Kristtalaš eallin

Ipmilis vuolgá máilmmiviidodagas buot eallin, čuovga ja illu. Nu mo čuovga suotnjarastá beaivvážis ja čáhci golggiida duoldi ádjagis, nu buressivdnádus vuolgá sus buot su sivdnádusaide. Ja gos ihkinassii Ipmila eallin leažžá olbmuid váimmuin, doppe dat golgá earáide ráhkisvuohtan ja buressivdnádussan.

Beasti gávnnai ilu, go son beasai bajidit ja beastit jorralan olbmuid. Dan dihtii son ii atnán heakkasge divrrasin, muhto báicca heahpadis beroškeahttái gillái jápmima ruossa alde. Nu eŋgelatge leat álelassii rahčamin earáid lihku ovdii. Dat lea sidjiide illun. Suttuhis eŋgelat dahket daguid, maid iešráhkis siellu anášii vuolleárvosaš bálvalussan, namalassii veahkehit fuonibuid, sin, geain lea juohke dáfos heajos árvu ja luondu. Kristusa iešoaffarušši ráhkisvuođa vuoigŋa ráđđe almmis ja lean dan ávdugasvuođa vuođđu. Dát vuoigŋa lea maiddái Kristusa maŋisboahttiin, ja dan sin dagut galget čuovvut.

Go Kristusa ráhkisvuohta deavdá váimmu, de dan hearvás njálgodaga ii sáhte čiehkat. Buohkat, geat bohtet dan lahkosiidda, šaddet dovdat dan bassi váikkuhusa. Váimmus orru Kristusa vuoigŋa lea dego sáttomeahcis golgi čáhceája, mii golgá buohkaide áhpásmahttojupmin ja mas datge, geat leat aiddo duššamin, mielasteaset juhket eallima čázi.

Ráhkisvuohta Jesusii dovdo háliidussan váikkuhit seamma láhkái go son olmmošsohkagotti buressivdnádussan ja arvvosmahttojupmin váikkuha. Das čuovvu ráhkisvuohta, láđisvuohta ja buorrevuohta buot sivdnádusaide, main min almmálaš Áhččámet fuolaha.

Beasti eallin dáppe eatnama alde ii lean álki iige iešbuorre, muhto son barggai váibameahttun movttain ja ealjárvuođain heavvanan olmmošsohkagotti bestojumi ovdii. Kruppa rájes gitta Golgatai son vádjolii iešbiehttaleami bálgá iige son geahččalan beasadit váttis doaimmain, váivválaš johtolagain dahje lossa fuolain ja bargguin. Son celkkii: "Olbmo bárdni ii leat boahtán bálvaluvvot, muhto bálvaht ja addit heakkas lonástussan eatnagiid ovddas" (Matt. 20: 28). Dát lei su eallima stuorra bargu. Buot eará mearkkašii sutnje uhcit. Su borramuš ja juhkamuš lei čuovvut Ipmila dáhtu ja ollašuhttit doaimmas. Su iežas ávkkis ja áigumusain ii lean mihkkege sajiid su doaimmain.

Nu siige, geat leat saddan oasálažžan Kristusa árbmui, leat válbmašat oaffaruššat maid ihkinassii, vai earátge, geaid beales son jámii, sáhtášedje šaddat oasálažžan almmálaš oaffarii. Sii háliidit dahkat buot maid nagadežžet, vai máilbmi šattašii buorebun danne go sii ieža das ellet. Dákkár vuoigŋa lea sihkkaris mearka das, ahte siellu duođaid lea dahkan jorgalusa. Illá lea olmmoš joavdan Kristusa lusa, go su váimmus buollá miella muitalit earáide, makkár divrras ustiba son lea gávdnan Jesusis. Dán beasti ja bassindahkki duohtavuođa son ii sáhle čiehkat váibmosis. Jus mii leat gárvodan Kristusa vánhurskkisvuođain ja jus su Vuoigŋa deavdá min iluin, mii eat sáhte orrut jávohaga. Jus mii leat beassan dovdat ja diehtlt, ahte Hearrá lea buorre, de mis lea juoga muitaleamošin. Dego Filip, dalle go son gávnnai Beasti, maiddái mii dáhttut bovdet earáid su lusa. Mii viggat čajehit earáide Kristusa fámu ja boahttevaš, oaidnemahttun máilmmi duohtavuođa. Dalle midjiide šaddá gaffa hállu čuovvut Jesusa luottaid. Váimmusteamet mii háliidišgoahtit, ahte maiddái min birasolbmot oainnasedje "dan Ipmila lábbá, guhte máilmmi suttu guoddá" (Joh. 1: 29).

Min viggamuš leat buressivdnádussan earáide addá buressivdnádusa midjiide alcceseamet. Dát lei Ipmila ulbmilin dalle go son attii midjiide doaimma iežas beastináigumuša ollašuhttinbarggus. Son lea addán olbmuide ovdavuoigatvuođa leat oasálažžan su ipmillaš lundui ja de vuorusteaset juohkit lagamuččaidasaset buressivdnádusaid. Dát lea alimus gudni ja stuorimus illu, man Ipmil sáhttá addit olbmui. Dat, geat dan láhkái váldet oasi ráhkisvuođa bálvalussii, šaddet Sivdnideaddjiset lagamussii.

