Kristusimut aqutissaq af Ellen G. White
Guutip oqaluffigisarpaatigut pinngortitarsuakkut oqaatsimigullu sarqummersitakkut, sijulersuinermini ingerlatitsinermigut anersaamilu sunniineragut. Tamannali naammanngilaq. Aamma uvagut uummativut taasumunnga imaartariaqarpavut. Anersaakkut inuuneqarumalluta nukeqarumallutalu ataatarput qilammiusoq atassuteqarfigilluartariaqarparput. Isumatigut tassumunnga kajungersitaanermik malugisinaavugut, suliai, saammaanera pilluarqusineralu erqarsaatigisinaavavut, tamannali - erqorluartumik oqassagaanni - taasuminnga oqaloqatiginninnerunngilaq. Guuti oqaloqatigissagutigu inuunerpiarput pillugu oqaasissaqarfigissariaqarparput.
Qinuneq tassa Guutimut Uummat ammarlugu ikinngummullusooq. Taamaaliornissaq pisariaqarmat Guuti qanoq issutsitinnik nalunaarfigisariaqaratigu pissutaangilaq, kisianni ilasiniasagatigu. Qinunerup Guuti uvattinnut atertinneq ajorpaa, uvagulli taasumunnga kivittarpaatigut.
Jiisusip nunamiikallarami ajoqersukkani qanoq qinussarnissaanik ilinniartipai. Ajorssaatigisaat tamaasa Guutimut erqartortarquvai ullut tamaasa aliasuutaallu tamaasa taassumunnga pisittarqullugit. Qinnutillu tusarneqarnissaanik neriorssuutaa uvatinnutaaq neriorsuutaavoq.
Jiisusi nammineq maaniikkallarami akulikitsumik qinusarpoq. Ajornartorsiornittigut sanngiinnitigullu annaasisitta peqatigilluinalerpaatigut; qinunikkut ataataminit nukissartaarqinniartarpoq suliarinngitsuugassarinngisami naammasinisaanut piareersarneqarumalluni misiligaanerillu nalliutilersut anigorluarumallugit. Tamani assiginiagassaraarput. Sanngiissutsittinni qatanngutigaarput uvatitut tamatigut misiligaasartoq; annaasisuugamili ajorteqanngitsoq, ajortoq qimatertarpaa. Sorsungaarneq tarnikullu erloqissuteqangaarneq maani silarssuarmi ajortilimmi atortariaqarpai. Pissusiata inuinnarpaluttup qinuneq pinngitsoorsinnaatinnagulu pilluarquneqarnermik pissarsisittarpaa. Ataataminik oqaloqatiginninneq tuppallersarneqarfigalugulu tipaatsutineqarfigisarpaa. Annaasissoq Guutip ernera qinorusussusermik misigisarpaat, qanoq taava annerutigisumik inuit sanngiitsut, ajortillillu qinunerup ilungersortup kipisuitsullu pisariaqassusia misigissannginerpaat.
Ataatata qilammiuusup pilluarqusinermi naammatinneranik tuniumajumaarpaatigut. Pilluarqusaavugut asanninnerata soraauitsup puilasuanit imingaarsinnaatitaalluta. Tupinnassusiami pissarnittinnit annerusumik qinusannginnatta! Guutip qitornami nikanarnerit qinnutaat ilumoortut ilungersortullu tusarumattuinnarpai. Taamaatorlu qaqutigoorpallaartumik kajumiippallaartumillu Guuti ajorsaatittinnik oqalugtuunniartarparput. Qanormitaava qilaap inngiliisa inuit naakkinartut, sapeqisut, ussernartunik tamalaanik atugaqartartut, taamaatorli ima qinusangitsigisut imalu uppernikitsigisut, qanormitaava erqarsaatigisarpaat, Guutip asanninnerata soraauitsup uummataata naligimmagit qinnutigisinnaasaanillu isumaliutigisinnaasaanillu annerusumik tunissallugit piareersimalluni? inngilit nuannaarlutik Guutip saani sikisarput; erqaaniinnertik nuannaarutigingaarpaat. Guutip inooqatiginera pilluaatitut angingaartutut isigaat. Taamaatorlu soorluuku issuinnaasut ikiorneqarnermik Guutip kisimi tunniussinaasaanik naak pisariaqarnerungaaraluarlutik soorluuku amigaateqarsorinngitsut inuussallutik anersaap qaamasuanik peqarnatik, Guutip nammineq ilaginninnera najuineralu piginagit.
