Qinunerup pilluaqqussutaanera.

Guutip oqaluffigisarpaatigut pinngortitarsuakkut oqaatsimigullu saqqummersitakkut, siulersuinermini ingerlatitsinermigut anersaamilu sunniineragut. Tamannali naammanngilaq. Aamma uagut uummativut taassumunnga imaajartariaqarpavut. Anersaakkut inuuneqarumalluta nukeqarumallutalu ataatarput qilammiusoq atassuteqarfigilluartariaqarparput. Isumatsigut taassumunnga kajungersitaanermik malugisinnaavugut, suliai, saammaannera pilluaqqusineralu eqqarsaatigisinnaavavut, tamannali – eqqorluartumik oqassagaanni - taassuminnga oqaloqatiginninnerunngilaq. Guuti oqaloqatigissagutsigu inuunerpiarput pillugu oqaasissaqarfigisariaqarparput.

Qinuneq tassa Guutimut uummat ammarlugu ikinngummullusooq. Taamaaliornissaq pisariaqarmat Guuti qanoq issutsitsinnik nalunaarfigisariaqaratsigu pissutaanngilaq, kisianni ilassiniassagatsigu. Qinunerup Guuti uatsinnut atertinneq ajorpaa, uagulli taassumunnga kivittarpaatigut.

Jiisusip nunamiikkallarami ajoqersukkani qanoq qinusarnissaannik ilinniartippai. Ajorsaatigisaat tamaasa Guutimut eqqartortaqquai ullut tamaasa aliasuutaallu tamaasa taassumunnga pisittaqqullugit. Qinnutillu tusarneqarnissaanik neriorsuutaa uatsinnuttaaq neriorsuutaavoq.

Jiisusi nammineq maaniikkallarami akulikitsumik qinusarpoq. Ajornartorsiornitsigut sanngiinnitsigullu Annaassisitta peqatigilluinnalerpaatigut; qinunikkut ataataminit nukissartaaqqinniartarpoq suliarinngitsuugassarinngisami naammassinissaanut piareersameqarumalluni, misiligaanerillu nalliutilersut anigorluarumallugit. Tamani assiginiagassaraarput. Sanngiissutsitsinni qatanngutigaarput uatsitut tamatigut misiligaasartoq; Annaassisuugamili ajorteqanngitsoq, ajortoq qimatsertarpaa. Sorsungaarneq tarnikkullu erloqissuteqangaarneq maani silarsuarmi ajortilimmi atortariaqarpai. Pissusiata inuinnarpaluttup qinuneq pinngitsoorsinnaatinnagulu pilluaqquneqarnermik pissarsisittarpaa. Ataataminik oqaloqatiginninneq tuppallersarneqarfigalugulu tipaatsutsinneqarfigisarpaa. Annaassisoq Guutip Ernera qinorusussusermik misigisarpat, qanoq taava annerutigisumik inuit sanngiitsut, ajortillillu qinunerup ilungersortup kipisuitsullu pisariaqassusia misigissannginnerpaat.

Ataatatta qilammiusup pilluaqqusinermi naammatsinneranik tuniumajumaarpaatigut. Pilluaqqusaavugut asanninnerata soraajuitsup puilasuanit imingaarsinnaatitaalluta.

Tupinnassusiami pisamitsinnit annerusumik qinusannginnatta! Guutip qitornami nikanarnerit qinnutaat ilumoortut ilungersortullu tusarumajuaannarpai. Taamaattorlu qaqutigoorpallaartumik kajumiippallaartumillu Guuti ajorsaatitsinnik oqaluttuunniartarparput. Qanormitaava qilaap inngiliisa inuit naakkinartut, sapeqisut, ussernartunik tamalaanik atugaqartartut, taamaattorli ima qinusanngitsigisut imalu uppemikitsigisut, qanormitaava eqqarsaatigisarpaat, Guutip asanninnerata soraajuitsup uummataata nalligimmagit qinnutigisinnaasaannillu isumaliutigisinnaasaannillu annerusumik tunissallugit piareersimalluni? Inngilit nuannaarlutik Guutip saani sikisarput; eqqaaniinnertik nuannaarutigingaarpaat. Guutip inooqatiginera pilluaatitut angingaartutut isigaat. Taamaattorlu soorluuku issuinnaasut, ikiorneqarnermik Guutip kisimi tunniussinnaasaanik naak pisariaqarnerungaaraluarlutik, soorluuku amigaateqarsorinngitsut inuussallutik anersaap qaamasuanik peqarnatik, Guutip nammineq ilaginninnera najuineralu piginagit.

