Jiisusirnit ajoqersugaasup ilisamaatai.

"Tassa kinaluunniit Kristusimiittoq pinngortitaavoq nutaaq. Pisoqaq qaangiuppoq, takuuk, nutaamik pinngortoqarpoq!" 2 Kor. 5, 17. Inuit tamarmik qanga imaluunniit sumi allamik isumataarnertik immaqa eqqorluinnarlugu oqaatigisinnaanngilaat, tamatumunngaluunniit patsisaasut tamaasa tikkuarsinnaanagit. Imaanngilarli suli allamik isumataarsimanngitsut. Kristusi Nikodemusimut oqarpoq: "Anorip sammivigiumasani sammivigisarpaa. Siorsuppalua tusaasarpat nalulluguli sumit pinersoq sumullu ingerlanersoq. Anersaamit erniusimasoq kinaluunniit taamaappoq." Joh. 3, 8. Guutip anersaata inuup uummataanut sunniinera assersuunneqarsinnaavoq anorimut, takussaanngimmat, kingunerili taamaattoq ersarissumik takuneqarsinnaalerlutillu misigineqarsin naalersarput. Pissaanerup ernioqqissitaasup, inuup isaanit takuneqarsinnaanngitsup, inuuneq nutaaq tarnimi pilersippaa; inuk nutaaq Guutip assingani pinngortippaa.

Anersaap pinngortitsinera nipaatsumik malunnaatsumillu ingerlatillugu kinguneri saqqummissapput. Uummat Guutip anersaagut nutaanngortitaasimappat inuuneq tamatumunnga nalunaaqqutaassaaq. Uummatitta allanngortinnissaannut Guutillu isumaanut naapertuuttunngornissamut immitsinnik qanoq ilioriusissaqanngisilluta, imminuinnarlu tatiginianngilluinnartariaqarallartilluta, suliavulluunniit ajunngitsut isumalluutiginiartariaqanngisillugit, inuunitta saqqummerumaarpaa Guutip saammaannera ilumiugineripput nginnerippulluunniit. Takujumaarpat allanngorneq qanoq-issusitsinni, ileqqutsinni soqutigisatsinnilu. Qanoqissimagaluamitta maannalu qanoq-issutsitta assigiinngissusiat erseqqilluinnarumaarpoq. Inuup qanoq-issuserpiani saqqummersittarpaa iliornertigut ajunngitsutigut ajortutigulluunniit, nalaatsortutigut pinnagu kisianni imaassutsikkut, annikkut oqaluttamermini iliortamerminilu ileqqunnaarisamigut.

Ilumoorpoq saqqumisukkut assuarnaatsumik pissusilersortoqarsinnaasoq Kristusip pissaanera nutaanngortitsisoq piginngikkaluarlugu. Suutinneqarneq allanillu ataqqineqarneq angujumallugu kajungerneq ajunngitsumik assuamaatsumillu inuusinnaanngortitsisarpoq. Imminut ataqqinartinniarnerup saqqumisukkut ajorti nigortertissinnaavaa. Uummat namminissarsiortoq ajunngitsorsuarmik iliorsinnaavoq. Qanormi taava ililluta ilisimassavarput sorlerni arlaanniilluta?

Kina uummatitsinni naalagaava? Kina eqqarsaatitta uninngavigaat? Kina oqaluusererusunneruarput? Kimut pigitippavut misigissutsivut itinerusut nukivullu ajunnginnerit? Kristusip pigippatigut eqqarsaatigissavarput, eqqarsaativullu nuannernerit taassumunnga sammitinneqassapput. Suussuserput pigisavullu. Erinigissavarput assigilerumallugu, anersaavanit siulersorneqarumalluta.