Qinuneq ajortut taartumik Saatanip pianik poorsimapput. Akerqap ussiiniarnerisa isertortut ajortimut kajumisaartarpaat, tamakkulu tamarmik patsiseqarput pilluarqussutinik Guutip iluarsaasinini atorlugu qinunermi tunniussaanik iluaquteqarniangimmata. Soormi Guutip erneri paniilu qinunermut kajumiissappat qinuneq uppernerup assaani matuersaataappat qilaap torqorsiviinik ajugaqanngitsup ikiuutisaasivianik imaarnavianngitsunik mappiissartoq? qinusartuanngikkuta erqumaniarqisaanngikuttalu navianartorsiorpugut soqutigitaatsunngorsinnaalluta aqqutivimmillu nigorsinnaalluta. Akeraq saammaasisup issiavissaarsuata tungaanut aqqummi akornusersuiniartuaraluarpoq qinunikkut ilungersortukkut uppernikullu usserneqarneq ikiorsinaalerlugu nukisarserqunata. Naammasiniagasaqarpoq qasiinik Guutip qinunittinnik tusarlunilu akinisaanik isumallualersinata. Taakkua ilaat sijulleq tassa taasumannga ikiortariaqassuserput misigisimasagipput. Neriorsuisimavoq: »imermik kuisiumaarama qilalersunut, qorlortumillu panertumut." Is. 44, 3. Iluarnermut kaatut imerusutullu Guutimutllu erinisut qularisangilaat ajorsaatiminnik qaarsillartineqasallutik. Guutip pilluarqusinera pissarsiarisinnaasagaanni uummat anersaap sunniinisaanut ammassariaqarpoq.
Ajorsaatigissaqassuserssuata immini pisariaqassuserput sakkortuumik nalunaarpaa; kisianni Naalagaq ujartariaqarpat; pisariaqakattinnik qinnuvigisariaqarparput. Oqarpoq: »qinugitsi, pissaasi taava.« aammalu: »taasumami erni allaat erliginngilaa, tunniuppaali tamatta pilluta; sooq taava taasumunga ilanngullugit tamanik tunissannginnerpatigut?« Mat. 7, 7. Ruum. 8, 32.
Uummatittinni ajortunik erqarsaateqarutta, ajorti sianigisaraluarput tigummiinnarutigu Naalakkap tusassanngilaatigut. Kisianni tarnip perqisimisup, maniguuttup qinnutaa tusartuinnarpaa. Kukkunerit sianigisavut tamaasa aarqereerutigik qularissanngilarput qinnuterput Guutip akissagaa. Uvagut asanninnivta Guutip saamaneranik pissarsitissinnaangilaatigut. Jiisusip-una naammasissaannaasigut annaneqarsinnaasugut. Uvagulli sulissutigisassaraarput pinngitsoorata taasuma maleruagasarititai maleruarniassallugit.
Qinnutip kinguneqarnissaanut naammaserqaagassaq tassa uppernissaq. »Guutimut orniguttup upperisasarimmagu taannaasoq ujarlersinilu akilerumaarai.« Jiisusi ajoqersukkaminut oqarpoq: »sunaluunniit pissallugu qinnutigigussiuk piumaarisi uppersinnaritsi, taava pissavarsi." Epr. 11, 6; Mak. 11, 24. oqaasia tamanna ilumut qularinnginnerparput?
