Tunniunneq

Guutip unnersuutaa tassa: "Ujarussinga nanissavassinga; uummatissigut iluunngarlusi ujarussinga." Jer. 29, 13.

Uummatip iluunngaagut Guutimut tunniuttariaqarpoq, taamaanngippat taassuma assingani allanngornissaq uatsinni pinavianngimmat. Pileqqaarnitsinnit Guutimut takornartaavugut. Qanoq issuserput anersaap iluartup ima oqaatigaa: "Ilississaaq inuulersippaasi, ilissi unioq qu ti tsisarnissinni aj ortuliortarnissinnilu toqusimagaluartusi," "Niaqoq ikinik ulikkaarpoq, uummat tamarmi napparsimavoq." Diaavulup nigaanit nigarneqarpugut "silattuaqilerlu tik aniguisinnaaqqullugit Diaavulup nigaliaanit napitiffigitissimasaanit, nammineq piumasani malillugu ilioqqullugit." Ef. 2, 1; Es. 1, 5. 6; 2 Tim. 2, 26. Guutip katsorsarumavaatigut aniguisikkumalluta. Taamaaliornissamulli allanngorluinnarnissaq - inuutsitta nutaanngortitaalluinnarnissaa - pisariaqarmat iluunngarluta taassumunnga tunniuttariaqarpugut.

Isummatta uinimmut tunngasup assortorniarnera sorsuutigineqartartunit tamanit ilungersornarnersaavoq. Namminiussutsip tunniunnera - tamakkerluni Guutip piumasaanut tunniunnissaq sorsunnermik ilaqarpoq. Kisianni tarneq Guutimut tunniuttariaqarpoq iluassusermi nutaanngoqqulluni. Guutip siulersuinermini pinngitsaaliineq naammaginaatsoq naalagarsiorluinnarluta maleruutiinnarfigisassarput atunngilaa, naak Saatanip taamaannerarsinnaagaluaraa. Siulersuinera inuup silaqarsusianik tarningatalu nalunngissusianik saaffiginninneruvoq. "Qaallusi eqqartuuteqatigiitta." Es. 1, 18. Taama pinngortitsisup pinngortitaminut qaaqqusinera nipeqarpoq. Guutip pinngortitami piumassusiat pinngitsaalinianngilaa. Pallorfiginninneq kajumilluarnermit aalajangerfigisaqareemermillu pinngitsoq ilassisinnaanngilaa. Naalanniartup pinngitsaalisaanermit pilersitaasup tarnip inuullu qanoq issuserpiaata ineriartorluarnissaraluat akornusersorumaarpaa. Tamatuma inuk maskiinatut pissusilertunngortissavaa, tamannalu pinngortitsisup siunertarinngilaa. Taassuma piumasaraa inuk pinngortitami pitsaanersaat ineriartomermik pitsaanerpaamik angusaqassasoq. Uatsinnut saqqummiuppai pilluaqquneqamissat angingaartut taakkununnga saammaannermigut ingerlakkumagaluarluta. Imminut tunniuteqqulluta qaaqquaatigut piumasani uagutsinni suliariumallugu. Ajortimi inussiaataanitsinnit aniguisinneqarumanerluta, Guutillu qitornaasa kiffaanngissusiannik iluartumik peqataajumanerluta uagut nammineq qinigassaraarput.

