Kristusimut aqqutissaq kapitel 9. Fra side 76tilbage

Inuuneq sullnerlu

Silarsuarmi inuuneq qaamanerlu tamarmi nuannaarnerlu tamarmi Guutimi aallaaveqarput. Soorlu qinngornerit seqinermit, soorlu pikialaarnerit puilasumit, taama taassuma pilluaqqussutit pinngortitaminut tamanut tunniuttarpai. Sumiluunniillu inuuneq Guutip pia inuit uummataanniittaraangami allanuttaaq misinnartitaasarpoq asanninnermik pilluaqqussutaanermillu.

Annaassisitta tipaatsuutaa tassa inuit orlusimasut makitillugit annaallugillu. Taamaaliorumalluni nammineq inuunini erliginngilaa, sanningasulilli atorpaa mitaatigineqarnini soqutiginagu. Taamatut aamma inngilit suliaqartuartitaapput allat pilluarnissaat pissutigalugu. Tamanna tassa taakkua tipaatsuutaat. Naakkinartunik tamatigut, pissutsimikkut akimassuseqarnikkullu imminit nakkanganerusunik ikiuineq, uummatit imminuinnaq asasut nikanarsaatitut isigisartagaat, inngilit ajorteqanngitsut suliariuagaraat. Anersaaq Kristusip imminik pilliutigisup anersaava qilammi naalakkersuivoq, tassaniittullu pilluarnerannit tunngaviulluni. Anersaaq taamaattoq Kristusip ajoqersugaasa pigissavaat; suliaq taamaattoq suliarissavaat.

Kristusip asanninnera uummatimiittaraangami tipigissutut isertorneqarsinnaanngitsutut ittarpoq. Qaninnguukkatta tamarmik sunniinera illernartoq malugissavaat. Kristusip anersaava uummammi inoqajuitsumi puilasutut ittarpoq, tamanut tumannguersaammik pikialasoq ajunaarluinnalersut tamaasa inuunerup ernganik piumangaarlutik imerumallersittarlugit.

Jiisusimik asanninneq saqqummissaaq taassumatut suliumanikkut, soorlu taanna sulisoq inuit pilluaqquneqamissaat pitsaanerulernissaallu pillugu. Pinngortitanik tamanik ataatatta qilammiusup isumassortuagaanik asannittunngortissavaatigut misiginneqatiginnittunngortillutalu. Annaassisitta nunami inuunera aaqqisimaarnerunanilu imminuinnaq isumaginerunngilaq; ilungersorluni qasusuillunilu sulivoq inuiaat tammarsimasut annaanneqarnissaat pillugu. Nersutaatit nerisarfiannit sanningasulimmut imminut naaggaarfiginerup aqqutaa suliassat ilungersuanartut, angalanissat qasunartut kajuminnaatsut, isumakuluutit suliassallu erloqinartut nigorterniarnagit. Oqarpoq: "soorlu Inuup Ernera tikiutinngitsoq kiffartorfigeqqulluni, namminerli kiffartussalluni inuuninilu akissatut tunniutissallugu amerlasuut utertinneqaatissaattut." Matt. 20, 28. Tamanna tassa inuunerata siunertatuaa angeqisoq. Allat tamarmik pingaannginnerupput. Neqissaa imissaalu tassa Guutip piumasaa suliarissallugu suliareqqusaalu naammassissallugu. Namminissarsiorneq imminullu tunngasuinnarnik soqutigisaqarneq atunngilluinnarpai.

