Nâlagkame tipaitsungneĸ

Gûtip ĸitornai ĸaemuneĸarput Kristusimut autdlartitáusavdlutik Nâlagkavdlo ajúngíssusia sáimáunerdlo nalunaiaitigísavdlugo. sôrdlo Jîsusip uvavtínut atâtap ĸanoĸ íssuserpiâ samúmersísimagâ, taimatut uvagut Kristuse silamiunut asangningneranik nãkingnigtumik ilisarssíngitsunut sarĸúmerniásavarput. Jîsuse oĸarpoĸ: »sôrdlo silamiunut autdlartíkingma, taimatut uvanga silamiunut autdlartípáka.« »uvanga táukunanîtdlunga ivdlitdlo uvavnîtdlutit ... silamiunut ilisaremuvdlunga autdlartíkingma.« Juán. 17, 18.23. apustile Pauluse ajoĸersugkaminut oĸarpoĸ: »ilivse tássa Kristusip agdlagai« »inungnit tamanit ilisarineĸartut atuarneĸartutdlo.« 2 Kor. 3, 3. 2. ajoĸersugkane tamaisa atordlugit Jîsusip agdlagkane silamiunut autdlartípai. Gûtip ĸitornarigpatit ãmátaoĸ agdlagautigátit ilaĸútangne, igdloĸarfingme, avĸusinerme najugarissangne. Jîsusip ũmatingne ineĸartup ingminik ilisarssíngitsut ũmatait oĸalugfigiumavai. ímaĸa bîbile atuartángíkât nipilũnît táussumûna ingmingnut oĸalugtoĸ tusásanago. Gûtip asangningnera suliaine takúngilât. Jîsusivdle kivfarigpatit ilumôrtoĸ ímaĸa ivdlit avĸutigalutit ajúngíssusia pâsilerumârât asasínaulerdlugulo kivfartũsínaulerdlugulo.

krisumiut ivertitauput ĸilangmut avĸúme ĸáumamusissartũsavdlutik. ĸaumassoĸ Kristusimit ingmingnut ĸíngortoĸ silarssuarmut akisuatítuínásavât. inûnerat píssusiatdlo imáitûssariaĸarpoĸ avdlat Kristuse kivfartũneralo pivdlugo taukunatigut erĸortumik pâsissagssaĸarsínáusavdlutik.

Kristusimitdlo ajoĸersugauvdluaruvta kivfartũnera kajungernartutut sarĸúmersíniasávarput sôrdlume ilumut taimáitoĸ. kristumiut isumamíkut nikatdlunganermik aliasungnermigdlo ulivkârtut oĸauserigsâratigdlo nimârtut avdlat Gûte pivdlugo kristumiututdlo inûneĸ pivdlugo erĸúngitsumik isumaĸalersísínauvait. avdlat ima isumaliulersísínauvait Gûte ĸitorname pivdluardlutik inûnigssãnik iluarissaĸángitsûssoĸ, tássûnákutdlo atâtarput ĸilangmiussoĸ erĸúngitsumik nalunaiautigât.

Sâtane ĸĩmagtarpoĸ Gûtip ĸitornai ugpíngínermut nuánãngínermutdlo pisísinaussarângamigit. Gûte tatigíngíkigput ánautísavdlutalo piumanera píssauneralo ĸularutigigivut takussarângamiuk nuánârtarpoĸ. isumaliorĸugaluaĸâtigut Nâlagkap sujulerssuinermine atortitamigut ajoĸuserniarâtigut. Sâtanip suliâ tássa Nâlagaĸ inugtut nãkingníssuseĸángitsutut nagdligingníssuseĸángitsututdlo sarĸúmersíniardlugo. sagdlusuíssut mumíniartarpâ erĸarsautitdlo Gûte pivdlugo isúmanik uniorsimassunik ilaniartardlugit. atâtarputdlo ĸilangmiussoĸ pivdlugo sagdlusuíssut erĸarsautiginiásagaluardlugo Sâtanip erssersitsiniarnere erĸúngitsut ĸiviamajâgajugpatdiârtarpavut Gûtilo tatigingníngínivtigut mâlârnivtigutdlo mitagdlugo. kristumiutut inûneĸ Sâtanip sapíngisaminik nikatdlornartûtíniartuarpâ. ilungersuanartutut ajornakusôrtorsiornartututdlo issíkoĸamugaluarpâ. kristumiup nangmineĸ inûnermine kristumiússuseĸ taima píssuseĸartutut nivtarângamiuk Sâtanip sagdluliûtai ugpíngínermigut maligagssiuinerdlungnermigutdlo tapersertarpai.