Kristusi Jiisusimi pinngortitanngortut nutaat Anersaap inerititaanik inerititaqassapput nakuusunik: "asanninneq, nuannaarneq, eqqissineq, kamajasuunnginneq, inussiarnisaarneq, ajunngitsuuneq, unneqqarissuseq." Gal. 5, 22. Piumassusitoqqat maleqqikkumajunnaassavaat Guutilli Erneranut uppernikkut tumai atuarlugit ingerlajumalissapput, qanoq issusia imminni erserneqartikkumalissallugu, minguiarumalissallutillu soorlu taanna minguitsuusoq. Siornagut qinngarsorsimasatik maanna asalerpaat, siomagullu asasimasatik qinngarsorpaat. Maniguussuseqanngitsut isumaannarminnillu ingerlajumasut qanilaartunngorput uummatimikkullu maniguuttunngorlutik. Pingaakujuttut ilungersorpaluttunngorlutillu nikanartittunngorput. Imerajuttoq imerajuttuujunnaarpoq inuunerluttorlu ileqqorissunngorpoq. Silarsuarmiut ileqqui atortuilu aserujasut tununneqarput. Kristumiut pinnersaat qalleq ujassanngilaat "ersiuteqartissavarsili uummammi, inummi isertugaasumi, anersaap piuaatsup qanilaartullu kusanassusiani aserortussaanngitsumi, Guutip isaani erlinnaqisumi." 1 Petr. 3, 3. 4.

Inuk allamik isumataarsimasutut taaneq ajornaqaaq inuunerani pitsaanerulernermik pisoqarsimanngippat. Ajortillip unnersuunni naammassiguniuk, ilumuunnginnikkut pissarsiani taarserlugit, ajortini anngiiaatigalugit, Guutilu inoqatinilu asallugit, ilisimassavaa toqumiit inuunermut nuussimalluni.

Tammartut ajortilittut pissuseqarluta Kristusimut pigutta saammaanneragut ajortit isumakkiigaanerannik pissarseqataalluta asanninneq uummammi sikkilissaaq. Nammagassaq suusoq artornarunnaassaaq Kristusip uatsinnut nammakkiutaa oqimmat. Pisussaassuseq nuannersuinnaalissaaq, imminillu tunniunneq tipaatsunnartuinnaalissaaq. Aqqut taartumit matoorsimasorisaq iluassutsip seqernanit qaammarsarneqartualissaaq.

Kristusip pissusia asanartoq malinnittaanissaaq takutikkumaarpoq. Guutip piumasaa suliarissallugu nuannaraa. Guutimik asanninneq naalannaatissaalu pillugu nikallujuinneq Annaassisitta inuunerani nakuussutaapput. Asanninnerup taassuma qanoq iliortameri pinnersarlutillu pingaartunngortippai. Asanninneq Guutimit pivoq. Uummatip allamik isumataarsimanngitsup pinngortissinnaanaguluunniit naalersissinnaanngilaa. Uummammi Jiisusip najugaani aatsaat ittarpoq. "Uagut asannippugut taassuma asaqqaarmatigut." 1 Joh. 4, 19. Uummammi Guutip saammaanneragut nutaanngortitaasumi qanoq iliornerit tamaasa asanninnerup ingerlatilersarpai. Taassuma inuup pissusia pilersittarpaa, piumallertarneri aquttarpai, kajungissusii naalakkersortarpai, akerariinneq ajugaaffigisarpaa inuullu misigissusai ajunngitsunngortittarlugit. Asanninneq taanna tarnimi pigineqaruni inuuneq nuannersunngortittarpaa, tamaginnilu eqqatsinniittuni minguersaasutut sunniineq siaruarlugu.

Kukkussuteqarpoq marlunnik Guutip qitornaasa pingaartumik aatsaat saammaanneranut tunniuterlaajusunut taakku mianersorfigisariaqagaanik. Siulleq eqqartoreerparput, tassa nammineq suliaannani tatigalugit sakkugalugillu Guutimut iluarisassaaniarneq. Suliamigut iluartunngomiartoq inatsisit maleruamiaqqissaarunigilluunniit ajomarluinnartumik naammassiniagaqartuuvoq. Inuit Kristusi ilaginagu suliarisinnaasaralui tamarmik imminut asanermit ajortimillu aatsugaapput. Kristusip saammaannerata kisimi iluartunngortissinnaavaatigut uppernikkut. Kukkussut tamatuma akerlia siulliullu navianaqataa, tassa isumaqaraanni Kristusip inuit Guutip inatsisaanut naalanniartariaqartikkai, uppemerinnakkut saammaannerminik peqataasinnaanngoratta, taamalu suliavut annannissatsinnut atorsinnaanatik.

