| Kristusimut avkutigssaĸ kapitel 3. Fra side 21 | tilbage |
ĸanoĸ ilivdlune inuk Gûtip sâne iluartûtíneĸásava? ĸanoĸ ilivdlune ajortilik iluartûtíneĸarsínauva? Kristuse kisiat avĸutigalugo Gute peĸatigilersínauvarput táussumúnga ivdlernartúngordluta. ĸanordle ilivdluta Kristusimut písaugut? amerdlasût aperĸut taimáitoĸ aperĸutigissarpât inugpagssuartut pînsislortutut ajortimingnik nalujungnaersitauvdlutik suaortutut: »ĸanoĸ iliúsaugut?« Pîtrusip akíssutâne oĸautsit sujugdlît imáiput: »avdlamik isumatâritse.« avdlamilo tamatuma kingunitsiaugut oĸarpoĸ: »taimáitumik avdlamik isumatâritse sângniardlusilo ajortise pîarneĸarĸuvdlugit. . . « ap. sul. 2, 37. 38; 3, 19. avdlamik isumatârneĸ ilaĸarpoĸ ajortimik aliasûtigingningnermik táussumingalo tunússinermik. ajorte soraerúnaviángilarput ajússusia takulersínago, ũmativtigutdlo ilumôrdluta tunúngikuvtigo inûnerme avdlángornivingmik pissoĸarnaviángilaĸ. avdlamik isumatârnerup píssusivia ĸavsît pâsíngilât. inugpagssuit ajortullorsimanertik aliasûtigissarpât agdlâtdlo ajúngitsup tungânut ĸagdlíkut avdlángorniartardlutik suliamik ajortut ániautinik ingmingnut kinguneĸarsínaunerat sujôragigamiko. tamánale bîbilip oĸautigissâtut ítumik isumatârnerûngilaĸ. ániautigssaĸ ajortimit sujôragineruvât. taimatut Esaue aliasugpoĸ angajugdliussutut pisínautitaunine ârĸitagssáungitsumik asiutitdluínarsimavdlugo takuleramiuk. íngilip panane amuvdlugo avĸusinerme unigtingmane Bîliam ánilârpoĸ, ajortulianilo nalunaerpâ toĸutaunigssane sujôraginermit; kisiáne ajorte perĸigsimíssutigíngilâ, ajorte ûmigíngilâ. Jûtarse nâlagke piserêrdlugo oĸarpoĸ: »ajortullorpunga píngitsup alla pisíkavko.« Mat. 27, 4. ũmatâta pissûtitagssáussusermit nanertugaussup navsuerut tamána nipangiutĩnarsínáungilâ, tássa pitdlagagssáussuseĸ pitdlarneĸarnigssardlo ánilârdlune misigigamiuk. illornerata kingunerissagssaisa táussumúnga nagdliúkumârtut sujôrangâlersípât; Gûtivdle ernera pisíkamiuk Israîlivdlo ivdlernartua taimaitíkamiuk itisûmik ũmatip ilorpiâgut aliasungneĸángilaĸ. Fâraup ajortine navsuerutigâ Gûtip pitdlautai atugkane ajunârutaorĸerĸunagit; perdluitdle soraerniariarmata Nâlagkamut nâlángitsullorĸigpoĸ. táukua tamarmik ajortip kingunerissagssai sujôragait, ajortile nagmingneĸ perĸigsimíssutigíngilât. ũmatdle Gûtip anersâta súnîneranut túniugpat tarnip nalúngíssusia ûmassúngúsaoĸ, ajortullortuvdlo Gûtip inatsisaisa pingãssusiat ivdlernássusiatdlo pâsitsiarumârpâ - inatsisai ĸilangme nunamilo nâlagkersuinerme túngavigissai. »ĸaumassoĸ inungnik tamanik ĸáumarsaissoĸ,« silarssuarmut pissoĸ (Juan. 1, 9) tarnip inainik ilordlermik ĸáumarsaivoĸ, târtumilo issertugkat sarĸúmigáuput. ajortimik misiginerata tarne ũmatdlo agtorpâ. ajortullortup Israilip Gûtiata iluássusia pâsísavâ malugísavdlugulo ĸanoĸ ajortigissoĸ ajortiligtut pissûtitagsáussutse mingugtũssutsilo pigalugit ũmatinik kigdlisiuissumut savssásavdlune. ĸanoĸ Gûte asangnigtigissoĸ, iluássuseĸ ĸanoĸ kajungernartigissoĸ minguíssusermĩnerdlo ĸanoĸ nuanertigissoĸ pâsivdlugulo takúsavâ. evĸiarneĸarnigssaĸ ĸilangmiutdlo peĸatigilernigssât erinigilisavâ. Dâvid ordlunerme kingornagut ĸínutâta sarĸúmersípâ ajortimik aliasûtigingningneĸ ilumôrtoĸ ĸanoĸ ítoĸ. perĸigsimniera pissûssârnerunalino itivoĸ. ajortullornine patsisigssarslorníkut migdlisarniángilâ. pitdlautiggssaĸ ingminut ilimanartoĸ ĸínúmine píngitsôrumavdlugo kigsauteĸarnerminik oĸauseĸángilaĸ. Dâvid unlorĸutitsinerme ajússusia takuvâ. tarnime mingugtũssusia takuvâ ajortullorninilo aliasûtigingârdlugo. ajortimik isumákêrfigineĸarnerínaĸ ĸínutigíngilâ ãmátaordle ũmat minguitsoĸ ĸínutigâ. ivdlernássutsip tipaitsûtâ kipitsatigingârpâ, tauva Gute erĸigsiveĸatigerĸilísagamiuk peĸatigerĸilerdlugulo. uko ũmatâta oĸauserai (Tugs. 32, 1. 2; 51, 3-16): »pivdluarpoĸ pinerdlungnerminik isumákêrfigineĸartoĸ, avdlamik isumatârneĸ táussumatut ítoĸ nangmineĸ pigínáussusĩnavtínit pilersíneĸ saperparput. Kristuse kisiat avĸutigalugo pigssarsiarineĸarsínauvoĸ, táuna pavungnartoĸ inuitdlo tuníssutinik tunivdlugit. tamána tássarpiauvoĸ ĸavsît kúkuvfigissartagât taimáitumigdlo iklorneĸarnigssaĸ Kristusip túniúkumassaralua píngitsôrtardlugo. isumallorput avdlamik isumatârĸãngíkunik Kristuse ornigsínaunago, isumallorputdlo avdlamik isumatârneĸ ajortimik isumákêrneĸarnigssãnut ajornaitdlisautaussoĸ. ilumôrpoĸ avdlamik isumatârneĸ ajortinik isumákêrfigineĸarnerup sujornagut písangmat; kisiáne ũmatit seĸumítut perĸigsimissutdlo kisimik ánáussissumik pissariaĸássusertik misigissarpât. kisiáne ajortullortup Jîsuse ornigsínaorĸuvdlugo avdlamik isumatârnigssane utarĸísanerpâ? avdlamik isumatârneĸ akornutáusanerpa ajortullortup ánáussissuvdlo akornáne? bîbile ajoĸersuíngilaĸ ajortullortoĸ avdlamik isumatârêrune aitsât Kristusip ĸaerĸússutânik tigusisínaulísassoĸ: ornínga tamavse, erdloĸissuse nanertugaussusilo, ĸasuersísavavse.« Mat. 11, 28. píssauneĸ-una Kristusimit pissoĸ avdlarnik isumatârnigssamik piviussumik súnîssartoĸ. Pîtrusip tamána ersserĸigsarpâ Israilíkûssunut oĸautsimine oĸarame: »táuna Gûtip talerpingmigut ĸutsigsisípâ nâlágangortitdlugulo ánáussissúngortitdlugulo Israile avdlamik isumatârfigssaĸartitdlugo ajortiminigdlo isumákêrfigineĸarfigssaĸartitdlugo.« ap. sul. 5, 31. Kristusip anersâ tarnip nalúngíssusianik itersaissoĸ pínago avdlamik isumatârsínáungilagut sôrdlo ajortit isumákîgaunerat Kristuse pínago pisínáungíkigput. Kristuse kajumigsisitaunernut ajúngitsunut tamanut puilavfiuvoĸ. táussuma kiserdluínarme ajortimut akerartorneĸ ũmatinut íkúsínauvâ. sagdlusuíssúmut erininerit tamarmik ajortiliússutsivtínik nalujungnaersitaunerit tamarmik nalunaiautáuput anersâta ũmativtíne sulineranut. Jîsuse oĸarsimavaĸ: »uvanga nunamit ĸangátartitauleruma tamaisa uvanut kajungersíkumârpáka." Juán. 12, 32. Kristuse ajortullortunut sarĸúmísaoĸ ánáussissutut silarssuarmiut ajortait pivdlugit toĸussutut; Gûtivdlo savârâ Golgathap sáningassulianĩtoĸ ĸimerdlôruvtigo akiliúneĸarnerup