taima pâsingnigdluartunut erssarigsúngortitdlugitdlo nalornináitsúngortíkumârpai. anersávdle iluartup tasíssersuinera pínago agdlagkat iluartut mumigtôrteriarsínaujuarpavut kúkussumigdlo navsuiarsinaujuardlugit. ĸavsêrssuit bîbile atuartarpât iluaĸutigssarsivfiginago, ĸavsêrssuartigutdlo atuarneĸ taimáitoĸ agdiât ajoĸutigssáinaussarpoĸ. Gûtip oĸausia magperneĸartarângat mianeringníssuseĸarnane ĸinorĸârneĸaranilo, erĸarsautitdlo ũmatdlo Gûtimĩnatik piumassânutdlo nâpertũnatik, tauva isuma ĸularnerup isorterêrtarpâ ugpíngínerdlo nakússagtĩnararaoĸ bîbilip nangmineĸ kigdlisiniarneĸarnerane. akerĸap erĸarsautit nâlagauvfigilerarai navsuiautitdlo erĸortũngitsut akulerútarai. inuit oĸautsimikut suliamíkutdlo Gûtimut nâlángíniartarángamik agdlagkanik iluartunik pâsinerdluinigssât ilimanartuartarpoĸ ĸanordlũnît ilisimassorssûtigissaraluarângamik navsuiainerilo tatigivdluínásavdlugit navianardlune. agdlagkat iluartut ingmingnut agssortũtunik oĸausertarsiordlugit atuartartut anersãkut ítutigut sujuneĸángitdlat. issigingningnermik kúkussumik peĸardlutik ĸularnermut ugpíngínermutdlo túngavigssarpagssuarnik pâsidarnluaraluartune erssarigdluaraluartunilo takuniarumârput.

ĸanordlũnît issertorniartigigaluaráine ĸularnermut ugpíngínermutdlo píssuterpiaĸ amerdlanerpâtigut tássa ajortimik asangningneĸ. Gûtip oĸausia ajoĸersûtait inerterĸutaitdlo ũmatip angneruniartup ajortuliorumatûvdlo nuánarineĸ ajorpai, inuitdlo Gûtip oĸausîsa piumassáinut nâlagkusúngitsut táukua ugpernássusiat ĸularnarsíniartarpait. sagdlusuíssúmik ilisarsserĸuvdluta ilumôrtumik ilungersortumigdlo kigsautigissariaĸarparput sagdlusuíssut ilisariumavdlugo ũmativtigutdlo piumavdluásavdluta nâlagkumavdlugo. taimailivdlutik bîbilimik kigdlisiniaissut nãmagtumik ĸularnavêrĸutigssanik navssârumârput Gûtip oĸauserigâ, sagdlusuíssutainigdlo ilisarissaĸarumârput pivdluartugssáussutigssamingnik.

Kristuse oĸarsimavoĸ: »kinalũnît táussuma piumassânik iliorumassoĸ misigísavoĸ ajoĸersût Gûtimit pisimanersoĸ.« Juán. 7, 17. akerdlilîniarneĸ pâsíngisangnigdlo kúkunersiuiniarnak ĸaumassoĸ ilingnut ĸíngorêrsoĸ piarêrsimavfigissariaĸarpat; tauva ĸaumassumik anginerussumik tunineĸásautit.

Kristusip sáimáuneragut nãmagsissagssaĸ sianigiligkat tamât nãmagiuk. tauva nãmagsissagssat mãna nalorníssutigissaraluatit pâsivdlugitdlo nãmagsisínãngorumârpatit.