Neriorsuut angivoq killeqartitaananilo, unnersuisorlo ilumoorpoq. Qinnutigisavut piumafippiaatigut pinngikkaluarutigik taamaatoq uppisaagut Naalakkap tusaraatigut qinnutivullu akiumaarlugit. Sijuneqanngitsuugatta uungaannanguarlu isigissarluta uvattinnut iluaqutaajumaanngitsumik ilaani qinnutigisaqartaraluarpugut, ataatatalu qilammiusup asanninnermigut qinnutivut akisarpai - uvatinnut iluaqutaasussamik tunilluta - nammineerluta kisaatigiumasinnaasaraluattinnik isivut Guutimit qaammarsarneqarsimagaluarpata suut tamaasa qanoq issuserpiaat paasillugit isigisinaallugit. Qinnutivut akineqanngitsuusaaraluarpata neriorsuut aalajangiuttariaqarparput, piffisarmi nalliutinngissanngimmat qninutita tusarneqarfissaat pilluarquneqarnermillu ajorsaatiginerpaassattinnik tunineqarumaarluta. Qinnutilli maannakorpiaq kisaatigisatitut tusarneqarnisaanik piumasaqarneq sorqusaatsuliorneruvoq. Guuti ilisimavallaaqigami kukkusinnaanngilaq, ajunngipallaaqigamilu ilumoortumik saqisut erliguutissanngilai. Taamaatumik taasumunnga perqussallutit sijoorassutissaqangilatit unit qinnutivit erniinnaartumik akineqarnerannik takusaqanngikaluaruvit. Neriorssuutaa aalajaatsoq tatiguuk: »qinugitse, pissaasi taava.«
Uppernissarput uatseerallarutigu qularnerput siooranerpullu apererqaarallarniartutut illugit, imaluunniit sunnguit uatinnut erssarilluanngitsut erqarsarnikkut paasilluarqisaarqaarniarlugit, taava ajornartorsiutivut ilaneqaannarlutillu anneruliinnassapput. Guutimulli ornigukutta ikiortissaarututut taassumunngalu atajumalersutut pissusivipput erqorlugu, uppernikullu maniguuttukkut tatiginnilluartukkullu ajorssaaterput nittarlugu taassumunga kigdleqangitsumik ilisimassumut, taussumunnga tamanik nalunngitsumut tamanillu piumasamigut oqaatsimigullu sijulerssuissumut, taava taassuma torlulanerput tusarsinaassallugulu tusarumassavaa qaamassollu uummatittinnut qingortikumassallugu. Qinnunikkut ilungersorluarnikkut Guuti ittuinnartoq inooqatigilersarparput. Immaqa maannakkorpiaq sumik immikut ittumik qularnaveerqutissaqanngikkaluarpugut annaassissitta kiinaata nalliginnilluni asannillunilu uvattinnut sammineranut, taamaatorli ilumut taamaapoq. Timikkut ittumik attuinera immaqa maluginngikaluarparput, assaatali patissimavaatigut asannilluni misiginneqatigingaarlunilu.
Guutimut ornigukkutta saammaanermillu pilluarqussinermillu qinnuvigalugo, uvagut nammineq uummatittinni asanninnerup isumakeerfiginninnerullu anersaavat pigissariaqarparput. Qanoq qinusinnaavugut: »akiitsukkatinnillu isumakeerfigigivut, soorlu uvaguttaaq isumakeerfigigivut akiitsortivut«(Mat. 6, 12) taammaatorlu isumakkeerfiginnikumanngitsumik isumaqarluta? nammineq qinnutitta tusarneqarnissaanik neriusagutta taamatorpiaq annertutigissumik isumakeerfigerqussutitta assinganik inoqativut isumakkeerfigissariaqarpavut.
