Kristusime agdliartornek

isumap avdlángornera Gűtimut ĸitornángornivtíne pissoĸ bîbilime erniunertut erĸartorneĸarpoĸ. ăma ásserssũneĸarpoĸ nautsîagssarigsumut narssáume sivkersumut. taimailivdlutik sângniarĸámersut inôrĸâtut agdliartúsáput inersimássusermut angutitut arnatutdlo Kristuse Jîsusime. 1 Pîtr. 2, 2. Evf. 4, 5. nautsîagssarigsutut narssáume siaruartigkatut naujartúsáput inerítoĸásavdlutigdlo. Isaia oĸarpoĸ taineĸásassut »orpigssuarnik iluarnerup pînik, Nâlagkap íkússugainik nâlangnarsíssutigssainik.« Is. 61, 3. taima ássilissat uvdluínarne inűnerme pissut atorneĸarput sagdlusuíssutit issertugaussut anersăkut inűnermut túngassut pâsivdluarnerorĸuvdlugit ikiorniardluta.

inuit ilisimássusiata píkoríssusiatalo tamarme píngortitame mingnínguardlũnît űmássuseĸalersíneĸ saperpâ. inűnikut Gűtip túniússainâgut naussut űmassutdlo űmasínáuput. taimáitut-una ăma inűníkut Gűtimut pissúkut aitsât inűneĸ anersăkut ítoĸ inuit ũmatáine pilersíneĸartartoĸ. kinalũnît erniorĸigsimángitsoĸ inűnermik Kristusip uvavtínut túniúniardlugo tikiússutigissânik pigssarseĸatausínáungilaĸ. Juán. 3, 3.

sôrdlo űmássuseĸalerneĸ pissartoĸ taimátaoĸ agdliartorneĸ ípoĸ. Gűtip-una inerítugssánguaĸ sivkersoĸalersítarâ sivkernerdlo kingunigssaĸalersítardlugo. píssauneragut-una nautsîagssaĸ agdliartortartoĸ »ivĩnait perĸârdlugit kingornalo karrit, kingornalo ĸajűssiagssat karrit iluine ineritdluarsimassut.« Mák. 4, 28. pruvfîtivdlo Húsiap oĸautigâ Israile »sivkerumârtoĸ assorutitut.« »karrit ũmartísavai vĩneĸutitut sivkerdlutik.« Hús. 14, 6. 8. Jîsusivdlo perĸuvâtigut »misigssorsigik assorutit ĸanoĸ naujartortartut.« Lúk. 12,27. orpît naussutdlo nangmingneĸ ilungersornermíkutdlũnît erĸasungnermíkutlũnît norĸainermíkutdlũnît naujartortángitdlat kisiáne Gűtip űmássuseĸarsínaorĸuvdlutik piaręrsagainik pigssarsiníkut. męraĸ nangmineĸ erĸasungnermigut nukigssornermigutdlũnît măna angíssuserissaminit angnerulersísínáungilaĸ. taimatordluínaĸ ivdlit nangmineĸ erĸasungníkut norĸainíkutdlũnît anersăkut agdliartortitsisínáungilatit. naussoĸ męrardlo agdliartortarput avatangîssimingnit inűnermut pissariaĸartut pissaramikik - siláinaĸ, seĸernup ĸaumarnga inũssutigssardlo. sôrdlo tamáko píngortitap túniútagai űmassumut naussumutdlo ítut, taimatut Kristuse táussumúnga isumagerĸussumut ípoĸ. táuko ĸaumassorât soraiuitsoĸ, seĸinerât erĸornavęrĸutigalugulo. Is. 60, 19 tugs 84, 12 Israilimut kanernertut íkumavoĸ, íkumavdlune »sialugtut narssáunguanut panertunut« Hus. 14, 6; tugs. 72, 6. imiuvoĸ inũssutilik, Gűtip neĸigssautâ »ĸilangmit arĸartoĸ silamiunik inűtitsissoĸ.« Juán. 6, 33.

