Qularneq.

Pingaartumik kristumiutut inuulerlaat akornanni qassiit eqqarsaatinit qulartunit nanertomeqartaannarput. Biibilimiittut ilarpassui nassuiarneq paasinerlu sapertarpaat, tamannalu Saatanip iluatsinniartarpaa allakkat iluartut Guutip saqqummerneratut isigeqqunagit. Aperisarput: "Qanoq aqqut eqqortoq ilisimasinnaavara? Ilumut Biibili Guutip oqaaserippagu qanoq taava qularnermit nalorninermillu aniguisinneq assanngilanga?"

Guutip qularnaveeqqutissamik uppernitta tunngavigisinnaasaanik tuninata uppissasugut piumasarinngisaannarpaa. Ilumut Guuteqarnera, taassuma, oqaasiisa sallusuissusiat qularnaveeqqutitigut silarput atorlugu paasisinnaasatsigut aalajangersagaapput, taamaattorpassuaqarporlu. Guutilli inuit qularsinnaanerat tamakkerlugu piinngilaa. Uppernitta qularnaveeqqutissat tunngavigissavai, takussaasunik tunngaveqassanani. Qularusuttut taamaaliorfissarsiumaarput sallusuissummilli ilisarsiumalluartut qularnaveeqqutissanik naammattunik uppernermik tunngavigisinnaasaannik nassaarumaarlutik.

Inunnut toqujasunut ajomarluinnarpoq naassaanngitsuusup pissuserpiaa suliaalu naammattumik siunersissallugit. Eqqarsallaqqinnerpaasumut, silaqassuseqamerpaalersimasumut illernartuusoq taanna nalunassusermik poorsimajuassaaq. "Guutip itissusia nanisinnaaviuk? Ajugaqanngitsullu ilorpiaa tikissinnaaviuk? Tamakku qilammit qutsinnerupput illit sumik naammassisaqarsinnaavit? Toqusut inaannit itinerupput - illit sumik paasisaqarsinnaavit?" Job. 11, 7.8.

Apustili Paulus oqarpoq: "Ilami Guutip pisuussusiata ilisimassusiatalu siuneqassusiatalu itissusiat! Ilami eqqartuussinerisa paasiniarneq ajornassusii aqqutaasalu siunersissaanngissusii!" Naalli "Nuissat taakkualu taarnerata ilusimavaat" taamaattoq "iluarneq innarluissullu issiavissaarsuata tunngavigai." Rom. 11,33; Tuss. 97, 2. Uatsinnik ingerlatitsinera sunnerneqaatillu qanoq iliorsinnaassutigisartagai ima paasitigisinnaavavut pissaaneq isusissaanngitsoq takusinnaalerlugu. Siunertarisai ilisarisinnaasarpavut uatsinnut ajoqutissaanngitsup iluani, taakkulu avataanniittut pillugit tatigissavarput assak ajugaqanngitsoq, uummat asanninnermik ulikkaartoq.

Soorlu pilerfiat Guutiusoq ittoq taamatut oqaasii nalunartunik toqujasumit paasilluinnameqarsinnaanngitsunik imaqartarput. Ajortip silarsuarmut tikiunnera, Kristusip inuinnanngornera, makinneq allarpassuillu Biibilimi eqqartomeqartut isertugaapput silaqassusianut nassuiassallugit imaluunniit naammalluinnartumik siunersissallugit itivallaartut. Guutilli siulersuinermini isertortui paasisinnaanngikkaluarlugit oqaasii qularutigissallugit patsisissaqanngilagut. Pinngortitarsuarmi siunersisinnaanngisatsinnik avatangerneqarsimajuarpugut. Inuuneq nikanarneq allaat nalunartoqarpoq isumalioqqissaarniap silaqarnerup allaat nalunartuiarsinnaanngisaanik. Tamaginni tupinnartut siuneqassutsitta inugaat pisarput. Taava tupigusuutigissanerparput aamma anersaat silarsuaanni isertugaqarmat siunersisinnaanngisatsinnik? Ajomaqutaasoq inuup siuneqassusiata nukillaangassusianiiginnarpoq killeqassusianiiginnarlunilu. Guutip allakkani iluartuni pileqqaarneq imminit pisoq pillugu naammattumik qularnaveeqqutissaqartippaatigut, oqaasiilu qularutigisariaqanngilavut siulersuinerata isertortui paasisinnaannginna tsigik pa tsisiginiar lugu.

