inûnek sulinerdlo

silarssuarme inûneĸ ĸaumanerdlo tamarme nuánârnerdlo tamarme Gûtime autdláveĸarput. sôrdlo ĸíngornerit seĸinermit, sôrdlo pikialaornerit puilassumit, taima táussuma pivdluarĸússutit píngortitaminut tamanut túniútarpai. sumilũnîtdlo inûneĸ Gûtip pia inuit ũmataínĩtarângame avdlanútaoĸ misingnartitaussarpoĸ asangningnermik pivdluarĸússutaunermigdlo.

ánáussissivta tipaitsûtâ tássa inuit ordiusimassut makititdlugit ánautdlugitdlo. taimailiorumavdlune nangmineĸ inûnine erdligíngilâ, sáningassuligdle atorpâ mitautigineĸarnine soĸutiginago. taimatut ãma íngilit suliaĸartuartitáuput avdlat pivdluarnigssât píssutigalugo. tamána tássa táukua tipaitsûtât. nãkinartunik tamatigutdlo píssutsimíkutdlo akimássuseĸarníkutdlo ingminit nákanganerussunik ikiuineĸ ũmatit ingminuínaĸ asassut nikanarsautitut issigissartagât íngilit ajorteĸángitsut suliariuagarât. anersâk Kristusip ingminik pigdliutigissup anersâva ĸilangme nâlagkersuivoĸ tássanĩtutdlo pivdluarneránit túngaviuvdlune. anersâk taimáitoĸ Kristusip ajoĸersugaisa pigísavât; suliaĸ taimáitoĸ suliarisavât.

Kristusip asangningnera ũmatimĩtarângame tipigigsutut issertorneĸarsínáungitsutut ítarpoĸ. ĸaníngûgkavta tamarmik súnînera ivdlernartoĸ malugísavât. Kristusip anersâva ũmáme inoĸajuitsume puilassutut ítarpoĸ tamanut tumánguersáumik pikialassoĸ ajunârdluínalersut tamaisa inûnerup ervnganik piumangârdlutik imerumatdlersítardlugit.

Jîsusimik asangningneĸ sarĸúmísaoĸ táussumatut suliumaníkut sôrdlo táuna sulissoĸ inuit pivdluarĸuneĸarnigssât pitsaunerulernigssátdlo pivdlugo. píngortitanik tamanik atâtavta ĸilangmiussup isumagssortuagainik asangnigtúngortísavâtigut misigingneĸatigingnigtungortitdlutalo.

ánáussissivta nuname inûnera árĸisimârnerunanilo ingminuínaĸ isumaginerúngilaĸ; ilungersordlune ĸasusuitdlunilo sulivoĸ inuiait támarsimassut ánáuneĸarnigssât pivdlugo. nerssutautit nerissarfiánit sáningassulingmut ingminut nâggârfiginerup avĸutâ suliagssat ilungersuanartut, angalanigssat ĸasunartut kajumingnaitsut, isumakulûtit suliagssatdlo erdloĸinartut nigorterniarnagit. oĸarpoĸ: »sordlo inûp ernera tikiutíngitsoĸ kivfartorfigerĸuvdlune, kisiáne kivfartúsavdlune inũssutsilo akigssatut túniúsavdlugo amerdlasût utertíneĸautigssãnik.« Mat. 20, 28. tamána tássa inûnerata sujunertatuâ angeĸissoĸ. avdlat tamarmik pingãngínerúput. neĸigssâ imigssâlo tássa Gûtip piumassâ suliarísavdlugo suliarerĸussâlo nãmagsísavdlugo. nangminigssarsiorneĸ ingminutdlo túngassuínarnik soĸutigissaĸarneĸ atúngitdluínarpai.

