Kristusimut aqqutissaq kapitel 8. Fra side 66tilbage

Kristusirni alliartorneq

Isumap allanngornera Guutimut qitornanngornitsinni pisoq Biibilimi erniunertut eqqartorneqarpoq. Aamma assersuunneqarpoq naatsiiassarissumut narsaammi sikkersumut. Taamaalillutik saanniaqqammersut inoorlaatut alliartussapput inersimassusermut angutitut arnatullu KristusiJiisusimi. 1 Petr. 2, 2. Ef. 4, 5. Naatsiiassarissutut narsaammi siaruartikkatut naajartussapput inerittoqassallutillu. Esaia oqarpoq taaneqassasut "iluarsutsip orpiinik eginik Naalakkap ikkussimasaanik naalannartitaaqqulluni. " Es. 61, 3. Taama assilissat ulluinnarni inuunermi pisut atorneqarput sallusuissutit isertugaasut anersaakkut inuunermut tunngasut paasilluarneroqqullugit ikiorniarluta.

Inuit ilisimassusiata pikkorissusiatalu tamarmi pinngortitami minninnguarluunniit uumassuseqalersinneq saperpaa. Taamaallaat uummatissaq Guutip tunniussaa aqutigalugu naasut uumasullu uumasinnaapput. Taamatuttaaq inuussut Guutimit pisoq aqqutigalugu inuuneq anersaakkut ittoq inuit uummataanni pilersinneqartarpoq. Kinaluunniit ernioqqissimanngitsoq inuunermik Kristusip uatsinnut tunniunniarlugu tikiussutigisaanik pissarseqataasinnaanngilaq. Joh. 3, 3.

Soorlu uumassuseqalerneq pisartoq taamattaaq alliartorneq ippoq. Guutip-una inerittussannguaq sikkersoqalersittaraa sikkernerlu kingunissaqalersittarlugu. PissaaneragutUlla naatsiiassaq alliartortartoq "siullermik kanaartamik, taava karrertaqarfimmik taavalu karrertaqarfimmi karrertanik inerissimasunik." Mark. 4, 28. Profetillu Hossiap oqaatigaa Israeli "liljatut sikkilerumaartutut." "... kingumut karrinik naatitsissapput. Sikkissapput viinnequtitut." Hos. 14, 6. 8. Jiisusillu peqquaatigut "Malugeriarsigit naasut liljat qanoq naajartortartut." Luk. 12,27. Orpiit naasullu namminneq ilungersomermikkulluunniit eqqasunnermikkulluunniit noqqaanermikkulluunniit naajartortanngillat, kisianni Guutip uumassuseqarsinnaaqqullutik piareersagaanik pissarsinikkut. Meeraq nammineq eqqasunnermigut nukissornermigulluunniit maanna angissuserisaminit annerulersissinnaanngilaq. Taamatorluinnaq illit nammineq eqqasunnikkut noqqaanikkulluunniit anersaakkut alliartortitsisinnaanngilatit. Naasoq meerarlu alliartortarput avatangiisiminnit inuunermut pisariaqartut pisaramikkik - silaannaq, seqernup qaamarnga inuussutissarlu. Soorlu tamakku pinngortitap tunniuttagai uumasumut naasumullu ittut, taamatut Kristusi taassumunnga isumageqqusumut ippoq. Taakku qaamasoraat soraajuitsoq, seqineraat eqqornaveeqqutigalugulu. Es. 60, 19; Tuss 84, 12 Israelimut kanernertut ikkumavoq, ikkumalluni "soorlu siallup kuseriarnerisa nuna masatsertaraat" Hos. 14, 6; Tuss. 72, 6. Imiuvoq inuussutilik, Guutip neqissaataa "tassaavoq qilammit aqqartoq silarsuarmillu inuuneqartitsisoq. " Joh. 6, 33.

Guutip erni tunniuppaa. Tunissutikkut taassumuuna angingaartukkut silarsuaq saammaannermik tamakkerpaa silaannartut nunarsuatsinnik avatangiisutut piviutigisumik. Kikkulluunniit silaannarmik tamatuminnga najuussuiumasut inuujumaarput alliartorlutillu angutip inersimassusia nallerlugu Kristusi Jiisusimi.