Qinunikkut nikallujuinneq qinnutip tusarneqarnissaanut aamma pissutissaasaaq. Uppernikut misigissassatigullu alliartorumagutta qinuttuinnartariaqarpugut. Qinunikkut »qasusuitariaqarpugut.« »qinugitsi qasusuillusi erqumaniarlusilu qujassarlusi.« Piitrusip uppertut oqarfigissarpai: »emumaniarlutik piitaaillutillu qinussamullugit.« Ruum. 12, 12; Kul. 4, 2; l Piitr. 4, 7). Paalusi oqarpoq: »nungullugit kisaatigissasi Guutimut naiunaarsigik torlulallusi qinullusilu qujallusilu« Juutarsi oqarpoq: »ilissile, asanartusi ukorsii ... Qinussarlusi anersaakkut illernartukkut Guutimut asanartittuinnaritsi.« Fil. 4, 6; Juut. 20, 21. Qinuttuinnarneq tassa tarnip Guutimik peqatiginnituarnera inuuneq Guutimit pisoq uvagut inuunittinut kuulluni, minguinerlu iluarnerlu inuunittinit Guutimut kingumut utertarluni.
Qinunikkut qasusuinnissaq pisariaqarpoq. Tamatumunnga suulluunniit akornusernaveerlisit. Tarnivit Jiisusimik peqateqarnera atatittuarniaruk ilungersorlutit. Sunaluunniit piffissariniartaruk allat qinunermi katerssorneqarnissaannut. Guutimik inooqatiginninnermik ilungersorlutik ujaarlersut qinokatigiitunut aggertarumaarput nikallujuitumillu suliassartik naammasissarumaarlugu. Pilluarqussutinik pisinaassaminnik tamanik pilluamuneqarnissamik ilungersorluni erinineq nittarumaarpaat. Sunaluunniit piffissaq tamaat ujartarumaarpaat qilaap qinngornerinit sarqagaasumi qeqarumallutik.
Ilaqutatta akornanni qinusariaqarpugut tamanillu puiornagu isertortumi qinunissarput. Tamannami tarnip uumafigaa. Tarneq saammaanermi alliartorsinnaanngilluinnarpoq qinusanngikkuni. Tamanut samumissumik imaluunniit ilaquttat akornanni qinunerinnaq naammangilaq; kisimiilluni uummat Guutip issaanut arajutsiveqangitsunut ammartariaqarpoq. Issertortumi qinnut Guutip qinnutimik sianiginnittup kisimi tusartariaqarpaa. Siutit arajutsinianngitsut kisaatigisat tamakku arajutsissariaqarlugillu tusartariaqanngilaat. Isertortumi tarneq avatiminiittut suniinissaraluannit akornusersuinissaraluannillu nigorsimassarpoq. Erqisisimalluni ilungersorlunili talini Guutip tungannut issaatarpai. Sunniineq taannaajuartoq qilammit pisoq isertortumut isigisumit qinnutinillu uummamit qaffartunik tusaasumit malunniukkumaarpoq. Uppernikkut nipaatsukkut, qanilartukut tarnip Guuti inooqatigaa qinngornernillu Guutip piinik Saatanimut sorssungnermini nakussasaatigalugillu atatinneqaatigisaminik katersivoq. Guuti pallitaalissaraarput qajannaatsorssuaq.
Isertortumi qinusarit uummatillu qinunermi Guutimut qullaatarlugu ulluinnarni suliffinni sulissaraangavit. Taamaalilluni Enuup Guuti inooqatigaa. Qinnutit malungnaattsut tamakku Guutip isiavissaarssuata saanut qummukartarput pilliutitut akisuutut illutik. Taama uummatimigut Guutimik tatigissalik Saatanip ajugaafigisinnaangilaa.
Nalunaaquttap akunnerata qanoq ilineranik najukkamillu nassaassaqangilagut qinnummik Guutimut qullartitsivissaatinneqanngitsumik. Akornusiissussaqanngilaq uummativut ilungersortumik qinulluta Guutimut qullartissagutigik. Aqqusinermi inuppassuit akornanni sulinittalu nalaani Guuti ilitsersuutemulluta qinnuvigisinaavarput, soorlu Nehemiap kunngimut Artaxerxesimut qinnutigissani naiunaaraa. Ininnguaq Guutimik oqaloqatiginniffissaq sumiikkaluarlutaluunniit nanisinnaavarput. Uummatitta matua ammatittuartariaqarparput Jiisusilu isemullugu tarnitinnilu ineqamullugu qilamiit tikeraartitut.