issertortua uvavtínut pâsinarsilísaoĸ, Gûtivdlo ajúngíssusiata avdlamik isumatârnermut pisísavâtigut. Kristuse ajortullortut pivdlugit toĸugame asangningneĸ pâsigssáungitsoĸ nivtarpâ. ajortullortup asangníssuseĸ tamána ĸimerdlôrtarângago, tamatuma ũmatâ aĸisilersarpâ, tarninga kivdligdlugo ajortimigdlo aliasûtigingningnermik kingunigsslordlune. ilumôrpoĸ inuit ilãníkut avĸutitik ajortut kángusûtigissarait ilerĸumigdlo ajortut ilait soraerútardlugit Kristusimut kajungersisitaunertik malugíngíkatdlaraluartitdlugo. pitsaunerulernigssamigdle norĸainerat ajúngitsumik illorumavdlune kigsauteĸarnermit ilumôrtumit pissarângat nungutdlugit Kristusir píssaunerata kajungersítarpai. súnîssoĸ nalussât tarningáout súnîvoĸ, tarningisa nalúngíssusiat itersarneĸarpoĸ inûneratdlo ĸagdleĸ pitsaunerulersíneĸardlune. Kristusivdlo pisísimangmagit sáningassuline ĸiviarĸuvdlugo ĸimerdlôrĸuvdlugulo táuna ajortaisa kapissât, tauva inássutai tarningisa nalúngíssusiánut súnîumârput. Gûteĸángitsutut inûnerat ajortilo tarningáne sordlanigsimaĸissoĸ táukunúnga pâsísineĸalísaoĸ. Kristusip iluássusia pâsisínautsialísavât oĸarsínaulísavdlutigdlo: ajorte ĸanoĸ-una sualugtigingmat taima ítumik pigdliuteĸartariaĸartoĸ ajortigdlup ánáuneĸarnigssâ sujunertaralugo? asangningneĸ tamána tamarme, ániarneĸ tamána tamarme, nikanarsarneĸ tamána tamarme pissariaĸarsimanerpa támarĸunata nâgssáungitsumigdle inũssuteĸarĸuvdluta? ajortullortup asangníssuseĸ tamána suatdlautigingítsôrsínauvâ, Kristusimut kajungersíniarneĸarnermine pináisinauvoĸ, piâralunile taimáitũngíkune Kristusimut pisíneĸarumârpoĸ. ánáussiniarnerup sujunertarissânik pâsissaĸalernerup ingerdlákumârpâ sáningassugdlup atânut - pemigsimivdlune, ajortit Gûtip ernerata asassâta ániarnerinut píssutausimassut perĸigsimíssutigalugit. Gûtip anersâ táuna píngortitarssuarme avatívtĩnitume sulissoĸ inuit ũmatainut oĸalugtarpoĸ pigíngisamingnigdlo erinisûteĸarnerat oĸautigigssáungitsoĸ pilersítardlugo. silap pîsa erininerat nãmaginartumik tunisínáungilât. Gûtip anersâta ilungersortumik oĸáupai ujarĸuvdlugit pît emigsinermik ĸasuernermigdlo kisimik tunissisínaussut, Kristusip sáimáunera tipaitsungneralo ivdlernarssutsip pia. súnîssut takugssáussut takugssaungitsutdlo atordlugit ánáussisserput suliuarpoĸ inuit ũmatait kajungersíniardlugit ajortip nuánârutai nãmagsíssutigssáungitsut ĸimagdlugit pivdluarĸússutit nâgssáungitsut ingmine pineĸarsînaussut ornemuvdlugit. tarnimut silap matuma puilassuinut uvsîtsunut imernialugsínaraluartunut Gûtimit oĸáussut imáipoĸ: »imerusugtoĸ aggerdle; piumassuvdlo imeĸ inûnartoĸ akeĸángitsumik piliuk.