Allamik isumataameq.

Qanoq ililluni inuk Guutip saani naapertuilluartunngortinneqassava? Qanoq ililluni ajortilik ileqqorissunngortinneqassava? Kristusi kisiat aqqutigalugu Guuti peqatigilersinnaavarput taassumunnga illernartunngorluta. Qanorli ililluta Kristusimut pissaagut? Amerlasuut apeqqut taamaattoq apeqqutigisarpaat, inuppassuartut piinsisiortutut ajortiminnik nalujunnaarsitaallutik suaartutut: "Qanoq iliussaagut?" Petrusip akissutaani oqaatsit siulliit imaapput: "Allamik isumataaritsi." Allamilu tamatuma kingunitsiaagut oqarpoq: "Taamaattumik allamik isumataaritsi saanniarlusilu ajortisi piiarneqaqqullugit ... " ApS 2,37. 38; 3, 19.

Allamik isumataarneq ajortimik aliasuutiginninnermik ilaqarpoq taassuminngalu tunussinermik. Ajorti soraarunnavianngilarput ajussusia takulersinnagu, uummatitsigullu ilumoorluta takunngikkutsigu inuunermi allanngornivimmik pisoqarnavianngilaq.

Allamik isumataarnerup pissusivia qassiit paasinngilaat. Inuppassuit ajortuliorsimanertik aliasuutigisarpaat, allaallu ajunngitsup tungaanut qallikkut allanngorniartarlutik, suliamik ajortut anniaatinik imminnut kinguneqarsinnaanerat siooragigamikku. Tamannali Biibilip oqaatigisaatut ittumik isumataarnerunngilaq. Anniaatissaq ajortimit siooragineruaat. Taamatut Esau aliasuppoq angajulliusutut pisinnaatitaanini aaqqitassaanngitsumik asiutilluinnarsimallugu takuleramiuk. Inngilip panani amullugu aqqusinermi unitsimmani Biiliam annilaarpoq, ajortulianilu nalunaarpaa toqutaanissani siooraginermik; kisianni ajorti peqqissimissutiginngilaa, ajorti uumiginngilaa. Judas naalakki pisereerlugu oqarpoq: "Ajortuliorpunga pinngitsuusup aava killuutigigakku." Matt. 27, 4.

Uummataata pisuutitassaassusermit nanertugaasup nassuerut tamanna nipangiutiinnarsinnaanngilaa, tassa pillagassaassuseq pillameqarnissarlu annilaarluni misigigamiuk. Iliornerata kingunerisassaasa taassumunnga nalliukkumaartut sioorangaalersippaat; Guutilli ernera pisikkamiuk, Israelillu illernartua taamaatikkamiuk, itisuumik uummatip ilorpiaagut aliasunneqanngilaq. Faraop ajortini nassuerutigaa Guutip pillaatai atukkani ajunaarutaaqqeqqunagit; perluilli soraarniariarmata Naalakkamut naalanngitsulioqqippoq. Taakkua tamarmik ajortip kingunerisassai siooragaat, ajortili namminneq peqqissimissutiginngilaat.

Uummalli Guutip anersaata sunniineranut tunniuppat, tarnip nalunngissusia uumasunngussaaq, ajortuliortullu Guutip inatsisaasa pingaassusiat illernassusiallu paasitsiarumaarpaa - inatsisai qilammi nunamilu naalakkersuinermi tunngavigisai. "Tassa qaammaqqut piviusoq, inunnut tamanut qaammarsaasoq, silarsuarmut tikiutilerpoq" (Joh. 1, 9) tarnip inaanik ilorlermik qaammarsaavoq, taartumilu isertukkat saqqummigaapput. Ajortimik misiginerata tarni uummallu attorpaa. Ajortuliortup Israelip Guutiata iluassusia paasissavaa malugissallugulu qanoq ajortigisoq ajortilittut pisuutitassaassutsi minguttuussutsilu pigalugit uummatinik killisiuisumut sassassalluni. Qanoq Guuti asannitsigisoq, iluassuseq qanoq kajungernartigisoq, minguissusermiinnerlu qanoq nuannertigisoq paasillugulu takussavaa. Eqqiarneqarnissaq qilammiullu peqatigilernissaat erinigilissavaa.