Gűtip erne túniúpâ. tuníssutíkut táussuműna angingârtúkut silarssuaĸ sáimaunermik tamákerpâ siláinartut nunarssuavtínik avatangîssutut piviutigissumik. kíkutdlũnît siláinarmik tamatumínga najũssuiumassut inűjumârput agdliartordiutigdlo angutip inersimássusia nagdlerdlugo Kristuse Jîsusime.

sôrdlo naussup seĸineĸ sangmissarâ ĸíngornere tapertaoĸatáusangmata píníssutsime iluseríssutsimilo nămagtinigssănut, taimatut uvagútaoĸ iluássutsip seĸerna sangmissariaĸarparput Gűtip ĸaumassuanut ĸíngorfigerĸuvdluta píssuserputdlo Kristusip ássingane agdliartortíneĸarĸuvdlugo.

tamatumínga Jîsusip ilíniartípâtigut oĸarame: "uvavnĩtuaritse, tauva uvangáoĸ ilivsínĩtuasáunga sôrdlo avaleĸut ingmine inerititaĸarsínáungitsoĸ vĩneĸúmĩtuángikune, taimátaoĸ ilivse sapísause uvavnĩtuángíkuvse... uvangame ilaginanga saperdluínarpuse." Juán' 15, 4. 5. ivdlit Kristuse ilaginago inűneĸ ivdlernartoĸ inűnerisínáungilat sôrdlo avaleĸut timitaminĩngíkune naujartorsínáungitsoĸ inerititaĸarsínaunanilo táussumánga avigsârsimavdiutit inűneĸángilatit ússernartoĸ agssortűsavdlugo nukigssaĸángilatit; sáimáuníkutdlũnît iluássutsíkutdlũnît naujartorsínáungilatit táussumanĩkuvitdle sivkersoĸásautitdlusôĸ agdliartordiutitdlo. táussumánga inũssuteĸaruvit toĸűssásángilatit inerítoĸángitsũsanagdlo. orpigtut kũngűp sinâne íkutatut ísautit.

ĸavsît isumaliorput suliagssap ilánangmingneĸ nămagsissariaĸardlugo. Jîsusimut perĸúput ajortimingnik isumákęrfigineĸarumavdiutik, mănale nangmingneĸ ilungersornermíkut iluartumik inűniarput. ilungersorneritdle taimáitut tamarmik asulĩnásáput. Jîsuse oĸarpoĸ: »uvanga ilaginanga saperdluínarpuse.« sáimáunerme agdliartornerput, nuánârnerput ajúngitsuliornerisínaussavutdlo tamarmik Kristusimik peĸateĸarnivtínik píssuteĸarput. táussuma táussumínga inôĸateĸarnivtigut - uvdiut tamaisa nal. akúnerilo tamaisa táussumanĩnivtigut - aitsât sáimáunerme agdliartorsínauvugut. ugperneĸ autdlarnĩnángilâ, ămale nămagsivdluásavâ. Autdlartínerane, nânerane, tamatigut Kristuse píssutáusaoĸ. ilagissariaĸarpâtigut avĸutivta autdlarĸautáinâne naggatáinânilo pínata avĸúmile avdloriarnerit tamaisa. Dâve oĸarpoĸ: »Nâlagaĸ issima sânîtiuínarpara, talerpingma tungânĩpoĸ aularĸunanga.« tugs. 16, 8.

ímaĸa aperísautit: »ĸanoĸ ilivdlunga Kristusimĩtuásaunga?« - taimatorpiaĸ sôrdlo taimane ilagserĸâragko. »taimáitumik Kristuse Jîsuse pigileravsiuk táussumane saĸigitse.« »iluartordle ugperníkut inũsavoĸ.« Kul. 2, 6; Epr. 10, 38. Gűtimut túniúputit táussumúngáinaĸ pigitíkumavdlutit kivfartũkumavdlugo nâlagkumavdlugulo, Kristusilo ánáussissigtut ilagsivat; nangminęrdlutit ajortitit akilersínáungilatit ũmatitdlũnít avdlángortísínaunago; Gűtimutdle túniúkavit ugperputit Kristuse pivdlugo tamákunínga tamanik nămagsíssutísagâtit. ugperníkut Kristusip pigissarilerpâtit, ugperníkutdlo táussumane ineriartúsautit - túniússaĸardlutit tigusivdlutitdlo. tamaisa túniútariaĸarpatit: ũmatit, piumássutsit kivfartũssisínáussutsit táussumúnga túniutdlutit inássutai tamaisa nâlagkumavdlugit. tamaisalo tigussariaĸarpatit: ilagsivdlugo Kristuse pivdluarĸussaunerit tamarmik nămagtíssutât, ũmatingne ineĸarĸuvdlugo ilingnut nakũssutauvdlune, iluássutauvdlune ikiũssutáusavdlunilo - nâlangníkut ingerdlaniarningne nukigssaĸarĸuvdlutit.