Guutimut tunniukkutta soorunami suulluunniit taassumannga avissaartitsisinnaasut taamaatissavavut. Taamaattumik annaassisoq oqarpoq: "Taamattaaq arlaannarsiluunniit nammineq pigisani tamaasa sussakkiinngikkunigit uannut ajoqersugaasinnaanngilaq." Luk. 14, 33. Uummatip Guutimit nigoriartuutigisinnaasai tamaasa peertariaqarput. Qasseersuit pisuussutit Guutipilugaat. Aningaasanik asanninnerup pisuussutinillu kajungerisaqamerup kalunnertut Saatanimut pitussimavai. Allat tusaamasaaneq silamiutullu ataqqineqarneq anguniarpaat, allallu imminnuinnaq asaneq allanik sussakkeerisoq soqutiginninngitsorlu inuuneraat. Tamakkuli qilerutit kittorarneqartariaqarput; Guutillu silarsuullu ataatsikkut pigisinnaanngilaatigut. Guutip qitornarisinnaanngilaatigut iluunngarluta taassumunnga pigisaritinngikkutta. Qassiit Guuti kiffartuunniarlugu oqartarput, kisianni namminneq ilungersorniarnerinnartik tatigaat. Inatsisai naalanniarpaat pitsaanerulerniarlutillu annaanneqarniarlutillu namminneq piginnaassusiinnarmikkut. Kristusip asanninnerata itissusianik paasinninnermik uummataat attomeqarsimanngillat, kristumiutulli naammassiniagassatik naammassiniarpaat taamaaliornissamut Guutimit pinngitsaalineqangaj assimasutullusooq qilammut isersinnaaqqullugit. Kristumiuussuseq taamaattoq suunngilaq. Kristusi uummammi ineqarpat tarneq asanninneranit taassuminngalu peqateqarnermik nuannaaruteqarnermit ima ulikkaarneqarsimatigisarpoq: Inuup taamaattup taassuminnga qimerluuinermini namminiussutsi tunulliussinnaalersarlugu. Kristusimik asanninneq qanoq iliomerinut tamanut pikialaffinngorumaarpoq. Guutip asanninneranit pinngitsaalineqartutut misigisut Guutip piumasaasa qanoq oqinnerusumik naammassinissaa ujamavianngilaat. Anguniagaq mikinerpaaq ujamavianngilaat, utertitsisimilli piumasaa naapertorluinnarlugu inuunissaq tunaartariumaarlugu. Qilanaangaarnermik peqarlutik tamaasa tunniukkumaarpaat, Guutillu pianik anguniakkamik naleqassutigisaanik soqutiginninnertik takutikkumaarlugu, Kristusimik nassuerutiginninneq asanninnermik itisuumik taamaattumik ilaqanngitsoq oqaasiinnaavoq, oqaasiinnavik, inussiaataaneq artornartoq.

Isumaqarnerputit tamaasa Kristusimut tunniutissallugit angivallaartoq? Ima imminik aperigit: Kristusi uanga pillunga qanoq iliorami? Guutip ernerata tamaasa tunniuppai - asanninneq, anniarneq, allaat inuunini utertinneqaatissatsinnik. Uagut asanninnermik taassuminnga pineqartussaanngikkaluaqisugut uummativut taassumunnga erligisinnaanerpavut? Inuunitsinni nal. akunneri tamaasa pilluaqqussutai saammaanneranit pisut tigusarpavut, taamaattumillu naammattumik paasisinnaanngilarput ilisimaassusermit naakkinassusermillu qanoq ititigisumit annaanneqarsimasugut. Ajortitta ikilersortitaat isiginnaaginnarsinnaanerparput, taamaattorlu asanninnera imminillu tunniunnera narrugalugit? Naalannassutsip naalagaa qanoq atsigisumik nikanarsarsimasoq eqqarsaatigigutsigu, taava sorsunnikkut imminillu naaggaarfiginikkut aatsaat inuunermut isersinnaanerput narrusuutigisinnaanerparput?

Isumamikkut maniguutinngitsut qassiit aperiumassapput: Sooq peqqissiminiassanerpunga maniguunniassanerlungalu naalli Guutip ilassiumassaneraanga paaseqqaanngikkaluarlugu? Kristusi qiviaqquara ilinnut. Ajorteqanngilaq allaammi suli annermik: Qilassuup naalagaraa. Inulli pillugu ajortinngorpoq, "inatsisinillu unioqqutitsisunut ilaliussaatilluni. Kisianni amerlasuut ajortuliaat ersuppai, ajortuliortullu sinnerlugit pineqarluni." Es. 53, 12.

Suulliuku uagut tamakkerluta tunniutissagutta iperagassavut? - Uummat ajortimit aatsugaasoq Jiisusip nammineq aamminik eqqiartariaqagaa asanninnermigullu killeqanngitsukkut annaattariaqagaa, taamaattorlu inuit tamaasa iperassagunikkik artornartorsuutittarpaat. Kanngusuutigaakka oqaatsit taamaattut tusassallugit; kanngusuutigaakka allassallugit.

Pigalugu iluaqutigisatsinnik Guutip arsaarnianngilaatigut. Qanoq iliornermigut tamatigut qitornami iluaqutissaat siunertarisarpaa. Qanortoruna Kristusimik annaassisussamittut qinigaqarsimanngitsut tamarmik paasisinnaatsiarlissuk taassuma tuniniaraatik namminneq ujakkaminnit ajunnginnerumaartumik. Inuit namminneq tarnertik ajoqusingaartarpaat ajortumiingaartarlutillu, eqqarsaatimikkut iliornermikkullu Guutip piumasaanut akerliusumik iliuuseqarsimasaraangamik. Aqqummi taassuma ajunnginnerusumik ilisimannittup pinngortitamilu iluaqutissaannaannik iliortartup inerteqqutigisimasaani nuannaarnermik piviusumik nassaassaqanngilaq. Pinerlunnerup aqqusernga nallinnarsutsip aserugaanerullu aqqutissaraat.