Malugiuk naalanniarneq qalliinnakkut Guutip piumasaanut naapertuunniarnerunngitsoq, tassaasorli asannittup kiffartornera. Guutip inatsisaasa qanoq issusia nalunaarpaat. Paasissutissaapput asannilluni siunertarisaanut angisuunut, taamaattumillu inatsisai qilammi nunamilu naalakkersuinerata tunngavigai. Uummativut nutaanngortitaasimappata Guutip assingani, Guutip asannissusia tarnitsinnut ikkunneqarsimappat, taava inassutai inuunitsinni ersissannginnerpat? Asanninnerup siunertaa uummatitsinni ikkunneqarsimappat, inuk taassuma pinngortitsisimi assingani nutaanngortitaasimappat, taava angerusisaap neriorsuutaa eqquussimassaaq: "Inatsisinnik uummammiulissavakka iluannullu allallugit." Epr. 10, 6. Inatsisaallu uummammi allassimagunik inuuneq sunnersimassannginnerpaat? Naalanneq tatigisassaassutsip asanninnerullu kiffartuussissutaat ajoqersukkamut ilisarnaaterpiaavoq. Taamaattumik allassimasut oqarput: "Guutimummi asanninneq tassaavoq inassutai maleruaratsigit." "Ima oqartoq: "Ilisimavara," inassutaali maleruarnagit, taanna sallutuujuvoq, sallusuissullu taassumaniinngilaq." 1 Joh. 5, 3; 2, 4. Uppernerup naalannissaq inunnut pisariaarutinnagu kiserluinnarmi Kristusip saammaanneranik ilangeeqataalersippaatigut taamaalillutalu naalannermik takutitsisinnaalersilluta.

Naalannitsigut annaanneqarnissaq pissarsiarinngilarput, massami annannissaq Guutip akeqanngitsumik tunissutigaa uppernikkut tigusariaqartoq. Naalannerli uppernerup inerittoraa. "Nalunngilarsi saqqummersinneqartoq ajortivut ersussallugit, taassumanilu ajorteqanngilaq. Kinaluunniit taassumaniittuartoq ajortuliortanngilaq; ajortuliortup kialuunniit takusimanngilaa nalullugulu." 1 Joh. 3, 5. 6. Ilisarnaat eqqortoq tassaavoq. Kristusimiikkutta Guutillu asanninnera uatsinniippat misigissutsivut, eqqarsaativut qanorlu iliornivut Guutip piumasaanut inatsisini ersersitaasumut naapertuukkumaarput. "Qitornaasusi, kimilluunniit tammartinneqarniaqinasi. Iluartumik iliortoq iluartuuvoq, soorlu taanna iluartuusoq." 1 Joh. 3, 7. Guutip inatsisaasa iluartut, inatsisit qulit Sinaimi tunniussat, iluarneq suusoq nalunaarpaat.

Kristusimut uppemermik taaneqartartoq oqaatigineqartartorlu Guutimut naalanniarnermik pisariaarutitsisutut, uppernerunngilaq pisuusaarneruvorli. "Saammaannermimmi taassuminnga annatsitaavusi uppernikkut." "Upperneq aamma taamaappoq: Immini, tassa sulianik ilaqarnani toqungavoq." Ef. 2, 8; Jaak. 2, 17. Jiisusi nunamut pinngikkallarami oqarpoq: "Guuti, piumasat malillugu iliornissaq tassa kajungerisara; inatsisitit uanga ilunni ipput." Tuss. 40, 9. Kingumullu qilalianngitsiarnermini nalunaarpoq: "Ataatama inassutai maleruarikka asannissusianiittuarlungalu." Joh. 15, 10. Allassimasut oqarput: "Matumuunalu nalujunnaarparput ilisimallutigu: Inassutai maleruarutsigit ... Taassumaniittuassalluni oqartoq taanna nammineq taassuma inuuneratut inuusariaqartussaassaaq." "Kristusi aamma anniartitaammat ilissi pillusi maligassamillu qimatsivigalusi, tumini atuarlugit malinnaaqqullusi." 1. Joh. 2, 3-6; 1 Petr. 2, 21.

