Ipmila oktavuohta

Ipmila lohpádus lea: "Dii galgabehtet mu ohcat, ja dii galgabehtet mu gávdnat go dii ohcabehtet mu oppa váimmusteattet" (Jer. g. 29: 13).

Oppa váibmu ferre addojuvvot Ipmilii, muđui mis ii sáhte ollašuvvat dakkár nuppástus, mii dahká min su láhkásažžan. Luonddusteamet mii leat vierrasat Ipmilii. Bassi Vuoigŋa govvida min dili dáid sániiguin: "Jápmán rihkkumušaidasadet ja suttuidasadet", "olles oaivi lea buohcamin, ja olles váibmu lea rašši", "ii mihkkege dearvasiid". Mii leat "beargalaga giela siste, gitta valdojuvvon su dáhtu dahkat" (Paulusa 2 g. Ef. 2: l, Jes. 1: 5, 6; Paulusa 2. g. Tim. 2: 26). Ipmil dáhttu buoridit min ja čoavdit min friddjavuhtii. Muhto danin go dat gáibida oppa min luonddu ođasmuvvama, de mii ferret iežaideamet ollásit guođđit su háldui.

Soahti iežas vuostái lea garraseamos soahti, mii goassege lea sohttojuvvon. Go olmmoš galgá juksat iežas biehttaleami ja vuollánit Ipmila dáhttui, de ferre olmmoš soahtat. Dalle siellu ferre vuollánit Ipmila dáhttui ovdalgo dat sáhttá ođasmuvvat bassivuođas.

Ipmila stivrejupmi ii vuođđuduva, vaikko beargalat nu viggáge lohkat, čalmmehis vuolláneapmái iige jierpmehis bearráigeahččamii. Dat baicce čatnasa su jierbmái ja oamedovdui. "Bohtet datte ja mannot rievtti ovdii guhtet guimmiineamet" (Jes. g. 1:18), čuodjá Sivdnideaddji bovdehus sivdnádusaidasas. Ipmil ii bágge sivdnádusaidis. Son ii sáhte dohkkehit gudnejahttima, mii ii leat eaktodáhtolaš ja ipmárdusa olis addojuvvon. Vuolláneapmi, mii lea dušše bákku ovddas šaddan, hehttešii visot miela ja luonddu duođalaš ovdáneami; dat dagašii olbmuin dáhtuhis mášiinnaid. Nu ii leat Sivdnideaddji oaivvildan. Son dáhttu olbmo, guhte lea su alimus sivdnádus, jukat buot stuorimus ovdáneami. Son bidjá min ovdii alimus sivdnádusaidis, maid son háliida árpmus bokte midjiide addit. Son bovde min addit iežaideamet sutnie, vai son sáhtášii ovddidit dáhtus min siste. Min bargun lea válljet, háliiditgo mii beassat eret suttus ja beassat oasálažžan Ipmila mánáid hearvás friddjavuhtii.

Go mii addit iežaideamet Ipmilii, de mii ferret vealttakeahttá guođđit buot dan, mii earuha min eret Ipmilis. Danne celkkiige Beasti: "Nuvtgis maiddái oklage dis, guhte ii biehttal buot dan mii sus lea, máhte leat mu máhttájeaddji" (Luk. 14: 33). Mii fertet juohke diŋgga biehttalit, mii oasuha min váimmu Ipmilis eret. Mámmon lea máŋgasis eahpeipmilin. Ruhtaáŋgirvuohta, riggodaga hipmošeapmi leat gollehuvvon láhkkit, mat čarnet min gitta beargalahkii. Earrásat fas gilvvohallet rámis ja máilmmi gudnis. Nuppiin fas lea ovdagovvan iešráhkislaš 1áikodat ja friddjavuohta, masa ii gula mange lágan ovddasvástádus. Muhto dáid šlávavuođa láhkkiid ferte botket. Eat mii sáhte gullat belohahkii Ipmilii ja belohahkii máilbmái. Mii eat sáhte leat Ipmila mánát earágo dalle, jus gullat ollásit sutnje.