Soorlu naasup seqineq sammisaraa pinnissutsimi iluserissutsimilu naammatsinnissaannut qinngorneri tapertaaqataassammata, taamatut uaguttaaq iluassutsi seqerna sammisariaqarparput Guutip qaamasuanut qinngorfigeqqulluta pissuserpullu Kristusip assingani alliartortinneqaqqullugu.

Tamatuminnga Jiisusip ilinniartippaatigut oqarami: "Uanniittuaritsi, taava uangattaaq ilissinniittuassaanga. Soorlu avalequt imminik inerititaqarsinnaanngitsoq viinneqummut atajuanngikkuni, taamattaaq ilissi inerititaqarsinnaanngilasi uanniittuanngikkussi ... uangami ilaginanga saperluinnarpusi." Joh. 15, 4. 5. Illit Kristusi ilaginagu inuuneq illernartoq inuunerisinnaanngilat, soorlu avalequt timitaminiinngikkuni naajartorsinnaanngitsoq inerititaqarsinnaananilu, taassumannga avissaarsimallutit inuuneqanngilatit, ussernartoq assortussallugu nukissaqanngilatit; saammaannikkulluunniit iluassutsikkulluunniit naajartorsinnaanngilatit taassumaniikkuilli sikkersoqassaatillusooq alliartorlutillu, taassumannga inuussuteqaruit toquusassanngilatit inerittoqanngitsuussanallu. Orpittut kuunnguup sinaani ikkutatut issaatit.

Qassiit isumaliorput suliassap ilaa namminneq naammassisariaqarlugu. Jiisusimut peqqupput ajortiminnik isumakkeerfigineqarumallutik, maannali namminneq ilungersornermikkut iluartumik inuuniarput. Ilungersornerilli taamaattut tamarmik asuliinnassapput. Jiisusi oqarpoq: "Uanga ilaginanga saperluinnarpusi." Saammaannermi alliartomerput, nuannaamerput ajunngitsuliomerisinnaasavullu tamarmik Kristusimik peqateqarnitsinnik pissuteqarput. Taassuma taassuminnga inooqateqarnitsigut - ullut tamaasa nal. akunnerilu tamaasa taassumaniinnitsigut aatsaat saammaannermi alliartorsinnaavugut. Upperneq aallarniinnanngilaa, aammali naammassilluassavaa. Aallartinnerani, naanerani, tamatigut Kristusi pissutaassaaq. Ilagisariaqarpaatigut aqqutitta aallaqqaataannaani naggataannaanilu pinnata, aqqummili alloriarnerit tamaasa. Daavi oqarpoq: "Naalagaq takkunniitittuaannarpara, taanna talerpimma tungaaniippoq, patajalemavianngilangalu. "Tuss. 16,8.

Immaqa aperissaatit: "Qanoq ilillunga Kristusimiittuassaanga?” - Taamatorpiaq soorlu taamani ilasseqqaarakku. "Kristusi-Jiisusi, Naalagaq, ilassigassiuk taava taassumani inuuniaritsi." "Iluartorlu pigisara uppernikkut inuussaaq." Kol. 2, 6; Hebr. 10, 38. Guutimut tunniupputit taassumunngaannaq pigitikkumallutit kiffartuukkumallugu naalakkumallugulu, Kristusilu annaassisittut ilassivat; nammineerlutit ajortitit akilersinnaanngilatit uummatilluunniit allanngortissinnaanagu; Guutimulli tunniukkavit upperputit Kristusi pillugu tamakkuninnga tamanik naammassissutissagaatit. Uppernikkut Kristusip pigisarilerpaatit, uppemikkullu taassumani ineriartussaatit - tunniussaqarlutit tigusillutillu. Tamaasa tunniuttariaqarpatit: Uummatit, piumassutsit, kiffartuussisinnaassutsit, taassumunnga tunniullutit inassutai tamaasa naalakkumallugit. Tamaasalu tigusariaqarpatit: Ilassillugu Kristusi pilluaqqusaanerit tamarmik naammatsissutaat, uummatinni ineqaqqullugu ilinnut nakuussutaalluni, iluassutaalluni ikiuussutaassallunilu - naalannikkut ingerlaniarninni nukissaqaqqullutit.