sujumut ingerdlaniarnerme amerdlavatdiârtut kûkunitik, misilîgaluarnitik iluagtíngitsôrtut pakatsinitigdlo unigfigivatdiârtarpait, taimáitumigdlo táukua ũmatait aliasungnermik sapĩssusêrúnermigdlo ímerneĸartarput. Europamîtitdlunga mátûtumit arnamit taima pisimassumit isumakuloĸissumitdlo agdlagarsivunga. oĸautsinik tugpatdlersautaussunik uvavnut oĸauseĸarfigitsiarĸuvoĸ. agdlagai atuarêrdlugit únuame singnagtulerpunga nautsîvingmîtdlunga, nautsîviuvdlo pigingnigtorigunagâta nautsîvingme angalaoĸatigânga. naussunik nutsuivunga tivkatdlo tipaitsûtigalugo. tauva túussuma mátátup arnap sanivne ingerdlaĸataujuardlune uparuartûtilerpânga kapinartulingnik akornutigissaminik. ĸeĸarpoĸ isumakulugdlune aliasoĸalunilo. avĸusinínguaĸ sujulerssortivta avĸutigissâ atuarnago kapinartut naussupiluitdlo akornatigôrpoĸ. »alianaĸ,« anersârulugpoĸ »ajússusia, nautsîvitsiarssûp alianáissusia kapinartut aserorpât.« tauva sujulerssorterput oĸarpoĸ: »kapinartut unigtĩnákit; kapivfigĩnaĸinavatit, rûsatdlo assorutitdlo nutsúsavatit.«

misiligtagkatit pivdluarnartunik ilaĸángitdluínarnerpat? uvdlunik ĸaumassunik Gûtip anersâta ilingne suliainik nuánârutigingningnermit ũmativit tigdlerulugfigissainik misiligtagaĸángisáinarpit? inûningne misiligtagkatit ássĩgingitsut erĸarsautigissarângagkit nâpitamik ajúngitsumik navssâgssaĸángínerpit? Gûtip neriorssûtai naussutut tipigigsutut itdlutik avĸutingne tamagingne nausimángínerpat? píssusiata tipigingneratalo ũmatit ímísángínerpât nuánâlersitdlugo?

kapinartut naussupiluitdlo ikilĩnásavdlutitdlo aliasugtĩnásavãtit. tamákuínait katerssorugkit avdlanutdlo nivtarterdlugit, tauva Gûtip asangningnera narrugât avdlatdlo avatingnĩtut inûnerup avĸutâgut ingerdlanigssaraluánit akornusîsavdlugit.

emarsautit inûnerup atorîgkap erĸaissagssartainik avãngunartunik ilârtúsavdlugit - ajortuliarissanik pakatsinernigdlo - silatûmik iliornerúngilaĸ, oĸalûserísavdlugit aliasûtigerussârdlugitdlo kîsa sapĩssusêrúnermit tikíneĸardlune. tarneĸ sapĩssuseĸangitsoĸ târtumik ímerneĸartarpoĸ. Gûtip ĸaumassuata isernigssaralua mátútarpâ avdlatdlo avĸutât tâgdlertardlugo.

