Kristusimut aqutissaq af Ellen G. White
Isumap allanngornera Guutimut qitornanngornitinne pissoq biibilime erniunertut erqartorneqarpoq. Aamma asserssuunneqarpoq naatsiiassarisumut narssaamme sikkersumut. Taamaalillutik saanniarqammersut inoorqaatut alliartussapput inersimassusermut angutitut arnatullo Kristuse Jiisusime. 1 Piitr. 2, 2. Evf. 4, 5. Naatsiiassarisutut narssaamme siaruartikkatut naajartussaput inerittoqassallutillo. Isaia oqarpoq taaneqassassut »orpissuarnik iluarnerup piinik, Naalakkap ikkussugaanik naalannarsissutissaanik.« Is. 61, 3. Taama assilissat ulluinarne inuunerme pissut atorneqarput sallusuissutit issertugaassut anersaakkut inuunnermut tunngassut paasilluarnerorqullugit ikiorniarluta.
Inuit ilisimassusiata pikkorissusiatalo tamarme pinngortitame minninguarluunniit uumassuseqalersinneq saperpaa. Inuunikut Guutip tunniussaanaagut naassut uumassullo uumasinnaapput. Taamaatut-una aamma inuunikut Guutimut pissukut aatsaat inuuneq anersaakkut itoq inuit uummataane pilersineqartartoq. Kinaluunniit erniorqisimanngitsoq inuunermik Kristusip uvatinnut tunniuniarlugo tikiussutigissaanik pissarseqataasinnaangilaq. Juan. 3, 3.
Soorlo uumassuseqalerneq pisartoq taamattaaq alliartorneq ippoq. Guutip-una inerittussanguaq sikkersoqalersitaraa sikkernerlo kingunissaqalersitarlugo. Pissaaneragut-una naatsiiassaq alliartortartoq »Iviinnaat perqaarlugit kingornalu karrit, kingornalu qajuussiassat karrit iluine inerilluarsimasut.« Mak. 4, 28. Prufiitillu Husiap oqaatigaa Israale »sikkerumaartoq assorutitut.« »Karrit uummartissavai viinnequtitut sikkerlutik.« Hus. 14, 6. 8. Jiisusillu perquvaatigut »misissorsigik assorutit qanoq naajartortartut.« Luk. 12,27. Orpiit naassullo namminneq ilungersornermikkulluunniit erqasunnermikkulluunniit norqaanermikkulluunniit naajartortangillat kisianni Guutip uumassuseqarsinnaarqullutik piareersagaanik pissarsinikkut. Meeraq nammineq erqasunnermigut nukissornermigulluunniit maanna angissuserisaminit annerulersisinaangilaq. Taamatorluinnaq illit nammineq erqasunnikkut norqaanikulluunniit anersaakkut alliartortitsisinnaangilatit. Naassoq meerarlu alliartortarput avatangiisiminnit inuunermut pisariaqartut pisaramikik - silaannaq, seqernup qaamarnga inuussutissarlo. Soorlo tamakku pinngortitap tunniuttagai uumasumut naasumullo ittut, taamatut Kristusi taasumunnga isumagerqusumut ippoq. Taakku qaamasoraat soraauitsoq, seqineraat erqornaveerqutigalugulu. Is. 60, 19 Tugs 84, 12 Israalimut kanernertut ikkumavoq, ikkumalluni »sialuttut narssaanguanut panertunut« Hus. 14, 6; Tugs. 72, 6. Imiuvoq inuussutilik, Guutip neqissaataa »qilammit arqartoq silamiunik inuutitsisoq.« Juan. 6, 33.
Guutip erne tunniupaa. Tunissutikkut taasumuuna angingaartukkut silarssuaq saammaanermik tamakkerpaa silaannartut nunarsuatinnik avatangiissutut piviutigisumik. Kikkulluunniit silaannarmik tamatuminnga najuussuiumasut inuujumaarput alliartorlutillu angutip inersimassusia nallerlugu Kristusi Jiisusimi.