Leat gal dakkár olbmot, guđet dadjet iežaset leat Ipmila bálvaleamen, vaikko sii luhttet iežaset rahčamii vikkadettiineaset čuovvut su lága, dahje go sii vigget ovddidit rivttes luonddu dahje bargat bestojumiset ovdii. Kristusa ráhkisvuohta ii bohciidahte sin váimmuin mangálagan čiekŋalet dovddu, muhto sii dušše geahččalit deavdit kristtalaš eallima geatnegasvuođaid dainna jáhkuin, ahte Ipmil sis dan gáibida albmáibeassama haddin. Dakkár kristtalašvuohta ii leat mange veara. Go Kristus eallá váimmus, de sielu dievva lea su ráhkisvuohta ja su oktavuođá illu nu olu, ahte dat su eahccá ja sutnje geahčadettiin olmmoš vajáldahttá iežas. Ráhkisvuohta Kristusii šaddá olbmo daguid vuolggaheaddjin. Dat, geat leat dovddiidan Kristusa ávžžuheaddji ráhkisvuođa, eai jeara, man uheánaš váivviin sii sáhtášedje deavdit Ipmila gáibádusaid; eai sii oza vuolimus dási, muhto sii geahččalit beassat dievaslaš oktavuhtii Beastiset dáhtuin. Duohta háluin sii guđđet boat ja čajehit beroštumi, mii lea sin ulbmila árvosaš. Kristusa dovddasteapmi almmá dákkár čiekŋalis ráhkisvuođa baga lea dušše joavdelas sáhka, lossa šlávavuohta ja dušše dábi mielde doaibman.

Orrugo du mielas, ahte lea menddo stuorra oaffar guođđit boat Kristusii? Jeara alddát: "Maid Kristus lea munnje addán?" Ipmila Bárdni attii visot heakkas, ráhkisvuođas ja gillámušas - min lonástussan. Leago oppa vejolašge, ahte mii, guđet leat dohkketmeahttumat su stuorra ráhkisvuoda oažžut, sáhttit doalahit váimmuideamet sus eret? Eallima juohke bottus mii leat leamaš osolaččat su árpmu buressivdnádusaide, ja aiddo danne mii eat sáhtege dievasiaččat áddet, man čiekŋalis diehtemeahttunvuođas ja vártnuhisvuođas mii leat bestojuvvon. Sáhttitgo mii geahččat sutnje, gean min suttut leat čađarehtten, ja liikka badjelgeahččat su ráhkisvuođa ja oaffara? Go mii jurddašit hearvásvuođa Hearrá cealkemeahttun vuollegašvuoda, de sáhttitgo mii vaidalit dan, ahte dušše soahtama ja iehčamet biehtta leami bokte sáhttit eallima oažžut?

Máŋgga čeavlás váibmui badjána gažaldat: "Man ,Ivas mon galggan gáhtat ja vuolidit iežan ovdal go sáhtán leat vissis das, ahte Ipmil lea mu vuostáiváldán?" Geahča Kristusa! Son lei sivaheapmi, ja velá anet, son lei almmiriikka árbejeaddji, muhto olbmuid dihtii son suttolažžan lohkkojuvvui jorralan sohkagotti ovddas. Son "lohkkojuvvui bahádahkkiid searvái, ja son guttii eatnagiid suttuid, ja son rohkadatai bahádahkkiid beales" (Jes. 53. 12).

Muhto mas mii luohpat dalle go mii luohpadit buot? Suttus duolvan váimmu, maid Jesus galgá bassat ja buhtisit varainis ja beastit su cealkemeahttun ráhkisvuođastis. Ja dattetge olbmuid mielas orru lossat go sii galget boat luohpadit! Mun heahpanan go gulan ovttage dan dadjamin ja heahpanan dan čallimis.

Ipmil ii gáibit min luohpat mastege, maid son diehtá midjiide ávkkálažžan. Buot daguinis son jurddaša mánáidis ávkki. Vareba buohkat, geat eai leat válljen Kristusa, áddešedje, ahte son fáluha sidjiide juoidá, mii lea olu buoret go maid sii ieža leat oppa ohcaminge. Olmmoš dahká sillosis stuorra vahága ja vearrivuođa dainna go son jurddaša ja doaibmá Ipmila dáhtu vuostái. Ii mihkkege duohta iluid leat gávdnamis dan bálgá alde, man Ipmil lea gieldán, son gii diehtá, mii lea buoremus, ja gii sivdnádusmdis buori doaimmaha. Lágarihkkuma geaidnu lea vártnuhisvuođa ja heavvaneami geaidnu.