David orlunermi kingornagut qinnutaata saqqummersippaa ajortimik aliasuutiginninneq ilumoortoq qanoq ittoq. Peqqissiminera pisuusaarnerunanilu itivoq. Ajortuliornini patsisissarsiornikkut millisarnianngilaa. Pillaatissaq imminut ilimanartoq qinnummini pinngitsoorumallugu kissaateqarnerminik oqaaseqanngilaq. Davidip unioqqutitsinermi ajussuseq takuaa. Tarnimi minguttuussusia takuaa, ajortuliorninilu aliasuutigingaarlugu. Ajortimik isumakkeerfigineqarnerinnaq qinnutiginngilaa, aammattaarli uummat minguitsoq qinnutigaa. Illernassutsip tipaatsuutaa kipitsatigingaarpaa, taava Guuti eqqissiveqatigeqqilissagamiuk peqatigeqqilerlugulu. Uku uummataata oqaaserai (Tuss. 32, 1. 2; 51, 3-16):

"Pilluarpoq unioqqu titsinerminik isumakkeerfigineqartoq,
ajortuliaminillu matooriffigineqartoq.
Pilluarpoq inuk
Naalakkap ajorteqartinngisaa,
peqqusersiornermillu ilumiugisaqanngitsoq.
Saammaannga ajunngissutsinni, Guuti,
unioqqutitsinikka piiarigit nallittuingaarninni!
Salinnga pinerluutaarulluinnarlunga,
minguersannga ajortaajarlunga!
Massami unioggutitsinikka ilisimavakka,
ajortuliaralu sianigiuarpara.

Ilinnut, ilinnuinnaq, ajortulisimavunga
illillu isinni ajortunik iliorsimallunga;
iluartumimmi iliortarputit pisuutitsigaangavit,
mingui tsuusar lu tillu eqqartuussigaangavit.
Erniuninniilli pisooreerpunga,
ajortimiillunga anaanama ilumiugilermangali.
Illit sallusuissummik ersernerluttumiittumik iluarisaqarputit,
ilisimalersipparma ilisimassusermik isertaasumik.

Ajortaajarlunga minguersannga isopimik,
uffannga apummit qaqornerulersillunga!
Tipaatsunnermik nuannaarnermillu nalunaajaaffiginnga,
saarngit sequmisitatit qiimmattarlit!
Kiinnat alartiguk ajortuliannit,
pinerlunnikka nungullugit piiarigit.
Uummammik minguitsumik pinngortitsiviginnga, Guuti,
aammaarlutit anersaamik aalajaatsumik tuninnga!
Ilinnit igeqinanga,
anersaallu illernartoq uannit peerseqinagu!
Annaassininnik nuannaarutisseqqinnga,
anersaaqartinnga Guutimut naalasseriartumik!

Inatsisinik unioqqutitsisut ajoqersussavakka aqqutigeqqusannik, ajortuliortut ilinnut utersinnaaqqullugit. Aammut pisuussuteqatsaalinnga, Guuti, Guuti annatsitsisiga, taava oqqama naapertuilluarnerit qiimmattaatigissavaa."

Allamik isumataarneq taassumatut ittoq nammineq piginnaassusiinnatsinnik pilersinneq saperparput. Kristusi kisiat aqqutigalugu pissarsiarineqarsinnaavoq, taanna pavunnartoq inuillu tunissutinik tunillugit.

Tamanna tassarpiaavoq qassiit kukkuffigisartagaat taamaattumillu ikiorneqarnissaq Kristusip tunniukkumasaralua pinngitsoortarlugu. Isumaliorput allamik isumataaqqaanngikkunik Kristusi ornissinnaanagu, isumaliorpullu allamik isumataarneq ajortimik isumakkeerneqarnissaannut ajornaallisaataasoq. Ilumoorpoq allamik isumataarneq ajortinik isumakkeerfigineqarnerup siornagut pissammat; kisianni uummatit sequmittut peqqissimisullu kisimik annaassisumik pisariaqassusertik misigisarpaat. Kisianni ajortuliortup Jiisusi ornissinnaaqqullugu allamik isumataarnissani utaqqissanerpaa? Allamik isumataarneq akornutaassanerpa ajortuliortup annaassisullu akornanni?