taimatut Kristusip sáimáuneranik pigssarseĸataussut ingmingnik pigdliutiginigssamut sûssumutdlũnît piumassũsáput, tássame avdlat ãmátaoĸ torĸutigissai tuníssúmik ĸilangmit pissumik pigssarseĸatausínaorĸuvdlugit. sapíngisartik nâpertordlugo iliorumassũsáput silarssûp pitsaunerulersíniarnerane inûnermíkut suleĸataujumavdlutik. anersâĸ taimáitoĸ ilumôrdlune sângniarsimassume sarĸúmertainárpoĸ. kinalũnît Kristusimĩtarângame kigsauteĸalersarpoĸ avdlat oĸalugtũkumavdlugit ikíngut ĸanoĸ-ítoĸ Jîsusime nanisimagine. sagdlusuíssut ánássutaussoĸ iluarsiartûtaussordlo isumâne naĸitarĩnarneĸarsínáungilaĸ. Kristusip iluarnera atisimaguvtigo anersãkutdlo iluartúkut tipaitsũmik ímerneĸarsimavdluta nipangĩnarsínaugilagut. Nâlagkap angajorĸautsernera ússersimavdlugulo takusimaguvtigo oĸalugtuagssaĸásaugut. Pilípup ánáussissumik nâpitsineratut avdlátaoĸ tássungnarĸuvdlugit ĸaerĸujumârpavut. Kristusip píssusiata asanássusianik silarssuagssavdlo piumârtugssap uniúsángitsumik takugssáungitsunik únersũniarumârpavut. avĸúmik Jîsusip avĸutigisimassânik atuarusungneĸ sákortusiartuínarumârpoĸ. erinigiartuínarumârparput erĸavtínĩtut takúsagât »Gûtip savârâ silamiut ajortáinik erssugtoĸ.«

avdlanigdlo pivdluarĸussautitsiniardluta sulinerput uvagut nangmineĸ pivdluarĸuneĸarnigssavtínik kinguneĸásaoĸ. tamána Gûtip sujunertarâ tunigamisigut suliagssamik utertitaunigssamut túngassumik suliagssaĸartitdluta. táussuma inuit tunivai Gûtip píssusianik ilangîsínautitdlugit, tamatumúngalo túngassumik inoĸatimingnut pivdluarĸússut aggiútariaĸarpât. tamána tássa atarĸinaut anginerpâĸ, tipaitsût angnerpâĸ Gûtip inungnut túniúsínaussâ. taimailivdlutik asangningníkut suleĸataussut píngortitsissertik ĸanigdlinerpausínauvât.

îvankîliup nalunaerutâta oĸalũssíssutigineĸarnigssâ nagdligtuineruvdlo nãmagtíneĸarnigssâ Gûtip íngilinut ĸilangmiussunut suliaritísimasínaugaluarpâ. sujunertarissane nãmagsiniardlugo sákut avdlat atorsimasínaugaluarpai. asangningnermigutdle soraiuitsúkut ĸinerpâtigut Kristusimut íngilinutdlo suleĸataussúngortitdluta, tamatumûnákut pivdluarĸússutinik, tipaitsũmik anersãkutdlo ĸagfartitaunermik kivfartornerup nangminigssarsiúngitsup taimáitup kingunerissartagainik pigssarseĸataorĸuvdluta.

Kristuse kátuvfigísavarput ániarnerane peĸatigiguvtigo. suliap sûvdlũnît ingminik tunugdliutdlune avdlat iluaĸutigssãnik sulinerussup tunississup ũmatâne ajúngitsuliorumaneĸ nakússagtítarpâ inugdlo táuna silarssûp utertitsissânut atanerulersitdlugo »pitsûgaluardlune pîtsúngortumut pivdluse, pîtsûnermigut pisũngoĸuvdluse.« tássalûna tásssûnáinaĸ taimailivdluta Gûtip píngortíkamisigut sujunertâ nãmagiguvtigo aitsât inûneĸ uvavtínut pivdluaĸuneĸautíngorsínaussoĸ.

Kristusip ajoĸersugkaminut suleĸussineratut suliumaguvit tarnimik táussumúnga pisitsiniardlutit Gûtip pînik misigissaĸarnerujumajartuínalísa sutit pâsissaĸarnerujumalerdlutitdlo, iluarnermutdlo kâgdlutitdlo imerusulísavdlutit. ilungersordlutit Gûtimut ĸinussalerumârputit ugpernerit nakússagtitaomuvdlugo tarnitdlo ánangnerup puilassuanit imertineangârĸuvdlugo. akerdlilerneĸarnerup misilingneĸautitdlo atugagssavit ĸinunermut agdlagkanigdlo atuarnermut pisíkumârpãtit, misigissagssatdlo itinerujartuínartut angujumârpatit.

