Jorgalus

Mo sáhttá olmmoš šaddat Ipmilii dohkálažžan? Mo sáhttá suttolaš vánhurskkisin dahkkojuvvot? Dušše Kristusa bokte mii sáhttit fas beassat Ipmila ja bassivuođa oktavuhtii; muhto mo mii beassat Kristusa lusa? Eatnagat dahket seamma gažaldaga go dat sultudovdui boahtán olmmošjoavku, mii hellodagaid čuorvvui: "Maid mii galgat dahkat?" Biehtára vástádusa vuosttaš sánit čudje: "Dahket jorgalusa" (Ap. dagllt 2:38). Nuppe háve vehá maŋŋelaš son dajai: "Váldet dan dihtii eará miela ja jorggihehket, vai din suttut šattašedje eret sihkkojuvvot" (Ap. dagut 3: 19).

Buorádussii gullá suttudovdu ja suttus luohpan. Eat mii biehttal suttu ovdal go mii oaidnit man fasti dal lea, iige min eallin nuppástuva ovdalgo mii vaimmusteamet jorgalit suddui sealggi.

Eatnat olbmot eai ádde buorádusa duođalaš luonddu. Máŋgasat moraštit dan, go sii leat suddudnn ju olgguldasat nuppástuvvet buoret guvlui, danin go sii ballet iežaset bahádaguid buktit sidjiide alcceseaset gillámušaid. Muhto dat ii leat buorádus Biibbala oainnu mielde. Siihan moraštit eanet gillámušaid go suttu. Aiddo dan láhkái moraštii Esau, go fuomášii, ahte son lei massán iežas vuosttašriegádanvuoigatvuođa agibeaivái. Bileam ballái go oinnii eŋgela miehkki gieđas čuožžumin iežas luotta alde, ja dovddastii vearredagus go balai goddomis, muhto son ii dovdan maidege duohta gáhtamušaid suttu dihte, ii buorádusa dárbbu iige bahá fasttáseami. Judas Iskariot, go lei Hearrás beahttán, čuorvvui: "Dahken boastut, go behtten vigihis vara" (Matt. 27: 4).

Surgatlaš garuhusa dovdu ja ráŋggáštusa ballu bijai Judasa vearredahkki sielu dovddastit. Son hirpmahuvai go jurddašii dagus čuovvumušaid, muhto su sielus ii lean čiekŋalis, bávččagahtti moraš dan sivas go lei beahttán vigihis Ipmila Bártni ja biehttalan Israel Bassámusa. Go Ipmila náŋggáštusat deive Faraoi, de son dovddastii suttuidis amaset ain eanet ráŋggástusat boahtit, muhto dalánaga go váivvádusat ledje vássán, son fas lei čájeheamen vuostehágu Ipmilii. Diet olbmot moraštedje suttu čuovvumušaid, muhto eai ieš suttu.

Muhto go váibmu vuollána Ipmila Vuoiŋŋa váikkuhussii, de morrána oamedovdu, ja suttolaš áicá Ipmila bassi lága čieŋalvuođa ja bassivuođa - lága, mii lea Ipmila stivrejumi vuođđun almmis ja eatnan alde. "Duohta čuovggas, mii čuvge juohke olbmo, leai dál boahtimin máilbmái" (Joh. 1:9) báitá sielu sisa, ja mii fal doppe seavdnjadassii leažžá čihkkojuvvon, dat boahtá álbma. Sivalašvuođadovdu skurbbadišgoahtá miela ja váimmu. Suttolaš olmmoš dovdá Hearrá vánhurskkisvuođa ja ballá boahtit stuorra váibmosuokkardeaddji ovdii buot rihkkumušaidisguin ja buhtismeahttunvuođainis.

Dat rohkos, maid David rohkadalai jorralusas maŋŋil, čájeha makkár lea suttu geažil bohciidan duohta moraš. Su gáhtamuš lei duođalaš ja čieŋal. Son ii viggan čiehkat sivalašvuođas; son ii háliidan rohkosa bokte beasadit dan ráŋggáštusas, mii lei šaddan su oassin. David oinnii iežas rihkkumuša issorasvuođa ja suttu fastivuoda sielustis. Son dovddai bahča vuostemiela suddosis. Ii son rohkadallan dušše ándagassii addojumi, muhto buhtes váimmu. Son áibbašii bassivuoda ilu - beassat fas Ipmila oktavuhtii. Dát sánit čudje su sirius:

"Ávdugas lea dat, gean rihkkumuš lea ándagassii addojuvvon, gean suddu lea čihkkojuvvon!

