Naalakkami tipaatsunneq.

Guutip qitomai qaaqquneqarput Kristusimut aallartitaassallutik Naalakkallu ajunngissusia saammaannerlu nalunaajaatigissallugu. Soorlu Jiisusip uatsinnut Ataatap qanoq issuserpiaa saqqummersissimagaa, taamatut uagut Kristusi silamiunut asanninneranik naakkinnittumik ilisarsinngitsunut saqqummemiassavarput. Jiisusi oqarpoq: "Soorlu illit uanga silarsuarmut aallartikkimma, uangattaaq taakku silarsuarmut aallartippakka.", "Uanga taakkunaniillunga illillu uanniillutit ... silarsuarmut paaseqqullugu illit aallartikkimma." Joh. 17, 18. 23. Apustili Paulus ajoqersukkaminut oqarpoq: "erseqqippormi ilissi allagaasusi Kristusimit pisut", "Inunnit tamanit ilisimaneqartut atuarneqartullu." 2 Kor. 3, 3. 2. Ajoqersukkani tamaasa atorlugit Jiisusip allakkani silamiunut aallartippai. Guutip qitornarippatit aammattaaq allagaatigaatit ilaquttanni, illoqarfimmi, aqqusinermi najugarisanni. Jiisusip uummatinni ineqartup imminik ilisarsinngitsut uummataat oqaluffigiumavai. Immaqa Biibili atuartanngikkaat nipiluunniit taassumuuna imminnut oqaluttoq tusassanagu. Guutip asanninnera suliaani takunngilaat. Jiisusilli kiffarippatit ilumoortoq immaqa illit aqqutigalutit ajunngissusia paasilerumaaraat asasinnaalerlugulu kiffartuussinnaaler lugulu.

Kristumiut ivertitaapput qilammut aqqummi qaammaqqusisartuussallutik. Qaamasoq Kristusimit imminnut qinngortoq silarsuarmut akisuatittuinnassavaat. Inuunerat pissusiallu imaattuusariaqarpoq allat Kristusi kiffartuunneralu pillugu taakkunatigut eqqortumik paasisassaqarsinnaassallutik.

Kristusimillu ajoqersugaalluarutta kiffartuunnera kajungernartutut saqqummersinniassavarput, soorlumi ilumut taamaattoq. Kristumiut isumamikkut nikallunganermik aliasunnermillu ulikkaartut, oqaaserissaaratillu nimaartut allat, Guuti pillugu kristumiutullu inuuneq pillugu eqqunngitsumik isumaqalersissinnaavaat. Allat ima isumaliulersissinnaavaat Guuti qitomami pilluarlutik inuunissaannik iluarisaqanngitsuusoq, tassuunakkullu ataatarput qilammiusoq eqqunngitsumik nalunaajaatigaat.

Saatani qiimmattarpoq Guutip qitornai uppinnginnermut nuannaannginnermullu pisissinnaasaraangamigit. Guuti tatiginngikkipput annaatissallutalu piumanera pissaaneralu qularutigigivut takusaraangamiuk nuannaartarpoq. Isumalioqqugaluaqaatigut Naalakkap siulersuinermini atortitamigut ajoquserniaraatigut. Saatanip suliaa tassa Naalagaq inuttut naakkinnissuseqanngitsutut nalliginnissuseq anngi tsu tullu saqqummersinniarlugu. Sallusuissut muminniartarpaa eqqarsaatillu Guuti pillugu isummanik uniorsimasunik ilaniartarlugit. Ataatarpullu qilammiusoq pillugu sallusuissut eqqarsaatiginiassagaluarlugu Saatanip ersersitsiniarneri eqqunngitsut qiviaqqajaagajuppallaartarpavut Guutilu tatiginninnginnitsigut maalaamitsigullu mitallugu. Kristumiutut inuuneq Saatanip sapinngisaminik nikallomartuutinniartuarpaa. Ilungersuanartutut ajornakusoortorsiornartu tullu isikkoqaqqugaluarpaa. Kristumiup nammineq inuunermini kristumiussuseq taama pissuseqartutut nittaraangamiuk, Saatanip salluliuutai uppinnginnermigut maligassiuinerlunnermigullu tapersertarpai.