Apustili Petrus oqarpoq allakkat iluartut paasineq ajomartunik ilaqartartut ilisimaatsut maleruutiavallaartullu piumasaannarminnik isumalersortagaannik ... namminneq aseruutissaminnik. 2 Petr. 3, 16. Ajornartorsiornartut Biibilimiittut inunnit uppinngitsunit tikkuarneqartarput Biibilimut akerliusutut, taamaaqqajaratilli tamatuma akerlianik Guutip pilerfiussusianut qularnaveeqqutaapput sakkortuut. Biibili Guuti pillugu allanik nalunaajaateqamani ajornanngitsunnguamik paasisinnaasavut kisiisa imarigaluarunigit, tassuunalu angissusersua naalannassusialu toqujasunut siunersissaagaluarpata, taava Biibili Guutimit pilerfeqarneq pillugu kukkujuitsumik nalunaajaateqassanngikkaluarpoq. Saqqummiussaani inornartorpassuit nalunartullu allaat tunisariaqarpaatigut Biibili Guutip oqaasiatut uppereqqullugu.

Biibilip sallusuissut nassuiarpaa ima sallaatsigisumik imalu inuup uummataata ajorsaataanut erininerinullu naleqqutitaalluinnartigisumik allaat inuit ilisimanerpaat uisaallatsingaarlugillu tupigusutsingaarlugit, massa nikanartut ilinniagaqanngitsullu pisinnaanngortikkini annannerup aqqutaa nanisinnaalersillugu. Taamaattorlu taama nalunanngitsunnguamik saqqummersitai sallusuissutsip pii ima qutsippalutsigaat, ima annertutigisumik sammiveqarlutik, imalu inuup paasinnissinnaaneranut inornartigalutik, kisianni aatsaat upperisinnaanngoratsigik tassa Guutip saqqummiussarimmagit. Taama annannissap iluarsaannera saqqummerlugu saatsinnut ilineqarpoq kimulluunniit Guutimut saanniarumasumut Naalakkatsinnullu Jiisusi Kristusimut annaanneqarumalluni upperumasumut aqqutissaq Guutip unnersuussutaa takusinnaalersillugu. Taakkuli sallusuissutit taama ajornanngitsumik paasineqarsinnaasut ataanniipput isertukkat ulittut illutik naalannassutsimik isertuisut - isertukkat isummap paasiniaanerani artorsiisut, taamaattorlu inuk kinaluunniit sallusuissummik ilumoortumik ilungersortumillu sallusuissummik ujarlersoq naalannartitsingaalersillugulu upperneqalersittarlugulu. Biibili killisinerujartortillugu qularunnaarsitaanerujartuinnassaaq, Guutip inuussutaasup oqaaserigaa, inuullu silaqassusia sikissaaq, Guutip saqqummernerata naalannassusia sikiffigalugu.

Pinngortitanut Guutimik oqaasianillu paasinnilluarnissap anguneqarnissaa ajornanngikkaluarpat, taava tamanna angusaraangassuk allamik sallusuissummik naniniagassaarutissagaluarpoq, ilisarsinikkut siumukarfissaarulluni, anersaakkut uummatikkullu ineriartoqqeriartorfissaarulluni. Guuti tamanit pingaarnerpaajunnaassagaluarpoq, inullu ilisarsinerup ineriartomerullu killingannik angusisimasoq siumukarnermini unissagaluarluni. Guuti qutsavigisigu taamaanngimmat. Guuti naassaanngitsuuvoq. "Ilisimassutsikkut paasinninnikkullu pisuussutit tamarmik isertugaaffigisaat." Kol. 2, 3. Inuit misissueqqissaarlutik killisiniaallutillu ilinniarsinnaapput naassaanngitsumik, taamaattorli taassuma ilisimassusiata pisuussutai, ajunngissusia pissaaneralu imaanngisaan nassallugit.