Qinuneq ajortut taartumik Saatanip pianik poorsimapput. Akeqqap ussiiniamerisa isertortut ajortimut kajumissaartarpaat, tamakkulu tamarmik patsiseqarput pilluaqqussutinik Guutip iluarsaassinini atorlugu qinunermi tunniussaanik iluaquteqarnianngimmata. Soormi Guutip erneri paniilu qinunermut kajumiissappat qinuneq uppernerup assaani matuersaataappat, qilaap toqqorsiviinik ajugaqanngitsup ikiuutissaasivianik imaarnavianngitsunik mappiisartoq? Qinusartuanngikkutta eqqumaniaqqissaanngikkuttalu navianartorsiorpugut soqutigittaatsunngorsinnaalluta aqqutivimmillu nigorsinnaalluta. Akeraq saammaassisup issiavissaarsuata tungaanut aqqummi akornusersuiniartuaraluarpoq, qinunikkut ilungersortukkut uppernikkullu nukissarseqqunata, usserneqarneq akioqqunnginnermut. Naammassiniagassaqarpoq qassiinik Guutip qinunitsinik tusarlunilu akinissaanik isumallualersinnata. Taakkua ilaat siulleq tassa taassumannga ikiortariaqassuserput misigisimassagipput. Neriorsuisimavoq: "Nuna imerusuttoq imermik kueraaffigiumaarpara puilasullu puilalersillugit nunami panertumi." Es. 44, 3. Iluarnermut kaattut imerusuttullu Guutimullu erinisut qularissanngilaat ajorsaatiminnik qaarsillartinneqassallutik. Guutip pilluaqqusinera pissarsiarisinnaassagaanni uummat anersaap sunniinissaanut ammasariaqarpoq.

Ajorsaatigisaqassusersuatta immini pisariaqassuserput sakkortuumik nalunaarpaa; kisianni Naalagaq ujartariaqarparput; pisariaqakkatsinnik qinnuigisariaqarparput. Oqarpoq: "Qinugitsi, tunineqassaasi taava." Aammalu: "Taassuma allaat ernini erliginagu tamatta pilluta tunniussimagamiuk, taava taassumunnga ilanngullugu tamanik tunissannginnerpaatigut?" Matt. 7, 7. Rom. 8, 32.

Uummatitsinni ajortunik eqqarsaateqarutta, ajorti sianigisaraluarput tigummiinnarutsigu Naalakkap tusassanngilaatigut. Kisianni tarnip peqqissimisup, maniguuttup qinnutaa tusartuinnarpaa. Kukkunerit sianigisavut tamaasa aaqqereerutsigik qularissanngilarput qinnuterput Guutip akissagaa. Uagut asanninnitta Guutip saammaanneranik pissarsitissinnaanngilaatigut. Jiisusip-una naammassisaannaasigut annaanneqarsinnaasugut. Uagulli sulissutigisassaraarput pinngitsoorata taassuma maleruagassarititai maleruarniassallugit.

Qinnutip kinguneqarnissaanut naammasseqqaagassaq tassa uppernissaq. "Guutimummi pisup upperisariaqarpaa taanna tassaareersoq ujarlersinilu akissarsisissagai." Jiisusi ajoqersukkaminut oqarpoq: "Sunaluunniit ilungersorlusi qinnutigigussiuk upperisiuk pereersimallugu, taava pissavarsi." Epr. 11,6; Mark. 11,24. Oqaasia tamanna ilumut qularinnginnerparput?

