Kristusimut aqutissaq af Ellen G. White
Assigiingitsorpassuit aqqutigalugit Guuti imminik uvatinnut sarqumersiniartarpoq imminillu inooqatiginnilersinniartarluta. Pinngortitaasup misigissutsivut sianissutsivullu kipisuitsumik oqaluuttuarpai. Uummatip matusimanngitsup tupigusuutigiumaarpai Guutip asannissusia angingaarssusialu assaasa suliaisa nalunajaagaat. Siutip nalornissup tusarsinaallugulu paasisinnaavaa Guutip oqalunnera pinngortitarssuakut. Narssat qorssuussut, orpissuit portoqissut, orpiit sikkersussartanngui naassullu, nuissat ikerinakkoortut, sialuit, kuunguaq kuupalaartoq qilassuullu alutornassusia uvattinnut oqalupput qaarqulluta ilisarileriartorqullugu tamakuninnga tamanik pinngortitsissoq.
Anaassissup ajoqersuinini qasiinik pinngortitaniittunik ilassarpaa orpiit, timmissat, naassut, qattorngit, taseq, qilak alianaatsoq makkulu ulluinnarni inuunermi naapitakkat pissartullu sallusuissutip oqaasertaanut ilangullugit atortarpai inunnut ajoqersiuussutini erqaassainnarqullugit allaat ulapilluni qasussarlunilu sulinerup nalaani.
Guutip suliani qitornaminut pingaarterquvai nunallu najugarissatta alianaaqutaanik nuanaaruteqarqulluta. Pinnersunik asannituuvoq, qallikullu kajungernassuseqartunit pingaarnerutillugu inuk kussanartumik pissusilik asavaa.
Guutip piumavaa minguissuseq piuaassuserlu alliartortisagivut pinnersaateqarlutalu kussanassusermik nittarsattuunngitsumik narssap naassuini takussartakkatinnik.
Naalaarumasinarutta Guutip pinngortitaasa ilinniagassamik pingaartorssuarmik naalannermik tateqarnermillu ilinniartissavaatigut. Ullorissanit ukiorparujussuarni imminnut aqqutigerqussakkut ingerlajuartunit atomimut minnerpaannguamut pinngortitat tamarmik pinngortitsissup piumasaa naalappaat. Guutillu pinngortitani tamaasa isumagalugillu atatippai. Silarssuarnillu kisinneritsumik issusissaangitsumiitunik atatitsissuujutigaluni isumagaattaaq qupaloraarssunnguaq sijoorassuteqarani nipinnguaminik nikanarpalutumik qarlortartoq. Inuit ulluinnarni suliffimminukaraangata qinunikut Guuti ujaraangassuk, unnukkut innaraangata ullaakullu makitaraangata; pisooq illussaarssuarmini nererssuartitsillaraangat piittsullu qitornani nerrivimminut sutugassaqangingajaqissumut isaaqatigissaranngagit ataatap qilammiuusup asannilluni tamaasa paarissarpai. Qullinik kuuttoqangilaq Guutip takunngisaanik, qungujunnerillu tamaasa arajutsinngilai.
Tamanna naammatumik ilumoortumillu upperiinnarutigu isumakuluutit iluaqutaangitsut tamarmik piirumaarput. Inuunerput maannakkut pakatsivissaqartigiunnaassaaq, tassa pingaartut pingaanngitsulluuiniit Guutimut perqujumaaratigik isumakuluuterpassuarnit artorssinneqarneq ajortumut oqimaassusianilluunniit aqullaartitaassangitsumut. Taava anersaakkut qasuersaarnermi tipaatsukkumaarpugut qaseerpassuit sivisoorssuarmik misilissimanngisaani.
Sianissutsivit kussanassuseq nunamiusoq tamaat tipaatsuutigissaraangassuk erqaasaruk silarssuassaq ajortip toqullu aseruinerisa pallitassarinngisaat, perlorqussutip tarraanit taallerneqanngissaanassasoq. Erqarsaatikkut takorlooruk annaassaasut inissaat, erqaaniarullu takorluuinernit pitsaanerpaamilluunniit alianaanerungaassammat. Guutip tunissuterpassuini pinngortitamiituni uvatinnut tunniussaani naalannarssusiata takullatsiaannartarparput, soorlu allasimasoq: »isip takunngisaannagaa siutillu tusangisaannagaa inuullu uummammiugingisaannagaa Guutip asassiminut piareersagaa.« 1 Kor. 2, 9.
Taalliortoq pinngortitarsiortorlu pinngortitaq avatittinniittoq pillugu oqaasissaqaqaat. Kristumiorliuna nunap pinnissusianik nuanaaruteqarnerpaassartoq tassani takusaramiuk asanninneralu malugissarlugu naassuni, orpikkani orpingnilu kialuunniit qatorngit qoorqullu, kuuit tatsillu Guutip inunnut asanninnerata erssernerisut isigilersinnaalersinnagit naammatumik pingaartisinaanngilai.