Lea boastto jurdda, ahte Ipmil liiko oaidnit mánáidis gillámin. Oppa albmi berošta olbmo lihkus. Min almmálaš áhččámet ii buođo illuádjagiid ovttage sivdnádusastis. Son gáibida min vealtat dakkáraš náddašuvmiid, mat min vahágahtášedje ja maid dihtii mii šattašeimmet beahttašuvvat ja mat govččašedje min ovddas ávu ja almml uvssaid. Máilmmi lonisteaddji vuostáiváldá olbmuid dakkárin go sii leat, buot dárbbuideasetguin, vádjitvuođaiguin ja headjuvuođaiguin; iige son áiggo dušše varainis buhtistit suttus ja addit lonástusa, muhto son háliida duhtadit váimmuháliidusa buohkain, guđet su noađi badjelasaset váldet. Su ulbmilin lea addit ráfi ja vuoiŋŋadusa buohkaide, geat su lusa bohtet oažžun várás eallima láibbi. Son gáibida min deavdit dušše dakkáraš geatnegasvuođaid, mat dolvot min vádjolusa ávdugasvuođa alážiidda, maid eahpegulolaččat eai goassege juvssa. Sielu duohta eallin ja illu lea oamastit alddámet Jesusa, hearvásvuođa doaivvu.

Ollugat jerret: "Mo mun galggan meannudit vai sáhtán ležan addit Ipmilii?" Don háliidat addit iežat sutnje, muhto du dáhtunávccat leat njuolvvit, don leat eahpádusas ja hárjáneapmi suttolaš eallimii hehtte, du. Du lohpádusat ja mearrádusat leat dego sáttobáttit. Don it sáhte hálddašit it jurdagiiddát, it álgumušaldat, it dovdduidat. Diehtu das, ahte leat rihkkon lohpádusaidat ja mearrádusaidat, ciehpá dus luohttámuša iežat rehálašvuhtii ja bidjá du dovdat, ahte Ipmil ii sáhte dohkkehit du; muhto it don dárbbaš eahpidit. Don galggat dušše ipmirdit dáhtu duođalaš fámu. Dáhttu lea olbmo luonddu ráđđejeadji fápmu, fápmu mearridit ja válljet. Buot čuožžu das, mo dáhttu doaibmá. Ipmil lea addán olbmui válljennávccaid, ja olmmoš ferre daid geavahit. Váimmot don it sáhte nuppástuhttit, itge don iešalddát sáhte eahcdgoahtit lpmila, muhto don sábrát válljet su bálvališgoahtit. Don sábrát sutnje dáhtot addit; son de duddjo dus dáhtu nu ahte du dágut leat sutnje buorredohkálaččat. Nu du olles luondu šaddá Kristusa vuoiŋŋa ráđđejumi vuollái; du dovddut jorret su birra ja du jurdagat dávistit sutnje.

Buorrevuođa ja bassivuođa áibbašupmi leat gal buorit áiggisteaset, muhto jus don dasa orustat, de eai dat ávkkut maidege. Ollugat mannet heavahussii, vaikko doivot ja sávvet iežaset kristtalažžan šaddat. Eai sii joavdda dan muddui, ahte dáhtuset attášedje Ipmilii. Eai sii vállje kristtalažžan šaddat dál.

Dáhtu rivttes geavaheapmi sáhttá nuppástuhttit oppalohkái min eamilla. Guhte dáhtus addá Kristusii, de son ovttastahttojuvvo dakkár fámuin, mii lea gievrrat buot válddiid ja fámuid. Dalle olmmoš oažžu itllatvuođa fámu bissut nanusin, ja go son álelassii addá iežas Ipmilii, de son sáhttigoahtá eallit ođđa eallima, namalassii oskku eallima.