Soorlu naasup seqineq sammisaraa qingorneri tapertaaqataasamata pinnissutsimi iluserissutsimilu naammatinisaanut, taamatut uvagutaaq iluassutsip seqerna sammissariaqarparput Guutip qaamassuanut qinngorfigerqulluta pissuserpullu Kristusip assingane alliartortinneqarqullugu.
Tamatuminnga Jiisusip ilinniartipaatigut oqarami: "Uvaniittuaritsi, taava uvangaaq ilisinniittuasaanga soorlo avalequt immine inerititaqarsinnaangitsoq viinneqummiittuanngikuni, taamataaq ilissi sapissaasi uvaniittuanngikusi... Uvangami ilaginanga saperluinarpusi." Juan' 15, 4. 5. Illit Kristusi ilaginagu inuuneq illernartoq inuunerisinaanngilat soorlo avalequt timitaminiinngikuni naajartorsinaanngitsoq inerititaqarsinnaananilu taasumannga avisaarsimallutit inuuneqanngilatit ussernartoq assortuusallugu nukissaqangilatit; saammaunikulluunniit iluassutsikulluunniit naajartorsinaangilatit taasumaniikkuvilli sikkersoqasaatillusooq alliartorlutillu. Taasumannga inuussuteqaruvit toquusasanngilatit inerittoqangitsuussanallu. Orpitut kuunnguup sinaani ikkutatut issaatit.
Qasiit isumaliorput suliasap ilaa namminneq naammasissariaqarlugo. Jiisusimut perqupput ajortiminnik isumakeerfigineqarumallutik, maannali namminneq ilungersornermikkut iluartumik inuuniarput. Ilungersornerilli taamaatut tamarmik asuliinnassapput. Jiisusi oqarpoq: »Uvanga ilaginanga saperluinnarpusi.« Saammaanermi alliartornerput, nuannaarnerput ajunngitsuliornerisinnaassavullu tamarmik Kristusimik peqateqarnitinnik pissuteqarput. Taassuma taassuminnga inuuqateqarnitigut - ullut tamaasa nal. Akunnerilu tamaasa taasumaniinnitigut - aatsaat saammaanermi alliartorsinaavugut. Upperneq aallarniinnangilaa, aammale naammasilluassavaa. Aallartinnerani, naanerani, tamatigut Kristusi pissutaasaaq. Ilagisariaqarpaatigut aqqutitta aallarqaataannaani naggataannaanilu pinnata aqqumili alloriarnerit tamaasa. Daavi oqarpoq: »Naalagaq issimma saaniitiuinnarpara, talerpimma tungaaniippoq aalarqunanga.« Tugs. 16, 8.
Immaqa aperisaatit: »Qanoq ilillunga Kristusimiittuasaanga?« - taamatorpiaq soorlu taamani ilaserqaarakku. »taamaatumik Kristusi Jiisusi pigilerassiuk taasumani saqigitse.« »Iluartorli uppernikkut inuussavoq.« Kul. 2, 6; Epr. 10, 38. Guutimut tunniupputit taasumungaanaq pigitikumallutit kiffartuukkumallugu naalakumallugulu, Kristusilu annaasisittut ilassivat; nammineerlutit ajortitit akilersinaangilatit uummatilluunniit allangortisinaanagu; Guutimulli tunniukavit upperputit Kristusi pillugu tamakkuninnga tamanik naammasissutisagaatit. Uppernikut Kristusip pigissarilerpaatit, uppernikullo taassumane ineriartusaatit - tunniussaqarlutit tigusillutillu. Tamaasa tunniutariaqarpatit: Uummatit, piumassutsit kiffartuussisinaassutsit taassumunnga tunniullutit inassutai tamaasa naalakumallugit. Tamaasalu tigussariaqarpatit: Ilassillugu Kristusi pilluarqussaanerit tamarmik naammatissutaat, uummatinne ineqarqullugu ilinnut nakuussutalluni, iluassutaalluni ikiuussutaasallunilu - naalannikut ingerlaniarninni nukissaqarqullutit.