Ávdugas lea dat olmmoš, geasa Hearrá ii logahala vcarredagu, ja gean vuoiŋŋas ii leat behtolašvuohta" (Sálmmaid g. 32: 1,2).

"O Ipmil, árkkálmastinvuođastat leage árbmugas, eretsihko mus suttuid váibmoláđisvuođastat...

Dasgo mun dovddan rihkkumušaidan, ja mu suddu lea álelassii mu ovddas....

Buhlis mu suttus iissopiin, vai mun buhtásnuvasin: basa mu, vai mun šattašin čeaskadeabbon go muohta...

Ipmil, sivdnit munnje buhtes váimmu ja ođasmahte bissovaš vuoiŋŋa mu sisa!

Ale suhppe mu du muođuidat ovddas eret, alege váldde du Bassivuoiŋŋat mus eret!

Atte munnje fasttain du bestojumát ávu, ja bajásdoala mu du dáhtolaš vuoiŋŋainat.

Beastte mu varravigis, Ipmil, mu bestojupmán Ipmil. De galgá mu njuovčča ávvudit du vánhurskkisvuođa dihtii" (Sálmmaid g. 51: 1-14).

Dákkár miellarievdadusa mil eat gal oaččo áigái iehčamet fámuiguin, muhte fápmu lea dušše Kristusis, gii lea mannan allagassii ja lea olbmuide addán attáldagaid.

Aiddo dákko buohta eatnagat meaddáduvvet ja dainna lágiin manahit dan veahki, man Kristus áiggošii sidjiide addit. Sii oaivvildit, ahte sii eai sáhte mannat Kristusa lusa ovdal go leat dahkan buorádusa, ja ahte gáhtamuš dahká sidjiide suttuid ándagassii addojumi vejolažžan. Lea gal duohta, ahte olmmoš ferre gáhtat ovdalgo sáhttá oažžut suttuidis ándagassii, dasgo dušše cuovkanan ja gáhtavaš váibmu dovdá iežas leat dárbbašeamen Beasti. Muhto galgágo suttolaš maŋidit mannamis Kristusa lusa dassážii go lea leš dahkan buorádusa? Galgágo buorádus hehttet suttolačča ja Ipmila oktavuođa?

Biibbal gai ii oahpat, ahte suttolaš galgá vuos leš leat buorádusa dahkan, ovdalgo son sáhttá vuostáiváldit Kristusa bovdehusa: "Bohtet mu lusa buohkat, guđet bargabehtet ja lehpet losidahttojuvvon, mun attán didjiide vuoiŋŋadusa" (Matt. 11:28). Dušše Kristusis vuolgi fápmu doalvu duohta jorgalussii. Apostal Biehtár dagai dán ašši čielggasin sártnodettiinis juvddálaččaide: "Su lea Ipmil olgeš gieđainis bajidan Oaivámužžan ja Beastin, addin várás Israelii jorgalusa ja suttuid ándagassii addojumi" (Ap. dagut 5: 31). Aiddo seamma láhkái go mii eat sáhte oažžut suttuideamet ándagassii Kristusa haga, de mii eat maiddáige sáhte buoridit iehčamet almmá dan haga ahte Kristusa vuoigŋa boktá min oamedovddu.

Kristus lea álgun buot buriide áigumušaide. Son lea áidna, guhte sáhttá min váimmuin bohciidahttit vaši sultu vuostá. Go mil áibbašit duohtavuođa ja buhtisvuođa, go mii oaidnit suttolašvuohtamet, de dat duođasta, ahte Su Vuoigŋa duddjo min váimmuid siste.

Jesus lea cealkán: "Mon, go mon bajiduvvon eatnamis bajás, de mon geasán buohkaid lusan" (Joh. 12:32). Suttolaš olmmoš ferte beassat oaidnit Kristusa Beastin, gii lea jápmán máilmmi suttuid dihlii, ja go mii geahčadit Ipmila Lábbá Golgata ruossa alde, de lonástusa čiegusvuohta rahpasišgoahtá midjiide ja Ipmila buorrevuohta geassigoahtá min buorádussii. Suttolaččaid ovddas jámedettiinis Krislus lea čajehan dakkár ráhkisvuođa, maid oktage ii nagat ipmirdit, ja go suttolaš dán ráhkisvuođa oaidml, de dat litnuda su váimmu, sojaha su miela ja boktá gáhtamuša su sillui.