Ullaat tamaasa Guutimut peqqusarit. Suliassannit tamanit tamanna siulliuttaruk. Qinnutit imaattarili: "Tigunnga, Naalagaq, ilinnuinnaq pigiteqqullunga, najunnga, suliaralu tamaat ilinni suliarinaara." Tamanna tassa ullut tamaasa suliassaq. Ullaat tamaasa Guutimut peqqusarit ulloq aallarnikkat pillugu. Pilersaarnitit tamaasa taassumunnga tunniuttakkit naammassineqarteqqullugit peeqqullugilluunniit, siulersuinerata tamatuma pisariaqarnera ilinnut takutissappagu. Taama ullut tamaasa inuunerit Guutip assaanut tunniussinnaavat, tassuunakkullu inuunerit Kristusip inuuneranik asseqaleriartortinneqasaaq.

Inuuneq Kristusimiittoq qasuersaarluni inuuneruvoq. Immaqa killisimaarnartumik misigiuassanngikkaluarputit, kisianni eqqissinartumik Guutimut isumalluartuartariaqarputit. Neriuut ilinniinngilaq, Kristusimiipporli. Sanngiissutsit taassuma nakuussusianik peqateqassaaq, siuneqanngissutsit ilisimassusianik, qajannassutsit pissaaneranik killeqanngitsumik. Taamaattumik imminik isigissanngilatit eqqarsaatikkulluunniit imminik uniffigissanngilatit, Kristusili isigissavat. Qimerlooruk asanninnera pissusiviatalu isikkuminassusia naammalluinnassusialu. Kristusip nikanarsarnera, Kristusip minguissusia illernassusialu, Kristusip asanninnera asseqanngitsoq tassaapput isumap uninngavigisartagassarisariaqagai. Taanna asallugu, assiginiarlugu tatigalugulu, assingani allanngortinneqassagavit.

Jiisusi oqarpoq: "Uanniittuaritsi." Oqaatsip taassuma imarai qasuersaarneq, aalajaassuseq, tateqarneq. Oqaqqippoq: "Ornissinga ... qasuertissavassi." Matt. 11, 28. Tussiaasiortup eqqarsaat tamannarpiaq oqaatigaa: "Eqqissillutit Naalagaq utaqqiuk." Esaajalu nalunaajaavoq: "uninngaannarussi aarleqquteqarnasilu tamanna nakuussutigissavarsi." Tuss. 37, 7. Es. 30, 15. Qasuersaarneq taanna nammineq suliniannginnermi nanisassaanngilaq; Annaassisummi qaaqqussutaani qasuersaamermik neriorsuutaa sulinissamut qaaqqusineranut atavoq. "Nammaatara ilissinnut pisissiuk taava qasuerfissarsiumaarpusi tarnissinnut." Matt. 11, 29. Tarneq Kristusimi naammalluinnamerusumik qasuersaartoq, taanna pillugu ilungersornerullunilu suliniarnerujumaarpoq.

Immitsinnut eqqarsaatigitilluta eqqarsaativut Kristusimut, inuunerup pissaanerullu puilaffianut, sammineq ajorput. Taamaammat Saatanip Annaassisoq uatsinnut suusupagitinniarsariuarpaa taamalu tarnip taassumunnga peqatiginnilernissaa inooqatiginnilernissaalu akornuserniartuarlugu. Ussiisup eqqarsaatit silarsuup nuannaarutaanut, inuunerup isumakuluutaanut, eqqissinanngitsuinut alianartuinullu, all at kukkunerinut illilluunniit nammineq kukkuninnut amigaatinnullu sammisinniarsariuarpai. Persarinninnerinut tammartinniaqinak. Qassiit ilumoorniartut Guutimilu inuuniartut pisittuartarpai nammineq kukkunitik sanngiilliorfitillu sualuppallaartumik uniffigeqqullugit. Taamalu Kristusimit avissaartillugit ajugaaffiginissaat neriuutigaa. Nammineq annannissarput pillugu isumakulunneq siooranerlu imminitsinnik pingaartippallaalernikkut pilersartut nigortinniartigik, eqqarsaatit taamaattut tarneq nakuussutitta puilasuanit tunutittarmassuk. Tarnit Guutimut isumageqquguk taassumunnga peqqullutit. Kristusi oqaluuserisarlugulu eqqarsaatigisarlugulu illit namminiussutsit tassani minnerujartorli. Qularneq tamaat igiguk; sioorajunnaarit. Apustili Paulus oqaqatiginiaruk: "Kristusi sanningasulimmut kikiattugaaqatigaara; inuusorlu uangaajunnaarpoq, Kristusili uanni inuuvoq. Maannalu uinimmi maani inuuserisara inuuseraara upperfigalugu Guutip ernera uannik asannittoq uangalu pillunga imminut tunniuttoq." Gal. 2, 19. 20. Guutimi qasuersaarit. Paareqqusat paarilluarsinnaavaa. Taassuma assaanut peqquguit ilinnik asannittukkut ajugaatissavaatit, allaat tamatumannga annerusumik pissallutit.