Neriorsuut angivoq killeqartitaananilu, unnersuisorlu ilumoorpoq. Qinnutigisavut piumaffippiatsigut pinngikkaluarutsigik taamaattoq uppissaagut Naalakkap tusaraatigut qinnutivullu akiumaarlugit. Siuneqanngitsuugatta uungaannannguarlu isigisarluta uatsinnut iluaqutaajumaanngitsumik ilaanni qinnutigisaqartaraluarpugut, ataatattalu qilammiusup asanninnermigut qinnutivut akisarpai - uatsinnut iluaqutaasussamik tunilluta nammineerlu ta kissaatigiumasinnaasaraluatsinnik isivut Guutimit qaammarsarneqarsimagaluarpata suut tamaasa qanoq issuserpiaat paasillugit isigisinnaallugit. Qinnutivut akineqanngitsuusaaraluarpata neriorsuut aalajangiuttariaqarparput, piffissarmi nalliutinngissanngimmat qinnutitta tusarneqarfissaat pilluaqquneqarnermillu ajorsaatiginerpaasatsinnik tunineqarumaarluta. Qinnutilli maannakkorpiaq kissaatigisatsitut tusarneqarnissaanik piumasaqarneq soqqusaatsuliorneruvoq. Guuti ilisimavallaaqigami kukkusinnaanngilaq, ajunngippallaaqigamilu ilumoortumik saqisut erliguutissanngilai. Taamaattumik taassumunnga peqqussallutit sioorassutissaqanngilatit unnit qinnutivit erniinnaartumik akineqarnerannik takusaqanngikkaluaruit. Neriorsuutaa aalajaatsoq tatiguuk: "Qinugitsi, taava pissavarsi."

Uppemissarput uatseerallarutsigu qularnerput siooranerpullu apereqqaarallarniartutut illugit, imaluunniit sunnguit uatsinnut ersarilluanngitsut eqqarsarnikkut paasilluaqqissaaqqaarniarlugit, taava ajornartorsiutivut ilaneqaannarlutillu anneruliinnassapput. Guutimulli ornigukkutta ikiortissaaruttutut taassumunngalu atajumalersutut pissusivipput eqqorlugu, uppernikkullu maniguuttukkut tatiginnilluartukkullu ajorsaaterput nittarlugu taassumunnga killeqanngitsumik ilisimasumut, taassumunnga tamanik nalunngitsumut tamanillu piumasamigut oqaatsimigullu siulersuisumut, taava taassuma torlulanerput tusarsinnaassallugulu tusarumassavaa qaamasorlu uummatitsinnut qinngortikkumassallugu.

Qinunikkut ilungersorluarnikkut Guuti ittuinnartoq inooqatigilersarparput. Immaqa maannakkorpiaq sumik immikkut ittumik qularnaveeqqutissaqanngikkaluarpugut Annaassisitta kiinaata nalliginnilluni asannillunilu uatsinnut sammineranut, taamaattorli ilumut taamaappoq. Timikkut ittumik attuinera immaqa maluginngikkaluarparput, assaatali patissimavaatigut asannilluni misiginneqatigingaarlunilu.

Guutimut omigukkutta saammaannermillu pilluaqqusinermillu qinnuigalugu, uagut nammineq uummatitsinni asanninnerup isumakkeerfiginninnerullu anersaavat pigisariaqarparput. Qanoq qinusinnaavugut: "akiitsukkatsinnillu isumakkeerfigitigut, soorlu uaguttaaq akiitsortivut isumakkeerfigigivut" (Matt. 6, 12) taamaattorlu isumakkeerfiginnikkumanngitsumik isumaqarluta? Nammineq qinnutitta tusarneqarnissaanik neriussagutta taamatorpiaq annertutigisumik isumakkeerfigeqqussutitta assinganik inoqativut isumakkeerfigisariaqarpavut.