Siumut ingerlaniarnermi amerlavallaartut kukkunitik, misiliigaluarnitik iluatsinngitsoortut pakatsinitillu uniffigivallaartarpaat, taamaattumillu taakkua uummataat aliasunnermik sapiissuseerunnermillu immerneqartarput. Europamiitillunga mattuttumit arnamit taama pisimasumit isumakuloqisumillu allagarsivunga. Oqaatsinik tuppallersaataasunik uannut oqaaseqarfigitsiaqquvoq. Allagai atuareerlugit unnuami sinnattulerpunga naatsiivimmiillunga, naatsiiviullu piginnittorigunagaata naatsiivimmi angalaaqatigaanga. Naasunik nutsuivunga tikkallu tipaatsuutigalugu. Taava taassuma mattuttup arnap saninni ingerlaqataajuarluni uparuartuutilerpaanga kapinartulinnik akomutigisaminik. Qeqarpoq isumakululluni aliasoqalunilu. Aqqusininnguaq siulersortitta aqqutigisaa atuarnagu kapinartut naasupiluillu akornatigoorpoq. "Alianaq," anersaaruluppoq "ajussusia, naatsiivitsiarsuup alianaassusia kapinartut aserorpaat." Taava siulersorterput oqarpoq: "Kapinartut unitsiinnakkit; kapiffigiinnaqinavatit, ruusallu inneruulallu nutsussavatit."

Misilittakkatit pilluarnartunik ilaqanngilluinnarnerpat? Ullunik qaamasunik Guutip anersaata ilinni suliaanik nuannaarutiginninnermit uummativit tilleruluffigisaanik misilittagaqanngisaannarpit? Inuuninni misilittakkatit assigiinngitsut eqqarsaatigisaraangakkit naapitamik ajunngitsumik nassaassaqannginnerpit? Guutip neriorsuutai naasutut tipigissutut illutik aqqutinni tamaginni naasimannginnerpat? Pissusiata tipiginneratalu uummatit immissannginnerpaat nuannaalersillugu?

Kapinartut naasupiluillu ikiliinnassallutillu aliasutsiinnassavaatsit. Tamakkuinnaat katersorukkit allanullu nittarterlugit, taava Guutip asanninnera narrugaat allallu avatinniittut inuunerup aqqutaagut ingerlanissaraluannit akornusissallugit.

Eqqarsaatit inuunerup atoriikkap eqqaasassartaanik avaanngunartunik ilaartussallugit - ajortuliarisanik pakatsinemillu - silatuumik iliomerunngilaq, oqaluuserissallugit aliasuutigerusaarlugillu kiisa sapiissuseerunnermit tikinneqarluni. Tarneq sapiissuseqanngitsoq taartumik immerneqartarpoq. Guutip qaamasuata isernissaralua mattuttarpaa, allallu aqqutaat taallertarlugu.

Guuti qutsavigiuk qimerluugassat ajunngitsut uatsinnut takutitai pillugit. Asanninnerminik misigititsineri pingaartorsuit katersortigik qimerloortuinnaqqullutigik. Guutip ernerata ataatami issiaffia qimakkaa Guutiussutsilu inuinnartut atitillugu, inuit Saatanip pissaaneranit aniguisikkumallugit; uatsinnik ajugaassussinera tassuuna taakkununnga saqqummersillugu; ilaqutariit orlusimasut piuneerussaanerup nateqanngitsuanit ajortip nakkarfigititaanit qaqinneqarnerat Guutilu ittuinnartoq inooqatigeqqilerlugu Kristusip iluarneranik atitinneqarlutik, issiavianullu qaffatsitaassallutik aniguisitsisitsinnut uppernikkut misiligaaneq anigorluarsimagunikku – tassaapput qimerluugassat Guutip uninngavigalugit qimerlooqqusai.