Kristusi inuttut taattoqalerami inuit asanninnerup katinngassutaanik pissaanermit allanit kittorarneqarsinnaanngitsumik, taamaallaalli inuup pinngitsaalisaanani nammineq qinersisinnaaneragut qilerussaarneqarsinnaasumik imminut katinngassuserpai. Saatanip ussiiniutimigut katinngassutaasumik tamatuminnga kittoraasinniarsa riuarpaatigut Kristusimit avissaarneq qineqqullugu. Taamaattumik eqqumasariaqarpugut qinulluta ilungersorluarlutalu. Suulluunniit naalakkamik allamik Kristusiunngitsumik qinersitissanngimmatigut taamaaliorsinnaanermummi pinngitsaalisaannginnatta. Kristusili isiginiartigu, taava atatissavaatigut. Jiisusi isigisaraangatsigu aarlerinartoqartanngilaq, suulluunniimmi assaanit nusussinnaanngimmatigut. Isigiuaannarutsigu allanngortinneqassaagut. "Assigilerlugu allanngortitaavugut, naalannarsiartuinnarluta soorlu taama pisoqartoq Naalakkami, tassa Anersaami." 2 Kor. 3, 18.

Tassaana taamaalillutik ajoqersukkat siulliit Annaassisertik asasartik assigileriartoraat. Jiisusip oqaasii tusaramikkik pisariaqartillugu paasivaat. Ujarlerput, nanisipput, taavalu malippaat. Ilagaat illumi, nerrivimmi, ininnguami qinujartorfimmi, suliffimmi. Ilagaat soorlu ilinniartut ilinniartitsisertik, ullullu tamaasa qarluinit Guutip sallusuissutai illernartut ilinniarpaat. Isigaat soorlu kiffat naalagartik, suliareqqusai paasiumallugit. Taakku ajoqersukkat inuupput "uatsitut atugaqartartoq." Jaak. 5, 17. Ajortimut sorsunnitta assinganik sorsuttuartariaqarput; saammaanneq taanna pisariaqarpaat inuunermik iluartumik inooqqullutik.

Allaat Johannesip, ajoqersukkap asasap, inuunera Annaassisup inuuneranut assingunersaagaluarluni pissutsi asanartoq inunnguuserisatut piginngilaa. Anneruniaannartaranilu peqqarniittaannarnanilu eqqunngitsumik pineqaraangami akiniaajumasarpoq. Annaassisulli Guutimit pisup pissusia ilisarileramiuk kukkunini takulerpai, tamatumalu maniguussuseqalersippaa. Nakuussutsip nikallujuissutsillu sallaassutsillu, naalannassutsip makitajuissutsillu Guutip Ernerata ulluinnarni inuunerani takusartagaata, isumaa tupigusunnermik asanninnermillu immerpaat. Ullut nungullugit uummataa Kristusimut kajungersitaalerpoq imminut tunulliutilerluni Naalakkaminut asanninnermini. Isumaa puffajasartoq pitsaaniartorlu sunnigaallunilu piorsarneqarpoq Annaassisup pissaaneranit. Anersaap Annaassisup pissaaneranit. Anersaap Iluartup ernioqqinnermik sunniisartup uummataa nutaanngortippaa. Kristusip asanninnerata pissaanerata taassuma pissuserpiaa allanngortippaa. Tamanna tassa Jiisusimik peqateqalernerup kingunerinngitsoortanngisaa. Taanna uummammi ineqarpat pissuserput tamarmi allanngussaaq. Kristusip anersaata asanninneratalu uummat saammartittarpaa tarneq pinngitsaalisutut, eqqarsaatillu kissaatillu qummut Guutimut qilammullu qullaattarlugit.