Gûte ĸutsavigiuk ĸimerdlûgagssat ajúngitsut uvatsínut takutitai pivdlugit. asangningnerminik misigititsinere pingârtorssuit katerssortigik ĸimerdlôrtuínamuvdlutigik. Gûtip ernerata atâtame igsiavfia ĸimagká Gûtiûssutsilo inuínartut atitidlugo inuit Sâtanip píssauneranit aniguisíkumavdlugit; uvavtínik ajugáussússinera tássûna inungnut ĸilak angmardlugo, Gûtiússutsivdlo alutornássusia táukunúnga sarĸúmersitdlugo; ilaĸutarît ordlusimassut piunêrússaunerup nateĸángitsuanit ajortip nákarfigititânit ĸaĸíneĸarnerat Gûtilo ítuínartoĸ inôĸatigerĸilerdlugo Kristusip iluarneranik atitíneĸardlutik, igsiavianutdlo ĸutsigsisitáusavdlutik aniguisitsissivtínut ugperníkut misiligauneĸ anigordluarsimaguníko - tássáuput ĸimerdlûgagssat Gûtip uníngavigalugit ĸimerdlômussai.

Gûtip asangningnera ĸularutigissutut ilerângavtigo neriorssûtainigdlo tatigissaerútutut pilerângavta mitautigissarparput anersârdlo iluartoĸ aliasugtítardlugo. anânaussoĸ ĸanoĸ misigísagaluarpa ĸitorname mâtdlatigiuaraluarpane ingmingnut ajúngitsumik iliuiniarsimángisáinartutut naugdle inûnerme norĸainiarnere tamarmik ĸitorname ajúngeĸutigssãnik inûnermilo nuánernerussorsiortínigssãnik sujunertaĸartut. asangningnera ĸularutigigaluarpássuk ila ajússusigssâ. tamána ũmatâta aliatsangnermit seĸumíssutigísagaluarpâ. alianartup angíssusigssaralua atâtaussumûtaoĸ ĸitornaminit taima pineĸarsimasínaussumut! ĸanordlo atâtavta ĸilangmiussup erĸarsautigísavâtigut asangningnine ĸularutigiguvtigo, asangningnine ernituaminik pigdlĩssutigissane inôrĸuvdluta? apustile agdlagpoĸ: »táussumame erne erdligíngilâ, túniúpâle tamavta pivdluta. ĸanoĸ tauva táussumûna tamanik tunísángínerpâtigut?« Rûm. 8, 32. ilale, ĸanormitauva amerdlatigissut suliamíkut, nauk oĸautsimikut píngíkaluardlutik, ima oĸartarpat: »Nâlagkap uvanga taima oĸarfigíngilânga. ímaĸa avdlat asavai, uvangale asángilânga.«

tamákunûnatigut ivdlit nangmineĸ tarnit ajoĸuserpat, tássame ĸularnitit oĸautsigkut anítarângagkit Sâtane ússerĸuvdlutit ĸaerĸussutut ítarpat. tamatuma ĸularĸajânerit sule angnerulersítarpâ, íngilitdlo kivfartortut aliasugdlutik ĸimásavãtit. ĸularnerit târsiorneritdlo oĸautsimik atautsimigdlũnît erĸainavêrsãkit Sátanip ússerniartarángatit. isuvssûtiginiartagai ũmatingnut iserfigssarsigpata erĸarsautitit tatigingníngínermik ĸularnermigdlo akerdlilîvdluínarumanerup pianik ímerneĸásáput. misigíssutsitit oĸausíngordlugit anítarângagkit ĸularnerit oĸauserissangnĩtut ilingnuínaĸ ajoĸutigssángoratik nautsîagssatut avdlat inûneráne sivkerdlutigdlo inerítoĸalerumârput, oĸauserisimassavitdlo súnînerat akornuserniarneĸ ajornarsisinauvoĸ. ímaĸa ivdlit nangmineĸ ússernartumit Sâtanivdlo nigânit aniguerĸigsínáusassutit, ímaĸale avdlat ugpíngínermit ilingnit pigssarsiamingnit aniguiniarneĸ ajulísassut. ila, pingãssusia imáituínarnik oĸalûseĸartásagavta anersãkut nakũssusermik ûmássusermigdlo kinguneĸartugssanik.

