Kristusimut aqutissaq af Ellen G. White

tilbage

kap 2 - Ajortillit Kristusimik pisariaqassusiat

Pilerqaarnerminit inuk piginnaasutsinik iluatinnangaartunik isumatussutsimillu peqartitauvoq. Qanoq issutsimigut naammallunnarsimavoq Guutimitllu avissaarsimanani. Erqarsaatai minguipput pilersaarnerilu illernarlutik. Piginnaasusiili aserugaaput naalannginikkut, imminillu asanerup asangníssuseq taarserpaa. Pissuserpiaa uniorqutitsinikkut ima nukillaarsarneqarsimatigaaq nammineq nakuussusiinnani atornagu ajortip pisaanera assortorneq saperluinnarlugu. Saatanimit tiguagaaneq taamaatuassagaluarlunilu Guuti saamaanikkut akuliutinngipat. Ussiisup siunertarigaluarpaa Guutip inuit pinngortikkamigit pilersaarutaa akornuserniarlugu nunalu nallinnassusermik aseruinermillu ulikaarumallugu. Tamakkulu ajortut tamaasa qiviamuniaraluarpai Guutip inunnik pinngortitsinerata pilersitaasut.

Ajortulinngikkallartilluni inuup peqartigilluinnarpaa taanna »taasumami pequtit ilisimassutsip ilisarsissutsillu pee isertugaasut.« Kul. 2, 3. Ajortulereeramili illernartuni tipaatsuutissarsisinnaajunnaarpoq Guutimullu isertorniaraluarluni. Suli uummatip isumataarsimanngitsup pissusia taamaappoq. Guuti erqisiveqatigingilaa peqatigineranilu tipaatsuutissarsisinnaanani. Ajortuliortoq Guutip qanitaaniilluni pilluarnermik peqarsinaangilaq; iluartut katersorfiat najurumasanngilaa. Asannineq imminut tunulliunnermik pissusilik tassanikumaartoq uummatit tamarmik asanninermik soraajuitsumik immerneqarfisaat, taasuma tarningani naafeqalersinnaasanngilaq. Erqarsaatai soqutigisai aalaterneqaatigisinnaasaalu ajorteqanngitsut pigisaannit allaajumaarput. Piuaasusermi qilammiikkumaartumi allaasuujumaarpoq. Qilak taasumuunga anniarfitut issavoq. Tassani qaamarqutaasumut nuannaarnerullu tassaniittup tamarmi qiterisaanut isertorniarumaarpoq. Guutip Guutitsut piaaraluni qilammut isertikkumanngilai. Isertitaanngillat tassani najugassami nalerqutinnginnamik. Guutip naalannassusia taakununga innertut nungutitsisutut isaaq. Nungutitaanissaq qujarutiinnarumaarpaat utertikkumallutik toqusup kiinaanut issertorumallutik.

Ajortip nateqanngitsua kivifigisarput anigorniasallu nammineq piginnaasusiinnarput atorlugu uvatinnut ajornarluinnarpoq. Uummativut ajortuupput, allanngortissinnaangilavullu. »Qanortoq ililluni minguitsoqarili mingutuumit pisumik; kisianni ataatsimilluunniit peqangilaq.« »Tassa uvinngup kajungerfiera Guutimut akerartortuummat, Guutip inatsisaanut naalatuunngimat, massalu saperluni.« Juup. 14, 4; Ruum. 8, 7. Ilerqulersuutitigut perorsarluarluarsimaneq (dannelse), piumassusertussuseq inuillu anguniangarisartagaat atorfissaminni iluaqutaasiinaaput; tassanili (qilammi) iluaqutaajunnaarput (atortussaajunnaarput). Ilerqoq ajunngitsoq qalliikut iitoq samummersissinnaavaat uummalli allangortissinnaanagu. Inuunerup puilafia minguiarsinnaangilaat. Pissaaneq qamannga sunniisussaq, inuuneq nutaaq pavannga pissasoq pisariaqarpoq inuk ajortimit iluarnermut allanngortinneqassapat. Pissaneq tamanna tassaavoq Kristusi. Taasuma saammaanerata kisimi tarnip piginnaasusii toqungasut uumasuungortissinnaavai Guutimullu iluarnermullu kajungersissinnaallugit. Annaasisoq oqarpoq: »Kialuunniit Guutip naalagaafia takusinnaangilaa kisianni erniorqissimaguni (uummat nutaanngorluni kisaatigisat nutaanngorlutik, pilersaarutit killinnartorisallu inuunikkut nutaakkut ingerlassutaalerlutik). Juann. 3, 3. Erqarsaat imaatoq: Inuup inunngornerminit pigisaasa ajunngitsut kisimik alliartortinniartariaqarnerat pisariaqartoq, kukkuneruvoq navianartoq. »Inuulli tarnimut atasup (imaapoq: Anersaamut atanngitsup) Guutip anersaata pii ilassisarinngilai, sianiitsorpallasorai ilisarinerlu saperlugit anersaakkut ittumik misissortariaqarmata." »Tupigusuutigissanngilat oqarfigigakkit: Erniorqisimassasusi." 1Kor. 2, 2, 14; Juann. 3, 7 . Kristusi pillugu allasimavoq: »Inuussut taasumaniippoq, inuussullu inuit qaamamutigaat." Juann 1, 4. Jiisusillu arqa tassaavoq annafisatuaq »atermimi allamik annassutisatinnik qilaap ataani inunni tunniussaasoqangilaq.« ap. sul. 4, 12.

