ajortinik ángîarneĸ

»pinerdlungnerminik issertuínartoĸ pivdluásángilaĸ, pinerdlungnerminigdle navsuerutigingnigtoĸ iperardlugitdlo, táuna ánagkumârpoĸ." úss. 28, 13.

Gûtip sáimáuneranik pineĸarnigssamut pigínáussutigssat nâpertuivdluartûvdlutigdlo inornángitsûvdlutîgdlo artornángitdlat. ajortivtinik isumákêrfigineĸarsínaorĸuvdluta sumik artornartumik iliûseĸarnigssarput Nálagkap piumassaríngilâ. iluartullordlune angalanigssat sivisût ajornakusôrtorslornartutdlo perĸigsiminiardlunilũnît ániartínigssat tarnivut ĸilaup Gûtianut perĸuvdlugit ajortuliarputdlũnît isumákîgagssángortíniardlugo, tamáko pissariaĸángitdlat. ajortiminik navsuertoĸ iperardlugulo nagdligtuinermik pineĸásaoĸ.

apustile oĸarpoĸ: »ajortivsínik ángîarfigeĸatigîgitse ĸinuvdlusilo, katsorsarneĸarĸuvdluse.« Jâk. 5, 16. ajortise Gûtimut táukunínga isumákêrísinaussutuamut navsuersigik kúkunisilo ingmivsínut ángîaĸatigîgdlugit. ikíngutit sanilitdlũnit sumik patsiseĸarfigigugko kúkunernik oĸarfigissariaĸarpat, táussumalo pináinane isumákêrfigísavdlutit píssusigssarâ. tugdlerâ Gûte ĸínuvigissariaĸaragko ĸatángut ínardligkat Gûtip pigingmago, taimalo ínardleragko píngortitsissingnut utertitsissingnutdlo ajortuligavit. tamána taimailivdlugo nivtarne ĸarpoĸ sáimaunartitsissutuavtínut palasiunerssuavtínut »tamatigut uvavtínut ússerneĸartumut ajorteĸaranile,« »ĸajangnarsautsivtínigdlo nãkingnigsínaussumut.« Epr. 4, 15. iluáissutsip mingue tamaisa pîásavdlugit pigínauvoĸ.

ajortulinermingnik ángîarnerme tarnimíkut Gûtip sâne nikanartísimángitsut Gûtimit ilagsineĸarsínaussut sujugdlerpâĸ sule nãmagsisimángilât. sângniarneĸ uvguarfiúngitsoĸ misigissarilersimángikuvtigo, manigûtdluínardluta anersâmigdlo seĸumítumik pivdluta ajortivut ángîautigisimanagit taimalo iluáissuserput aliasûtigilernago tauva ajortit isumákîgaunerat ilumôrdluta pigssarsiariniardlugo ujarsimángilarput. ujardlersimángisáinaruvtalo Gûtip erĸigsinera naninaviángilarput. ajortuliarisimassavtínik isumákêrfigineĸarsimángínivtínut píssutituaugínarpoĸ ũmativut manigûtitíkumasimángínavtigik Gûtivdlo oĸausîsa piumassarissait najorĸutariumasimanagit. erssarigdluínartumik nalunaiaigaorêrpoĸ. ajortinik ángîautigingningeĸ sarĸumissumik kisivtalũnît ilisimassavtínik písagaluarune ũmámit pissariaĸarpoĸ, issertúngitsumik ilumôrtumigdlo. kinalũnît taimailiornigssaminut erdlorĸúneĸartariaĸángilaĸ. navsuerneĸ pissugssaussariaĸángilaĸ sorĸusáipalugtumik soĸutigigtáipalugtumigdlo ajortivdlo píssuserpiânik pâsingnigdluarsimángitsune pilersíniartariaĸarane. navsuerneĸ ũmatip ilorpiânit pissoĸ Gûtimut ítuínartumut nãkigtartumutdlo apũtarpoĸ. tugsiausiortoĸ oĸarpoĸ: »aserortersimassunik ũmatigdlit Nâlagkap ĸanigpai, seĸumítumik anersâgdlit ánáutarpai.« tugs. 34, 19.