íngilit nâlaortarput ĸanoĸ ítumik silamiunut nâlagkat ĸilangmiussoĸ nalunaiautigísagit. oĸalûserissaruk inûssoĸ atâtamut sáimáunartitaorĸuvdlutit. ikíngutip agssâ eĸítarângagko Gûtip nersornarnigssâ ĸardlungne ũmatingnilo íkile. tamatuma táussuma efĸarsautai Jîsusimut pisísavai.

tamarmik misiligaunermik aliasûtinigdlo oĸimáitunik ússigaunernigdlo agssortúsavdlugit artornartunik nâpitaĸartarput. ajornartorsiutit avdlanut oĸalugtuareĸinagit ĸinunikutdle tamaisa Gûtimut ãtákit. ĸularneĸ narrujũmisimanerdlo oĸalûseriniángisáinarniardlugit ilefĸuliúniaruk. avdlat ilungersorniarneráne nakússagtísínaussorujugssûvatit ĸĩmagsardlugit oĸalûtdlugit.

tarnit ĸavsêrpagssuit ússernartutigut isumamíkut erdloĸíssuteĸangârsínáuput uviningmut ajortivdlo píssauneranut sorssungnermingne agssortuisínaujungnaerdluínalerdlutik. inuk taimáitoĸ sorssungârnerane sapĩssusêrutileĸinago. ĸĩmagsarniásavat, neriungnermik ugpernermigdlo súnerniásavat, avĸutánilo sujumut ikiordlugo. tailla Kristusip ĸaumassua ilingnit ĸíngorsínauvoĸ. ingminuínaĸ inûssumik ilaĸángilagut." Rûm. 14, 7. súnînivtigut nangmineĸ nalussaraluavtigut avdlat ĸĩmagsarneĸarsínáuput nakússagtitauvdlutigdlo. imalũnît sapĩssusêrúsínáuput Kristusimitdlo sagdlusuíssúmitdlo nigortitausínauvdlutik.

inuit ĸavsêrssuit Kristusip inûnera píssuserpiâlo uniorsimassumik pâsisimaniartarpait. isumaliorput asaneĸarnermik iluamêrniarneĸarnermigdlo soĸutigissaĸángitsoĸ, ánugtoĸ, sukangassoĸ, nuánâjuitsoĸ. ĸavsêrpagssuartigut kristumiutut inûneĸ taimatut nikatdlornartumik simersimaneĸartarpoĸ.

ĸavsînik oĸartoĸartarpoĸ Jîsuse ĸiassoĸ ĸungujulatitdlugule takuneĸángisáinartoĸ. ilumôrporme ánáussissoĸ alianartumik misigdlersoĸ ánernartumigdlo misigissoĸ inuit nãkinássusiánut tamarmiussumut ũmáne angmaramiuk. taimáikaluartordle ingminut nâggârfigivdluínardlune ánernartutdlo isumakulûtitdlo tágdligãnik inûgaluardlune taimáitoĸ isumâ aliasorussâgínángilaĸ. kînâ aliasungnermik narrujũmisimanermigdlo malungnartitsíngilaĸ. kisiáne tamatigut efĸigsisimavdluínarnermik takussaĸarfigssaujuardlune. ũmatâta inûnerup puilassuata pikialaorfigâ, sumutdlũnîtdlo pigaluarângame ĸasuerneĸ erĸigsinerdlo, tipaitsungneĸ nuánârnerdlo nagsatarissarpai.

ánáussisserput ilungersorpalugdluartûvoĸ. kisiáne ánugtorssũngisáinardlunilo narragsimârtũngisáinarpoĸ. maligtaisa inûnerat anguniagagssanik ilungersornartunik ulivkârpoĸ. nangmineĸ akissugssaunertik táukua itisûmik malugísavât. nalingínaliornavêrniásáput. nipiliortorssuarmik ĸîmasârnermik issigititsísángitdlat ĸuiasâpalâĸásanatigdlo. Jîsusip ajoĸersûtâ erĸigsinermik kûgtut tunississarpoĸ. nuánárnerup ĸaumassua ĸamíngilâ. ĸîmasâtsiarneĸ inerterĸutigíngilâ, kînardlo nuánârtoĸ ĸungujulassordlo narssúniarnago. Kristuse tikiutíngilaĸ kivfartorfigerĸuvdlune kisiáne kivfartúsavdlune, asangningneralo ũmáme nâlagaugpat maligagssiuinera malísavarput.