Guutip asanninnera qularutigisutut ileraangatsigu, neriorsuutaanillu tatigisaaruttutut pileraangatta, mitaatigisarparput Anersaarlu Iluartoq aliasutsittarlugu. Anaanaasoq qanoq misigissagaluarpa qitornami imminnut ajunngitsumik iliuiniarsimanngisaannartutut maallatigiuaraluarpani, naalli inuunermi noqqaaniarneri tamarmik qitornami ajunngequtissaannik inuunermilu nuannemerusorsiortinnissaannik siunertaqartut. Asanninnera qularutigigaluarpassuk ila ajussusissaa. Tamanna uummataata aliatsannermit sequmissutigissagaluarpaa. Alianartup angissusissaralua ataataasumuttaaq qitomaminit taama pineqarsimasinnaasumut! Qanorlu ataatatta qilammiusup eqqarsaatigissavaatigut asanninnini qularutigigutsigu, asanninnini ernituaminik pilliissutigisani inooqqulluta? Apustili allappoq: "Taassuma allaat ernini erliginagu tamatta pilluta tunniussimagamiuk, taava taassumunnga ilanngullugu tamanik tunissannginnerpaatigut? " Rom. 8, 32. Ilali, qanormitaava amerlatigisut suliamikkut, naak oqaatsimikkut pinngikkaluarlutik, ima oqartarpat: "Naalakkap uanga taama oqarfiginngilaanga. Immaqa allat asavai, uangali asanngilaanga."

Tamakkunuunatigut illit nammineq tarnit ajoquserpat, tassami qularnitit oqaatsikkut anittaraangakkit Saatani usseqqullutit qaaqqusutut ittarpat. Tamatuma qulaqqajaanerit suli annerulersittarpaa, inngilillu kiffartortut aliasullutik qimassavaatsit. Qularnerit taarsiornerillu oqaatsimik ataatsimilluunniit eqqaanaveersaakkit Saatanip usserniartaraangatit. Isussuutiginiartagai uummatinnut iserfissarsippata eqqarsaatitit tatiginninnginnermik qularnermillu akerliliilluinnarumanerup pianik immerneqassapput. Misigissutsitit oqaasinngorlugit anittaraangakkit qularnerit oqaaserisanniittut ilinnuinnaq ajoqutissanngoratik naatsiiassatut allat inuuneranni sikkerlutillu inerittoqalerumaarput, oqaaserisimasavillu sunniinerat akornuserniarneq ajornarsisinnaavoq. Immaqa illit nammineq ussernartumit Saatanillu nigaanit anigueqqissinnaassasutit, immaqali allat uppinnginnermit ilinnit pissarsiaminnit aniguiniarneq ajulissasut. Ila pingaassusia imaattuinnarnik oqaluuseqartassagatta anersaakkut nakuussusermik uumassusermillu kinguneqartussanik.

Inngilit naalaartarput qanoq ittumik silamiunut naalakkat qilammiusoq nalunaajaatigissagit. Oqaluuserisaruk inuusoq ataatamut saammaannartitaaqqullutit. lkinngutip assaa eqittaraangakku Guutip nersornarnissaa qarlunni uummatinnilu ikkili. Tamatuma taassuma eqqarsaatai Jiisusimut pisissavai.

Tamarmik misiligaanermik aliasuutinillu oqimaattunik ussigaanemillu assortussallugit artomartunik naapitaqartarput. Ajornartorsiutit allanut oqaluttuareqinagit qinunikkulli tamaasa Guutimut aattakkit. Qulameq narrujuummisimanerlu oqaluuserinianngisaannarniarlugit ileqquliunniaruk. Allat ilungersorniarneranninakussatsissinnaasorujussuuatit qiimmassarlugit oqaluullugit.

Tarnit qasseerpassuit ussernartutigut isumamikkut erloqissuteqangaarsinnaapput uinimmut ajortillu pissaaneranut sorsunnerminni assortuisinnaajunnaarluinnalerlutik. Inuk taamaattoq sorsungaarnerani sapiissuseerutileqinagu. Qiimmassarniassavat, neriunnermik uppernermillu sunnerniassavat, aqqutaanilu siumut ikiorlugu. Taama Kristusip qaamasua ilinnit qinngorsinnaavoq.

Arlaannarpulluunniimmi imminut pilluni inuunngilaq. Rom. 14, 7. Sunniinitsigut nammineq nalusaraluatsigut allat qiimmassarneqarsinnaapput nakussatsitaallutillu. Imaluunniit sapiissuseerussinnaapput Kristusimillu sallusuissummillu nigortitaasinnaallutik.