« Juán. sarĸ. 22, 17. ivdlit ũmatingne silarssûp matuma túniúsínaussainit angnerussumik erinigissaĸartutit Gûtip nipâta tarningne erinigisagssíssutiginiagâ ilisarilerniaruk. avdlamik ĸínuvigiuk isumatâlersemuvdlutit Kristusilo ilingnut sarĸúmersemuvdlugo asangningnerme soraiuitsup nãmagdluartup ĸerĸane. ánáussissup inûnerane Gûtip inatsisaisa túngavigpiait - Gûtimut inungnutdlo asangningneĸ - nãmagdluardlutik ersserput. ajúngitsullorneĸ asangningnerdlo nangminigssamik piniángitsut tarningata kajungerissarai. ĸimerdlôruvtigo ĸaumassuvdlo ánáussissivtínit pissup tugfigigpatigut ajorteĸássuserput takúsavarput. Nikudîmusitut ímaĸa usorssisimássutigârput inûnerput pissûssârnerusimángingmat, ilerĸorigsârniarnerup tungâgut pitsaugavta; isumallorpugutdlo nalingínartut ajortullortutut Gûtip sâne ũmativtigut manigûtísavdluta pissariaĸangitsoĸ. ĸaumassordle Kristusimit pissoĸ tarnivtínut ĸíngorpat mingugtũssuserput takúsavarput. takulísavarput pilerssârutivta nangminigssarslornerússusiat Gûtimutdlo akerartorneĸ inûnivtíne ĸanoĸ illortumik tamanik kimitsissoĸ. tauva pâsiumârparput uvagut nangmineĸ iluássuserput ilumut atissatut ipertûtut ítoĸ Kristusivdlo auata kisime ajortip mingugtitsineranit evĸiarsínaugâtigut ũmativutdlo nutãngortísavdlugit ássimine. Gûtip asangníssusiata ĸíngornerata, Kristusip minguíssusiata ĸáumâtdlangnínguata tarnimut isertup erssarigdluínartumik takutítarpai ipertai tamaisa inûvdlo píssusiviata igpingnartue amigautailo sarĸúmertardlugit. takutítarpai igdligússutsit iluaitsut, ũmatip ugpíngíssusia ĸardlutdlo mingugtũssusiat. ajortullortup illornere nâlángitsullornerussut Gûtip inatsisainik tunugdliussivigissai issaisa sãne nivtarneĸartarput, anersâvalo agssortuisínaujungnaersíneĸartaraoĸ aliasugtíneĸardlunilo Gûtip anersâta kigdlisiuissup súnîneragut. ingminut aliasûtigilersarpoĸ Kristusip píssusia minguitsoĸ, iluarnerínaussoĸ ĸimerdlôrtarângamiuk. pruvfîtip Dânialip ĸilangmit autdlartitap ingminut takutítup nâlangnássuseĸ ĸaumanerissâ takugamiuk tupigusûtigingârdlugo misigilerpoĸ ĸanoĸ sángîtsigalune amigartigalunilo. issigingnâgkap tupingnangârtup tamatuma súnînera agdlauseralugo oĸarpoĸ: ». . . nukêrúpunga takuvsunarsivdlunga nukigdlârdlungalo.« Dân, 10, 8. tarneĸ taimatut agtorneĸarune nangminigssaminik piniartarnine ingminuínardlo asanine iperardluínásavai. Kristusip iluássusia avĸutigalugo ũmatip minguíssusia Gûtip inatsisaisa pissât Kristusivdlo píssusivianut nâpertũtoĸ ujarumârpâ. Pauluse oĸarpoĸ: »iluarnigssaĸ inatsisinĩtoĸ erĸortísavdlugo agssuarnaitsunga.« (Filip. 3,6), imáipoĸ: ĸanoĸ illornine sarĸumissut pineĸásagpata. inatsisitdle anersãkut ítũssusiat pâsileramiuk ajortiligtut ingminik takulerpoĸ. ajorte taimaitísimavâ inatsisit agdlagsimanere ûgtûtiginiarĸigsârdlugit, sôrdlume inuit inûnermingnut sarĸumissumut inatsisit taimatut atortarait; Gûtivdle inatsisaisa isumât itinerussoĸ takuleramiuk Gûtivdlo ingminik issigingningneratut ingminik takulerdlune manigûtingârdlune sikigpoĸ pissûtitagssáussutsilo navsuerutigalugo. oĸarpoĸ: »uvangalo inatsiseĸarnanga inûgaluarama inássutip tauva patdlingmanga ajorte ũmarpoĸ; uvangale toĸuvunga." Rûm. 7, 9, 10. inatsisit anersãkut ítũssusiat takuleramiuk ajortip maujungnássuserpiâ takuvdlualerpâ, ingminigdlo pivdlune pingârtutut isumaliutigiungnaerpoĸ. ajortit tamarmik