Oqaratta Biibilip sallusuissutai angingaartut naammattumik paasisinnaanngikkivut, nalunaajaataaginnarpoq inuup isumalioqqutaata Guutiussusermiittut paasineq inorai; inuup siunersisaqarnermigut killiligaasukkut Guutip nalusaqanngitsup siunertarisai paasisinnaanngikkai. Guuteqarumanngitsut qulartullu Guutip oqaasia ajattorpaat, isertortui tamaasa siunersisinnaannginnamikkik, allaallu Biibilimik upperinninneraraluartut ilarpassui tamatumani navianartorsiunngitsuunngillat. Apustili oqarpoq: "Qatanngutit, sianiginiarsiuk ilarsi kinaluunniit uummateqanngisaannassammat ajortumik uppinngitsumillu, Guutimik uumasumik tunussisumik." Hebr. 3, 12. Ajunngilluinnarpoq Biibilip ajoqersuutai iluamik killisiniassallugit "Guutip itissusiinut allaat" (1 Kor. 2, 10) qimerluussallugit allakkani iluartuni saqqummersitaanerat tamakkerlugu. Taamaattorli "isertukkat Naalakkap Guutitta pigai," saqqumisulli "uagut qitornattalu naassaanngitsumik pigaavut." 5 Mos. 29, 28. Saatanilli suliaraa inuit killisiniaasinnaassusiat iloqissiortittarlugu. Pingaamiameq Biibilip sallusuissutaanik qimerluuinermut akuliuttaraaq; atuartut taamaattut naammagittaallillutillu nikallungalersarlutik allakkat iluartut ilaat naammagisassaminnik nassuiarsinnaanngi ttaraangamikkik. Taakkununnga makitanaveersaataavallaartarpoq oqaatsit Guutip anersaamigut tunniussai paasisinnaanngikkitik ilisarilerlugu. Naammagittarlutik utaqqisinnaanngillat Guutimit pisariaqarfiagut sallusuissummik saqqummiiffigineqamissamik tungaanut. Isumaliorput inuttut ilisimassusiinnartik naammattoq allakkat iluartut paasinissaannut, tamannalu iluatsinngitsooriaraangamikku allakkat iluartut ataqqisariaqannginnerartarpaat. Ilumoorpoq taamaassangatitsinerpassuit ilisimaniuterpassuillu qassiinit Biibilimit pisuusorineqartartut allakkani iluartuni tunngavissaqartuusannginnerat. Tamakku qasseersuit qulalernerannut paatsiveerunnerannullu pissu taasarput, Guutilli oqaasiata tamanna pisuussutiginngilaa. Tamanna Guutip oqaasia equtillugu inunnit nassuiarneqartarneranik pissuteqarpoq.

Guutip siunertaraa oqaatsimi sallusuissutai allaat matumani inuunermi innuttaminut annertusiartuinnassasut. Ataasiinnakkut ilisarsineq tamanna anguneqarsinnaavoq. Anersaakkut oqaatsimik tunniussisukkut qaammarsarneqarnitsigut aatsaat Guutip oqaasii siunersissavavut. "Kiammi allap inuup nammineq anersaarinngisaata ilisimavai suut inuup ilumiuginerai? Taamattaaq Guutip anersaavata kisimi Guutip ilumiugisai ilisimavai." "Anersaammi suut tamaasa killisiortarpai Guutip itissusiinut allaat." Annaassisullu malitsini neriorsorsimavai: "Tikiukkunili, tassa sallusuissutsip anersaavata, sallusuissut tamaat ilissinnut ilitsersuutigissavaa." ... "Taassuma naalannarsisissavaanga, uanga pinnit pisunik nalunaajaaffigissagamisi." 1 Kor. 2, 11. 10. Joh. 16, 13. 14.