uvdiât tamaisa Gűtimut perĸussarit. suliagssangnit tamanit tamána sujugdliutaruk. ĸínutit imáitarile: »tigúnga, Nâlagaĸ, ilingnuínaĸ pigiterĸuvdlunga, najúnga, suliaralo tamât ilingne suliarinâra.« tamána tássa uvdlut tamaisa suliagssaĸ. uvdiât tamaisa Gűtimut perĸussarit uvdloĸ autdlarnigkat pivdlugo. pilerssârnitit tamaisa táussumúnga túniútákit nămagsineĸarterĸuvdlugit pęrĸuvdlugitdlũnît sujulerssuinerata tamatuma pissariaĸarnera ilingnut takutísagpago. taima uvdlut tamaisa inűnerit Gűtip agssainut túniúsínauvat, tássűnákutdlo inűnerit Kristusip inűneranik ásseĸaleriartortíneĸasaoĸ.

inűneĸ Kristusimĩtoĸ ĸasuersârdlune inűneruvoĸ. ímaĸa kivdlisimârnartumik misigiuásángíkaluarputit, kisiáne erĸigsinartumik Gűtimut isumavdluartuartariaĸarputit. neriűt ilingnĩngilaĸ, Kristusimĩpordle. sángĩssutsit táussuma nakũssusianik peĸateĸásaoĸ, sujuneĸángíssutsit ilisimássusianik, ĸajangnássutsit píssauneranik kigdleĸángitsumik. taimáitumik ingminik issigísángilatit erĸarsautigkutdlũnît ingminik unigfigísángilatit, Kristusile issigísavat. ĸimerdlôruk asangningnera píssusiviatalo issíkuminássusia nămagdluinássusialo. Kristusip nikanarsarnera, Kristusip minguíssusia ivdlernássusialo, Kristusip asangningnera ássisiorsínaungitsoĸ - tássáuput isumap uníngavigissartagagssarissariaĸagai. táussuma asavdlugo ássiginiardlugo tatigalugulo ássingane avdlángortíneĸásassutit.

Jîsuse oĸarpoĸ: »uvavnĩtuaritse.« oĸautsip táussuma imarai ĸasuaersârneĸ, aulajáissuseĸ, tateĸarneĸ. oĸarĸigpoĸ: »ornigsinga. . . ĸasuersísavavse.« Mat. 11, 28. tugsiausiortup erĸarsaut tamánarpiaĸ oĸautigâ: "Nâlagaĸ utarĸiuk nipangerdlutit."Isaialo nalunaiaivoĸ: "uníngáinardlusilo isumavdluaruvse píssaorĸajaĸause." tugs. 37, 7. Is. 30, 15. ĸasuersârneĸ táuna nangmineĸ suliniángínerme nanissagssáungilaĸ; ánáussissuvme ĸaerĸússutâne ĸasuersârnermik neriorssűtâ sulinigssamut ĸaerĸussineranut atavoĸ. »nangmautara ilivsínut pisísiuk. . . tauva tarnivsínut ĸasuerfigssarsiumârpuse.« Mat. 11, 29. tarneĸ Kristusime nămagdluínarnerussumik ĸasuersârtoĸ táuna pivdlugo ilungersorneruvdlunilo suliniarnerujumârpoĸ.

ingmivtínut emarsautigititdluta erĸarsautivut Kristusimut inűnerup píssauneruvdlo puilavfianut sangmineĸ ajorput. taimaingmat Sâtanip ánáussissoĸ uvavtínut sűsupagitíniarssariuarpâ taimalo tarnip táussumúnga peĸatigingnilernigssâ inôĸatigingnilernigssâlo akornuserniartuardlugo. ússîssup erĸarsautit silarssűp nuánârutainut, inűnerup isumakulűtainut, erĸigsinángitsuinut alianartuinutdlo, avdlat kúkunerinut ivdlitdlũnît nangmineĸ kúkuningnut amigautingnutdlo sangmisíniarssariuarpai. persaringningnerinit támartíniaĸinaĸ. ĸavsît ilumôrniartut Gűtimilo inűniartut pisítuartarpai nangmineĸ kúkunitik sángîtdliorfitigdlo sualugpatdiârtumik unigfigerĸuvdlugit. taimalo Kristusimit avigsârtitdlugit ajugauvfiginigssât neriugâ. nangmineĸ ánangnigssarput pivdlugo isumakulungneĸ sujôranerdlo ingminivtínik pingârtípatdlâlerníkut pilersartut nigortíniartigik erĸarsautit taimáitut tarneĸ nakũssutivta puilassuanit tunutítarmássuk. tarnit Gűtimut isumagerĸuguk táussumúnga perĸuvdlutit. Kristuse oĸalűserissardlugulo erĸarsautigissardlugulo ivdlit nangminiússutsit tássane mingnerujartordle. ĸularneĸ tamât igiguk; sujôrajungnaerit. apustile Pauluse oĸaĸatiginiaruk: "Kristuse sáningassulingmut kikiagtugaoĸatigâra; inűssordlo uvangaujungnaerpoĸ, Kristusile uvavne inűvoĸ. mănalo uviningme inűnerissara Gűtip erneranut ugperdlunga inűserâra, uvavnik asangnigtumut ingminigdlo túniutdlune pivdlunga." Gal. 2, 20. Gűtime ĸasuersârit. pârerĸussat pârivdluarsínauvâ. táussuma agssainut perĸuguvit ilingnik asangnigtúkut ajugautisavâtit agdiât tamatumánga angnerussumik písavdlutit.