Naammanngilaq paasissallugu Guutip asannissusersua, naammanngilarlu takussallugu isumasuissusia ataatatullu asatussiuarnera. Naammangilaq paasisallugu ilisimassuseq naapertuilluarnerlu inatisaani, takussallugulu tamanna asanninerup sijunertaanik soraajuitsumik tunngaveqartoq. Apustilip Paulusip tamanna tamaat takuvaa oqarami: »Inatsisit taava akueraakka ajunnginnerarlugit.« »Tassa inatsisit illernarput, inassullu illernarlunilu iluarlunilu ajunngitsuuvoq." Ruum. 7, 16. 12. Tarnimigulli ernumalluni sujoorallunilu nangippoq: »Uvangali uvinngup pigaanga, ajortip kifarsiaraanga.« Ruum. 7, 14. Minguissuseq iluasuserlu imminiinnaq pigilisallugu sapikkani anguniarpaa, oqarporlu: »Uvanga inukuluusunga kia annatissavaanga timimit matumannga ajortip pianit?" Ruum. 7, 24. Taamaapoq suaarut nunanit tamanit qangarsuarli maannamut uummatinit nanertugaussunit qullartinneqartoq. Tamanut akissutissaq ataasiinnaavoq: »Takusiuk Guutip savaaraa silamiut ajortaanik ersutoq.« Juan. 1, 29.

Guutip anersaata sallusuissut tamanna tarninut ajortilinnik misigalutik aniguisinneqarnissaminnik anersaaruluuteqartunut nalujunaarsinniarlugulu paasinarsarniartarpaa assersuuterpassuit atorlugit. Jaaku ajortulioreerluni Esauilu salloqitareerlugu angajomaami najugaannit qimaagami ajortimi oqimaasusia misigaa. Kiserliorluni ajatugaallunilu inuunermillu nuannaringissutigisani tamaasa avisaarlugit, ataasiinnaq tarnimigut tamanit annerusumik annikilliuutigaa, tassa siooragalugu ajortimi Guutimut avisaarluinnartissimasanneraani. Aliasungaarluni nunaanarmut nallapoq qasuerserniarluni. Qatorngit kiserliorpalugttut avatangiisigalugit qilallu allaarqik ulloriarpalik qulangiisigalugu. Qaamasoq emumiitsoq isaanut takutippoq sinitillugu. Narsamit nalafigisaanit soorlumi tummeraq qilaap isaafianut atasoq, Guutillu inngilii tassuuna majuartarlutillu atertartut, qilammillu alianaatsumit Guutip nipaata oqariartuutissaq tupallersarneqarnermik neriunnermillu nalunaarutigipallakaa. Taama Jaakumut nalunaarneqarpoq tarnaata kigsaatigingaagaa - annaasisussamik qujasaat. Nuannaangaarluni quaniangaarlunilu takuvaa aqqutissaq nammineq (ajortuliortup) - Guutimik peqatiginnerqilernissamut aqutissani. Tummeraq nalunartulik Jiisusimut Guutip inuullu akornanni akunnermiuliuttutuamut assiuvoq.