ĸularnavêrĸutigssaĸarpoĸ tamanut ilisimanerpâmit ilíniarsimángínerpâmut sarĸúmersitaussumik, tássalo misigissat ĸularnavêrĸutaunerat. Gûtip ĸaerĸuvâtigut oĸautsime asuliúngíssusiat, neriorssûtime ilumũssusiat nangminêrdluta misilerĸuvdlugo. misiligdlugulo takorĸuvâ Nâlagaĸ ajúngitsûssoĸ. tugs. 34, 9. avdlat oĸausînik túngaveĸarniarnata nangmineĸ misiligtariaĸarparput. oĸarpoĸ: »ĸinugitse, písause tauva.« Juán. 16, 24. neriorssûtai nãmagsineĸarumârput. uniorsimángisáinarput; uniúngisáinásáput. Jîsusimut piguvta asangningneratalo nãmagtíneranik nuánâruteĸalerdluta, tauva ĸularnerput târsiornerputdlo pêrumârput kînâta ĸaumarnanit.

apustile Pauluse oĸarpoĸ: »Gûtip târtup píssauneranit aniguisípâtigut ernermilo asassame nâlagauvfianut nûtitdluta.« Kul. 1, 13. kinalũnîtdlo toĸumit inûnermut nûtitausimassoĸ nalunaiaisinauvoĸ: »Gute ilumôrtoĸ." Juán. 3, 33. nalunaiaisínauvoĸ: »ikiortariaĸaĸalunga Jîsusime ikiorneĸarpunga. ajorssautíka tamarmik túniúneĸarput; tarniga kâgkungnaersitauvoĸ, mãnalo bîbile Jîsusip Kristusip uvavtínut sarĸúmernerilerpâ. aperivarma sôĸ Jîsusimut ugpertunga? tássa ánáussissigigavko Gûtimit pissoĸ. sôĸ bîbile ugperigiga? tássa nalujungnaeravko Gûtip tarnivnut oĸalungnerigâ.« uvavtíne nangminivtine nalunaiaut una pigisínauvarput bîbile sagdlusuíssutaussoĸ, Kristuse Gûtip ernerigâ. nalúngilagut oĸalugtuáinât silatusârutaussut maleruángíkivut.

Pîtrusip ĸatángutine oĸaorĸigsârpai: »Nâlagarput ánáussisserput Jîsuse Kristuse ilisimajartordlugo sáimáuneĸarfigiartorĸuvdlugo.« 2 Pîtr. 3, 18. Gûtip ínugtai sáimáunerme agdliartorunîk oĸausê erssaringnerussumik pâsiartúsavait. ĸaumassoĸ kusanássuserdlo sagdlusuíssutaine ivdlernartunĩtoĸ nutaussumik takulerumârpait. ilagît ingerdlausiáne taimáituarsimavoĸ, naggatigssâlo tikitdlugo taimáituásaoĸ. »iluartut ingerdlaviata ássigâ ĸaumassoĸ akisugtoĸ, ĸáumarigsiartortoĸ uvdloĸ nãmagtitserdlugo.« úss. 4, 18.

ugperníkut silarssuaĸ piumârtugssaĸ sujumut issigisínauvarput Gûtivdlo neriorssûtâ ilisarssiníkut agdliartornigssaĸ pisâriniardlugo, inûp pigínáussusê pigínáussutsitdlo Gûtip pê kátutíneĸarumârmata tarnivdlo pigínáussusê tamarmik ĸaumassup puilavfianut agtûmássuteĸalersíneĸarumârdlutik. nuánârutigisínauvarput Gûtip sujulerssuinermigut ingerdlatitsinerane uvavtínut târtutut ísimagaluartut erssarigsiumârmata; pâsineĸ ajornakusôrtut pâsinarsisíneĸarumármata sujuneĸássutsivtalo kigdliligaussup pâtsivêrúnerput kúkussumigdlo sujunertaĸarnertut issigissaine kusanardluínartumik nãmagdluínartumigdlo nikinganeĸángíssuseĸ takujumârdlugo. »mãnákut issigissaĸarpugut tarrarssûtíkut nalunartúkut, kisiáne kînarsivdlugo issigissaĸarumârpugut. mãnákut iláinaussumik ilisarissaĸarpunga, kisiáne ilisarssivdluarumârpunga sôrdlo uvanga ilisarivdluarneĸarsimassunga.« 1 ĸor. 13, 12.