Guutip piumasaraa inuit siuneqarnikkut piginnaassutsitik atussagaat, Biibilimillu killisiniaanerup ilinniameqarsinnaasunit allanit annerungaartumik isuma qaffarsarumaarpaa. Taamaattoq silarsuaq sualuttorsuarmik pingaartilernaveersaassavarput inuup sanngiissusiata qajannassusiatalu ilagimmagu. Allakkat iluartut siuneqassutsitsinnut paasiuminaannginnissaat kissaatigigutsigu, allaat sallusuissutit erseqqinnerit paasisassaajunnaamissaat piumanngikkutsigu, tateqarneq piuaatsoq meerannguup pigisartagaa pigisariaqarparput, ilinniarumassuseqarluta anersaallu iluartup ikiuinissaanik qinusarluta. Guutip ilisimassusianik pissaaneranillu uagullu taassuma angingaassusia paasissallugu pikkorissuseqannginnitsinnik misiginitta manigu ussusermik ulikkaartariaqarpaatigut, oqaasiilu mappertassavavut mianerinningaarluta kiinaata saanut sassalersutut. Biibili atuassagaangatsigu qutsinnerusumik naalattariaqartoqarnera upperissavarput, uummallu siuneqassuserlu sikittariaqarput uunga angingaartumut: "Uanga tassaavunga."

Qassiit artornartuusorinaraluartut paasissaalluanngitsuusorinaraluartullu Guutip taama paasinnilluartunut ersarissunngortillugillu nalorninaatsunngortikkumaarpai. Anersaalli Iluartup tasiornera pinnagu allakkat iluartut mumittoorteriarsinnaajuarpavut kukkusumillu nassuiarsinnaajuarlugit. Qasseersuit Biibili atuartarpaat iluaqutissarsiffiginagu, qasseersuartigullu atuarneq taamaattoq allaat ajoqutissaannaasarpoq. Guutip oqaasia mapperneqartaraangat mianerinnissuseqarnani qinoqqaameqaranilu, eqqarsaatillu uummallu Guutimiinnatik piumasaanullu naapertuunnatik, taava isuma qularnerup isortereertarpaa uppinnginnerlu nakussatsiinnararaaq, Biibilip nammineq killisiniarneqarnerani. Akeqqap eqqarsaatit naalagaaffigilerarai nassuiaatillu eqqortuunngitsut akuleruttarai. Inuit oqaatsimikkut suliamikkullu Guutimut naalannginniartaraangamik allakkanik iluartunik paasinerluinissaat ilimanartuartarpoq, qanorluunniit ilisimasorsuutigisaraluaraangamik nassuiaanerilu tatigilluinnassallugit navianarluni. Allakkat iluartut imminnut assortuuttunik oqaasertarsiorlugit atuartartut anersaakkut ittutigut siuneqanngillat. Isiginninnermik kukkusumik peqarlutik qularnermut uppinnginnermullu tunngavissarpassuarnik paasinarluaraluartuni ersarilluaraluartunilu takuniarumaarput.

Qanorluunniit isertorniartigigaluaraanni qularnermut uppinnginnermullu pissuterpiaq amerlanerpaatigut tassa ajortimik asanninneq. Guutip oqaasiisa ajoqersuutaat inerteqqutaallu uummatip anneruniartup ajortuliorumatuullu nuannarineq ajorpai, inuillu Guutip oqaasiisa piumasaannut naalakkusunngitsut taakkua uppernassusiat qularnarsinniartarpaat. Sallusuissummik ilisarseqqulluta ilumoortumik ilungersortumillu kissaatigisariaqarparput sallusuissut ilisariumallugu, uummatitsigullu piumalluassalluta naalakkumallugu. Taamaalillutik Biibilimik killisiniaasut naammattumik qularnaveeqqutissanik nassaarumaarput Guutip oqaaserigaa, sallusuissutaanillu ilisarisaqarumaarput pill uartussaassu tissaminnik.

Kristusi oqarsimavoq: "Taassuma piumasaa malillugu iliorumasup ilisimassavaa ajoqersuutiga Guutimit pisuunersoq." Joh. 7, 17. Akerliliiniarneq paasinngisannillu kukkunersiuiniarnak qaamasoq ilinnut qinngoreersoq piareersimaffigisariaqarpat; taava qaamasumik anginerusumik tunineqassaatit. Kristusip saammaanneragut naammassisassaq sianigilikkat tamaat naammagiuk. Taava naammassisassat maanna nalornissutigisaraluatit paasillugillu naammassisinnaanngorumaarpatit.