Lea duohta, ahte olbmot muhtumin heahpanit iežaset suttolaš vádjolusa ja heitet muhtun heajos dábiid, juo ovdal go sii ieža dihtet, ahte sii leat gessojuvvomin Kristusa lusa. Muhto vaikko sis lea duođalas hállu meannudit riekta ja dainna geahččalit buoridit eallimeaset, de liikkáge dat lea Kristusa fápmu, mii lea sin geassimin. Sin sie lus sin iežaset dieđkkeahttai lea duoji dahkamin fápmu, sis oamedovdu morrána ja olgguldas eallin čábbu. Ja go Kristus geasuha sin nu ahte sii oaidnigohtet su ruossa ja su, gean sin suttut leat čađarehtten, de dalle lea bovdejupmi ollen sin oamedovdui. Sii fuomášit ipmilmeahttun eallimeaset ja suttuid, mat leat čiekŋalit cieggan sin sieluide. Sii guopmagohtet muhtun ráje Ipmila vánhurskkisvuođa ja čurvejit: "Mii máhttá leat suddu, go dakkár oaffar fertii addojuvvot, vai dasa čadnon olbmot bestojuvvošedje? Leigo dárbbašlaš buot dat ráhkisvuohta. buot gillámuš, buot heahppášuhttin amamet mii duššat, muhto vai oažžut agálaš eallima?"

Dán ráhkisvuođa suttolaš sáhttá vuostálastit son sáhttá biehttalit lahkoneamis Kristusa; muhto jus son ii vuostálastte, de dalle son gessojuvvo Jesusa lusa. Diehtu beastinulbmilis doalvu su ruossamáddagii gáhtat suttuidis, maid dihtii lpmila ráhkis Bárdni šattai gillát.

Seamma ipmillaš vuoigŋa, mii duddjo luondduriikkas, sárdnu maiddái olbmuid váimmuide ja boktá cealkemeahttun háliidusa juoga man nu maŋŋái, mii sis váilu. Dat mii máilbmái gullá, ii sáhte čáskadit sin goikku. Ipmila vuoigŋa ávžžuha sin ohcat dan, mii addá ráfi ja vuoiŋŋadusa, namalassii Kristusa árpmu, bassi ilu. Beasti duddjo oppa áigge sihke almmus ja čiegus gaskaomiid bokte geasuhan várás olbmo eret suttu duššastuhtti hávskodagain, bajás daid nohkameahttun buressivdnádusaide, mat sutnje leat fállon Kristusa siste. Buot daidda sieluide, guđet duššás vigget juhkat máilmmi guoros gáivvuin, čuodjá dát ipmillaš bovdehus: "Ja guhte dáhttu, váldos son eallinčazi ánssaškeahttái" (Almmustusa g. 22:17).

Don gii váimmustat áibbašeaččat buorebui go maid dát máilbmi sáhttá addit, ane dan áibbašeami Ipmila jietnan iežat sisti. Rohkadala sus alccesat buorádusa, almmustahttit Kristusa dutnje su nohkameahttun ráhkisvuođastis ja dievaslaš buhtisvuođastis. Beasti eallin čajeha midjiide makkár lea Ipmila láhka - ráhkisvuohta Ipmilii ja lagamužžii. Buorrevuohta ja earáin berošteaddji ráhkisvuohta lei su sielu eallin. Dalle go mii su dárkot, de áibbas dego čuovga báittásii min ala, nu ahte mii oaidnit mo min váimmut leat suttuin devdojuvvon.

Soaitá leat, ahte mii leat Nikodemusa láhkái rámidan iehčazmet, jurddasettiineamet ahte mii leat eallán riekta, ahte min luonddus ja jurdagiin ii leat láitámuš ja ahte mii eat dárbbaš vuolidit váimmuideamet Ipmila ovddas dego dábálaš suttolaš olbmot dahket. Muhto go Kristusa čuovga báitá min sillui, de oažžut oaidnit, man buhtismeahttumat mii leat; mii ouidnit, mo min áigumušat leat vuolgán iesrahkisvuođas ja mo vašalašvuohta lpmila vuostái ovttas dainna lea bostán buot min eallima daguid. Dalle mii dovddustit, ahte min vánhurskkisvuohta lea dego duolva biktasat, ja ahte dušše Jesusa varra sáhttá min buhtistit suttu duolvvain ja ođasmahttit váimmuideamet nu ahte šaddat su láhkásažžan.

