ajortigdlit Kristusimik pissariaĸássusiat

pilerĸârnerminit inuk pigínáussutsinik iluatingnangârtunik isumatússutsimigdlo peĸartitauvoĸ. ĸanoĸ íssutsimigut nãmagdluúnarsimavoĸ Gûtimitdlo avigsârsimanane. erĸarsautai minguíput pilerssârnerilo ivdlernardutik. pigínáussusîle aserugáuput nâlángíníkut, ingminigdlo asanerup asangníssuseĸ taorserpâ. píssuserpiâ unlorĸutitsiníkut ima nukigdlârsarneĸarsimatigaoĸ nangmineĸ nakũssusĩnane atornago ajortip pissaunera agssortorneĸ saperdluínardlugo. Sâtanimit tiguagauvoĸ taimáituásagaluardlunilo Gûte sâimáuníkut akuliutíngigpat. ússîssup sujunertarigaluarpâ Gûtip inuit píngortíkamigit pilerssârutâ akornuserniardlugo nunalo nagdlingnássusermik aseruinermigdlo ulivkârumavdlugo. tamákulo ajortut tamaisa ĸiviamuniaraluarpai Gûtip inungnik píngortitsinerata pilersitaisut.

ajortulíngíkatdlartitdlune inûp peĸatigivdluínarpâ tâuna »tâussumane peĸutit ilisimássutsip ilisarssíssutsivdlo pê issertugaussut.« Kul. 2, 3. ajortulerêramile ivdlernartune tipaitsûtigssarsisínaujungnaerpoĸ Gûtimutdlo issertorniaraluardlune. sule ũmatip isumatârsimángitsup píssusia taimáipoĸ. Gûte erĸigsiveĸatigingilâ peĸatigineranilo tipaitsûtigssarsisínaunane. ajortullortoĸ Gûtip ĸanitânîtdlune pivdluarnermik peĸarsinâungilaĸ; iluartut katerssorfiat najorumassángilâ. asangningneĸ ingminut tunugdliúnermik píssusilik tássanikumârtoĸ ũmatit tamarmik asangningnermik soraiuitsumik ímerneĸarfigssât, táussuma tarningane nauvfeĸalersínáusángilaĸ. erĸarsautai soĸutigissai aulaterneĸautigisínaussailo ajorteĸángitsut pigissáinit avdlaujumârput. piuáissuserme ĸilangmĩkumârtume avdlaussûjumârpoĸ. ĸilak táussumûnga ániarfigtut ísavoĸ. tássane ĸáumarĸutaussumut nuánârneruvdlo tássanĩtup tamarme ĸiterissânut issertorniarumârpoĸ. Gûtip Gûtitsut piâralune ĸilangmut isertíkumángilai. isertitáungitdlat tássane najugagssame nalerĸutíngínamik. Gûtip nâlangnássusia táukunúnga ingnertut nungutitsissutut ísaaĸ. nungutitaunigssaĸ ĸujarutĩnarumârpât utertíkumavdlutik toĸussup kînânut issertorumavdlutik.

ajortip nateĸángitsua kivivfigissarput anigorniásavdlugo nangmineĸ pigínaussusĩnarput atordlugo uvavtínut ajornardluínarpoĸ. ũmativut ajortũput, avdlángortísínáungilavutdlo. »ĸanortoĸ ilivdlune minguitsoĸarile mingugtûmit pissumik; kisiáne atautsimigdlũnît peĸangilaĸ.« »tássa uvíngup kajungerfiera Gûtimut akerartortûngmat, Gûtip inatsisainut nâlagtũngingmat, mássalo saperdlune.« Jûp. 14, 4; Rûm. 8, 7. ilerĸulersûtitigut perorsardluardluarsimaneĸ (dannelse), piumássusertússuseĸ inuitdlo anguniagarissartagait atorfigssamingne iluaĸutausînauput; tássanile (ĸilangme) iluaĸutaujungnaerput (atortugssaujungnaerput). ilerĸoĸ ajúngitsoĸ ĸagdlîkut îtoĸ samúmersísínauvât ũmatdle avdlángortísínaunago. inûnerup puilavfia minguiarsínáungilât. píssauneĸ ĸamánga súnîssugssaĸ, inûneĸ nutâĸ pavánga písassoĸ pissariaĸarpoĸ inuk ajortimit iluarnermut avdlángortíneĸásagpat. píssauneĸ tamána tássauvoĸ Kristuse. táussuma sáimáunerata kisime tarnip pigínaussusê toĸungassut ûmassûngortísínauvai Gûtimutdlo iluarnermutdlo kajungersísínauvdlugit. ánáussissoĸ oĸarpoĸ: »Kialũnît Gûtip nâlagauvfia takusínáungilâ kisiáne ernlorĸigsimagune (ũmat nutãngordlune kigsautigissat nutãngordlutik, pilerssârutit kivdlingnartorissatdlo inûníkut nutãkut ingerdlássutaulerdlutik). Juán. 3, 3. erĸarsaut imáitoĸ: inûp inúngornerminit pigissaisa ajúngitsut kisimik agdliartortíniartariaĸarnerat pissariaĸartoĸ, kúkuneruvoĸ navianartoĸ. »inûvdle tarnimut atassup (imáipoĸ: anersâmut atángitsup) Gûtip anersâta pê ilagsissaríngilai, sianîtsorpatdlagsorai ilisarinerdlo saperdlugit anersãkut ítumik misigssortariaĸarmata.« »tupigusûtigísángilat oĸarfigigavkit: ernlorĸigsimásassuse.« 1 Kor. 2, 2, 14; Juán. 3, 7. Kristuse pivdlugo agdlagsimavoĸ: »inũssut táussumanĩpoĸ, inũssutdlo inuit ĸáumamutigât.« Juán 1, 4. Jîsusivdlo arĸa tássauvoĸ ánagfigssatuaĸ »atermingme avdlamik ánássutigssavtínik ĸilaup atâne inungne túniússaussoĸángilaĸ.« ap. sul. 4, 12.