Gûtip issaine angeĸatigĩngitdlat. nautsorssuinerane, sôrdlútaoĸ inuit nautsorssuineráne, ajortit ássigĩngitsumik angíssuseĸarput, kisiáne ajortumik illorneĸ una unalũnît ĸanordlũnît inuit issáine sũngitsigigaluarpat ajortimik mikissoĸángilaĸ Gutip issainut. inuit erĸartũssinerat nangminigssarslornerussarpoĸ amigartûvdlunilo, Gûtivdle tamaisa erĸordluartumik issigissarpai. imerajugtoĸ narrugineĸartarpoĸ oĸautigineĸartardlunilo ajortâta tamatuma ĸilangmut isersínautísángíkâ, taimáitordle makitaneĸ, nangminigssarslorneĸ túkuíssuseredlo agssuarnartûtíneĸarajúngitdlat. ajortuliatdle táuko pingârtumik Gûtimut maujungnarput. ĸanoĸ íssusianut nagdligtuigajússusianutdla akerdliúput, asangningneranut nangminigssarslornertaĸángitsumut silarssuarmik ajorteĸángivfiussumik ulivkârissumut akerdliúput. ajortimut angisûmut sûnersumut ordlussup misigissarpai pîtsũssutse kángusungninilo ĸanordlo Kristusip sáimáunera ajorssautigitigigine; kisiáne makitássuseĸ pissariaĸássutsimik misigissaĸartitsineĸ ajarpaĸ, taimáitumigdlo ûmat Kristusimut pivdluarĸússutinutdlo soraiuitsunut uvavtínut túniúsavdlugit tikiússutigissainut matussarpâ. ilángauserissukulúnguaĸ ima ĸinussoĸ: »Gûte-â, sáimáunga ajortiliussunga." (Lúk. 18, 13) ingminut issigaoĸ inugtut ajortorsssuartut, avdlatdlume ãma taimatut issigât. ánáuneĸartariaĸássutsile misigâ, ajortiminigdlo artorsauteĸardlune kángusûteĸardlunilo Gûte ornigpâ sáimáunermigdlo ĸinuvdlune. ũmatâ Gûtip anersânut angmavoĸ sáimáuneĸ suliarissagssâ tássane suliarisínautitdlugo ajortivdlo píssauneranit aniguisísínautitdlune. farisĩarip ĸínutâta oĸaratârtup, ajorniángitsup nalunaerpa ũmatâ anersâp iluartup súnînigssânut matorĸassoĸ. Gûtip nangminerdlo avigsârsimassusertik píssutigalugo sianigíngitdluínarpâ Gûtip ivdlernássusianut nãmagdluínássusianutdlo nalerĸiutdlune ajorteĸássutse. amigauteĸarnine takutíngilâ, suatdlángilardlume. ajorteĸássutsit takugugko pitsángorsarĸârnigssat utarĸeĸinago. ĸanoĸ amerdlatigisimagaluarnerpat isumallortut Kristuse ornísavdlugo ajúkúnaĸalutik! nangmineĸ ilungersorníkut pitsaunerulernigssat ilimagaiuk? »inûp ĸernertup amine avdlángortísínaunerpâ, milakulâvdlũnît milane ilivsísaoĸ ajúngitsullorneĸ sapísángilarse, ajortullorumatûssuse." Jer. 13, 23. Gûte sanerĸutdlugo uvavtínut iklortigssaĸángilaĸ. kajumigsârutit sákortunerussut, píssusigssat pitsaunerussut isumavdlũnît iluarnerulernigssâ utarĸísángilavut. ingminut ĸanoĸ illorfigisínáungilagut. Kristuse ornigtariaĸarparput taimáituardluta. kisiáne kinalũnît erĸarsáumik imáitumik ingminik sagdloĸigtarnavêrdle Gûtip asangníssuserssuarmigut sáimáunermigutdlo ánagtíkumârai asigínaissut agdlât. ajortip aserûtáussuserssua sáningassugdlup ĸaumanerane aitsât iluamik takuneĸarsínauvoĸ. inuit ilungersordlutik Gûte ajúngípatdlâĸigame ajortullortut ajagtúsángíkai, taima oĸartut Golgatha ĸiviardlíssuk. tássauna inuit ánáuniardlugit avdlamik iliûsigssaĸángingmat, tássauna ajortip píssaunerata mingugtitsissup