Biibili ajoqersuinngilaq ajortuliortoq allamik isumataareeruni aatsaat Kristusip qaaqqussutaanik tigusisinnaalissasoq: "Ornissinga tamassi suleruluttusi nanertugaasusilu, qasuertissavassi." Matt. 11,28. Pissaaneruna Kristusimit pisoq allamik isumataarnissamik piviusumik sunniisartoq. Petrusip tamanna erseqqissarpaa Israelikkuusunut oqaatsimini oqarami: "Taanna Guutip talerpimmi tungaani akitsisippaa naalagaaninngortillugu annaassisunngortillugulu Israelikkut tuniumallugit allamik isumataarnermik ajortillu isumakkiigaanerannik." ApS 5, 31. Kristusip anersaa tarnip nalunngissusianik itersaasoq pinnagu allamik isumataarsinnaanngilagut, soorlu ajortit isumakkiigaanerat Kristusi pinnagu pisinnaanngikkipput.

Kristusi kajumissisitaanernut ajunngitsunut tamanut puilaffiuvoq. Taassuma kiserluinnarmi ajortimut akerartorneq uummatinut ikkussinnaavaa. Sallusuissummut erininerit tamarmik ajortiliussutsitsinnik nalujunnaarsitaanerit tamarmik nalunaajaataapput anersaata uummatitsinni sulineranut. Jiisusi oqarsimavoq: "Nunamiillu qangattartinneqareeruma tamaasa uannut kajungilersissavakka." Joh. 12, 32. Kristusi ajortuliortunut annaassisutut saqqummissaaq, silarsuarmiut ajortaat pillugit toqusutut; Guutillu savaaraa Golgathap sanningasulianiittoq qimerloorutsigu akiliunneqarnerup isertortua uatsinnut paasinarsilissaaq, Guutillu ajunngissusiata allamik isumataarnermut pisissavaatigut. Kristusi ajortuliortut pillugit toqugami asanninneq paasissaanngitsoq nittarpaa. Ajortuliortup asannissuseq tamanna qimerloortaraangagu uummataa aqilisittarpaa, tarninga killillugu ajortimillu aliasuutiginninnermik kingunissiorluni.

Ilumoorpoq inuit ilaannikkut aqqutitik ajortut kanngusuutigisaraat ileqqumillu ajortut ilaat soraaruttarlugit Kristusimut kajungersisitaanertik maluginngikkallaraluartillugu. Pitsaanerulernissamilli noqqaanerat ajunngitsumik iliorumalluni kissaateqarnermit ilumoortumit pisaraangat nungullugit Kristusip pissaanerata kajungersittarpai. Sunniisoq nalusaat tarningannut sunniivoq, tarningisa nalunngissusiat itersarneqarpoq inuunerallu qalleq pitsaanerulersinneqarluni. Kristusillu pisissimammagit sanningasulini qiviaqqullugu qimerlooqqullugulu taanna ajortaasa kapisaat, taava inassutai tarningisa nalunngissusiannut sunniiumaarput. Guuteqanngitsutut inuunerat ajortilu tarninganni sorlanissimaqisoq taakkununnga paasineqalissaaq. Kristusip iluassusia paasisinnaatsialissavaat oqarsinnaalissallutillu: Ajorti qanoruna sualutsigimmat taama ittumik pilliuteqartariaqartoq, ajortillup annaanneq arnissaa siunertaralugu? Asanninneq tamanna tamarmi, anniarneq tam anna tamarmi, nikanarsarneq tamanna tamarmi pisariaqarsimanerpa tammaqqunata naassaanngitsumilli inuussuteqaqqulluta?

Ajortuliortup asannissuseq tam anna suallaatiginngitsoorsinnaavaa, Kristusimut kajungersinniarneqarnermini pinaassinnaavoq, piaaralunili taamaattuunngikkuni Kristusimut pisinneqarumaarpoq. Annaassiniarnerup siunertarisaanik paasisaqalernerup ingerlakkumaarpaa sanningasullup ataanut - peqqissimilluni, ajortit Guutip ernerata asasaata anniarnerinut pissutaasimasut peqqissimissu tigalugit.