Ullaat tamaasa Guutimut perqusarit. Suliassannit tamanit tamanna sijulliutaruk. Qinnutit imaatarili: »Tigunnga, Naalagaq, ilinnuinnaq pigiterqullunga, najunnga, suliaralu tamaat ilinni suliarinaara.« Tamanna tassa ullut tamaasa suliassaq. Ullaat tamaasa Guutimut perqussarit ulloq aallarnikkat pillugu. Pilerssaarnitit tamaasa taassumunnga tunniutakkit naammasineqarterqullugit peerqullugilluunniit sijulersuinerata tamatuma pisariaqarnera ilinnut takutisappagu. taama ullut tamaasa inuunerit Guutip assaanut tunniusinnaavat, tassuunakullu inuunerit Kristusip inuuneranik asseqaleriartortinneqasaaq.
Inuuneq Kristusimiittoq qasuersaarlune inuuneruvoq. Immaqa killisimaarnartumik misigiuasangikaluarputit, kisianni erqisinartumik Guutimut isumalluartuartariaqarputit. Neriuut ilinniinngilaq, Kristusimiipporli. Sangiissutsit taasuma nakuususianik peqateqasaaq, sijuneqangissutsit ilisimassusianik, qajannassutsit pissaaneranik killeqangitsumik. taamaattumik imminik isigisangilatit erqarsaatikulluunniit imminik unifigisangilatit, Kristusili isigisavat. Qimerlooruk asanninnera pissusiviatalu isikuminassusia naammalluinnassusialu. Kristusip nikanarsarnera, Kristusip minguissusia illernassusialu, Kristusip asanninnera assisiorsinnaangitsoq - tassaaput isumap uningavigisartagasarissariaqagai. Taassuma asallugu assiginiarlugu tatigalugulo assingani allanngortinneqassassutit.
Jiisusi oqarpoq: »Uvanniittuaritsi.« Oqaatsip taasuma imarai qasuaersaarneq, aalajaasuseq, tateqarneq. Oqarqipoq: »Ornisinga. . . Qasuersissavasi.« Mat. 11, 28. Tussiaasiortup erqarsaat tamannarpiaq oqaatigaa: "Naalagaq utarqiuk nipangerlutit."Isaialu nalunaajaavoq: "Uninngaanarlusilu isumalluarusi pissaorqajaqaase." Tugs. 37, 7. Is. 30, 15. Qasuersaarneq taanna nammineq sulinianginnermi nanissassaangilaq; annaassissumi qaarqussutaani qasuersaarnermik neriorsuutaa sulinissamut qaarqussineranut atavoq. »Nammatara ilisinnut pissisiuk. . . taava tarnisinnut qasuerfissarsiumaarpuse.« Mat. 11, 29. Tarneq Kristusimi naammalluinarnerusumik qasuersaartoq taanna pillugu ilungersornerullunilu suliniarnerujumaarpoq.
Immitinnut emarsaatigitilluta erqarsaativut Kristusimut inuunerup pissaanerullu puilaffianut sammineq ajorput. taamaammat Saatanip anaasisoq uvattinut suusupagitinniarsariuarpaa taamalu tarnip taassumunnga peqatiginnilernissaa inooqatiginnilernissaalu akornuserniartuarlugu. Ussiisup erqarsaatit silarssuup nuanaarutaanut, inuunerup isumakuluutaanut, erqisinangitsuinut alianartuinullu, allat kukkunerinut illilluunniit nammineq kukkuninnut amigaatinnullu sammisiniarssariuarpai. Persarinninnerinit tammartinniaqinaq. Qasiit ilumoorniartut Guutimilu inuuniartut pisituartarpai nammineq kukkunitik sangiilliorfitillu sualuppallaartumik uniffigerqullugit. taamalu Kristusimit avisaartillugit ajugaafiginissaat neriugaa. Nammineq anannissarput pillugu isumakulunneq sijooranerlo imminitinnik pingaartipallaalernikkut pilersartut nigortiniartigik erqarsaatit taamaatut tarneq nakuusutitta puilasuanit tunutittarmassuk. Tarnit Guutimut isumagerquguk taasumunnga perqullutit. Kristusi oqaluuserissardugulu erqarsaatigissarlugulo illit namminiussutsit tassani minnerujartorli. Qularneq tamaat igiguk; sijoorajunnaarit. Apustili Paulusi oqaqatiginiaruk: "Kristusi saningassulimmut kikiatugaaqatigaara; inuussorlu uvangaajunnaarpoq, Kristusili uvanni inuuvoq. Maannalu uvinimme inuunerissara Guutip erneranut upperlunga inuuseraara, uvannik asannitumut imminillu tunniulluni pillunga." Gal. 2, 20. Guutimi qasuersaarit. Paarerqusat paarilluarsinaavaa. Taassuma assaanut perquguvit ilinnik asannitukkut ajugaatissavaatit allaat tamatumannga annerusumik pissallutit.