Naak immaqa ajortunik aserortunillu inooqateqaraluarluta taamaatoq silaannaat toqunartulik najuussortariaqanngilarput. Qilaap silainnaa minguitsoq inuufigisinnaavarput. Matut tamaasa matusinnaavavut isummat mingutuut erqarsaatillu iluaatsut matullugit tarneq qinunermi Guutimut qullaallugu. Taasumannga ikiorserneqarnissamut pilluamuneqarnissamullu uummataat ammasut nunarsuup silainnaanitillernarnerussumi uumajumapput; qilammiunik inooqatiginnituarumaarpugut.
Jiisusip erssarinnerusumik isigineqalernissaa naassaangitsullu qanoq iluatinnartigissusianik paasinnilluarnissaq amigaatigaavut. Iluassutsip pinnersaataannik erqarsaateqarnermik Guutip qitornaasa uummataat imaqartariaqarput, tamannalu pisinnaarqullugu Guuti qinnuvigissariaqarparput qilaap piinik sarqummersitsivigerqulluta.
Isummat ammaruk pavungalu saatillugu Guutimut qilaap piinik ilangiiserqullutit. Uvatinnut ajornanngilaq Guuti ima qanitigissallugu sukulluunniit ilimagingissamik misiligaanikkut erqarsaativut taassumunnga tupinnanngitsumik saasinnaalersillugit soorlu naasoq seqinermut saatartoq.
Ajorsaatitit, nuannaarutitit, aliasuutitit, isumakuluutitit sijooragisatillu Guutimut nittartakit. Artorssissinnaanngilat, qasutissinnaangilat. Niaqunni nutsannik kisitsisimasoq qitornami pisariaqagaanik soqutigitaatsuunngilaq. »Naalagaq nallituivoq isumassuingaarlunilu« Jaak. 5, 11. Aliasuutivut allaammi taaginnarutigik uummataa asannittoq killinneqasaaq. Erqarsaatikkut nanertuutigisatit tamaasa nassarlugit ornittaruk. Sunaluunniit taasumunnga oqimaapallaanngilaq erssussallugu silarsuit tamaasa atatikamigit silarsuaq tamaat naalakkersorlugu. Sunaluunniit qanoq mikitigisoq erqisinigssatinnut tunngasoq taasumunnga suusupaginartuunngilaq. Sunaluunniit inuunitta immkikoortua qanoq taartigigaluartoq atuartarpaa. Sunaluunniit artornartorsiut tamaat artornarunnaarsineq sapinngilaa. Qitornaasa nikanarnersaat ajunaarnermik nalaanneqarsinnaangilaq, tarneq sijooranermik erloqisuteqalersinnaanngilaq, tipaatsuummik qiimmasarneqarsinaanani, qinuummik ilungersortumik qinnuteqarsinaanani ataatatta qilammiusup arajutsissaanik erniinnarlu soqutiginngisaanik. »Aserortersimasumik uummatillit katsorsartarpai, anniarissaallu mattusersarpai.« Tugs. 147, 3. Guutip tarnillu akornanni pissuseq ima nalunanngitsigalunilu naammalluartigaaq soorlu taannaanavik pillugu Guutip erni asasani tunniussimagaa.
Jiisusi oqarpoq: »Nalliuppat atikkut qinujumaarpusi, oqarfiginngilassilu ataatamut qinnukkumallusi; ataatammi nammineq asavaasi« »uvanga qinigaraassi ... Ataatap tunìssammasi sumilluunniit atikkut qinnuvigigusinni.« Juan. 16, 26. 27; 15, 16. Jiisusilli aqqani qinuneq imaaginnanngilaq qinnutip aallartinnerani naaneranilu ateq taanna taaginnassallugu. Imaapporli qinussalluni Jiisusip isumaa anersaalu pigalugit unnersuutaalu upperalugit, saammaanera tatigalugu suliarerqussaalu naammasillugit.