Ipmil livččii sáhttán addit evangeliuma sárdnideami ja buot ráhkisvuođa daguid ollašuhttima bargun almmi eŋgeliidda. Son livččii sáhttán geavahit earágelágán vugiid ulbmiliiddis ollašuhttimis. Muhto nohkameahttun ráhkisvuođastis son válljii min mielbargin sihke alccesis, Kristusii ja eŋgeliidda, nu ahte mii sáhtášeimmet leat oasálažžan dan buressivdnádusas, ilus ja vuoiŋŋalaš ovdáneamis, mii čuovvu earáid buorrin dahkkon bálvalusain.

Mii šaddat Kristusiin váimmolaš oktavuhtii dainna go mii váldit oasi su gillámušaide. Juohke oaffaruššandahku earáid buorrin nanosmahttá olbmo váimmus háliidusa dahkat buori ja buktá su lagat oktavuhtii máilmmi lonisteaddjiin, gii "din dihtii šattai váivvášin, vaikko lei rikkis, vai dii su váivvásvuođa bokte šattašeiddet rikkisin" (Paulus 2. Kor. 8: 9). Ja dušše dalle go mii ollašuhttit sivdnideami almmálaš ulbmila, eallin sáhttá leat midjiide buressivdnádussan.

Jus don barggat nu mo Jesus dáhttu su máhttájeaddjidis bargat, ja vuoittát sutnje sieluid, de don dovdagoađát dárbbu dovddiidit čiekŋaleappot vuoiŋŋalaš áššiiguin ja diehtit daid birra eanet. Ja de don goikkat ja dovddat háliidusa su vánhurskkisvuhtii. Don rohkadalat Ipmila, ja du osku nanosma, ja du siellu juhká ain dievvaseappot bestojumi ádjagis. Vuostehágu ja geahččalusaid deaividettiinat don dorvvastat Ipmila sátnái ja rohkosiidda. Don ovdánat árpmus ja Kristusa dovdamis ja oaččut rikkis dovddiidusaid.

Vuoigŋa vuhtto earáid ovddas dahkkon bargun ja dat addá olbmo lundui čieŋalvuođa, nanusvuođa ja Kristusa láđisvuođa ja olbmui alccesis ráfi ja lihku. Olbmo doaivagat ožžot alit dási. Gehppesmielalašvuhtii dahje iešráhkisvuhtii ii leat dilli. Dat, geat dainna lágiin hárjehallet kristtalaš dábiid, ovdánit ja givrot bargat Ipmila bargguid. Sis lea čielga vuoiŋŋalaš čuovga, nana, ovdáneaddji osku ja sin rohkosiid fápmu stuorru. Ipmila Vuoigŋa, mii váikkuha sin siste, buktá sillui bassi oktavuođa ipmillaš guoskkahusa bokte. Váibmoláđis barggut earáid buorrin vissásit ovddidit maid olbmo iežas bestojumi.

Áidna vejolašvuohta ovdánit árpmus lea, ahte mii iehčamet ávkái geahčakeahttái doaimmahit aiddo dan barggu, man Kristus lea midjiide addán – bargat návccaideamet mielde daid buorrin ja buressivdnádussan, geat min veahki leat dárbbašeamen. Návccat ovdánit hárjehaladettiin; ealjáruššan lea eallima vuođđoeaktu. Sii, geat geahččalit doalahit kristtalaš eallima vuostáiváldimiin Ipmila árpmu sivdnádusaid barggakeahttá ieža maidege Kristusa buorrin, leat viggamin borrat barggakeahttái. Sihke vuoiŋŋalas ja beaivválaš eallimis dakkár meannudeapmi njuolvuda ja návččahuhttá olbmo. Jus olmmoš biehttala geavaheames buot lahtuidis, de maŋážassii sus ii leat šat oppa féipmuge dasa. Seamma láhkái kristtalaš olmmoš, jus son ii háliid geavahit Ipmila addin návccaid, ii sáhre šaddat Kristusis, muhto massá velá daidge návccaid, mat sus ledje.

Kristtalaš searvegoddi lea Ipmila addin gaskaoapmi olbmo bestojupmin. Dan mearrin lea viiddidit evangeliuma máilbmái. Dat geatnegahttá buot kristtalaččaid. Buohkat berrejit návccaideaset ja dilálašvuođaideaset mielde ollašuhttit Beasti addin doaimma. Midjiide almmuhuvvon Kristusa ráhkisvuohta dahká min velggolažžan buohkaide, geat eai vel dovdda su. Ipmil lea addán midjiide čuovgga, ii dušše min iehčamet, muhto maiddái earáid várás.