avdlat iliornere ikíngutingníngitsut iluaitsutdlo erĸarsautigivatdiâruvtigik uvavtínut ajornardluínásaoĸ asásavdlugit ima, sôrdlo Kristusip asagâtigut. Kristusivdle asangningnera tupingnartoĸ uvavtínigdlo misigeĸatigingníssusia erĸarsautivta uníngavigigpatigik isuma tamatuma ássinga avdlanut takutíkumârparput. asaĸatigîgdlutalo atarĸeĸatigîgtariaĸarpugut kúkunerit amigautitdlo takúngitsôrsínáungisaraluavut pínagit. ingminĩnaĸ iluartíniarneĸ igítariaĸarparput, avdlatdlo kúkunerinut ĸanilârneĸ nãmagigtarnerdlo narrutsajuinerdlo agdliartortíniardlugit. tamatuma ingminuínaĸ asaniartarneĸ nungutíkumârpâ isumatũngortitdlutalo oĸausĩnarssortûjungnaersitdluta.

tugsiausiortoĸ oĸarpoĸ: »Nâlagaĸ isumavdluarfigûk ajúngitsuliordlutitdlo; nuna nunagalugo ilumôrdlutitdlo.« tugs. 37, 3. »Nâlagaĸ isumavdluarfigûk.« uvdloĸ pigssaminik nangmagagssartaĸásaoĸ isumakulûtigssartaĸásavdlunilo ilungersuanartoĸásavdlunilo, ĸanordlo erdloĸinartorsiutivut misilingneĸautivutdlo nâpeĸatigîngnivtíne erĸartorumassartigínerpavut? ima erdloĸinartorsiuteĸarsorilersarpugut, sujôrássutigssaĸarsorilerdluta imalo isumakulûtivtínik erĸartuiniartartigaluta, kîsa isumaĸalernarsínauvdlune sôrdlo ánáussissoĸángitsugut nagdligusugsínaussumik asangnigtumigdlo, ĸínutigissavtínik tamanik tusarumassumik ajornartorsiorfivtinilo tamane pissariaĸarneratut ikiuimassumik.

inoĸarpoĸ sujôrássuteĸartuartunik erdloĸinartorsiutigisorissamingnitdlo erdloĸisitaujuartunik. uvdlut tamaisa Gûtip asangningnerata erssernerinik avatangerneĸarput; uvdlut tamaisa isumagssuinerrnigut tuníssutainik nãmangârtunik peĸartitáuput, pivdluarĸússutitdle táuko takuneĸ saperpait. sujôragissait nuáníngitsut sûssut táukunúnga nagdliúsínaussut erĸarsautaisa uníngavigiuarpait. imalũnît ajornartorsiuteĸarsimasínáuput ima sũngitsigigaluardlune taimáitoĸ ĸujássutigissariaĸagarpagssuaraluinut issáinik matussissumik. ajornartorsiutit nâpitaisa erĸigsivîtdlisitdlugitdlo nimârtúngortípait, taimáitumigdlo Gûtimit avigsârtitdlugit mássa táussumunga ikiorneĸarfigisínaussatuamingnut pisíneĸautigísagaluarait.

taima ugpíngitsigiguvta iluartumik iliúsanerpugut? sôĸ taima ĸujasuitsigísanerpugut taimalo tatigingníssusikitsigaluta? Jîsuse tássa ikínguterput. ĸilangmiut tamarmik ajúngitsumik ingerdlanigssarput soĸutigivigpât. uvdluínarne ajornartorsiutivtínut isumakulûtivtínutdlo isumarput nanertortítariaĸángilarput táutorputdlo aliasugpalugtúngortítariaĸarnago. taimailioruvta nanertûtigssaĸartualerdlutalo erdloĸíssutigssaĸartualísaugut. isumakulûtit uvavtínik nikatdlortitsĩnartugssat nukigdiârtitsĩnartugssatdlo misiligaunivtínitdle aniguivdluarniarnivtíne iluaĸutáungitsut pigissariaĸángilavut.