Guutip siulersuinermigut anersaamilu uummami suniissarnerisigut oqaluffigissarpaatigut. Pissutsini nalunngisattinni avatangiissittinnilu allanngorarnernilu ullut tamaasa avatittinni pissartuni pingaarluinnartunik ilikagassarsisinaavugut uummativut taakkununnga ilassinnerusussuseqarpata. Guutip sijulerssuinermini suliai erqaallugit tussiaasiortoq oqarpoq: »naalakkap isumassuinerisa nuna tamakerpaat.« »Ilisimatuussoqaruni tamakku torqorligit Naalakkallu saammaanera erqarsaatiginiarliuk.« Tuss. 33, 5; 107, 43.
Guutip oqaatsimigut oqalufigissarpaatigut. Tassani Guutip qanoq issusia, inunnik ingerlatittsinera utertitsinnerullu suliarineqarnerujussua suli erssarinnermik sarqumersitaapput. Tassani ataataanerpaat, prufiitit allallu angutit iluartut ingerlaasiat taamanikorpiamit nittarneqarpoq. Inuusimaput uvattitut atugaqartartut. Jaak. 5, 17. Takuvarput ajornartorsiutinik uvagut atortakkatta asserpiaanik atugaqartartut, qanoq ussernartuni uvattitut orlussartut taamaatorli sapiillerqillutik Guutillu saammaaneragut ajugaallutik. Tarnanna qimerloortaraangatigu iluarnermik norqaaniarnittinni qiimmassarneqartarpugut. Misigissaat pingaartorsuit atuaraangattigik, qaamasoq, asanninneq pilluarqussutillu nuannaarutigissaat suliarlu Guutip saammaaneragut naammasissaat, taava anersaap taassuma taakkununnga piumallersitsisup uummatittini piumallersitaaneq iluartoq ikittarpaa kisaatigilersittarlugulu pissusiisigut assigilerumallugit - Guuti ilagalugu taakutut ingerlajumalluni.
Jiisusi testamentitorqami allasimasut pillugit oqarpoq (qanorlimi testamentitaami allasimasunut erqorsimanerutigigaluarpat): »taakkua nalunaajaarpaannga." Juan. 5, 39. Nalunaajarpaat utertitsisserput, inuunermik naassaangitsumik neriunnitta tamarmi tunngavia. Biibilimi tamarmi Kristusi nalunaajarpaa. Pinngortitsinermi nalunaarummit sijullerpaamit - »taassumuuna pinngitsumik ataatsimilluunniit pinngortut pinngortoqangillat - neriorssuummut kingullerpaamut: »ata, qilamiik aggerumaarpunga." (Juann. 1, 3; sarq. 22, 12), atuarpavut suliai, nipaalu tusaavarput. Anaassissoq ilisarilerumagukku allakkat iluartut atuartakkit.
Uummatit iluunngarluni Guutip oqaasiinik immerneqarli. Imeq-una inuussutilik qilalingaarninnik imeruersaatissaq. Tassa neqissaq inuussutissaq qilammit pisoq. Jiisusi oqarpoq: »inuup ernerata uvinga neringikussiuk, aavalu iminngikkusiuk, ilusigut inuussuteqassanngilasi." Oqaatsinilu nassuiarpai ima oqarami: »oqaatsit ilissinnut oqaaserissakka anersaallutillu uumassutaapput.« Juan. 6, 63. Timivut nerissattigut imikkavtigullu ineriartortitaapput, soorlulu silami ingerlanermi ittoq taamatuttaaq anersaakkut ittuni ippoq. Erqarsaatigilluakkataana anersaakkut inuunerput pissusissalertaraa nakuussuserlugulu.
Utertitaaneq najorqutaavoq inngilit itsuarumasaat. Utertitaaneq utertitaassut naassaangittsusami oqaluuserissaasa tussiutigissaasalu erqartornerpaajumaarpaat. Maannamiit tamanna paasiniarluasallugu erqarsaatigilluartalisallugulu pisariaqanginnerpa? Jiisusip nallituingaarnerssua asanninneralu pillutalu pilliutaa itinerpaamik ilungersornerpaamillu erqarsaatigissariaqarpavut. Utertitsissitta illersuissittalu pissuserpiaa erqarsaatittigut uninngavigissariaqarparput. Uppernerput asanninnerpullu nakussatitaassapput taama qilaap pii qimerloorutigik, qinnutivullu Guutimut ilasissassaanerujartuinnassapput uppernermik asanninnermillu imaqarnerujartuinnasagamik. Sijuneqarpalunnerujartussapput ilungersorpalunnerujartorlutillu. Jiisusimut soraajanginerujartortumik tatiginnissuseqaleriartussaagut ullullu nungullugit misigissarilissallugu pissaanera immigut Guutimut orniguttunik tamanik pillualersitsisoq.
Annaasisup naammalluinassusia qimerlooruttigu kissaat uvattinni pilisaaq allanngortinneqarluinnarumalluta nutaanngortitaalluinnarumallutalu taassuma minguissusiata assingani. Kaatutut imerusututullu erinigisavarput pallorfigissassarput assigiumallugu. Kristusi erqarsaatiginerujartortillugu allanut oqaluuserinnerujartussavarput silarsuarmullu sarqummiunnerujartussallugu.