nãmángilaĸ pâsísavdlugo Gûtip asangníssuserssua, nãmángilardlo takúsavdlugo isumagssuíssusia atâtatutdlo asagtũssiuarnera. nãmángilaĸ pâsísavdlugo ilisimássuseĸ nâpertuivdluarnerdlo inatsisaine, takúsavdlugulo tamána asangningnerup sujunertânik soraiuitsumik túngaveĸartoĸ. apustilip Paulusip tamána tamât takuvâ oĸarame: ». . . inatsisit tauva akuerãka ajúngínerardlugit.« »tássa inatsisit ivdlernarput, inassutdlo ivdlernardlunilo iluardlunilo ajúngitsûvoĸ.« Rûm. 7, 16. 12. tarnimigutdle ernumavdlune sujôravdlunilo nangípoĸ: »uvangale uvíngup pigânga, ajortip kivfarsiarânga.« Rûm. 7, 14. minguíssuseĸ iluássuseredlo ingminĩnaĸ pigilísavdlugo sapigkane anguniarpâ, oĸarpordlo: »uvanga inukulûssunga kia ánautísavânga timimit matumánga ajortip pianit?« Rûm. 7, 24. taimáipoĸ suaorut nunanit tamanit ĸangarssuardle mãnamut ũmatinit nanertugaussunit ĸutdlartíneĸartoĸ. tamanut akíssutigssaĸ atausĩnauvoĸ: »takusiuk Gûtip savârâ silamiut ajortáinik erssugtoĸ.« Juan. 1, 29.

Gûtip anersâta sagdlusuíssut tamána tarninut ajortilingnik misigalutik aniguisíneĸarnigssamingnik anersârulûteĸartunut nalujungnaersíniardlugulo pâsinarsarniartarpâ ásserssûterpagssuit atordlugit. Jâko ajortullorêrdlune Esauilo sagdloĸigtarêrdlugo angajomâme najugãnit ĸimâgame ajortime oĸimáissusia misigâ. kiserdllordlune ajagtugauvdlunilo inûnermigdlo nuánaringníssutigissane tamaisa avigsârdlugit, atausĩnaĸ tarnimigut tamanit angnerussumik angnikitdliûtigâ, tássa sujôragalugo ajortime Gûtimut avigsârdluínartísimásanerâne. aliasungârdlune nunáinarmut natdlarpoĸ ĸasuerserniardlune. ĸagtorngit kiserdllorpalugtut avatangîsigalugit ĸilagdlo atdlârĸik uvdloriarpalik ĸulangîssigalugo. ĸaumassoĸ emumîtsoĸ issainut takutípoĸ sinigtitdlugo. narssamit nalavfigissânit sôrdlume tungmeraĸ ĸilaup isâvfianut atasoĸ, Gûtivdlo íngilê tássûna majuartardlutigdlo atertartut, ĸilangmitdlo alianaitsumit Gûtip nipâta oĸariartûtigssaĸ tugpatdlersarneĸarnermik neriungnermigdlo nalunaerutigerpatdlagkâ. taima Jâkumut nalunaerneĸarpoĸ tarnâta kigsautigingâgâ - ánáussissugssamik ĸujasaut. nuánângârdlune ĸujaniangârdlunilo takuvâ avĸutigssaĸ nangmineĸ (ajortullortup) - Gûtimik peĸatigingnerĸilernigssamut avĸutigssane. tungmeraĸ nalunartulik Jîsusimut Gûtip inûvdlo akornáne akúnermiuliútutuamut ássiuvoĸ.