Guutip anersaa taanna pinngortitarsuarmi avatitsinniittumi sulisoq, inuit uummataannut oqaluttuarpoq piginngisaminnillu erinisuuteqarnerat oqaatigissaanngitsoq pilersittarlugu. Silap piisa erininerat naammaginartumik tunisinnaanngilaat. Guutip anersaata ilungersortumik oqaappai ujaqqullugit piit eqqissinermik qasuernermillu kisimik tunisisinnaasut, Kristusip saammaannera tipaatsunneralu illernarsutsip pia. Sunniisut takussaasut takussaanngitsullu atorlugit annaassiserput suliuarpoq inuit uummataat kajungersinniarlugit ajortip nuannaarutai naammassissutissaanngitsut qimallugit pilluaqqussutit naassaanngitsut immini pineqarsinnaasut orneqqullugit. Tarnimut silap matuma puilasuinut ussiitsunut imernialussinnaraluartunut Guutimit oqaassut imaappoq: "Imerusuttoq aggissaaq, piumasullu imeq inuussutaasoq akeqanngitsumik pissavaa." Saqq. 22, 17.

Illit uummatinni silarsuup matuma tunniussinnaasaanit annerusumik erinigisaqartutit, Guutip nipaata tarninni erinigisassissutiginiagaa ilisarilerniaruk. Allamik qinnuvigiuk isumataalerseqqullutit Kristusilu ilinnut saqqummerseqqullugu asanninnermi soraajuitsup naammalluartup qeqqani. Annaassisup inuunerani Guutip inatsisaasa tunngavippiaat Guutimut inunnullu asanninneq – naammalluarlutik erserput. Ajunngitsuliorneq asanninnerlu namminissamik pinianngitsut tarningata kajungerisarai. Qimerloorutsigu, qaamasullu annaassisitsinnit pisup tuffigippatigut, ajorteqassuserput takussavarput.

Nikodemusitut immaqa usorsisimassutigaarput inuunerput pisuusaarnerusimanngimmat, ileqqorissaamiarnerup tungaagut pitsaagatta; isumaliorpugullu nalinginnartut ajortuliortutut Guutip saani uummatitsigut maniguutissalluta pisariaqanngitsoq. Qaamasorli Kristusimit pisoq tarnitsinnut qinngorpat minguttuussuserput takussavarput. Takulissavarput pilersaarutitta namminissarsiornerussusiat Guutimullu akerartorneq inuunitsinni qanoq iliortumik tamanik kimitsisoq. Taava paasiumaarparput uagut nammineq iluassuserput ilumut atisatut ipertuutut ittoq, Kristusillu aavata kisimi ajortip mingutsitsineranit eqqiarsinnaagaatigut, uummativullu nutaanngortissallugit nammineq uummatimisut ittunngortikkiartulersillugit.

Guutip asannissusiata qinngornerata, Kristusip minguissusiata qaammaallanninnguata tarnimut isertup ersarilluinnartumik takutittarpai ipertai tamaasa, inuullu pissusiviata ippinnartui amigaataalu saqqummertarlugit. Takutittarpai illigussutsit iluaatsut, uummatip uppinngissusia qarlullu minguttuussusiat. Ajortuliortup iliorneri naalanngitsuliornerusut Guutip inatsisaanik tunulliussivigisai isaasa saanni nittarneqartarput, anersaavalu assortuisinnaajunnaarsinneqartaraaq aliasutsinneqarlunilu Guutip anersaata killisiuisup sunniineragut. Imminut aliasuutigilersarpoq Kristusip pissusia minguitsoq, iluarnerinnaasoq qimer loortaraangamiuk.

Pruffiitip Danielip, qilammit aallartitap imminut takutittup, naalannassuseq qaamanerisaa takugamiuk tupigusuutigingaarlugu misigilerpoq qanoq sanngiitsigaluni amigartigalunilu. Isiginnaakkap tupinnangaartup tamatuma sunniinera allaaseralugu oqarpoq: ". . . nukillaavippunga, taattorlerlungalu nukeerulluinnarpunga." Dan, 10, 8. Tarneq taamatut attorneqaruni namminissaminik piniartarnini imminuinnarlu asanini iperarluinnassavai. Kristusip iluassusia aqqutigalugu uummatip minguissusia Guutip inatsisaasa pisaat Kristusillu pissusivianut naapertuuttoq ujarumaarpaa.

Paulus oqarpoq: "iluartuunissaq inatsisiniittoq eqqortinniarlugu assuarnaatsuusimasoq." (Fil. 3, 6), imaappoq: Qanoq iliornini saqqumisut pineqassappata. Inatsisilli anersaakkut ittuussusiat paasileramiuk ajortilittut imminik takulerpoq.