Qinunikkut nikallujuinneq qinnutip tusarneqarnissaanut aamma pissutissaassaaq. Uppernikkut misigisassatigullu alliartorumagutta qinusuaannartariaqarpugut. Qinunikkut "qasusuittariaqarpugut." "Qasusuillusi qinusaritsi, eqqumaniaritsi qinullusi qujaniarlusilu." Petrusip uppertut oqarfigisarpai: "Taamaattumik silatusaarlusilu eqiinganiaritsi qinusarsinnaaqqullusi." Rom. 12, 12; Kol. 4, 2; 1 Petr. 4, 7. Paulusi oqarpoq: "kissaatigisasili qanoq ittukkulluunniit Guutimut saqqummiuttarsigit qinullusi, torlulallusilu qujallusilu." Judas oqarpoq: "Ilissili asasakka, upperisarsi illernartoq tunngavigalugu immissinnut ineriartortinniaritsi qinusarlusilu Anersaakkut Illernartukkut. Guutip asanninneraniittuinnaritsi." Fil. 4, 6; Jud. 1, 20, 21. Qinujuaannameq tassa tamip Guutimik peqatiginnittuamera, inuuneq Guutimit pisoq uagut inuunitsinnut kuulluni, minguinnerlu iluarnerlu inuunitsinnit Guutimut kingumut utertarluni.

Qinunikkut qasusuinnissaq pisariaqarpoq. Tamatumunnga suulluunniit akornusernaveerlisit. Tarnivit Jiisusimik peqateqarnera atatittuarniaruk ilungersorlutit. Sunaluunniit piffissariniartaruk allat qinunermi katersorneqarnissaannut. Guutimik inooqatiginninnermik ilungersorlutik ujarlersut qinoqatigiittunut aggertarumaarput nikallujuittumillu suliassartik naammassisarumaarlugu. Pilluaqqussutinik pisinnaasaminnik tamanik pilluaqquneqarnissamik ilungersorluni erinineq nittarumaarpaat. Sunaluunniit piffissaq tamaat ujartarumaarpaat qilaap qinngornerinit saqqagaasumi qeqarumallutik.

Ilaquttatta akornanni qinusariaqarpugut, tamanillu puiornagu isertortumi qinunissarput. Tamannami tarnip uumaffigaa. Tarneq saammaannermi alliartorsinnaanng illuinnarpoq qinusanngikkuni. Tamanut saqqumisumik imaluunniit ilaquttat akomanni qinunerinnaq naammanngilaq; kisimiilluni uummat Guutip isaanut arajutsiveqanngitsunut ammartariaqarpoq. Isertortumi qinnut Guutip qinnutimik sianiginnittup kisimi tusartariaqarpaa. Siutit arajutsinianngitsut kissaatigisat tamakku arajutsisariaqarlugillu tusartariaqanngilaat. Isertortumi tarneq avatiminiittut suniinissaraluannit akornusersuinissaraluannillu nigorsimasarpoq. Eqqissisimalluni ilungersorlunili talini Guutip tungaanut isaattarpai. Sunniineq taannaajuartoq qilammit pisoq isertortumut isigisumit qinnutinillu uummammit qaffartunik tusaasumit malunniukkumaarpoq. Uppernikkut nipaatsukkut, qanilaartukkut tarnip Guuti inooqatigaa, qinngornernillu Guutip piinik Saatanimut sorsunnermini nakussassaatigalugillu atatinneqaatigisaminik katersivoq. Guuti pallittaalisaraarput qajannaatsorsuaq.

Isertortumi qinusarit uummatillu qinunermi Guutimut qullaattarlugu ulluinnarni suliffinni sulisaraangavit. Taamaalilluni Enuup (Enok) Guuti inooqatigaa. Qinnutit malunnaatsut tamakku Guutip issiavissaarsuata saanut qummukartarput pilliutitut akisuutut illutik. Taama uummatimigut Guutimik tatigisalik Saatanip ajugaaffigisinnaanngilaa.

Nalunaaquttap akunnerata qanoq ilineranik najukkamillu nassaassaqanngilagut qinnummik Guutimut qullartitsivissaatinneqanngitsumik. Akornusiisussaqanngilaq uummativut ilungersortumik qinulluta Guutimut qullartissagutsigik. Aqqusinermi inuppassuit akornanni, sulinittalu nalaani Guuti ilitsersuuteqqulluta qinnuigisinnaavarput, soorlu Nehemiap kunngimut Artaxerxesimut qinnutigisani nalunaaraa. Ininnguaq Guutimik oqaloqatiginniffissaq sumiikkaluarlutaluunniit nanisinnaavarput. Uummatitta matua ammatittuartariaqarparput Jiisusilu iseqqullugu tarnitsinnilu ineqaqqullugu qilammit tikeraartitut.