ángîarneĸ ilumôrtoĸ nungutdlugit ingmíkut píssuseĸartarpoĸ ajortinik ingmíkûtârtunik ilisarssinerussoĸ. táuko imáitûsínáuput: Gûtĩnarmut nivtartariaĸartûsínauvdlutik, kúkunerusínáuput inungnut ínardligkanut ajoĸusigkanutdlũnît ángîautigissariaĸartut; imalũnît tamanut túngassûsínáuput taimalo tamanut ángîautigissariaĸarsínauvdlutik. kisiáne ángîarneĸ sunalũnît atúngitsunik ilaliússuinavêrsârniásaoĸ iluaitsuliat pissûvfigissarpiáinait navsuerfigalugit.

Sâmualip uvdluine Israilíkut Gûtimit avigsârput. ajortip kingunere ajortut atortariaĸarpait Gûtimúme ugperneĸ pigiungnaersimagamíko. inuiait sujulerssúsavdlugit píssauneranik ilisimássusianigdlo pâsingningnertik pigiungnaersimavât; ingminut igdlersuísavdlune pigínauneranik ajugautitsisínáussusianigdlo tatigingningnêrúsimáput. silarssuarmĩtut tamardluínarmik nâlagkersortât tunúsimavât inuiaĸatigîtdlo erĸamingnĩtut nâlagkersortaisa ássingánik pisârnigssartik kigsautigilerdlugo. erĸigsineĸ navssâritínago ángîaut erssarigsoĸ una ángîautigât: »ingmingnut kúngimik ĸinuvdlutik." 1 Sâm. 12, 19. ajortuliaĸ pâsivdlualigartik táunarpiaĸ oĸautigissariaĸarpât. ĸujasuíssusiata nivniortípai Gûtimitdlo avigsârtitdlugit.

ángîarneĸ perĸigsimivdluarnermit sângniarumanermitdlo píngitsoĸ Gûtimit ilagsineĸarnaviángilaĸ. inûnerme avdlángornerit aulajaitsut pissariaĸarput. Gûtip nuánaríngisai tamaisa taimaitítariaĸarput. taimailiorneĸ ajortimik perĸigsimissutiginerup ilumôrtup kinguneríngitsôrtugssáungilâ. pilersitagssaĸ uvagut tungivtínit nãmagsineĸartugssaĸ ersserĸarigdluartumik uvavtínut nivtarneĸarpoĸ: »uvfaritse, evĸiaritse, suliavse ajorssusiat issima sãnit pêrsiuk, ajortoĸ alarsiuk. ajúngitsuliornermut sungiusaritse, ínardluíssut aperĸutigisiuk, angutauserfigissat ikiorsigik, iliarssuit igdlersorsigik, uvigdlarnerit sernigisigik.« Is. 1, 16. 17. iluaitsup sagdlunavêrut utertíkuniuk, arsârutit taorserunigit, ilerĸugssat inũssutaussut ingerdlavigigunigit iluaitsuliornanilo, inũsavoĸ táuna, toĸúsángilaĸ. Hsk. 33, 15. Paulusip sângniarneĸ oĸalûserigamiuk oĸarpoĸ: »ata, takúsagigse, Gûtip perĸussânik aliasuleravse tamánarpiaĸ autdlarniutigalugo ĸanoĸ perĸigsârtigilersuse, tássalo oĸautsivsínik igdlersordluse ajoringnigdlusilo mianeringnigdlusilo kajungerdlusilo ilungersordlusilo pitdlaivdlusilo. tamatigut malungnarsivuse pisimassumut tamatumúnga píngitsûssuse." 1 Kor. 7, 11.

ajortip ilerĸorigsârnigssamik pâsingnigdlune soĸutigissaĸarneĸ nukigdiârtísimassarângago inûp ajortuliortarníkut inûnermine amigautine takusínaujungnaertarpai ajorte ĸanoĸ angitigissoĸ nãmagsigine pâsisínaunago, anersâvdlo iluartup píssauneranut nalujungnaersitsissumut nâlángĩnarune ajortimut tagpĩtuáinásaoĸ. navsuernera ilumôrdluínarnerúngilaĸ ilungersordlunilũnît pinerunane: ajortulinine ilisarilersarángamiuk nungutdlugit patsisigssarsioraraoĸ. oĸararaoĸ una unalũnît patsisigíngíkaluaruniuk mãna agssuarineĸautiminik iliorsimanaviángíkaluardlune.