Ajorti taamaatissimavaa inatsisit allassimaneri uuttuutiginiaqqissaarlugit, soorlumi inuit inuunerminnut saqqumisumut inatsisit taamatut atortaraat; Guutilli inatsisaasa isumaat itinerusoq takuleramiuk Guutillu imminik isiginninneratut imminik takulerluni maniguutingaarluni sikippoq pisuutitassaassutsilu nassuerutigalugu. Oqarpoq: "Qanga uanga inuugaluarpunga inatsiseqarnanga, inassuteqalermalli ajorti uummarpoq, uangalu toquvunga." Rom. 7, 9, 10. Inatsisit anersaakkut ittuussusiat takuleramiuk ajortip maajunnassuserpiaa takullualerpaa, imminillu pilluni pingaartutut isumaliutigiunnaarpoq. Ajortit tamarmik Guutip isaani angeqatigiinngillat. Naatsorsuinerani, soorluttaaq inuit naatsorsuineranni, ajortit assigiinngitsumik angissuseqarput, kisianni ajortumik iliorneq Ulla unaluunniit qanorluunniit inuit isaanni suunngitsigigaluarpat ajortimik mikisoqanngilaq Guutip isaanut. Inuit eqqartuussinerat namminissar siornerusarpoq amigartuullunilu, Guutilli tamaasa eqqorluartumik isigisarpai. Imerajuttoq narrugineqartarpoq oqaatigineqartarlunilu ajortaata tamatuma qilammut isersinnaatissanngikkaa, taamaattorli makitaneq, namminissarsiorneq tukkuissuserlu assuarnartuutinneqarajunngillat. Ajortulialli taakku pingaartumik Guutimut maajunnarput. Qanoq issusianut nallittuigajussusianullu akerliupput, asanninneranut namminissarsiornertaqanngitsumut silarsuarmik ajorteqanngiffiusumik ulikkaarisumut akerliupput. Ajortimut angisuumut suunersumut orlusup misigisarpai piitsuussutsi kanngusunninilu qanorlu Kristusip saammaannera ajorsaatigitigigini; kisianni makitassuseq pisariaqassutsimik misigisaqartitsineq ajorpoq, taamaattumillu uummat Kristusimut pilluaqqussutinullu soraajuitsunut uatsinnut tunniussallugit tikiussutigisaanut matusarpaa.

Ilanngaaserisukulunnguaq ima qinusoq: "Guuti, saammaannga ajortiliusunga!" (Luk. 18, 13). Imminut isigaaq inuttut ajortorsuartut, allallumi aamma taama isigaat. Annaanneqartariaqassutsili misigaa, ajortiminillu artorsaateqarluni kanngusuuteqarlunilu Guuti ornippaa saammaannermillu qinulluni. Uummataa Guutip anersaanut ammavoq, saammaanneq suliarisassaa tassani suliarisinnaatillugu ajortillu pissaaneranit aniguisissinnaatilluni. Farisiiarip qinnutaata oqarataartup, ajornianngitsup nalunaarpaa uummataa anersaap iluartup sunniinissaanut matoqqasoq. Guutip namminerlu avissaarsimassusertik pissutigalugu sianiginngilluinnarpaa, Guutip illernassusianut naammalluinnassusianullu naleqqiulluni ajorteqassutsi. Amigaateqarnini takutinngilaa, suallanngilarlumi.

Ajorteqassutsit takugukku pitsanngorsaqqaarnissat utaqqeqinagu. Qanoq amerlatigisimagaluarnerpat isumaliortut Kristusi ornissallugu ajukkunnaqalutik! Nammineq ilungersornikkut pitsaanerulernissat ilimagaajuk? "Soorlu Nubiamiup allanngortissinnaanngikkaa ammimi qalipaataa, milakulaalluunniit milani, taava ilississaaq ajunngitsuliorsinnaanerpisi, ilissi ajorsutsip ilinniartorisai?" Jer. 13, 23. Guuti saneqqullugu uatsinnut ikiortissaqanngilaq. Kajumissaarutit sakkortunerusut, pissusissat pitsaanerusut isumalluunniit iluarnerulernissaa utaqqissanngilavut. Imminut qanoq iliorfigisinnaanngilagut. Kristusi ornittariaqarparput qanoq issuserput atorlugu.