Naak immaqa ajortunik aserortunillu inooqateqaraluarluta taamaattoq silaannaat toqunartulik najuussortariaqanngilarput. Qilaap silaannaa minguitsoq inuuffigisinnaavarput. Matut tamaasa matusinnaavavut isummat minguttuut eqqarsaatillu iluaatsut mattullugit tarneq qinunermi Guutimut qullaallugu. Taassumannga ikiorsemeqarnissamut pilluaqquneqarnissamullu uummataat ammasut nunarsuup silaannaanit illernarnerusumi uumajumaarput; qilammiunik inooqatiginnittuarumaarpugut.

Jiisusip ersarinnerusumik isigineqalemissaa naassaanngitsullu qanoq iluatinnartigissusianik paasinnilluamissaq amigaatigaavut. Iluassutsip pinnersaataannik eqqarsaateqarnermik Guutip qitornaasa uummataat imaqartariaqarput, tamannalu pisinnaaqqullugu Guuti qinnuigisariaqarparput qilaap piinik saqqummersitsivigeqqulluta.

Isummat ammaruk pavungalu saatillugu Guutimut, qilaap piinik ilangiiseqqullutit. Uatsinnut ajornanngilaq Guuti ima qanitsigissallugu sukkulluunniit ilimaginngisamik misiligaanikkut eqqarsaativut taassumunnga tupinnanngitsumik saassinnaalersillugit, soorlu naasoq seqinermut saattartoq. Ajorsaatitit, nuannaarutitit, aliasuutitit, isumakuluutitit siooragisatillu Guutimut nittartakkit. Artorsissinnaanngilat, qasutissinnaanngilat. Niaqunni nutsannik kisitsisimasoq qitomami pisariaqagaanik soqutigittaatsuunngilaq. "Naalagarmi nallittuingaarpoq saammaassingaarlunilu." Jaak. 5, 11. Aliasuutivut allaammi taaginnarutsigik uummataa asannittoq killinneqassaaq. Eqqarsaatikkut nanertuutigisatit tamaasa nassarlugit omittaruk. Sunaluunniit taassumunnga oqimaappallaanngilaq ersussallugu, silarsuit tamaasa atatikkamigit silarsuaq tamaat naalakkersorlugu. Sunaluunniit qanoq mikitigisoq eqqissinissatsinnut tunngasoq taassumunnga suusupaginartuunngilaq. Sunaluunniit inuunitta immikkoortua qanoq taartigigaluartoq atuartarpaa. Sunaluunniit artornartorsiut tamaat artomarunnaarsinneq sapinngilaa. Qitomaasa nikanarnersaat ajunaamermik nalaanneqarsinnaanngilaq, tameq siooranermik erloqissuteqalersinnaanngilaq, tipaatsuummik qiimmassarneqarsinnaanani, qinnummik ilungersortumik qinnuteqarsinnaanani ataatatta qilammiusup arajutsisaanik emiinnarlu soqutiginngisaanik. "Katsorsarpai sequmissimasumik uummatillit, ikiilu mattuserlugit." Tuss. 147, 3. Guutip tarnillu akornanni pissuseq ima nalunanngitsigalunilu naammalluartigaaq soorlu taannaannavik pillugu Guutip erni asasani tunniussimagaa.

Jiisusi oqarpoq: "Ulloq taanna uanga atikkut qinussaasi, oqarfiginngilassilu Ataatamut qinnukkumaarlusi; Ataatammi nammineq asavaasi." "Uangali ilissi qinersimavassi ... Ataatap uanga atikkut qinnutigisassinnik sumilluunniit tunissavaasi." Joh. 16, 26. 27; 15, 16. Jiisusilli aqqani qinuneq imaaginnanngilaq qinnutip aallartinnerani naaneranilu ateq taanna taaginnassallugu. Imaapporli qinussalluni Jiisusip isumaa anersaalu pigalugit unnersuutaalu upperalugit, saammaanera tatigalugu suliareqqusaalu naammassillugit.

