Guutirnik ilisarsineq

Assigiinngitsorpassuit aqqutigalugit Guuti imminik uatsinnut saqqummersinniartarpoq imminillu inooqatiginnilersinniartarluta. Pinngortitaasup misigissutsivut sianissutsivullu kipisuitsumik oqaluuttuarpai. Uummatip matusimanngitsup tupigusuutigiumaarpai Guutip asannissusia angingaarsusialu assaasa suliaasa nalunaajagaat. Siutip nalornisup tusarsinnaallugulu paasisinnaavaa Guutip oqalunnera pinngortitarsuakkut. Narsat qorsuusut, orpissuit portoqisut, orpiit sikkersussartanngui naasullu, nuissat ikerinnakkoortut, sialuit, kuunnguaq kuuppalaartoq qilassuullu alutornassusia uatsinnut oqalupput qaaqqulluta ilisarileriartoqqullugu tamakkuninnga tamanik pinngortitsisoq.

Annaassisup ajoqersuinini qassiinik pinngortitaniittunik ilasarpaaorpiit, timmissat, naasut, qattorngit, taseq, qilak alianaatsoq makkulu ulluinnarni inuunermi naapittakkat pisartullu sallusuissutip oqaasertaanut ilanngullugit atortarpai, inunnut ajoqersuussutini eqqaasaannaqqullugit, allaat ulapilluni qasusarlunilu sulinerup nalaani.

Guutip suliani qitornaminut pingaarteqquai nunallu najugarisatta alianaaqutaanik nuannaaruteqaqqulluta. Pinnersunik asannittuuvoq, qallikkullu kajungemassuseqartunit pingaarnerutillugu inuk kusanartumik pissusilik asavaa. Guutip piumavaa minguissuseq piuaassuserlu alliartortissagivut pinnersaateqarlu talu kusanassusermik ni ttarsaattuunngitsumik, narsap naasuini takusartakkatsinnik.

Naalaarumasinnarutta Guutip pingortitaasa ilinniagassamik pingaartorsuarmik naalannermik tateqarnermillu ilinniartissavaatigut. Ullorissanit ukiorparujussuarni imminnut aqqutigeqqusakkut ingerlajuartunit atomimut minnerpaannguamut pinngortitat tamarmik pinngortitsisup piumasaa naalappaat. Guutillu pinngortitani tamaasa isumagalugillu atatippai. Silarsuarnillu kisinneritsumik isusissaanngitsumiittunik atatitsisuujutigaluni isumagaattaaq qupalorarsunnguaq sioorassuteqarani nipinnguaminik nikanarpaluttumik qarlortartoq. Inuit ulluinnarni suliffimminnukaraangata qinunikkut Guuti ujaraangassuk, unnukkut innaraangata ullaakkullu makittaraangata; pisooq illussaarsuarmini nerersuartitsillaraangat, piitsullu qitornani nerrivimminut sutugassaqanngingajaqisumut issaaqatigisaraangagit, ataatap qilammiusup asannilluni tamaasa paarisarpai. Qullinik kuuttoqanngilaq Guutip takunngisaanik, qungujunnerillu tamaasa arajutsinngilai.

Tamanna naammattumik ilumoortumillu upperiinnarutsigu isumakuluutit iluaqutaanngitsut tamarmik peerumaarput. Inuunerput maannakkutut pakatsivissaqartigiunnaassaaq, tassa pingaartut pingaanngitsulluunniit Guutimut peqqujumaaratsigik isumakuluuterpassuamit artorsinneqameq ajortumut oqimaassusiannilluunniit aqullaartitaassanngitsumut. Taava anersaakkut qasuersaarnermi tipaatsukkumaarpugut qasseerpassuit sivisoorsuarmik misilissimanngisaanni.