Kristuie inuttut taatoqalerami inuit asanninnerup katinngassutaanik pissaanermit allanit kittorarneqarsinaangitsumik inuulli pinngitsaalisaanani nammineq qinersisinaaneragut kisianni qilerussaarneqarsinaasunik imminut katinngassutilerpai. Saatanip ussiiniutimigut katingassutaasumik tamatuminnga kittoraasinniarsariuarpaatigut Kristusimit avisaarneq qinerqullugu. taamaatumik eqqumasariaqarpugut qinulluta ilungersorluarlutalu. Suulluunniit naalakkamik allamik Kristusiunngitsumik qinersitissangimatigut taamaaliorsinnaanermummi pinngitsaalisaanginatta. Kristusili issiginiartigu, taava atatisavaatigut. Jiisuse isigisaraangattigu aarlerinartoqartanngilaq suulluunniimmi assaanit nususinnaangimmatigut. Isigiuaannaruttigu allangortinneqasaagut. »Assigileriartorparput taamatut naalannarsiartuinnarluta tassalu anersaap naalagaanit pineqarluta.« 2 Kor. 3, 18.
Tassaana taamaalillutik ajoqersukkat sijulliit annaassisertik asasartik assigileriartoraat. Jiisusip oqaasii tusaramikik ajorssaatigalugu paasivaat. Ujarlerput, nanisipput, taavalo malipaat. Ilagaat illumi, nerrivimmi, ininnguami qinujartorfimmi, suliffimmi. Ilagaat soorlo ilinniartut ilinniartitsisertik, ullullu tamaasa qarluinit Guutip sallusuissutai illernartut iliniarpaat. Isigaat soorlo kiffat naalagartik suliarerqusai paasiumallugit. Taakku ajoqersukkat inuuput »uvattitut misigissaqartartut.« Jaak. 5, 17. Ajortimut sorsunnitta assinganik sorssutuartariaqarput; saammaaneq taanna pisariaqarpaat inuunermik iluartumik inoorqullutik.
Allaat Juannasip, ajoqersukkap asasap, inuunera anaasisup inuuneranut assingunersaagaluarluni pissutsi asanartoq inunguuserisatut piginngilaa. Anneruniaanartaranilu perqarniittaanarnanilu innarluttumik pineqaraangami akiniaaumasarpoq. Anaasisulli Guutimit pisup pissusia ilisarileramiuk kukkunini takulerpai, tamatumalu maniguussuseqalersippaa. Nakuussutsip ernitsajuinnerullu sallaassutsillu, naalannassutsip makitajuisutsillu Guutip ernerata ulluinnarni inuunerani takusartagaata isumaa tupigusunnermik asanninnermillu immerpaa. Ullut nungullugit uummataa Kristusimut kajungersitaalerpoq imminut tunulliutilerluni Naalakkaminut asanninnermini. Isumaa puffajasartoq pitsaaniartorlu sunnigaallunilu piorsarneqarpoq anaasisup pissaaneranit. Anersaap annaasisup pissaaneranit. Anersaap iluartup erniorqinnermik sunniissartup uummataa nutaanngortippaa. Kristusip asanninnerata pissaanerata taasuma pissuserpiaa allangortipaa. Tamanna tassa Jiisusimik peqateqalernerup kingunerinngitsoortanngisaa. Taanna uummami ineqappat pisuserput tamarmi allangusaaq. Kristusip anersaata asanninneratalu Uummat saammartittarpaa tarneq pinngitsaalisutut, eqqarsaatillu kissaatillu qummut Guutimut qilammullu qullaatarlugit.