Kisianni kinaluunniit eqqarsaammik imaattumik imminik salloqittarnaveerli Guutip asannissusersuarmigut saammaannermigullu annatsikkumaarai asiginnaasut allaat. Ajortip aseruutaassusersua sanningasullup qaamanerani aatsaat iluamik takuneqarsinnaavoq. Inuit ilungersorlutik Guuti ajunngippallaaqigami ajortuliortut ajattussanngikkai, taama oqartut Golgatha qiviarlissuk. Tassaana inuit annaanniarlugit allamik iliuusissaqanngimmat, tassaani ajortip pissaanerata mingutsitsisup qimarratiginissaa illernartullu peqatigileqqinnissaat Kristusip pilliutaa pinnagu inuiaqatigiinnut ajornarluinnarmat – inuuneq anersaap Pia ilaaffigeqqilerneq ajornarluinnarluni tamannaana pillugu Kristusip naalanngitsut pineqarnissaat imminut pisikkaa, ajortulio-rtullu sinnerlugit anniarluni. Guutip ernerata asanninnera, anniarnera toqualu nalunaajaataapput ajortip sualussusersuanut, paasissutissaallutillu ajortip pissaaneranit aniguiffissaqanngitsoq inuunermillu pingaarnerusumik neriugisassaqarani tarneq Kristusimut tunniutinngippat.

Allamik isumataarsimanngitsup ilaannikkut utoqqatsissutiginiartutut imminik kristumiunerartut pillugit oqartarpoq: "Taakkutut pitsaatigaanga. Imminik naaggaarfiginikkut, imerajunnginnikkut mianersornikkulluunniit uannit pitsaanerusumik pissuseqanngillat.

Aliikkusersuutaasinnaasut qiimmaallanniutillu uattut asavaat." Taamaalillutik allat kukkuneri utoqqatsissutiginiarlugit atortarpaat namminneq naammassisassarigaluarlugu naammassinngitsuukkaminnut. Kisianni allat kukkuneri kimulluunniit patsisiginiagassaanngillat; Naalakkammi assiginiagassamik tasiornerliorsinnaasumik tuninngilaatigut. Guutip ernera minguitsoq assiginiagassaraarput; ukulu atiinnarmik kristumiusut pissusiannik ippiginnittut tassarpiaagaluarput pitsaanerusumik inuusariaqartut maligassaassusermillu pitsaanerusumik takutitsisariaqaraluartut. Kristumiu qanoq ittariaqartoq taama ilisimatigigunikku namminneq ajortuliaat suli annerusutut isigisariaqalissannginnerpaat? Sorliit iluarnersut nalunngilaat imminiiginnar 1 ugilli naammassiniarnagit.

Kinguartitsiinnarnaveerit. Ajortivut asiginnarnissaat uummativillu Jiisusikkut minguiarneqartinnissaa ullormut allamUt utaqqiseqinagu. Taannarpiaq tuusintilippassuit kukkussutigisimavaat tammarnerminnik naassaanngitsumik kinguneqartoq. Uani annertuumik taassanngilakka inuunerup sivikissusia nalunartoqassusialu. Tassuunarpiarli angisuumik navianartorsiorsimavugut - navianartorlu tamanna naammattumik paasisinnaanngilarput anersaap nipaa oqaassisoq tunuartikkallarutsigu ajortimi inuuneq qinerlugu; kinguartitsinermi taanna taamatorpiaq isumaqarpoq. Qanorluunniit soqutaanngitsigisunnguatut ajorti isigigaluaraanni - tunniuffigiinnaraanni kisianniuna tammarnissamik naassaanngitsumik navianartorsiorluni. Ajugaaffiginngisattaa jugaaffigiumaarpaatigut aserugaanissatsinnillu kinguneqarumaarluni.

Adam Evalu isumalioraluarput taama soqutaanngitsigisoq soorlu paarnamik nereqqunngisamik nerineq Guutip oqaatigisaatut sualutsigisumik kinguneqarsinnaanngitsoq. Soqutaalluanngitsorisaalli taanna tassaavoq Guutip inatsisaanik illernartumik allanngortitassaanngitsumik unioqqutitsineq, tamatumalu inuk Guutimit avissaartippaa, toqup isaaffii ammarlugit, nallinnassuserlu taassaanngitsoq silarsuatsinnut pisillugu. Qangarsuarmit maannamut ajulersut nipaat nimaarnerillu nunarsuarmit naaralaartutut pisarput, pinngortitallu tamarmik anersaaruluttut erloqillutillu inUit naalannginnerata nalissaanik.