Taamatut Kristusip saammaanneranik pissarseqataasut imminnik pilliutiginissamut suugaluartumulluunniit piumasuussapput, tassami all at aammattaaq toqqutigisai tunissummik qilammit pisumik pissarseqataasinnaaqqullugit. Sapinngisartik naapertorlugu iliorumasuussapput silarsuup pitsaanerulersinniamerani inuunermikkut suleqataajumallutik. Anersaaq taamaattoq ilumoorluni saanniarsimasumi kissaateqalersarpoq allat oqaluttuukkumallugit ikinngut qanoq-ittoq Jiisusimi nanisimagini. Sallusuissut annassutaasoq iluarsiartuutaasorlu isumaani naqitariinnameqarsinnaanngilaq. Kristusip iluarnera atisimagutsigu Anersaakkullu Iluartukkut tipaatsuummik immerneqarsimalluta nipangiinnarsinnaanngilagut. Naalakkap angajoqqaatsemera ussersimallugulu takusimagutsigu oqaluttuassaqassaagut. Pilippup Annaassisumik naapitsineratut allattaaq tassunnaqqullugit qaaqqujumaarpavut. Kristusip pissusiata asanassusianik silarsuassallu piumaartussap uniussanngitsumik takussaanngitsunik unnersuunniarumaarpavut. Aqqummik Jiisusip aqqutigisimasaanik atuarusunneq sakkortusiartuinnarumaarpoq. Erinigiartuinnarumaarparput eqqatsinniittut takussagaat "Guutip savaaraa silamiut ajortaannik ersuttoq."

Pilluaqqussullu allanut apuunniarlugu sulinerput uagut nammineq pilluaqquneqarnissatsinnik kinguneqassaaq. Tamanna Guutip siunertaraa tunigamisigut suliassamik utertitaanissamut tunngasumik suliassaqartilluta. Taassuma inuit tunivai Guutip pissusianik ilangiisinnaatillugit, tamatumunngalu tunngasumik inoqatiminnut pilluaqqussut aggiuttariaqarpaat. Tamanna tassa ataqqinaat anginerpaaq, tipaatsuut annerpaaq Guutip inunnut tunniussinnaasaa. Taamaalillutik asanninnikkut suleqataasut pinngortitsisertik qanillinerpaasinnaavaat.

Iivangkiiliup nalunaarutaata oqaluussissutigineqarnissaa nallittuinerullu naammatsinneqarnissaa Guutip inngilinut qilammiusunut suliaritissimasinnaagaluarpaa. Siunertarisani naammassiniarlugu sakkut allat atorsimasinnaagaluarpai. Asanninnermigulli soraajuitsukkut qinerpaatigut Kristusimut inngilinullu suleqataasunngortilluta, tamatumuunakkut pilluaqqussutinik, tipaatsuummik anersaakkullu qaffartitaanermik kiffartornerup namminissarsiunngitsup taamaattup kingunerisartagaanik pissarseqataaqqulluta.

Kristusi kattuffigissavarput anniarnerani peqatigigutsigu. Suliap suulluunniit imminik tunulliulluni all at iluaqutissaannik sulinerusup, tunisisup uummataani ajunngitsuliorumaneq nakussatsittarpaa, inullu taanna silarsuup utertitsisaanut atanerulersillugu "pisuujugaluarluni piitsunngortumut pillusi, piitsuunermigut pisuunngoqqullusi." Tassaluuna tassuunaannaq taamaalilluta Guutip pinngortikkamisigut, siunertaa naammagigutsigu aatsaat inuuneq uatsinnut pilluaqquneqaatinngorsinnaasoq.

Kristusip ajoqersukkaminut suleqqusineratut suliumaguit tarnimik taassumunnga pisitsiniarlutit Guutip piinik misigisaqarnerujumajartuinnalissaatit paasisaq arnerujumalerlutillu, iluarnermullu kaallutillu imerusulissallutit. Ilungersorlutit Guutimut qinusalerumaarputit uppernerit nakussatsitaaqqullugu, tarnillu annannerup puilasuanit imertinneqangaaqqullugu. Akerlilemeqamerup misilinneqaatillu atugassavit qinunermut allakkanillu atuarnermut pisikkumaarpaatsit, misigisassallu itinerujartuinnartut angujumaarpatit.

Namminissarsiorani all at pillugit sulinerup inuup pissusia itinerujartortittarpaa aalajaassuseqalersittarlugulu, kristumiutullu kusanassuseqalersittarlugu eqqissinermik pilluarnermillu kingunissiorluni. Pingaarnerusumik piniagaqartitaalersarpoq eqiasunneq namminissarsiornerlu inissaarutitaallutik. Taamaalillutik kristumiutut ileqqorissaarnermi sungiusartut Guutip sulissunnerani alliumaarput nakuusunngorlutillu. Anersaakkut tappissuseqalerumaarput uppissuseqartuinnarlutik qinunikkullu nakuussuseqarnerulerlutik. Guutip anersaa taakununnga sunniiumaarpoq, tarnimilu eqqissineq illernartoq Guutip akissutaatut pilersikkumallugu. Allat ajunngequtissaannik namminissarsioratik suliniartut ilumut namminneq annannissartik taamaalillutik sulissutigisarpaat.