Inuit qasseersuit Kristusip inuunera pissuserpiaalu uniorsimasumik paasisimaniartarpaat. Isumaliorput asaneqamermik iluameemiameqamermillu soqutigisaqanngitsoq, annuttoq, sukangasoq, nuannaajuitsoq. Qasseerpassuartigut kristumiutut inuuneq taamatut nikallornartumik simersimaneqartarpoq.

Qassiinik oqartoqartarpoq Jiisusi qiasoq, qungujulatilluguli takuneqanngisaannartoq. Ilumoorpormi Annaassisoq alianartumik misillersoq annernartumillu misigisoq, inuit naakkinassusiannut tamarmiusumut uummanni ammaramiuk. Taamaakkaluartorli imminut naaggaarfigilluinnarluni annemartullu isumakuluutillu taalligaannik inuugaluarluni, taamaattoq isumaa aliasorusaaginnanngilaq. Kiinaa aliasunnermik narrujuummisimanermillu malunnartitsinngilaq. Kisianni tamatigut eqqissisimalluinnarnermik takusaqarfissaajuarluni. Uummataata inuunerup puilasuata pikialaarfigaa, sumulluunniillu pigaluaraangami qasuerneq eqqissinerlu, tipaatsunneq nuannaarnerlu nassatarisarpai.

Annaassiserput ilungersorpalulluartuuvoq. Kisianni annuttorsuunngisaannarlunilu narrassimaartuunngisaannarpoq. Malittaasa inuunerat anguniagassanik ilungersornartunik ulikkaarpoq. Nammineq akisussaanertik taakkua itisuumik malugissavaat. Nalinginnaliornaveerniassapput. Nipiliortorsuarmik qiimasaarnermik isigititsissanngillat quiasaapalaaqassanatillu. Jiisusip ajoqersuutaa eqqissinermik kuuttut tunisisarpoq. Nuannaarnerup qaamasua qaminngilaa. Qiimasaatsiarneq inerteqqutiginngilaa, kiinarlu nuannaartoq qungujulasorlu akerlilerniarnagu. Kristusi tikiutinngilaq kiffartorfigeqqulluni, kisianni kiffartussalluni, asanninneralu uummammi naalagaappat maligassiuinera malissavarput.

Allat iliorneri ikinngutinninngitsut iluaatsullu eqqarsaatigivallaarutsigik uatsinnut ajornarluinnassaaq asassallugit ima, soorlu Kristusip asagaatigut. Kristusilli asanninnera tupinnartoq uatsinnillu misigeqatiginnissusia eqqarsaatitta uninngavigippatigik isuma tamatuma assinga allanut takutikkumaarparput. Asaqatigiillutalu ataqqeqatigiittariaqarpugut kukkunerit amigaatillu takunngitsoorsinnaanngisaraluavut pinnagit. Imminiinnaq iluartinniarneq igittariaqarparput, allallu kukkunerinut qanilaarneq naammagittarnerlu narrutsajuinnerlu alliartortinniarlugit. Tamatuma imminuinnaq asaniartarneq nungutikkumaarpaa, isumatuunngortillutalu oqaasiinnarsortuujunnaarsilluta.

Tussiusiortoq oqarpoq: "Tatigiuk Naalagaq ajunngitsuliorlutillu, inuusinnaaqqullutit eqqissisimallutit nunami." Tuss. 37, 3. "Naalagaq tatigiuk." Ulloq pissaminik nammagassartaqassaaq, isumakuluutissartaqassalluni ilungersuanartoqassallunilu, qanorlu erloqinartorsiutivut misilinneqaativullu naapeqatigiinnitsinni eqqartorumasartiginerpavut? Ima erloqinartorsiuteqarsorilersarpugut sioorassutissaqarsorilerluta, imalu isumakuluutitsinnik eqqartuiniartartigaluta kiisa isumaqalernarsinnaalluni soorlu annaassisoqanngitsugut nalligusussinnaasumik asannittumillu, qinnutigisatsinnik tamanik tusarumasumik ajornartorsiorfitsinnilu tamani pisariaqarneratut ikiuiumasumik.