ássiliaĸ taimáitoĸ Jîsusip Nathanaelimik oĸaloĸatigingningnermine erĸaivâ oĸarame: »takussarumârparse ĸilak angmassoĸ, Gûtivdlo íngilê majuartartut arĸartartutdlo inûp erneranut.« Juán. 1, 52. inuk ordlunermigut ingminik Gûtimit avigsârtípoĸ. ĸilaup nunavdlo akornáne atássutaerutdluínarpoĸ, ĸuvnerdlo táukua akornánĩtoĸ inûp kialũnît ikârsínáungilâ. Kristusíkutdle nuna ĸilangmut atássuserneĸamigpoĸ. Kristusip piniússinermigut nateĸángitsoĸ ajortip pilersitâ ikârtarfilerpâ íngilit kivfartortut inungmut atássuteĸarsínaulersitdlugit. Kristusip inuk ordlusimassoĸ sángĩnerane iklortariaĸangârneranilo pigínaunerup tamarme puilavfianut atássuserpâ.

inuit sujumukarnigssamik takordlôrnere aserujassũput, inuitdlo inũssutsimingne minguitdlisarneĸarnigssãnik ilungersornerit asulĩnásáput puilassutuaĸ emardlerît ordlusimassut neriûtituât iklorneĸarsínauvfituâtdlo ujángíkuníko. »tuníssutit tamarmik ajúngitsut túniússatdlo tamarmik nãmagdluartut« Gûtimit píput. Jâk. 1, 17. kinalũnît táussumánga avigsârsimavdlune inûgune ilumôrtumik iluartumigdlo píssuseĸarsínáungilaĸ. Gûtimut avĸutaussutuaĸ tássa Kristuse. oĸarpoĸ: »uvange avĸutauvunga sagdlusuíssutauvdlungalo inũssutauvdlungalo; avdlákut atâmut pissoĸarsínáungilaĸ uvavkut kisiáne.« Juan. 14.6.

Gûtip ĸitornane nunamiussut asangningnermik toĸumit pissauneĸarnerussumik nagdligai. ernerminik tunigamisigut tuníssutíkut atausiussukut ĸilak tamât uvavtínut kuivâ. ánáussissup inûnera, toĸua uvavtínigdlo ĸínússinera, íngilit kivfartornerat, anersâp ĸaerĸussinera, atâtaĸ sulissoĸ tamagingne tamaisalo avĸutigalugit, ĸilangmiut uvavtínik soĸutigingnigtuarnerat, tamáko tamarmik iluaĸutáuput inuit ánáuneĸarnigssãnut.

pigdliut tupingnangârtoĸ uvagut pivdluta nãmagsineĸartoĸ erĸarsautiginiartigo. támartut ánautdlugit atâtap igdluanut utertíkumavdlugit suliaĸ ilungersornerdlo ĸilangmiut takutitât pingârtíkumavdlugo misilingniartigo.

kivdlingnartorisínaussat sákortunerussut sákugssatdlũnît sákortunerussut atorneĸarsínausimanaviángitdlat. akigssarsiagssaĸ angingârtoĸ iluartut pissagssât - tipaitsûtigssaĸ ĸilangme, íngilit ilaginigssât, Gûtip erneratalo peĸatiginigssât asangningnigssâtdlo, pigínáussutsivta tamarmik nâgssáungitsugssame pitsaunerujartuínarnigssât - tamáko tamarmik sákortûmik kajumigsãsángínerpâtigut ĸĩmagsásángínerdlutalo píngortitsisserput aniguisitsisserputdlo ũmativta ilũngânit kivfartûtdlugulo asarĸuvdlugo?

Igdlua’tungânilo Gûtip oĸausîsa Nâlagkavdlo agpisalũssinerisa ajorte pivdlugo anitaisa akiniainigssaĸ píngitsũsángitsoĸ inûnivtalo asiujartordlune aserugauvdluinarnigssâ nalunaerpât oĸáuniardluta Sâtane kivfartûterĸunago.

Gûtip sáimáunera soĸutigísángínerparput? sumik angnerussumik illorsínauva? táuna asangningnermik taima tupingnartigissumik uvavtínik asangnigsimassoĸ píssusigssavingmik píssuseĸarfigilerniartigo. sákugssat pilerserîgai avdlángortíneĸarfigssavut atorniartigik - táuna ássigilerdlugo íngilitdlo iluartut peĸatigerĸilerdlugit atâtardlo ernerdlo erĸigsiveĸatigerĸilerdlugit kátuvfigerĸigdlugitdlo.