Go beare oktage lpmila šearratvuođa ja Kristusa buhtisvuođa suonjar olle sillui, de dat almmuha čielgasit juohke duolva suddodilkkoža ja iđiha olbmo luonddu billašumi ja váilivuođaid. Dat buktá albmosii eahpebassi áigumušaid, váimmu ipmilmeahttunvuođa ja baksamiid buhtismeahttunvuođa. Suttolaš áicá iežas behtolašvuođa go son lea dahkan Ipmila lága duššin, ja son ballá ja dovdá iežas vártnuheapmin Ipmila suokkardeami vuolde. Son heahpana iežas, go oaidná Kristusa buhtes, vigihis luonddu.

Go profehta Daniel oinnii dan šearratvuođa, mii birastahtii su lusa vuolggahuvvon almmálaš áirasa, de son návccahuvai dovddadettiinis iežas headjuvođa ja vadjitvuođa. Muitalettiinis dán ovddolaš oainnáhusa váikkuhusas alccesis, son cealká: "Ja mun bahcen okto, ja mon oidnen dan stuorra oainnáhusa, iige munnje báhcán mihkkege fámuid, ja mu čappa ivdni nuppástuvai, nu ahte mon ožžon heajos hámi, iige munnje báhcán mihkkige fámuid" (Dan. g. 10: 8). Siellu, man almmálaš oainnáhus lea guoskkahan, vašuha iežas iešoaivválasvuođa ja iešráhkisvuođa, muhto dut ohcá Kristusa vánhurskkisvuođas váimmu buhtisvuođa, mii dávistivččii Ipmila láhkii ja Kristusa lundui.

Paulus cealká, ahte son "lága vánhurskkisvuođa ektui" - namalassii olgguldas daguid ektui - lei "sivaheapmi" (Paulus g. Fil. 3: 6), muhto go lága vuoiŋŋalaš sisdoallu čielggai sutnje, de son oinniige iežas suttolažžan. Jus láhka árvvoštallojuvvo bustávaid mielde, nu mo olbmot dan oidnet olgguldas eallimis, de son lei vealtan suttus; muhto go son geahčadii čiekŋaleappot lága bassi gohččumiid ja oinnii iežas dakkárin, go Ipmil su oinnii, de vuollánii ja dovddastii vearredagus. Son cealká: "Mun ellen muhtun áiggi lága baga, muhto go báhkkon bođii, de suddu fasttain eallái, muhto mun jápmen" (Paulus g. Rom. 7: 9). Go son oinnii lága vuoiŋŋalaš luonddu, de suddu buot fastodagainis almmustuvai sutnje, ja su iešvánhurskkisvuohta jávkkai.

Ipmil ii une boat suttuid ovtta stuorisin, son árvvoštallá vearredaguid daid sturrodaga mielde seamma láhkái go dahká olmmošge. Muhto vaikko soames vearredahku orošii olbmo mielas vaikko man unni, de Ipmila miel as gal oktage suddu ii leat unni. Olbmo árvvoštallan lea bealát ja váilevaš, muhto Ipmil dubme aiddo nu mo áššit leat. Juhkkis olmmoš badjelgehččojuvvo ja son šaddá gullat, ahle su suddu hehtte su albmái boahtimis, muhto čeavláivuohta, iešráhkisvuohta ja vuovdnáivuohta báhcá dávjá cuiggotkeahttái. Muhto aiddo dát suttut leat earenoamáš fasttit Ipmila mielas, dasgo dat eai heive su láđis lundui, eai dan iešbiehttaleaddji ráhkisvuhtii, mii lea dat vuoigŋa, mii ráđđe suttuhis máilmmiviidodagas. Datge, gii lea jorralan muhtun fastres suddui, sáhttá dovdat guorusvuođa ja heahpada ja dárbbu Kristusa árbmui, muhto čeavli ii dárbbaš maidege, ja nu dat ii sáhte váldit vuostái Kristusa ja daid cealkemeahttun buressivdnádusaid, maid son bođii fállat olbmuide.