Sianissutsivit kusanassuseq nunamiusoq tamaat tipaatsuutigisaraangassuk eqqaasaruk silarsuassaq ajortip toqullu aseruinerisa pallitassarinngisaat, perloqqussutip tarraanit taallerneqanngisaannassasoq. Eqqarsaatikkut takorlooruk annaassaasut inissaat, eqqaaniarullu takorluuinernit pitsaanerpaamilluunniit alianaannerungaassammat. Guutip tunissuterpassuini pinngortitamiittuni uatsinnut tunniussaani naalannarsusia takullatsiaannartarparput, soorlu allassimasoq: "Isit takusimanngisaat siutillu tusaasimanngisaat, inuillu uummataanni pilersimanngitsut Guutip asasiminut piareersagai." 1 Kor. 2,9.

Taalliortoq pinngortitarsiortorlu pinngortitaq avatitsinniittoq pillugu oqaasissaqaqaat. Kristumiorliuna nunap pinnissusianik nuannaaruteqarnerpaasartoq, tassani takusaramiuk asanninneralu malugisarlugu naasuni, orpikkani orpinnilu. Kialuunniit qattorngit qooqqullu, kuuit tatsillu Guutip inunnut asanninnerata ersernerisut isigilersinnaalersinnagit naammattumik pingaartissinnaanngilai.

Guutip siulersuinermigut anersaamilu uummammi sunniisarnerisigut oqaluffigisarpaatigut. Pissutsini nalunngisatsinni avatangiisitsinnilu allanngorarnernilu ullut tamaasa avatitsinni pisartuni pingaarluinnartunik ilikkagassarsisinnaavugut, uummativut taakkununnga ilassinnerusussuseqarpata. Guutip siulersuinermini suliai eqqaallugit tussiaasiortoq oqarpoq: "Naalakkap ajunngissusiata nunarsuaq tamakkerpaa." "Ilisimasup maluginiarliuk tamanna, Naalakkap unneqqarissusia sianigisassaammat." Tuss. 33, 5; 107,43.

Guutip oqaatsimigut oqaluffigisarpaatigut. Tassani Guutip qanoq issusia, inunnik ingerlatitsinera utertitsinerullu suliarineqarnerujussua suli ersarinnermik saqqummersitaapput. Tassani ataataanerpaat, pruffiitit allallu angutit iluartut ingerlaasiat taamanikkorpiamit nittarneqarpoq. Inuusimapput uatsitut atugaqartartut. Jaak. 5, 17. Takuarput ajornartorsiutinik uagut atortakkatta asserpiaanik atugaqartartut, qanoq ussemartuni uatsitut orlusartut, taamaattorli sapiilleqqillutik Guutillu saammaanneragut ajugaallutik. Tamanna qimerloortaraangatsigu iluarnermik noqqaaniarnitsinni qiimmassarneqartarpugut. Misigisaat pingaartorsuit atuaraangatsigik, qaamasoq, asanninneq pilluaqqussutillu nuannaarutigisaat, suliarlu Guutip saammaanneragut naammassisaat, taava anersaap taassuma taakkununnga piumallersitsisup uummatitsinni piumallersitaaneq iluartoq ikittarpaa kissaatigilersittarlugulu pissusiisigut assigilerumallugit Guuti ilagalugu taakkutut ingerlajumalluni.

Jiisusi testamentitoqqami allassimasut pillugit oqarpoq (qanorlimi testamentitaami allassimasunut eqqorsimanerutigigaluarpat): "taakkorpiaallu uanga nalunaajaatigaannga." Joh. 5, 39. Nalunaajarpaat utertitsiserput, inuunermik naassaanngitsumik neriunnitta tamarmi tunngavia. Biibilimmi tamarmi Kristusi nalunaajarpaa. Pinngortitsinermi nalunaarummit siullerpaamit - "Suut tamarmik taassumuuna pinngorput, pinngortullu taassuma pinngortitarinngisaanik ataatsimilluunniit ilaqanngillat" - neriorsuummut kingullerpaamut: "Tassami, erniinnaq tikiutissaanga." (Joh. 1,3; Saqq. 22, 12), atuarpavut suliai, nipaalu tusaavarput. Annaassisoq ilisarilerumagukku allakkat iluartut atuartakkit.