Assiliaq taamaatoq Jiisusip Nathanaelimik oqaloqatiginninermini erqaavaa oqarami: »Takusarumaarparsi qilak ammasoq, Guutillu inngilii majuartartut arqartartullu inuup erneranut.« Juann. 1, 52. Inuk orlunermigut imminik Guutimit avissaartippoq. Qilaap nunallu akornanni atassutaarulluinnarpoq, qunerlu taakua akornanniittoq inuup kialuunniit ikaarsinnaangilaa. Kristusikkulli nuna qilammut atassuserneqamipoq. Kristusip piniussinermigut nateqanngitsoq ajortip pilersitaa ikaartarfilerpaa inngilit kifartortut inummut atassuteqarsinnaalersillugit. Kristusip inuk orlusimasoq sanngiinnerani ikiortariaqangaarneranilu piginnaanerup tamarmi pulafianut atassuserpaa.

Inuit siumukarnissamik takorloorneri aserajasuupput, inuillu inuussutsiminni minguillisarneqarnissaannik ilungersornerit asuliinnassapput puilasutuaq emarleriit orlusimasut neriuutituaat ikiorneqarsinnaafituaallu ujanngikkunikku. »Tunissutit tamarmik ajunngitsut tunniussallu tamarmik naammalluartut« Guutimit pipput. Jaak. 1, 17. Kinaluunniit taasumannga avisaarsimalluni inuuguni ilumoortumik iluartumillu pissuseqarsinnaangilaq. Guutimut aqutaasutuaq tasssa Kristusi. Oqarpoq: »Uvanga aqutaavunga sallusuissutaallungalu inuusutaallungalu; allakkut ataamut pisorqarsinnaangilaq uvakkut kisianni.« Juan. 14.6.

Guutip qitornani nunamiusut asanninermik toqumit pisaaneqarnerusumik nalligai. Ernerminik tunigamisigut tunisutikkut ataasiusukut qilak tamaat uvatinnut kuivaa. Anaasisup inuunera, toqua uatinnillu qinnússinera, inngilit kifartornerat, anersaap qaaqusinera, ataataq sulisoq tamatinni tamaasalu aqutigalugit, qilammiut uatinnik soqutiginnituarnerat, tamakku tamarmik iluaqutauput inuit annanneqarnisaannut.

Pilliut tupinnangaartoq uagut pilluta naammasineqartoq erqarsaatiginiartigu. Tammartut annaallugit ataatap illuanut utertikkumallugit suliaq ilungersornerlu qilammiut takutitaat pingaartikkumallugu misilingniartigu.

Killinnartorisinnaasat sakkortunerusut sakkusalluunniit sakkortunerusut atorneqarsinnaasimanavianngillat. Akisarsiassaq angingaartoq iluartut pisasaat - tipaatsuutissaq qilammi, inngilit ilaginissaat, Guutip erneratalu peqatiginissaat asanninisaallu, piginnaasutsita tamarmik naasaangitsusami pitsaanerujartuinnarnisaat - tamakku tamarmik sakkortuumik kajumisaassannginnerpaatigut qiimmasassannginnerlutalu pinngortitsiserput aniguisitsiserpullu uummatita iluunngaanit kivfartuullugulu asarqullugu?

Illuatungaanilu Guutip oqaasiisa Naalakallu apisaluussinerisa ajorti pillugu anitaasa akinianiisaq pinngitsuussanngitsoq inuunitalu asiujartorluni aserugaalluinarnissaa nalunaerpaat oqaaniarluta Saatani kifartuuterqunagu.

Guutip saammaanera soqutigissannginerparput? Sumik annerusumik iliorsinnaava? taanna asanninermik taama tupinnartigisumik uvatinnik asannisimasoq pissusissavimmik píssuseqarfigilerniartigu. Sakussat pilerseriigai allanngortinneqarfisavut atorniartigik - taanna assigilerllugu inngilillu inngilillu iluartut peqatigerqilerlugit ataatarlu ernerlu erqisiveqatigerqilerlugit kattufigerqillugillu.