Qilammiulluunniit allaat, Guutip tungaanut pikitsitsinerat malugisimavaat. Sanningasulik napavoq pilliummut tupinnangaartumut Guutip inatsisaanik unioqqutitsineq pillugu akiliussisuussalluni pisariaqarsimasumut eqqaassutissaalluni. Ajorti. Soqutaanngitsunnguatut isiginiaqinatigu.

Unioqqutitsineq sunaluunniit Kristusip saammaanneranik tunulliussinerit imaluunniit sussarinninnginnerit qanorluunniit ittoq ilinnorpiaq tukkumaarpoq. Uummat manngertissavaa, piumassuseq asiujartortissavaa siuneqassuseq sakkukilliartortillugu, tunniussinnaassuseerukkiarto rti innarnatillu aammattaaq Anersaap nuartup qaaqqusineranut naalassinnaassuseerukkiartortikkumaar1utit.

Qassiit tarnimik nalunngissusia puttarsisaqartoq eqqarsaammik matuminnga tuppallersarniartarpaat: Inuusertik ajortoq piumallerunik allanngortissinnaallugu, saammaannerup qaaqqusinera nalinginnarisinnaallugu, taamaattorli anersaamit sunniivigineqarsinnaajuassallutik. Isumaliorput - saammaannerup anersaava narrugereerlugu sunniisinnaassusertillu Saatanip isumaqataasut atoreerlugu aqqutertik ajortoq qimassinnaassallugu ajornartorsiorluinnalerunik. Taamaalinissarli ilimagisamit ajomarnerujumaarpoq. Inuunerup misigisassarititaasa ineriartuutigititaasalu inuup Pissusivia ima sanalluareersimatigisarpaat: Jiisusimik malinninnialersutut allanngornissaq ikittuinnaasunit kissaatigineqartarluni.

Allaat inuup pissusiani amigaatip ataasiinnaagaluartup, kajungerisap ajortup ataasiinnaalluunniit iperarniarnagu pissuserineqartuaruni kiisa iivangkiiliumit killigaasinnaajunnaarnermik naggateqarumaarpoq. Nuannaarutipiluup suusulluunniit tarnip Guutimut assortuinera sakkortusaannartarpaa. Angutip Guutip sallusuissutaanut upperumanngittuarnermik soqutigisaqanngittuarnermilluunniit pissuseqartup nammineq siaruartigarpiani katersorumaarpai. Ajortip soqutigittaatsumik inuunerinissaanut naviasaarummik allamik angutip ilisimasup oqaasianit sakkortunerusumik Biibilimiittoqanngilaq oqarmat: "Iluaatsoq ... ajortuliaasa qilerutaasa aalangeersimasarpaat." Uss. 5, 22.

Kristusi ajortimit aniguisissalluta piareersimavoq, kisianni pinngitsaaliineq ajorpoq. Uagullu unioqqutitsiuarnikkut ajortimut pulajartuinnarutta aniguisitaanissarpullu kissaatiginngikkutsigu saammaannera ilassiumanagu, taava allatut qanoq iliuuseqarsinnaassava? Tammarnitsinnut nammineq pisuuvugut, asannissusia narrugereeratsigu qanoq iliornerput nalunngikkaluarlugu. "Ullormi saammaassiviusumi tusarpakkit, ullormilu annaassiviusumi ikiorpakkit." "Ullumi nipaa tusaaniarsimasuugussiuttoq! Uummatisi manngerteqinasigit." 2 Kor. 6,2; Epr. 3, 7. 8. "Inuimmi isiminnut saqqumisuinnaat isigisarpaat, Naalakkalli inuup uummataa isigisarpaa." 1 sam. 16,7. Inuup uummataa isigaa nuannaaruteqartarnerani aliasuuteqartarneranilu, uummat assigiiginnarmik pissuseqajuitsoq, tammartartoq, minguttussutsip peqquserlunnerullu inaat. Uummatip killinneqaatigisinnaasai ilorlerpaat siunertarisaalu ilisimavai. Tarnit qanoq minguttutigigaluarpat orniguk. Uummatit ammaruk tamanik isiginnittumut tussiusiortutut oqarlutit:

Misissuiffiginnga, Guuti, ilisimajullu uummatiga, misilinnga, eqqarsaatikka ilisimaniakkit. Alapernaasinnga guutipiluit aqqutaannik atuaanersunga, ingerlatinngalu aqqutikkut naassaanngitsukkut! Tuss. 139,23.24.