ímaĸa ajornartorsiutinik niuvertarfingme nâpitaĸartarputit. ímaĸa ajutôralugtuínarputit ímaĸalo ajutôrdluínarnigssat ilimanarsivoĸ. kisiáne sapĩssusêruteĸinak. aliasûtitit tamaisa Gûtimut pisíkit, erĸigsisimaniardlutitdlo sapîserit. ilisimássusermik ĸinugit pissagssatit tamaisa silalingmik ingerdlásínaorĸuvdlugit pigissaerúnigssat ajunârnigssatdlo píngitsôrsínaorĸuvdlugit. sapíngisangnik iliorit kinguneĸardluarnigssât anguniardlugo. Jîsusip ikiorumavâtigut uvagútaordle ilungersorĸuvdluta. ikiorterput tatigalugo sapíngisangnik iliorêrsimaguvit, tauva sapîtdlutit nagdliúkumârtut utarĸíkit.

Gûtip piumassaríngilâ ínugtane isumakulûtinit nanertugáusassut. Nâlagkavtale sagdloĸigtarumángilâtigut. uvavtínut oĸángilaĸ: »erseĸinaĸ avĸutigssat navianartoĸángilaĸ.« nalúngilâ misiligauvfigssaĸardlunilo navianartoĸartoĸ, tamánalo uvavtínut issertúngilâ. ĸitornane oĸarfigíngilai silarssuarmit ajortumit, ajortilingmit, pêrsíkumavdlugit. ĸimâvfigssãnigdle sâgfigineĸardlune itigartitsíngisáinartumik únersũpai. ajoĸersugkane ima ĸínúsimavai: »ĸínutíngiláka silarssuarmit pêrserĸuvdlugit kisiáne ajortunut sernigerĸuvdlugit.« »silarssuarme,« oĸarpoĸ, »nâgdliúsause, tugpatdleritsile silarssuarmut ajugaugama.« Juán. 17. 15; 16, 33.

ĸáĸame okalûtsimine Jîsusip ajoĸersugkane pingârtorssuarmik ajoĸersorpai Gûtimut tateĸarnerup pissariaĸássusianik. ajoĸersuinerata táussuma sujunertarâ Gûtip ĸitornai ĸaĸugorssuarmut ĸĩmautigssíkumavdlugit. ilíniagagssanigdlo tugpatdlersautigerĸussanigdlo ulivĸârpoĸ uvdlune kingugdlerne inûssunut. ánáussissup ajoĸersugkane uparũpai ĸilaup tingmiainik isumakulûteĸaratik nersoringníssúmingnik ĸardlûtigingnigtartunik. »siaruarterinatigdlo katerssuíngingmata.« taimáitordlo atâtavse ĸilangmiussup isumagssorpai. ánáussissoĸ aperivoĸ: »táukunánga pingârnerúngínerpise?« Mat. 6, 26. píngortitsissorssûp inungnik ûmassunigdlo isumagingnigtup agssane angmartarpai píngortitanilo tamaisa ĸârsitdlartítardlugit. tingmíssat siláinarmĩtut nikanaraluartut puigúngilai. aitsáinarângata nerissagssât nákartítángikaluarpâ, pissariaĸagáinigdle piarêrsáupai. nerissagssat piarîgai katerssortariaĸarrait. inínguamingnut pissariaĸartut ujartariaĸarpait. piaránguatik nerdlersortariaĸarpait. suliagssatik ornigtarpait tugsiáumik ĸardlordlutik »atâtavse ĸilangmiussup nerisítarmatik.« »táukunánga pingârnerúngínerpise?« ilivse sianigalugo anersâvsigutdlo Gûtimut patdlorfigingnigtartuse, ilivse tingmíssanit pingârnerúngínerpise? táussuma uvavtínut tunississup inûnermik, ássimine uvatínik píngortitsissup inûnivtínigdlo sernigingnigtup, táussuma tatigĩnaruvtíne pissariaĸagkavtínik tunísángínerpâtigut?