Kristusi qilaliarmat ajoqersugai najuineranik suli misigisimajuarput. Soorlu tassa namminivik najoraatik asanninnermik qaamanermillu peqangaarluni. Jiisusi anaasisoq angalaqatigisimasaat, oqaloqatigisarsimasaat qinoqatigissarsimassaallu, uummataanik neriulersitsillunilu tuppallersitsissarsimasoq taakkunannga qilammut pavunnartitaasimavoq ataatap oqariartuutigititaa suli nipangiussimatinnagu, inngilillu tussiarlutik ilasigaallu nipe taakkununnga apisippoq: »Ata, ullut tamaasa najorpassi silap naggatissannut allat.« Mat. 28, 20. Inuttut isikoqarlune qilaliarpoq. Nalunngilaat Guutip issiavissaarssuata sanianiitillugu allaat sule ikinngutigigittik anaasisigalugulu. Nalunngilaat misigisusii allangungitsut sulilu inuit erloqisutaanik ilisarsisoq. Nammineq aammigut pissarsiarititani Guutimut sarqumerpai assanilu isikkanilu ikeqartut nittarlugit erqaasutitut qanoq akisutigisumik utertitani pisiarisimagini. Nalunngilaat qilaliartoq inissioriartorlutik tikiuterqikumaartorlu imminullu tigujumaarlutik.
Qilaliarnerata kingornagut katersoraangamik ilungersorluarlutik kissaatigisatik ataatamut Jiisusip arqani nittararaat. Mianerinningaarlutik qinullutik seerqumertaraat Jiisusillu unnersuutaa issuarlugu: »Sumik ataataq qinnuvigigussiuk atikkut tuniumaarpaasi. Qinugitsi, pisaasi tipaatsunnersi naammaterqullugu.« Juan. 16, 23. 24. Uppernerup assaa isaatartik qullartikiartuinnarpaat ilisimagamikku »Kristusi tassaasoq toqusoq, annerungaartumillu tassaasoq makititaasoq Guutillu talerpiata tungaaniittoq qinnullutalu.« Ruum. 8,34. Piinsip ulluani illersuisoq najortigilerpaat Kristusip ima oqaatigisaa: »Naassaangitsumik ilisinituasaaq.« Aammalu oqarpoq: »Iluanaassaasi aallasagama aallangikkumami illersuisup ornisangilaasi, aallarumali ilissinnut aallartikumaarpara.« Juan. 14, 16; 16, 7. Ullormit tamatumannga Kristusi anersaamigut qitornami uummataani ineqartuarumalerpoq. Taasuminnga peqateqarnerat timitalittut najuukkallarneranit annerulersutut ilivoq. Kristusi iluini najugaqalerpoq, asanninneratalu qaamasua pissaaneralu taakkunuunnga takunnittut tupigusulersillugit, »ilisaraallu Jiisusip ilagisimagai.« Ap. Sul. 4, 13.
Kristusi ajoqersukaminut sijullernut sunniineqarnermisut maanna qitornaminut suniineqarumavoq. Massami qinnumini kingullermi ajoqersugannguani kaajallalluni katersorsimatillugit qinugami: »Taakuinnaangitsulli qinnupakka. Oqaasiisigut uvannut upperumaartutaaq ilanngullugit qinnupakka.« Juan. 17, 20.
Jiisusip qinnupaatigut qinnutigaalu ataasioqatigiissagitinni soorlu nammineq ataataq ataasioqatigigini. Ataasioqatiginninneq pilluarnartoq! Anaasisoq imminik pilluni oqarpoq: »Erneq isumaminik qanoq iliorsinaangilaq.« »Ataatap uvaniittuartup suliat suliarai.« Juan. 5, 19; 14, 10. Kristusi uummatittinni ineqaruni uvattinni suniissaaq »piumallersitarluta naammasisaqartitarlutalu iluarisani naapertorlugu.« Fil. 2, 13. Taava sulisarumaarpugut soorlu taanna sulisartoq isumaatalu assinganik peqarumaarluta. Taamalu asaguttigu taasumaniillutalu taava »tamatigut niaqorisamut Kristusimut alliartusaagut.« Evf. 4, 15.