nangminigssarsiorane avdlat pivdlugit sulinerup inûp píssusia itinerujartortitarpâ aulajáissuseĸalersítardlugulo kristumiututdlo kussanássuseĸalersitardlugo emigsinermik pivdluarnermigdlo kingunigssiordlune. pingârnerussumik piniagaĸartitaulersarpoĸ eĸiasungneĸ nangminigssarsiornerdlo inigssaerutitauvdlutik. taimailivdlutik kristumiutut ilemorigsârnerme sungiusartut Gûtip sulíssúnerane agdliumârput nakûssúngordlutigdlo. anersãkut tagpíssuseĸalerumârput ugpíssuseĸartuínardlutik ĸinuníkutdlo nakũssuseĸarnerulerdlutik. Gûtip anersâ taukunúnga súnîumârpoĸ tarnimilo emigsineĸ ivdlernartoĸ Gûtip akíssutâtut pilersíkumavdlugo. avdlat ajúngeĸutigssáinik nangminigssarsioratik suliniartut ilumut nangmingneĸ ánangnigssartik taimailivdlutik sulissutígissarpât.

sáimáunersiartûtigisínaussatuarput tássa kisime nangminigssarsiorata Kristusip sulíssutigerĸussâ suliaruvtigo tássaussoĸ sapíngisanguavtínik ikiortariaĸartut ikiomuvdlugit pivdluamussaunermigdlo pigssíniarĸuvdlugit. nakũssuseĸ suliníkut pilersarpoĸ; sulineĸ inûnerup píngitsôrsínáungilâ. kristumiutut inûnermingnik ingerdlatsiniartut pivdluarĸússutit sáimáunersíssutigssatigut (kuíssutíkut nerdlîvikutdlo) pissut tiguínartardlugit Kristusilo pivdlugo suliniarnatik - inûniaraluarput nerissardlutik sulissarnatigdle. tamánale anersãkut timíkutdlo ítumik pigaluarângame tamatigut nukigdiâriartornermik aseroriartornermigdlo kinguneĸartarpoĸ. avatiminik atuiumángitsup atorsínaujungnaerumârpai. taimatut nukingnik Gûtip túniússainik atuíngitsup Kristusime agdliartorungnaigína rane nukik pigerêralugke ánaiumârpâ.

Kristusip ilagîgsai Gûtip sákugssatut ĸinigarai inuit ánangnigssãnut. suliagssát tássa îvankîlio silarssuarme nalunaiaitigísavdlugo, suliagssardlo tamána kristumiunut tamanut túngavoĸ. kialũnît pigínáussutsine pitsaunerit taimailiortariaĸarfîtdlo tamaisa atorniartariaĸarpai ánáussissup ingminut suliagssíssutâ suliariniardlugo. Kristusip asangningnerata uvavtínut sarĸúmersitaussup tamanut táussumínga ilisarssíngitsunut akiligagssaĸartutut ilersípâtigut. Gûtip ĸáumarĸúmik tunivâtigut uvavtínuínaĸ pínago avdlanútaoĸ ingerdlatememuvdlugo.

Kristusimik malingnigtut suliagssartik pâsivdluaraluarpássuk mãna Gûtimik nalussune îvankîliumik naulunaiaissoĸ atauseĸ tûsintiligpagssuarnik peĸatigssaĸásagaluarpoĸ. kíkutdlo tamarmik suliame nangminêrdlutik suliame tamatumane suleĸatausínáungitsut tapersersorsínauvât pigissamingnik, soĸutigingningnermingnik ĸínússissarnermingnigdlo, taimalo suliaĸ kristumiulingne mãnákornit sákortunerujugssuarmik ingerdláneĸarsínáusagaluarpoĸ.

nunanut Gûtimik nalussunik inulingnut autdlartariaĸásángilagut igdlumilũnît inôĸativut ĸimagtariaĸásanagit tássane sulíssutigissagssaĸarsimaguvta. sulisínauvugut igdlume inôĸatigissavtíne, ilagîngne, inungne uvdluínarne inôĸatigissavtíne imalũnît atássuteĸarfigissavtíne.

ánáussissivta nuname inûnerme ilarujugssua Nãsarame sanasuĸ sánaviane ĸatsússiuitsumik sulivdlune atorpâ. íngilit kivfartortut inûnermut nâlagaussoĸ ilagât ilisarissaunane atarĸineĸaranilo naussorigsaissut sulissartuínaitdlo akornáne angalagatdlarmat. suliaĸ ingminut suliaremussaĸ sulíssutigâ agssagssordlunilũnît suligatdlarame náparsimassunigdlũnît ajorungnaersitsissardlunilo Ginîsaratip tasiata malingisigut pisugtaraluarame ássigîngmik ilumôrdlune ilungersordlunilo. taimatut uvagútaoĸ inûnerme atorfingme sũngínerussumĩkaluardluta suliagssanigdlo nikanarnernik suliaĸaraluardluta Jîsuse ilagalugo ingerdlasínauvugut táunalo ikiortigalugo suliarput ingerdlásínauvdlugo.