Kristusip ajoĸersugkane uparũpai narssame naussunik amerdlangârdlutik peratãngíkaluarnermingnilo kussanangârtutut atâtap ĸilangmiussup inungnut asangningnerme ersserneratut túniússânik. oĸarpoĸ: »narssap naussue issigisigik ĸanoĸ naujartortartut.« Mat. 6, 28. táuko naussut inûp agssainit pineĸángitsut peratãngíkaluardlutik kussanássusiata Sálumûp alutornássusia akimungârpât. atissat pínernerpât inûp erĸumîtsuliornermigut pilersísínaussaisa nagdlerĸajarsimángilât narssame naussut kussanássusiat píníssusiatdlo inûp agssainit pineĸángitsoĸ, atissat Gûtip píngortitai. Jîsuse aperivoĸ: »narssap naussue uvdlume atassut aĸagule kíssarsũmut ĸissugissagssat Gûtip taima atatíkamigit angnerungârtumik ilivse písángínerpâse, ugpernikitsuse ?« Mat. 6, 30. Gûtip erĸumîtsuliortup ĸilangmiussup naussukulúnguit aĸago asiussugssat pínerdluínartunik tamalernigdlo ĸalipauseramigit ĸanoĸ tauva angnerutigissumik ássimine píngortitaussut isumagísángínerpai? Kristusip ajoĸersũssutâ tamána ũmatip ugpíngitsup ánilânganeranut, erĸigsivĩneranut ĸularneranutdlo narĸigssûtauvoĸ.

Nâlagkap ernine paninilo tamaisa tatigingnigtôrĸuvai nâlagtôrĸuvdlugitdlo. Jîsuse oĸarpoĸ: »erĸigsinermik uvanga pivnik tunivavse; silamiut ilerĸuátut píngilavse. ũmatise ánilãngíkilit nâsângalernatigdlo.« »tamatumínga oĸarfigâvse tipaitsússusera ilivsínĩtuarĸuvdlugo tipaitsússusersilo nãmagterĸuvdlugo.« Juán. 14, 27; 15, 11.

pivdluarneĸ patsisinik nangminigssarsiortunik pisíneĸardlune nâlangnerup avĸutigíngissâne pigssarsiariniarneĸartoĸ tatigissagssáungitsûvoĸ pigiuminaitsûvdlune ĸângiutiassardlunilo. támalertorpat tarneĸ kiserdliulerdlunilo aliasûteĸalísaoĸ. Nâlagkavdle kivfartũnera tipaitsungnartumik nãmagissagssarsinermigdlo kinguneĸartarpoĸ. krisumio avĸutitigut avdlángujassutigut ingerdlassariaĸángilaĸ, avdlángujassunut isumakulûtinut pakatsinernutdlo pineĸartugssángordlugo isumákêrneĸángilaĸ. inûnerup matuma nuánârutainik peĸángíkaluaruvta taimáitoĸ sujumut inûneĸ piumârtugssaĸ ĸilanârdluta isumavdlûtigisínauvarput.