Saammaannersiartuutigisinnaasatuarput tassa kisimi namminissarsiorata Kristusip sulissutigeqqusaa suliarigutsigu, tassaasoq sapinngisannguatsinnik ikiortariaqartut ikioqqullugit pilluaqqusaanermillu pisinniaqqullugit. Nakuussuseq sulinikkut pilersarpoq; sulineq inuunerup pinngitsoorsin naanngilaa. Kristumiutut inuunerminnik ingerlatsiniartut pilluaqqussutit saammaannersissutissatigut (kuissutikkut nerliivikullu) pisut tiguinnartarlugit Kristusilu pillugu suliniarnatik - inuuniaraluarput nerisarlutik sulisarnatilli. Tamannali anersaakkut timikkullu ittumik pigaluaraangami tamatigut nukillaariartornermik aseroriartornermillu kinguneqartarpoq. Avatiminik atuiumanngitsup atorsinnaajunnaarumaarpai. Taamatut nukinnik Guutip tunniussaanik atuinngitsup Kristusimi alliartorunnaaginnarani nukik pigereeraluakki annaajumaarpaa.

Kristusip ilagiissai Guutip sakkussatut qinigarai inuit annannissaannut. Suliassat tassa iivangkiiliu silarsuarmi nalunaajaatigissallugu, suliassarlu tamanna kristumiunut tamanut tunngavoq. Kialuunniit piginnaassutsini pitsaanerit taamaaliortariaqarfiillu tamaasa atomiartariaqarpai Annaassisup imminut suliassissutaa suliariniarlugu. Kristusip asanninnerata uatsinnut saqqummersitaasup tamanut taassuminnga ilisarsinngitsunut akiligassaqartutut ilersippaatigut. Guutip qaammaqqummik tunivaatigut uatsinnuinnaq pinnagu allanuttaaq ingerlateqqeqqullugu.

Kristusimik malinnittut suliassartik paasilluaraluarpassuk maanna Guutimik nalusuni iivangkiiliumik nalunaajaasoq ataaseq tuusintilippassuarnik peqatissaqassagaluarpoq. Kikkullu tamarmik suliami nammineerlutik suliami tamatumani suleqataasinnaanngitsut tapersersorsinnaavaat pigisaminnik, soqutiginninnerminnik qinnussisamerminnillu, taamalu suliaq kristumiulinni maannakkornit sakkortuneru jussuarmik ingerlanneqarsinnaassagaluarpoq.

Nunanut Guutimik nalusunik inulinnut aallartariaqassanngilagut, illumiluunniit inooqativut qimattariaqassanagit tassani sulissutigisassaqarsimagutta. Sulisinnaavugut illumi inooqatigisatsinni, ilagiinni, inunni ulluinnarni inooqatigisatsinni imaluunniit atassuteqarfigisatsinni. Annaassisitta nunami inuunermi ilarujussua Nazarethimi sanasup sannaviani qatsussiuitsumik sulilluni atorpaa. Inngilit kiffartortut inuunermut naalagaasoq ilagaat, ilisarisaanani ataqqineqaranilu naasorissaasut sulisartuinnaallu akornanni angalagallarmat. Suliaq imminut suliareqqusaq sulissutigaa, assassorluniluunniit suligallarami napparsimasunilluunniit ajorunnaarsitsisarlunilu Genesaretip tasiata malingisigut pisuttaraluarami assigiimmik ilumoorluni ilungersorlunilu. Taamatut uaguttaaq inuunermi atorfimmi suunnginnerusumiikkaluarluta, suliassanillu nikanarnernik suliaqaraluarluta Jiisusi ilagalugu ingerlasinnaavugut, taannalu ikiortigalugu suliarput ingerlassinnaallugu.