apustile oĸarpoĸ: »kinalũnît ĸanoĸ ititdlune ĸâĸuneĸarune, ĸatángutíka, taimaigínardle Gûtimut." 1 Kor. 7, 24. niuvertup niuvertarfine ima ingerdlásínauvâ nâlagke ilumôrnermigut nâlangnarsisitdlugo. Kristusimik malingnigdluartûgune ĸanoĸ iliornermigut tamatigut ugperissane malungnartíkumârpâ anersârdlo Kristusip pia inungnut nivtarumârdlugo. agssagssornermik suliaĸartup eĸiasuitdlune ilumôrdlunilo ássiginiardluarsínauvâ ína inûnerup suliagssartainik nikanartunik sulerulugtoĸ Galilîap ĸatsingnerisa akornáne. kinalũnît Kristusip amanik taississartoĸ ima sulissariaĸarpoĸ avdlat ajúngitsuliaminik takussaĸarsínautitdlugit taimalo píngortitsissiminik utertitsissiminigdlo nâlangnartitsissariaĸarnerminik isúmerfigssaĸalersitdlugit.

ĸavsît pigínáussusertik Kristumik kivfartũssinermut atúngitsôrpait tássa avdlat tamatumane pigínáussuseĸarnerungmata piúkúnauteĸarneruvdlutigdlo. ima isumaĸartoĸalersimavoĸ ingmíkut pigínáussuseĸardluartut kisimik pigínáussutsitik Gûtimik kivfartũssinermut atortariaĸarait. ĸavsît isumaliortarput iluanârtut amerdlángitsut kisimik pigínáussuseĸardluarnermik tunineĸarsimassut tamánalo pivdlugo sívnere ilungersornartune suleĸatáusavdlutik. ĸäĸunerĸángítsut tássalo akilerneĸarnigssartánigtaoĸ angussisínaunatik. tamánale talantinik ásserssũme oĸautigineĸartumut akerdliuvoĸ. igdlup nâlagáta kivfane ĸaerĸugamigit tamaisa ingmíkut suliagssípai.

inunerme suliagssat sũngínerit suliarisínauvavut anersâĸ asangnigtoĸ pigalugo »Nâlagkamut kivfartortutut.« Kul. 3, 23. Gûtip asangningnera ũmámĩkune inûnerme ersserumârpoĸ. Kristusip naimajuminartuata pôrsimásavâtigut, súnînerputdlo avdlanut ĸagfautdlautáussaoĸ pivdluarĸússutauvdlunilo.

isumaliúsángilatit Gûte sulíssutísagit aitsât píssutigssaĸaruvit pingârtunik aitsâtdlũnît pigínáussuseĸaruvit ĸaĸutigôrtumik. silamiut pivdlutit ĸanoĸ isumaliornigssât isumaliutigísángilat. uvdluínarne inûnerit ugpernerpit minguíssusianut pissûssãngíssusianutdlo nalunaiautaugpat inoĸativitdlo pâsilerpássuk iluartumik piniaritit, tauva suliniarnitit maungáinarsimásángitdlat.

Jîsusip ajoĸersugaine nikanarnerit pîtsûneritdlo avdlanut pivdluarĸússutausínáuput. ímaĸa nangmingneĸ pâsíngíkaluarpátdlũnît sumik ajúngitsumik nãmagsissaĸarnertik. súnînermikutdle nalussamíkut pivdluarĸússutip malinge pilersísínauvait angnerujartordlutigdlo itisiartuínásassut, tamatumale inerititai ajúngitsut ĸularnángitsumik táukunúnga nivtarneĸángisáinásáput aitsât nautsorssuivfigssarssûp kingugdliup uvdluane nivtarneĸarumârdlutik. isumaliúngíkaluarput naluvdlugulo sumik angisûmik nãmagsissaĸarnertik. piumavfigineĸángitdlat kinguneĸarnigssâ isumakulûtigalugo nanertûtigerĸúsavdlugo. nipaitdlutik sujumut ingerdláinartariaĸarput suliardlo Gûtip sujulerssuinermine ingmingnut túniússâ ilumôrdlutik suliaralugo, tauva inûnerat asulĩnásángilaĸ. tarníkut ineriartorumârput Kristusilo ássigileriartuínardlugo. inûnerme mâne Gûtip suleĸatigai, taimalo piarêrsarneĸarput suliagssamut pingârnerussumut tipaitsungnigssamutdlo tâgdlerneĸángitsumut inûnerme piumártugssame.