mânísaordle kristumlo Kristusimik inôĸateĸarnerme nuánârtarpoĸ. asangningnerata ĸaumassua pisínauvât najuineralo tugpatdliutigiuardlugo. avdloriarnerit tamaisa inûnivtíne Kristuse ĸanigdliartorsínauvarput asangningnera itinerujartortumik misigisínauvdlugo erĸigsineruvdlo najugâ pivdluarĸussaussoĸ ĸanigdliartorsínauvdlugo. taimáitumik sujôrángíssuserput igínavêrtigo, aulajaitsumigdle ĸularungnaemeĸalerta ĸanganit aulajáineruvdluínartumik. »Nálagaĸ mána tikitdlugo ikiuigame.« (1 Sâm. 7, 12), naggatâ tikitdlugo ikiúsavâtigut. misigissavut ĸângiuterêrsut ĸimerdlôrtigik tamatumalo erĸaisitdlisigut Nâlagaĸ tugpatdlersamiardluta aseruissuvdlo agssainit ánáuniardluta ĸanoĸ iliorsimassoĸ. Gûtip sáimáunera ajúngingârtoĸ tamât uvavtínut takutitâ puiomavêmiartigo. puiomavêrtigik ĸuvdlît atdlartigai, ániautit nipaitdlisitai, isumakulûtit pîgai, sujôraneĸ nigortitá amigautit ikiorsigai, pivdluarĸússutit túniússai. tamatuma píssagtísavâtigut avĸutivta sivnerane atugagssavut sûssut nâpísínaulersitdlugit sapîtdluta.

sorssungniamigssavtíne ajomartorsiutinik nutaussunik ilimagissaĸángitsôrsínáungilagut. perêrsordle pissugssardlo ĸimerdlôrsínauvavut oĸardlutalo: »mána tikitdlugo Nálagaĸ ikiuivoĸ.« misiligaunigssap sákortûssúsigssâ nukigssamit Nâlagkap misiligauneĸ atorsínaorĸuvdlugo túniúkumassânit sákortunerunaviángilaĸ.« taimáitumik suliagssarput sumĩnersoĸ autdlamerdlarput ugperdluta sumigdlũnît nâpitaĸásagaluaruvta misiligaunermut nâpertutũmik nukigssaĸartitaujumârtugut.

ĸaĸugo ĸilaup isâvfê Gûtip ĸitomainut angmagaujumârput nâlangnássutsivdlo kúngiata ĸardluinit pivdluarĸússut siutáinut tutsiúkumârpoĸ nipilersornertut tusamingártutut: »ĸaigitse, atâtama pivdluarĸussai ukorsê! nâlagauvfik silarssûp túngavilemârneranit ilivsínut piarêrsimassoĸ omigsiuk.« Mat. 25,34.

tauva utertitaussut najugkamut Jîsusip táukunúnga piarêrsagânut tikitdluamuneĸásáput. tássane nuname inuit Gûteĸaratik inûssut ilagísángilait: sagdloĸigtaissut gûtipilugsiortut, mingugtût ugpíngitsutdlo, katerssoĸatigísavaitdle Sâtanimut ajugausimassut Gûtivdlo sáimáuneragut nãmagtumik píssuseĸaleriartorsimassut. ajorte sâmajâjuartagaĸ tamarme, amigássuseĸ tamâne erdloĸíssutât tamarme, Kristusip auagut pêeneĸarsimásaoĸ tássane, atísavailo nâlangnássutsime atarĸináumilo pianik, seĸernup ĸáumarnganik akimuingârtumik. kussanássusia anersãkut ítoĸ, píssuserpiâta nãmagdluínássusia táukunûna ĸíngorpoĸ kussanássuserdlo ĸagdleĸ akimungârdlugo. igsiavíssárssûp ĸaugdlorîp sâne pitdlagagssáussusêrúput; íngilitut pingártigilerput táukunatut pisínautitaulerdlutik.

»suna inûp akigísavâ tarnine utertíkumavdlugo ?" Mat. 16, 26; kingornússagssaĸ pivdluamangârtoĸ angusínaussane piniángíkuniuk? pîtsûssoĸarsínauvoĸ taimáitordle pisũssuseĸ pingãssuserdlo silarssûp túniúsínaulemaviángisâ ingmine pigalugo. tarneĸ utertitaĸ ajortimitdle evĸiagaĸ, pigínáussusê ajúngitsut, tamarmik Gûtimut kivfartornermut atorneĸalersut nautsorssugagssáungitsumik naleĸarput. ĸilangmilo Gûtip kînâta sâne íngilitdlo iluartut akornáne nuánârneĸartarpoĸ tarnimik utertitaussoĸarângat, nuánârnermik ajugaunersiutinik ivdlernartunik tugsiarníkut nalunaerneĸartunik.