Tuollárriehpu, guhte rohkadalai: "Ipmil, leage munnje suttolažžii árbmugas" (Lukas 18:13), anii iežas hui ipmilmeahttun olmmožin, ja earát maid jurddašedje seamma láhkái, muhto son dovddastii heađis ja bodii iežas verrodaga ja heahpada nođiin Ipmila lusa rohkadallat árpmu. Su váibmu lei rabas Ipmila vuoiŋŋa váikkuhussii, nu ahte dut sáhtii čoavdit su suttu fámuin luovusin. Fariseálačča ceavlás ja iešvánhurskkis rohkos cájehii, ahte Bassi Vuoiŋŋa váikkuhus ii sáhttán beassat su dahppojuvvon váibmui. Danne go son lei nu guhkkin Ipmilis, de son ii ollege dovdan iežas duolvvasvuođa, mii lei ipmillaš bassivuođa dievaslaš vuostegeahči. Sus ii lean mihkkege dárbbuid ja danin son ii maidege ožžonge.

Jus don dovddat iežat suttolašvuođa, de ale ájáhala dahkat iežat buorebun. Vuoi, man ollugat leatge dan ouivilis, ahte sii eai leat doarvái buorit boahtit Jesusa. Doaivvutgo don iežat buorebun šaddat iezat rahčmiiddátguin? "Máhttágo etiopialaš muhttit liikkiidis, dahje pánier girjjiidis? - De máhtá šeiddet dii dahkat buriid, dii, guđet lehpet hárjánan baháid dahkat" (Jer. 13: 23). Dušše fal Ipmil sáhttá min veahkehit. Eat mii galgga vuordit garraset ávžžuhusaid, vuohkkaset dilálašvuođaid, bassát miellalági. Iešalddámet mii eat sáhte maidege dahkat, mii fertet Ipmila lusa mannat aiddo dakkáražžan go mii leat.

Muhto allas oktage iežas behtto dainna jurdagiin, ahte Ipmil stuorra ráhkisvuođastis ja váibmoládisvuođastis beastá maiddái sin, guđet su árpmu hilgot. Dušše massa čuovgga vuolde sáhttá árvvoštallat suttu sturrodaga. Go olbmot navdet, ahte Ipmil lea menddo šiega norddastit ovttage suttolačča luhttis eret, de gehččoset sii Golgatai. Danin go ii lean eará bestojumi geaidnu olbmuide, ja go olmmošsohkagoddái lei veadjemeahttun almmá dán oaffara baga beassat eret suttu nuoskkideaddji fámus ja beassat tas bassi vuimmiid searvivuhtii - veadjemeahttun fas osolažžan šaddat vuoiŋŋalaš eallimii - de dan sivas Kristus válddii badjelasas jeagohemiid suttunoađi ja gillái suttolaččaid ovddas. Ipmila Bártni ráhkisvuohta, gillámuš ja jápmin čájeha ja duođasta, man surgatlaš ja gáppus suddu lea, ja ahte ii leat olbmos eará bestojupmi iige doaivu buoret eallimis go addit sielus Kristusii.

Gáhtameahttun olmmoš gaskkohagaid bealušta iežas cealkkedettiinis oskku dovddasteaddji kristtalaččaid hárrái: "Mun jean seamma buorre go siige. Eai sii biehttal iežaset eanet go filin, eaige sii leat juguheappot dahje várrugeappot eallimisttiset go mun. Sii liikojit suohttasiidda ja hávskodagaide seamma láhkái go munge." Nu son bealušta iežas ávvirmeahttunvuođa earáid feaillaiguin. Muhto eaeáid suttut ja vádjitvuođat eai bealuš geange, dasgo Hearrá ii leat addán midjiide vádjitlaš olmmošlaš ovdagova. Ipmila vigihis Bárdni lea addon midjiide ovdagovvan. ja sii, guđet láitet dovddasteaddji kristtalaččaid meanuid, berrešedje ieža čájehit buoret eajjima ja leat buoret ovdagovvan. Jus sis lea nu alla govva kristtalaš olbmo hárrái, de iigo sin iežaset suddu dalle šatta ain stuorábun? Sii dihtet, mii lea riekta, muhto dattetge eai daga dan mielde.

Várut nuppe hávvái maŋideames. Ale maŋit heaitmis suttuinat, alege maŋit ohcamis váimmu buhtisvuođa Jesusa bokte. Aiddo dákko buohta duháhiid mielde olbmot leat meaddáduvvan agálaš gáđohussii. In mun dás áiggo muittuhit, man oanehaš ja rašši olbmo eallin lea, muhto lea issoras váralaš - váraleabbo go olmmoš oppa áddege - maŋidit guldaleames Ipmila Bassivuoiŋŋa bovdehusa ja joatkit suttolaš eallima, dasgo aiddo dan dákkáraš maŋideapmi mearkkaša. Man uhccin suddu dal orošge, de dainna mii sáhttit mannat agálaš gáđohussii, jus eat luoba das eret. Jus mii eat vuoitte dan, de dasa mii vuoittáhaliat ja dan mielde šaddat heavvanupmái.