Adam Evalo paornamik nererĸúngisamik nererêramik kángusugdlutigdlo ánilâlerput. erĸarsautât sujugdleĸ tássa ĸanoĸ ilivdlutik ajortuliornertik patsisigssarsiorniásavdlugo toĸumik pitdlarneĸarnigssaĸ sujôranartoĸ píngitsôrniardlugo. Gûtip ajortuliornertik pivdlugo aperssormatik Adamip Gûtilo nulîlo pissûtíniaraluarpai. oĸarpoĸ: arnap uvavnut áiparititavit tássánga orpingmit tuningmanga nerivunga.« arnaĸ pulateriârssuk pissûtiniardlugo oĸarpoĸ: »pulateriârssûp sagdloĸigtarmanga nerivunga.« 1 Môrs. 3, 12. 13. sôĸ-una pulateriârssuk píngortíkagko? sôĸ-una Edenimîtípiuk? aperĸutit taimáitut ajortuliornerminut patsisigssarsiorneranĩput. taima ordlunermingnut Gûte pissûtíniarpâ. ingminut iluartíniartarneĸ tamána sagdlup atânit píngortarpoĸ, kingornalo Adamip ernerine panînilo (inungne) tamane sarĸúmersarpoĸ. navsuerneĸ tamána ingmíkut ítoĸ Gûtip anersâta pilersitaríngilâ Gûtimitdlo atortûtíneĸarnaviarane. inuk perĸigsiminerup ilumôrtup pisísavâ pissũssutse tamât nangmagdlugo navsuerutigititdlugo torĸortuinane pissûssârnanilo. ilángauserissukulúnguatut issine ĸilangmut ârdlortísavdlugit sujôrassutut nivdlerumârpoĸ: »Gûteâ, sáimáunga ajortiliussunga." Lúk. 18, 13. ajortulinermingnigdlo navsuertut iluartûtíneĸarumârput Jîsusip aungmigut tarnit perĸigsimissut sáimáunartíkumangmagit.

perĸigsiminerup ilumôrtup manigûtilerfiussup ĸanoĸ ítũssusianik pâsíssutigssat Gûtip oĸausianĩtut takutípât navsuerneĸ patsisigssarsiornermik kúkunermigdlũnît migdlisainiarnermik ilaĸángitsoĸ. Pauluse patsisigssarsiúngilaĸ. ajortuliornerme ajússusia mingnerulersíniaraluarnago erĸordlugo oĸalugtuarâ. oĸarpoĸ: »iluartutdlo amerdlasût parnaerússivingmut pisítarpáka palasiunerit taima pigínáussuseĸartingmánga; toĸúneĸarângatalo akueringnigtarpunga, nâlagiartarfingnilo tamane pitdlarneĸartítarpáka, píngitsailissarpákalo mitagdlemuvdlugit; silaerssorfigissarângavkitdlo ĸinugissarãka igdlorĸarfingnut asimĩtunut agdiât malerssortardlugit.« ap. sul. 26, 10. 11. nangâne oĸarsínauvoĸ: »Kristuse Jîsuse silarssuarmut pivoĸ ajortuliortut ánáukumavdlugit, táukunane uvanga sagdlersauvunga.« 1 Tim. 1, 15.

ũmat manigũtoĸ seĸumítordlo - ilumôrdlune peĸigsimilersoĸ Gûtip asangníssusianik Jîsusivdlo sáningassulingme ániarneranik misigitsiásaoĸ. sôrdlulo erneĸ atâtaminut asangnigtumut navsuertartoĸ, taimatut ilumôrdlune perĸigsimissup ajortine tamaisa Gûtimut navsuerutigiumárpai. agdlagsimavordlo: »ajortivut ángîautigiguvtigik, táuna ilumôrdlunilo iluartûvoĸ, ajortivtínik isumákêrfigaluta iluaitsunigdlo sunik tamanik pîaivfigaluta." 1 Juán. 1, 9.