Kristusi qilaliarmat ajoqersugai najuineranik suli misigisimajuarput. Soorlu tassa namminivik najoraatik asanninnermik qaamanermillu peqangaarluni. Jiisusi Annaassisoq angalaqatigisimasaat, oqaloqatigisarsimasaat qinoqatigisarsimasaallu, uummataannik neriulersitsillunilu tuppallersitsisarsimasoq taakkunannga qilammut pavunnartitaasimavoq Ataatap oqariartuutigititaa suli nipangiussimatinnagu, inngilillu tussiarlutik ilassigaallu nipi taakkununnga apissippoq: "Takuallu, ullut tamaasa najorpassi silarsuup naggatissaanut allaat." Matt. 28,20. Inuttut isikkoqarluni qilaliarpoq. Nalunngilaat Guutip issiavissaarsuata sanianiitillugu allaat suli ikinngutigigitsik Annaassisigalugulu. Nalunngilaat misigissusii allanngunngitsut sulilu inuit erloqissutaanik ilisarsisoq. Nammineq aammigut pissarsiarititani Guutimut saqqummerpai, assanilu isikkanilu ikeqartut nittarlugit eqqaassutitut qanoq akisutigisumik utertitani pisiarisimagini. Nalunngilaat qilaliartoq inissioriartorlutik, tikiuteqqikkumaartorlu imminullu tigujumaarlutik.

Qilaliamerata kingomagut katersoraangamik ilungersorluarlutik kissaatigisatik Ataatamut Jiisusip aqqani nittararaat. Mianerinningaarlutik qinullutik seeqqummertaraat Jiisusillu unnersuutaa issuarlugu: "Ataataq uanga atikkut sumik qinnuigigussiuk qinnutigisassinnik tunissavaasi. Qinugitsi, taava tunineqassaasi, tipaatsunnersi naammalluinnaqqullugu." Joh. 16, 23. 24. Uppernerup assaa isaatartik qullartikkiartuinnarpaat ilisimagamikku "Kristusi-Jiisusi toqusimavoq, allaammi toqusunit makissimavoq Guutillu talerpiata tungaani issialluni qinnullutalu." Rom. 8, 34. Pinsip ulluani illersuisoq najortigilerpaat Kristusip ima oqaatigisaa: maassaanngitsumik ilissinniittussamik." Aammalu oqarpoq: "Qimagukkuma ilissinnut iluaqutaaginnassaaq. Qimagutinngikkumami Illersuisoq ilissinnut tikiutissanngilaq; maanngali qimagukkuma Illersuisoq ilissinnukartikkumaarpara." Joh. 14, 16; 16, 7. Ullormit tamatumannga Kristusi anersaamigut qitornami uummataanni ineqartuarumalerpoq. Taassuminnga peqateqamerat timitalittut najuukkallameranit annerulersutut ilivoq. Kristusi iluini najugaqalerpoq, asanninneratalu qaamasua pissaaneralu taakkuninnga takunnittut tupigusulersillugit, malunngilaat Jiisusi ilagisimagaat." ApS. 4, 13.

Kristusi ajoqersukkaminut siullernut sunniineqarnermisut maanna qitornaminut sunniineqarumavoq. Massami qinnummini kingullermi ajoqersugannguani kaajallalluni katersorsimatillugit qinugami: "Qinnuppakka taakkuinnaanngitsut, aammattaarli taakkua oqaasiisigut uannut uppertunngorumaartut." JOh. 17,20.

Jiisusip qinnuppaatigut qinnutigaalu ataasioqatigissagitsinni, soorlu nammineq Ataataq ataasioqatigigini. Ataasioqatiginninneq pilluarnartoq! Annaassisoq imminik pilluni oqarpoq: "Erneq nammineerluni qanoq iliorsinnaanngivippoq." "Ataatalli uanniittuartup suliani naammassisarpai." Joh. 5, 19; 14, 10. Kristusi uummatitsinni ineqaruni uatsinni sunniissaaq "piumassuseqartittarlusi naammassisaqartittarlusilu piumasani ajunngitsoq naapertorlugu." Fil. 2, 13. Taava sulisarumaarpugut soorlu taanna sulisartoq, isumaatalu assinganik peqarumaarluta. Taamalu asagutsigu taassumaniillutalu taava "tamatigut alliartussaagut taassumunnga niaquusumut, tassa Kristusimut." Ef. 4, 15.