Áttán ja Evá leigga dan jáhkus ahte dakkár unna áššážis go gildojuvvon šattu borasteapmi lea, eai sáhte leat nu váralaš čuovvumušat go Ipmil lei cealkán. Muhto aiddo dát unna áššas lei rihkkumuš Ipmila rievdameahttun ja bassi lága vuostá, ja dat earuhii olbmo Ipmilis ja rabastii jápmima uvssaid ja cealkemahttun lihkuhisvuođa min máilmmi ovdii. Áiggiid čađa eatnamis lea badjánan oktilaš váidalus ja čuorvvas ja oppa luolldduriika šuohkká ja biidnašuvva olbmuid doahttalmeahttunvuođa dihte. Velá albmige lea šaddan dovdat dan, mil čuovvu olbmo jorraleamis Ipmila vuostái. Golgata lea dego muitomearka dan imašlaš oaffaris, mii lei vealtameahttun Ipmila lága rihkkuma soabadin. Allot aile suddudeami uhca assazin.

Juohke rihkkumuš, Kristusa árpmu hilgun ja badjelgeahččan čuohcá olbmui alcces: dat buoššuda váimmu, bilida dáhtu, sevnnjodahttá jierpmi, iige dat dušše daga su gággadeabbon, muhto dahká sutnje vel váddáseabbon jeagadit Ipmila bassi vuoiŋŋa láđis bovdejumi.

Ollugat šiggot oamedovdduset jiena jurddašettiin, ahte siihan sáhttet heaitit heajos dábiid goas ieža dáhttot ja ahte sii sáhttet duhkoraddat árpmuin ja liikkáge besset dovdat ain ođđasit bassi vuoiŋŋa bovdejumi. Sii oaivvildit, ahte vaikko sii eai leat doahttalan árpmu vuoiŋŋa ja leat bargan beargalaga beali, de sii liikká sáhttet maŋimuš heađi bottus nuppástuhttit vádjolusaset. Muhto ii dat leatge nu álki. Oppa eallenáiggi hárjáneapmi cieggá olbmo lundui nu garrasit, ahte hárve olmmoš nagada háliidit Jesusa láhkásažžan šaddat.

Dušše okta áidnu heajos dáhpi dahje suttolaš hipmu, masa olmmoš álelassii miehtá, váldá maŋážassii evangeliumis buot fámu. Juohke suttolaš hávskkohallan gievruda sielu vuostehágu Ipmilii. Dat guhte čajeha sitkadis eahpeoskku dahje iešoaivválaš badjelgeahččanvuođa ipmillaš duohtavuođa vuostái, oažžu okte čoaggit dan maid leš lea gilván. Oppa Biibbalis ii leat issoreabbo ráva baháin duhkoraddamis go viissis olbmá sánit suttolačča birra: "Su iežas suttut gillet su" (Sátnevádjasiid girji 5: 22)

Kristus lea válmmaš čoavdit min suttus, muhto son ii bágge min. Jus mii eaktodáhtolaččat suddudit ja min miella lea mieđis dušše bahái, eatge háliid luovus čovdojuvvot eatge vuostáiváldit su árpmu, de sáhttágo son eambbo dahkat? Mii leat duššadan iehčamet go leat iešoaivválaččat hilgon su ráhkisvuođa. "Geahča, dál lea vuogas áigi, geahča, dál lea bestojumi beaivi." "Otná beaivve, jus dii gullabehtet su jiena, de allet buoššut váimmuideattet" (Paulus 2. g. Kor. 6: 2 ja Hebr. 3: 7, 8).