ĸimarratiginigssâ ivdlernartutdlo peĸatigerĸilernigssât Kristusip pigdliutâ pínago inuiaĸatigîngnut ajornardluínarmat inûneĸ anersâp pia ilauvfigerĸilerneĸ ajornardluinardlune - tamánauna pivdlugo Kristusip nâlángitsut pineĸarnigssât ingminut pisíkâ ajortullortutdlo sivnerdlugit ániardlune. Gûtip ernerata asangningnera, ániarnera toĸualo nalunaiautáuput ajortip sualússuserssuanut pâsíssutigssauvdlutigdlo ajortip píssauneranit aniguivfigssáĸangitsoĸ inûnermigdlo pingârnerussumik neriugissagssaĸarane tarneĸ Kristusimut túniutíngigpat. avdlamik isumatârsimángitsup ilãníkut utorĸatsíssutiginiartutut ingminik kristumiunerartut pivdlugit oĸartarpoĸ: "táukutut pitsautigânga. ingminik nâggârfiginíkut, imerajúngíníkut minaerssorníkutdlũnît uvavnit pitsaunerussumik píssuseĸángitdlat. alĩkusersûtausínaussut ĸĩmatdlangniutitdlo uvavtut asavait.« taimailivdlutik avdlat kúkunere utorĸatsíssutiginiardlugit atortarpait nangmingneĸ nãmagsissagssarigaluardlugo nãmagsíngitsûgkamingnut. kisiáne avdlat kúkunere kimutdlũnît patsisiginiagagssáungitdlat; Nâlagkavme ássiginiagagssamik taslornerdllorsínaussumik tuníngilâtigut. Gûtip ernera minguitsoĸ ássiginiagagssarârput; ukulo atĩnarmik krisumiussut píssusiánik igpigingnigtut tássarpiaugaluarput pitsaunerussumik inûssariaĸartut maligagssáussusermigdlo pitsaunerussumik takutitsissariaĸaraluartut. kristumlo ĸanoĸ ítariaĸartoĸ taima ilisimatigiguníko nangmingneĸ ajortuliait sule angnerussutut issigissariaĸalísángínerpât? sordlît iluarnersut nalúngilait ingminîgínardlugitdle nãmagsiniarnagit. kinguartitsĩnarnavêrit. ajortivut asigínarnigssât ũmativitdlo Jîsusíkut minguiarneĸartínigssâ uvdlormut avdlamut utarĸiseĸinago. táunarpiaĸ tûsintiligpagssuit kúkússutigisimavât támarnermingnik nâgssáungitsumik kinguneĸartoĸ. uvane angnertûmik táisángiláka inûnerup sivikíssusia nalunartoĸássusialo. tássûnarpiardle angisûmik navianartorslorsimavugut - navianartordlo tamána nãmagtumik pâsisínáungilarput - anersâp nipâ oĸáussissoĸ tunuartíkatdlaruvtigo ajortime inûneĸ ĸinerdlugo; kinguartitsinerme táuna taimatorpiaĸ isumaĸarpoĸ. ĸanordlũnît soĸutáungitsigissúnguatut ajorte issigigaluaráine - túniuvfigĩnaráine kisiáne-una támarnigssamik nâgssáungitsumik navianartorslordlune. ajugauvfigíngisavta ajugauvfigiumârpâtigut aserugaunigssavtinigdlo kinguneĸarumârdlune. Adam Evalo isumalloraluarput taima soĸutáungitsigissoĸ sôrdlo paornamik nererĸúngisamik nerineĸ Gûtip oĸautigissâtut sualugtigissumik kinguneĸarsínáungitsoĸ. soĸutauvdluángitsorissâtdle táuna tássauvoĸ Gûtip inatsisânik ivdlernartumik avdlángortitagssáungitsumik unlorĸutitsineĸ, tamatumata inuk Gûtimit avigsârtípâ toĸup isâvfê angmardlugit nagdlingnássuserdlo naigssáungitsoĸ silarssuavtínut pisitdlugo. ĸangarssuarmit mãnamut ajulersut nipait nimârneritdlo nunarssuarmit naoralaortutut pissarput, píngortitatdlo tamarmik anersârulugtut erdloĸivdlutigdlo inuit nâlángínerata naligssânik. ĸilangmiutdlũnît agdlât, Gûtip tungânut