Kristuse inugtut táutoĸalerame inuit asangningnerup katíngássutânik píssaunermit avdlanit kigtorarneĸarsínáungitsumik inűvdle píngitsailisaunane nangmineĸ ĸinersisínauneragut kisiáne ĸilerússaerneĸarsínaussunik ingminut katíngássutilerpai. Sâtanip ússîniutimigut katíngássutaussumik tamatumínga kigtoraisíniarssariuarpâtigut Kristusimit avigsârneĸ ĸinerĸuvdlugo. taimáitumik erĸumassariaĸarpugut ĸinuvdluta ilungersordluardlutalo. sűvdlũnît nâlagkamik avdlamik Kristusiúngitsumik ĸinersitísángingmatigut taimailiorsínaunermúme píngitsailissáungínavta. Kristusile issiginiartigo, tauva atatísavâtigut. Jîsuse issigissarângavtigo ârdlerinartoĸartángilaĸ sűvdlũnĩme agssainit nusugsínáungingmatigut. issigiuáinaruvtigo avdlángortíneĸásaugut. »ássigileriartorparput taimatut nâlangnarsiartuínardluta tássalo anersâp nâlagânit pineĸardluta.« 2 Kor. 3, 18.

tássauna taimailivdlutik ajoĸersugkat sujugdlît ánáussissertik asassartik ássigileriartorât. Jîsusip oĸausę tusaramíkik ajorssautigalugo pâsivât. ujardlerput, nanissíput, tauvalo maligpât. ilagât igdlume, nerrivingme, inínguame ĸinujartorfingme, sulivfingme. ilagât sôrdlo ilíniartut ilíniartitsissertik, uvdlutdlo tamaisa ĸardluinit Gűtip sagdlusuíssutai ivdlernartut ilíniarpait. issigât sôrdlo kivfat nâlagartik suliarerĸussai pâsiumavdlugit. táuko ajoĸersugkat inũput »uvavtitut misigissaĸartartut.« Jâk. 5, 17. ajortimut sorssungnivta ássinganik sorssugtuartariaĸarput; sáimáuneĸ táuna pissariaĸarpât inűnermik iluartumik inôrĸuvdlutik.

agdiât Juánasip, ajoĸersugkap asassap, inűnera ánáussissup inűneranut ássingunerssaugaluardlune píssutse asanartoĸ inúngűserissatut pigíngilâ. angneruniáinartaranilo perĸarnĩtáinarnanilo ínardlugtumik pineĸarângame akiniaiumassarpoĸ. ánáussissuvdle Gűtimit pissup píssusia ilisarileramiuk kúkunine takulerpai, tamatumalo manigũssuseĸalersípâ. nakũssutsip ernitsajuíneruvdlo sagdláissutsivdlo, nâlangnássutsip makitajuíssutsivdlo Gűtip ernerata uvdluínarne inűnerane takussartagâta isumâ tupigusungnermik asangningnermigdlo ímerpâ. uvdlut nungutdlugit ũmatâ Kristusimut kajungersitaulerpoĸ ingminut tunugdliutilerdlune Nâlagkaminut asangningnermine. isumâ puvfajassartoĸ pitsauniartordlo súnigauvdlunilo piorsarneĸarpoĸ ánáussissup píssauneranit. Anersâp ánáussissup píssauneranit. anersâp iluartup erniorĸingnermik súnîssartup ũmatâ nutăngortípâ. Kristusip asangningnerata píssaunerata táussuma píssuserpiâ avdlángortípâ. tamána tássa Jîsusimik peĸateĸalernerup kinguneríngitsôrtángisâ. táuna ũmáme ineĸarpat píssuserput tamarme avdlángúsaoĸ. Kristusip anersâta asangningneratalo ũmat sáimartítarpâ tarneĸ píngitsailissutut, erĸarsautitdlo kigsautitdlo ĸúmut Gűtimut ĸilangmutdlo ĸutdláutardlugit.