Qularnaveeqqutissaqarpoq tamanut ilisimanerpaamit ilinniarsimannginnerpaamut saqqummersitaasumik, tassalu misigisat qularnaveeqqutaanerat. Guutip qaaqquaatigut oqaatsimi asuliunngissusiat, neriorsuutimi ilumuussusiat nammineerluta misileqqullugu. Misilillugulu takoqquaa Naalagaq ajunngitsuusoq. Tuss. 34, 9. Allat oqaasiinik tunngaveqarniarnata nammineq misilittariaqarparput. Oqarpoq: "Qinugitsi, taava tunineqassaasi." Joh. 16, 24. Neriorsuutai naammassineqarumaarput. Uniorsimanng isaannarput; uniunngisaannassapput. Jiisusimut pigutta asanninneratalu naammatsinneranik nuannaaruteqalerluta, taava qularnerput taarsiornerpullu peerumaarput kiinaata qaamarnanit.

Apustili Paulus oqarpoq: "Taassuma taartup pissaaneranit aniguisippaatigut ernermilu asasami naalagaaffianut nuutsilluta." Kol. 1, 13. Kinaluunniillu toqumit inuunermut nuutitaasimasoq nalunaajaasinnaavoq: "Guutip sallujuitsuunera uppernaqutserpaa." Joh. 3, 33. Nalunaajaasinnaavoq: "Ikiortariaqaqalunga Jiisusimi ikiorneqarpunga. Ajorsaatikka tamarmik tunniunneqarput; tarniga kaakkunnaarsitaavoq, maannalu Biibili Jiisusip Kristusip uatsinnut saqqummernerilerpaa. Aperivarma sooq Jiisusimut uppertunga? Tassa Annaassisigigakku Guutimit pisoq. Sooq Biibili upperigiga? Tassa nalujunnaarakku Guutip tarninnut oqalunnerigaa." Uatsinni namminitsini nalunaajaat Ulla pigisinnaavarput Biibili sallusuissutaasoq, Kristusi Guutip ernerigaa. Nalunngilagut oqaluttuaannaat silatusaarutaasut maleruanngikkivut.

Petrusip qatanngutini oqaaqqissaarpai: "ineriartoritsili saammaannermi Naalakkatsinnik Annaassisitsinnillu Jiisusi-Kristusimik ilisarsinermi." 2 Petr. 3, 18. Guutip innuttai saammaannermi alliartorunik oqaasii ersarinnerusumik paasiartussavaat. Qaamasoq kusanassuserlu sallusuissutaani illernartuniittoq nutaasumik takulerumaarpaat. Ilagiit ingerlaasianni taamaattuarsimavoq, naggatissaalu tikillugu taamaattuassaaq. "Iluartup aqqusininnguata assigaa ullaap qaammalemera qaammarissiartortoq ullo'qeqqaaneratut qaamatigilerserluni." Uss. 4, 18.

Uppemikkut silarsuaq piumaartussaq siumut isigisinnaavarput, Guutillu neriorsuutaa ilisarsinikkut alliartornissaq pisaariniarlugu, inuup piginnaassusii piginnaassutsillu Guutip pii kattutinneqarumaarmata, tarnillu piginnaassusii tamarmik qaamasup puilaffianut attuumassuteqalersinneqarumaarlutik. Nuannaarutigisinnaavarput Guutip siulersuinermigut ingerlatitsinerani uatsinnut taartutut issimagaluartut ersarissiumaarmata; paasineq ajomakusoortut paasinarsisinneqarumaarmata siuneqassutsittalu killiligaasup paatsiveerunnerput kukkusumillu siunertaqarnertut isigisaani kusanarluinnartumik naammalluinnartumillu nikinganeqanngissuseq takujumaarlugu. "Suli isigisaqarpugut tarrarsuummi, nalorsitsaarutaasumik, taavali kiinarsisaqarumaarpugut. Maannakkut ilaannakuusumik ilisarsivunga, taavali tamakkiisumik ilisarsissaanga, soorlu uanga tamakkiisumik ilisarineqartunga." 1 Kor. 13, 12.