Inoqarpoq sioorassuteqartuartunik erloqinartorsiutigisorisaminnillu erloqisitaajuartunik. Ullut tamaasa Guutip asanninnerata ersernerinik avatangerneqarput; ullut tamaasa isumassuinermigut tunissutaanik naammangaartunik peqartitaapput, pilluaqqussutilli taakku takuneq saperpaat. Siooragisaat nuanninngitsut suusut taakkununnga nalliussinnaasut eqqarsaataasa uninngavigiuarpaat. Imaluunniit ajornartorsiuteqarsimasinnaapput ima suunngitsigigaluarluni taamaattoq qujassutigisariaqagarpassuaraluinut isaannik matusisumik. Ajornartorsiutit naapitaasa eqqissiviillisillugillu nimaartunngortippaat, taamaattumillu Guutimit avissaartillugit, massa taassumunnga ikiorneqarfigisinnaasatuaminnut pisinneqaatigissagaluaraat.

Taama uppinngitsigigutta iluartumik iliussanerpugut? Sooq taama qujasuitsigissanerpugut taamalu tatiginnissusikitsigaluta? Jiisusi tassa ikinnguterput. Qilammiut tamarmik ajunngitsumik ingerlanissarput soqutigivippaat. Ulluinnarni ajornartorsiutitsinnut isumakuluutitsinnullu isumarput nanertortittariaqanngilarput, taattorpullu aliasuppaluttunngortittariaqamagu. Taamaaliorutta nanertuutissaqartualerlutalu erloqissutissaqartualissaagut. Isumakuluutit uatsinnik nikallortitsiinnartussat nukillaartitsiinnartussallu misiligaanitsinnilli aniguilluarniamitsinni iluaqutaanngitsut pigisariaqanngilavut.

Immaqa ajomartorsiutinik niuertarfimmi naapitaqartarputit. Immaqa ajutooraluttuinnarputit immaqalu ajutoorluinnamissat ilimanarsivoq. Kisianni sapiissuseeruteqinak. Aliasuutitit tamaasa Guutimut pisikkit, eqqissisimaniarlutillu sapiiserit. Ilisimassusermik qinugit pisassatit tamaasa silalimmik ingerlassinnaaqqullugit, pigisaarunnissat ajunaarnissallu pinngitsoorsinnaaqqullugit. Sapinngisannik iliorit kinguneqarluarnissaat anguniarlugu. Jiisusip ikiorumavaatigut uaguttaarli ilungersoqqulluta. Ikiorterput tatigalugu sapinngisannik ilioreersimaguit, taava sapiillutit nalliukkumaartut utaqqikkit.

Guutip piumasarinngilaa innuttani isumakuluutinit nanertugaassasut. Naalakkattali salloqittarumanngilaatigut. Uatsinnut oqanngilaq: "Erseqinak, aqqutissat navianartoqanngilaq." Nalunngilaa misiligaaffissaqarlunilu navianartoqartoq, tamannalu uatsinnut isertunngilaa. Qitomani oqarfiginngilai silarsuarmit ajortumit, ajortilimmit, peersikkumallugit. Qimaaffissaannilli saaffigineqarluni itigartitsinngisaannartumik unnersuuppai. Ajoqersukkani ima qinnussimavai: "Qinnutinngilakka silarsuarmit peerseqqullugit, paareqqullugilli ajortumut peqqunagit." "Silarsuarmi," oqarpoq, maalliuuteqarpusi; nikalloqinasili, silarsuarmut ajugaareerpunga." Joh. 17. 15; 16,33.

Qaqqami oqaluutsimini Jiisusip ajoqersukkani pingaartorsuarmik ajoqersorpai, Guutimut tateqarnerup pisariaqassusianik. Ajoqersuinerata taassuma siunertaraa, Guutip qitornai qaqugorsuarmut qiimmaatissikkumallugit. Ilinniagassanillu tuppallersaatigeqqusanillu ulluni kingullerni inuusunut ulikkaarpoq. Annaassisup ajoqersukkani uparuuppai qilaap timmiaanik isumakuluuteqaratik nersorinnissumminnik qarluutiginnittartunik. "Siaruarterinatillu katersuinngillat. " Taamaattorlu Ataatassi qilammiusup isumassorpai. Annaassisoq aperivoq: "Ilissili taakkunannga pingaarnerujussuunnginnerpisi?" Matt. 6, 26. Pinngortitsisorsuup inunnik uumasunillu isumaginnittup assani ammartarpai, pinngortitanilu tamaasa qaarsillartittarlugit. Timmissat silaannarmiittut nikanaraluartut puigunngilai.