Kristuse ĸilaliarmat ajoĸersugai najuineranik sule misigisimajuarput. sôrdlo tássa nangminivik najorâtik asangningnermik ĸaumanermigdlo peĸangârdlune. Jîsuse ánáussissoĸ angalaĸatigisimassât, oĸaloĸatigissarsimassât ĸinoĸatigissarsimassâtdlo, ũmatáinik neriulersitsivdlunilo tugpatdlersitsissarsimassoĸ táukunánga ĸilangmut pavungnartitausimavoĸ atâtap oĸariartűtigititâ sule nipangiúsimatínago, íngilitdlo tugsiardlutik ilagsigâtdlo nipe táukunúnga apigsípoĸ: »ata, uvdlut tamaisa najorpavse silap naggatigssánut agdlát.« Mat. 28, 20. inugtut issíkoĸardlune ĸilaliarpoĸ. nalúngilât Gűtip igsiavíssârssuata sanianîtitdlugo agdiât sule ikíngutigigigtik ánáussissigalugulo. nalúngilât misigíssusę avdlángúngitsut sulilo inuit erdloĸíssutainik ilisarssissoĸ. nangmineĸ aungmigut pigssarsiarititane Gűtimut sarĸúmerpai agssanilo isigkanilo ikeĸartut nivtardlugit erĸáissutitut ĸanoĸ akisutigissumik utertitane pisiarisimagine. nalúngilât ĸilaliartoĸ inigssioriartordlutik tikiuterĸigkumârtordlo ingminutdlo tigujumârdlutik.

ĸilaliarnerata kingornagut katerssorângamik ilungersordluardlutik kigsautigissatik atâtamut Jîsusip arĸane nivtararait. mianeringningárdlutik ĸinuvdlutik sęrĸúmertaraut Jîsusivdlo únersűtâ íssuardlugo: »sumik atâtaĸ ĸínuvigiguvsiuk ativkut tuniumârpâse. ĸinugitse, písause tipaitsungnerse nămagterĸuvdlugo.« Juán. 16, 23. 24. ugpernerup agssâ isautartik ĸutdlartikiartuínarpât ilisimagamíko »Kristuse tássaussoĸ toĸussoĸ, angnerungârtumigdlo tássaussoĸ makititaussoĸ Gűtivdlo talerpiata tungânĩtoĸ ĸínutdlutalo.« Rűm. 8,34. pînsip uvdluane igdlersuissoĸ najortigilerpât Kristusip ima oĸautigissâ: »nâgssáungitsumik ilivsinituasaoĸ.« ămalo oĸarpoĸ: »iluanăsause autdlásagama autdlángíkumame igdlersuissup ornísángilâse, autdlarumale ilivsínut autdlartíkumârpara.« Juán. 14, 16; 16, 7. uvdlormit tamatumánga Kristuse anersâmigut ĸitorname ũmatáine ineĸartuarumalerpoĸ. táussumínga peĸateĸarnerat timitaligtut najũkatdlarneranit angnerulersutut ilivoĸ. Kristuse iluine najugaĸalerpoĸ, asangningneratalo ĸaumassua píssauneralo táukunűnga takungnigtut tupigusulersitdlugit, »ilisaraitdlo Jîsusip ilagisimagai.« ap. sul. 4, 13.

Kristuse ajoĸersugkaminut sujugdlernut súnîneĸarnermisut măna ĸitornaminut súnîneĸarumavoĸ. mássame ĸínúmine kingugdlerme ajoĸersuganguane kaujatdlagdlune katerssorsimatitdlugit ĸinugame: »táukuínáungitsutdle ĸínúpáka. oĸausîsigut uvavnut ugperumârtutaoĸ ilángutdlugit ĸínúpaka.« Juán. 17, 20.

Jîsusip ĸínúpâtigut ĸínutigâlo atausioĸatigísagivtíne sôrdlo nangmineĸ atâtaĸ atausioĸatigigine. atausioĸatigingningneĸ pivdluarnartoĸ! ánáussissoĸ ingminik pivdlune oĸarpoĸ: »erneĸ isumaminik ĸanoĸ iliorsínáungilaĸ.« »atâtap uvavnĩtuartup suliat suliarai.« Juán. 5, 19; 14, 10. Kristuse ũmativtíne ineĸarune uvavtíne súnĩsaoĸ »piumatdlersítardluta nămagsissaĸartítardlutalo iluarissane nâpertordlugo.« Fil. 2, 13. tauva sulissarumârpugut sôrdlo táuna sulissartoĸ isumâtalo ássinganik peĸarumârdluta. taimalo asaguvtigo táussumanîtdlutalo tauva »tamatigut niaĸorissamut Kristusimut agdliartúsaugut.« Evf. 4, 15.