Guutip piumasarinngilaa arlarput kinaluunniit kiserliornialissasoq, mattuttunngorluniluunniit silarsuaq qimallugu, Guuti kiffartuunniarlugu. Inuuneq Kristusip inuuneratut issaaq - isertortumi qinuneq, inuillu akornanni sulineq, allamik suliaqarani qinunerinnarmik pisoq taamaaliortarnerminik asoorussiumaarpoq, imaluunniit qinnutai ileqquinnaasutut pissuseqalerumaarput, inuk inoqatiminik inooqateqarniarunnaaraangat kristumiutullu suliassaminik erloqissutissaminillu nigorteriniartunngoraangat, naalakkaminik eqiasueqaluni imminik sulissussiumasumik kiffartuussiniarunnaaraangat eqiasuilluni, taava qinnutaa taassumunnga pingaartitassaasumik imaqarunnaartarpoq, qinunissamullu pissutissaaruttarluni. Qinnutai namminissaannaanut namminiinnarlu iluaqutissaanut tunngasunngortarput; inuit ajorsaataat Kristusilluunniit naalagaaffiata siumukarnissaa, naalakkalluunniit suliami nukissaqartitsinissaa qinnutigisinnaajunnaartarpai.

Naalakkap suliarititaa pillugu immitsinnik nakussatseqatigiinniarluta qiimmassarniarlutalu katersoqatigiittarunnaarutta angisoorsuarmik annaasaqassaagut. Oqaasiisa sallusuissusiisa uatsinnut ersarissusertik isumagisartillu annaassavaat. Uummativut taakkua sunniinerannit iluarsiartortitsisumit qaammarsarneqaratilluunniit itertinneqassanngillat, anersaakkullu inuunerput sanngiilliartussaaq. Kristumiutut inooqatigiinnitsinni misigeqatigiinngippallaarnitsigut annaasaqartaqaagut.

Allanut pallissaanani pisup Guutip suliareqqusaa naammassinngilaa. Allanik inooqateqartussaanitsinnik naammattumik ineriartortitsisimagutta inoqatitsinnik soqutiginninnermik misigeqatiginninnermillu tamanna sunniissaaq, Naalakkamilu kiffartornermi nakussatsitsisutut atussalluni.

Kristumiut katersuuttaraluarunik Guutillu asanninnera utertitaanerullu sallusuissutai akisungaartut eqqartoqatigiillugit, namminneq tumannguersagaassagaluarput tumannguersaqatigiillutillu. Ullut nungullugit ataatatsinnit qilammiusumit ilinniarnerusariaqarpugut, saammaanneralu pillugu misigisassamik katersuilluta; taava asanninnera eqqartorusulissavarput, taamaalioruttalu nammineq uummativut kissalilerlutillu qiimmassameqaatissarsissapput. Immitsinnik minnerusumik oqaluuserisarutta Kristusi eqqartornerullugu, qanissusia annerungaartumik misigissavarput.

Guuti uatsinnik isumaginnissusianik misigisarnitsitut akulikitsigisumik eqqarsaatigisarutsigu eqqarsaatitsinniitittuassagaluarparput, eqqartorneralu nersorneqarnissaalu nuannarissagaluarlugu. Nunap pii oqaluuserisarpavut soqutigigatsigik. Ikinngutivut eqqartortarpavut asagatsigik; nuannaarutitta aliasuutittalu najortarpaat. Guutili ikinngutitsinnit nunamiusunit asanerussallugu pissutissaqangaarpugut, tupinnanngitsumillu silami maani Guuti eqqarsaatitsinni tamani salliutittariaqarparput, ajunngissusia oqaluuserissallugu pissaaneralu nalunaajaatigissallugu. Uatsinnut tunissutaasa angingaartut siunertarinngilaat eqqarsaatitsigut asanninnitsigullu tigugaluarlugit nammineq Guutimut tunissutissaarulluta pissasugut. Tunissutaasa taassuminnga eqqaasittuarta riaqarpaatigut, asanninnerullu qujaniarnerullu katinngassutaanik ajunngitsuliortitsinnut qilammiusumut atassuteqarniarluta. Nunap pii suunngitsut eqqarsaatitta uninngavigivallaartarpaat. Isivut aarlortitsigik illernamerpaap matuinut ammasunut pavani, Guutip naalannassusia qaamanerata Kristusip kiinaanik qaammarsaaffianut. "Taamaattumik aamma naammalluinnartumik annaassinnaavai aqqutigaluni Guutimut pisut." Hebr. 7, 25.