Kukkuneruvoq isumalioraanni Guutip qitomami naalliunnerat iluarissagaa. Qilammiut tamarmik inuit pilluarlutik inuunissaat soqutigingaarpaat, ataatatta qilammiusup pinngortitami ilai nuannaarnerup matuisa silataannut mattunnianngilai. Guutip piumavaa nuannaarutit suusut pilluaannermik pakatsinermillu pilluarnerullu isaaffianit anisitaanermit kinguneqarsinnaasut pinngitsoorniassagivut. Silarsuup utertitsisaata inuit taamaaginnartillugit ilassiumavai, amigaataat, naammalluanngissutaat sanngiissutaallu tamaasa atortillugit. Ajortimillu eqqiarniaannanngilaatigut aammigullu utertinniaannarata, uummatilli erininera eqqississutissarsisikkumalluta kikkunni tamani nammaattaminik tigusiumasuni nammakkaminillu nammakkiussiumasuni. Imminut orniguttut inuussutaasumik piumallutik eqqissinermik qasuernermillu tunisarpai. Piumasaa unaannaavoq: Naammassisassavut naalanngitsut angusinnaanngisaannut qilammi pilluaqquneqarnissamut uatsinnik ingerlatitsisussat naammassissagivut. Tarnip inuunera nuannaamivillu tassa Kristusip naalannarsinissamik neriuutip uummatitsinni ineqalernera.

Qassiit aperisarput: Guutimut tunniutissaguma qanoq iliussaanga? Taassumunnga tunniunnissat nammineq kissaatigigaluarpat, ileqqorissaarniarnikkulli pisinnaanerit suunngilaq; qularnerup nanertorpaatit ileqqunillu ajortimi inuunermit pisunit naalakkersugaallutit. Unnersuigaluarnitit imaaliorumallutillu aalajangerluarnitit sioqqatut kuersatut qajannartigaat. Eqqarsaatitit, kajungerfigilersakkatit, misigissutsitit naalakkersorneq saperpatit. Unnersuutitit unioqqutissimasatit imaaliorumagaluarnitillu pinngitsuukkatit ilisimagakkitiluameerniarsinnaajunnaarsorilerputit, isumaliulerlutillu Guutip ilassisinnaanngikkaatit. Ernumaqinalli. Paasisariaqarinuna piumassutsip pissaanera. Piumassutsip inuup pissusia aquttarpaa - aalajangersinnaanera qinersisinnaaneraluunniit ajunngitsumik ajortumillu. Tamarmik piumassutsip eqqortumik atorneranik patsiseqartarput. Guutip inuit sorlernik iluarnersunik qinerlersinnaassusermik tunisimavai. Uummatit allanngortissinnaanngilat; immininnit Guuti asasinnaanngilat, kisianni kiffartuukkumallugu qinersinnaavat. Piumassutsit taassumunnga tunniussinnaavat, taava ilinni sunniissaaq piumallersittarlutit naammassisaqartittarlutillu iluarisani naapertorlugu. Taava illit pissutsit tamarmi Kristusip anersaata sunniineranut pisinneqarumaarpoq. Qilanaarisatit taassumunnga sammitinneqarumaarput, eqqarsaatitit taassuma eqqarsaataanut naleqquttunngorumaarlutik.

Ajunnginnissamik iluamissamillu kissarnitit ajunngitsuupput pigigukkit; kissaatigiinnaraluarukkilli iluaqutigissanngilatit. Qassiit tammarumaarput naak neriullutillu kristumiunngorusukkaluarlutik. Piumanerat ima angitigilersimanngilaq piumassusertik Guutimut tunniussinnaalersissimannginnamikku. Maannakkut kristumiunngorumallutik aalajangersimanngillat.

Piumassuseq eqqortumik sammiveqartinneqarpat inuunermi allanngorluinnarneq pisinnaavoq. Piumassutsit Kristusimut tunniukkukku pissaaneq pissaanemit allanit sakkortunerusoq peqatigilissavat. Pissaaneq pavannga pissavat ilinnik serniginnissinnaasoq, taama Guutimut tunniuttuarnikkut inuuneq nutaaq, uppemerup inuunertaa, inuunerilersinnaallugu.