pikigtitsinerat malugisimavât. sáningassulik napavoĸ pigdliúmut tupingnangârtumut Gûtip inatsisainik unlorĸutitsineĸ pivdlugo akiliússissũsavdlune pissariaĸarsimassumut erĸáissutigssauvdlune. ajorte. soĸutáungitsúnguatut issiginiaĸinatigo. unlorĸutitsineĸ sunalũnît Kristusip sáimáuneranik tunugdliússinerit imalũnît sugssaringníngínerit ĸanordlũnît ítoĸ ilingnorpiaĸ tugkumârpoĸ. ũmat mángertísavâ, piumássuseĸ asiujartortísavâ sujuneĸássuseĸ sákukitdliartortitdlugo túniúsínáussusêrukiartortĩnarnatitdlo ãmátaoĸ anersâp iluartup ĸaerĸussineranut nâlagsínáussusêrukiartortíkumârdlutit. ĸavsît tarnimik nalungíssusia pugtarssissaĸartoĸ erĸarsáumik matumínga tugpatdlersarniartarpât: inûsertik ajortoĸ piumatdlerunik avdlángortisinauvdlugo sáimáunerup ĸaerĸussinera nalingimirisinauvdlugo taimáitordle anersâmit súnîvigineĸarsínaujuásavdlutik. isumallorput - sáimáunerup anersâva narrugerêrdlugo súnîsínáussusertigdlo Sâtanip isumaĸataisut atorêrdlugo - avĸutertik ajortoĸ ĸimagsinausavdlugo ajornartorslordluinalerunik. taimailinigssardle ilimagissamit ajornarnerujumârpoĸ. inûnerup misigissagssarititaisa ineriartûtigititaisalo inûp píssusivia ima sanavdluarêrsimatigissarpât: Jîsusimik malingningnialersutut avdlángornigssaĸ ikigtuínaussunit kigsautigineĸartardlune. agdlât inûp píssusiane amigautip atausĩnaugaluartup, kajungerissap ajortup atausĩnauvdlũnît iperarniarnago píssuserineĸartuarune kîsa îvangîliumit kivdligausínaujungnaernermik naggateĸarumârpoĸ. nuánârutipilûp sûssuvdlũnit tarnip Gûtimut agssortuinera sákortusáinartarpâ. angutip Gûtip sagdlusuíssutânut ugperumángítuarnermik soĸutigissaĸángítuarnermigdlũnît píssuseĸartup nangmineĸ siaruartigarpiane katerssorumârpai. ajortip soĸutigigtáitsumik inûnerinigssânut naviasârúmik avdlamik angutip ilisimassup oĸausianit sâkortunerussumik bîbilimĩtoĸangilaĸ oĸarmat: »iluaitsoĸ ... ajortuliausia pitûtarititdlugo autdlarnavêrsarneĸasavoĸ." úss. 5, 22. Kristuse ajortimit aniguisísavdluta piarêrsimavoĸ, kisiáne píngitsailîneĸ ajorpoĸ. uvagutdlo unlorĸutitsiuarníkut ajortimut pulajartuínaruvta aniguisitaunigssarputdlo kigsautigíngíkuvtigo sáimáunera ilagsiumanago, tauva avdlatut ĸanoĸ iliûseĸarsínáusava? támarnivtínut nangmineĸ pissûvugut asangníssusia narrugerêravtigo ĸanoĸ illornerput nalúngíkaluardlugo. »ata ramassa nagdliútoĸ nuánersoĸ, tamássa uvdloĸ ánáussivik.« »uvdlume nipâ tusaruvsiuk ũmatise mángerteĸinasigik.« 2 Kor. 6,2; Epr. 3, 7. 8. »inuit issimik nalânĩtut issigissarpait, Nâlagardle ũmámut issigissarpoĸ.« 1 Sâm. 16, 7. inûp ũmatâ issigâ nuánâruteĸartarneiane aliasûteĸartarneranilo, ũmat assigîgínarmik píssuseĸajuitsoĸ, támartartoĸ mingugtússutsip perĸuserdlungneruvdlo inât. ũmatip kivdlingneĸautigisínaussai ilordlerpât sujunertarissailo ilisimavai. tarnit ĸanoĸ mingugtutigigaluarpat orniguk. ũmatit angmaruk tamanik issigingnigtumut tugsiauslortutut oĸardlutit: »Gûte-â, kigdlisloringa, ũmatigalo misigûk; ĸavsêrssuit Gûtislornerat sianíssusĩnarmut