Aatsaannaraangata nerisassaat nakkartittanngikkaluarpaa, pisariaqagaannilli piareersaappai. Nerisassat piariigai katersortariaqarpaat. Ininnguaminnut pisariaqartut ujartariaqarpaat. Piarannguatik nerlersortariaqarpaat. Suliassatik omittarpaat tussiaammik qarlorlutik "Ataatassilu qilammiittup nerisittarpai." "Taakkunannga pingaarnerujussuunnginnerpisi?" Ilissi sianigalugu anersaassigullu Guutimut pallorfiginnittartusi, ilissi timmissanit pingaarnerunnginnerpisi? Taassuma uatsinnut tunisisup inuunermik, assimini uatsinnik pinngortitsisup inuunitsinnillu serniginnittup, taassuma tatigiinnarutsinni pisariaq akka tsinnik tunissannginnerpaa tigut?

Kristusip ajoqersukkani uparuuppai narsami naasunik amerlangaarlutikperataanngikkaluarnerminnilu kusanangaartutut, ataatap qilammiusup inunnut asanninnermi erserneratut tunniussaanik. Oqarpoq: "Malugeriarsigit narsaatip naasui liljat qanoq naajartortartut. " Matt. 6, 28. Taakku naasut inuup assaanit pineqanngitsut perataanngikkaluarlutik kusanassusiata Salomonip alutornassusia akimungaarpaat. Narsami naasut kusanassusiat pinnissusiallu inuup assaanit pineqanngitsut, atisat Guutip pinngortitai, atisat pinnemerpaat inuup eqqumiitsuliomermigut pilersissinnaasaasa nalleqqajarsimanngilaat. Jiisusi aperivoq: "Guutip narsaatip ivigai ullumi atasut aqagulu kissarsuummut qissiussassat taama atisitikkamigit ilissi annerungaartumik pissannginnerpaasi, uppernikitsusi!" Matt. 6, 30. Guutip eqqumiitsuliortup qilammiusup naasukulunnguit aqagu asiusussat pinnerluinnartunik tamanillu qalipaasersoramigit, qanoq taava annerutigisumik assimini pinngortitaasut isumagissannginnerpai? Kristusip ajoqersuussutaa tamanna uummatip uppinngitsup annilaanganeranut, eqqissiviinneranut qularneranullu naqqissuutaavoq.

Naalakkap ernini paninilu tamaasa tatiginnittooqquai naalattooqqullugillu. Jiisusi oqarpoq: "Eqqissinermik qimatsivigaassi, eqqissinermik uanga Pinnik tunivassi silarsuup ileqquatut pinnanga. Uummatisi annilaanngikkilit sapiissuseerunnatillu." "Taama oqaluffigaassi tipaatsunnera ilissinneeqqullugu tipaatsunnersilu naammalluinnartunngoqqullugu." Joh. 14,27; 15, 11.

Pilluarneq patsisinik namminissarsiortunik pisinneqarluni naalannerup aqqutiginngisaani pissarsiariniarneqartoq tatigisassaanngitsuuvoq, pigiuminaatsuulluni qaangiutiasarlunilu. Tammalertorpat tameq kiserliulerlunilu aliasuuteqalissaaq. Naalakkalli kiffartuunnera tipaatsunnartumik naammagisassarsinermillu kinguneqartarpoq. Kristumiu aqqutitigut allanngujasutigut ingerlasariaqanngilaq, allanngujasunut isumakuluutinut pakatsinernullu pineqartussanngorlugu isumakkeerneqanngilaq. Inuunerup matuma nuannaaru taanik peqanngikkaluaru tta taamaattoq siumut inuuneq piumaartussaq qilanaarluta isumalluutigisinnaavarput.