Guutip piumassarinngilaa arlarput kinaluunniit kiserliornialissasoq mattuttunngorluniluunniit silarsuaq qimallugu Guuti kiffartuunniardlugu. Inuuneq Kristusip inuuneratut issaaq - isertortuni qinuneq inuillu akornanni sulineq allamik suliaqarani qinunerinnarmik pisoq taamaaliortarnerminik asoorussiumaarpoq, imaluunniit qinnutai ilerquinnaassutut pissuseqalerumaarput inuk inoqatiminik inooqateqarniarunnaaraangat kristumiutullu suliasaminik erloqissutisaminillu nigorteriniartunngoraangat, naalakkaminik erqiasueqaluni imminik sulissussiumasumik kiffartuussiniarunnaaraangat eqiasuillune, taava qinnutaa taasumunnga pingaartitassaasumik imaqarunnaartarpoq qinunisamullu pissutissaarutarluni. Qinnutai namminisaanaanut namminiinnarlu iluaqutissaanut tunngassunngortarput; inuit ajorssaataat Kristusilluunniit naalagaffiata sijumukarnissaa naalakkalluuniit suliami nukissaqartitsinissaa qinnutigisinaajunnaartarpai.
Naalakap suliarititaa pillugu immittinnik nakussateqatigiinniarluta qiimmasarniarlutalu katerssoqatigiitarunnaarutta angisoorsuarmik annaassaqassaagut. Oqasiisa sallusuissusiisa uvattinnut ersarisusertik isumagisartillu annaasavaat. Uummativut taakua sunniineranit iluarsiartortitsisumit qaammarsarneqaratilluuniit itertinneqasangillat anersaakullu inuunerput sanngiilliartusaaq. Kristumiutut inooqatigiinnittinni misigeqatigiinngipallaarnitigut annaassaqartaqaagut. Allanut pallissaanani pissup Guutip suliarerqussaa naammasinngilaa. Allanik inooqateqartussaanittinnik naammatumik ineriartortitsisimagutta inoqatittinnik soqutiginninnermik misigeqatiginninnermillu tamanna sunniisaaq Naalakamilu kiffartornermi nakussatitsutut atussalluni.
Kristumiut katersuutaraluarunik Guutillu asanninnera utertitaanerullu sallusuissutai akisungaartut erqartoqatigiillugit nammineq tumannguersagaasagaluarput tumanguersaqatigiillutillu. Ullut nungullugit ataatattinnit qilammiusumit ilinniarnerusariaqarpugut saamaanneralu pillugu misigisassamik katersuilluta; taava asanninnera erqartorusulissavarput, taamaalioruttalu nammineq uummativut kissalilerlutillu qiimmasarneqaatissarsissapput. Immitinnik minnerusumik oqaluuserisarutta Kristusi erqqartornerullugu qanissusia annerungaartumik misigissavarput.
Guuti uvattinnik isumaginnissusianik misigisarnittitut akulikitsigisumik erqarsaatigissaruttigu erqarsaatitinniitituassagaluarparput eqqartorneralu nersorneqarnissaalu nuannarissagaluarlugu Nunap pii oqaluuserissarpavut soqutigigattigik. Ikinngutivut erqartortarpavut asagattigik; nuannaarutitta aliasuutittalu najortarpaat. Guutili ikinngutittinnit nunamiusunit asanerussallugu pissutissaqangaarpugut, tupinnangitsumillu silami maani Guuti erqarsaatittinni tamani salliutittariaqarparput ajunngisusia oqaluuserisallugu pissaaneralu nalunaajaatigissallugu. Uvattinnut tunissutaasa angingaartut sijunertarinngilaat eqqarsaatittigut asanninnittigullu tigugaluarlugit nammineq Guutimut tunissutissaarulluta pissasugut. Tunissutaasa taassuminnga eqqaasittuartariaqarpaatigut asanninnerullu qujaniarnerullu katinngassutaanik ajungitsuliortittinnut qilammiusumut atassuteqarniarluta. Nunap pii suunngitsut erqarsaatitta uninngavigivallaartarpaat. Isivut aarlortitigik illernarnerpaap matuinut ammasunut pavani, Guutip naalannassusia qaamanerata Kristusip kiinaanik qaammarsaafianut. »Aqqutigaluni Guutimut pisut naalluinnarsimasumik annaasinnaavai.« Epr, 7,25.