túngavoĸ Gûtmik mianeringningniarneĸ pissûssârnerínaussoĸ ũmatip evĸiarneĸarneranik ilaĸángitsoĸ. ĸínutit imáikile: »ũmámik minguitsumik píngortitsivigínga, Gûte-â, anersâmigdlo nakimanavêrsumik iluvkut nutâllorfigínga." tugs. 51, 12. tarnit ilumôrfiginiaruk. ima asulĩngitsigalutitdlo nikatdlujuigit sôrdlume timíkut inûnerit navianartorslorângat pissartutit. tamána Gûtip ivdlitdlo akúnivsíne aulajangertariaĸarpoĸ aulajangernermik nâgssáungitsumut túngassumik. neriungneĸ túngaveĸángitsoĸ aserûtigssarísavat. Gûtip oĸausê kigdlisiniartákit ĸinungârdlutit Gûtip inatsisaisigut Kristusivdlo inûneragut anguniagagssat iluássuseĸ oĸautsip ilingnut nivtarpai; táuna piginago »Nâlagaĸ takuneĸ ajornaĸaoĸ." Epr. 12, 14. ajortimik nalujungnaerutauvoĸ ánangnigssavdlo avĸusernga navsuitsumik sarĸúmersitdlugo. ĸarssupĩnarnavĩkit táukunûnatigut Gûtip nipâ tarningnut Oĸalugtarmat. ajortip ánilârnássusia takulerugko, ĸanoĸ íssuserpiarissat takulerugko nikatdlordluínaĸinák. Kristusiuna tikiúsimassoĸ ajortullortut ánáuniardlugit. uvagut Gûte sáimáunartitagssaríngilarput, kisiáne - asangníssutsip tupingnássusia - Gûtip Kristusime silamiut sáimáunartípai. 2 Kor. 5, 19. asangningnermigut ĸitornane támartut inugsiarnerdlune ĸaerĸuvai. atâtaĸ numamiussoĸ ĸitorname kúkunerinut kamajuíkaluardlune Gûtip ánáuniagkaminut nikatdlujuissusia nagdlísángilâ. ajortullorsimassunut asangnigpalungnerussumik avdlamik oĸáussissoĸarsínáungilaĸ. inuit ĸardluinit anissunit kipilugtorpalússutsimíkut nagdlerneĸángisáinartumik táussuma támartut ĸaerĸussarpai. nerlorssûtai naviasârutailo tamarmik asangningnerínarmik píssuteĸartarput. Sâtane oĸaraluarpat ajortiligssûssutit, aniguisitsissit ĸiviaruk nãmagsissailo erĸartordlugit. ilingnut iluaĸutaujumârpoĸ ĸaumassua ĸimerdlôrugko. ilisariniarit ajortullorsimassutit, akerardle oĸarfigûk: »Kristuse Jîsuse silarssuarmut pissoĸ ajortullortut ánáukumavdlugit.« (1 Tim. 1, 15) ánáuneĸarsínaussutitdlo asangníssusiagut naleĸángitsukut. Jîsusip Sîmût aperâ akîtsugaĸartut mardluk pivdlugit. sujugdliup akîtsugaĸarfigâ aningaussanik amerdlangârtunik, áipâtale áiparminit ikingnerujugssuarnik; tamaisale isumákêrfigai. Kristusivdlo Sîmût aperâ táukua ardlâta sordliup nâlagke angnerussumik asásagâ. Sîmût akivoĸ: »amerdlanernik akilêrĸúngisâta.« Lúk. 7, 43. ajortiligssûsimagaluaĸaugut, Kristusile toĸuvoĸ isumákêrfigineĸarĸuvdluta. pigdlînermigut pigssarsiâ atâtamut nivtarneĸásavdlune nãmagpoĸ iluaĸutigssavtínik. amerdlanernik akilêrĸúngisaisa angnermik asajumârpât igssiavíssârssuanutdlo ĸaningnerujumârdlutik únersiutiginiardlugo asangningnerssua pigdliutâlo soraiuitsumik kinguneĸartoĸ pivdlugit. Gûtip asangníssusia sujunersivdlualeruvtigo ajortip ajússusia pâsinerulerumârparput. takuleruvtigo ánáuneĸarnigssavtínut Gûte ĸanoĸ agtigissumik illorsimassoĸ pâsilâtsialeruvtigulo Kristusip uvagut pivdluta pigdliutâ naleĸángitsoĸ, tamatuma ũmaterput augtikumârpâ perĸigsimingârnermigdlo pilersitsivigiumârdluta. |