Inuuneq naassaanngitsoq angoqqullugu piumasarineqartoq taannarpiaavoq taannaajuarsimasoq paradisimi angajoqqaatta siullerpaat orlunerat sioqqullugu taannaajuarsimasoq: Guutip inatsisaanut naalalluinnarneq, iluarluinnarneq. Tamatumannga minnerusumik piumasaqarnikkut inuuneq naassaanngitsoq tunniunneqartussaagaluarpat silarsuup tamarmi pilluarnissaa navianartorsiortitaassagaluarpoq. Tamatumani ajorti naalliunnaataalu er loqissutaaneralu naassaanngitsumut pisittuinnartussanngortissagaluarmagu.

Adamip orlunermi siornagut Guutip inatsisaanut naalannikkut iluarluartumik pissuseqassalluni sapinngilaa, ajortulioramili sapilerpaa, ajortuliaalu pillugu pileqqaamitsinnit aserugaavugut imminik iluartunngortissinnaajunnaarluta. Ajortiliugatta iluaatsuullutalu inatsisit illernartut naammalluinnartumik naalassinnaanngilavut. Immitsinni iluarsuseqanngilagut. Guutip inatsisaasa naammasseqqusaat tamakkiisumik naammassisinnaanngilavut; Kristusilli periarfissarsivaatigut. Nunami inuuvoq misiligaanerit ussigaanerillu naapitassarisakkavut taakkorpiaat atorlugit. Ajorteqanngilluinnarluni inuuvoq. Pilluta toquvoq, ajortivullu imminut pisikkumavai iluassusermillu tuniumalluta. Taassumunnga tunniukkuit Annaassisittullu ilassisimallugu taanna pillugu iluartuutinneqassaatit, qanorluunniit inuuninni ajortuliortuutigisimagaluaruit. Kristusip pissusia pissutsinnut taarsiunneqassaaq, Guutillu ajortuliorsimanngisaannartutut ilassissavaatit.

Allaammi tamatumannga annerusumik: Kristusip uummat allanngortissavaa uppernikkut uummatinni ineqalerami. Peqatigilernera tamanna atatinniartariaqarpat upperlutit, piumasallu taassumunnga peqquttuinnarlugu; taamaattuartillutillu ilinni sunniiumaarpoq piumallersittarlutit naammassisaqartittarlutillu iluarisani naapertorlugu. Taavami oqarsinnaassaatit: "Maannalu uinimmi maani inuuserisara inuuseraara upperfigalugu Guutip ernera uannik asannittoq uangalu pillunga imminut tunniuttoq." Gal. 2, 20. Jiisusi ajoqersukkaminut oqarpoq: "Ilissimi oqaluttuunngilasi, Ataatassiliuna anersaava ilissitigut oqaluttoq." Matt. 10, 20. Taama Kristusi ilinni sulippat anersaata assinganik ersersitaqassaatit, suliaasalu assinginik suliaqarlutit - iluarnerup naalannerullu suliaanik.

Taava immitsinni usorsitsaatissaqanngilagut immitsinnik angisuutinniarnissamut tunngavissaqarata. Kristusip iluarnera uatsinnut pissanngortoq suliarlu anersaata uatsinni uatsigullu naammassisaa neriunnitta kiserluinnaat tunngavigaa.

Upperneq oqaluuserigaangatsigu eqqaamassavarput upperneq ataasiinnaanngitsoq. Qularunnaarsitaanermik tunniussaasoqarpoq kristumiut uppernerannit allaalluinnartumik. Guuteqarnera pissaaneralu oqaasiisalu ilumoorsusiat ilumut piusuupput Saatanilluunniit kiffapiluisaluunniit ilumoorlutik miserratigisinnaanngisaannik. Biibili oqarpoq: "anersaapiluittaaq taama upperput uulillutillu." Jaak. 2, 19. Tamannali uppernerunngilaq. Guutip oqaasiisigut nalujunnaarsitaalluni akerlilersuinnginnerinnarmik pissuseqarani piumassutsinilli taassumunnga tunniussisup Guuti uummamminik asanninnerminillu tunivaa; inuk taamaattoq upperneqarpoq - uppernermik asanninnikkut sulisumik tarnimillu eqqiaasumik. Uppernikkut taassumuuna uummat Guutip assingani nutaanngortitaasarpoq, uummallu taanna saannianngikkallarnermini Guutip inatsisaanut naalattuusimanngikkaluartoq taamaattuusinnaanngikkaluartorlu, maanna inatsisaanik illernartumik nuannaaruteqalerpoq tussiaasiortoq oqaqatigisinnaasunngorlugu: "Ilami inatsisitit nuannareqaakka, eqqarsaatinniipput ulloq tamaat." Tuss. 119, 97. Inatsisit iluarnerat uatsinni naammassineqartarpoq "uinik malinnagu kisianni Anersaaq malillugu inuusuni." Rom. 8,4.