Uummatit iluunngarluni Guutip oqaasiinikimmerneqarli. Imeq-una inuussutilik qilalingaarninnik imeruersaatissaq. Tassa neqissaq inuussutissaq qilammit pisoq. Jiisusi oqarpoq: "Inuup Ernerata uinnga nerinngikkussiuk, aavalu iminngikkussiuk, ilussigut inuussuteqassanngilasi. " Oqaatsinilu nassuiarpai ima oqarami: "Ilissinnut oqaaserisakka tassaapput anersaaq inuussullu." Joh. 6, 63. Timivut nerisatsigut imikkatsigullu ineriartortitaapput, soorlulu silami ingerlanermi ittoq, taamatuttaaq anersaakkut ittuni ippoq. Eqqarsaatigilluakkattaana anersaakkut inuunerput pissusissalertaraa nakuussuserlugulu.

Utertitaaneq najoqqutaavoq inngilit itsuarumasaat. Utertitaaneq utertitaasut naassaanngitsussami oqaluuserisaasa tussiutigisaasalu eqqartornerpaajumaarpaat. Maannamiit tamanna paasiniarluassallugu eqqarsaatigilluartalissallugulu pisariaqannginnerpa? Jiisusip nallittuingaarnersua asanninneralu pillutalu pilliutaa itinerpaamik ilungersomerpaamillu eqqarsaatigisariaqarpavut. Utertitsisitta illersuisittalu pissuserpiaa eqqarsaatitsigut uninngavigisariaqarparput. Uppernerput asanninnerpullu nakussatsitaassapput taama qilaap pii qimerloorutsigik, qinnutivullu Guutimut ilassisassaanerujartuinnassapput uppemermik asanninnermillu imaqamerujartuinnassagamik. Siuneqarpalunnerujartussapput ilungersorpalunnerujartorlutillu. Jiisusimut soraajannginnerujartortumik tatiginnissuse qaleriartussaagut, ullullu nungullugit misigisarilissallugu pissaanera, immigut Guutimut orniguttunik tamanik pillualersitsisoq.

Annaassisup naammalluinnassusia qimerloorutsigu kissaat uatsinni pilissaaq, taassuma minguissusiata assingani allanngortinneqarluinnarumalluta nutaanngortitaalluinnarumallutalu. Kaattutut imerusuttutullu erinigissavarput pallorfigisassarput assigiumallugu. Kristusi eqqarsaatiginerujartortillugu allanut oqaluuserinerujartussavarput, silarsuarmullu saqqummiunnerujartussallugu.

Biibili ilisimatuuinnaat pillugit allanneqanngilaq. Inuilliuku nalinginnaasut pillugit allanneqartoq. Sallusuissutip pii pingaartorsuit pilluarnissamut pisariaqartut seqinertut erseqqaritsigaat. Kukkusoqarsinnaanngilaq tammartajaartoqarsinnaananiluunniit namminneq silaqassutsiminnik najoqqutaqarlutik Guutip piumasaa ersarilluartoq saqqumisoq pinnagu ingerlaniartuunngitsunik.

Inuup kialuunniit allakkanik ima isumaqartitsiniarnera kisiat aalajangiuttariaqanngilarput, Guutilli oqaasii nammineerluta paasiniartariaqarpavut. Allat sinnerluta isumaliortitarigutsigik, uagut pinnata taamaaliornitta pissaanikillisarumaarpaatigut, anersaakkullu ittumik piginnaassutsivut nukillaartillugit.

Eqqarsaatigisariaqartunik pissaqannginnermit piginnaassutsit taakku erlinnaqisut ima iloqissersimatigisinnaapput Guutip oqaasiisa isumaannik itisuumik paasinnissinnaajunnaarlutik. Eqqarsarsinnaassuseq nakussatsitaasarpoq tunngavissanik Biibilimiittunik paasiniaaqqissaarnikkut allassimasut allassimasunut, anersaallu pii anersaap piinut, naleqqiuttarlugit.