Apustili oqarpoq: "Qatanngutit, qaaqquneqartoq kinaluunniit qaaqquneqarfimminiiginnarli Guutip saani." 1 Kor. 7, 24. Niuertup niuertarfini ima ingerlassinnaavaa naalakki ilumoornermigut naalannarsisillugu. Kristusimik malinnilluartuuguni qanoq iliornermigut tamatigut upperisani malunnartikkumaarpaa, anersaarlu Kristusip pia inunnut nittarumaarlugu. Assassornermik suliaqartup eqiasuilluni ilumoorlunilu assiginiarluarsinnaavaa inna inuunerup suliassartaanik nikanartunik suleruluttoq Galileap qatsinnerisa akornanni. Kinaluunniit Kristusip aqqanik taasisartoq ima sulisariaqarpoq allat ajunngitsuliaminik takusaqarsinnaatillugit taamalu pinngortitsisiminik utertitsisiminillu naalannartitsisariaqarnerminik isummerfissaqalersillugit.

Qassiit piginnaassusertik Kristusimut kiffartuussinermut atunngitsoorpaat, tassa allat tamatumani piginnaassuseqarnerummata piukkunnaateqarnerullutillu. Ima isumaqartoqalersimavoq immikkut piginnaassuseqarluartut kisimik piginnaassutsitik Guutimik kiffartuussinermut atortariaqaraat. Qassiit isumaliortarput iluanaartut amerlanngitsut kisimik piginnaassuseqarluarnermik tunineqarsimasut, tamannalu pillugu sinneri ilungersomartuni suleqataassallutik qaaqquneqanngitsut tassalu akilerneqarnissartaanittaaq angusisinnaanatik. Tamannali talantinik assersuummi oqaatigineqartumut akerliuvoq. Illup naalagaata kiffani qaaqqugamigit tamaasa immikkut suliassippai.

Inuunermi suliassat suunnginnerit suliarisinnaavavut anersaaq asannittoq pigalugu "Qanorluunniit iliorussi taamaaliortaritsi uummammit pisumik - Naalakkamut." Kol. 3, 23. Guutip asanninnera uummammiikkuni inuunermi erserumaarpoq. Kristusip naamajuminartuata poorsimassavaatigut, sunniinerpullu allanut qaffaallaataassaaq pilluaqqussutaallunilu.

Isumaliussanngilatit Guuti sulissutissagit aatsaat pissutissaqaruit pingaartunik, aatsaalluunniit piginnaassuseqaruit qaqutigoortumik. Silamiut pillutit qanoq isumaliornissaat isumaliutigissanngilat. Ulluinnarni inuunerit uppemerpit minguissusianut pisuusaanngissusianullu nalunaajaataappat, inoqativillu paasilerpassuk iluartumik piniaritit, taava suliniarnitit maangaannarsimassanngillat.

Jiisusip ajoqersugaani nikanarnerit piitsuunerillu allanut pilluaqqussutaasinnaapput. Immaqa namminneq paasinngikkaluarpaalluunniit sumik ajunngitsumik naammassisaqarnertik. Sunniinermikkulli nalusamikkut pilluaqqussutip malingi pilersissinnaavaat annerujartorlutillu itisiartuinnassasut, tamatumali inerititai ajunngitsut qulamanngitsumik taakkununnga nittarneqanngisaannassapput, aatsaat naatsorsuiffissarsuup kingulliup ulluani nittarneqarumaarlutik. Isumaliunngikkaluarput nalullugulu sumik angisuumik naammassisaqamertik. Piumaffigineqanngillat kinguneqamissaa isumakuluutigalugu nanertuutigeqqussallugu. Nipaallutik siumut ingerlaannartariaqarput, suliarlu Guutip siulersuinermini imminnut tunniussaa ilumoorlutik suliaralugu, taava inuunerat asuliinnassanngilaq. Tamikkut ineriartorumaarput Kristusilu assigileriartuinnarlugu. Inuunermi maani Guutip suleqatigai, taamalu piareersarneqarput suliassamut pingaarnerusumut tipaatsunnissamullu taallerneqanngitsumut inuunermi piumaartussami.