Maanissaarli kristumiu Kristusimik inooqateqarnermi nuannaartarpoq. Asanninnerata qaamasua pisinnaavaat najuineralu tuppalliutigiuarlugu. Inuunitsinni alloriarnerit tamaasa Kristusi qanilliartorsinnaavarput, asanninnera itinerujartortumik misigisinnaallugu, eqqissinerullu najugaa pilluaqqusaasoq qanilliartorsinnaallugu. Taamaattumik siooranngissuserput iginnaveertigu, aalajaatsumilli qularunnaarneqalerta qanganit aalajaannerulluinnartumik. "Manna tikillugu Naalakkap ikiorpaatigut." (1 sam. 7,12), naggataa tikillugu ikiussavaatigut. Misigisavut qaangiutereersut qimerloortigik tamatumalu eqqaasillisigut Naalagaq tuppallersarniarluta, aseruisullu assaanit annaanniarluta qanoq iliorsimasoq. Guutip saammaannera ajunngingaartoq tamaat uatsinnut takutitaa puiomaveemiartigu. Puiomaveertigik qulliit allartigai, anniaatit nipaallisitai, isumakuluutit piigai, siooraneq nigortitaa, amigaatit ikiorsigai, pilluaqqussutit tunniussai. Tamatuma pissatsissavaatigut aqqutitta sinnerani atugassavut suusut naapissinnaalersillugit sapiilluta.

Sorsunniarnissatsinni ajornartorsiutinik nutaasunik ilimagisaqanngitsoorsinnaanngilagut. Pereersorli pisussarlu qimerloorsinnaavavut oqarlutalu: "Manna tikillugu Naalakkap ikiorpaatigut." Misiligaanissap sakkortussusissaa nukissamit Naalakkap misiligaaneq atorsinnaaqqullugu tunniukkumasaanit sakkortunerunavianngilaq. Taamaattumik suliassarput sumiinnersoq aallarnerlarput upperluta, sumilluunniit naapitaqassagaluarutta misiligaanermut naapertuuttumik nukissaqartitaajumaartugut.

Qaqugu qilaap isaaffii Guutip qitomaanut ammagaajumaarput naalannassutsillu kunngiata qarluinit pilluaqqussut siutaannut tutsiukkumaarpoq, nipilersornertut tusarningaartutut: "Qaagitsi, ataatama pilluaqqusai, naalagaaffik silarsuup tunngavilerneqarneraniit ilissinnut pisassarititaasoq kingornussarisiuk." Matt. 25, 34.

Taava utertitaasut najukkamut Jiisusip taakkununnga piareersagaanut tikilluaqquneqassapput. Tassani nunami inuit Guuteqaratik inuusut ilagissanngilaat: Salloqittaasut guutipilussiortut, minguttuut uppinngitsullu, katersoqatigissavaalli Saatanimut ajugaasimasut, Guutillu saammaanneragut naammattumik pissuseqaleriartorsimasut. Ajorti saaqqajaajuartagaq tamarmi, amigassuseq tamaani erloqissutaat tamarmi, Kristusip aavagut peemeqarsimassaaq tassani, atissavaalu naalannassutsimi ataqqinaammilu Pianik, seqernup qaammarnganik akimuingaartumik. Kusanassusia anersaakkut ittoq, pissuserpiaata naammalluinnassusia taakkunuuna qinngorpoq, kusanassuserlu qalleq akimungaarlugu. Issiavissaarsuup qaalloriip saani pillagassaassuseerupput; inngilitut pingaartigilerput taakkunatut pisinnaatitaalerlutik.

"Inummummi sumut iluaqutaassava silarsuaq tamaat pigileraluaruniuk inuuninili akigalugu? Imaluunniit inuup inuunerminut suna akiliutigisinnaavaa?" Matt. 16, 26; kingornussassaq pilluarnangaartoq angusinnaasani pinianngikkuniuk? Piitsuusoqarsinnaavoq taamaattorli pisuussuseq pingaassuserlu silarsuup tunniussinnaa lernavianngisaa immini Pigalugu. Tarneq utertitaq ajortimilli eqqiagaq, piginnaassusii ajunngitsut, tamarmik Guutimut kiffartornermut atorneqalersut naatsorsugassaanngitsumik naleqarput. Qilammilu Guutip kiinaata saani inngilillu iluartut akornanni nuannaarneqartarpoq tarnimik utertitaasoqaraangat, nuannaarnermik ajugaanersiutinik illernartunik tussiarnikkut nalunaarneqartunik.