Alla allakkanik iluartunik paasiniaaqqissaarnertut silaqassutsikkut piginnaassutsinik nakussassaatigisinnaanngilaq. Atuakkat all at Biibilitut pissaaneqanngillat, eqqarsaatit qullartissallugit anersaakkullu piginnaassutsit nakussatsissallugit Biibilip sallusuissutai pingaartorsuit pitsanngoriartortitsisartut kisimik pissaaneqarmata. Guutip oqaasii paasiniarluartariaqarnermissut paasiniarluarneqarpata inuit anersaakkut ineriartorneq, tarnip ataqqinarnerulernera pilersaarutinilu aalajaassuseq, nalitsinni qaqutigooqisumik takussaasut, angujumaarpaat.

Ikkattumilli paasiniaarpiarani allakkani atuarneq immannguaannaq iluaqutissarsivissaavoq. Biibili naallugu atuarneqarsinnaavoq tusarnissusia paasinagu siunertaalu itisooq isertugaq paasinagu. Iluaqutaanerusarpoq allassimaffik ataaseq eqqarsaatigalugu, isumaata eqqarsaatitsinni paarinissaa tikillugu, annaassiniarnermilu sukkut atornera ersarissitserlugu kapitalerpassuarnik atuarnermit siunertarisaqarpiarnani paasissutissarsival laarnanilu; atuartaruk periarfissaqaraangavit, allassimaffiillu puiuikkiunniartakkit. Allassimaffimmik atuagaqarsinnaavutit, aqqusinikkulluunniit ingerlagaluarlutit eqqarsaatigalugu, taamalu puiuikkiullugu.

Ilisimassut aatsaat angusinnaavarput eqiasuitsumik ilungersortumillu paasiniaanikkut, Guutillu anersaata ilitsersuussinissaa qinnutigalugu. Ilumut allakkat iluartut ilaatigut ersaringaaraangamik paasinerlugassaaneq ajorput. Allassimaffiilli ilaqarput qiviatsiaannarlugit paasineq ajornartunik isumaat saqqumiinnartuunngimmat. Allassimasut allassimasoqataannut naleqqiuttariaqartarput. Peqqissaarluni ujarlertariaqarpoq eqqarsarlunilu qinuutigaluni. Paasiniaaneq taamaattoq naammangaartumik akilemeqassaaq, soorlu saffiugassarsiortup nunngarutit saffiugassaasut erlinnartut nunap iluani toqqorsimasut nassaarisarai, taamatut qasusuilluni Guutip oqaasiini erlinnartuutinik toqqortanik ujarlersutullusooq ujarlersup nanissavai sallusuissutit naleqarnerpaat asuli ilungersorani ujarlersumut isertorsimasut. Guutip oqaasii uummammi eqqarsaatigineqarunik kuuttut inuunerup puilasuanit kuuttutut piumaarput.

Qinoqqaarluni aatsaat Biibili atuartariaqarpoq. Mappertinnagu Anersaap Iluartup qaammarsaanissaa qinnutigineqartariaqarpoq, taava uatsinnut tunniunneqassaaq. Nathanaeli Jiisusimut tikiummat Annaassisoq oqarpoq: "Tassa Israelikkuusoq peqquserlunnermik ilumiugisaqanngitsoq." Nathanaeli oqarpoq: "Sumit ilisaraanga?" Jiisusip akivaa: "Suli Filipip qaaqqunngikkaatilli figenequtip ataaniittutit takuakkit." Joh. 1, 48. 49. Jiisusip aamma uagut takussavaatigut isertortumi qinugutta, taassumannga qaammarsarneqarnissatsinnik kissaateqarutta sallusuissut ilisariumallugu. Uummammik maniguuttumik Guutimut ilitsersuuteqqusut qaamasup naalagaaffianit inngilit najorumaarpaat.