Qasseersuit Guutisiornerat sianissusiinnarmut tunngavoq, Guutimik mianerinninniarneq pisuusaarnerinnaasoq uummatip eqqiarneqarneranik ilaqanngitsoq. Qinnutit imaakkili: "Uummammik minguitsumik pinngortitsiviginnga, Guuti, aammaarlutit Anersaamik aalajaatsumik tuninngal " Tuss. 51, 12. Tarnit ilumoorfiginiaruk. Ima asuliinngitsigalutillu nikallujuigit soorlumi timikkut inuunerit navianartorsioraangat pisartutit. Tamanna Guutip illillu akunnissinni aalajangertariaqarpoq, aalajangernermik naassaanngitsumut tunngasumik. Neriunneq tunngaveqanngitsoq aseruutissarissavat.

Guutip oqaasii killisiniartakkit qinungaarlutit. Guutip inatsisaasigut Kristusillu inuuneragut oqaasiisa ilinnut nittarpai iluassutsip tunngavippai; taakku piginagit "Naalagaq takuneq ajornarmat." Hebr. 12, 14. Ajortimik nalujunnaarutaavoq, annannissallu aqqusernga erseqqittumik saqqummersillugu. Qarsupiinnarnaviikkit, taakkunuunatigut Guutip nipaa tarninnut oqaluttarmat.Ajortip annilaarnassusia takulerukku, qanoq issuserpiarisat takulerukku, nikallorluinnaqinak. Kristusiuna tikiussimasoq ajortuliortut annaanniarlugit. Uagut Guuti saammaannartitassarinngilarput, kisianni - asannissutsip tupinnassusia - Guutip Kristusimi silamiut saammaannartippai. 2 Kor. 5, 19. Asanninnermigut qitornani tammartut inussiarnerluni qaaqquai. Ataataq nunamiusoq qitornami kukkunerinut kamajuikkaluarluni Guutip annaanniakkaminut nikallujuissusia nallissanngilaa. Ajortuliorsimasunut asannippalunnerusumik allamik oqaassisoqarsinnaanngilaq. Inuit qarluinit anisunit ki pilu ttorpalussu tsimikkut nallerneqanngisaannartumik taassuma tammartut qaaqqusarpai. Neriorsuutai naviasaarutaalu tamarmik asanninnerinnarmik pissuteqartarput.

Saatani oqaraluarpat ajortilissuusutit, aniguisitsisit qiviaruk naammassisaalu eqqartorlugit. Ilinnut iluaqutaajumaarpoq qaamasua qimerloorukku. Ilisariniarit ajortuliorsimasutit, akerarli oqarfiguuk: "Kristusijiisusimi silarsuarmut tikiussimavoq ajortillit annaatissallugit. " (1 Tim. 1, 15). Annaanneqarsinnaasutillu asannissusiagut naleqanngitsukkut. Jiisusip Simon aperaa akiitsugaqartut marluk pillugit. Siulliup akiitsugaqarfigaa aningaasanik amerlangaartunik, aappaatali aapparminit ikinnerujussuarnik; tamaasali isumakkeerfigai. Kristusillu Simon aperaa taakkua arlaata sorliup naalakki annerusumik asassagaa. Simon akivoq: "Isumaqarpunga akiitsoqarnerpaajugaluarluni isumakkeerfigisaasup." Luk. 7, 43. Ajortilissuusimagaluaqaagut, Kristusili toquvoq isumakkeerfigineqaqqulluta. Pilliinermigut pissarsiaraa ataatamut nittarneqassalluni naammappoq iluaqutissatsinnik. Amerlanernik akileeqqunngisaasa annermik asajumaarpaat issiavissaarsuanullu qanilinerujumaarlutik ufinersiutiginiarlugu asanninnersua pilliutaalu soraajuitsumik kinguneqartoq pillugit. Guutip asannissusia siunersillualerutsigu ajortip ajussusia paasinerulerumaarparput. Takulerutsigu annaanneqarnissatsinnut Guuti qanoq atsigisumik iliorsimasoq, paasilaatsialerutsigulu Kristusip uagut pilluta pilliutaa nallernissaqanngitsoq, tamatuma uummaterput aatsikkumaarpaa, peqqissimingaarnermillu pilersitsivigiumaar luta.