Jus Kristusa maŋisboahttit ipmirdivčče geatnegasvuođaset, de doppe gos báhkinriikkain dál lea dušše okta sárdnideamen evangeliuma, livčče evangeliumsárdnideaddjit duháhiid mielde. Ja buohkat, geat ieža eai sáhte váldit oasi bargui, liikkáge dorjjošedje dan váriideasetguin, miehtemielalašvuođain ja rohkadallamiin. Ja kristtalaš riikkainge šattašii áŋgireappot bargojuvvot sieluid bestojumi ovdii.

Eat mii dárbbaš mannat báhkmrnkn, eat mii dárbbaš oppa gáržžes ruovttubirrasage guođđit, jus mii galgat leat doppe ollašuhttimin Kristusa barggu. Mii sáhttit váikkuhit ruovttuineamet, searvegottlsteamet, oahppásiid searvvis ja gávppálaš oktavuođain.

Min Beastámet golahii stuorimus oasi eatnanlaš eallenagistis barggadettiinis viššalit snihkkárin Nasaret gávpogis. Bálvaleaddji eŋgelat čuvvo ealhma Hearra, go son dovdameahttumin ja vuollegažžan vádjolii dáloniid ja bargoolbmuid gaskkas. Son doaimmahii barggus seammá oskkáldasat lei dal iežas vuollegis fidnus dahje buorideamen buohcciid dahje vázzimin Galilea meara suillodeaddji báruid alde. Seamma láhkái miige sáhttit eallima buot dábálaččamus geatnegasvuođain ja vuolimus doaimmain vádjolit ja vaikkuhit ovttas Jesusiin.

Apostal cealká: "Dan dili siste, vieljažiiddán, man siste iešguhtege lea gohččojuvvon, dan siste orros son Ipmila luhtte" (Paulus 1. Kor. 7: 24). Fitnodatdoaibmi sáhttá jođihit fitnodagas nu, ahte son gudnejahttá Ipmila oskkáldasvuođainis. Jus son duođald lea Kristusa maŋisboahtti, de son cáhká oskkus buot daguidasas ja čájeha olbmuide Kristusa Vuoiŋŋa. Giehtaduojár sáhttá leat viššalis ja oskkáldas áirrasin su ovddas, guhte Galilea váriin doaimmai eallima hálbbimus bargguin. Juohkehaš, guhte dovddasta Kristusa nama, galggašii eallit nu, ahte earát su buriid bargguid oainnedettiineaset suhččošedje gudnejahttit Sivdnideaddjiset ja Lonisteaddjiset.

Ollugat, geat eai háliid geavahit attáldagaideaset Kristusa bálvalusas, bealuštit iežaset dainna, ahte earáin leat mahká eambbo návccat ja buoret dilli. Dakkáraš jurdda lea ráđđen, ahte dušše dat, geain leat earenoamáš attáldagat, galget basuhit daid Ipmila bálvalussii. Ollugat leat dan jáhkus, ahte attáldagat leat addojuvvon dušše muhtun dihto luohkkái, eaige ollege earáide, geat dađi lági mielde eai leat bovdejuvvon oašalažžan bargui eaige bálkkašumiide. Muhto veardádusas ii gai nie daddjojuvvo. Go dáluisit gohčui bálvaleaddjiidis čoahkkái, de son attii iešguhtiige doaimma.

Jus mis lea ráhkisvuođa vuoigŋa, de mii sáhttit doaimmahit eallima vuolimusge bargguid "nugo Hearrá ovddas" (Paulus Kol. 3: 23). Jus váimmus lea ráhkisvuohta Ipmilii, de dat oidno eallimis. Kristusa njálgga hádja birastahttá min, ja min váikkuhus lea earáide buressivdnádussan ja ovdáneapmin.

Don it galgga vuordit earenoamáš dilálašvuođaid dahje stuorra návccaid ovdalgo don manat Ipmila bargui. Ale maiddáige beroš das, maid máilbmi du birra jurddašeaš. Jus du beaivválaš eallin duođašta du oskku buhtisin ja vánhurskkisin ja earrásat dihtet vissásit, ahte don geahččalat leat sidjiide buressivdnádussan, de dalle du rahčamat eai leat mannan duššás.

Kristusa máhttájeaddjiin buot fuonimusat ja váivvášepmosat sáhttet leat buressivdnádussan earáide. Sii ieža eai soaitte oppa fuomášitge iežaset leat dahkamin maidege namahahtti buriid, muhto iežaset dieđekeahttái sii sáhttet bidjat johtui buressivdnádusa báruid, mat viidánit ja sturrot, eaige sii šalta diehtit daguideaset buressivdniduvvon váikkuhusaid ovdalgo maŋimuš bálkábeaivve. Sin mielas ii oro, dahje sii eai dieđe, ahte sii leat dahkamin maidege stuorráid. Sii eai dárbbaš váibadit iežaideaset atnimiin fuola lihkostuvvamis. Sii dušše berrejit mannat jaska ovddos ja bargat oskkáldasat dan barggu, maid Ipmil lea sidjiide sállen; dalle sii eai leat eallán duššás. Sin sielut ovdánit ain eambo Kristusa láhkásažžan; dán eallimis sii leat Ipmila mielbargit ja dákko bokte šaddet dohkálažžan alit doibmii ja boahttevaš eallima dievaslaš illui.