Inoqarpoq Kristusip asanninneranik isumakkeerfiginnittumik misigisaqarsimasunik, ilumullu kissaateqalersimasunik Guutimut qitornaajumallutik, kisiannili paasillugu pissusertik naammanngippallaartoq inuunertillu kukkunemik ulikkaarluni, qulareqqajaaginnarpaallu uummatimik anersaakkut iluartukkut nutaanngortitaasimanerat. Uummatinut taamaattunut oqarumavtinga: Qularnermit tunuaannaqinak. Qassiinik Jiisusip isigaasa saannut pallortariaqartarpugut qialluta amigaativut kukkunivullu pillugit. Kisianni sapiissuseeruttariaqanngilagut. Naak akeqqamit ajugaaffigineqaraluarutta taamaattoq Guutimit qimagaanngilagut ajattugaanatalu. Naagga, Kristusi Guutip talerpiata tungaaniippoq qinnullutalu. Johannes asanartoq oqarpoq: "Qitornakka, tamakkuninnga allaffigaassi ajortulioqqunasi. Ajortuliortoqassappalli illersortissaqarpugut Ataatami, tassa Jiisusi-Kristusimik iluartuusumik." 1 Joh. 2, 1. Kristusip oqaasii puioqinagit: "Ataatammi nammineq asavaasi." Joh. 16, 27. Imminut uterterusuppaatit nammineq minguissutsi illernassutsilu ilinni akisuttut takujumallugit. Taassumunnga tunniukkumasinnaruit, taassuma ajunngitsuliamik ilinni aallarniisup naammassiumaarpaattaaq Jiisusip Kristusip ullussaani. Ilungersornerullutit qinusarit: annerusumikupperit. Uagut nammineq sanngiissuserput takulerutsigu utertitsisitta nakuussusianut peqqusa. Taava unnersiutigissavarput taanna, kiinnatta qaammaqqutaat.

Jiisusi qanilliartortillugu nammineq ilinnut naammanngissutsit paasiartuinnassavat, tappinneruleriartussagavit amigaatitillu taassuma pissusianut naammalluinnartumut akerliusut ersarilluinnartumik saqqummissammata. Tamanna uppernaataavoq Saatanip tammartitsiniarnerisa pissaaneerussimanerannut Guutillu anersaata inuuneqalersitsisumik sunniisartup ilinnik utertitsilerneranik.

Uummammi nammineq ajorteqassutsiminik takunngitsumi Jiisusimik asanninneq itisuumik issinnaanngilaq. Tarnip Kristusip saammaanneragut allanngortitaasup Kristusip Guutisut pissusivia nuannaarutigiumaarpaa. Kisianni ileqqukkut aserorsimassuserput takunngikkutsigu tamanna uniugassaanngitsumik uppernaataavoq Kristusip pissusianik pingaarnerussusianillu takunnissimannginnitsinnut.

Immitsinnik ataqqiunnaariartorutta Annaassisitta minguissusia asannissusialu killeqanngitsoq takulluariartorlugu nuannarileriartussavarput. Nammineq ajorteqassutsitta taassumunnga isumakkiisinnaasumut pisissavaatigut; tarnerlu sapissutsiminik misigaluni Kristusimik ujarlerpat taassuma pissaanini tamaat pigalugu saqqummerfigiumaarpaa. Ajulissutsitsinnik misiginitta taassumunnga Guutillu oqaasianut qaninnerujartortippaatigut, annerungaartumik pissusia paasiartussavarput sulilu naammannerujartortumik assingani erseriartussalluta.