Guuti nersornerusariaqarparput »isumassuineri pillugit, inuit qitornaanni tupinnartuliai pillugit.« Tugs. 107, 8. Qinussarnivut imaaginnassanngillat qinulluni tigusillunilu. Pisariaqartuvut erqarsaatigiuvaanaqinatigik; aammataaq pilluarqusutit pissavut erqaassartigik. Qinuvallaanngilagut, kisianni qujaniartanngipallaaqaagut. Guutip saammaaneranik pineqartuarpugut. Kisianni ila qujaniarnerput sarqumersingipallaartarparput uvattninullu iliornera pillugu nersunngipallaartardlugu.
Qangarssuaq Israalikkut naalagiarnermut katerssoraangata Naalagaq oqartarpoq: »tassanilu nerisaasi Naalakkap Guutissi saani tipaatsullusilu ilissi inoqutisilu assasi isumagissaat tamaasa pillugit Naalakkap Guutivit pilluarqummagit." 5 Moors. 12, 7. Naalakkamut naalannaatissaatinniagaq nuannaarluni unnersiutiginnillunilu qujallunilu suliarisariaqarpoq aliasunnani nikallungassuteqaranilu.
Guuterput ataataavoq nallituisoq saamasorllu kiffartuunnera artornartutut ilungersornartorsiornartutullu isigineqartariaqanngilaq. Naalakkamik pallorfiginninneq suliarerqusaanilu suleqataaneq kajungernartuutinneqartariaqarpoq. Guutip qitornani annaaneqarnermik ima angitigisumik pisitani ima sulequnngilai soorlu sukannersorsuarmik erqoruminaatsorsuarmik naalagaqartut. Taakkununnga ikinngutaalluarnerpaavoq, pallorfigisaraangannilu najorumavai pilluamujumallugit tuppallersarumallugillu uummataallu nuannaarnermik asanninnermillu immerumallugit. Nalakkap qitornani imminik kiffartuussinermik nuannaaruteqartamuvai suliaremussaminillu sulissutiginninnerat artornartorsiorfiunerunani kajungernartorsiorfiuneromullugu. Piumasaraa imminut palloriartorlutik orniguttut qimagussinnaasasut isumasuingaarnini pillugu nuanerluartunik erqarsaateqarlutik asanninnermillu ullut tamaasa suliassaminni qiimmasaatigsaminnik pissarsisimallutik saammaanersisimallutillu tamani ilumoortumik ilungersortumillu iliorsinnaalerlutik.
Sanningasulik ilullugu katerssuuttariaqarpugut. Kristusi taannalu sanningasulimmut kikiatugaasoq qimerluuinitta tunngavigisariaqarpaat uummatittalu nuanaarutaasa annersarisariaqarlugu. Pilluarqussutit Guutimit pissavut tamaasa eqqarsaatittinni pigisariaqarpavut, asanninnerssualu erqarsaatigisaraangattigu pinaanata tamaasa assannut pilluta sanningasulimmut paagussaasunut peqqusavavut.
Unnersiutiginninnerup sului atorlugit tarneq qilammut palligunerusinaavoq. Qilaap inaani tussiarnermik nipilersornermillu Guuti nersorneqarpoq, uummatittalu taasumunnga qujaniarnerat oqaatigisaraangattigu qilammiorpasuit nersuinerani peqatigisarpavut. »Qujaniutinik pilliisup naalannartippaanga,« oqarpoq Naalagaq. Pinngortitsiserput sassarfigalugu ataminningaarluta nuannaangaarlutalu »qujaniutillu tussiaatillu nipaanik.« Tugs. 50, 23; Is. 51, 3.