Dasgo olmmoš geahčča čalmmiide, muhto Herrá geahčča váibmui (1. Sam. g. 16: 7), váibmui, mas ilu ja morraša dovddut gilvalit gaskaneaset, čádjidahkes ja veaidaláđas váibmui, mas lea nu eatnat buhtismeahttunvuohta ja behtolašvuohta. Hearrá dovdá váimmu jurdagiid, dan siskkimuš áigumušaid ja ulbmiliid. Mana su lusa iežat duolva váimmuinat. Raba váimmu uvssaid buotdiehtti čalmmiid ovdii ja čuorvvo dego sálbmalávlu: Suokkar mu, o Ipmil, ja dovdda mu váimmu! Geahččal mu ja dovdda mu máŋggalágáš jurdagiid, ja geahča leango mun bákčasa geainnu alde, ja lárde mu agálašvuođa geainnu mielde (Sálmmaid g. 139: 23-24).

Ollugiin lea oskku vuođđun jierbmi, ipmilbalolaš hápmi, vaikko váibmu ii leat buhtistuvvon. Čudjos du rohkos ná "Ipmil, sivdnit munnje buhtes váimmu, ja ođasmahte bissovaš vuoiŋŋa mu sisa" (Sálmmaid g. 51: 12). Leage vuoiggalaš silot guovdu. Leage dainna seamma áŋgir ja gillil go livččet dalle, go du eatnanlaš eallin livččii vára vuloš. Dát lea čielggadanášši du sielu ja Ipmila gaskkas, čielggadeapmi agálaš áigai. Doaivu, mii lea dušše jáhkku, doalvu du duššadupmái.

Guorahala Ipmila sáni rohkadallamiin. Sátni čajeha dutnje sihke Ipmila lágas ja Kristusa eallimis bassivuođa stuorra vuođđojurdagiid, maid haga "ii oktage oaččo oaidnit Hearná" (Hebr. g. 12: 14). Dat almmuha suttu ja čielgasit muitala ávdugasvuođa geainnu. Váldde das vára, dasgo dat lea Ipmila jietna, mii sárdou du sillosat.

Go don oainnát suttu issoras hámi ja iežat dakkárin go don duođaid leat, de ale alvvahuva. Suttolaččaidhan Kristus bođiige beastit. Mii eat dárbbaš soabahit Ipmila iežaineamet, muhto - o dan imašlaš ráhkisvuođa! - Ipmil Kristus siste "soabahii máilmmi iežainis" (Paulus 2. g. Kor. 5:19). Njuoras ráhkisvuođainis son ohcá láhppon mánáidis váimmuid. Oktage eatnanlaš váhnen ii sahtáše leat nu gierdavaš mánáidis feaillaid ja meaddádusaid hárrái go Ipmil lea daid hárrái, geaid son áiggošii beastit. Oktage ii sáhtáše láđđáseappot bealuštit rihkolačča. Olbmo baksamiin eai leat goassege vuolgán njuorraset ávžžuhusat čadjidan vádjoleaddjái go maid son cealká. Buot su lohpádusat ja váruhusat leat cealkemeahttun ráhkisvuođa bosanasat.

Go beargalat boahtá dutnje muitalit, ahte don leat stuorra suttolaš, de geahča lonisteaddjásat ja muital su ánssuid birra. Su čuovgasii geahččan veahkeha du. Dovddas suttuidat, muhto muital vašálažžii, ahte "Kristus bođii máilbmái dahkat suttolaččaid ávdugassan" (Paulus g. Tim. 1: 15), ja ahte su vearditmeahttun ráhkisvuohta beastá duge. Jesus dagai Simonii jearaldaga guovtti velggolaččas. Nubbi lei lei uhcánaš dagolaš isidasas, nuppis lei stuorra vealgi; muhto isit attii goappáge vealggi ándagassii, ja Kristus jearai Simonis, goappá velggolačča isit ráhkistii eanet. Simon vástidii: "Dan, geasa eanemus (vealggi) luittii” (Luk. 7: 43). Mii leat leamaš stuorra , suttolaččat, muhto Kristus jámii vai mii oažžut ándagassiiaddojumi. Su vánhurskkisvuohta lea dievas máksu min ovddas, nu ahte mii Ipmila mánnán šaddat. Dat, geaidda son eanemus lea ándagassii addán, ráhkistit su eanemus ja čužžot lagamusas truvnnu rámidan várás su su stuorra ráhkisvuođa ja oaffara ovddas. Easka dalle go mii dievaslaččat áddet Ipmila ráhkisvuođa, mii oaidnit suttu fastivuoda. Go mii ouidnit dan bátti guhkkodaga, mii lea luitojuvvon ,almmis vulos min gádjut, de mii áddet geaži das, man stuorra oaffara Kristus lea min ovddas addán, ja min váummut njurret suttudovddus.