Biibili ilisimatuuinnaat pillugit allanneqanngilaq. Inuitlliuku nalinginnaasut pillugit allangneqartoq. Sallusuissutip pii pingaartorsuit pilluarnsamut pisariaqartut seqinertut ersserqaritigaat. Kukkussoqarsinnaangilaq tammartajaartoqarsinnaananiluunniit namminneq silaqasutsiminnik najorqutaqarlutik Guutip piumasaa erssarilluartoq sarqurrussoq pinnagu ingerdlaniartuunngitsunik.
Inuup kialuunniit allakanik ima isumaqartitsiniarnera kisiat aalajangiuttariaqanngilarput, Guutilli oqaasii nammineerluta paasiniartariaqarpavut, allat sinnerluta isumaliortitarigutigik uvagut pinnata taamaaliornitta pissaanikillisarumaarpaatigut anersaakkullu ittumik piginnaasutsivut nukillaartillugit.
Erqarsaatigisariaqartunik pissaqannginnermit pigninaasutsit taakku erlinnaqisut ima iloqissersimatigisinnaapput Guutip oqaasiisa isumaanik itisuumik paasinnisinaajunnaarlutik. Erqarsarsinaassuseq nakussatitaassarpoq tunngavissanik biibilimiitunik paasiniarqisaarnikkut allasimasut allasimasunut anersaallu pii anersaap piinut nalerqiuttarlugit.
Alla allakanik iluartunik paasiniarqisaarnertut silaqassutsikkut piginnaasutsinik nakussasaatigisinaanngilaq. Atuakkat allat biibilitut pissaaneqangillat, erqarsaatit qullartissallugit anersaakkullu piginnaasutsit nakkussatissallugit biibilip sallusuissutai pingaartorsuit pitsanngoriartortitsisartut kisimik pissaaneqarmata. Guutip oqaasii paasiniarluartariaqarnermisut paasiniarluarneqarpata inuit anersaakkut ineriartorneq, tarnip atarqinarnerulernera pilersaarutinilu aalajaasuseq nalitinni qaqutigooqisumik takussaassut angujumaarpaat.
Ikkattumilli paasiniarpiarani allakani atuarneq immannguaanaq iluaqutisarsivisaavoq. Biibili naallugu atuarneqarsinnaavoq tusarnissusia paasinagu sijunertaalu itisooq isertugaq paasinagu. Iluaqutaanerusarpoq allasimaffik ataaseq erqarsaatigalugu isumaata erqarsaatittinni paarinisaa tikillugu annaasiniarnermilu sukkut atornera ersarisitserlugu kapitalerpassuarnik atuarnermit sijunertarissaqarpiarnani paasissutissarsivallaarnanilo; atuartaruk periarfissaqaraangavit, allasimafiillu puiuikkiuniartakkit. Allasimaffimmik atuagaqarsinaavutit aqqusinikkulluunniit ingerlagaluarlutit erqarsaatigalugulu taamalu puiuikkiutlugu.
Ilisimassut aatsaat angusinaavarput eqiasuitsumik ilungersortumillu paasiniaanikkut Guutillu anersaata ilitsersuussinisaa qinnutigalugu. Ilumut allakkat iluartut ilaatigut ersaringaaraangamik paasinerlugassaaneq ajorput. Allasimaffiilli ilaqarput qiviatsiaannarlugit paasineq ajornartunik isumaat sarqumiinnartuunngimmat. Allasimassut allasimasoqataannut nalerqiuttariaqartarput. Perqisaarluni ujaarlertariaqarpoq erqarsarlunilu qinuniaautigaluni. Paasiniaaneq taamattoq naammangaartumik akilerneqasaaq soorlu saffiugassarsiortup nunngarutit saffiugasaasut erlinnartut nunap iluani torqorsimasut nassaarisarai, taamatut qasusuilluni Guutip oqaasiini erlinnartuutinik torqortanik ujaarlersutullusooq ujaarlersup nanissavai sallusuissutit naleqarnerpaat asuli ilungersorani ujaarlersumut isertorsimasut. Guutip oqaasii uummammi erqarsaatigineqarunik kuuttut inuunerup puilasuanit kuuttutut piumaarput.
Qinorqaarluni aatsaat biibili atuartariaqarpoq. Mappertinnagu anersaap iluartup qaammarsaanisaa qinnutigineqartariaqarpoq, taava uvattinnut tuniuneqasaaq. Nathanaali Jiisusimut tikiummat annaasisoq oqarpoq: »tassa Israalikuussoq perquserlunnermik ilumiugissaqanngitsoq.« Nathanaali oqarpoq: »sumit ilisaraanga?« Jiisusip akivaa: »Fiilipip qaarqunngikkallarmatit fiigequssuup ataaniitillutit takuvakkit.« Juan. 1, 48. 49. Jiisusip aamma uvagut takussavaatigut isertortumi qinugutta, taassumannga qaammarsarneqarnissatinnik kissaateqarutta sallusuissut ilisariumallugu. Uummammik maniguuttumik Guutimut ilitsersuuterqusut qaamasup naalagaafianit inngilit najorumaarpaat.