Guuti nersornerusariaqarparput "unneqqarissusia pillugu, inunnullu tupinnartuliai pillugit." Tuss. 107, 8. Qinusarnivut imaaginnassanngillat qinulluni tigusillunilu. Pisariaqartitavut eqqarsaatigiuaannaqinatigik; aammattaaq pilluaqqussutit pisavut eqqaasartigik. Qinuallaanngilagut, kisianni qujaniartanngippallaaqaagut. Guutip saammaanneranik pineqartuarpugut. Kisianni ila qujaniarnerput saqqummersinngippallaartarparput, uatsinnullu iliornera pillugu nersunngippallaartarlugu.

Qangarsuaq Israelikkut naalagiarnermut katersoraangata Naalagaq oqartarpoq: “Tassani nereqatigiittassaasi Naalakkap Guutissi hiriaata saani, ilagisasilu peqatigalugit nuannaarutigisassavasi sulinissigut pissarsiasi tamaasa Naalakkap Guutivit ilinnut pilluaqqussutigisai." 5 Mos, 12,7. Naalakkamut naalannaatissaatinniagaq nuannaarluni unnersiutiginnillunilu qujallunilu suliarisariaqarpoq aliasunnani nikallungassuteqaranilu.

Guuterput ataataavoq nallittuisoq saammaasorlu. Kiffartuunnera artornartutut ilungersornartorsiornartutullu isigineqartariaqanngilaq. Naalakkamik pallorfiginninneq suliareqqusaanilu suleqataaneq kajungernartuutinneqartariaqarpoq. Guutip qitornani annaanneqarnermik ima angitigisumik Pissitani ima suleqqunngilai soorlu sukannersorsuarmik eqqoruminaatsorsuarmik naalagaqartut. Taakkununnga ikinngutaalluarnerpaavoq, pallorfigisaraangannilu najorumavai pilluaqqujumallugit tuppallersarumallugillu, uummataallu nuannaamermik asanninnermillu immerumallugit. Naalakkap qitornani imminik kiffartuussinermik nuannaaruteqartaqquai suliareqqusaminillu sulissutiginninnerat artomartorsiorfiunerunani kajungemartorsiorfiuneroqqullugu. Piumasaraa imminut palloriartorlutik orniguttut qimagussinnaassasut isumassuingaarnini pillugu nuannerluartunik eqqarsaateqarlutik, asanninnermillu ullut tamaasa suliassaminni qiimmassaatissaminnik pissarsisimallutik saammaannersisimallutillu, tamani ilumoortumik ilungersortumillu iliorsinnaalerlutik.

Sanningasulik ilullugu katersuuttariaqarpugut. Kristusi taannalu sanningasulimmut kikiattugaasoq qimerluuinitta tunngavigisariaqarpaat uummatittalu nuannaarutaasa annersarisariaqarlugu. Pilluaqqussutit Guutimit pisavut tamaasa eqqarsaatitsinni pigisariaqarpavut, asanninnersualu eqqarsaatigisaraangatsigu pinaannata tamaasa assannut pilluta sanningasulimmut kikiattugaasumut peqqussavavut.

Unnersiutiginninnerup sului atorlugit tarneq qilammut qanillinerusinnaavoq. Qilaap inaani tussiarnermik nipilersornermillu Guuti nersorneqarpoq, uummatittalu taassumunnga qujaniarnerat oqaatigisaraangatsigu, qilammiorpassuit nersuineranni peqatigisarpavut. "Qujaniummik pilliisup ataqqivaanga," oqarpoq Naalagaq. Pinngortitsiserput sassarfigalugu ataqqinningaarluta nuannaangaarlutalu "qujaniummik tussiarlutik kukkilattariarsorlutillu." Tuss. 50,23; Es, 51,3.